前文 再續 啊 書 接 上 一回 啊 。
話説 韋小寶 聽 沐劍屏 講 佢 阿哥 嘅 計劃 ，話 要 殺咗 建寧 公主 嚟到 逼到 吳三桂 造反 噉 。
聽到 呢處 ，韋小寶 啊 手板 都 出晒 冷汗 ，佢 諗 ：
哎呀 ， 呢 個 計劃 好毒 啊 。
我 一心 喺度 圖謀 吳三桂 ，冇想到 點樣 保護 好 公主 ，如果 畀 沐王府 先 下手 為強 噉 就 弊咯 。
佢 問 ：噉 收尾 點 啊 ？
沐劍屏 話 ：我 阿哥 叫 我 假扮 宮女 ，睺 個 機會 行刺 公主 ，佢 喺 外 便 接應 ，一 等 我 得手 就 救 我 出去 。
赤龍 副 使 聽到 佢 哋 嘅 計劃 ， 就 對 我 話 ， 白龍 使 負責 保護 公主 㗎 噃， 如果 殺 咗 公主 ， 恐怕 會 連累 你 啊 。
我 諗 啱 啊 ，噉 啊 想 嚟 同 你 商量 啦 。
點知 畀 柳師傅 知道咗 ，一刀 就 將 赤龍 使 殺咗 喇 。
講到 呢度 ，個身 都 微微 發抖 啊 。
韋小寶 緊緊 噉 握住 沐劍屏 隻 手 安慰 佢 話 ： 唔 使 怕 ， 唔 使 怕 。
你 都係 為咗 我 啫 ，真係 多謝 你 嘞 。
沐劍屏 流出 眼淚 話 ： 不過 ， 不過 你 一 見到 我 ， 就 嚟 欺負 我 嘞 ， 又 ， 又 唔 信 我 講 嘅 嘢 。
韋小寶 攞開 佢 隻手 ，啪噉 打咗 自己 一巴 ，佢自己 鬧 自己 話 ：打死 你 至得 ，打死 你 呢個 老 舉生 嘅 野仔 。
沐劍屏 連忙 拉住 佢 隻手 話 ：唔好 噉啦 ，我 唔要 你 打 自己 鬧 自己 。
韋小寶 又 攞起 佢 隻 手 ，輕輕 喺 自己 塊 面 處 打咗 一下 ，佢 話 ：
總之 係 韋小寶 抵死 係啦 ，你 個 好 老婆 ，畀 吳三桂 捉咗 去 你 點解 唔 早啲 去 救 佢 吖 ？
你 而家 唔係 救咗 我 出嚟 嘞 咩 ？
不過 我哋 要 快啲 想法子 ，點樣 去 救翻 阿哥 同 柳師父 出嚟 。
咩話 ？你 阿哥 同 柳師父 都 畀 佢哋 捉咗 去 啊 ？
係啊 ，前晚 ，我哋 住嘅 地方 忽然間 畀 吳三桂 手下 嘅 武士 圍住 。
佢哋 嚟 嘅 人 啊 ，好多 啊 ，武功 好 高 嘅 人 亦 有 二十幾 個 ，噉 我哋 寡 不 敵 眾 ，敖 師哥 畀 佢哋 當場 殺 咗 。
我 阿哥 、柳師父 ，仲有 我自己 ，都 畀 佢哋 捉住 喇 。
唉 ，敖 師兄 畀 大漢奸 殺咗 真係 可惜 啊 。
係喇 ，噉 你 畀 佢 捉住 之後 ，又 點 能夠 去 行刺 吳三桂 呢 ？
行刺 吳三桂 ？我 冇 啊 。
我 當然 想 殺 咗 大 漢奸 啦 ， 不過 ， 不過 呢 啲 壞蛋 同 我 帶 咗 腳鐐手銬 ， 我點 能夠 行刺 呢 ？
韋小寶 越 聽 越 奇怪 嘞 就 問 ：
你 前 晚 黑 就 畀 佢 哋 捉住 喇 ？ 噉 呢 兩日 喺 邊 處 啊 ？
沐劍屏 話 ：我 一直 都 韞 喺 一間 黑房 處 ，今日 ，佢哋 帶 我 去 韞 喺 嗰個 地牢 裏 便 ，過咗 冇 幾耐 唧 ，你 就 嚟 喇 。
韋小寶 隱隱約約 知道 不妙 嘞 ，自己 已經 上咗 夏國 相 嘅 大當 ，只係 其中 嘅 關鍵 地方 就 諗唔出嚟 ，佢 沉吟 話 ：
今日 吳三桂 畀 人 行刺 受傷 好重 噃 ，唔係 你 做 㗎 ？
沐劍屏 話 ：梗係 唔係 啦 ，我 從來 冇 見過 吳三桂 ，佢 會 唔會 死 啊 ？
韋小寶 擰擰頭 話 ：我 唔知 啊 。
你 自己 嘅 身份 來歷 ，有冇 同 佢哋 講 啊 ？
冇 ，我 乜嘢 都 唔 講 ，審問 我 個 武官 好 嬲 啊 ，問 我 係 唔係 啞 㗎 喎 。
韋大哥啊 ，你 以前 亦都 話過 我 係 啞嘅 。
韋小寶 輕輕 吻 一吻 佢 塊面 ，佢話 ：
你 係 我 最 親愛 嘅 啞女 ， 我仲話 要 喺 你 塊 面 處 啊 ， 刻 一隻 烏龜 仔添 啊 。
沐劍屏 又 醜 又 歡喜 ，不過 呢 唔 敢 擰轉頭 去 睇 佢 。
韋小寶 個 心 就 喺 處 猛 咁 諗 嘞 ：
夏國相 點解 要 小郡主 嚟 冒充 宮女 呢 ？
係喇 ，佢 要 試下 我 ，睇下 同 沐王府 嘅 人 係 唔係 相識 嘅 。
我噉 一救 小郡主 ，顯然 就 承認咗 同佢哋 係 一夥 嘅 。
佢 係 整定咗 個 陷阱 要 我 踩落去 ，呢次 老子 唔 小心 ，已經 落入 咗 佢 嘅 圈套 嘞 噉 就 弊 喇 ，好 弊 添 啊 。
老子 好 弊咗 之後 ，下一步 又 係 點樣 弊法 呢 ？
佢 雖然 係 機警 狡猾 啊 ，不過 到底 係 年紀 輕 ，真正 遇到咗 大事 ，就 唔夠 吳三桂 、夏國相 呢啲 老奸巨猾 嘅 人 玩 嘞 。
佢 個 心 一 急 ，成身 都 係 汗 佢 話 ：
好老婆啊 ，你 喺 呢度 休息 ，我 要 去 搵人 商量下 睇下 點樣 救 你 阿哥 同 柳師父 。
話説 韋小寶 嚟到 西廂房 ，召集 天地會 群雄 ，將 呢啲 事情 ，同 眾人 講咗 。
徐天川 等人 一聽 ，都 覺得 大有 蹺蹺喇 。
玄貞話 ：唔通 我哋 詐假意 殺咗 罕帖摩 呢籠 嘢 ，畀 吳三桂 睇出 破綻 ？
錢老本 話 ：哈 ，吳三桂 唔知 喺 邊處 得到 消息 ，半夜 去 捉拿 沐王府 嘅 朋友 呢 ？
韋小寶 心念 一動 佢 話 ：
沐王府 有 個 傢伙 叫做 劉一舟 ，呢個 人 同 我 唔啱 嘅 ，為人 又 貪生怕死 ，多數 係 佢 通風報信 㗎 喇 。
錢老本 話 ：睇嚟 ，實係 佢 定 嘞 。
不過韋香主啊 ，你 係 小皇帝 寵信 嘅 欽差大臣 ，大漢奸 點 講 都 唔會 疑心 你 同 沐王府 嘅 人 有 咩 牽連 嘅 。
其中 。
皺起眉頭 ，苦苦思索 。
祁彪清話 ：計 我 諗 呢 ，大漢奸 決 唔係 疑心 韋香主 同 沐王府 嘅 人 本來 相識 ，只係 誤打誤撞 ，事 有 巧合 嘅 啫 。
韋小寶 連忙 問 佢 ：點樣 誤打誤撞 ，事 有 巧合 啊 ？
祁彪清話 ：行刺 大漢奸 嘅 ，多數 真係 公主 身邊 嗰個 宮女 王可兒 ，大家 都 係 噉 講 嘞 ，唔會 無中生有 噉 捏造 嘅 。
韋小寶話 ：係啊係啊 ，王可兒 確實 係 失咗蹤 ，一定 係 畀 大漢奸 捉咗去 喇 。
祁彪清話 ：大漢奸 當然 估到 公主 會 派 韋香主 去 攞人 ，佢 要 畀面 公主 同 欽差大人 啊 ，佢 唔能夠 唔放人 嘅 ，不過 又 唔甘心 就 噉樣 放咗 刺客 。
咁啱 ，沐家 小郡主 又 畀 佢哋 捉咗 ，噉 佢哋 就 話 佢 係 刺客 嘞 。
韋香主 去到 監牢 一睇 ，當然 認得 佢 唔係 王可兒 啦 。
噉 一嚟 ，韋香主 就 束手無策 喇 。
韋小寶 啪 一聲 拍下 大髀 佢 話 ：
冇錯喇 ，到底 祁三哥 係 讀書人 ，頭腦 清楚 。
佢哋 就算 冇 捉到 沐家 小郡主 啊 ，一樣 可以 隨便 搵 個 姑娘 嚟 塞畀 我 㗎 ，噉 就 話 ：
欽差大臣 ， 呢 個 就 係 刺客 喇 ， 啊 你 老人家 要 唔 要 啊 ？
要就提咗去 ，唔使客氣㗎噉 。
哦 ， 佢 唔 係 公主 身邊 嘅 宮女 啊 ？ 啊 噉 好極 喇 。
佢 阿爺 吖 ，嗰陣時 ，老子 至多 只能夠 話 公主 失咗 個 宮女 ，要 佢哋 喺 昆明城 ，畀 心機 搵 下 㗎啫 ，就 唔 能夠 夾硬 要 提 人 嘞 。
而家 我 居然 識得 沐 家小 郡主 ， 一定 大 出 佢 哋 意料之外 嘅 。
不過 呢件事 大漢奸 問起 上嚟 ，都 唔 容易 搪塞 㗎 噃 。
祁彪清話 ：韋香主 ，事情 到咗 噉嘅 地步 ，就 只有 同 吳三桂 夾硬 頂 。
你 同佢 講 ，你 係 奉 咗 皇帝 嘅 聖旨 ，先至 同 沐家 結交 嘅 。
韋小寶 畀 佢 一言 提醒 ，就 哈哈大笑 話 ：
哈冇錯喇冇錯喇 ，我 放咗 吳立身 佢哋 呢班人 ，的的確確 係 。
啱啱 講到 呢處 ，即刻 停口 唔 講嘞 ，佢 諗 ：
皇上 親口 下旨 ，要 我 釋放 吳立身 佢哋 ，呢啲 嘢 唔 講得 嘅 。
就轉口話 ：我 雖然 可以 話 奉咗 皇帝 聖旨 啊 ，就怕 呃唔到 呢個 大漢奸 唧 。
錢老本 話 ：真係 要 呃到 大漢奸 梗係 唔 容易 啦 。
不過 韋香主 只要 一口 咬定 係 皇帝 嘅 主意 ，大漢奸 就算 唔信 喇 ，亦 無可奈何 啊 。
總而言之 ，韋香主 只要 唔同 佢 反面 ，等 離開 雲貴 兩省 就 唔怕 佢 嘞 。
徐天川 話 ：呢條 計策 好 高明 啊 。
大漢奸 做咗 虧心事 ，不免 疑神疑鬼 ，擔心 小皇帝 會 知道 佢 造反 嘅 陰謀 㗎 。
韋小寶 話 ：沐王府 嘅 人 ，明知 我 奉旨 保護 公主 㗎 ，竟然 想 嚟 刺死 佢 ，唉 ，亦 太過 唔講義氣 喇 。
如果 吳立身 吳二哥 喺 呢度 啊 ，一定 唔會 讚成 嘅 。
祁彪清話 ：佢哋 知道 韋香 主 身在 曹營 心在 漢 ，亦 唔係 真係 忠心 為 清廷 皇帝 辦事 嘅 ，因此 就 冇 顧慮 到 呢一點 啦 。
我哋 天地會 同 沐王府 雖然 係 輸賭 睇下 邊個 贏 啊 ，但 大家 係 同仇敵愾 ，柳大洪 佢哋 又 係 響噹噹 嘅 好漢 ，我哋 唔 能夠 袖手旁觀 置之不理 噃 。
講到 點樣 拯救 沐劍聲 、柳大洪 等人 ，呢件事 就 唔係 咁 容易 喇 ，群雄 都 想唔出 好 辦法 。
噉啊 商議咗 好耐 ，韋小寶 話 ：
呢啲 法子 恐怕 都 唔得 ，等 我 見到 大漢奸 之後 ，再 睇下 有冇 機會 啦 。
群雄 走咗 之後 ，韋小寶 個 心 諗 ：
講唔定 我 嗰個 阿珂 老婆 並 冇 去 行刺 大漢奸 ，亦 冇 畀 人 捉咗 去 ，啊 怕 係 啲 人 誤傳 嘅 啫 。
話說 韋小寶 嚟到 九難 間 房 ，唔見 阿珂 ，就 問 ：師父 ，師姐 唔 喺 處 啊 ？
九難打個特 ，佢話 ：吳三桂放咗佢出嚟咩 ？佢 ，佢知道咗啊 ？
九難 講 呢句 説話 嘅 時候 神情 有 啲 異常 ，把聲 ，亦 有 啲 震震地 。
韋小寶 好奇怪噉 話 ：吳三桂 知道 咩嘢 啊 ？
九難 唔 出聲 嘞 ，隔咗 一陣 佢 問 ：
嗰個 大漢奸 嘅 傷勢 點 啊 ？
傷得 好重 啊 ， 弟子 先頭 見到 佢 ， 佢 昏迷不醒 ， 恐怕 ， 都 未必 救得 翻 啊 。
九難 歡喜 咗 一下 ，即刻 又 皺起 眉頭 ，佢 低聲 話 ：需要 等 佢 知道 。
韋小寶 想 問 下 佢 等 佢 知道 乜嘢 ，但係 見到 師父 神色 鄭重 ，唔敢 多 問 嘞 ，就 退翻 出去 。
佢 個 心 仲 有 萬一 嘅 希望 ，去 查問 阿珂 喺 邊處 。
王可兒 呢 個 宮女 平日 極少 露面 ， 佢 又 化 咗 妝 ， 將 啲 靚 嘅 地方 冚𠾴唥冚 住 晒 ， 向來 都 冇 人 留意 嘅 。
喺 安阜園 裏 便 所有 嘅 宮女 、太監 、侍衞 ，都 話 冇 見到 。
有 啲 侍 衞 就 話 ： 王可兒 ？ 係 咪 行刺 平西王 嘅 宮女 啊 ？ 乜 平西王 放 咗 人 咩 ？ 哦 冇 見到 啊 。
韋小寶 忙咗 一日一夜 ，實在 疲倦到 極嘞 ，返到 間房 ，同 沐劍屏 講咗 幾句 閒偈 ，噉 趢低 就 瞓嘞 。
第日 ，韋小寶 去 探問 吳三桂 嘅 傷勢 。
吳三桂 嘅 第二仔 出嚟 接待 ，話 多謝 欽差 大人 嚟 探問 喇 ，王爺 嘅 傷勢 冇乜 變化 ，呢陣時 已經 瞓咗 咯 ，不便 驚動 噉 。
韋小寶 就 問起 夏國相 ，就話 佢 正在 帶兵 巡視 彈壓 ，防止 人心 浮動 城內 發生 變故 。
再問下 吳應熊 嘅 傷勢 ，亦 冇 咩 確實 嘅 答覆 。
韋小寶 隱隱約約 覺得 ，平西王府 已經 非常 疑心 喇 ，仲有 啲 敵意 添 ，呢個 時候 要 救 沐王府 嘅 人 一定 難以 成功 ；
想救 阿珂 呢 更加 難上加難 嘞 ，至怕 係 激到 王府 即時 動手 ，噉 自己 條命仔 呢 就 冇 行 㗎 喇 。
又過咗一日 ，佢 正在 同 錢老本 、徐天川 、祁彪 清 佢哋 商量 ，高彥超 行 入嚟 房間 ，話 有 一名 老道姑 求見 。
韋小寶 奇怪 嘞 ： 老 道姑 ？ 搵 我 啊 ？ 噉 我 做 咩 啊 ？ 係 唔 係 化緣 啊 ？
高彥超話 ：屬下 問 佢 有 咩 事 ，佢話 係 奉命 送信 嚟 畀 欽差 大人 嘅 。
講完 ，呈上 一個 黃紙 信封 。
韋小寶 話 ：唔該 高大哥 拆開嚟 睇下 寫 咩嘢 嘅 。
高彥超 拆開 信封 攞出 一張 黃紙 ，睇咗 一眼 就 讀嘞 ：阿珂 有 難 。
韋小寶 一 聽到 呢 四個 字 ，就 成個 跳起身 話 ：咩 阿珂 有 難 啊 ？
天地會 群雄 並唔 知道 九難 同 阿珂 個 事 ，所以 都 唔 明白 。
高彥超 話 ：信上 便 係 噉樣 寫 嘅 。
呢封信 冇 頭冇尾 亦 冇署名 ，只係 話 請 你 跟埋 送信 嘅 人 ，移駕 前往 ，一齊 商量 搭救 嘅 辦法 喎 。
韋小寶 問 ： 呢 個 道姑 喺 外 便 啊 ？
高彥超 啱啱 講咗 佢 就 喺 外便 噉 ，韋小寶 已經 衝咗 出去 嘞 。
佢 嚟到 大門 側 跟 嘅 耳房 ，只見 一個 頭髮 花白 嘅 道姑 坐 喺 板凳 上面 等候 佢 。
守門 嘅 侍衞 大聲 叫 ：欽差大臣 到 ！
嗰度 道姑 企 起身 ，對 韋小寶 躬身 行禮 。
韋小寶 話 ：係 邊個 派 你 嚟 㗎 ？
嗰個 道姑 話 ：請 大人 移步 ，到時 自然 就 知 喇 。
去邊度啊 ？
請 大人 跟住 貧道 去 啦 ，而家 唔 方便 講 嘅 。
好 ，我 同 你 去 。
套車 ，備馬 ！
大人啊 ，請 大人 坐車 去 啦 ，噉樣 唔使 驚動 人哋 。
韋小寶 岌一岌頭 ，就 同 嗰個 道姑 行 出 門口 ，同埋 坐 一架 車 就 去 嘞 。
徐天川 、錢老本 等人 ，怕係 敵人 佈置 嘅 陷阱 ，就 遠遠 跟住 喺 後便 。
噉啊 由 嗰個 道姑 帶路 ，馬車 就 一直 向住 西 便 行 ，出咗 西城門 。
韋小寶 見 越 行 越 荒涼 ，有啲 擔心 嘞 就 問 ：到底 去 邊處 啊 ？
嗰個 道姑 話 ：冇 幾耐 就 到 喇 。
又行咗 三里 幾 路 ，轉左 向住 北便 ，條 路 好 窄 嘅 ，一架 車 啱啱 行得過 㗎啫 ，收尾 ，嚟到 一座 好 細 嘅 庵堂 。
嗰個 道姑 話 ：到 喇 。
韋小寶 落咗 車 ，見到 庵堂 掛住 個 匾額 ，寫住 三個 字 ，第一個 字 係 個 三 字 ，其餘 兩 個 字 就 唔識 嘞 。
回頭一望 ，見到 高彥超 等人 啊 遠遠 跟住 ，估計 佢哋 會 喺 四面 守住 嘅 ，就 跟住 嗰個 道姑 入去 庵堂 。
入到去 ，只見 四圍 一塵不染 ，天井 裏 便 種咗 幾樖 茶花 ，一樖 紫荊 ，殿堂 正中 供住 一位 白衣 觀音 。
神像 嘅 相貌 極之 美麗 ，莊嚴 寶相 之中 啊 帶住 三分 俏麗 。
韋小寶 個 心 諗 ：聽講 吳三桂 嘅 老婆 之中 ，有 一 個 外號 係 四面觀音 ，又 有 一 個 叫做 八面觀音 。
唔知 係唔係 真係 有 觀音菩薩 咁 好睇 嘅 呢 ？
死人頭 佢 嘩 大 漢奸 嘅 豔福 啊 真 係 不 淺 啊 。
嗰個 道姑 帶 佢 嚟到 東便偏殿 ，獻上 茶 。
韋小寶 揭開 焗盅 ，一陣 清香 撲鼻 ，焗盅裏 便 一片 碧綠 ，竟然 係 新出 嘅 龍井茶葉 。
佢 有 啲 奇怪 嘞 ：啲 龍井茶葉 喺 江南 運 到 呢處 價錢 好 貴 㗎 噃 ，呢度 嘅 道姑 抑或 師姑 啊 ，點解 咁 闊綽 嘅 ？
嗰個 道姑 又 捧住 一個 建漆 托盤 ，呈上 八色 點心 ，係 松子糖 、合桃糕 、合桃片 、玫瑰糕 、糖杏仁 、綠豆糕 、百合酥 、桂花蜜餞楊梅 ，都 係 用 白紙 瓷碟 住 嘅 ，都 係 蘇州式 點心 ，非常 精緻 。
呢種 江南 點心 啊 ，韋小寶 當年 喺 揚州 妓院 裏 便 時時 見到 。
有嫖客 到 喇 ，龜婆 攞出嚟 款待 客人 ，噉 佢 呢 趁 人 唔覺意 ，又 不免 偷食 一嚿 兩嚿 。
而家 想唔到 喺 雲南 一座 小小 庵堂 裏 便 遇到 老朋友 ，嘿 好 歡喜 啊 。
嗰個 道姑 奉上 點心 之後 ，就 行翻 出去 嘞 。
茶几上 便 有 個 銅香爐 ，青煙 裊裊 ，燒嘅 係 名貴 檀香 。
韋小寶 好在 行 啊 ，因為 佢 每次 去 太后 慈寧宮 ，都 聞到 呢種 上等 檀香 嘅 氣味 。
突然 個 心 一 驚 ：哎呀 弊喇 ，唔通 老 舉 乸 喺 呢 處 ？
即刻 企 起身 。
聽到 門外 有 腳步聲 嘞 ，跟住 一個 女子 行 入嚟 ，向 韋小寶 合十 行禮 佢 話 ：
出家人 寂靜 ，參見 韋大人 。
聲音 清脆 温柔 ，講 嘅 係 蘇州 口音 。
呢個 女子 四十歲 左右 啦 ，着 一件 淡黃色 嘅 道袍 ，眉目 如畫 ，清麗 難言 啊 ，韋小寶 一世人 ，從來 未見過 咁 美貌 嘅 女子 。
佢 捧住 茶盅 ，擘大 嘅 口 竟然 合唔翻 ，霎時之間 ，目瞪口呆 ，手足無措 。
嗰個 女子 微微 笑話 ：韋大人 請坐 。
韋小寶 失魂落魄 話 ：誒得喇得喇 。
雙腳 一 軟 ，扽 喺 張 椅 處 坐低 ，揸住 嗰 盅 茶 呢 倒 瀉 晒 件 衫 當堂 濕咗 一 大 笪 。
天下 男子 一見到 佢 ，就 失魂落魄 ，呢位 麗人 呢生平 見得 多 咯 ，已經 不以為意 。
但係 韋小寶 只係 個 十五六歲 嘅 少年 ，竟然 亦都 畀 自己 絕世 容光 所 鎮懾 。
呢個 麗人 微微 一笑 話 ：
韋大人 年少 高才 ， 聽人講 ， 從前 甘羅 十二歲 做 丞相 ， 韋大人 都 唔 輸蝕 畀 佢 啊 。
韋小寶 話 ：唔敢當 ，唔敢當 。
哎 ，真係 咩 西施 啊 、楊貴妃 啊 ，一定 唔 及 你 嘅 。
嗰個 麗人 用 衫袖 遮住 半邊 面 嫣然 一 笑 ，百媚 橫生 ，跟住 就 好 正經 噉 話 ：
西施 、楊貴妃 ，亦都係 苦命人 。
小女子 就係 怨恨 天生 呢副 相貌 ，害到 天下 蒼生 咁 苦 ，所以 先至 長伴 青燈 古佛 ，苦苦 懺悔 。
唉 ，就算 係 敲穿咗 木魚 ，念爛咗 佛經 ，都 贖唔到 從前 造孽 嘅 萬一 咯 。
講到 呢處 ，眼圈 一紅 ，忍唔住 就 想 流眼淚 嘞 。
韋小寶 唔明 佢 説話 指 嘅 係 乜嘢 ，但係 見 佢 微笑 嘅 時候 神光 離合 ，愁苦 嘅 時候 楚楚動人 ，不由得 好 憐錫 佢 。
亦唔知啊佢係咩來歷啊 ，只覺得 一股熱血湧上嚟 ，個心諗 ：就算為佢粉身碎骨 亦係心甜嘅 。
佢 拍下 心口 ，企 起身 好 慷慨激昂 噉 話 ：
有人 欺負 咗 你 ，我 即刻 去 為 你 搏命 。
你 有 咩 為難 嘅 事情 ，即管 交畀 我 做 啦 ，如果 做唔到 ，我 韋小寶 割咗 呢 人頭 交畀 你 。
講完 ，用 右手 喺 自己 條 頸 處 出力 一斬 。
嘩 ，呢種 大丈夫氣概 啊 ，韋小寶 一世人 真係 少有 喇 。
嗱 各位 ，欲知 後事 如何 ，且 聽 下回 分解 。
