前 文 再續 啊 書 接上 一回 啊 。
話説 三個 喇嘛 突然間 覺得 手指 好 痕 ，手指尖 ，仲 滲 啲 黃水 出嚟 添 。
又過咗一陣 ，兩名 喇嘛 連 塊面 都 滲出 黃水 嘞 。
桑結 突然間 醒悟 喇 ，佢 話 ：哎呀 弊 ！經書 上面 有 毒 啊 ！
出力 將 經書 掉 喺 地下 。
噉啊只見自己手指上便呢一粒粒黃水 ，就好似汗珠噉滲出嚟。
驚到 佢 不得了 ，連忙 喺 地下 啲 泥 處 擦 咗 幾 擦 。
見到 兩名 師弟 出力 噉 撓 塊 面 ，噉撓到 出血 ，哈 ，噉就 死咯 。
一陣 間唧 ， 兩名 師弟 塊面 啊 ， 黃水 淋漓 ， 當堂 大聲 嚎叫 又 痛 又 痕 啊 𢴈 咗 喺 地 典 嚟 典 去 。
桑結 好彩 就 冇 喺 塊 面 處 撓過 一撓 ，但係 十隻 手指 呢 亦 痕 到 入骨 。
佢 即刻 除咗 件 外衣 ，包 起 部 經書 挾 喺 胳肋 底 飛奔 而去 。
佢 想 搵 啲 水 嚟 洗去 手指 上面 嘅 毒藥 啊 。
嗰 兩個 喇嘛 就 痕 到 佢 神志 迷迷懵懵 ，用 個 頭 喺 岩石 上面 亂咁 撞 ，撞得 幾 撞 就 一齊 暈咗 嘞 。
白衣尼 同 阿珂 見到 噉嘅 情形 ，都係 非常 驚訝 。
韋小寶 自己 呢 ， 只 係 見 過化 屍粉 能夠 化去 屍體 ， 唔 知 用 喺 生人 嘅 身上 有 冇 效 嘅 。
情況 咁 危急 咯 ，就只好 試下 啦 哈 居然 一舉 成功 。
亦好彩 有 呼巴音 嗰隻 斷掌 嚟 做 藥引 啫 噃 ，如果 將 化尸粉 糝 喺 經書 上 便 就 一啲 用處 都 冇 嘞 。
佢 本來 只係 想 搦 隻 斷掌 再 去 摸 下 阿珂 嘅 ，哈 ，點知道 竟然 立 咗 呢件 大功 。
佢 見 桑結 走咗 ，嗰 兩個 喇嘛 暈 咗 𢴈 喺 地 ，就 連忙 喺 山洞 走出嚟 ，拔出 匕首 ，想 喺 每個 人 身上 㓤翻 兩 劍 。
行到去嘞 ，只見 兩個 喇嘛 塊面 啊 已經 腐爛 到 見骨 ，都 唔使 自己 逳手 嘞 ，唔使 幾耐 ，就 會 化成 兩灘 黃水 。
佢 行 去 鄭克塽 身邊 笑住 話 ：嘿嘿 ，鄭公子 ，我 呢門 妖法 係 好 靈擎 㗎噃 ，你 想唔想 試下 呢 ？
鄭克 塽 見到 兩名 喇嘛 咁 恐怖 個樣 ， 聽 韋小寶 噉 樣講 大吃一驚 ， 即刻 向後便 跳開 ， 揸 住 拳頭 保護 自己 佢 話 ： 哎 你 你 你 ， 你 ， 你 唔 好過 嚟 啊 。
阿珂 喺 山洞 裏 便 出嚟 ，喝 韋小寶 話 ：你 想 做 咩嘢 啊 ？
韋小寶 笑嘞 ：我 嚇下佢 啫嘛 ，你 使乜 擔心 唧 ？
唔准 你 嚇人 。
你 怕 嚇親 佢 啊 ？
好地地 做咩 嚇人 唧 你 ？
嚟嚟嚟 ，你 過嚟 睇下 。
我 唔 睇 。
阿珂 把 口 係 噉 講 啊 ， 但 係 又 好奇 啊 ， 就 慢慢 行埋 去 ， 一睇 ， 不由得 嚇 咗 一 跳 ， 吖 噉 尖叫 一聲 。
只見 兩名 喇嘛 塊面 啲 肌肉 啊 、 鼻 啊 、 嘴唇 啊 都爛 咗 咯 ， 只 係 剩翻 一頭 白骨 ， 四個 窿 。
但係 頭髮 、耳仔 同埋 頸 以下 嘅 肌肉 呢 ，仲 未曾 化咗 去 。
世上 自從 有人 以嚟 啊 ，都係 從來 冇過 咁 恐怖 個樣 嘅 。
阿珂 暈咗 一暈 ，想 𢴈低 。
韋小寶 連忙 扶住 佢 話 ：唔使 怕 ，唔使 怕 。
阿珂 又 試 尖叫 一 聲 ，趯 翻 去 山洞 喘住氣 話 ：
師父 ， 師父 佢 ， 佢 將 兩個 喇嘛 整成 咗 ， 整成 咗 妖怪 噉 啊 。
白衣尼 慢慢 企起身 ，阿珂 扶住 佢 行到 嗰 兩個 喇嘛 身邊 ，自己 就 眯埋 眼 唔敢 再 睇 嘞 。
白衣尼 見到 呢 兩個 骷髏頭 ，不禁 打個突 。
再見到 遠處 又 有 三個 喇嘛 嘅 屍體 ，不禁 長歎 一聲 ，擔高 個 頭 。
呢陣時 太陽 西沉 ，映到 半邊天 血 咁 紅 ，個心 諗 呢夕陽 所照 嘅 地方 ，千關萬山 都 屬於 韃子 嘞 。
如果 要 復國 ，又 唔知 要 殺傷 幾多 條 人命 ，留低 幾多 白骨 ，噉 到底 應唔應該 噉 做 呢 ？
白衣尼 見 韋小寶 笑容滿面 噉 行埋嚟 ，知道 佢 喺 經書 上 便 落 咗 劇烈 嘅 毒藥 。
佢 話 ：如果 唔係 你 聰明 機警 ，今日 ，我 難免 畀 敵人 殺死 ，死咗 都 唔緊要 嘞 ，怕 仲 會 受到 侮辱 添 。
不過 殺人 係 不得已 嘅 事 ，唔使 咁 開心 嘅 。
韋小寶 收起 笑容 話 ：係 。
呢啲 陰毒 狠辣 嘅 法子 ，名門 正派 弟子 係 唔 應該 用 嘅 。
危急嘅時候 ，用嚟 對付 奸人 ，呢啲 係 冇法子 啦 ，以後 就 唔准 立亂用 喇 。
係 ，呢啲 法子 呢 ，我 今日 都 係 第一次 用 唧 。
我個 武功 啊 實在太 過 水皮 嘞 ， 又 唔 能夠 同 佢 哋 光明正大 噉 打 一場 ， 否則 男子漢 大丈夫 ， 贏要 贏得 夠威 ， 點 能夠 用 呢 啲 胡鬧 手段 呢 ？
白衣尼 向 佢 定眼 睇咗 一陣 ，就 問 佢 話 ：
你 喺 少林寺 、清涼寺 咁 耐 喇 ，唔通 寺裏 便 嘅 高僧 師父 ，冇 教過 你 武功 咩 ？
功夫 學咗 一啲 嘅 ，可惜 晚輩 學 而 不得其法 ，只係 學咗 啲 招式 皮毛 ，冇 練過 內功 嘅 我 。
白衣尼 睇咗 阿珂 一 眼 ，又 問 ：點解 啊 ？
嚟唔切 練囉 。
咩嘢 嚟 唔切 呢 ？
阿珂姑娘 因為 弟子 冒犯咗 佢 要 殺 我 ，時間 咁 緊逼 ，只有 求其 學 幾招 嚟 防身 保命 啫 嘛 。
白衣尼 岌一岌頭 ，佢 話 ：
先頭 你 同 嗰啲 喇嘛 講嘢 ，不停口 噉 叫 我 做 師父 ，噉係 咩嘢 意思 啊 ？
韋小寶 塊 面 一 紅 。
阿珂 搶住 話 ：師父 ，佢 個 心 諗住 啲 壞 主意 ，想 拜 你 為 師 咯 。
白衣尼 微微 一笑 話 ：想 拜 我 為 師 亦 唔算 咩 壞 主意 吖 。
唔係㗎唔係㗎 。
阿珂 知道 韋小寶 想 拜 白衣尼 為 師 ，不過 係 想 成日 纏住 自己 而已 唧 ，但係 呢句 説話 又 講唔出口 。
白衣尼 向 韋小寶 話 ：你 叫 我 做 師父 ，亦 唔能夠 等 你 白 叫 嘅 。
韋小寶 歡喜 到 極 啊 ，即刻 跪低 恭恭敬敬 叩咗 八個 頭 ，大聲 噉 叫 ：師父 ！
白衣尼 微微 一笑 佢 話 ：你 入咗 我 門 就 要 守 規矩 ，唔准 胡鬧 喇 。
係 ，弟子 淨係 對 壞人 胡鬧 唧 ，對 好人 ，係 一向 規規矩矩 嘅 。
阿珂 向 佢 扮 個 鬼臉 ， 伸一 伸條 脷 ， 個心 啊 真 係 講唔 出 咁 激氣 啊 。
呢個 小惡人 拜咗 師父 為 師 ，以後 就 再 唔 能夠 殺 佢 嘞 。
佢 成日 纏住 我 ，趕唔開 踢唔走 ，真係 頭赤 啊 。
白衣尼 先頭 受 六名 喇嘛 圍攻 ，如果 冇 韋小寶 搭救 呢 已經 冇命 嘞 ；
之後 ，桑結 等 七個 喇嘛 追到嚟 ，自己 只有 束手待擒 嘅 啫 ，情勢 就 更加 兇險 。
佢 雖然 係 年 過 四十 啊 ，之 相貌 呢 仍然 係 極之 美麗 ，如果 落入 呢啲 惡 喇嘛 手 內 勢必 受到 極大 嘅 侮辱 。
好彩 呢 個 細佬哥 詭計多端 ， 將 敵人 一個個 噉 剷除 ， 保全 咗 自己 清白 嘅 身體 ， 佢 個 心 真 係 好 感激 韋小寶 嘅 。
眼見 韋小寶 拜師 心切 ，就 應承咗 佢 。
佢 諗 細佬 哥 頑皮 胡鬧 ，不足為患 嘅 ，受 咗 自己 熏陶 調教 ，日後 必定 可以 喺 江湖 上 立身 揚名 嘅 。
噉啊 按照 武林 上 嘅 規矩 啊 ，韋小寶 既然 係 已經 入咗 陳近南 門下 ，如果 唔 得到 師父 准許 ，絕唔 可能 另行 拜師 。
但係 佢 對於 呢啲 門規 一概 唔知 ，噉 就算 知道 啊 ，呢陣時 亦 必定 置之不理 嘞 。
白衣尼 既然 肯 收 佢 入門 ，就 能夠 時時 同 阿珂 見面 ，就算 康熙 同 佢 換 個 皇帝 嚟 做 啊 佢 都 唔 肯 呢 。
佢 學武 個 心 係 非常之 懶 ，想到 跟 白衣尼 學武 呢 ，多數 要 下 苦功 ，佢 好 頭赤 。
但係 只要 能夠 伴住 阿珂 ，更 苦 個 事 ，亦都 好似 糖 咁 甜 啦 。
呢 八個 頭叩過 啊 ，不由得 心花怒放 ，真係 好似 個 天 跌 咗 寶貝 落嚟 畀 佢 執到 噉 。
白衣尼 見 佢 咁 歡喜 ，仲 以為 佢 係 得遇 名師 ，從此 能夠 練成 一身 上乘 武功 。
如果 知道咗 佢 嘅 用心 啊 ，哈哈 ，唔理 係咪 啱啱 收入 門下 啊 ，你 怕 唔 一腳踢 佢 八個 關斗 ，即刻 開除 佢 吖嗱 。
阿珂 扁 一扁 個 嘴 佢 話 ：師父 ，你 睇 佢 高興 成 噉 嘅 樣 ，真係 壞 到 透 啊 。
韋小寶 話 ：一位 武功 當世 第一 嘅 高人 收 咗 我 做 徒弟 噃 ，我 梗係 高興 到 不得了 啦 。
白衣尼 微微 笑話 ：我 唔係 武功 當世 第一 ，唔好 亂咁 講 。
你既然入咗我門 ，為師嘅法名 你應該知道 。
我 個 法名 叫做 九難 ，我哋 呢個 門派 叫做 鐵劍門 。
你 師祖 係 位 道人 ，道號 上木下桑 ，已經 逝咗 世 嘞 。
我 雖然 係 師姑 ，武功 卻 係 屬於 道流 嘅 。
係 ，弟子 記住 嘞 。
阿珂 ，你 同 佢 邊個 大啲 啊 ？
阿珂 話 ：梗係 我 大 啦 。
我 大 。
好喇好喇 唔好爭喇 ，先 入 師門 為 大 。
以後 ，唔好 亂咁 叫 喇 ，一個 係 陳師姐 ，一個 係 韋師弟 。
韋小寶 大聲噉叫 ：陳師姐 。
阿珂 哼咗 一 聲 ，因為 師父 喺 處 啊 ，唔 敢 鬧 佢 ，就 出力 噉 矋咗 佢 一 眼 。
九難話 ：阿珂 ，過去 嘅 一啲 小事 呢 ，就 唔好 一味 計 喺 心 嚟 喇 。
呢次 小寶 搭救 咗 我哋 兩個人 有功 ，就算 佢 曾經 得罪過 你 ，噉 亦都 補翻數 就 突啦 。
講到 呢處 ，佢 輕輕 歎咗 口氣 ，個心 諗 ：
呢個 細佬哥 聰明伶俐 ，只可惜 係 個 太監 唧 。
佢 又 話 ：小寶 以前 畀 人哋 欺負 ，被逼 做咗 太監 ，你 做 師姐 嘅 應該 可憐 佢 孤苦 ，多啲 關照 下 佢 。
不過噉亦好 ，彼此 冇 男女之分 ，以後 喺 一齊 呢 又 唔使 顧忌 ，方便得多 嘞 。
不過 呢件事 同 邊個 都 唔准 講 啊 。
阿珂 答應咗 。
噉佢 想到 呢個 壞蛋仔 係 個 太監 ，過去 對 自己 無禮 亦 唔係 點 緊要 ，個心 呢 亦 冇 咁 嬲 嘞 。
佢 擰轉頭 話 ：鄭公子 ，你 受 咗 傷 啊 ？
鄭克塽 趷下趷下 噉 行埋嚟 話 ：哦 ，都 冇 乜嘢 ，隻 腳 扭 咗 筋 唧 。
想起 先頭 將 説話 講到 咁 叻 ，話 自己 對付 幾名 喇嘛 綽綽有餘 ，事到臨頭 啊 竟然 一敗塗地 ，全靠 呢個 細路 打退 敵人 ，不由得 滿面 羞慚 。
阿珂話 ： 師父 啊 ， 我 哋 點啊 ？ 仲去 唔 去 河間 府 啊 ？
九難 沉吟 話 ：去 河間府 睇下 亦 好 ，不過 要 提防 嗰個 桑結 喇嘛 去咗 又 返嚟 唧 ，而家 我 又 行動 不便 。
韋小寶 話 ：師父 ，你 喺度 休息 下 先 ，我 去 搵 大車 。
韋小寶 大車 就 冇 搵到 啊 ，不過 同 農家 就 買咗 一架 牛車 ，噉 啊 請 九難 佢哋 三個 人 坐 ，佢 趕住 牛車 慢慢 行 。
好彩 桑結 呢 冇 再 出現 嘞 。
噉到咗 前面 一個 墟仔 ，掉咗 架 牛車 ，又 請咗 兩 架 大車 。
喺路上 ，韋小寶 啊 一定 要 師父 再 食多 幾粒 雪參玉蟾丸 。
九難 內力 深厚 ，兼之 有 靈藥 幫助 ，噉 佢 嘅 內傷 呢 好得 非常 快 。
兩日 之後 嘅 正午 ，佢哋 就 係 嚟到 河間府 嘞 。
噉搵客店住落之後 ，鄭克塽 就 出去 打聽 消息 。
過咗 個 幾時辰 ，佢 垂頭喪氣 噉 返嚟 ，話 喺 城裏 便 到處 探聽 殺龜 大會 嘅 事 ，竟然 冇 個人 知道 噉 。
九難話 ：殺龜大會 嘅 消息 ，公子 喺 邊處 聽翻嚟 㗎 ？
鄭克塽話 ：兩河大俠 馮不破 、馮不催 兩兄弟 ，請 天地會 送信 去 台灣 ，噉 請 我 父王 派人 主持 殺龜大會 。
話 大會 定 喺 本月 十五 喺 河間府 舉行 ，今日 係 十一 嘞 ，計起上嚟 仲 有 四日 啫 。
九難岌一岌頭 ，佢 話 ：馮氏兄弟 ？係 華山派 嘅 。
佢 望住 窗口 外便 ，噉啊 想起 往年 嘅 事情 。
鄭克塽話 ：父王 叫 我 嚟 主持 大會 ，噉 諗住 馮氏 兄弟 必定 派 人 喺 呢度 恭候 迎迓 嘅 ，點知道 ，哼 ！
神情 非常 氣憤 。
九難 話 ： 講唔 定 清廷 得到 消息 ， 知道 有 咩 行動 ， 以致 馮氏兄弟 改 咗 日子 地方 呢 。
噉就算係噉啊 ，亦應該 通知 我 㗎嘛 。
正喺度傾緊 ，店小二 嚟到 房門外 便 話 ：
鄭 客官 ， 外便 有人 求見 啊 。
鄭克塽 好 歡喜 ，就 急忙 出去 ，過咗 好耐 下 興沖沖 噉 入嚟 話 ：
先頭 馮氏 兄弟 親自 嚟 啊 ，再三 向 我 道歉 。
佢哋 話 知道 我 帶咗 二十幾個 人 嚟 ，呢 幾日 啊 一直 喺 城外 等候 迎接 ，誰知 我哋 神不知鬼不覺 噉 就 入咗 城 嘞 。
而家 已經 擺咗 盛大 嘅 宴會 ，為 我哋 洗塵 接風 啊 ，大家 一齊 去 啦 。
九難 擰 擰 頭話 ： 鄭公子 一個 人去 就 係 喇 ， 亦 唔 好 提 我 喺 呢 處 。
鄭克塽 有啲 掃興 嘞 佢 話 ：
師太 既然 唔鐘意 騷擾 ，噉啊 請 陳姑娘 同 韋兄弟 一齊 去 啦 。
佢哋 都 唔使 去 喇 ，到 咗 開 大會 嗰 日 ，大家 一齊 去 赴會 就係 啦 。
當晚 ，鄭克塽 飲到 醉醺醺 噉 返嚟 。
到咗 半夜 ，佢 嗰 二十幾 名 隨從 亦都 搵到嚟 客店 嘞 ，不過 每個人 嘅 手腳 上 便 都 綁住 木板 繃帶 ，睇起嚟 認真 不雅 啊 。
第日一早 ，鄭克塽 同 九難 、阿珂 、韋小寶 三個人 就 大講特講 宴會 嘅 情形 。
話 馮氏 兄弟 對 佢 好 尊敬 ，請 佢 坐 首席 ，不斷 咁 頌揚 鄭氏 喺 台灣 獨豎 義旗 抗拒 清廷 噉 話 。
九難問 有 邊啲 人 嚟 赴會 啊 噉 。
鄭克塽話 ：嚟嘅人 已經 好多 咯 ，呢幾日 陸續 仲 有人 嚟 ，噉啊 定咗 十五日 半夜 ，喺 城西 十八里 嘅 槐樹坪 集會 。
話喺 半夜 集會 ，係 提防 清廷 嘅 奸細 喎 。
其實 馮氏 兄弟 過於 仔細 啫 ，有 咁多 英雄 好漢 喺度 ，就算 有 大隊 清兵 嚟到 啊 ，亦 殺到 佢哋 落花流水 啦 。
九難 又 問 參加 大會 英雄 豪傑 嘅 姓名 。
鄭克塽 呢 就 講唔出嘞 ，只係 話 ：
尋晚 一齊 飲酒 嘅 有 好幾百 人 ，為首 嘅 幾十 人 ，一個個 過嚟 向 我 為 父王 敬酒 ，佢哋 自己 係 報 咗 門派 姓名 啊 ，誒 一時之間 ，都 記唔得 咁多 嘞 。
九難 就 唔 出聲 嘞 ，佢 諗 ：
呢位 鄭公子 淨係 外表 生得 好睇 唧 ，不過 就 冇 咩 才幹 喇 。
喺 客店 裏 便 又 休養 咗 幾 日 ，九難 嘅 傷勢 已經 好翻晒 嘞 。
佢 約束 阿珂 同 韋小寶 唔准 出外 亂走 ，以免 遇到 武林 人物 就 搞出事 。
鄭克塽 就 一早 出外 ，直到 半夜 先至 返嚟 ，每 日 都有 江湖 豪俠 擺酒 請 佢 。
到咗 十五 傍晚 ，九難 着 起 韋小寶 買翻嚟 嘅 衣服 ，扮 成 個 中年 婦人 。
頭上 啊 包住 條 黑頭巾 ，塊面 就 搽咗 黃粉 ，兩條 眼眉 畫成 八字 噉樣 ，耷咗落嚟 ，噉 化咗 妝 之後 呢 ，完全 認佢唔出 嘞 。
韋小寶 同 阿珂 都係 平常 少年 男女 嘅 打扮 。
鄭克塽 呢 ，係 一身 錦袍 ，除咗 假辮 ，竟然 着翻 起 明朝 皇宮 嘅 冠戴 ，神采奕奕 。
九難唔見到 故國 衣冠 好耐咯 ，見到 佢 嘅 服飾 ，又係 歡喜 又係 感慨 。
阿珂 睇見 佢 豐神如玉 嘅 樣 ，更加 成個人 都 醉晒 。
只有 韋小寶 自慚 形穢 ，喺 個 肚 處 又 猛咁 鬧 佢 ：繡花 枕頭 王八蛋 。
到咗 一更時分 ，延平王府 嘅 侍從 ，趕起 大車 ，載住 四個 人 ，去到 槐樹坪 赴會 嘞 。
嗰個 槐樹坪 ，群山 環繞 ，中間 好大 一片 平地 ，本來 呢 係 啲 鄉下人 趁 墟 、賽會 、做 社戲 嘅 地方 。
平地上 ，已經 密 枳枳噉 坐滿晒 人 。
鄭克塽 一 到 ，四圍 歡聲 雷動 ，幾十人 迎上嚟 ，將 佢 擁咗 入去 中間 。
九難 就 同 阿珂 、韋小寶 遠遠 坐 喺 一樖 大槐樹 下 便 。
呢個 時候 ，東西南北 啊 陸續 有人 嚟 喇 ，草坪 上 聚集 嘅 人 越嚟越 多 。
韋小寶 個 心 諗 ：吳三桂 呢個 奸賊 結 落 嘅 仇家 真係 多 嘞 。
我哋 天地會 同 沐王府 輸 賭 ，睇下 係 邊個 殺咗 佢 先 。
呢個 王八蛋 仇家 千千萬萬 ，如果 有人 逳手 先 啊 ，天地會 同 沐王府 都 會 輸 啊 。
眼見 一輪 明月 ，漸漸 升到 中天 嘞 。
草坪 裏 便 一個 身材 魁梧 ，白鬚 飄拂 嘅 老人 企起身 ，抱拳 行禮 話 ：
各位 英雄好漢 ，在下 馮難敵 有禮 。
噉啊 群雄 企起身 還禮 ，齊聲 話 ：馮老 英雄 好 。
九難 低聲 話 ：佢 係 馮氏 兄弟 嘅 父親 啊 。
佢 想起 喺 華山 絕頂 ，曾經 同 佢 有 一面之緣 。
當時 ，佢 係 以 阿九 嘅 名 同 江湖 豪俠 相會 ，仲 係 個 十幾歲 嘅 少女 。
當其時 馮 難敵 正係 盛年 ，今日 呢 就 已經 係 垂垂老矣 。
佢 師 祖 穆人清 、 師父 銅筆 算盤 黃 真 呢 ， 諗 住 都 已經 不在 人世 嘞 ， 至於 佢 師 叔 袁承志 呢 ？
呢 個人 ， 九難 當年 對 佢 刻骨相思 ， 但 係 二十幾年 嚟 ， 從來 得 唔 到 佢 一 啲 消息 。
佢 咁 多年 嚟 心如古井 ，今晚 突然間 見到 往日 朋友 ，不由得 千思萬緒 ，驀然 都 湧上 心頭 啊 。
韋小寶 見 佢 眼淚水 混晒擎 ，個心 諗 ：
師父 見到 呢 個 馮 老伯 ， 噉 點解 忽然間 想 喊 啊 ？ 唔 通 呢 個 老伯 係 佢 個 舊情 人 ？
係 ，我 就 幫 佢哋 拉埋 ，等 佢 同 呢個 老情人 破咩 重圓 都 好啊 。
嗯唔會嘅 ，不過 師父 年紀 咁 輕 ，唔會 鐘意 呢個 老伯 啩 ？
嗱 各位 ，欲知 後事 如何 ，且 聽 下回 分解 。
