前 文 再續 啊 書 接上 一回 啊 。
話說 陳圓圓 繼續 噉 回憶 往事 。
就喺嗰個時候 ，忽然 李自成 出現 喺 我 面前 啊 。
佢 已經 做咗 和尚 。
我 嚇咗 一跳 。
我 以為 佢 早就 死咗 嘞 ，曾經 傷心過 好幾日 ，點知 佢 居然 仲 在生 。
李自成 話 佢 改着 和尚袍 ，只係 掩人耳目 啫 ，同時 ，亦 唔願意 剃頭 着 清朝 嘅 服飾 。
佢 話 呢 幾年嚟 ，日日 想念 我 ，喺 昆明 啊 ，已經 住咗 三年幾 ，總係 想 等 機會 見 我 一面 ，一直 等等等 到 今日 。
唉 佢 對 我 個 真情 ，比起 吳三桂 要 深得多 喇 。
佢 晚晚 都 嚟 陪 我 ，一直到 我 懷咗 孕 ，有 咗 呢個 女仔 。
我 就 唔 能夠 再見 佢 喇 ，要 即刻 返去 王府 住 。
我 同 王爺 話 ，我 非常之 想念 佢 ，要 陪伴 佢 。
王爺 對 佢 嘅 福晉 從來 都 冇 真心 喜歡過 嘅 ，於是 就 高高興興 噉 接 我 返去 啦 。
收尾 嗰個 蘇蝦 女 出世 嘞 ，亦 唔知 佢 有冇 疑心 呢 ？
呢個 蘇蝦 女 喺 兩 歲 幾 嗰 一年 ，半夜 忽然間 唔見 咗 。
我 雖然 唔捨得 ，不過 我 諗住 實係 李自成 派 人 嚟 偷咗 佢 走 。
呢個 係 佢 嘅 女 ，佢 要 ，噉 亦 好 。
佢 一個人 淒涼 寂寞 ，有 個 細佬哥 喺 身邊 陪住 佢 ，亦 免得 咁 孤苦伶仃 吖 。
點 知道 ， 唉 ， 點 知道 冚𠾴唥 都 唔 係 噉 嘅 。
突然之間 ，有 滴水 瀄落 陳圓圓 手背 ，佢 一睇 ，原來 係 一滴血 。
佢 吃咗 一驚嘞 ，睇下 打鬥 嗰 兩個 人 ，只見 吳三桂 滿面 鮮血 ，仲 喺度 舞 矛 惡鬥 。
呢一滴血 ，係 喺 佢 塊面 上 飛出嚟 嘅 。
禪房 外 便 嘅 官兵 大聲 吶喊 ，有人 仲 恐嚇 李自成 同 九難 ，但 恐怕 傷咗 王爺 啊 ，就 唔 敢 入嚟 助戰 。
吳三桂 不停咁 喘氣 ，眼神 有啲 怕嘞 。
忽然間 ，矛頭 一 歪 ，嗰 支 矛 向 陳圓圓 當空 刺過嚟 。
陳圓圓 驚叫 一 聲 ，頭腦 裏 便 閃過 一 個 念頭 ：佢 要 殺 我 。
咣 一 響 ，呢 一 矛 畀 李自成 格 開 咗 咯 。
吳三桂 似乎 發咗 癲噉 啊 ，長矛 急刺 ，一矛矛 都 刺向 陳圓圓 。
李自成 大聲 噉 鬧 佢 ，搏命 擋格 ，不過 噉一嚟 呢 ，就 冇法子 再 向 吳三桂 反擊 嘞 。
韋小寶 匿埋 喺 師父 後 便 覺得 好奇怪 啊 佢 諗 ：
大漢奸 點解 唔 刺 和尚 走去 刺 老婆 呢 ？
啊冇錯喇 ，佢 嬲 個 老婆 勾 和尚 ，要 殺咗 個 老婆 出氣 啊 。
九難 呢 早就 睇出 吳三桂 嘅 真實 意圖 。
呢個 壞蛋 真係 狡猾 ，佢 鬥 唔過 李自成 就 用 噉 嘅 毒計 。
果然 李自成 為咗 救 陳圓圓 ，搞到 心慌意亂 ，杖法 呢 ，即刻 露出 破綻 嘞 。
吳三桂 忽然 矛頭 一 偏 ，噗 一聲 ，刺 喺 李自成 膊頭 。
噉 李自成 右手 冇力 ，禪杖 甩手 。
吳三桂 趁勢 上前 ，矛尖 啊 指住 佢 心口 ，佢話 ：
逆賊 ，仲唔 跪低 投降 ？
李自成 話 ： 係 ， 係 。 雙腳 慢慢 跪倒 。
韋小寶 諗嘞 ：我 仲 以為 李自成 有 咩 了不起 喎 ，原來 亦 係 貪生 。
啱啱 諗到 呢處 唧 ，忽然 見到 李自成 一趢 ，避開咗 矛尖 ，跟住 搶翻 跌 喺 地下 嘅 禪杖 ，打橫 一掃 ，掃正 吳三桂 小腿 。
李自成 跳起身 ，一杖 就 擊中 吳三桂 膊頭 ，第三杖 ，直情 對正 佢 頭頂 擊打去 。
韋小寶 啊 唔 知道 ，當 情勢 不利 嘅 時候 ，用 投降 嚟 求得 喘息 嘅 時間 ，等待 時機 再 嚟過 ，呢啲 正 係 李自成 生平 最 擅長 嘅 策略 。
當年 ，佢 起兵 造反 ，崇禎 七年 七月 間 ，被困 於 陝西 興安 縣 車箱峽 。
官軍 啊 四面 包圍 就 無路可出 ，正所謂 兵 無糧 就 馬 無草 ，轉眼 就 要 全軍 覆沒 嘞 。
李自成 就 即刻 投降 ，被 收編 為 官軍 ，但係 等到 一 出 棧道 唧 ，即時 反水 。
而家 向 吳三桂 屈膝 投降 啊 ，不過 係 假 嘅 ，係 故伎 重演 而已 唧 。
九難諗 ：呢 兩個 人 一樣 咁 兇險 狡猾 ，難怪 大明 江山 ，會 畀 佢 兩個 搞到 𢰸晒 。
眼睇住 李自成 第三杖 擊落去 ，吳三桂 就會 腦漿 迸裂 㗎 嘞 。
陳圓圓 忽然 撲 喺 吳三桂 身上 佢 話 ：你 殺咗 我 先 啦 。
李自成 大吃一驚 啊 。
呢一杖 ，佢 用盡 力量 打落去 嘅 。
佢 右膊 受咗 傷 ，冇力 收 杖 啊 。
即刻 左手 向 右 一 推 ，嘭 一聲 ，鐵 禪杖 打 喺 埲墻 處 。
佢 話 ：圓圓 ，你 做 乜嘢 啊 ？
陳圓圓話 ：我 同佢 做咗 二十幾年 夫妻 ，當年 佢 ，佢 曾經 真心 對 我 好過 。
我 唔能夠 等佢 為 我 而 死嘅 。
行開 ，我 同佢 有 血海深仇 ，非 殺咗佢 不可 ！
你 將 我 一齊 殺埋 就係啦 。
唉 ， 原來 ， 原來 你 嘅 心 仲 係 向 住 佢 嘅 ！
陳圓圓 冇 回答 ，不過 佢 個 心 諗 ：
如果 佢 要 殺 你 ，我 亦 會 同 你 一齊 死 嘅 。
屋外 便 啲 官兵 見到 吳三桂 跌 喺 地 ，又 試 大聲 吶喊 ，紛紛 逼近 。
一名 武將 大聲 話 ：快啲 放咗 王爺 ，就 放生 你哋 啦 。
呢個人 係 吳三桂 嘅 女婿 夏國相 。
佢 又 話 ： 你 哋 嘅 同伴 都 喺 呢 處 喇 ， 如果 逳 咗 王爺 一條 寒毛 ， 立即 個個 人頭 落地 。
韋小寶 睇下 外便 ，只見 沐劍聲 、柳大洪 等等 沐王府 嘅 人馬 ，徐天川 、高彥超 、玄貞道人 等等 天地會 嘅 人馬 ；
趙齊賢 、張康年 等等 御前 侍衞 ，驍騎營 嘅 參領 佐領 ，都 畀 人哋 反綁住 雙手 。
每人 後便 都有 一名 平西王府 嘅 家將 ，揸住 把 刀 晾住 喺 條 頸 上 便 。
韋小寶 諗嘞 ：就算 師父 能夠 帶 我 逃走啫 ，呢啲 朋友 啊 少不免 個個 都 死齊 ，要 殺 吳三桂 ，等 以後 有機會 都 唔遲 吖 。
就 拔出 匕首 指住 吳三桂 後心 佢 話 ：
王爺 ， 大家 死 埋 一堆 僂 呢 ， 都 冇 乜 癮 嘅 啫 ， 不如 我 哋 做筆 生意 呢 ？
吳三桂 哼咗 一 聲 問 佢 ：咩嘢 生意 啊 ？
好 簡單 㗎啫 ，你 應承 畀 大家 離開 ，我 師父 就 放生 你 。
李自成 話 ：呢個 奸賊 係 個 反覆 小人 ，講 嘅 嘢 唔 算數 㗎 。
九難 眼見 外面 被綁住 嗰啲 人 ，亦 覺得 今日 已經 殺唔到 吳三桂 嘞 就 話 ：
你 下令 放咗 啲 人 ，我 就 放 你 。
韋小寶 大聲 問 ：阿珂 呢 ？嗰個 女刺客 呢 ？
夏國相話 ：帶 刺客 。
兩名 王府 家將 推 咗 一個 少女 出 嚟 ， 係 阿 珂 啊 。
佢 雙手 反綁 ，頸上 便 ，亦 晾住 一把 鋼刀 。
陳圓圓話 ：小寶 ，你 要 救 我 個 女 條 命 啊 。
韋小寶 諗嘞 ：哈噉 真係 奇喇 ，你 又 唔 求 老公 唔 求 個 契家佬 走嚟 求 我 ？
噉唔通 阿珂 係 我 同 你 生 㗎 ？
但係 佢 一見到 阿珂 楚楚可憐 嘅 神情 ，早就 打定咗 主意 嘞 ，就算 自己 條命 唔要 啊 ，都 要 救 佢 ；
噉啊 再 加埋 陳圓圓 楚楚可憐 嘅 神情 ，想都唔想 喇 佢 話 ：你哋 兩個 。
講完 ，向 李自成 一 指 。
如果 親口 應承 ，將 阿珂 許配 畀 我 做 老婆 ，噉 我 自己 嘅 老婆 ，點 會 話 唔 救 㗎 係咪 吖 ？
九難 睩住 佢 好嬲 噉話 ：呢個時候 仲 講埋 啲噉嘅 嘢 。
陳圓圓 同 韋小寶 相處 嘅 時候 雖然 係 短 啊 ，但係 對 佢 嘅 脾氣 心意 ，知道 得 比 九難 仲 多 ，佢 諗 ：
呢個 滑頭仔 如果 唔 喺 呢個 時候 趁火打劫 ，渾水摸魚 ，佢 亦 唔 會 小小年紀 就 做到 咁 大 嘅 官 嘞 。
佢 話 ：好 ，我 應承 你 就係 啦 。
韋小寶 又 問 李自成 ：你 呢 ？
李自成 啊 想 鬧 韋小寶 ，但係 見到 陳圓圓 嗰啲 懇求 自己 嘅 表情 ，冇法子 啦 ，就 強忍 怒氣 ，哼咗 一聲 話 ：
佢 話 點 就 點啦 。
韋小寶 笑咗 一笑 ，向 吳三桂 話 ：
王爺 ，我 同 你 本來 井水 不犯 河水 嘅 ，不如 兩全其美 呢 ？
你 做 你嘅 平西王 ，我 做 我個 韋爵爺 好唔好啊 ？
吳三桂 話 ：好啊 ，我 同 韋爵爺 又 有 咩嘢 過唔去 唧 ？
噉 你 下令 將 我班 朋友 一齊 放晒 ，我 亦 求 師父 放咗 你 。
即好似推牌九噉啫嘛 ，頭一注 係 密十 ，第二注 呢 係 至尊 ，冇 輸 冇 贏 啊 冇 殺 冇 賠 。
你 就 唔好 想 大殺 三方 嘞 ，我 亦 唔 鏟 你 嘅 莊 ，噉 有 賭 未 為 輸 吖 嘛 ，好過 大家 一齊 人頭 落地 吖 。
好啦 ，就係 噉話 啦 。
吳三桂 講完 慢慢 企起身 。
誒仲有 ，唔該 你 去 叫 世子 嚟 ，再 去 接埋 公主 ，勞煩 王爺 你 就 親自 送 我哋 出 昆明城 。
再請 世子 陪埋 公主 返去 北京 拜堂 成親 。
嗱 王爺 ，我哋 説話 講 喺 前頭 嘞 ，我 係 放心 唔落 ，要 將 世子 做 個 人質 。
如果 你 忽然 反悔 派兵 嚟 追 我哋 ，噉 我哋 只有 將 世子 嚟 開刀 嘞 。
吳應熊 、韋小寶 ，仲有 建寧公主 ，噉 啊 大家 啲 嗬啲嗬 ，一齊 去 見 閻羅王 啦 噉 都 幾 熱鬧 嘅 。
吳三桂 諗 呢個 僆仔 非常 精明 ，指意 我 一句 説話 ，當然 唔能夠 隨便 放 我 。
而家 身處 險地 ，早一陣 甩身 就 好一陣 ，佢 當機立斷 ，佢話 ：大家 爽爽快快 ，一於 噉 做啦 。
佢 又 提高 把聲 話 ：夏總兵 ，快啲 派 人 去 接 公主 同 世子 嚟 呢度 。
夏國相話 ：得令 。世子 已經 得到 消息 ，帶住 兵 過緊嚟 嘞 。
韋小寶 讚佢話 ：吖 真係 孝順仔 咯 ，叮叮鈴叮咚 吖 ，韭菜 炒 大葱 。
冇 幾耐 ，吳應熊 帶 兵 嚟到 嘞 。
佢 重傷 未好 ，坐 喺 頂 暖轎 裏 便 ，由 八 名 親隨 抬住 嚟到 房 外 。
吳三桂 話 ：世子 嚟嘞 ，大家 走啦 。
將 各位 朋友 都 松咗 綁 。
對韋小寶話 ：你 同 師太 兩位 ，跟住 我 後便 ，等 我 送 你哋 出城 。
如果 老夫 言而無信 ，你哋 喺 我 背脊 㓤翻 幾刀 。
師太 武功 高強 ，我 亦 走唔甩 佢 如來佛 嘅 手掌心 嘅 。
韋小寶 笑住 話 ：好極喇 ，王爺 做事 真係 爽快 ，輸 就 輸 ，贏 就 贏 ，反明 就 反明 ，降清 就 降清 ，真係 一啲 都 冇 拖泥帶水 嘅 。
吳三桂 黑起塊面 ，指住 李自成 話 ：
呢個 反賊 ，唔會 係 韋爵爺 嘅 朋友 啩 ？
韋小寶 向 九難 睇咗 一 眼 ，仲 未曾 回答 。
李自成 大聲話 ：我 唔係 呢個 清廷 小狗官 嘅 朋友 ！
九難 讚 佢 話 ：好 ，你 呢個 反賊 骨頭 都 幾 硬 。
吳三桂 ，你 等 佢 跟埋 我哋 一齊 走 啦 。
陳圓圓 向 九難 望咗 一眼 ，眼光 之中 露出 感激 同 懇求 嘅 表情 ，佢 話 ：師太 。
九難 擰 轉頭 唔 同 佢 眼光 接觸 。
吳三桂 只求 自己 有命 ，就 殺 唔 殺 李自成 呢 冚𠾴 唥唔 放在心上 。
佢 行到 窗口 大聲 話 ：世子 護送 公主 ，進京 朝見 聖上 ，恭送 公主 殿下 啟駕 。
噉平 西王 麾下 軍士 吹起 號角 ，列隊 相送 。
韋小寶 同 吳三桂 一拍噉 行出 房 ，九難啊 跟住 佢 後便 。
韋小寶 行到 暖轎 前 便 話 ：睇下 係唔係 真貨 先 。
噉啊掀起轎簾望入去 ，只見 吳應熊 面青面白 全無血色 ，打斜噉 挨喺處 。
就 笑住 話 ：世子 ，你 好 吖 嘛 ？
吳應熊 就 話 ：爹 ，你 冇事 吖 嘛 ？
呢句 説話 呢 係 對 吳三桂 講 嘅 。
之韋小寶 就 應 佢 話 ：哦 我 好好 ，冇事 啊 。
出到去 三聖庵 外便 ，一眼 望過去 ，東南西北 ，冚𠾴唥 都 佈滿 晒 一層層 嘅 兵馬 不計其數 。
韋小寶 話 ：王爺 啊 ，你嘅 兵馬 真係 唔少 啊 ，就算 係 打到 北京 ，我 睇 都 足夠 嘞 。
吳三桂 黑住 塊面 話 ：韋爵爺 ，你 見到 皇上 ，如果 仲係 亂噏 無為 ，我 當然 亦 會 奏告 你 同 反賊 雲南 沐家 、同埋 反賊 李自成 勾結 嘅 事 嘅 。
咦 ？噉 就 奇噃 。
李自成 只係 鐘意 勾結 天下 第一 大美人 嘅 啫 ，點會 勾結 我 呢個 天下 第一 滑頭仔 呢 ？
吳三桂 真係 嬲到 極 啊 ，揸實 拳頭 ，想 一拳 就 舂埋 佢 個 鼻樑 處 。
韋小寶 話 ：王爺 唔使 嬲 嘅 你 老人家 望安 。
千里 為官 ， 只為財 啫 嘛 ， 我 如果 去 對 皇上 亂 噏 無為 咯 ， 皇上 就算 有 咩 嘢 賞賜 ， 總 唔 及 你 老人家 年 年 送禮 打賞 、 歲 歲 發餉 出銀 啦 。
嗱 ，我哋 再 嚟 做 筆 生意 ，我 回京 之後 ，將 你 讚 到 忠心耿耿 、天下無雙 。
我 就 一心一意 ，保護 世子 周全 。
逢年過節 ，你 就 將 啲 金 啊 銀 啊 嚟 賜畀 小將 ，噉 你 話 點 吖 ？
講完 ，同 吳三桂 一拍 噉 行 。
吳三桂話 ：錢財 係 身外之物 ，韋爵爺 要 使嘞 有 乜嘢 所謂 吖 ？
不過 你 如果 真係 要 同 我 為難 ，哼哼 ，老夫 身在 雲南 ，手握 重兵 ，亦 唔使 怕 你 。
噉啊梗係啦 ，王爺 手執 一支 長矛 ，勇不可當 ，殺到 天下 反賊 啊 屁滾尿流 。
啊係喇 ，小將 今日 要 告辭 喇 ，王爺 以前 應承過 我 嗰啲 嘢 ，噉 而家 就 賞賜 畀 小將 呢 ？
九難 聽 佢 啰啰嗦嗦 不停口 噉 索取 賄賂 ，越 聽 個 心 就 越 煩 ，喝 佢 話 ：
小寶 ，你 講 啲 嘢 乜 咁 無恥 嘅 。
韋小寶啊笑住話 ：嘿師父 ，你唔知㗎嘞 ，我手下嘅人 唔少啊 ，回京之後 ，朝中文武百官 ，皇宮 嘅 嬪妃 太監 啊 到處 都 要 送禮 ，如果 禮數 不周 ，人哋 都 會 怪 王爺 㗎啦 。
九難 哼咗 一 聲 就 唔 講 嘞 。
其實 韋小寶 啊 索賄 為 賓 ，逃生 係 主 。
佢 不停 咁 同 吳三桂 談論 賄賂 ，志在 令到 吳三桂 嘅 頭腦 唔 得閒 ，不致 改變 主意 又 諗住 殺人 。
仲有 ，收咗 賄賂 之後 呢 ，就 唔會 再 同人 為難 喇 ，呢啲 乃 係 官場 中 嘅 通例 。
韋小寶 呢番 説話 ，係 要 使到 吳三桂 安心 。
九難 當然 唔明白 其中 咁多 道理 啦 。
果然 吳三桂 就 諗嘞 ：佢 要 銀 事情 就 好辦 。
佢 同 夏國 相話 ：夏總兵 ，快啲 去 攞 五十萬 兩 銀 ，犒賞 韋爵爺 帶嚟 嘅 侍衞 官兵 。
再 同 韋爵爺 預備 一份 厚禮 ，請 佢 帶翻 去 京城 ，代 我哋 分送 。
夏國 相應咗 ，轉頭 吩咐 親信 去 辦 。
吳三桂 同 韋小寶 都 上咗 馬 ，仍然 一拍噉 行 。
吳三桂 見 九難 亦 上咗 馬 ，緊緊噉 跟住 後便 。
佢 知道 呢個 師姑 武功 出神入化 ，想 逃出 佢 手下 就 難上加難 嘞 ，佢 諗 ：
噉樣 結局 都 好好 ，否則 我 就算 殺咗 呢個 師姑 同 個 滑頭仔 ，殺埋 李自成 同 一班 反賊 ，但係 殺害 欽差 ，罪名 極大 ，我 非 立即 起兵 不可 嘅 。
不過 而家 外援 仲 未 商量 妥當 ，搞到 手忙腳亂 ，噉 大事 就 好 難 成功 。
哼 ，日後 打到 北京 ，怕 你 個 滑頭仔 飛咗 上天 咩 ？
所以 就 唔想 反悔 ，同 九難 、韋小寶 一齊 去 安阜園 ，迎接 咗 公主 ，一直 送 到 出去 昆明 城 外 。
所有啲兵將 雖然 都 懷疑 啊 ，但係 見到 王爺 安然無恙 啊 ，亦都 遵照 命令 做嘞 。
韋小寶 點 一點 手下 兵馬 人 眾 ，阿珂 當然 喺度 啦 ，其餘 天地會 同 沐王府 人 眾 ，以及 侍衞 官兵 一個 都 冇 少 ，就 對 吳三桂 笑住 話 ：
王爺 送 我哋 出城 ，真係 客氣 嘞 。
呢 次 蒙王爺 厚待 ， 噉 下次 王爺 去 到 北京 ， 由 小將 還請 啦 。
吳三桂 哈哈大笑 佢 話 ：噉 一定 要 嚟 滾攪 韋爵爺 嘅 。
噉 兩個人 拱手 分別 。
吳三桂 去到 公主 轎 前面 請安 告辭 ，然後 又 去到 吳應熊 頂 暖 轎 嗰度 ，囑咐 咗 一陣 ，噉 先至 帶兵 回 城 。
韋小寶 見 吳三桂 嘅 部屬 ，雖然 冇 突然 襲擊 嘅 意思 啊 ，不過 始終 唔 放心 ，佢 話 ：
呢個 傢伙 講説話 唔算數 嘅 ，我哋 要 快啲 走 ，離開 昆明 越 遠 越 好 。
就 立即 拔隊 起行 嘞 。
行咗 十幾里 ，見 後面 冇 追兵 噉 先 停落嚟 休息 。
李自成 對 九難 話 ：
公主 ，承蒙 你 搭救 ，使 我 唔使 死 喺 大漢奸 手下 ，實在 係 感激不盡 。
而家 就 請 你 逳 手 啦 。
講完 拔出 佩刀 ，調轉 刀柄 遞過去 。
九難為難嘞 ，佢 諗 ：
佢 係 我 殺父 嘅 大仇人 ，呢個 仇 點 能夠 話 唔 報 呢 ？
但係 佢 束手待斬 ，我 真係 唔 落得手 啊 。
擰 轉頭 睇 咗 阿 珂 一眼 ， 佢 話 ：
原來 佢 ，佢 係 你 嘅 女 啊 ？
阿珂 大聲 話 ：佢 唔係 我 阿爹 。
九難 話 ： 亂講 ， 你 媽媽 都 親口 認 嘞 ， 唔 通仲會 有假 嘅 咩 ？
韋小寶 連忙 話 ： 哎 佢 當然 係 你 爹 啦 ， 佢 同 你 媽媽 已經 將你 許配 畀 我 做 老婆 喇 ， 呢 啲 叫做 父母之命 。
阿珂 滿腔 怨憤 ，一直 冇 地方 發洩 ，突然間 跳起身 ，兜口兜面 一拳 打過去 。
韋小寶 又 完全 冇 提防 ，呢 一拳 打中 個 鼻樑 當堂 鮮血 掂 流 。
韋小寶 哎吖 一聲 佢 話 ：謀殺 親夫 啊 你 。
九難嬲嘞 ：唉 兩個 都 唔似樣 ，亂七八糟 。
阿珂 退開 幾步 ，塊面 唂到 通紅 ，指住 李自成 話 ：你 唔係 我 阿爹 ，嗰個 女人 亦 唔係 我 媽媽 。
指住 九難 話 ： 你 ， 你 唔 係 我 師父 。
你 哋 ， 你 哋 都 係 壞人 ， 都 欺負 我 嘅 ， 我 ， 我 嬲 死 你 哋 。
突然間 揞住 塊面 痛哭 起嚟 。
嗱 各位 ，欲知 後事 如何 ，且 聽 下回 分解 。
