前 文 再續 啊 書 接上 一回 啊 。
話說 韋小寶 返到 自己 間 房 。坐咗 一陣 覺得 好 無聊 。就 叫咗 十幾 名 侍衞 嚟 擲骰仔 賭 錢 ，噉 就 心情 暢快啲 嘞 。
賭到 半夜 ，趙齊賢 同 張康年 行入嚟 間 房 。
韋小寶 啊 揸住 骰仔 仲 未 擲落去 ，見到 佢 兩個 就 笑住 話 ：喂喂 ，而家 係 霉莊 啊 ，吓 ，要 落注 啊 趁早 。
趙齊賢話 ：副總管 吩咐 嘅 事 ，屬下 查到 啲 消息 嘞 。
好 。
骰仔 一擲落去 ，一掀牌 ，食咗 對家 ，賠咗 上家 同埋 下家 ，噉 啊 拉住 兩個人 隻手 ，嚟到 廂房 問 佢哋 話 ：點啊 ？
趙齊賢 話 ： 副 總管 ， 楊溢之 果然 冇 去 西藏 ， 原來 係 犯 咗 事 啊 ， 畀 平西王 韞 起 上 嚟 啊 。
犯咗 咩嘢事 啊 ？
屬下 同 王府 嘅 衛士 飲酒 ，我 話 我 識得 呢個 姓 楊 嘅 ，想 請埋 佢 一齊 嚟 飲酒 賭錢 噉 。
有名衞士 就 話 ：搵 楊溢之 啊 ，要 去 黑門檻 至 得 。
噉 我 問 佢 黑 門檻 喺 邊處 啊 。
第啲 衞士 就 話 佢 亂 咁 噏 ，鐘意 講笑 叫 我 唔好 信 佢 噉 。
黑門檻 ？
噉 我哋 知道 有 古怪 㗎 喇 ，噉 同 佢哋 飲咗 一陣 酒 就 分手 啦 。
返去 呢處 就 問 一問 人 ，原來 監獄 啊 喺 黑門檻 ，噉 先至 知道 楊溢之 係 畀 平西王 韞 起 上嚟 。
噉 到底 犯 咩事 呢 ，我 怕 引起 疑心 就 唔敢 問 咁多 嘞 。
黑門檻 喺 邊處 啊 ？
喺 五華宮 西南 約莫 五里 路 啦 。
好 。
兩位 大哥 辛苦晒 喇 ，你哋 去 外便 玩 啦 ，代 我 做 莊 。
趙張 兩個人 好 歡喜 ，噉啊 於是 去 賭錢 嘞 。
兩個人 知道 代佢 做莊 ，輸咗 算 佢嘅 ，贏咗 有 紅分 ，呢啲 係 大有好處 嘅 差事 啊 。
韋小寶 悶悶不樂 ，佢 諗 ：楊大哥 一定 係 犯咗 大事 ，否則 吳應熊 唔會 呃 我 ，話 派咗 佢 去 西藏 㗎 。
如果唔係大罪 ，佢 兩仔爺 實會 畀面 我 ，放翻 佢 出嚟 㗎 。
吳應熊啊 已經 車咗 大炮 ，我 如果 再 去 講情 ，佢哋 一定 會 死賴 到底 ，多數 啊 仲 會 即刻 殺咗 佢 ，毀屍滅跡 ，從此 就 死無對證 添 。
嗯 ，要 救佢 出嚟 啊 ，只有 夾硬 嚟 。
吳三桂 就算 嬲到 生蝦 咁 跳 老子 亦 唔怕 佢 ，諒 佢 亦 唔敢 同 我 反面 嘅 。
於是 將 李力世 、風際中 、高彥超 、錢老本 、玄貞道人 、徐天川 等等 天地會 群雄 請嚟 ，噉 將 呢件事 講畀 佢哋 聽 商量 點樣 救人 。
李力世 話 ：韋香主 ，呢件事 ，我哋 一於 做 。
能夠 救出 呢位 楊大哥 ，噉 係 最好 啦 。
就算 救唔出 ，吳三桂 知道 你 向 佢 埋手 ，實係 以為 你 係 奉 咗 皇帝 之 命 。
唔係 嚇到 佢 半死 呢 ，就 逼到 佢 早日 造反 嘞 。
韋小寶話 ：就係 ，就係 怕 佢 即刻 造反 ，噉 我哋 成班人 畀 佢 捉起 上嚟 ，搞到 大家 要 喺 黑門檻 大監獄 裏 便 賭錢 噉 就 不妙 喇 。
玄貞道人話 ：一見 情勢 唔對路 ，大家 快馬加鞭 走 就係啦 。
韋小寶 話 ：噉啦 ，你哋 去 設法 救人 ，我 將 吳應熊 呢個 僆仔 請嚟 ，扣留 喺度 做個 按鬼 ，等 吳三桂 唔敢 亂咁嚟 。
錢老本 話 ：韋香主 呢 着 棋 極之 高明 啊 。
我哋 聽日 去 睇下 黑門檻 嘅 地勢 ，然後 扮 吳三桂 手下 嘅 親隨 ，衝入去 監獄 提 人 。
噉 第日 午後 ，韋小寶 叫 人 去 請 吳應熊 嚟 赴宴 ，噉啊 商量 婚事 。
當 安阜園 大廳 裏 便 奏起 音樂 ，佳餚美酒 啊 紛紛 上席 嘅 時候 ，天地會 群雄 啊 着 起 平西王府 親隨 嘅 服飾 ，闖入 去 黑門檻 大監獄 。
韋小寶啊 吩咐 驍騎營 軍士 ，同 御前侍衞 嚴密 把守 ，監視 吳應熊 帶嚟 嘅 衞隊 。
佢 同 吳應熊 一便 飲酒 ，一便 睇戲 。
呢陣時 演 嘅 係 一齣 崑曲 ，鍾馗 嫁妹 啊 。
噉啊 五個 小鬼 又 打關斗 又 蜎枱底 ，演出 各種 武功 啊 非常 熱鬧 。
韋小寶 睇到 猛 咁 叫好 ，吩咐 打賞 銀兩 畀 戲班 。
正在 熱鬧 個 時候 ，有人 行到 佢 後 便 靜靜 掹掹 佢 嘅 衫袖 。
韋小寶 捩轉頭 一睇 係 高彥超 ，見 佢 慢慢 噉 岌一岌 頭 ，知道 已經 得手 嘞 。
歡喜 到 佢 不得了 ，就 對 吳應熊 話 ：小王爺 你 隨便 坐下 先吓 ，我 去 啡 㞘 尿 。
吳應熊 個 心 諗 ：呢個 小流氓 講 嘢 咁 粗俗 嘅 。就 笑住 話 ：爵爺 請便 啦 。
韋小寶 嚟到 後堂 ，見到 天地會 群雄 一個 都 冇 少 就 好 歡喜 話 ：
好極嘞 ，各位 兄弟 都 冇 損傷 ，人 救出嚟 啦嘛 ？
見到 各人 嘅 面色 鄭重 ，估計 必定 有 啲 唔妥 喇 。
高彥超 話 ：吳三桂 呢個 奸賊 ，手段 好 毒辣 啊 。
韋小寶 話 ：點啊 ？
高彥超 同 徐天川 轉身 行 出去 ，抬 咗 一個 用 毛氈 包住 嘅 人 入嚟 ，只見 毛氈 上 便啊 都 係 血 。
韋小寶 嚇咗 一驚 啊 ，嗱嗱聲 行 上前 ，見到 毛氈 裏 便 包住 嘅 係 楊溢之 。
楊溢之 眯埋 雙眼 ，塊面 一啲 血色 都 冇 。
韋小寶 叫 佢 話 ：楊大哥 ，係 我 嚟 救 你 啊 。
楊溢之 輕輕 岌 下頭 ，都 唔知 聽唔聽得見 。
韋小寶 又 話 ：大哥 ，你 受咗 傷 啊 ？
徐天川 就 輕輕 掀開 張 毛氈 。
韋小寶 一聲 驚叫 ，退後 兩步 ，個身 一晃 ，爭啲 𢴈低 ，錢老本 即刻 扶住 佢 。
原來 楊溢之 兩隻手 畀 人哋 齊腕 斬咗去 ，兩隻腳 喺 膝頭哥 以下 亦 斬咗去嘞 。
徐天川 低聲 話 ：佢 條 脷 亦 割咗去 啊 ，雙眼 畀 人 挖咗出嚟 。
眼前 呢種 慘狀 ，韋小寶 真係 從來 都 冇 見過 嘅 ，心情 激動 ，當堂 放聲 痛哭 。
佢 同 楊溢 之 本來 交情 就 唔係 好 深 ，不過 係 言談 投機 唧 ，但 既然 結拜 咗 嘞 ，就 應該 有福 同享 有難 同當 。
而家 見到 佢 四肢 都 斬咗 去 ，不禁 悲憤 難當 ，一 伸手 拔出 匕首 佢 大叫 話 ：我 去 斬咗 吳應熊 隻 手腳 ！
風際中 拉住 佢 手 話 ：從長計議 啊 。
呢個人 講説話 唔多 ，但係 講親 都 啱嘅 ，韋小寶 向來 都 驚住 佢 三分 。
佢 即時 定 一定神 岌一岌 頭 話 ：風 大哥 講得 啱 。
徐天川 同 楊溢之 𢫏 翻 張毛氈 佢 話 ：呢件事 果然 同 我哋 有關 。
吳三桂 嬲 楊大哥 同 韋香主 結交 ，又 結拜 咗 做 兄弟 ，話 佢 背叛 舊主 ，貪圖 富貴 ，投靠 朝廷 ，所以 整到 佢 死唔死生唔生 。
等佢 手下 嘅 將領 ，唔 敢 背叛 佢 啊 。
韋小寶 喊住 話 ：吳三桂 ，佢 祖宗 十八代 都 係 死 烏龜 。
楊大哥 同 我 結拜 做 兄弟 ，又 冇 背叛 佢 。
呢個 大漢奸 自己 居心不良 ，亂咁 疑心 。
而家 楊大哥 噉樣 ，就係 呢個 大漢奸 造反 嘅 明證 。
就算 楊大哥 真係 投靠 朝廷 啊 ，又 有 咩嘢 唔啱 吖 ？
錢老本 話 ：噉咪 就係 。
不如 韋香 主將 楊大哥 帶去 北京 ，向 小皇帝 告佢 一狀 啦 。
韋小寶 問 徐天川 話 ：吳三桂 落 噉 嘅 毒手 ，係 因為 嬲 楊大哥 同 我 結交 ，徐大哥 又 點 知 嘅 呢 ？
徐天川 轉身 行 出去 ，捉咗 個人 入嚟 ，出力 噉 掟 佢 喺 地 。
呢個人 身穿 七品官服飾 ，肥肥白白 ，趴喺 地下 逳 都 唔 逳 。
徐天川 話 ：韋香主 ，呢個 傢伙 你 係 久聞 大名 嘞 ，不過 從來 未見過 ，佢 就係 盧一峰 。
韋小寶 冷笑 話 ： 哈哈哈 ， 原來 係 盧 老兄 啊 ， 你 喺 北京城 大膽 放肆 ， 收尾 畀 吳應熊 打斷 咗 狗腿 ， 點解 又 喺 呢 處 啊 ？
盧 一峰 嚇 到 一味 話 ： 係 ， 係 ， 誒 小人 唔 敢 。
徐天川 話 ：真係 冤家 路窄 啊 ，呢個 傢伙 原來 係 黑門檻 大監獄 嘅 典獄官 。
佢 就算 變咗 灰 啊 ，老子 都 認得出 佢 。
我哋 扮咗 吳三桂 嘅 親隨 去 監獄 提 人 ，呢個 嘢 仲 懶 神氣 噉 又 話 要 公事 ，又 話 要 平西王 嘅 手諭 ，豈 有 此 理 。
韋主寶話 ：噉真係巧啊 ，遇到 呢個 傢伙 救人 就 容易 嘞 。
徐天川 話 ：楊大哥 得罪 吳三桂 嘅 事 ，就係 佢 老兄 同 我 告密 嘅 。
盧一峰 聽到 告密 兩個 字 連忙 話 ：
誒 ， 係 係 ， 係 你 老人家 ， 誒 老人家 逼 我講 㗎 咋 ， 我 ， 我 係 點都 唔 敢 洩漏 平西親王 嘅 機密 㗎 。
韋小寶 啪噉 一腳 踢過去 ，當堂 踢甩 佢 三隻 門牙 。
韋小寶 話 ：我 去 同 吳應熊 傾偈 ，怕 佢 疑心 ，各位 仔細 盤問 呢個 傢伙 。
佢 如果 唔 講 呢 ，將 佢 兩隻 手 、兩隻 腳 割落嚟 就係 嘞 。
盧一峰 成口 都係 血 佢 連忙 話 ：嗯 我 講 ，嗯我講 。
佢 知道 呢 班 人 做 嘢 係 無法無天 嘅 ， 想起 楊溢之 嘅 慘狀 啊 ， 爭 啲 暈 咁 滯 啊 。
韋小寶 行到 楊溢 之前 便 ，叫 佢 ：楊大哥 。
楊溢之 聽到 叫聲 ，想要 坐起身 ，上身 一抬 ，終於 又 向後 跌翻 低嘞 。
群雄 見到 佢 嘅 慘狀 都 好 憤慨 。
呢個人 同 漢奸 做 走狗 ，本來 亦 唔 值得 咁 可惜 嘅 。
不過 吳三桂 父子 對 自己 忠心 嘅 部屬 ，竟然 落 噉 嘅 毒手 ，心腸 之 狠毒 啊 可想而知 咯 。
韋小寶 抹乾咗 眼淚 ，定一定神 ，返到去 大廳 。
只見啲戲子企響度 ，定晒噉逳都唔逳 。
一見到韋小寶返嚟喇 ，鑼鼓一響啊 ，扮演 鍾馗 嫁妹 嗰班 戲子 呢 又 接住 演落去 。
原來 佢 入咗 去 ，吳應熊 就 吩咐 停演 ，一直 等到 佢 返嚟 喇 ，噉 先至 接住 演落去 ，使到 佢 中間 不致 睇漏 咗 一段 。
韋小寶 向 吳應熊 道歉 ，話 公主 聽講 話 額駙 喺 處 飲酒 ，就 叫咗 佢 入去 ，詳細 噉 問 額駙 平日 呢 鐘意 着 咩 衣服 ，鐘意 食 咩 食物 ，問咗 好耐 ，累 得 佢 喺 大廳 等 咁 耐 唔 好意思 噉 。
吳應熊啊 非常 歡喜 ，猛咁 話 ：唔緊要 唔緊要 。
吳應熊 走咗 之後 ，韋小寶 返到去 廂房 ，唔見咗 天地會 群雄 噃 。
一問 ，原來 又 試出 晒 去 嘞 。
個 心 有 啲 奇怪 啦 ，唔知 佢 又 去 做 乜嘢 。
一直 等到 深夜 群雄 先至 返嚟 ，原來 又 捉咗 個人 返嚟 。
原來 徐天川 啊 追問 盧一峰 ，知道 吳三桂 所以 噉樣 折磨 楊溢之 啊 ，一來 ，固然 係 疑心 佢 同 韋小寶 結拜 做 兄弟 ，有 背叛 嘅 意思 ；
二來 ，仲 同 蒙古 王子 葛爾丹 有關 。
呢個 葛爾丹 同 吳三桂 近年來 呢 交往 非常 親熱 ，不斷 來來去去 噉 互相 送禮 。
噉 最近 呢 佢 又 派 咗 侍者 ，帶 禮物 嚟到 昆明 。
呢個 使者 叫做 罕帖摩 ，同 吳三桂 長談咗 幾日 ，就 唔知 點解 竟然 畀 楊溢之 知道 咗 內情 ，噉 似乎 因為 勸 阿 吳三桂 ，激嬲 咗 佢 。
盧一峰啊 官卑職小 ，就 唔 知道 詳細 情形 嘅 ，只係 喺 吳三桂 衛士 嗰度 呢 聽咗 幾句 ，喺 天地會 群雄 敲打 之下 唔敢 隱瞞 ，就 盡其所知 都 講咗出嚟 。
群雄 一 商量 ，一不做二不休 ，索性 再次 假扮 吳三桂 嘅 親隨 ，又 去 將 嗰個 蒙古 使者 罕帖摩 捉翻嚟 嘞 。
韋小寶 喺 少林寺 嘅 時候 ，曾經 見過 葛爾丹 ，呢個 人 驕傲 蠻橫 ，曾經 叫 部屬 用 金鏢 射 佢 。
如果 唔係 有 寶衣 護身 啊 ，早就 畀 金鏢 射 死 嘞 。
佢 諗 ：佢嘅 使者 亦 唔會 係 好人 㗎 喇 。
一見 嗰個 罕帖摩約 莫 五十 零歲 ，下爬 留咗 筆 淡黃色 嘅 鬍鬚 ，目光 閃爍不定 ，嗯 ，顯然 都 幾 狡猾 㗎 。
韋小寶 話 ：帶佢 去 睇下 楊大哥 啦 。
高彥超 應咗 ，就 推 佢 去 隔籬房 。
只聽見 罕帖摩 一聲 大叫 ，嘿呀 ，叫得 都 唔知 幾咁 恐怖 ，梗係 見到 楊溢之 嘅 模樣 之後 ，嚇到 魂不附體 嘞 。
高彥超 帶 佢 翻嚟 ，見 塊面 啊 冇 晒 血色 ，個身 仲 不停 咁 震 。
韋小寶 話 ：先頭 嗰個人 ，你 見到 㗎啦 ？
罕帖摩岌 一岌頭 。
我 有 嘢 問 嗰個 人 ，佢 呢 ，就 回答 得 不實不盡 ，講咗 幾句 大話 。
我啊 向來 有 個 規矩 嘅 ，有邊個 同 我 講 一句 大話 呢 我 就 割 佢 一隻 腳 ，講 兩句 大話 呢 割 兩隻 腳 。
哈 呢個人 講咗 幾多句 大話 啊 ？
高彥超 話 ：講咗 七句 。
唉 ， 呢 個人 講 大話 多 過頭 咯 ， 唯有 將 佢 兩隻手 、 兩隻 眼核 、 一條 脷 ，冚𠾴唥 都 報銷 啦 。
講完 ，拔出 匕首 護低身 ，輕輕 一割 ，就 將 一隻 木凳 腳 啊 割咗落嚟 ，揸住 喺 手 拋嚟拋去 笑住 話 ：
我 呢 把 刀 割 人 手腳 啊 一啲 都 唔 會 拖泥帶水 嘅 ，你 想 唔 想 試下 呢 ？
罕帖摩 本來 係 蒙古 勇士 ，但係 見到 楊溢之 嘅 慘狀 啊 都 嚇到 魂飛魄散 ，佢 話 ：
誒 ， 大人 ， 誒 大人 有 咩 要問 ， 小人 ， 誒 小小 人 唔 敢 有 半句 隱 ， 誒 隱瞞 啊 。
韋小寶 話 ：好極嘞 。
平西親王 要 我問 你 ， 你 同 王爺 講 嘅 説 話 到底 係 真 呢 定 係 假 嘅 ， 有 冇 講 大話 ？
大人 明 鑒 ， 小人 ， 誒 小人 點敢 欺騙 王爺 啊 ？ 的的確確 係 嗯 冇 ， 冇 講 大話 。
嗯 ，王爺 唔信 啊 ，佢 話 你哋 蒙古人 好 狡猾 嘅 ，講過 個 説話 ，周時 唔 算數 ，最 鐘意 賴賬 㗎 喇 。
我哋 係 成吉思汗 嘅 子孫 ，向來 一係一 、二係二 。
你 知唔知 我 係 咩 人 啊 ？
誒 小人 唔知 啊 。
你 估下 。
罕帖摩 見到 呢間 安阜園 結構 宏麗 ，佢 自己 呢 ，係 平西王府 親隨 帶嚟 嘅 ；
見到 韋小寶 年紀 雖然 係 細 啊 ，但係 身穿 一品 武官 服飾 ，黃馬褂 ，頭戴 紅寶石 頂子 、雙眼 孔雀翎 ，乃係 朝廷 嘅 顯貴 大官 ；
噉賜 穿 黃馬褂 呢 ，更加 係 特異 嘅 尊榮 嘞 。
佢 諗 ：你 小小年紀 ，做到 噉嘅 大官 ，梗係 靠 父親 嘅 福廕 嘞 。
昆明城 裏 便 ，除咗 平西親王 之外 ，仲有 邊個 有 噉 嘅 聲勢 啊 ？
平西王 屬下 嘅 親隨 又 對 你 咁 恭謹 有禮 。
嗯 冇錯喇 ，就 恭恭敬敬 噉 話 ：
小人 有眼無珠 ， 原來 大人 係 平西王 嘅 小公子 啊 。
佢 見過 吳應熊 ，而家 見 韋小寶 嘅 服飾 同 吳應熊 差唔多 ，所以 就 估 佢 係 吳應熊 嘅 細佬 。
韋小寶 打個 特鬧 佢 話 ：叉叉叉 ，你 講 咩嘢 話 ？
不過 佢 跟住 又 哈哈大笑 話 ：哈哈哈哈哈 你 果然 聰明 ，難怪 葛爾丹 王子 派 你 嚟 做 噉嘅 大事 嘞 。
你哋嘅 王子 同 我 交情 亦 好好㗎 。
噉佢 講咗 葛爾丹 嘅 相貌 服飾 ，又 話 ：
嗰日 我 同 你哋 王子 談論 武功 ，佢 使 呢 幾下 招式 啊 真係 使得 嘅 。
於是就 將 葛爾丹 喺 少林寺 使過 嘅 招式 ，表演咗 幾下 。
罕帖摩 高興 到 不得了 ，即刻 請咗 個 安佢 話 ：
小王爺 同 我哋 王子 係 至交 好友 ，大家 原來 係 一家人 啊 。
韋小寶 話 ： 你 哋 王子 好 吖 嘛 ？ 近來 係 唔 係 同昌齊 喇嘛 喺 一齊 啊 ？
昌齊喇嘛 目前 ，正 喺 我哋 王府 作客 啊 。
啊 ，噉 就係 嘞 。
誒 有 一位 鐘意着 藍色 衫裙 嘅 漢人 姑娘 叫做 阿琪 ，而家 都 喺 你哋 王府 啊 ？
罕帖摩擘大雙眼又驚又喜佢話：
原來 ， 原來 小王爺 連呢 誒 呢 件 事 都 知道 喇 ， 誒 果然 係 誒 ， 果然 係 了不起 啊 。
韋小寶 隨便 一 估 ，居然 估中咗 就 十分 得意 ，哈哈大笑 噉 話 ：
你哋 王子 乜嘢 都 唔 瞞 我 嘅 ，阿琪 姑娘 係 你哋 王子 嘅 相好 ，佢 嘅 師妹 阿珂 姑娘 呢 ，係 我 嘅 相好 。
噉 我哋 仲 唔算 係 一家人 咩 ？吓 ？哈哈哈哈哈哈哈 。
兩個人 相對 大笑 啊 冇到 隔閡 喇 。
韋小寶 話 ：父王 派 我 嚟 問下 你 ，到底 你 同 父王 講 嗰 番 説話 係唔係 真心誠意 ，冇 其他 陰謀 。
罕帖摩話 ：小王爺 ，你 同 我哋 王子 噉嘅 交情 ，點解 仲 會 疑心 呢 ？
我 父王 講 ：一個人 如果 講 大話 呢 ，噉 第一次 講 嘅 同 第二次 再 講 嘅 總係 有 啲 唔同 嘅 。
呢件事情 ，實在 太大 嘞 ，一下 唔小心 大家 都 會 搞唔掂 。
所以 要 你 從頭到尾 同 我 再 講 一次 ，睇下 喺 兩次 嘅 説話 裏頭 有 邊處 唔接榫 嘅 。
罕帖摩老兄 ，我 唔係 信唔過 你哋 王子 啊 ，不過 同 你 呢 ，係 初次 見面 ，唔明白 你嘅 為人 ，因此 呢 非要 仔細 盤問 不可 。
噉得罪 你 嘅 地方 就 唔好 怪 喇 。
哦噉係 應該 ，應該 。
呢件事 如果 係 洩漏咗 風聲 啊 ，即刻 就 有 殺身之禍 啊 。
平西王 做事 認真仔細 ，係 啱嘅 。
請 小王爺 回稟 王爺 ，我哋 四家 結盟 之後 ，一齊 出兵 ，四分 天下 。
中原 江山 ，一定 由 王爺 獨得 ，其餘 嗰 三家 呢 決 唔會 眼紅 嘅 。
韋小寶 大吃一驚 啊 佢 諗 ：四分天下 ？唔知 係 邊 四家 呢 ？
但係 如果 問 佢 即係 話 我 一無所知 啫 ，噉 就 露咗 底 嘅 嘞噃 ，佢 笑吟吟 噉 話 ：
呢件事 我 同 你哋 王子 亦 商量過 幾次 。
只係 事情 成功 之後 呢個 天下 點樣 分法 ，傾嚟傾去 總係 傾唔埋 ，呢 一次 你哋 王子 又 點樣 講 呢 ？
罕帖摩話 ：我哋 王子 話 ，佢 決唔係 有心 佔多啲便宜 嘅 。
不過 聯絡 羅剎國 出兵 ，係 佢 殿下 千辛萬苦 先至 講掂 嘅 。
羅剎國 嘅 火器 厲害 無比 ，槍炮 揈 咗 出嚟 啊 ，清兵 都 幾 難 頂 㗎 。
只要 羅剎國 出兵 ，大事 必成 。
平西王 做咗 中國 大皇帝 ，小王爺 就係 親王 嘞 。
韋小寶 一 聽 羅剎國 出兵 ，個 心頭 就 一震 嘞 。
嗱 各位 ，欲知 後事 如何 ，且 聽 下回 分解 。
