前文 再續 啊 書 接 上 一回 啊 。
話說 康熙 同 韋小寶 坐 喺 石級 上 便 傾偈 ，韋小寶 又 講咗 救 老皇爺 嘅 經過 。
康熙 沉默咗 一陣 ，回頭 睇咗 禪房 道門 一眼 佢 話 ：
老皇爺 吩咐 我 愛惜 百姓 ，永不 加賦 。
呢句説話 你 以前 亦都 傳過 畀 我 聽 ，呢一次 老皇爺 又 親口 叮囑 ，我 梗係 永遠 唔敢 忘記 啦 。
韋小寶 問 ：永不加賦 係 咩嘢 東東 啊 ？
賦就係賦稅 ，明朝 嗰啲 皇帝 窮奢極慾 ，用兵 打仗 錢 唔夠 使嘞 ，就 要 老百姓 多 交 賦税 。
明朝啲官 又 貪污 得 好 厲害 ，皇帝 要 加賦 一千萬兩 ，啲 大官 小官 至少 要 刮 多 二千萬兩 。
百姓 已經 好 窮 㗎 嘞 ，朝廷 今年 加 賦 明年 加 稅 ，老百姓 邊度 有 飯食 呢 ？
種田 收成 嘅 谷 啊 麥 啊 ， 都 畀 做官 嘅 攞 走 晒 ， 老百姓 眼睇 住 全家 都 要 餓死 ， 只有 造反 啦 。
呢啲 就 叫做 官逼民反 。
哦 我 明白 喇 ，原來 明朝 百姓 造反 係 做 皇帝 做官 嘅 唔好 。
噉唔係就係 ，明朝 崇禎 年間 ，天下 嘅 百姓 都 冇 飯食 ，所以 東 又 反 西 又 反 。
殺平咗 河南 嘅 陝西 又 反 ；
鎮壓咗 山西 嘅 四川 又 反 。
呢啲 窮人 東流西轉 ，亦 不過 係 為咗 求生 啫 。
明朝 亡 就 亡在 呢啲 窮人 手上 ，佢哋 漢人 話 係 流寇 作亂 喎 。
其實 咩嘢 亂民 流寇 吖 ，都 係 畀 朝廷 逼 出嚟 嘅 。
原來 噉嘅 。
老皇爺 要 皇上 永不 加賦 ，天下 就 冇 流寇 嘞 。
皇上 腰 腎 魚湯 ， 鐵桶 一樣 噉 嘅 江山 ， 萬歲 萬歲 萬萬歲 啊 。
堯舜禹湯 談 何 容易 吖 ？
不過 我哋 滿洲人 嚟 做 中原 皇帝 ，總係 要 叻過 明朝 嗰啲 無道 昏君 ，噉 先至 對得起 天下 百姓 嘅 。
韋小寶 個 心 諗 ：天地會 、沐王府 個人 ，講到 清廷 佔咗 我哋 漢人 江山 ，冇 一個 唔 嬲 到 咬牙切齒 嘅 。
小皇帝 就 話 明朝 嘅 皇帝 唔好 ，仲 係 佢 呢個 皇帝 好 。
不過噉亦唔稀奇嘅 ，一個人 自稱自讚 係 好平常嘅 啫 。
康熙 又 話 ：父皇 同 我 講 ，呢 幾 年 嚟 佢 靜修 參禪 ，想到 我哋 滿洲人 往年 嘅 所作所為 ，時時 慚愧 到 汗流浹背 。
明朝 崇禎 係 畀 流寇 李自成 逼死 嘅 ，噉 吳三桂 嚟 向 我哋 大清 借兵 ，打敗咗 李自成 ，同 明朝 皇帝 報咗 大仇 。
但係 漢人 百姓 不但 唔 感激 大清 ，反而 將 我哋 當做 仇人 ，你話 係 咩 緣故 呢 ？
係佢哋糊塗囉 。
本來 天下 糊塗 人 多 ，聰明 人 少 嘅 ，或者 ，係 佢哋 忘恩負義 咯 。
噉 又 唔係 。
漢人 話 我哋 係 胡虜 ，係 外族人 ，佔咗 佢哋 嘅 大好 江山 。
清兵 入關 之後 ，到處 殺人 放火 ，害死 咗 無數 百姓 ，噉 亦 令到 佢哋 嬲 我哋 滿洲人 入骨 嘅 。
韋小寶 本來 係 漢人 ，康熙 賜 佢 做咗 正黃旗 滿洲人 ，噉 所以 同 佢 傾偈 就 我哋 乜 我哋 物 噉 ，就 當 正 佢 係 滿洲人 一樣 嘞 。
其實 講到 國家 大事 ，韋小寶 啊 乜嘢 都 唔 懂 。
不過 康熙 啱啱 同 父親 相會 個 心 好 激動 ，想起 父皇 嘅 諄諄叮囑 ，就 同 呢個 小 親信 講起 上嚟 嘞 。
韋小寶 話 ：奴才 喺 揚州 嘅 時候 ，亦 聽 人 講過 從前 清兵 殺人 嘅 慘事 㗎 。
康熙 歎咗 口氣 話 ：唉 ，揚州 十日 ，嘉定 三屠 ，殺人 不計其數 ，嗰啲 係 我哋 大清 做落嚟 嘅 大惡事 啊 。
我要 下旨 免去 揚州 同 嘉定 嘅 三年 錢糧 。
韋小寶 諗 ：揚州人 三年 唔使 交 錢糧 啊 ，大家 嘅 袋 咪 好 有錢 ？麗春院 嘅 生意 就 會 好 興旺 咯 。
啊 點樣 想 個 法子 ，叫 小皇帝 派 我 去 揚州 辦事 至 得 。
我叫 媽媽 唔好 做 老舉 喇 ，自己 開 佢 三間 妓院 ，老子 啊 做 老闆 ，再嚟 做 莊 ，大賭 十日 ，亦都 嚟 個 揚州 十日 。
然後 帶住 大把 銀 ，去 嘉定 賭 佢 三次 ，呢個 叫做 嘉定 三賭 。
佢 又 諗 ：老皇爺 同 皇上 都 話 嘉定 三 賭 殺人 太多 ，係 件 好 大 嘅 慘事 ，噉 點解 賭 三 次 錢 就 殺 唔 少 人 唧 ？
哈唔知 嘉定 喺 邊處 地方 。
嗰個 地方 嘅 人 賭錢 本事 咁 厲害 嘅 ，要 因住 佢哋 至 好 啊 。
康熙 問 佢 ：小桂子 ，你 話 好唔好 啊 ？
好 ，好極嘞 ，噉樣 一嚟 呢 大家 有 飯食 ，有錢 ，邊個 都 唔會 作反 喇 。
話到口唇邊 ，夾硬 將 有錢 賭 個 賭字 吞翻落肚 。
康熙話 ：雖然 大家 有 飯食 有錢 使 ，不過 亦 未必 冇 人 作反 㗎 。
你 出京 嘅 時候 ，叫 班 侍衞 送 咗 一個 人 嚟 ，話 係 王屋山 嘅 逆賊 ，我 親自 問過 佢 幾次 。
韋小寶 個 心 一 驚 啊 連忙 企 起身 嚟 話 ：
皇上 吩咐 奴才 唔好 多 管 閒事 ，噉 以後 我 點 都 唔敢 做 喇 。
康熙話 ：你 坐低 ，呢件事 做得 好好 ，嗰件 亦 唔係 閒事 嚟 ，今後 仲 要 管 多啲 。
係 。
但係 韋小寶 個 心 呢 ，卻係 莫名其妙 噃 。
康熙 低聲 話 ：我 叫 侍衞 傳旨 申斥 你 ，乃係 掩人耳目 ，咪 畀 啲 反賊 有 咗 防備 啫 。
韋小寶 好 歡喜 啊 啪聲 跳起身 ，然後 又 坐翻低 ，佢 低聲 話 ：
奴才 明白 喇 ，原來 皇上 怕 吳三桂 呢個 反賊 知道 。
吳三桂 是否 想 造反 而家 仲 唔 知道 ，不過 佢 早就 有 不臣之心 ，蝦 我 年紀 輕 ，唔 將 我 放在 眼內 。
皇上 使 啲 手段 出嚟 啦嘛 ，少少地 就 得㗎 喇 ，等 佢 知道 下 厲害 都 好啊 。
吳三桂 嗰個 死鬼 吖 ，有 咩 了不起 啊 ？
皇上 你 用 隻 手指尾 啊 ，就 殺到 佢 橫掃千軍 、高山流水 喇 。
誒 你 呢 兩句 成語 用得 唔係 點好 ，應該 話 用 隻手 指尾 就 橫掃 千軍 ，殺佢 一個 落花流水 。
係 ，係係 。
奴才 做咗 幾個月 和尚 ，學問 啊 一啲 都 冇 進步 ，以後 時時 服侍 皇上 ，噉 用起 成語 上嚟 呢 就 橫掃千軍 ，等 人哋 聽到 落花流水 喇 。
康熙 忍唔住 笑起上嚟 ，個人 呢 亦 冇 咁 鬱悶 嘞 ，佢 低聲 話 ：
吳三桂 呢個 嘢 善於 用兵 ，手下 猛將 精兵 實在 唔少 啊 。
如果 真係 造反 ，佢 同 福建 耿精忠 、廣東 尚可喜 三藩 連 兵 ，噉 就 好 棘手 。
我哋 只能夠 慢慢嚟 ，需要 謀定 而後 動 ，一逳手 ，就要 吳三桂 嗰個 死鬼 落花流水 、屁滾尿流 。
康熙 勤奮 好學 ，每 日 處理 政務 之 餘 ，由 翰林 學士 侍講 、侍讀 經書 詩文 。
不過 詩雲子 曰 讀得多 咯 ，突然 講起 句 嗰個 死鬼 啊 、屁滾尿流 啊 ，都 可以 調劑 下 嘅 。
康熙 企 起身 ，喺 院子 執 咗 四 嚿 石頭 ，喺 地下 排好 ，佢 話 ：
漢軍 四王 ，東便嘅 、南便嘅 、西便嘅 ，要 分開 佢哋 ，唔能夠 等 佢哋 連埋一齊 。
定南王 孔有德 呢個 傢伙 好彩 死咗 ，只係 留低 一個 女 ，噉 就 容易 對付 嘅 啫 。
講完 輕輕 一腳 ，踢開 一嚿 石頭 ，佢 又 話 ：
耿精忠 有 勇 無 謀 ，不足為慮 ，只要 唔 畀 佢 同 台灣 鄭氏 聯盟 就係 嘞 。
一腳 又 踢開 一嚿 石頭 ，佢 跟住 話 ：
尚可喜 父子 不和 ，兩個 仔 又 勢成水火 自相 傾軋 ，我 睇 佢 都 係 無能為力 嘅 。
噉啊 將 第三嚿 石頭 亦 踢開咗 ，噉啊 只係 留低 一嚿 最大 嘅 石頭 ，對住 佢 定咗 噉 出神 。
韋小寶 問 ：皇上 ，呢個 係 吳三桂 啊 ？
康熙 岌 一岌 頭 。
韋小寶 鬧 佢 話 ：呢個 奸賊 ，自己 老 而 不死 啊 累到 我 萬歲爺 ，為 你 大傷腦筋 。
皇上啊 ，你 喺 佢 身上面 屙 㞘 尿唧 。
康熙 哈哈大笑 ，真係 解開 條 褲 就 喺 嚿 石頭 上面 屙尿 ，佢 笑住 話 ：你 又 屙 啦 。
韋小寶 大笑啊 ，亦 喺 嚿 石頭 上面 屙尿 喇 ，佢 笑住 話 ：
呢一回 書 呢 ，叫做 萬歲爺 高山流水 ，小桂子 ，誒 小桂子 。
個 心 諗 橫掃 千軍 呢 四個 字 用 喺 呢處 唔 妥 ，突然間 想起 講古 先生 講 三國 故事 ，有 一 回 書 叫做 關 雲長 水淹 七 軍 ，就 話 ，小 桂子 水淹 七 軍 。
康熙 更加 好笑 嘞 ，優翻 好條褲 笑住 話 ：
邊 一日 我哋 捉到 呢個 臭賊 ，就 真係 喺 佢 身上 屙尿 至 得 。
康熙 坐 翻落 石級 ，只 聽見 廟外 便 腳步聲 好 響 ，雖然 冇 人 嘈 啊 ，顯然 係 有 唔少 人 聚集 喺 出便 。
韋小寶話 ：睇嚟 佢哋 已經 將 嗰啲 惡喇嘛 都 捉咗 嚟 喇 。
皇上啊 真係 洪福齊天 嘞 ，咁啱嘅 ，啱啱 喺 呢個 時候 趕到 ，將 呢啲 惡喇嘛 一網打盡 喎 。
康熙話 ：噉 又 唔係 啱 啊 ，我 得到 你 嘅 密報 就 派 人 去 查 。
得到 消息 之後 急急 趕嚟 ，不過 已經 慢咗 一步 ，搞到 呢班 惡 喇嘛 驚動 咗 聖駕 。
如果唔係 你 機警 啊 ，唉 ，我 真係 終身 遺恨 無窮 罪 不可赦 喇 。
韋小寶 奇怪 喇 ：奴才 冇 畀 咩 密報 你 啊 。
康熙話 ：我 派 侍衞 去 少林寺 傳旨 ，佢哋 話 見到 一個 蒙古 王子 、幾個 喇嘛 ，又 有 幾名 武官 係 唔係 吖 ？
係啊 。
你 吩咐 佢哋 暗中 查察 下 吖嘛 ，呢 幾 個 人 辦事 都 幾 得力 嘅 。
一查 ，就 查到 嗰個 蒙古 王子 叫做 葛爾丹 。
嗰 武官 叫做 馬寶 ，係 吳三桂 手下 嘅 總兵 。
佢哋 同 喇嘛 勾結 謀叛 ，想 不利於 父皇 啊 。
啊 原來 係 噉樣 嘅 。
奴才 見 佢哋 鬼鬼鼠鼠 唔係 好人 ，不過 唔知道 ，竟然 係 吳三桂 嘅 部下 。
其實 嗰班人 嘅 姓名 來歷 佢 早就 知道 㗎 嘞 ，要 趙齊賢 佢哋 去 查 ，志在 係 搵 嗰個 綠衣 女郎 嘅 下落 ，順便 誣陷 吳三桂 啫 。
想唔到 竟然 會 引到 小皇帝 趕上 五台山 。
康熙話 ：呢 三班人 收尾 分開 咗 。
侍衛 張康年 就 去 跟蹤 喇嘛 ，聽到 佢哋 要 調 好多人 ，嚟 五台山 捉 一位 重要 人物 。
佢 唔 知道 事情 重大 ，又 跟咗 好幾日 ，噉 先至 回京 稟奏 畀 我 知 。
我 聽咗 梗係 心急到極 啦 ，咪 即刻 火速 啟程 。
不過 皇帝 出京 ，啰啰嗦嗦 嘅 儀仗 禮節 一大套 ，我 雖然 下旨 一切 從簡 啊 ，仲係 遲到 咗 一日 。
韋小寶 話 ：吳三桂 呢個 反賊 咁 大膽 ，竟然 派 幾千個 喇嘛 嚟 得罪 老皇爺 噉 ，噉咪 公然 造反 ？
噓 ，細聲啲 。
我 只係 知道 佢 手下 嘅 總兵 同 呢啲 喇嘛 搭伴 行 唧 。
噉係唔係就造反呢 ，而家 仲 唔能夠 確實 知道 嘅 。
一定 反 ，一定 反 。
如果 佢 係 好人 ，又 點 會 派 手下 嘅 大將 ，去 用 呢啲 惡 喇嘛 陰謀 暗害 老皇爺 呢 ？
佢 當然 唔係 好人 啦 。
嗯 ，不過 我 年紀 仲 係 細 ，行軍 打仗 仲 唔係 佢 對手 。
最好 我哋 再 等 幾年 ，等我 再 長大啲 ，等 佢 又 老咗啲 ，嗰陣時 再 逳手 就 贏緊 㗎 嘞 。
小桂子 你 唔使 心急 嘅 ，過多 一日 ，對 我哋 就 多 一分 好處 ，對 佢 就 多 一分 壞處 。
哎呀 ，如果 佢 老到 死咗 咯 ，噉咪 便宜 咗 佢 ？
噉唔係佢好運啦 。
父皇 先頭 叮囑 我 ，能夠 唔用兵 打仗 噉 係 最好 。
一打親仗 ，無論 勝敗 ，兵卒 死傷 就 唔 在講 啦 ，天下 嘅 百姓 就 唔 知 要 受 幾多 苦楚 咯 。
所以 吳三桂 如果 早啲 死咗 ，等唔到 我 去 逳手 ，雖然 噉 又 唔係 點 好玩 啊 。
講到 呢處 ，韋小寶 接住 話 ：簡直 認真 唔好玩 啦 。
康熙 笑 一笑話 ：不過 對於 百姓 、兵卒 ，係 一件 大好事 啊 。
小桂子 ，你 想 玩 啫嘛 ，幾時 我 帶 你 去 遼東 打 熊引 、打 老虎 。
嘩 ，好嘢 啊 好嘢 啊 。
康熙 望住 禪房 道門 ，低聲 話 ：
我 六歲 嗰年 ，父皇 就 帶 我 去 遼東 打獵 ，而家 。
佢 慢慢 行到 門邊 ，摸住 道門 ，眼淚水 都 混晒 擎嘞 。
過咗 一陣 跪低 喺 地 拜咗 幾 拜 ，低聲 話 ：
父皇 保重 ，孩兒 返去 嘞 。
韋小寶 亦 跟住 跪拜 。
康熙 行 翻去 大雄寶殿 ，康親王 傑書 ，同埋 驍騎營 都統 察爾珠 、御前侍 為 正總管 多隆 ，以及 索額圖 等 隨駕 大臣 、前鋒營 都統 、護軍營 都統 等等 ，都 喺度 等候 ，見到 皇帝 出嚟 就 跪低 參見 。
康親王 上前 啟奏 話 ：啟奏皇上 ，查得 有 幾千名 喇嘛 ，喺 清涼寺 外 便 啰嗦 爭鬧 ，唔知 咩嘢 緣故 ，而家 都 捉咗嚟 呢處 ，候旨 發落 。
康熙 岌一岌頭 ，佢 話 ：將 為首 嘅 帶上嚟 。
察爾珠 押咗 三名 老喇嘛 嚟到 ，都 帶咗 腳鐐 手銬 。
三名 喇嘛 唔 知道 康熙 係 當今 皇帝 ，神情 倔強 ，嘰里咕嚕 喺度 猛咁 嘈 。
康熙 突然間 嘰里咕嚕 亦 講起嚟 ，群臣 都 吃咗 一驚 ，邊個 都 唔 知道 皇上 居然 會 講 藏語 。
其實 呢啲 喇嘛 係 蒙古 喇嘛 ，並非 喺 西藏 嚟 嘅 ，康熙 同 佢哋 講 嘅 係 蒙古話 唧 。
講咗 一陣 ，三名 喇嘛 耷低 頭 唔出聲 ，似乎 已經 屈服 嘞 。
康熙話 ：帶佢哋 去 旁邊 間 房 ，朕 要 密審 。
多隆話 ：係 。
將 三個人 拉咗 去 殿 旁邊 一 間 經房 。
康熙 向 韋小寶 擪 一擪 手 ，噉 啊 兩個人 一齊 行 入去 經房 。
韋小寶 反手 掩埋 房門 ，拔出 匕首 ，喺 三名 喇嘛 嘅 眼 、喉嚨 、鼻哥 、耳仔 各處 不停 咁 逳下逳下 。
康熙 用 蒙古話 大聲 噉 問咗 幾句 ，一名 最老 嘅 喇嘛 神態 恭順 ，一一二二 回答咗 。
噉 兩個人 一問一答 ，講咗 好耐 。
韋小寶 一 聽 康熙 把 聲 大起嚟 ，表情 有啲 嬲 嘞 ，就 用 匕首 嚟 威嚇 。
如果 見到 康熙 神情 温和 ，佢 就 笑嘻嘻 噉 企 喺 一便 ，對 啲 喇嘛 岌頭 鼓勵 。
康熙 盤問 咗 大半 個 時辰 ，就 叫 侍衞 將 三名 喇嘛 帶 出去 。
又叫韋小寶閂翻埋道門 ，自言自語噉話 ：噉就奇怪嘞 。
韋小寶 唔敢 打斷 佢 思路 ，噉 企 喺 旁邊 唔 出聲 。
康熙 又 想咗 陣 佢 問 ：小桂子 ，父皇 喺 呢處 出家 呢件事 有 幾多 個人 知道 啊 ？
韋小寶 話 ：除咗 皇上 同 奴才 之外 ，噉 知道 呢件事 嘅 有 老皇爺 嘅 師父 玉林 大師 、佢 師弟 行癲 大師 ；
本來 呢 仲有 個 太監 海大富 嘅 ，不過 佢 已經 死咗 嘞 。
清涼寺 原來 嘅 住持 澄光 大師 ， 似乎 唔 知道 詳情 嘅 ， 只 係 知道 老皇爺 係 一位 大有 來頭 嘅 人物 唧 。
噉 除此之外 ，只有 老 ，老嗯 ，嗰個 太后 啦 。
冇錯 ，知道 呢件事 嘅 ，世間上 連 父皇 自己 在內 ，再加埋 我 同 你 ，亦 不過 係 六個人 唧 。
不過 我 先頭 盤問 嗰個 蒙古 喇嘛 ，佢 話 係 奉咗 西藏 拉薩 達賴活佛 嘅 命令 ，嚟 清涼寺 接 一位 和尚 去 西藏 。
我仔細噉盤問佢 ，清涼寺嗰位和尚 係咩嘢人啊 ？拉薩活佛 接佢去做咩嘢啊 ？反反覆覆問來問去 ，佢的確係唔知啊 。
佢 收尾話 ，好似 呢位 大和尚 識得 密宗 嘅 好多 陀羅尼 咒語 ，活佛 係 要 佢 去 傳授 密咒 ，嚟到 光大 佛法 喎 。
呢 啲 梗 係 亂 咁 噏 啦 ， 不過 睇 佢 個 樣 亦 唔 係 講 大話 ， 實 係 人 哋 噉 樣 呃 佢 佢 就 信 以 為 真 嘞 。
韋小寶話 ：係 ，嗰個 西藏 活佛 係唔係 知道 老皇爺 嘅 身份 ，噉 而家 好難 知道 。
不過 嗰個 挑撥 活佛 ，嚟到 冒犯 老皇爺 嘅 人 ，恐怕 ，恐怕 係 多數 知道 內情 㗎 噃 。
康熙 岌 一岌 頭 。
韋小寶 突然間 怕起上嚟 佢 話 ：
皇上 ， 奴才 真 係 的的確確 守口 如 如 ， 如 乜嘢 㗎 ， 奴才 知道 事關重大 ， 真 係 連發 夢 都 冇 洩 漏過 半句 啊 。
康熙話 ：你 唔會 講 我 係 信得過 嘅 。
玉林 同行 癲 兩位 當然 亦 唔會 講 。
少林寺 晦聰 方丈 同 澄光 大師 ，就算 估到 一啲 ，佢哋 係 有德高僧 ，決唔會 講畀 人哋 聽 嘅 ，計來計去 ，只有 嗰個 老 ，嗰個 老賤人 嘞 。
冇錯嘞 ，一定係 呢個 老 ，老乜乜嘞 。
康熙 沉沉 吟吟 噉 話 ：
佢 喺 慈寧宮 裏 便 收埋 一個 假扮 宮女 嘅 男人 ，係 我 親眼 見 嘅 。
佢 當然 擔心 事情 穿煲 啦 。
佢 殺害 端敬皇后 ，父皇 恨之入骨 ，父皇 雖然 出咗 家 ，仲係 派 海大富 回 宮 去 清查 呢件事 。
你係 知道 其中 嘅 詳細 情形 ，又 喺 我 嘅 身邊 。
哼 ，呢個 老賤人 邊度 瞓得着 覺 啊 ？
佢 唔 落手 殺咗 父皇 就 唔得 。
只有 謀害咗 父皇 ，謀害咗 我 ，再 殺埋 你 噉 佢 先至 平安 。
韋小寶 個 心 諗 ：老舉乸 同 神龍教 早就 勾結 嘞 ，佢 既然 知道 老皇爺 未 死 ，一定 去 稟報 畀 洪教主 知 嘅 。
睇 嚟 呢 啲 喇嘛 嚟 到 五台山 ， 仲同洪 教主 有關 添 啊 。
不過 佢 自己 做咗 神龍教 嘅 白龍使 ，呢件事 就 唔能夠 話畀 皇上 知 嘅 。
康熙 見 佢 面色 有啲 古怪 就 問 佢 ：你 做咩 啊 ？
韋小寶 連忙 話 ：奴才 諗 ，誒 ，皇上 嘅 推想 一啲 都 唔 錯 ，一定 係 呢個 老 誒誒 ，太后 講 出去 嘅 。
除咗 佢 之外 ，唔會 有 第二個 人 㗎 喇 。
康熙 一 伸手 喺 枱面 出力 咁 拍 一拍 ，咬牙切齒 噉 話 ：
呢次 佢 都 跟埋 上山 ，我 個 妹 亦 嚟咗 ，不過 父皇 肯 見 佢 。
呢個 賤人 害死 我 親生 母后 ，又 害到 父皇 出咗 家 ，令 我 成為 無 父 無 母 個人 。
我 ，我唔 將 呢個 賤人 千刀萬剮 ，難消 我 心頭 之 恨 啊 。
不過 ， 不過 父皇 偏偏 要 我 唔 好 同 佢 為 難 ， 噉 點好 呢 ？
嗱 各位 ，欲知 後事 如何 ，且 聽 下回 分解 。
