前 文 再續 啊 書 接上 一回 啊 。
話 説 韋小寶 又 打 低 一名 喇嘛 ， 噉 桑結 叫 咗 嗰 個 喇嘛 幾聲 ， 唔 聽見 佢 應 ， 弊 喇 唔 知 佢 生 定 死 。
有個 身材 瘦削 嘅 喇嘛 拔出 戒刀 佢 話 ：僆 仔 ， 就算 你 拳法 高明 ， 噉 又 好 叻 咩 ？ 佛爺 嚟 同 你 比下 刀法 。
佢 諗 呢 個 細路 得到 高明 傳授 ， 內功 拳勁 啊 果然 係 非同小可 ， 但 係 同 佢 用 刀 嚟 打 ， 佢 嘅 拳 勁 就 冇 用處 嘞 。
韋小寶 話 ： 比 刀法 都 可以 唧 ， 過 嚟 啦 。
個 喇嘛 唔 敢行 過去 啊 就 話 ： 有種 嘅 就 過 嚟 。
韋小寶 話 ： 你 有種 你過 嚟 吖 。
一二三 ， 大家 行 前三步 。
好 ， 一 、 二 、 三 。
行前 咗 三步 。
個 喇嘛 呢 亦 行 前三步 ， 將 戒刀 舞成 一團 白光 ， 保護 住 上身 ， 怕 佢 突然 使出 隔山 打 牛神拳 。
韋小寶 笑 住 話 ： 你 唔 使 怕 ， 我 唔 用 神 拳打 你 就 係 喇 。
嗰 個 喇嘛 邊肯 信 佢 啊 ， 仍然 係 將 戒刀 舞得 呼呼 風響 ， 佢 話 ： 快 啲 拔刀 啦 。
韋小寶 笑 住 話 ： 我 已經 練成 咗 金 頂門 護頭 神功 喇 。
你 喺 我 頭頂 斬 一刀 試下 ， 包 你 呢 把 刀 啊 彈翻 轉頭 ， 斬 咗 你 自己 嘅 光頭 先喇 。
我同 你 講明 在 先 啊 免致 你 上當 啊 。
個 喇嘛 將信將疑 ， 見 佢 隨手 一拳 就 打死 咗 師兄 ， 武功 啊 果然 深不可測 。
一時之間 啊 唔 敢 貿貿然 上前 ， 更 唔 敢 舉刀 斬 佢 個頭 殼 。
韋小寶 話 ： 你 武功 太低 喇 我決 唔 還手 就 係 啦 。
不過 你 只 能夠 斬 我 個頭 啊 ， 唔 能夠 斬 我 心口 啊 。
我 年紀 細 ， 心口 嘅 護 體 神功 仲 未曾 練成 ， 你 一刀斬 喺 我 心口 上 便 啊 非 殺 咗 我 不可 啊 。
嗰 喇嘛 問 佢 ： 你 個頭 殼 真 係 唔 怕 刀 斬 啊 ？
韋小寶 除 咗 頂 帽 佢 話 ： 你 睇 下 ， 我條 辮 已經 練 到 斷 喇 ， 頭髮 呢 越練 越短 ， 頭頂 同埋 條 頸 嘅 神功 呢 已經 練成 喇 。
等到 頭髮 練 到 一條 都 冇 喇 ， 噉 就算 你 斬 我 心口 我 都 唔 怕 喇 。
佢 喺 少林寺 、 清涼寺 出家 ， 頭髮 就 剃 到 光光 ， 呢 陣時 ， 生翻 唔 到 一 寸長 。
當時 除 咗 和尚 同埋 天生 光頭 佬 之外 呢 ， 男子 啊 人人 都 留 辮 嘅 ， 好似 佢 噉 樣 頭上 得 一寸 頭髮 ， 確係 世間 所 冇 啊 。
至於 頭髮 越練 越短 ， 係 佢 記 起 當日 喺 康親王 府 見到 吳應熊 嗰 啲 金 頂門 隨從 嘅 情形 。
嗰 喇嘛 見 咗 就 更加 信 多幾分 嘞 ， 又 知道 武林 確係 有個 金 頂門 ， 鐵頭 功夫 啊 十分 厲害 嘅 ， 佢 話 ：
我 唔 信 你 個頭 殼 受 得 我 把 刀 斬 啊 。
韋小寶 話 ： 我 勸 你 呢 仲 係 唔 好試 喇 ， 呢 一刀 彈翻 轉頭 啊 ， 你 嗰 個 食 飯 傢伙 就 保 唔 住 咯 。
我 唔 信 ， 企響 處 ， 唔 好 逳， 我要 斬 你 喇 。
韋小寶 見到 刀 光閃閃 ， 確實 係 唔 知幾怕 。
不過 佢 好賭 成 性 ， 賭 呢 個 喇嘛 聽 咗 自己 一番 恐嚇 之後 呢 ， 就 唔 敢 斬 自己 頭殼 同條 頸 。
呢 個 時候 自己 嘅 生死 ， 只 係 喺 呢 個 喇嘛 一念之間 。
桑結用 藏語 話 ： 呢 個 僆 仔好 邪 㗎 ， 唔 好 斬 佢 頭殼 同條 頸 啊 。
韋小寶 話 ： 佢 講 咩 話 ？ 佢 叫 你 唔 好 斬 我 個頭 係 咪 呢 ？
嗯 你 哋 陰險 狡猾 ， 講過 個 説 話 唔 算數 嘅 ， 噉 唔 得 㗎 。
嗰 個 喇嘛 話 ： 唔 係 唔 係 ， 大 師兄 叫 我 唔 好 信 你 吹牛 ， 一刀 將 你 嘅 頭殼 劈開 兩邊 啫 嘛 。
呢 個 邊字 一 出口 ， 一刀 就 斬落 嚟 嘞 。
韋小寶 嚇 到 魂飛天外 啊 ， 初時 嗰 啲 英雄氣概 ， 霎時間 唔 知去 咗 邊度 咯 ， 急急 縮起 個頭 佢 心 諗 ： 哎呀 冇 命 喇 冇 命 喇 。
點知 呢 一刀斬 到 離 佢 頭頂 三尺 咁 遠 ， 已 經變 咗 招 嘞 ， 戒刀 轉 咗 半個 圈 ， 化成 一招 懷中 抱 月 ， 一回 刀 ， 由 外向 內 啪 一聲 ， 斬 喺 佢 背脊 。
呢 一刀 好 大力 啊 ， 韋小寶 背脊 痛到極 ， 企都 企 唔 穩 ， 成個 衝埋 去 嗰 個 喇嘛 身邊 ， 噉 右手 匕首 ， 即刻 喺 佢 心口 連氣 㓤 咗 三下 ， 耷 低頭 喺 佢 個 褲 𧜛 下 便 蜎 翻 出 嚟 。
佢 話 ： 哎呀 ， 你講 說話 唔 算數 嘅 。
嗰 個 喇嘛 啊 、 啊 、 啊 噉 叫 幾聲 ， 戒刀 彈 翻轉 嚟 ， 咁 啱 啊 斬 正 自己 塊面 ， 就 縮成 一 嚿 噉 ， 扭 咗 幾下 就 唔 逳 嘞 。
韋小寶 本來 望 佢 呢 一刀 呢 斬 喺 自己 心口 ， 噉 自己 有寶衣 護身 就 唔 會 死 吖 ， 就 可以 將 嗰 四名 喇嘛 嚇走 。
點 知 佢 唔 斬 心口 啊 斬 背脊 ， 將 自己 推 埋 佢 身邊 ， 啱 晒 啦 就 乘機 用 匕首 㓤 咗 佢 幾下 。
只 係 喺 對方 褲 𧜛 躝 翻 出 嚟 就 未免太 過 狼狽 唧 ， 不過 臨危 逃命 ， 亦 顧 唔 到 英雄 唔 英雄 喇 。
佢 大聲 噉 叫 ： 師父 啊 ， 我 背脊 嘅 神功 都 練成 喇 ， 你 睇 ， 哈哈哈哈 ， 呢 一刀 啊 ， 彈翻 轉頭 ， 殺死 咗 佢 啊 ， 真 係 好 嘢 啊 。
其實 戒刀 彈 翻過去 ， 嗰 個 喇嘛 塊面 受傷 係 好 輕 嘅 ， 匕首 㓤 嗰 三刀 先 係 致命 。
但 係 桑 結 佢 哋 三個 人 唔 知道 咁 多 㗎 ， 以為 真 係 戒刀 彈翻 轉頭 殺人 啫 ， 嚇 到 跳開 幾丈 遠 ， 高聲 叫 嗰 個 喇嘛 個名 。
韋小寶 着 住 護身 寶衣 白衣 尼 係 知道 嘅 ， 阿珂 曾經 兩次 斬 佢 唔 傷 ， 呢 次 呢 ， 亦 唔 奇怪 。
但 係 佢 竟然 敢 用 頭殼 嚟 到 試刀 ， 都 不禁 佩服 佢 個 膽量 啊 。
只 係 韋小寶 先頭 呢 一下 呢 ， 嘿 ， 嚇 到 佢 瀨 尿 ， 褲 𧜛 都 濕 晒 ， 不過 除 咗 佢 自己 之外 呢 邊個 都 唔 知 嘅 。
嗰 個 喇嘛 呢 一刀 呢 力量 好重 啊 ， 撞 到 佢 背脊 嘅 肋骨 幾乎 斷 咁 滯 ， 挨住 個 草堆 猛 咁 呻吟 。
白衣 尼話 ： 快 啲 畀 雪 參 玉蟾 丸 佢 食 啦 。
阿珂問 韋小寶 話 ： 藥丸 呢 ？
韋小寶 話 ： 喺 我 衫 袋 ， 唉 ， 我 冇 命 㗎 喇 呢 趟 。
阿 珂 喺 佢 衫 袋 攞 個 玉瓶 出 嚟 ， 開 咗 個 塞 ，攞 咗 一粒 藥丸 ， 噉 啊 塞 翻個 塞 ， 將 玉瓶 放 落 佢 衫 袋 。
快 啲 食 啦 。
韋小寶 伸手 去 接 ， 噉 啊 詐 假意 舉唔 起 隻 手 。
阿珂 冇 法子 嘞 ， 只有 送粒 藥丸 落 佢 嘅 嘴 咯 噃。
韋小寶 見到 佢 隻 手 雪白 粉嫩 ， 藥丸 一 入口 唧 ， 即刻 用 嘴 去 吻 一 啖 。
阿珂 連忙 縮手 ， 不過 已經 畀 佢 喺 手背 呢 吻 咗 一下 ， 就 哎 吖 噉 叫 一聲 。
韋小寶 大聲 話 ： 師父 啊 ， 呢 啲 喇嘛 講 嘢 啊 ， 好似 放屁 噉 。
講好 咗 話 斬 我 個頭 㗎 嘛 ， 點知 斬 我 背脊 。
而家仲 剩翻 三個 ， 弟子 就 用 隔山 打 牛神拳 ， 將 佢 哋 都 打死 算咯 。
桑 結 佢 哋 聽 咗 ， 又 退後 幾步 。
噉 啊 三個 喇嘛 商量 咗 幾句 ， 就 攞 個 火 折 出 嚟 ， 點着 幾束 麥稈 ， 就 掟 過 嚟 草堆 。
初時 三束 麥稈 呢 ， 都 掟 唔 到 ， 桑結 又點 咗 束 ， 跑 前 幾丈 出力 一 掟。
然後 雙掌虛 拍 護身 ， 防備 韋小寶 使神拳 襲擊 ， 噉 跟 住 就 飛跑 轉頭 嘞 。
草堆 一遇 着火 ， 即時 就 燒 起 嚟 喇 。
韋小寶 拉 住 白衣 尼 ， 喺 草堆 裏 便 爬 出 嚟 ， 四圍 一望 ， 見到 西便 啲 山石 之間 好似 有個 山洞 噉 。
當時 嚟 唔 切 仔細 睇 喇 佢 話 ： 阿珂 ， 你 快 啲 扶師父 去 嗰 便 山洞 匿 埋 ， 我 擋住 呢 啲 喇嘛 。
講完 ， 向桑 結行 上 兩步 佢 話 ：
你 哋 真 係 沙膽 嘞 ， 居然 唔 怕 小 爺 嘅 隔山 打 牛神拳 、 護頭 金頂 神功 ？
桑結 ， 你 係 個頭 頭 ， 快 啲 嚟 畀 少爺 打 兩拳 先 。
桑結 係 非常 穩 陣 嘅 ， 一時之間 真 係 唔 敢過 嚟 噃。
佢 諗 起 經書 咁 緊要 ， 而 十名 師弟 都 死 晒 咯 ， 如果 噉 就 收手 一世英名 ， 仲邊 處 有 得 剩 啊 ？
眼見 白衣 尼行 得 好慢 ， 仲 要 嗰 個 姑娘 仔 扶住 嚟 行 ， 如果 唔 係 受傷 就 係 有 病 啦 ， 噉 真 係 良機 難得 啊 ， 唔 通連 一個 細路 哥都鬥 唔 過 ？
只 係 佢 武功 怪異 ， 打 親人 即刻 就 死 嘅 ， 所以 遲疑不決 。
韋小寶 一 轉頭 ， 見到 白衣 尼同 阿 珂 已經 上下 到 山洞 嘞 ， 就 擰 轉頭 話 ：
你 唔 敢 同 我 比武 呢 ？ 老子 要過 嚟 殺人 喇 ， 吖 你 哋 仲 唔 逃走 啊 ？
呢 句 説 話 就 穿 煲 喇 ， 桑結 諗 ： 你 真 係 有 本事 殺 我 ， 點解 唔 衝 過 嚟 唧 ？ 叫 我 逃走 ， 就 係 心怕 我 啫 。
佢 一陣 獰笑 ， 伸出 雙手 全身 骨骼 啊 嘞 嘞 聲響 ， 行上 兩步 。
韋小寶 個心 諗 ： 弊 傢伙 喇 呢 次 用 咩 嘢 詭計 殺 佢 呢 ？
呢 個 時候 ， 身後 嘅 草堆 已經 燒 到 煔煔 聲 ， 就 快 燒到 身上 嘞 ， 佢 諗 ：
老子 匿 埋 喺 山洞 裏頭 先 ， 慢慢 再 想法子 。
噉 啊 想到 匿入 去 山洞 ， 裏頭 如果 係 黑 𠵼𠵼 嘅 ， 見 唔 到 嘢 ， 就 可以 向 阿 珂 動手動腳 喇 ， 個心 歡喜 嘞 喎 。
一 彎腰 ， 喺 死 喇嘛 隻 手裏 便 ， 將 呼巴音 嗰 隻 手掌 啊 攞 翻過 嚟 ， 收埋 喺 身邊 。
見到 桑結 又 行前 幾步 ， 就 大聲 話 ：
呢 處 太 過熱 喇 ， 老子 神功 使 唔 出 喇 ， 你 有種 ， 就 去 嗰 便 打 啦 。
講完 ， 轉身 趯 去 山洞 蜎 咗 入 去 嘞 。
只見 白衣 尼同 阿 珂 已經 坐 喺 地下 ， 呢 個 山洞 ， 其實 只 係 山壁 上面 凹入 去 一塊 地方 ， 冇 咩 好 躲避 嘅 ， 洞 裏 便 亦 唔 黑暗 。
阿珂 啊 挨 住 白衣 尼坐 ， 要 想 摸手 摸腳 啊絕 冇 可能 ， 不由得 微微 有 啲 失望 。
桑結同 兩名 喇嘛 慢慢 行到 洞 前面 ， 隔住 三丈 遠企響 處 ， 桑結 叫 嘞 ：
你 哋 已經 行上 咗 絕路 喇 ， 無路可走 喇 ，攞 火把 嚟 。
嗰 兩名 喇嘛 執 咗 一束 束 麥稈 ， 交 咗 畀 佢 。
韋小寶 話 ： 好極 嘞 ， 你 快 啲 將 火把 掉過 嚟 睇 下燒 唔 燒 得 死 我 哋 ？
哈 ， 嗰 部 四十二章 經 ， 燒 起 上 嚟 怕 燒 得 好 快 嘅 啫 。
桑結 舉起 火把 正話 要 掟 入 山洞 ， 聽 佢 噉 樣 一 講 ， 覺得 講得 有 道理 噃。
燒死 三個 人 ， 嗰 部 經書 亦 都 燒埋 喇 ， 就 掉 低 火把 佢 話 ：
快 啲 將 經書 交出 嚟 ， 佛爺 慈悲 為懷 ， 放 你 哋 一條 生路 啦 。
韋小寶 話 ： 你 向 我 師父 叩 十八個 頭 ， 我 師父 慈悲 為懷 ， 放 你 哋 一條 生路 啦 。
激到 桑結 嬲 起 上 嚟 ， 執起 火把 一 掟，掟 到 山洞 前 便 。
一陣 濃煙 啊 畀 啲 風吹 咗 入 去 山洞 ， 韋小寶 同阿珂 呢 畀 啲 煙 焗 到 啊 猛 流眼淚 大聲 咁 咳 。
白衣 尼因 為 呼吸 細微 緩慢 ， 就 冇 濁 到 。
噉 另外 兩名 喇嘛 呢 紛紛 咁 掟 火把 過 嚟 。
韋小寶 話 ： 師太 ， 嗰 部 經書 已經 冇 用 嘞 ， 不如 畀 咗 佢 哋 ， 嚟 個 ， 誒 緩 ， 緩將 之計 啦 。
阿珂話 ： 緩兵之計 。
韋小寶 話 ： 佢 哋 又 唔 係 兵 。
阿珂 猛 咁 咳 都 冇 法子 同 佢 爭辯 。
白衣 尼話 ： 都 好 。
將 經書 交 咗 畀 韋小寶 。
韋小寶 大聲 話 ： 經書 我 呢 度 有 一部 ，嗱， 我 拋出 嚟 ， 拋 喺 火 裏 便 燒壞 咗 唔 關我事 㗎 。
桑結 聽 佢 應承 交出 經書 ， 個心 好 歡喜 。
怕 經書 跌 咗 落 火燒 咗 ， 就 執起 幾 嚿 大石 ， 拋 喺 火把 上 便 。
佢 力量 又 大 掟 得 又 準 ， 火把 當堂 就 畀 啲 大石 矺 熄 咗 。
韋小寶 見 佢 掟 大石 咁 大力 ， 不由得 大吃一驚 啊 個 心 諗 ：
如果 佢 將 大石 掟 嚟 山洞 啊 ， 我 哋 三個 人 都 畀 佢 𢱕 死 咯 ， 經書 𢱕 唔 壞 嘅 。
嗯 ， 呢 個 法子 唔 能夠 畀 佢 想到 啊 。
桑結話 ： 快 啲 將 經書 拋出 嚟 啦 ！
韋小寶 話 ： 哦 嚟 喇 ，嗱 我 師父 話 ， 你 哋 想 讀 經書 呢 ， 係 佛門 嘅 好 弟子 ， 吩咐 我 唔 好 傷害 你 哋 。
一面 講 ， 一面 就 拔出 匕首 ， 將 呼巴音 嗰 隻 手掌 呢 切成 幾塊 ， 放 喺 經書 上 便 。
喺 身邊 呢 ，攞 出 嗰 瓶 化 尸 粉 ， 喺 斷掌 嘅 血肉 裏 便 糝 咗 啲 粉末 。
噉 佢 用 個 身 呢 遮住 白衣 尼同 阿 珂 嘅 眼光 ， 唔 畀 佢 哋 見到 ， 佢 大聲 話 ：
我 師父 講 ， 呢 部 四十二章 經啊 ， 係 喺 北京 皇宮 裏 便 攞 出 嚟 㗎 非常 之 寶貴 。
聽講 裏 便 藏 住 個 重大 秘密 ， 參詳 出 嚟 之後 呢 ， 就 可以 昌盛 佛教 ， 使到 普天下 人人 都 信 菩薩 。
男 嘅 做 和尚 ， 女 嘅 做 師 姑 ， 細佬哥 呢 ， 就 做 和尚 仔師 姑仔 。
佢 講 説 話 嘅 時候 ， 斷掌 啊 漸漸 變做 黃水 ， 滲 咗 入 去 經書 裏 便 。
桑結 聽見 話 呢 部 經書 果然 係 喺 皇宮 得 翻 嚟 嘅 ， 裏 便 又 藏 住 有 重大 秘密 ， 當堂 心花怒放 啦 。
佢 知道 昌盛 佛法 等等 呢 ， 顯然 唔 係 真 㗎 ， 但 係 又 怕 佢 唔 肯 交出 經書 啊 ， 於是 就 敷衍 韋小寶 話 ：
昌盛 佛法 ， 光大 本教 噉 好極 喇 。
韋小寶 話 ： 我 師父 讀 咗 之後 呢 ， 就 諗 唔 到 裏頭 嘅 秘密 ， 而家將 呢 部 經書 交 畀 你 ， 請 你 好好 地 諗 下 。
如果 發現 咗 裏 便 嘅 秘密 啊 ， 你 務必 要講 畀 普天下 嘅 和尚 廟 、 師姑庵 知 啊 ， 唔 准 自私 ， 淨 係 興旺 你 哋 喇嘛教 啊 。
你 應 唔 應承 吖 ？
噉 啊 梗 係 應承 啦 ， 請 你 師父 放心 啦 。
你 如果 想 唔 出 呢 ， 就 交去 少林寺 。
少林寺 嘅 和尚 想 唔 出 ， 就 請 佢 哋 交 去 五台山 清涼寺 。
清涼寺 嘅 和尚 仲想 唔 出 ， 就 交去 揚州 嘅 禪 智寺 。
噉 啊 一個 交 一個 ， 總之 要 搵 到 經書 裏 便 嘅 秘密 為止 啊 。
好 ， 我 一定 做到 。
佢 個 心 諗 ： 呢 個 師姑以 為 經書 裏 便 嘅 秘密 同 佛法 有關 ， 好 彩 佢 唔 明 真相 唧 ， 否則 佢 點 肯 交出 嚟 吖 ？
哼哼 ， 得到 經書 之後 ， 再 慢慢 想法子 治死 你 哋 。
韋小寶 又 話 ：
我 師父 話 啊 ， 你 念完 呢 部 四十二章 經 之後 呢 ， 如果 心慕 佛法 ， 仲想 再念 呢 ， 你 可以 再 嚟 搵 佢 老人家 。
我 哋 仲有 金剛經 、 法華 經 、 心經 、 大 般若經 、 小 般若經 、 長 阿 含經 、 短 阿 含經 、 唔 長 唔 短 嘅 中 阿 含 經 、 老 阿 含經 、 少 阿 含經 。
一連串 就講 咗 十幾部 佛經 嘅 名 ， 都 係 佢 喺 少林寺 、 清涼寺 出家 嘅 時候 聽 翻 嚟 嘅 ， 噉 其中 當然 係 講錯 咗 唔 少 嘞 。
桑結 唔 耐煩 嘞 ， 不過 又 唔 敢過去 夾 硬搶 啊 。
一來 ， 怕 白衣 尼 嘅 神 拳 ， 又 怕 佢 將 經書 撕爛 ， 噉 只有 隨口 敷衍 話 ：
係 喇 ， 我 念完 呢 部經 之後 ， 再 向 你 師父 借 就 係 喇 。
韋小寶 見 斷掌 啲 血肉 已經 化晒 嘞 ， 所 化 嘅 黃水 浸濕 咗 經書 內外 。
於是 除低 隻 鞋 套 喺 手上 便 ，攞 起 經書 拋出去 佢 話 ： 四十二章 經 嚟 喇 ！
桑結 歡喜 到極 啊 ， 大步 向前 伸手 想 攞， 忽然 個心 諗 ：
呢 部 經書 十分寶貴 ， 邊度 有 咁 容易 就 得到 呢 ？ 唔 通 有鬼 ？
怕 佢 趁 我 去 攞 經書 ， 就 發射 暗器 啊 。
佢 遲疑 咗 一下 ， 噉 兩個 喇嘛 呢 已經 執 畀 經書 嘞 ， 佢 話 ： 師兄 ， 係 唔 係 呢 部 經書 啊 ？
桑結話 ： 行 去 嗰 便 仔細 啲 睇 下 ， 唔 好 上當 ， 搞 到 部假 經書 就 弊 喇 。
兩名 喇嘛 話 ： 冇 錯 ， 師兄 想得 周到 啊 ， 千祈 唔 好 畀 佢 哋 呃 咗 都 唔 知 啊 。
噉 三個 人 退開 幾丈 遠 ， 就 連忙 打開 部 經書 逐頁 噉 掀 嚟 睇 。
桑結話 ： 部 經書 濕 咗 ， 慢慢 噉 揭 ， 咪 整爛 啲 紙 啊 。
嗯 ， 睇 個樣 ， 唔 似 係 假 嘅 ， 同 嗰 個人 講 嘅 果然 係 一模一樣 啊 。
一個 喇嘛 話 ： 冇 錯 喇大 師兄 ， 冇 錯 係 呢 部 經書 喇 。
韋小寶 聽見 佢 哋 大聲 噉 講 嘢 ， 雖然 佢 唔 懂 藏語 啊 ， 但 係 語氣 裏 便 嗰 啲 非常 歡喜 嘅 心情 ， 就 聽得出 嚟 嘅 。
佢 突然 間 話 ： 喂喂 喂 ， 你 哋 塊 面上 便 有 百足 啊 。
兩個 喇嘛 一驚 ， 即刻 用 手摸 下塊面 ， 冇 咩 百足 啊 ， 就 鬧 佢 話 ： 你 嘅 死 僆 仔 鐘意 亂講 。
桑結 啊 修為 甚深 ， 定力 係 好 高 嘅 。
聽見 韋小寶 叫 嘅 時候 ， 唔 覺得 塊面 有蟲 躝 躝 下 啊 ， 就 唔 上 佢 當 ， 只 係 定 咗 神 噉 睇 書 。
韋小寶 又 叫 嘞 ： 哎呀 ， 有 十幾隻 蠍子 蜎 咗 入 去 佢 哋 衫 領 啊 。
呢 一次 嗰 兩名 喇嘛 唔 上當 喇 ， 有 個人 話 ：
呢 個 僆 仔 見到 我 哋 得到 經書 ， 唔 甘心 啊 ， 講埋 啲 噉 嘢 嚟 呃 人 。
呢 個 賊 仔殺 咗 我 哋 兩個 師弟 ， 一定 要 做 低 佢 。
另外 一個 人 呢 好似 條頸處 有 啲 麻癢 ， 用手 去 撓 咗 幾下 ， 撓 咗 幾撓唧 ， 突然 間 覺得 十隻 手指 都 痕到 不得了 ， 就 喺 手臂 上面 擦 咗 幾擦 。
呢 陣時 ， 桑結同 另外 一名 喇嘛 呢 亦 覺得 手指 痕 嘞 ， 一時 唔 在意 。
過 咗 一陣 間 ， 竟然 痕到 難以 忍耐 ，攞 起 隻 手 嚟 一 睇 ， 嘩 ， 只見 十隻 手指尖 都 滲出 黃水 。
三個 人 齊聲 大叫 話 ： 奇怪 喇 ， 係 咩 嘢 東東 啊 ？
兩個 喇嘛 又 覺得 塊 面痕 得 好 犀利 ， 咪 即刻 用 手指 出力 咁 撓 啦 ， 越痕 越撓 越撓 越痕 ， 又過 咗 一陣 ， 塊 面亦滲 啲 黃水 出 嚟 喇 。
桑結 突然 間 醒悟 喇 ： 哎呀 ， 弊 ， 經書 上 便 有毒 ！
嗱 各位 ， 欲知 後事 如何 ， 且 聽 下回分解 。
