前 文 再續 啊 書 接上 一回 啊 。
話 說 鄭克 塽 聽見 阿 珂 嘅 呼叫 ， 一 轉頭 見到 係 佢 ， 個心 好 歡喜 ， 急忙 行埋 去 話 ：
陳姑娘 ， 師太 ， 你 哋 喺 呢 處 啊 ？ 我 到處 咁 搵 你 哋 都 搵 唔 到 。
呢 間 麵 鋪 個 鋪面 係 好細 㗎 ， 天地會 群雄 啊 坐 咗 六圍 ， 再 加上 阿 珂 佢 三個 人 坐 咗 一圍 ， 噉 啊 已經 冇 空 枱 嘞 。
鄭府 一名 隨從 向 徐天川 話 ：
喂 老坑 ， 你 哋 幾個 人 逼一逼 讓 幾張 枱 出 嚟 吖 。
喺 尋 晚 殺 龜 大會 之中 ， 鄭克 塽 身穿 明朝 服飾 ， 人人 注目 ， 徐天川 等 人 呢 都 認得 佢 。
噉 天地會 係 延平郡王 嘅 部屬 ， 原來 都 想 讓座 嘅 。
不過 呢 個 隨從 嘅 説 話 非常 冇 禮 ， 大家 一聽 都 非常 激氣 。
玄貞道人 鬧 咗 一句 話 ： 叉叉 叉 ， 你 算 係 乜嘢 啊 ？
李力世 打個 眼色 ， 低聲 話 ： 大家 自己 人 ， 無謂 同 佢 哋 爭 吖 ， 讓 個 座位 唔 緊要 。
噉 徐天川 、 關安基 、 高彥超 、 樊綱 四個 人 就 企 起身 ， 坐 埋 去 風際中 嗰 張 枱 就讓 咗 一張 枱 出 嚟 。
呢 個 時候 ， 鄭克 塽 已經 喺 九難 張 枱 坐 低 嘞 。
阿 珂 睩 咗 韋小寶 一眼 話 ：
當面 車大炮 ， 又 話 鄭公子 帶 咗 四個 咩 嘢 女俠 。
韋小寶 話 ：
鄭公子 一到 你 就 唔 鐘意 我 坐 埋 一齊 㗎 喇 ， 實 係 話 見到 我 就 食 唔 落 啊 噉 啦 ， 噉 亦 冇 所謂 嘅 。
噉 就 行去 徐天川 身邊 坐落 ， 低聲 話 ： 大家 當唔 認識 我 吓 。
徐天川 等 一見 ， 都 係 又驚又喜 。
呢 啲 人 個個 都 係 老江湖 ， 機警 萬分 ， 一 聽 佢 噉 講 即時 會意 嘞 ， 邊個 都 不動聲色 。
韋小寶 又 低聲 話 ： 我 哋 當作 從來未 見過面 嘅 ， 徐三哥 ， 你 去 同 大家 講下 啦 。
徐天川 企 起身 行去 李力世 嗰 圍 枱， 低聲 話 ：
本堂 韋香主 駕到 啊 ， 要 大家 詐諦 唔 識 佢 。
李力世 佢 哋 頭 都 唔 回 ， 佢 有 佢 哋 飲酒 食 餸 ， 但 係 個 心 呢 非常 欣喜 。
一陣 間唧 ， 每圍 枱 都 通知 到 嘞 。
喺 嗰 便 張 枱 呢 ， 鄭克 塽 啊 興高采烈 ， 大聲 噉 話 ：
師太 ， 喺 尋 晚會 上 便 ， 各家 英雄 都 推舉 我 做 福建省 嘅 盟主 ， 大家 商量 大事 ， 一直 傾到 天光 。
噉 我 返去 客店 搵 你 哋 啦 ， 哈 你 哋 已經 走 咗 咯 ， 一路 噉 追 嚟 ， 哈 ， 好 彩 喺 呢 處 撞 到 你 哋 。
九難 話 ： 恭喜 鄭公子 。
不過 呢 啲 機密 大事 ， 唔 好 喺 大 庭 廣 眾 提起 啊 。
係 ， 好 在 呢 處 都 冇 外人 唧 ， 嗰 啲 鄉下佬 ， 聽 咗 都 唔 明白 嘅 。
原來 天地會 嘅 群雄 都 扮成 鄉下 嘅 農夫 噉 樣 ， 一個個 打大 赤腳 ， 有 啲 仲 揸 住 鋤頭 釘耙 啊 噉 。
尋晚 大會 人多 啊 ， 鄭克 塽 就 唔 認得 佢 哋 。
韋小寶 耷 低頭 食 麵 ， 低聲 話 ： 呢 個 傢伙 好 囂張 啊 。
呢 幾日 喺 河間 府 到處 咁 吹牛 ， 話 我 哋 天地會 係 佢 台 灣 延平 王府 嘅 下屬 ， 話 總舵主 見到 佢 啊 ， 都 恭恭敬敬 ， 連 唞 大氣 都 唔 敢 大聲 啊 。
又 話 我 哋 咩 嘢 堂 嘅 香主 蔡 老哥 ， 以前 呢 ， 係 佢 阿爺 嘅 馬 夫 ， 咩 嘢 堂 嘅 香主 李 老哥 ， 又 同 佢 阿爺 倒 尿壺 嘅 噉 話 。
關安基 好 嬲 噉 話 ： 邊度 有 噉 嘅 事 呢 ？
蔡香主 、 李香主 雖 曾經 喺 國姓爺 部下 ， 不過 都 係 上陣 打仗 嘅 軍官 。
徐天川 低聲 話 ： 關夫子 ， 細聲 啲 。
關安基 岌一岌頭 。
韋小寶 又 話 ： 佢 仲 講 咗 好多 糟騭 我 哋 青木堂 尹香主 嘅 壞話 啊 。
噉 有人 話 佢 聽 ， 尹香主 早就 歸天 喇 噉 。
嗰 個 衰仔 話 ： 係 吖 ， 呢 個 姓 尹 嘅 武藝 低微 ， 個樣 又 生 得 衰 ， 我 早 知道 佢 係 個 短命 鬼 嘞 。
關安基 嬲 到極 啊 ， 舉起 手掌 想 出力 拍落 張 枱 處 。
徐天川 手快 一下 捉住 佢 手腕 。
韋小寶 知道 群雄 唔 肯 得罪 延平 王府 個人 ， 何況 呢 個 衰仔 呢 係 王爺 嘅 仔 。
如果 唔 係 大肆 挑撥 啊 ， 就 好 難激 到 佢 哋 逳 手 嘅 。
而家 見到 眾人 都 好 嬲 嘞 個 心 歡喜 喇 ， 不過 塊面 啲 表情 就 好 憂慮 噉 ， 佢 話 ：
個 衰仔 啊 亂 咁 噏 ， 本來 亦 都 唔 緊要 嘅 。
不過 佢 一路 到處 噉 招搖 ， 講 咗 我 哋 會 裏頭 好多 機密 大事 。
逢 人 就講 切口 ， 咩 地振 高岡 ， 一派 溪山 千古 秀 ， 話 自己 係 坐 喺 紅花 亭 頂上 便 嘅 ， 總舵主 燒六 炷 香 ， 佢 自己 就要 燒七 炷 香 。
噉 聽 嘅 人 唔 明白 啦 ， 佢 就 詳詳細細 噉 講 畀 人 哋 聽 。
群雄 好 不滿 啊 ， 會 裏頭 呢 啲 機密 噉 樣洩漏 咗 出去 ， 如果 畀 朝廷 鷹爪 聽 咗 ， 天地會 兄弟 人人 都 有 性命之憂 。
眼見 鄭克 塽 神色 輕浮 ， 所 帶 嘅 隨從 飛揚跋扈 ， 邊度 仲會 有假 㗎 ？
何況 先頭 就 聽到 佢 對 一個 婦人 ， 猛講 尋晚 殺 龜 大會 裏頭 嘅 事 ， 得意洋洋 噉 自稱 做 咗 福建省 嘅 盟主 。
韋小寶 話 ： 我 睇 我 哋 啊 非 要 殺 下 佢 嘅 氣勢 不可 ， 否則 大事 不妙 啊 。
群雄 都 慢慢 岌下頭 。
韋小寶 話 ： 請風 大哥 去 噍 佢 一餐 ， 不過 呢 又 唔 好 打 得 太 厲害 噃， 教訓 下 佢 就 得 喇 。
等陣 我 出 嚟 抱打不平 ， 請風 大哥 詐 假意 輸 畀 我 。
風際中 微微 岌下頭 。
韋小寶 又 話 ： 錢 老闆 ， 尋晚 你 喺 大會 上面 講過 嘢 ， 怕 呢 個 衰仔 認得 你 啊 。
噉 錢老本 低聲 話 ： 既然 係 噉 ， 我 避開 下先 啦 。
鄭 府 嗰 班 隨從 呢 仲有 好多 人 冇 座位 㗎 ， 有 個人 見到 天地會 群雄 嗰 啲 枱 仲 有 空位 ， 就 喺 徐天川 背後 輕輕 一 推話 ：
喂 ， 嗰 便 仲 有 空位 啊 ， 你 哋 再 讓 張 枱 出 嚟 啦 。
徐天川 啪 聲 跳 起身 鬧 佢 嘞 ： 讓 咗 張 枱 仲 唔 夠 啊 ？
老子 最 睇 唔 慣 啲 有錢 人家 嘅 公子哥兒 恃勢 蝦 人 㗎 嘞 。
講完 ， 一聲 咳嗽 ， 一 啖 濃痰 噗 噉 噴出 嚟 向 住 鄭克 塽 吐過去 。
鄭克 塽 啊 正在 同阿珂 傾 偈 ， 完全 冇 到 提防 。
等到 覺得 有 風聲 喇 ， 啖 痰 已經 嚟 到 嘞 ， 急忙 一閃 ， 仲 係 跌 咗 落條 頸 處 ， 滑 潺潺 噉 真 係 想 作嘔 。
佢 急急 扲 出 條 手巾 仔抹 咗 去 ， 發火 喇 佢 ： 幾個 鄉下佬 咁 無法無天 ， 同 我 打 ！
一個 隨從 啊 對 住 徐天川 一拳 揈 過去 咯 喎 。
徐天川 哎 吖 一聲 ， 唔 等 拳頭 打 到 面門 啊 ， 個身 啊 已經 向後便 𢴈 低 ， 詐 假意 𢴈 到 好 狼狽 噉 。
佢 大聲 話 ： 打死 人 喇 ， 打死 人 喇 。
鄭克 塽 同埋 阿珂 啊 哈哈大笑 啊 。
風際中 企 起身 ， 指住 鄭克 塽 喝 佢 話 ： 有 咩 嘢 好笑 啊 ？
鄭克 塽 嬲 嘞 ： 我 偏要 笑 ， 你理 得 咁 多 咩 ？
風際中 一 伸手 ， 啪 一聲 ， 重重 噉 摑 咗 佢 一 巴 。
鄭克 塽 又 驚 又 嬲 ， 撲上去 連擊 兩拳 。
風際中 左躲右閃 ， 擰 轉身 就 趯 咗 出去 外便 。
鄭克 塽 追 出去 ， 向風際 中 迎面 一拳 ， 風際中 打斜 個身 避開 。
風際中 啊 明白 韋小寶 個 用意 ， 要 盡量 使 呢 個 鄭公子 出醜 ， 壓低 佢 嘅 氣焰 ， 所以 只 係 東 一拳 、 西 一腳 噉 同 佢 游 鬥 。
徐天川 話 ： 我 哋 河南 伏牛山 好漢 嘅 威風 ， 唔 能夠 畀 呢 個 僆 仔整 衰 㗎 ！ 群雄 跟 住 佢 大聲 噉 喝 。
大家 知道 戲弄 下 呢 個 少年 雖然 唔 緊要 啊 ， 不過 就 唔 能夠 畀 佢 認出 眾 人 嘅 來歷 ， 喝 罵 亦 好 有分寸 嘅 ， 一句 都 冇 污辱 佢 嘅 屋企 。
李力世 話 ： 我 哋 伏牛山 呢 次 出 嚟 作案 ， 仲未 發市 ， 啱 喇 ， 撞 到 呢 個 穿金戴銀 嘅 僆 仔 ， 將 佢 捉 翻 去 ， 叫 佢 老豆 攞 一百萬兩 銀 嚟 贖 啦 。
鄭 府 嗰 班 隨從 ， 見到 公子 一時 打 唔 低 呢 個 鄉下佬 ， 聽見 眾人 一 嗌， 哦 原來 係 伏牛山 嘅 盜賊 唄 ， 即刻 攞 出 兵器 就 殺 過去 咯 喎 。
徐天川 、 樊綱 、 玄貞道人 、 高彥超 、 關安基 、 李力世 等 一齊 出手 ， 噉 啊 當堂 乒乒乓乓 打 到 十分 熱鬧 。
鄭 府 嗰 啲 隨從 呢 雖然 都 係 延平 王府 精選 嘅 衞 士 ， 噉 又 點及 得 天地會 群雄 吖 ？
兼 之 幾日 之前 啊 ， 畀 嗰 班 喇嘛 打斷 咗 手腳 ， 個個 身上 負傷 嘅 ， 打 咗 幾個 回合 ， 就 冚𠾴唥 輸 晒 嘞 。
天地會 群雄 啊 手下留情 ， 只 係 搶 咗 佢 哋 嘅 兵器 ， 將 佢 哋 圈 成 個 圈 監視 住 ， 就並 冇 傷害 佢 哋 。
嗰 便 鄭克 塽 呢鬥 咗 十幾個 回合 ， 睇 住 風際中 笨手笨腳 ， 跌跌撞撞 ， 似乎 下 盤 啊 極之 唔 穩 ， 於是 抖擻精神 ， 將 生平 絕技 全部 施展 出 嚟 。
佢 有心 要 喺 阿 珂 面前 演下 嘢 ， 使 阿 珂 對 自己 呢 更加 好感 ， 只見 佢 揮拳 生風 ， 踢腿 有聲 ， 着 着 進逼 。
風際中 呢 似乎 只有 招架 之功 ， 但 係 往往 喺 千鈞一髮 嘅 時候 避開 咗 佢 拳腳 。
阿珂 睇 到 好 緊張 啊 不停 咁 話 ： 哎呀 ， 可惜 啊 ， 又爭 一 啲 唧 。
韋小寶 走 埋 去 九難 身邊 話 ：
師父 ， 你 老人家 身子 未曾 好 晒 ， 呢 啲 大賊 啊 好惡 㗎 ， 等陣 鄭公子 如果 輸 咗 呢 ， 你 老人家 唔 好 出手 喇 。
阿珂 好 嬲 噉 話 ： 你 睇 佢 完全 佔 咗 上風 點會 打輸 呢 ？ 真 係 亂講 。
九難 微笑 話 ： 呢 啲 人 似乎 對於 鄭公子 並 冇 惡意 ， 不過 係 同 佢 開 下 玩笑 啫 。
呢 一位 對手 武功 比 鄭公子 叻 過 好多 。
阿珂 唔 信 喇 ： 師父 ， 你 話 嗰 個 強盜 嘅 武功 高過 鄭公子 啊 ？
噉 仲 使講 咩 ？ 呢 個人 嘅 武功 確實 係 使得 ， 恐怕 未必 係 咩 伏牛山 嘅 強盜 。
如果 佢 哋 真 係 強盜 ， 把 口 就 唔 會 亂 咁 叫 話 要 綁架 作案 啦 。
韋小寶 個心 諗 ： 到底 係 師父 眼光 高明 啊 。
佢 話 ： 噉 等 弟子 去 勸 佢 哋 唔 好 打 呢 ？
阿 珂 矋 咗 佢 一眼 話 ： 你 有 咩 面子 咩 本事 ， 能夠 勸 得 佢 哋 聽 啊 ？
呢 個 強盜 武功 雖然 係 高 啫 ， 之 拳腳 裏 便 有 好 大 破綻 嘅 。
鄭公子 鬥 佢 唔 落 啊 ， 我 十招 之內 一定 可以 打 到 佢 哋 落荒而逃 啊 。
九難 知道 佢 嘅 武功 低微 ， 但 係 講唔 定 又 有 咩 稀奇古怪 嘅 法子 可以 制服 敵人 嘅 ， 就 話 ：
呢 班 人 睇 嚟 唔 係 壞人 ， 唔 好 殺 佢 哋 啊 。
嗰 啲 下三濫 落 蒙汗藥 、 放毒 之類 嘅 手段 ， 如果 唔 係 面臨 生死關頭 決 唔 准使 。
你 已經 係 我 鐵劍門 嘅 門下 喇 ， 唔 能夠 敗壞 本 派 嘅 名堂 啊 。
係 ， 我 聽 師父 話 ， 決 唔 殺傷 佢 哋 就 係 啦 。
師父 你 放心 啦 ， 我 有 法子 救 鄭公子 條 命 嘅 。
阿珂話 喇 ： 又 嚟 亂講 嘞 ， 鄭公子 眨 下眼 就 贏喇要 你 救 佢 咩 命 唧 ？
啱 啱 講到 呢 處 ， 只 聽見 嗤 噉 一聲 ， 鄭克 塽 件 長衫 已經 畀 佢 撕爛 咗 一窟 。
鄭克 塽 好 嬲 啊 ， 出手 更 加快 嘞 。
只 聽見 嗤 嗤 噉 聲 ， 風際中 十隻 手指 就 好似 鐵爪 一樣 ， 將 佢 長衫 、 內衣 、 褲 ， 一片片 嘅 撕 落 嚟 。
但 係 用力 啊 恰到好處 ， 一 啲 都 唔 整 傷 佢 嘅 肌肉 。
鄭克 塽 眼見 再 撕 幾下 成 個人 就 會 全裸 㗎 嘞 ， 慌起 上 嚟 就 轉身 想 趯 嘞 噃。
風際中 雙臂 一彎 ， 兩隻手 踭 呢 已經 去 到 佢 胸前 嘞 。
鄭克 塽 急急 後退 ， 雙拳 擊出 ， 只 覺得 手腕 一 緊 ， 風際中 啊 左手 捉住 佢 右手 ， 右手 啊 捉住 佢 左手 ， 順勢 一揮 ， 將 佢 成 個人 掟 出去 。
風際中 話 ： 接 住 佢 ！
掟 呢 下 啊 ， 竟然 有 七八丈 遠 。
玄貞道人 展開 輕功 追過去 ， 擔 高頭 話 ： 高 兄弟 ， 你 嚟 接班 。
高彥超 又 即刻 跳過去 。
樊綱 、 徐天川 、 關安基 等 覺得 好 好玩 ， 就 紛紛 叫住 走 過去 。
玄貞道人 啊 接 住 鄭克 塽 ， 跟 住 又 掟 出去 嘞 喎 ， 跌落 嚟 嘅 時候 ， 啱 啱 高彥超 趕到 嚟 ， 接 住 之後 呢 ， 再 掟 畀 幾丈 遠 之外 嘅 徐天川 。
呢 啲 人 嘅 氣力 有強 有 弱 ， 輕功 啊 有高有低 ；
掟 人 嘅 時候 ， 或遠 或 近 ， 奔跑 嘅 時候 呢 ， 或 快 或 慢 ；
但 係 鄭克 塽 喺 半空中 飛出去 幾十丈 之外 啊 ， 始終 冇 落地 。
天地會 群雄 各展所長 嘞 ， 呢 陣時 先至 顯出 真功夫 啊 。
關安基 啊 氣力 極大 ， 首先 係 將 鄭克 塽 向 天 掟 上去 四五丈 ， 等 佢 落 嚟 嘅 時候 ， 雙 掌 喺 佢 背心 一推 ；
嗰 兩股 力量 夾埋 一齊 ， 鄭克 塽 就 好似 騰雲駕霧 一樣 ， 呢 下 飛 得 更遠 嘞 。
韋小寶 啊 睇 到 高興 到 極咯 ， 拍手 大笑 。
突然 間 ， 後 枕 喥 一聲 ， 畀 阿珂用 手指 節 啊 重重 搉 咗 一下 。
佢 嚇 咗 一 驚 ， 捩 轉頭 ， 只見 阿珂 好 着急 噉 話 ：
佢 哋 綁架 咗 佢 啊 ， 你 ， 你 快 啲 去 救人 啦 。
佢 哋 同 鄭公子 又 冇 冤 又 冇 仇 ， 師父 話 不過 係 同 佢 開 下 玩笑 啫 嘛 你 使 乜 着急 呢 ？
唔 係 嘅 ， 唔 係 㗎 ， 佢 哋 綁架 咗 佢 去 啊 ， 要 勒索 一百萬兩 銀 啊 。
鄭公子 屋企 銀 都 唔 知 幾多 ， 三百萬 四百萬 都 出 得 起 啦 ， 一百萬兩 銀有 乜 緊要 唧 ？
阿珂 出力 噉 喺 地下 𨂽 下 隻 腳 ， 佢 話 ：
哎呀 ， 你 冇 生 眼 嘅 咩 ？ 佢 ， 佢 畀 呢 班 強盜 整 到 死去活來 啊 。
韋小寶 喺 佢 耳 仔 邊 低聲 話 ： 你 要 我 救 佢 都 唔 難 ， 你 應承 做 我 老婆 啦 。
亂講 。
阿珂 遠遠 噉 望 過去 ， 見 鄭克 塽 畀 人 接 住 之後 呢 唔 掟 佢 嘞 ， 聽見 有人 喺 度 叫 ：
喂 ， 你 哋 快 啲 返 去 攞 銀 嚟 ， 嚟 伏牛山 贖人 啦 ！
我 哋 唔 會 殺 呢 個 僆 仔 嘅 ， 只 係 日日 打 佢 三百 大板 唧 。
啲 銀早 到 一日 ， 佢 就 少 捱 三百下 ， 遲到 十日 ， 就 打 多 三千 板 。
阿珂拉住 韋小寶 隻 手 好 着急 噉 話 ：
你 聽 下 ， 你 聽 下 ， 佢 哋 每日 要 打 佢 三百 板 啊 ， 呢 度 去 台灣 條路 咁 遠 ， 一個月 都 唔 能夠 來回 啦 。
韋小寶 話 ： 每日 三百 板 ， 噉 就算 兩個 月 啦 ， 噉 兩個 月 六十日 ， 三 六 一十八 ， 誒 亦 不過 一千八百 板 啫 。
哎呀 唔 係 啊 唔 係 啊 ， 係 一萬八千 板 啊 ， 你 呢 個人 真 係 。
哈哈哈哈 ， 哎 我 呢 個人 真 係 計數 唔 得 嘅 。
噉 啊 呢 一萬八千 板 打 完 呢 ， 佢 嘅 屁股 功就練 得 登峰 造極 喇 。
阿珂 嬲 到極 啊 ， 將 佢 隻 手 一 捹： 我 唔 理 你 喇 。 又 嬲 又 急 ， 又 喊 嘞 。
韋小寶 話 ： 好 喇 好 喇 ， 唔 好 喊 ， 唔 好 喊 ， 我 嚟 想 下 法子 。
不過 我 啱 先 提出 嚟 嘅 條件 你 唔 能夠 賴 㗎 噃。
你 快 啲 救 到 佢 再 講 啦 。
韋小寶 知道 佢 只 係 隨口 敷衍 㗎 啫 ， 真 係 要 佢 應承 嫁 畀 自己 無論如何 係 唔 肯 㗎 嘞 ， 就 話 ：
我 為 你 赴湯蹈火 在所不辭 ， 不過 以後 你 呢 就 唔 准 再 欺負 我 喇 。
係 喇 係 喇 ， 你 快 啲 去 啦 。
阿珂 噉 講 嘅 時候 ， 都 冇 望 韋小寶 一眼 ， 只 係 睇 實 遠處 嘅 鄭克 塽 。
只見 佢 雙手 已經 畀 人 反綁 ， 抱 咗 上 馬背 ， 轉眼 就 會 畀 人 帶走 嘞 ， 佢 急 起 嚟 伸手 喺 韋小寶 背脊 推 咗 一 推 。
韋小寶 喺 個 心 處 鬧 ：
死人頭 你 嘩 ， 老子 遇到 嘅 靚女 呢 總 係 𠼮 我 去 救 佢 嘅 心上人 嘅 ， 老子 呢 個 老襯 啊 真 係 做到 熟手 到極 喇 。
恐怕 我 嘅 老 襯 功 ， 亦 練 到 登峰 造極 咯 。
佢 急急 腳 跑出去 大叫 話 ： 喂 ， 伏牛山 嘅 大王 ， 在 下 有 説 話 講 啊 。
群雄 早就 喺 處 等 佢 挺身而出 㗎 嘞 ， 一 聽 佢 開 聲 ， 即刻 就 擰 轉身 。
高彥超 話 ： 小兄弟 ， 你 有 咩 説 話 講 啊 ？
韋小寶 話 ： 你 哋 做 咩 要 捉 佢 啊 ？
我 哋 山寨 裏 便 弟兄 眾多 ， 缺乏 糧草 ， 今日 將 佢 暫時 扣押 ， 要 向 佢 阿爹 借 一百萬兩 銀喇 。
一百萬兩 銀 啫 嘛 ， 小事 啦 ， 我 借 畀 你 哋 啦 。
哈哈哈 哈哈 ， 小兄弟 尊姓大名 啊 ？ 憑 咩 講埋 啲 噉 嘅 説 話 啊 ？
我 叫做 韋小寶 。
哎呀 高彥超 抱拳 行禮 躬身 噉 話 ：
原來 係 小白龍 韋英雄 ， 你 殺死 滿洲 第一 勇士 鰲拜 天下揚名 ， 我 哋 非常 仰慕 ， 今日 拜見 尊范真 係 三生有幸 啊 。
樊綱 等 一齊 恭謹 行禮 。
韋小寶 抱拳 行禮 話 ： 不敢當 ， 不敢當 。
高彥超 話 ： 我 哋 畀 面 韋英雄 ， 呢 個 僆 仔 我 哋 放 咗 㗎 喇 ， 嗰 一百萬兩 銀 亦 唔 敢 要 喇 。
徐天川 喺 身邊 攞 出 兩隻 大 元寶 ， 雙手 恭恭敬敬 噉 呈 畀 韋小寶 話 ：
韋英雄 ， 你 路上 如果 唔 夠 使用 ， 呢 度 一百兩 銀請 你 收 咗 佢 先 啦 。
多謝 。
韋小寶 收落 元寶 ， 轉身 交 畀 阿 珂 。
阿珂點 都 想 唔 到 呢 個 小 惡人 名堂 竟然 咁 響亮 嘅 。
呢 啲 凶神惡煞 嘅 大 強盜 一 聽到 佢 自 報 姓名 ， 竟然 好似 下屬 見到 頂頭上司 一樣 啊 。
佢 又 點 知道 呢 個 小 惡人 ， 其實 就 係 呢 啲 大 強盜 嘅 頂頭上司 。
噉 呢 啲 大 強盜 見到 咁 得意 唄 ， 就 故意 加倍 巴結 ， 演出 一場 好戲 。
阿珂 又驚又喜 ， 個心 諗 ： 鄭公子 終於 冇 事 喇 。
呢 個 時候 ， 風際中 行上 一步 話 ： 咪 住 。
韋英雄 ， 你 殺死 鰲拜 ， 我 哋 係 非常 之 佩服 。
只不過 大家 素不相識 ， 點知 你 係 真 嘅 韋英雄 呢 ， 定 係 冒充 佢 老人家 嘅 大名 出 嚟 招搖撞騙 啊 ？
韋小寶 話 ： 吖 噉 講亦有 道理 ， 閣下 要點 樣先 至 相信 呢 ？
在 下 斗膽 ， 想 請 韋英雄 指點 三招 。
滿洲 第一 勇士 都 死 喺 你 嘅 手下 ， 尊駕 武功 梗 係 非同小可 ， 係 真 係 假 一試 就 知 。
好 ， 我 哋 只 係 試下 招式 唧 ， 點到 即止 。
冇 錯 ， 請 韋英雄 手下留情 ， 以免 打 到 在 下 身受 重傷 。
韋小寶 偷笑 喇 ， 佢 諗 ：
風 大哥 向來 都 唔 鐘意 講 説 話 嘅 ， 哈 ， 點知 做起 戲 嚟 ， 竟然 似模 似 樣 噃。
佢 話 ： 老兄 唔 使 客氣 嘞 ， 講唔 定 我 唔 係 你 對手 添 。
呢 打 咯 喎 。
嗱 各位 ， 欲知 後事 如何 ， 且 聽 下回分解 。
