前 文 再續 啊 書 接上 一回 啊 。
話 説 矮 肥 佬 一手 撳住 韋小寶 個 大椎穴 ， 只要 掌力一 吐 呢 ， 韋小寶 個 心脈 即時 震斷 。
肥 頭陀 同 陸高軒 同時 叫 ： 唔 好 啊 ！
叫聲 未停 ， 瘦頭陀 身上 ， 已經 同時 多 咗 三隻 手掌 嘞 。
老 乞 衣 嘅 手掌 撳住 佢 頭頂 百會穴 ， 李西華 嘅 手掌 撳住 佢 後腦 嘅 玉 枕 穴 ， 嗰 個 農夫 嘅 手掌 呢 ， 就 撳住 佢 塊 面 噃， 食指 中指 分別 撳住 佢 眼皮 。
百 會 、 玉枕 兩個 穴 ， 都 係 人身 要 穴 ， 而 嗰 個 農夫 兩隻 手指 呢 ， 稍 為 一 用力 ， 就 會 挖出 佢 嘅 眼珠 嘞 。
嗰 個 瘦頭陀 啊 實在 生 得 太矮 ， 比起 韋小寶 仲矮 半個 頭 ， 所以 三個 人 同時 出手 呢 ， 都 搵 佢 嗰 個 圓 沊沊 嘅 頭殼 落 手 嘅 ， 因為 胸 背要 穴 啊 都 撳 唔 到 嘅 。
肥 頭陀 同 陸高軒 見 三個 人一 伸手 ， 就 知道 都 係 武學 高手 嘞 。
三個 人 如果 同時 使力 啊 ， 恐怕 即時 就將 瘦頭陀 一個 圓 沊沊 嘅 頭殼 搞 到 融融 爛爛 ， 所以 一齊 又 叫 ： 唔 好 啊 ！
老 乞 衣話 ： 矮肥 佬 ， 快 啲 放開手 ！
瘦頭陀 話 ： 佢 畀 解藥 我 ， 我 就 放手 。
你 唔 放手 ， 我要 發力 喇 。
橫 掂 係 死 ， 噉 咪 同歸於盡 。
突然 之間 ， 肥 頭陀 嘅 右掌 已經 撳住 老 乞 衣小掩 ， 陸高軒 一掌 就 撳住 李西華 後頸 。
肥陸 兩個 人 企得 好 近 ， 身上 着 嘅 係 驍騎 營 軍士 服飾 。
老 乞 衣同 李西華 雖然 喺 佢 兩個 人 嘅 語氣 之中 啊 ， 知道 佢 哋 同 瘦頭陀 係 相識 嘅 。
不過 冇 估到 呢 兩個 人 ， 竟然 武功 係 咁 高強 嘅 ， 一招 之間 ， 就 畀 佢 哋 制 住 嘞 。
肥陸 兩個 人 同時 話 ： 大家 都 放手 啦 。
嗰 個 農夫 突然 間 喺 瘦頭陀 塊 面處 撤開 手掌 ， 雙手 分別 撳住 肥陸 兩個 人 嘅 後 心 ， 佢 話 ：
仲 係 你 哋 兩位 放手 先 。
李西華 笑 喇 ： 哈哈哈 哈哈 ， 真 係 好笑 ， 有趣 ， 有趣 啊 。
一撤 手掌 ， 快如閃電 啊 ， 一縮 一吐 ， 已經 撳住 嗰 個 農夫 頭頂 嘞 。
噉 樣 一 嚟 ， 韋小寶 、 瘦頭陀 、 李西華 、 陸高軒 、 肥 頭陀 、 農夫 、 老 乞衣 七個 人 ， 連環 受制 ， 每個 人 嘅 身上 嘅 要害 ， 都 處於 第二個 人 嘅 手掌 之下 。
霎時之間 ， 七個 人 就 好似 泥塑木雕 一樣 ， 邊個 都 唔 敢 逳 一下 ， 噉 其中 呢 ， 只有 韋小寶 係 受制於人 ， 而 唔 能夠 制 住 人 嘅 。
至於 制 住 自己 要害 嘅 人 ， 到底 係 咩 嘢 來頭 呢 ？ 亦 只有 韋小寶 知道 ， 其餘 六個 人 呢 ， 都 係 莫名其妙 嘅 。
韋小寶 叫 一聲 ： 張康年 。
呢 陣時 賭場 裏 便 ， 除 咗 縮 喺 角落 頭 嗰 幾名 夥記 呢 ， 只 係 張康年 一個 人 冇 事唧 。
佢 應 咗 一聲 ： 喳 ！
就 拔出 腰刀 嘞 。
瘦頭陀 話 ： 狗 侍 衞 ， 你 有種 就過 嚟 。
張康年 舉起 腰刀 ， 但 係 又 怕 呢 個 矮肥 佬 打死 韋小寶 啊 ， 竟然 唔 敢 行前 一步 。
韋小寶 啊 覺得 生平 嘅 遭遇 最奇 就 係 呢 次 喇 ， 佢 大叫 話 ： 過癮 啊 ， 過癮 啊 ！
矮肥 佬 ，嗱， 你 一掌 殺 咗 我 唔 緊要 噃， 你 自己 死 咗 呢 亦 唔 緊要 ， 不過 呢 個 豹 胎易 筋 丸 嘅 解藥 ， 你 就 一 世人 都 攞 唔 到 嘞 。
你 嗰 個 契 家 婆 呢 ， 全身 一 嚿嚿 肉 都 要 爛 到 甩 落 嚟 ， 先不先 呢 爛成 個 光頭 咯 噃， 然後 呢 。
瘦頭陀 喝 佢 話 ： 唔 准再講 ！
嘿嘿 嘿嘿嘿 嘿嘿 嘿嘿 嘿嘿 ， 佢 塊 面 啊 ， 再爛出 一個個 窿 。
正話 講到 呢 處 ， 大廳 門口 人 話 ： 喺 呢 處 啊 。
又 有 一個 人 話 ： 都 捉起 嚟 。
噉 眾人 一齊 擰 轉頭 望下 大門口 ， 突然 見到 白光閃 動 ， 有 個人 手執 長劍 ， 繞住 眾人轉 咗 個 圈 。
噉 眾人 背心 、 小掩 、 條腰 、 膊 頭 各處 要 穴 ， 輕輕 一麻 ， 已經 畀 人 點中 咗 穴道 ， 霎時之間 ， 一個個 都 軟 顂顂 跌 咗 喺 地 嘞 。
只見 大廳 門口 有 三個 人 企響 處 ， 韋小寶 好 歡喜 噉 叫 ： 阿珂 ， 你 都 嚟 。
講到 呢 個 嚟 字 佢 心頭 一沉 ， 即刻 收口 嘞 ， 因為 見到 佢 旁邊 企住 兩個 人 。
左便 ， 係 李自成 ， 右 便 ， 係 嗰 個 佢 生平 最 討厭 嘅 鄭克 塽 。
東便 一個 人 已經 將 長劍 插入 劍鞘 ， 雙手 叉腰 微微 冷笑 ， 呢 個 ， 係 一劍 無血 馮錫范 啊 。
因為 瘦頭陀 、 老 乞衣 、 李西華 、 肥 頭陀 、 陸高軒 、 農夫 等 六名 好手 啊 互相 牽制 ， 你 亦 唔 敢 逳 時 佢 亦 唔 敢 逳。
噉 啊 突然 間 又 嚟 咗 一個 高手 ， 毫不費力 ， 就 將眾 人 全部 點倒 ， 連 張康年 亦 中 咗 一劍 。
瘦頭陀 坐 咗 喺 地下 ， 好 嬲 噉 話 ：
豈有此理 ， 竟 敢點 咗 老子 嘅 陽關 穴 、 神堂 穴 咁 大膽 ！
馮錫范 冷笑 話 ： 嘿嘿 ， 你 武功 好 唔 錯 噃， 居然 知道 畀 人點 咗 乜嘢 穴道 。
快 啲 解開 老子 穴道 ， 我同 你 鬥一鬥 ， 噉 樣 偷襲 暗算 ， 唔 係 英雄好漢 ！
你 係 英雄好漢 啊 。
癱 喺 地下 逳 都 唔 逳 得 嘅 英雄好漢 。
老子 係 坐 喺 地下 ， 唔 係 癱 喺 地下 ， 你 冇 生 眼 嘅 咩 ？
馮錫 范用 腳 喺 佢 膊 頭 輕輕 一撥 ， 噉 啊 瘦頭陀 仰面朝天 跌 喺 處 。
但 係 個 𦣇 柚 嘅 肥肉 啊 特別 多 啊 ， 係 全身 重量 最 集中 嘅 地方 ， 跌倒 之後 ， 雖然 佢 使 唔 出力 啊 ， 但 係 自然而然 噉 又 坐 翻 起身 嘞 。
鄭克 塽 哈哈大笑 佢 話 ： 珂 妹 ， 你 睇 下 ， 呢 個 不倒翁 好 唔 好玩 啊 ？
阿珂 微笑 話 ： 好 古怪 啊 。
鄭克 塽 話 ： 你 要 搵 呢 個 衰仔 報仇 ， 今日 終於 得償 所 願 嘞 。
我 哋 係 捉 佢 返 去 慢慢 治 佢 呢 ， 定 係 喺 呢 處 一劍 殺 咗 佢 算 喇 ？
韋小寶 大吃一驚 嘞 ， 佢 諗 ：
衰仔 兩個 字 即 係 鬧 我 啫 ， 唔 通阿珂 要 搵 我 嚟 報仇 ？ 不過 我 冇 得罪 佢 啊 。
只見 阿珂 咬牙切齒 噉 話 ： 呢 個人 ， 我 睇 多 一眼 都 激氣 啊 ， 一劍 殺 咗 佢 算 喇 。
講完 ， 嚓 一聲 ， 拔劍 出鞘 行到 韋小寶 面前 。
瘦頭陀 、 肥 頭陀 、 陸高軒 、 老 乞衣 、 李西華 、 張康年 六個 人 一齊 叫 ： 唔 殺 得 佢 㗎 ！
韋小寶 話 ： 師姐 ， 我 冇 。
我 已經 唔 係 你 師姐 喇 ， 你 總 係 想法子 嚟 害 我 ， 羞辱 我 。
阿珂 舉起 把 劍 ， 向 佢 心口 刺落 去 。
眾人 齊聲 驚叫 ， 哈 ， 只見 長劍 反彈 而出 ， 原來 韋小寶 身上 着 住件 護身 寶衣 ， 呢 一劍 係 刺 唔 入 去 。
鄭克 塽 話 ： 刺 佢 雙眼 。
阿珂話 ： 冇 錯 。
舉起 把 劍 又 刺 過去 。
說時遲那時快 啊 ， 突然 有 個人 喺 角落 頭飆 出 嚟 ， 撲 喺 韋小寶 身上 ， 噉 呢 一劍 呢 ， 刺中 嗰 個人 嘅 膊 頭 。
嗰 個人 抱住 韋小寶 一轆 ， 縮 喺 屋角 ， 噉 佢 隨手 拔出 韋小寶 身邊 嘅 匕首 ， 揸 喺 手裏 便 。
呢 個人 着 嘅 亦 係 驍騎 營 軍士 嘅 服飾 ， 身手 敏捷 ， 身材 矮細 ， 塊面 呢 黐 滿 晒 污泥 ， 睇 唔 清 佢 個 樣 嘅 。
大家 見 佢 甘願 替 韋小寶 擋 咗 一劍 ， 都 諗 ： 呢 個人 好 忠心 啊 。
馮錫范 拔出 長劍 慢慢 行 過去 ， 突然 長劍 一抖 ， 變 咗 幾十 朵 劍 花 。
忽然間 聽見 叮 一聲 ， 馮錫范 手上 嘅 長劍 斷 成 兩 橛 ， 嗰 個 驍騎 營 軍士 嘅 膊 頭 血流如注 啊 。
原來 佢 用 韋小寶 嘅 匕首 削斷 咗 對方 手上 嘅 長劍 ， 如果 唔 係 匕首 鋒利 無比 啊 ， 佢 早就 冇 命 嘞 。
噉 加 埋 先頭 阿 珂 嗰 一劍 呢 ， 佢 膊 頭 連 受 兩處 劍傷 。
馮錫范 黑 起塊面 ， 哼 咗 一聲 ， 將 斷劍 掟 喺 地下 ， 佢 一時 揸 唔 定 主意 ， 係 唔 係 要 另外 攞 過 把 劍 再 進行 攻擊 。
韋小寶 大叫 話 ： 哈哈 ， 一劍 無血 馮錫范 啦 ， 你將 我 手下 一個 兵仔 刺 到 流 咗 咁 多 血 ， 你 嘅 外號 啊 要 改一改 喇 ， 叫做 半劍 有血 馮錫范 就 啱 喇 。
嗰 個 驍騎 營 軍士 左手 揞 住膊頭 傷口 ， 右手 喺 韋小寶 心口 同 後 心 嘅 穴道 上 便 ， 一陣 推拿 ， 解開 咗 佢 被 封 嘅 穴道 。
肥瘦 兩 頭陀 、 陸高軒 、 李西華 等 人 ， 喺 互相 牽制 嘅 時候 啊 ， 突然 間 畀 人 哋 襲擊 ， 以致 中 咗 暗算 噉 啊 人人 個心 都 非常 不忿 嘅 ， 聽見 韋小寶 噉 樣講 都 哈哈大笑 。
嗰 個 老 乞 衣 大聲 話 ： 半劍 有血 馮錫范 ， 哈哈哈 ， 好 極好 極喇 。
天下 無恥之徒 ， 閣下 算 得 係 第二 喇 。
李西華 話 ： 佢 點解 算 第二 呢 ？ 真 係 要 請教 下 喇 。
老 乞 衣話 ： 比起 吳三桂 ， 呢 位 半劍 有 血 嘅 道行 似乎 爭一 啲 啲 。
眾人 齊聲 大笑 啊 。
李西華 話 ： 計我 睇 啊 ， 相差 亦 係 極之 有限 唧 。
馮錫范 對於 自己 嘅 武功 ， 向來 十分 自負 嘅 ， 聽到 眾人 噉 樣 恥笑 自己 ， 不禁 激到 全身 發抖 。
呢 個 時候 如果 再換 劍 去 攻擊 嗰 個 驍騎 營 軍士 ， 要 殺 咗 佢 呢 當然 係 易如反掌 嘅 ， 但 係 對於 自己 身份 啊 太過 唔 相稱 ， 就 向 嗰 個 軍士 睩 大 雙眼 話 ：
你 叫做 咩 嘢 名 啊 ？
今日 暫時 唔 攞 你 條 命 ， 下次 撞 到 我 ， 叫 你 死 得慘 不堪 言 啊 。
嗰 個 軍士 話 ： 我 ， 我 。 把 聲 非常 嬌嫩 。
韋小寶 一聽 真 係 又驚又喜 嘞 佢 話 ： 啊 ， 你 係 雙兒 ， 我 嘅 寶貝 好 雙兒 啊 。
用手 除 咗 佢 頭上 頂帽 ， 噉 啊 頭髮 散開 長長 噉 褸 落 嚟 。
韋小寶 用 左手 攬住 佢 條 腰 ， 就 話 ：
佢 係 我 個 妹 仔 唧 ， 半劍 有血 ， 連 我 嘅 妹 仔 都 打 唔 過 ， 仲認 咩 叻 吖 真 係 。
馮錫范 憤怒 到極 ， 左腳 一起 ， 乒乓 一聲 ， 將 大廳 嗰 張 賭枱 啊 踢 到 飛 起 。
連埋 枱 上 一大批 銀兩 、 元寶 ， 仲有 一個 瞓 喺 上 便 嘅 趙齊賢 ， 激飛 而 上 啊 撞 向 屋頂 。
啲 銀兩 啊 天九牌 四圍 咁 跌 翻落 嚟 ，𢱕 喺 瘦頭陀 等 人 嘅 頭上 身上 。
各人 都 紛紛 大罵 ， 馮錫范粒聲 唔 出 轉身 就 走 啊 。
噉 只見 大門 嗰 度 有 兩個 人 一 拍 噉 行入 嚟 ， 馮錫范 喝 一聲 ： 讓開 ！
跟 住 雙手 推出 。
嗰 兩個 人 各出 一掌 ， 同 佢 手掌 一頂 ， 噉 啊 三個 人 同時 哼 咗 一聲 。
嗰 兩個 人 倒退 幾步 ， 背脊 撞 喺 牆 上面 撞 得 好 重 。
馮錫范個 身體 呢 就搖 咗 一搖 ， 深深 吸一 啖 氣 ， 大踏步 行 咗 出去 嘞 。
嗰 兩個 人 啊 一聲 ， 同時 噴出 一大 啖 鮮血 ， 呢 兩個 人 ， 原來 係 風際中 同 玄貞道人 。
韋小寶 嗱嗱 聲 行 過去 ， 扶住 風際中 ， 問 玄貞道人 話 ： 道長 ， 唔 緊要 吖 嘛 ？
玄貞咳 咗 兩聲 佢 話 ： 唔 緊要 ， 韋 ， 韋大人 ， 你 冇 事 吖 嘛 ？
韋小寶 話 ： 冇 咩 事 。
擰 轉頭 向風際 中望 下 ， 風際中 只 係 岌一岌頭 勉強 笑 咗 一笑 。
佢 嘅 武功 就 高過 玄貞 好多 嘅 ， 但 係 先頭 對 掌 嘅 時候 ， 佢 所 接 嘅 係 馮 錫 范 嘅 右掌 ， 所 受 嘅 掌 力 強勁 得 多 ， 因此 受傷 呢 亦 重過 玄貞 。
李西華 話 ： 韋兄弟 ， 你 驍騎 營裏 便 嘅 能 人 真 係 唔 少 噃。
原來 風際中 同玄貞 兩個 人 啊 ， 着 嘅 亦 係 驍騎 營 軍士 嘅 服飾 。
韋小寶 話 ： 失禮 ， 失禮 。
呢 個 時候 ， 錢老本 、 徐天川 、 高彥超 三個 人 又 行 埋入 嚟 。
阿珂 睇 住 韋小寶 個 部屬 越 嚟 越 多 嘞 ， 噉 啊 向 李自成 同 鄭克 塽 打個 眼色 ， 就 想 走 人 嘞 。
李自成 行到 韋小寶 面前 ， 將支 禪杖 喺 地下 出力 一 戙， 大聲 話 ：
大丈夫 恩怨分明 ， 嗰 日 ， 你 師父 冇 殺 我 ， 今日 我 亦 放過 你 。
從今以後 ， 你 再 睇 我 個 女 一眼 ， 講 一句 説 話 ， 我將 你 𢱕 成 肉醬 。
韋小寶 話 ： 大丈夫 一言既出 噉 又 點樣 啊 ？
嗰 日 喺 三 聖 庵 ， 你 同 你 嗰 個 契 家 婆 陳圓圓 啊 ， 已經 將阿珂 許配 畀 我 做 老婆 㗎 喇 ， 吖 唔 通 噉 又 想賴 啊 ？
你 唔 准 我 睇 自己 老婆 一眼 ， 講 一句 説 話 喎 ， 天下 間 邊度 有 噉 樣 嘅 外父 大人 㗎 ？
阿珂 激到 滿面 通紅 啊 佢 話 ： 爹 ， 我 哋 走 咯 ， 唔 好 理 嗰 個 衰仔 亂 噏 無為 。
佢 ， 佢 狗嘴裏 頭長 唔 出 象牙 ， 有 咩 好 説 話 講 㗎 ？
韋小寶 話 ： 好 啊 好 啊 ， 你 終於 認 咗 佢 喇 ， 噉 父母之命 你 聽定 唔 聽 ？
李自成 好 嬲 啊 ， 舉起 禪杖 大聲 噉 喝 ： 小雜種 ， 你 仲 唔 收聲 ？
錢老本 同 徐天川 同時 跳 前去 ， 雙刀 一齊 向 李自成 後 心 就 斬 。
李自成 回過 禪杖 ， 噹 一聲 ， 格開 兩把 鋼刀 。
高彥超 拔刀 橫胸 ， 喺 韋小寶 前面 擋住 ， 佢 話 ：
李自成 ， 喺 昆明城 ， 你 父女 條命 係 邊個 救 㗎 ？ 忘恩負義 ， 真 唔 要面 啊 。
李自成 當年 橫行天下 ， 開國 稱帝 ， 舉世 冇 人 知 嘅 。
高彥超 一叫 出 佢 個 名 ， 老 乞衣 、 瘦頭陀 等 人 都 不禁 吃 咗 一驚 驚叫 起 嚟 。
李西華 大聲 話 ： 你 ， 你 就 係 李自成 啊 ？
你 居然 仲未 死 ？ 好好 好 ！
聲音 裏 便 充滿 憤激 之情 。
李自成 睇 咗 佢 一眼 ， 就 話 ： 點啊 ？ 你 係 邊個 ？
我 恨不得 食 你 嘅 肉 ， 寢 你 嘅 皮 。
我 以 為 你 早就 死 喇 ， 天 公有 眼 ， 好極 ， 好極 喇 ！
哼哼 哼 ， 老子 一生 殺人如麻 。
天下 唔 知有 幾十萬 、 幾百萬 人要 殺 我 報仇 ， 老子 唔 係 好 地 地 喺 度 咩 ？
你 想 報仇 啊 ， 未必 有 咁 容易 。
阿珂拉一 拉 佢 衫袖 低聲 話 ： 爹 ， 我 哋 走 咯 。
李自成 將 禪杖 喺 地下 一 戙， 轉身 出門 。
阿珂同 鄭克 塽 跟 住 出去 。
李西華 大叫 話 ： 李自成 ， 聽日 呢 個 時候 ， 我 喺 呢 度 等 你 ， 你 如果 係 英雄好漢 ， 就 嚟 同 我 單打獨鬥 ， 拼個 死活 ， 你 有 冇 膽吖 ？
李自成 回頭 望 咗 佢 一眼 ， 好 睇 唔 起 佢 噉 話 ：
老子 縱橫天下 嘅 時候 ， 你 都 未 出 娘胎 。
李某 係 唔 係 英雄好漢 ， 唔 使 閣下 定論 。
禪杖 一 戙， 行 咗 出去 嘞 。
眾人 都 覺得 佢 呢 幾句 説 話 好 有 道理 。
李自成 殺人如麻 ， 世上 啲 人 ， 毀多譽 少 ， 但 係 佢 係 個 敢作 敢 為 嘅 英雄好漢 ， 即使 係 對 佢 恨之入骨 嘅 人 呢 ， 都 好 難 否認 嘅 。
呢 陣 時 佢 年紀 已經 老喇 ， 不過 仍然 係 神威 凜凜 。
大家 畀 佢 眼光 一掃 ， 仍然 有 啲 怕怕 地 啊 。
韋小寶 又 鬧 佢 話 ： 死人頭 你 嘩 ， 你 明明 已經 將個 女 許配 咗 畀 我 做 老婆 喇 ， 啊 而家 又 嚟 抵賴 喎 ， 我 偏偏 話 你 係 屎蟲 ， 英雄 個 屁 ！
鬧 完 嘞 ， 見到 雙兒 撕開 塊 衣襟 ， 正在 包扎 膊 頭 嘅 傷口 ， 就 幫 佢 包扎 。
韋小寶 話 ： 雙兒 ， 你 幾時 嚟 㗎 ？
唉 好彩 你 咁 啱 嚟 救 咗 我 咋 ， 如果 唔 係 啊 ， 我 嗰 個 老婆 謀殺 親夫 ， 已經 㓤 盲 咗 我 雙眼 咯 。
雙兒 低聲 話 ： 唔 係 咁 啱 ， 我 一直 跟 住 相公 身邊 ， 不過 你 唔 知道 啫 嘛 。
係 咩 ？ 你 一直 喺 我 身邊 啊 ？ 噉 點會 呢 ？
忽然間 ， 瘦頭陀 大叫 話 ： 喂 ， 快 啲 將我 穴道 解開 ， 快 啲 攞 解藥 嚟 啦 嘛 。
否則 啊 ， 哼哼 ， 老子 即刻 𢱕 爆 你 嘅 人頭 。
大廳 啲 人忍 唔 住 哈哈大笑 。
韋小寶 嘅 部屬 不斷 噉 嚟 ， 而 呢 個 矮肥 佬 嘅 穴道 被 封 ，逳 都 唔 逳 得 ， 居然 仲 喺 度 恐嚇 韋小寶 喎 ， 所以 人人 都 覺得 好笑 。
瘦頭陀 好 嬲 噉 話 ： 笑笑 笑 你 哋 笑 咩 啊 ？ 有 咩 好笑 啊 ？
等陣 我 穴道 解 咗 ， 佢 如果 仲 係 唔 畀 解藥 我 ， 睇 下 𢱕 唔 𢱕 爆 佢 個頭 吖 嗱？
錢老本 攞 起 單刀 ， 笑 騎騎 噉 行 過去 ， 佢 話 ：
而家 我 如果 喺 你 頭殼 斬 鬼 佢 三刀 ， 老兄 嘅 人頭 開 唔 開花 呢 ？
瘦頭陀 好惡 噉 話 ： 噉 仲 使問 咩 ？ 梗 係 開花 啦 。
錢老本 笑 住 話 ： 趁 你 穴道 仲 未能 解開 ， 我將 你 𢱕 爆 咗 先 ， 免致 你 等 陣 穴道 解開 咗 ， 將我 主人 𢱕 爆 啊 。
眾人 一 聽 又 試笑 起 嚟 嘞 。
瘦頭陀 話 ： 我個 穴道 又 唔 係 你 點 嘅 ， 你將 我 𢱕 到 爆 ， 唔 算 英雄 ！
錢老本 話 ： 唔 算 咪 就 唔 算 囉 ， 我 本來 就 唔 係 英雄 。
講完 ， 舉起 把 刀 嘞 。
肥 頭陀 話 ： 韋 ， 韋大人 ， 我 師兄 無禮 冒犯 ， 請 你 原諒 ， 屬下 代為 賠罪 。
師兄 啊 ， 你 快 啲 賠罪 啦 ， 韋大人 亦 嘅 你 嘅 上司 ， 唔 通 你 唔 知 咩 ？
佢 條 頸 啊 唔 能夠 轉動 嘅 ， 所以 分別 對 韋小寶 同 瘦頭陀 講 説 話 ， 都 冇 法子 睇 住 人講 。
瘦頭陀 話 ： 佢 如果 畀 解藥 我 ， 咪 講話 賠罪 啊 ， 叩頭 都 可以 ， 同 佢 做牛做馬 都 可以 。
唔 畀 解藥 ， 就 將 佢 人頭 𢱕 爆 ！
韋小寶 諗 ： 嗰 個 老 舉 乸 有 咩 嘢 咁 好 唧 ？ 你 竟然 對 佢 咁 有情有義 ？
正 係 想 開口 ， 忽然 見到 嗰 個 農夫 雙手 一抖 ， 喺 人叢 裏 便 行出 嚟 佢 話 ： 各位 ， 兄弟 失陪 喇 。
眾人 都 吃 咗 一驚 啊 。
八個 人 畀 馮錫范 點中 要 穴 ， 除 咗 韋小寶 已經 由雙兒 推拿 解開 之外 呢 ， 其餘 嗰 七個 人 始終 都 唔 逳 得 嘅 。
嗰 個 馮 錫 范 內力 通過 劍尖 入穴 ， 極之 厲害 ， 武功 再 高 個人 啊 ， 亦 至少 有 一兩個 時辰 能夠 行動 嘅 。
呢 個 農夫 噉 樣 嘅 人 ， 十足 十個 鄉下 㩧 佬 。
雖然 佢 先頭 推牌 九個 時候 ， 撳 啲 牌 喺 枱面 ， 印 咗 牌 痕出 嚟 ， 已經 顯露出 一手 高深 嘅 內功 。
不過 喺 短短 一段時間 之內 ， 竟然 能夠 自己 解穴 ， 哈 確實 係 少見 嘞 。
只見 佢 跶 住 對 鞋 ， 踢 跶 踢 跶 噉 行 咗 出去 。
嗱 各位 ， 欲知 後事 如何 ， 且 聽 下回分解 。
