前文 再續 啊 書 接 上 一回 。
話説 第二日 ，白衣尼 啊 帶住 韋小寶 離開 北京 向 西行 ，嚟到 昌平縣 錦屏山 思陵 ，嗰度 ，係 安葬 崇禎 皇帝 嘅 地方 。
陵墓 前 便 亂草 叢生 極之 荒涼 啊 。
白衣尼 一路上 ，一句 説話 都 冇 講 ，呢陣時 忍唔住 喇 ，跪 喺 陵 前 痛哭 。
韋小寶 亦 跪低 叩頭 。
忽然間 ，覺得 身邊 嗰啲 草 一逳 ，擰轉頭 一 睇 ，見到 一條 綠色 長裙 噃 。
呢條 綠色 長裙 ，韋小寶 日頭 呢 就 唔知 想過 幾千幾萬次 ，夜晚 發夢 ，亦 唔知 發咗 幾千幾萬次 。
而家 忽然間 見到 ，個 心 乒砰乒砰 猛跳 ，怕 又 係 發夢 ，一時 唔敢 去 睇 嘞 。
只聽見 一把 嬌嫩 嘅 聲音 ，輕輕 叫咗 聲 ，就 聽唔清楚 叫乜嘢 ，跟住 就 話 ：
終於 等到 喇 ，我 ，我 喺 呢處 等咗 三日 喇 。
唉 ，你 唔好 過分 傷心 咯 。
嘩 ，係 嗰個 綠衣 女郎 把聲 啊 。
呢 一句 咁 温柔 嘅 説話 一 入耳 ，韋小寶 個 頭腦 當堂 天旋地轉 成個 暈晒 大浪 。
佢 話 ：哦哦 ，啊 ，你 等 咗 我 三日 喇 ，多謝 ，多謝晒 喇 。
我 ，我聽 你 説話 ，我唔 傷心 嘅 ，係 ，唔 傷心 嘅 。
講完 企起身 ，一眼 見到 嘅 就係 嗰個 綠衣 女郎 秀美絕倫 嘅 樣 ，不過 佢 温柔 嘅 面色 突然間 轉為 錯愕 ，跟住 又 轉為 嬲怒 嘞 。
韋小寶 笑住 話 ：嘿嘿 ，我 想 你 啊 都 想到 死死下 。
説話 未 講完 ，小腹 上面 一 痛 成個人 飛起 ，向後 便 𢴈咗 出去 丈 幾 遠 ，嘣聲 跌翻 落地 ，原來 係 畀 佢 踢咗 一 跤 。
佢 一 見 嗰 個 女郎 攞 起 柳葉刀 ， 向 自己 頭殼 斬落 嚟 ， 連忙 趢 開 ， 啪 一聲 ， 一刀斬 喺 地下 。
嗰個 女郎 仲 想 再 斬 ，白衣尼 喝話 ：停手 ！
嗰個 女郎 喊喇 ，掉開 把 刀 ，撲去 白衣尼 嘅 懷抱 裏 便 佢 話 ：
呢 個 壞蛋 佢 ， 佢 專門 欺負 我 ， 師父 ， 你 快 啲 將 佢 殺 咗 啦 。
韋小寶 又 驚 又 喜 ，又 冇 癮 噃 ，佢 諗 ：
原來 佢 係 師太 嘅 徒弟 ，先頭 嗰 兩句 説話 唔係 對 我 講 嘅 。
苦瓜 噉 面 就 坐翻 起身 ，佢 又 諗 ：
事到如今 ，我 只有 搏命 做好人 啦 ，最好 能夠 呃到 師太 大發慈悲 ，作主 將 佢 許配 畀 我 做 老婆 就好嘞 。
於是 行 上前 ，對住 嗰個 女郎 深深 作咗 個 揖 佢 話 ：
小人 無意之中 得罪 咗 姑娘 ， 請 姑娘 大人大量 ， 唔 好 見怪 喇 。
姑娘 要 打 ，即管 打就係嘞 ，只係 希望 姑娘 放生 小人 條 命 唧 。
嗰個 女郎 雙手 攬住 白衣 尼 ，佢 都 唔 轉身 啊 ，倒踢 一腳 ，踢正 韋小寶 嘅 下顎 。
佢 哎 吖 一聲 ， 又 向 後 𢴈 低 ， 咦 咦 鶯 鶯 一時 都 躝 唔 起身 啊 。
白衣 尼話 ： 阿珂 ， 你 點解 不問 情由 一 見面 就 踢 人 兩腳 啊 ？
韋小寶 一 聽 歡喜 嘞 佢 諗 ：哦 原來 你 叫做 阿珂 ，終於 畀 我 知道 嘞 。
佢 跟咗 白衣尼 咁多日 ，知道 佢 好 鐘意 人哋 恭謹 謙讓 ，喺 佢 面前 啊 你 越係 蝕底 ，就 越 有 好處 。
佢 連忙 話 ：師太 ，姑娘 呢 兩 腳 係 應該 踢 嘅 ，實在 係 我 唔啱 唧 ，難怪 姑娘 嬲 嘅 。
佢 就算 係 踢 我 一千下 一萬下 ，都係 小人 抵死 係啦 。
講完 躝翻 起身 ，雙手 托住 下顎 ，痛到 佢 眼淚 都 流出嚟 嘞 。
呢次 呢 就 唔係 做作 噃 ，實在 係 嗰 一 腳 呢 踢得 好 重 。
阿珂 抽抽噎噎噉 話 ：
師父 ， 呢 個 和尚 仔衰 到 死 嘅 佢 ， 佢 欺負 我 。
白衣尼 話 ：佢 點樣 欺負 你 啊 ？
阿珂塊 面一 紅 佢 話 ： 佢 ， 佢 欺負 我 好多 ， 好 多次 啊 。
韋小寶 話 ：師太 ，總而言之 呢 係 我 糊塗 ，武功 又 差 係 啦 。
嗰日 ，姑娘 去 少林寺 玩 。
白衣尼 話 ：你 去 少林寺 咩 ？
女仔 人家 點 能夠 去 少林寺 㗎 ？
韋小寶 個 心 又 歡喜 喇 ，佢 諗 ：
佢 去 少林寺 原來 唔係 師太 吩咐 嘅 噉 就 更加 好喇 。
佢 話 ： 哦 哦 ， 姑娘 唔 係 自己 想 去 㗎 ， 係 佢 一位 師姐 要 去 啫 ， 姑娘 拗 唔 過 佢 ， 咪 陪 埋 佢 去 囉 。
白衣尼 話 ：你 又 點知 㗎 ？
嗰陣時 ，我 奉咗 小皇帝 之 命 做 佢 嘅 替身 ，喺 少林寺 出家 做 和尚 。
噉 啊 見到 另外 一位 姑娘 行 嚟 少林寺 ， 姑娘 跟 住 喺 後 便 ， 顯然 係 唔 願意 嚟 嘅 。
白衣尼 擰轉頭 問 阿珂 話 ：係 阿琪 帶 你 去 㗎 ？
係 。
噉啊點啊 ？
佢哋 少林寺 和尚 好惡 㗎 ，話 佢哋 寺裏 便 嘅 規矩 唔 准 女子 入 寺 喎 。
韋小寶 話 ：係啊係啊 ，呢個 規矩 呢 實在 應該 取消 ，點解 女施主 唔能夠 入 寺 唧 ？
觀世音菩薩 就係 女人 嚟 。
白衣尼 話 ：噉 又 點 啊 ？
姑娘 又 話 啦 ， 噉 既然 人 哋 唔 畀 入 去 咯 ， 噉 就 翻 去 啦 噉 。
但係 少林寺 嗰 四個 知客僧 呢 好 冇禮 嘅 ，胡言亂語 啊 得罪咗 兩位 姑娘 ，噉 佢哋 嘅 武功 又 偏偏 又 好 水皮 嘅 。
白衣尼 問 阿珂 話 ：你哋 同 人哋 打起上嚟 啊 ？
韋小寶 搶住 話 ：嗰啲 冚𠾴唥 係 少林寺 知客僧 唔啱 咯 ，係 我 親眼 睇見 嘅 。
佢哋 去 推 嗰 兩位 姑娘 噃 。
師太 你 諗下 吖 ，兩位 姑娘 係 千金之體 ，點 能夠 畀 四個 和尚 嘅 污糟 手 掂到 個 身 㗎 ？
噉 兩位 姑娘 啊 當然 要 躲避 嘞 ，嗰 四個 和尚 啊 論論盡盡 ，自己 將 手腳 啊 撞 喺 涼亭 嗰 啲 柱 上 便 ，噉 梗係 有 啲 痛 㗎 啦 。
白衣尼 話 ：哼 ，少林寺 武功 領袖 武林 ，點會 話 咁 差 㗎 ？
阿珂 ，你 出手 嘅 時候 ，用 嘅 係 邊 幾 招 手法 啊 ？
阿珂 唔敢 隱瞞 嘞 ，耷低頭 細細聲 講咗 。
白衣尼 話 ：你哋 將 四名 少林 和尚 都 打低 啊 ？
阿珂 向 韋小寶 望咗 一眼 好嬲噉 話 ：連 佢 係 五個 。
白衣尼 話 ：你哋 真係 膽大 嘞 ，去到 少林寺 ，將 人哋 五位 少林 和尚 嘅 手腳 都 打到 甩晒 臼 。
嘩 白衣尼 雙眼 啊 好似 有 電噉 ，一味 睇住 阿珂 。
阿珂 嚇到 面 都 白晒 。
白衣尼 見到 佢 條 頸處 有 一 條 紅痕 就 問 ：
呢一條刀傷 ，係 畀 少林 高手 打傷 㗎 ？
阿珂 話 ：唔係 ，佢 ，佢 。
擔 高頭 向 韋小寶 矋 咗 一 眼 ，突然 自己 塊 面 都 紅晒 眼淚 混晒 擎 佢 話 ：
佢 ，佢羞辱我 ，弟子 自己 ，自己用刀割頸自殺 ，不過 就 冇死 。
白衣尼 先頭 聽見 兩名 弟子 去 少林寺 搞事 非常之 嬲 ，但係 見到 佢 條 頸 嘅 刀痕 好 長 ，不由得 好可憐 佢 就 問 ：
佢 點樣 羞辱 你 吖 ？
阿珂 忍唔住 喊 嘞 。
韋小寶 話 ：唉 的的確確 ，係 我 好唔應該 ，講說話 又 冇 上 冇 下 冇 到 分寸 。
姑娘 呢 ，當時 不過 係 捉住 我 嚇 我 一嚇 ，話 要 挖 我 對眼 核 ，又 係 真 挖 嘅 。
偏偏 我 又 細膽 又 冇用 咯噃 ，嚇到 魂魄 都 唔 齊 ，就 反轉 雙手 嚟 亂打 亂 咁 搲 ，一下 唔 小心 啊 碰到 姑娘 個 身體 。
噉雖然 唔係 有意 啊 ，噉 都 好難怪 姑娘 嬲 嘅 。
阿珂 啊 醜 到 滿面 通紅 ，啲 表情 啊 嬲 到 不得了 。
白衣尼 問咗 幾句 當時 逳手 嘅 招數 ，就 明白晒 喇 佢 話 ：
呢啲 係 無心之過 ，唔使 太過 認真 嘅 。
佢 輕輕 拍下 阿珂 嘅 膊頭 ，好 和氣 噉 話 ：
佢 係 個 細 佬 哥 ， 又 係 ， 又 係 個 太監 ， 唔 緊要 啦 。
你 又 用 乳燕 歸巢 嗰 一招 打到 佢 雙手 甩咗 臼 嘞 ，已經 罰咗 佢 啦 嘛 。
阿珂 雙眼 裏頭 啲 眼淚 水 不停 咁 轆 ， 佢 心 諗 ： 佢 邊 處 係 個 細 佬 哥 唧 ？ 佢 仲 去 妓院 做 壞事 添 噃。
但係 佢 呢句 説話 又 唔敢 講出口 ，怕 師父 追問 ，查到 自己 跟住 師姐 去 妓院 打人 就 弊 嘞 ，個心 一急 ，又 喊起嚟 。
韋小寶 跪低 喺 地 猛咁 叩頭 話 ：
姑娘 ，你 嘅 心 唔 舒服 呢 ，再 踢 我 幾 腳 出 下 氣 啦 。
阿珂 又 喊 又 𨂽住 腳 話 ：我 偏偏 唔 踢 啊 ，我 偏偏 唔 踢 啊 。
韋小寶 舉起 手 ，噼噼啪啪 ，喺 自己 塊面 處 啊 連氣 打咗 幾 巴 佢 話 ：
係 我 抵死 ， 係 我 抵死 。
白衣尼 微微 皺住 堂 眼眉 話 ：呢件事 亦 唔算 係 你 嘅 錯 。
阿珂 ，我哋 唔能夠 太過 欺負 人 嘅 。
阿珂 抽抽噎噎噉 話 ：
係佢 欺負 我 啫嘛 ，捉咗 我 去 ，韞 喺 寺 裏 便 又 唔 放 我 。
白衣尼 吃咗 一驚 啊 ：有 噉嘅 事 咩 ？
韋小寶話 ：係 ，係我唔啱嘅 ，我 想 討好 姑娘 ，所以 就 請佢 入寺 啦 。
我 個 心 諗 ，呢件事 呢 ，總係 因為 姑娘 想 入 少林寺 行 下 而 起 嘅 ，寺 裏 便 嘅 和尚 唔 畀 佢 入去 ，噉 啊 難怪 佢 嬲 嘞 。
噉所以 ，誒 所以 就 大膽 請咗 姑娘 去 般若堂 玩下 ，叫 個 老和尚 陪住 姑娘 傾偈 解悶 啊 。
白衣尼 話 ：亂嚟 ，兩個 細佬哥 都 亂咁嚟 。
咩 老和尚 啊 ？
韋小寶 話 ：係 般若堂 嘅 首座 澄觀 大師 ，就係 師太 喺 清涼寺 裏 便 同 佢 對過 一掌 嗰個 呢 。
白衣尼 點點頭 話 ：呢位 大師 嘅 武功 非常 使得 。
佢 又 拍下 阿珂 個 膊頭 話 ：
呢位 大師 武功 又 高 ，年紀 又 老 ，小寶 請 佢 陪 你 亦 唔算 委屈 咗 你 咯 。
呢件事 就 唔使 講 咁多 喇 。
阿珂 個 心 諗 ：呢個 衰人 實在 壞 到 不得了 ，不過 有 好多 事 又 不便 講 嘅 ，否則 師父 追究 起嚟 ，師姐 同 我 都 有 好多 唔啱 嘅 。
噉佢就話 ：師父 你 唔 知道 咋 佢 ，佢 。
白衣尼 唔再理佢 嘞 ，一味 睇住 崇禎 嘅 墳墓 定咗 噉 出晒神 。
韋小寶 向 阿珂 伸 下 條 脷 ，扮 個 鬼臉 。
阿珂 好嬲啊 ，向 佢 出力 噉 矋咗 一眼 。
韋小寶 只 覺得 佢 啊 就算 係 嬲 嘅 時候 都 係 美不可言 ，個 心 好 歡喜 。
噉 坐埋 一便 ，目不轉睛 噉 欣賞 佢 個 神態 ，只見 佢 從頭到腳 ，頭髮 、眼眉毛 ，連 隻 手指尾 都 係 靚 到 極 嘅 。
阿珂 打斜 擸 咗 佢 一眼 ， 見 佢 傻 咗 噉 睇 住 自己 ， 塊面 一紅 ，掹 一 掹 白衣 尼 嘅 衫袖 佢 話 ： 師父 ， 佢 ， 佢 喺 度 睇 我 。
白衣尼 嗯噉 應咗 一聲 ，不過 佢 個 心 正 喺度 想緊 當年 喺 宮中 嘅 情景 ，呢句 説話 完全 冇 聽到 。
呢一坐 就 坐到 太陽 偏西 ，白衣 尼 仲 係 唔捨得 離開 父親 嘅 墳墓 。
韋小寶 望 佢 啊 就 噉樣 一頭 半個月 坐落去 ，只要 雙眼 睇住 阿珂 ，就算 唔食飯 唔瞓覺 都 唔緊要 嘞 。
又 過咗 個 幾 時辰 ，天色 漸漸 黑嘞 ，白衣尼 長長噉 歎 一口氣 企起身嚟 話 ：我哋 走啦 。
當晚 三個人 喺 一户 農家 借宿 。
韋小寶 啊 知道 白衣 尼 鐘意 整潔 啊 ， 食 飯 嘅 時候 ， 先不先 將 佢 哋 兩 人 嘅 碗筷 用 熱水 洗 過 ， 將 佢 哋 兩個 人 坐 嘅 板凳 、 飯 枱 抹 得 纖塵不染 ；
又 去 抹 床 、掃 地 ，將 佢哋 兩個 人 住 嗰 間 房 啊 打掃 得 乾乾淨淨 。
佢 個人 向來 好 懶惰 嘅 ，而家 咁 勤力 做事 啊 真係 生平 未 有過 㗎 。
白衣尼 個 心 諗 ：呢個 細佬 哥 幾 勤快 ，出門 帶埋 佢 就 方便 得多 嘞 。
佢 十五歲 之前 ，喺 皇宮 住 ，自細 畀 宮女 太監 啊 服侍 慣 ，亡國 之後 流落 江湖 ，日常 起居 飲食 ，當然 係 大 不相同 。
韋小寶 做慣 太監 ，又 盡心竭力 噉 嚟 討好 佢 ，令 佢 重享 舊日 做 公主 嘅 快樂 。
白衣尼 出家 修行 ，對於 往日 嘅 繁華 早就 唔 放 喺 心上 。
但 係 每個 人細 時點 樣 過日子 ， 一生一世 都 深深 喺 腦海 裏 便 印住 ， 點都 磨滅 唔 去 嘅 。
佢 唔 要求 再 做 公主 ，但係 韋小寶 服侍 到 佢 好似 公主 一樣 ，當然 係 愉快 啦 。
食完晚飯 ，白衣尼 問起 阿琪 嘅 下落 。
阿珂話 ： 嗰 日 喺 少林寺 外便 失散 之後 ， 就 冇 再 見到 師姐 嘞 ， 我怕 ， 我 怕 佢 已經 畀 人 害死 喇 。
講完 ，雙眼 又 矋咗 韋小寶 一下 。
韋小寶 連忙 話 ：邊度 有 噉嘅 事 唧 ？
我 見到 阿琪 姑娘 同埋 蒙古 嘅 葛爾丹 王子 喺 一齊 ，仲有 幾個 喇嘛 ，吳三桂 手下 一個 總兵 添 。
白衣尼 一 聽到 吳三桂 個 名 當堂 憤怒 到 極 ，好 嬲 噉 話 ：
阿琪 佢 做咩 同 呢啲 唔相干 嘅 人 行埋一齊 啊 ？
韋小寶 話 ： 嗰 啲 人 去 少林寺 ， 大概 係 啱 啱 撞 到 阿琪 姑娘 啦 。
師太啊 ，你 想 搵佢 啊 ？我 陪埋 你 去 啦 ，噉 就 好容易 搵到 佢 嘅 啫 。
點解 呢 ？
嗰 啲 蒙古人 、 喇嘛 ， 仲有 云南 嘅 軍官 ， 我 都 記得 佢 哋 嘅 樣 嘅 ， 只要 遇到 一個 就 好辦 喇 。
好 ，噉 你 就 同埋 我哋 一齊 去 搵 啦 。
韋小寶 歡喜 到 不得了 佢 連忙 話 ：多謝 師太 。
你 幫 我 去 辦事 ，應該 係 我 多謝 你 先至 係 㗎 ，你 又 多謝 我 啲 咩 嘢 呢 ？
我 日日 跟 住 師太 ， 真 係 冇 嘢 快活 得過 噉 㗎 嘞 ， 最好 呢 就 永遠 陪住 師太 啦 。
就算唔得啊 ，噉亦係 陪多一日 ，好一日啊 。
係咩 ？
白衣尼 雖然 係 收咗 阿琪 、阿珂 兩個人 做 徒弟 ，但係 平常 對 呢 兩個 弟子 一直 都 係 冷冰冰 噉 。
嗰 兩個 女仔 對 佢 又 尊敬 又 怕 ，從來 唔 敢 吐露 咩 嘢 心事 。
邊度 有 好似 韋小寶 咁 花言巧語 ，個 嘴 啊 好似 蜜糖 咁 甜 㗎 ？
佢 雖然 性情 嚴酷 ，呢啲 説話 聽起上嚟 ，到底 係 非常之 舒服 ，不由得 個 嘴角 露出 微笑 嘞 。
阿珂 話 ：師父 ，佢 ，佢唔係嘅 。
阿珂 知道 韋小寶 咁 熱心 幫住 去 搵 師姐 啊 ，其實 係 為咗 要 陪住 自己 。
咩嘢 日日 跟住 師太 真係 冇 嘢 快活 得過 噉㗎喇 ，最好 就 永遠 陪住 師太 啦 等等等等 ，其實 佢 內心 嘅 真實 意思 應該 係 ，將 師太 兩個 字 換咗 阿珂 就 啱嘞 。
白衣 尼望 咗 阿 珂 一眼 ， 佢 話 ： 咩 嘢 唔 係 啊 ？ 你 又點 知道 人 哋 嘅 心事 呢 ？
我 以前 時時 同 你 講 江湖 上 人心 險詐 ，言語 不可 盡信 。
但 呢個 細佬哥 跟咗 我 咁多日 ，並冇 虛假 ，佢 係 可以 信得過 嘅 。
佢 一個 細佬哥 ，點能夠 同 江湖上 嘅 漢子 一概而論 呢 ？
阿珂 唔敢 再 講 嘞 ，唯有 耷低頭 應咗 聲 ：係 。
韋小寶 歡喜嘞 ，佢 諗 ：
阿珂 好 老婆 ，你 老公 梗係 與眾不同 啦 ，點 能夠 同 江湖 上 嘅 漢子 一概而論 唧 ？
你 聽 師父 話 ，包 你冇錯 嘅 。
最多不過 嫁咗畀 我 ，唔通 我 仲 會 唔要 你 咩 ？你 放心 啦 。
第日 ，三個人 向南 便 起行 嘞 ，沿途 探聽 阿琪 嘅 下落 。
一路上 韋小寶 服侍 兩個人 十分 周到 ，個心 雖然 愛到 阿珂 都 不得了 啊 ，但係 唔敢 露出 啲 多 輕狂 嘅 樣子 。
因為 如果 畀 白衣 尼察覺 ，噉 就 弊弊 冇 咁 弊嘞 。
阿珂 啊 從來 冇 一句 好言好語 畀 佢 聽 嘅 ， 往往 睺 住 白衣 尼 睇 唔 見 就 打 佢 一拳 ， 踢 佢 一腳 出氣 。
韋小寶 只要 能夠 陪伴住 佢 ，就 滿心 歡喜 到 極 喇 偶然 捱 幾下 ，噉 亦 係 拳 嚟 身受 ，腳 嚟 臀 受 。
夜晚 瞓 喺 床上 便 ，仔細 回味 畀 佢 打 嘅 情形 ，啊 ，只 覺得 樂也無窮 啊 。
噉 呢 一日 ，上下 到 滄州 嘞 ，噉 三個人 喺 一間 客店 過夜 。
第日一早 ，韋小寶 出街 去 買 新鮮 蔬菜 ，交畀 夥記 幫 白衣尼 煮 早飯 。
佢 高高興興噉 挽住 兩斤 白菜 、半斤 腐皮 、二兩 蘑菇 ，喺 街市 返嚟 ，見到 阿珂 企 喺 客店 門口 得閒 冇事 睇嘢 ，就 笑吟吟噉 行上去 。
喺 身邊 扲咗 一包 玫瑰 松子 糖 出嚟 佢 話 ：
我 喺 街 同 你 買咗 一包 糖唧 ，哈 ，想唔到 喺 呢個 鎮 上 ，都 有 咁 好 個 糖果 喎 。
阿珂 唔接 ，矋 咗 佢 一眼 話 ：
你 買 啲 糖 係 臭 嘅 ，我 唔 鐘意 食 啊 。
韋小寶 話 ：你 食 粒 試下 啦 ，好好食㗎 。
佢 冷眼旁觀 早就 知道 阿珂 鐘意 食 零食 。
只係 白衣尼 冇 咩 錢 畀 佢 做 零用 ，噉 偶然 買 一 包 仔 糖豆 呢 ，亦都 食到 津津有味 㗎 ，所以 啊 買 一 包 糖 嚟 討 佢 歡喜 。
終歸 ，阿珂 接咗 包 糖 話 ：
師父 喺 房間 打坐 我 好 悶 啊 。
呢度 有 咩 風景 優雅 ，又 僻靜 冇人 嘅 地方 啊 ？你 陪 我 去 玩下 啦 。
韋小寶 幾乎 唔信 自己 嘅 耳仔 ，當堂 全身 熱血沸騰 ，塊面 啊唂 到 紅晒 佢 話 ：
你你 ，你唔係 整蠱 我 吖 嘛 ？
我整 蠱 你 做 咩 嘢 唧 ？ 你 唔 肯 陪 我 ， 我 就 自己 一個 人去 。
講完 ，向住 東邊 一條 小路 行過去 。
韋小寶 話 ：去去去 ，點解 唔 去 唧 ？
姑娘 就係 叫 我 赴湯蹈火 啊 ，我亦 唔會 皺 下 眉頭 嘅 。
講完 ，連忙 跟住 佢 後便 行 。
兩個人 出咗 市鎮 ，阿珂 指住 東南方 几里 之外 一座 山仔 話 ：
去 嗰 便 玩 下 都 唔 錯 㗎 噃 。
韋小寶 心花怒放 啊 連忙 話 ：吖 係啊 係啊 係啊 。
噉 兩個人 順住 山路 就 行 去 山上 嘞 。
嗱 各位 ，欲知 後事 如何 ，且 聽 下回 分解 。
