前 文 再續 啊 書 接上 一回 啊 。
話 說 韋小寶 叫 大家 換 咗 喇嘛 服裝 ， 噉 啊 再 去 救 行癡 佢 哋 三個 ， 班 和尚 一聽 大 讚 好 嘢 笑逐顏開 。
其實 韋小寶 呢條 妙計 ， 不過 學翻 當日 假扮 妓女 走 甩 身 嗰 件 事 㗎 啫 。
澄心 話 ： 噉 樣 衝出去 ， 唔 使 殺傷 咁 多 人 真 係 上策 喇 。
澄光 啊 有 啲 躊躇 嘞 ： 不過 冒犯 咗 行癡 大師 佢 哋 三位 ， 有 啲 不敬唧 。
韋小寶 話 ： 阿彌陀佛 ， 救 咗 三條 命 啊 升 做 三七二十一 級 浮屠 ， 冒犯 佢 哋 啲 咁 多 啫 嘛 ， 好過 烈火 焚身 啦 。
澄光 話 ： 師叔 講得 啱 。
噉 班 和尚 一齊 除 咗 僧袍 ， 換上 喇嘛 衣服 。
呢 班 和尚 平生 謹守 戒律 ， 端嚴 莊重 。
呢 個 時候 呢 ， 就 跟 住 韋小寶 做 呢 啲 噉 嘅 胡鬧 嘅 事 ， 大家 睇 下 着 咗 喇嘛 衣服 之後 形狀 古怪 ， 人人 都 忍 唔 住 笑 起 上 嚟 啊 。
韋小寶 話 ： 各人 包翻 住 啲 僧袍 ， 帶 埋 喺 身邊 ， 突圍 之後 再換 翻 佢 。
衝 咗 落山 之後 如果 走散 咗 ， 就 去 阜平縣 吉祥寺 會 齊 啦 。
又 叫 雙兒 執拾 好 銀兩 等等 嘅 嘢 ， 包埋 一包 孭 起 佢 。
一路 等到 個 天上 下 黑 喇 ， 韋小寶 話 ：
大家 搵 啲 香爐灰 啊 泥 啊 噉 搽 花個面 ， 每人 挽 一桶 水 ， 噉 啊 逳 手 啦 。
班 和尚 聽 咗 法諭 ， 都 好 高興 ， 搽 花個面 之後 ， 挽住 水桶 ， 帶 埋 兵器 ， 一齊 跑 去 後山 。
嚟 到 小廟 外 便 ， 班 和尚 兵 乒乓 乓 高聲 吶喊 ， 衝入 去 廟 嘞 。
玉林 、 行癡 、 行癲 三個 人 已經 決心 自焚 ， 喺 院子 裏 便 冧 咗 柴草 ， 身上 淋 淰 晒 香油 。
只 係 等 啲 喇嘛 攻 到 嚟 就 同 佢 哋 講明 捨身 自焚 嘅 用意 ， 就 即刻 點火 㗎 嘞 。
誰知 嗰 班 喇嘛 話 嚟 就 嚟 ， 事前 一 啲 預兆 都 冇 嘅 ， 等到 聽到 嗚嚕 嗚嚕 花叉花 叉 ， 似 藏語 又 唔 似 藏語 嘅 怪聲 叫 起 嚟 ， 幾十名 喇嘛 已經 衝 咗 入廟 嘞 。
玉林 高聲 話 ： 眾位 稍 為 等 下 ， 老衲 有 幾句 説 話 要 講 。
突然 間 當頭 一桶 冷水 淋落 嚟 ， 跟 住 幾十 桶 冷水 紛紛 潑到 三個 人 身上 。
呢 一下 迅雷不及掩耳 ， 莫 講話 三個 人 嚟 唔 切 點火 自焚 嘞 ， 就算 已經 點着 咗 啊 ， 亦 都 即時 淋翻 熄 啊 。
雙兒 飛身 跳過去 ， 先點 咗 行癲 穴道 ， 行癡 啊 唔 會 冇 功 嘅 。
玉林 嘅 武功 不 弱 ， 但 係 佢 呢 唔 願意 出手 反抗 ， 喺 混亂 之中 都 畀 雙兒 點 咗 穴道 。
嗰 班 和尚 七手八腳 ， 除 咗 三個 人 嘅 僧袍 ， 將 喇嘛 衣服 就 套 喺 三個 人 身上 。
韋小寶 好 想 大 講特 講 佢 嗰 啲 亂 噏 一通 嘅 藏語 ， 不過 呢 又 怕 畀 玉林 聽 出 口音 ， 唯有 忍住 唔 講啦 。
佢 向雙兒 努一 努個 嘴 ， 雙兒 攞 起 燭 台 ， 將 院子 堆 住 嘅 柴草 燒着 。
韋小寶 見到 行 癲 嘅 黃金 杵 放 喺 殿 角 ， 噉 啊 想 攞 起 帶走 ， 誰知 金杵 好 重 嘅 ， 竟然 攞 唔 起 噃。
澄通 啊 即刻 去 攞 起 佢 。
韋小寶 將手 一揮 ， 班 和尚 就將 行癡 佢 哋 三個 人 擁 喺 中間 ， 向東 便 就衝 落山 嘞 。
只 係 走 咗 幾十丈 遠 ， 小 廟裏 便 嘅 黑煙 同 火光 已經 沖天 而 起 。
嗰 一大堆 柴草 上 便 啊 ， 亦 已經 淋滿 咗 香油 ， 好易 着火 嘅 。
山腰 嗰 處 啲 喇嘛 見到 火起 ， 大聲 咁 叫 ， 當堂 四圍 大亂 。
噉 啊 帶頭 嘅 喇嘛 派 人 上 嚟 救火 啦 。
佢 哋 見到 韋小寶 嗰 班 人 ， 都 以 為 係 自己 人 ， 混亂 之中 ， 又 有 邊個 嚟 盤問 阻擋 吖 ？
嗰 班 和尚 嚟 到 山下 ， 就 已經 將 大隊 喇嘛 拋 喺 身後 嘞 ， 回頭 望 下山 上 ， 只見 火光燭天 ， 嗰 座 小 廟 啊 已經 燒通 咗 頂 。
澄 通話 ： 呢 座 小廟 一燒 ， 佢 哋 搵 唔 到 行癡 大師 ， 以 為 佢 已經 喺 小 廟裏 便 燒死 咗 ， 從此 就 死 呢 條心 ， 再 唔 嚟 騷擾 嘞 ， 噉 係 一件 好事 噃。
澄光 點頭 話 ： 師弟 講得 有 道理 。
韋小寶 叫 澄觀 將 行癡 佢 哋 三個 人 身上 嘅 穴道 解 咗 佢 話 ： 多多 得罪 ， 唔 好 怪 啊 。
先頭 行癡 佢 哋 穴道 被點 唔 逳 得 ， 不過 耳目 呢 係 無礙 嘅 ， 見到 經過 嘅 情形 早就 明白 係 少林和尚 設法 子 搭救 。
行癲 就 大聲 噉 喝彩 佢 話 ： 妙計 ， 妙計 啊 ！ 大家 容容易易 就 走 咗 出 嚟 咯 。
方丈 大師 ， 你 喺 嚟 救 我 哋 條 命 嘅 ， 多謝 你 都 嚟 唔 切 ， 仲話 對 唔 住 添 。
行癡 啊 決心 焚身 嚟 消除 業障 ， 行癲 係 忠心耿耿 ， 只有 陪住 主人 自焚 啦 ， 但 係 個 心 呢 ， 畢竟 係 唔 願 死 嘅 ， 而家免 咗 大難 ， 當然 係 歡喜 到極 嘞 。
行癡 微笑 話 ： 一個 人 都 唔 傷害 就 化解 咗 呢 一件 事 ， 的 確係 難能可貴 啊 。
忽然 聽見 山路 上 有 好多 腳步聲 ， 大隊 人 快步 跑過 嚟 。
澄 通話 ： 師叔 ， 有 大批 喇嘛 殺過 嚟 喇 。
韋小寶 話 ： 我 哋 向 前面 衝 ， 個 嘴 呢 就 嘰裏咕嚕 一番 ， 見到 佢 哋 呢 塊 面 就 露 啲 笑容 ， 用 隻 手指 下山 上 ， 總之 呢 唔 好 同 佢 哋 逳 手 。
班 和尚 一齊 遵命 ， 連 行癡 同 玉林 都 岌頭 啊 。
韋小寶 個心 好 高興 嘞 佢 諗 ： 老皇爺 聽 我 號令 ， 老皇爺 嘅 師父 亦 聽 我 號令 。
噉 班 和尚 將 行癡 擁 喺 中間 ， 順住條 大路 就 走 嘞 。
只見 喺 山坳 後 便 一股 人 衝出 嚟 ， 手執 燈籠 火把 ， 不過 呢 唔 係 喇嘛 ， 都 係 朝 山進香 嘅 香客 。
條頸處 呢 掛住 黃 布袋 嘅 ， 袋 上面 寫住 虔誠 進香 等等 嘅 大字 。
一班 少林和尚 走 到 近 一 睇 ， 都 打個 特 ， 澄通 等 人 呢 都 已經 停 咗 口 嘞 。
澄觀 佢 哋 頭腦 唔 係 幾 靈敏 嘅 呢 ， 仲 喺 度 亂 咁 叫 嗰 啲 生 安白造 嘅 藏語 。
喺 香客 裏 便 有名 漢子 行出 嚟 大聲 噉 喝 ： 你 哋 做 咩 嘢 㗎 ？
呢 個人 身材 魁梧 ， 聲音洪亮 。
韋小寶 一 見到 就 高興 喇 ， 認得 佢 係 御 前 侍 衞 總管 多隆 ， 即時 走上 前 話 ： 多 大哥 ， 你 睇 下 小弟 係 邊個 ？
多隆 打個 特 ， 喺 身邊 一個 人 手裏 便 攞 個 燈籠 過 嚟 ， 搦 到 佢 面前 一照 。
韋小寶 向 佢 擠眉弄眼 哈哈大笑 。
多隆 驚喜交集 話 ： 係 ， 係 韋兄弟 啊 ， 你 ， 你點 會 喺 呢 度 㗎 ？ 又 扮成 個 小 喇嘛 噉 嘅 樣 做 咩 啊 ？
韋小寶 笑 住 話 ： 你 又 點會 嚟 到 呢 處 嘅 呢 ？
正 喺 度 講 緊 ， 多隆 後 便 又 有 一群 香客 趕到 ， 帶頭 嘅 香客 係 趙齊賢 。
韋小寶 一睇 ， 呢 班 香客 都 係 御 前 侍 衞 扮 嘅 ， 其中 有 成 大半 係 相識 。
班 侍 衞 圍 上 嚟 嘻嘻哈哈 十分 親熱 。
韋小寶 低聲 問 多隆 話 ： 皇上 派 你 哋 嚟 㗎 ？
多隆 低聲 話 ： 皇上 同 太后 嚟 五台山 進香 ， 而家 係 喺 靈境 寺裏 便 啊 。
韋小寶 驚喜交集 話 ： 皇上 嚟 咗 五台山 啊 ？ 嗨 好 極喇好 極喇 。
佢 個 心 諗 ： 個 老舉 乸 走 嚟 做 咩 嘢 呢 ？ 老皇爺 恨不得 殺 咗 佢 啊 。
冇 幾耐 ， 又 到 咗 一批 驍騎 營 嘅 軍官 士兵 ， 亦 都 係 扮作 香客 嘅 。
韋小寶 問 ： 呢 次 喺 北京 嚟 五台山 嘅 ， 總共 有 幾多 香客 啊 ？
多隆 低聲 話 ： 除 咗 我 哋 御 前 侍 衞 之外 ， 驍騎 營 、 前鋒 營 、 護 軍營 都 隨駕 嚟 五台山 啊 。
嘩 嗨 ， 你 慌 冇 三四萬 官兵 啊 ？
總共 係 三萬四千 幾人 。
嗰 個 護駕 營 嘅 總管 係 邊個 啊 ？
係 康親王 啊 。
嘿 都 係 老朋友 嘞 。
韋小寶 向 趙齊賢 擪 一 擪 手 ， 等 佢 行 近 喇 就 話 ：
趙大哥 ， 請 你 去 稟報 康親王 ， 我要 調動 人馬 辦 一件 大事 ， 事情 緊急 ， 嚟 唔 切 請示 佢 嘞 。
趙齊賢 領 咗 命令 就 去 嘞 。
跟 住 驍騎 營 正黃旗 都統 ， 察爾珠 亦 到 嘞 。
韋小寶 話 ： 多 老哥 ， 都統 大人 ， 有 幾千名 西藏 喇嘛 ， 實 係 知道 咗 皇上 進香 嘅 消息 ， 而家 正在 圍住 清涼寺 造反 作亂 。
你 哋 兩位 即刻 去將 呢 班 反賊 捉起 嚟 ， 呢 件 啊 ， 係 大 功勞 啊 。
兩個 人好 歡喜 ， 一齊 向 韋小寶 多謝 話 ：
韋大人 送 功勞 畀 我 哋 真 係 點 敢當 啊 ？
韋小寶 話 ： 大家 忠心 為 皇上 辦事 啫 分 咩 彼此 喎 ？
呢 啲 叫做 有福同享 ， 有難同當 吖 嘛 。
兩個 人 即時 傳令 ， 守住 四圍 山路 ， 點齊 猛將 精兵 向 山上 殺 過去 嘞 。
韋小寶 大聲 噉 話 ： 聖上 仁慈 英明 ， 有 好生之德 ， 你 哋 捉 反賊 就 係 嘞 ， 盡量 唔 好 殺人 啊 。
因為 聖上 係 腰 腎 魚湯 ， 唔 係 冇 料 嘅 皇帝 啊 。
所有 啲 侍 衞 親兵 齊聲 答應 啊 。
堯舜禹湯 呢 四個 字 ， 康熙 雖然 曾經 簡單 噉 解釋 過 ， 不過 韋小寶 呢 都 係 好 難 明白 。
總之 呢 知道 腰 腎 魚湯 呢 碗湯 呢 係 非常 之 好 嘅 湯 ， 唔 係 冇 料 嘅 湯 ， 凡 係 皇帝 聽 咗 ， 冇 話 唔 歡喜 嘅 。
其實 佢 呢 幾句 説 話 ， 係 嗌 畀 老 皇帝 聽 嘅 ， 佢 諗 ， 今日 老小 皇帝 父子 相會 ， 托多 啲 老 皇帝 嘅 大腳 ， 比托 小 皇帝 大腳 啊 更 為 靈驗 有效 啊 。
佢 轉身 行到 行癡 面前 話 ：
三位 大師 ， 我 哋 而家 着 緊 嘅 衣服 呢 不倫不類 ， 不如 去 前面 金閣寺 換過 啲 衣服 ， 然後 搵 個 清靜 嘅 地方 休息 ， 免得 啲 閒人 騷擾 三位 清修 吖 。
行癡 佢 哋 都 話 係 啊 噉 。
一行 人 就 行 咗 幾里路 嚟 到 金閣寺 。
韋小寶 一入 寺門 ， 就 攞 出 一千兩 銀票 交 畀 住持 ， 佢 話 ：
暫時 借 寶剎 休息 下 ， 一切 唔 好問 咁 多 喇 。
問 一句 ， 扣 十兩 銀 。
一句 都 唔 問 ， 呢 一千兩 銀 都 係 香金 。
嗱 如果 問 咗 一百 零 一句 ， 你 倒 轉頭 畀 十兩 銀 我 。
不折不扣 ， 童叟無欺 。
嗰 個 住持 忽然 得到 咁 多 銀 又驚又喜 ， 猛 咁 話 ： 係 係 係 。
佢 又 話 ： 師兄 要 。 話 到 口唇 邊 ， 突然 窒 咗 一 窒 ， 連忙 改口 話 ： 要 飲杯 茶 喇 。 急急 入去 捧茶 出 嚟 。
佢 本來 想問 ， 師兄 要 唔 要 飲杯 茶 啊 噉 嘅 ， 總算 佢 有 啲 急智 臨時 改口 ， 就 慳 翻 十兩 銀 。
韋小寶 出去 暗傳 號令 ， 命令 百 幾名 御前 侍 衞 喺 金閣寺 四周圍 守衛 ， 又 派 兩名 侍 衞 去 稟報 皇上 話 ：
奴才 韋小寶 職責 重大 唔 敢 擅離 ， 喺 金閣寺 候駕 。
一名 侍 衞 話 ： 啟 稟 韋 副 總管 ， 我 哋 做 臣子 嘅 ， 應該 去 叩見 皇上 至 啱 㗎 噃， 唔 能夠 等 皇上 嚟 見 你 㗎 。
韋小寶 雙手 一攤 笑 住 話 ： 嘿嘿 冇 法子 啦 ， 呢 一次 唯有 破壞 一下 規矩 嘞 。
兩名 侍 衞 應 咗 擰 轉身 ， 不由自主 伸一 伸條 脷 個 心 諗 ： 咁 沙膽 ， 連命 都 唔 要 喇 。
嗱嗱 聲 即刻 跑 去 稟報 。
話 說 行癡 佢 哋 換 咗 衣服 ， 坐低 休息 ， 只 聽見 山上 喊 殺 連天 ， 侍 衞 親兵 ， 已經 喺 度 圍捕 喇嘛 。
嘈 咗 好 耐 ， 聲音 漸漸 停 嘞 。
又過 咗 半個 幾 時辰 ， 突然 間 萬籟俱寂 ， 只 係 聽見 幾十人 嘅 腳步聲 由遠 而 近 ， 嚟 到 寺 外 便 停住 喇 。
咯咯 咯咯 ， 跟 住 有 一班人 行入 嚟 。
韋小寶 個心 諗 ： 小 皇帝 到 喇 。
拔出 匕首 ， 揸 住 喺 手裏 便 ， 守住 行癡 嘅 禪房 。
佢 嗰 副 表情 啊 ， 梗 係 擺 出 一副 忠心 護主 ， 萬死不辭 嘅 樣 啦 。
冇 幾耐 ， 十幾名 身穿 便裝 嘅 侍 衞 快步 行過 嚟 ， 挽住 燈籠 企 喺 兩 便 。
一名 侍 衞 低聲 喝 ： 快 啲 收翻 起 把 刀 。
韋小寶 退後 幾步 ， 背脊 靠 住 道門 ， 橫劍 當胸 ， 大有 一夫當關 萬夫 莫入 之概 ， 喝 佢 話 ：
禪房 裏 便 眾位 大師 正在 休息 ， 邊個 都 唔 准過 嚟 啰嗦 。
只見 一位 身穿 藍 袍 嘅 少年 走過 嚟 ， 係 康熙 啊 。
韋小寶 噉 先至入 翻 好 把 劍 ， 跪低 叩頭 低聲 話 ： 皇上 大喜 ， 老 ， 老 法師 喺 裏 便 啊 。
康熙 聲 都 震 埋話 ： 你 同 我 ， 同 我 通報 啦 。
轉身 揮手 話 ： 你 哋 都 出去 。
等 班 侍 衞 退出 去 之後 ， 韋小寶 喺 禪房 道 門上 便 輕輕 打 咗 兩下 佢 話 ： 晦明 求見 。
過 咗 一陣 裏 便 冇 人應 ， 康熙 忍 唔 住 搶 上 一步 ， 喺 門上 敲 咗 兩下 。
韋小寶 耍耍 手 ， 示意 佢 唔 好 講 説 話 。
康熙 就將 已經 到 咗 口 邊 嘅 父 皇 夾 硬 忍住 唔 講 。
又過 咗 好 耐 ， 只 聽見 行癲話 ：
方丈 大師 ， 我 師兄 精神 困倦 ， 恕 不 相見 。
佢 身 入 空門 ， 塵緣 已 了 ， 請 你 轉告 外人 ， 唔 好 妨礙 佢 清修 。
韋小寶 話 ： 係 ， 係 ， 唔 該 你 開門 ， 只見 一面 唧 。
我 師兄 嘅 意思 呢 處 係 金閣寺 ， 大家 都 係 客 ， 唔 奉 方丈 法旨 ， 請 你 唔 好 見怪 。
韋小寶 擰 轉頭 望下 康熙 ， 見 佢 神情 悽慘 ， 個心 諗 ：
你 話 我 喺 呢 處 唔 係 方丈 唔 能夠 叫 你 開門 ， 噉 我 去 請 本寺 方丈 嚟 叫門 亦 好容易 啫 。
正話 想 轉身 去 叫 方丈 ， 康熙 已經 忍 唔 住 嘞 ， 突然 間 放聲大哭 。
韋小寶 諗 ： 如果 要本 寺 方丈 嚟 撬開 道門 ， 噉 就 有 逼 老皇爺 嘅 意思 嘞 噃， 嗯 ， 都 仲 係 𠼮 下 佢 好 。
噉 啊 用 雙手 猛 抌 幾下 心口 ， 跟 住 亦 放聲大哭 ， 佢 話 ：
吖 哈哈哈 ， 哎呀 哈 ， 我 喺 世間 上 ， 係 個 冇 爹 冇 娘 嘅 孤兒 ， 孤苦伶仃 ， 冇 人痛 我 ， 嗯 做人 仲有 咩 樂趣 吖 ？
不如 一頭 撞死 佢 仲 好 啊 。
叫 得 幾聲 眼淚 就 叭叭 聲 咁 流 喇 ， 喊 得 悲切 異常 。
康熙 聽 佢 嚎啕 痛哭 ， 初時 都 打個 特 ， 跟 住 呢 又 喊 起 嚟 。
只 聽見 咦 噉 一聲 ， 禪房 道門 開 咗 ， 行癲 呢 企 喺 門口 話 ： 請 小 施主 入 嚟 啦 。
康熙 悲喜交集 ， 直 衝入 房 ， 攬住 行癡 雙腳 放聲大哭 。
行癡 啊 輕輕 摸 下 佢 個頭 ， 佢 話 ： 傻仔 ， 唉 ， 傻仔 。
眼淚 亦 都 滾滾 而 下 。
玉林 同行 癲耷 低頭 行出 禪房 ， 反手 掩翻 埋 道門 ， 對 企 喺 門外 嘅 韋小寶 睇 都 冇 睇 ， 直接 噉 行 出去 。
行癲 就 覺得 太過 冇 禮 嘞 個 心 又 對 佢 感激 ， 行 咗 十幾步 之後 ， 回頭 叫 佢 一聲 ： 方丈 。
韋小寶 正在 定神 聽緊 禪房 裏 便 ， 行癡 同 康熙 父子 兩個 人有 咩 嘢 講 ， 對行癲 呢 亦 都 冇 理會 嘞 。
只 聽見 康熙 喊住 話 ： 父皇 ， 我 好想你 啊 。
行癡 細細 聲講 咗 幾句 ， 隔住 房門 聽 唔 清楚 。
收尾 康熙 收 咗 聲 唔 喊 嘞 ， 兩個 人 講 説 話 都 係 好 細聲 嘅 ， 韋小寶 一句 都 聽 唔 到 。
佢 雖然 係 好奇 啊 ， 不過 亦 唔 敢將 房門 推開 條罅 去 聽 下 ， 只 係 企 喺 門外 等候 。
過 咗 好 耐 ， 隱約 聽見 康熙 提到 端 敬皇后 四個 字 ， 韋小寶 諗 ：
上次 老皇爺 叫 我 轉告 小 皇帝 ， 唔 好 難 為 咗 老舉 乸 ， 呢 句 説 話 我 啊 冇 講 啊 ， 唔 知 老皇爺 而家 係 唔 係 回心轉意 呢 ？
再 過 一陣 聽見 行癡 話 ： 今日 ， 你 我 見面 ， 已經 係 唔 啱 㗎 喇 ， 耽誤 我 嘅 修 為 。
以後 就 唔 能夠 再 嚟 喇 。
康熙 冇 出 聲 。
行癡 又 話 ：
你 派 人 侍奉 我 ， 雖然 係 你 一片 孝心 ， 不過 出家人 歷練 魔劫 ， 乃 係 應該 嘅 ， 侍奉 我太過 周到 ， 亦 係 唔 適宜 嘅 。
兩個 人 又 傾 咗 一陣 ， 只 聽見 行癡 話 ：
你 返 去 啦 ， 好好 保重 身子 ， 愛惜 百姓 ， 就 係 對 我 盡孝 嘞 。
康熙 似乎 戀戀不捨 ， 唔 願 走 。
終於 聽見 腳步 聲響 嘞 ， 韋小寶 急忙 退後 幾步 ， 雙眼 啊 望 住 院子 。
咦 噉 一聲 房門 打開 ， 行癡 拖住 康熙 隻 手行 出 門外 。
父子 兩人 對 望 咗 一陣 ， 康熙 緊緊 噉 握住 父親 隻 手 。
行癡 話 ： 你 好好 ， 比 我 好得多 嘞 ， 我 好 放心 ， 你 亦 放心 。
輕輕 掙 甩 佢 隻 手 ， 行 翻入 房閂 埋 道門 。
又過 咗 一陣 ， 咔 一聲 ， 已經 上 咗 門戌 。
康熙 撲 喺 道門 處 一味 喺 度 嗚咽 。
韋小寶 企 喺 旁邊 ， 陪住 佢 流眼淚 。
康熙 喊 咗 一陣 ， 佢 估 父親 唔 會 再 開門 㗎 喇 ， 不過 呢 亦 唔 願 走 住 ， 就拉住 韋小寶 同 佢 一 拍 坐 喺 院子 嘅 石級 上 便 。
佢 攞 條 手巾 仔出 嚟 抹 乾 眼淚 ， 擔 高頭 望住 天上 嘅 白雲 。
過 咗 一陣 佢 話 ： 小桂子 ， 父皇話 你 好好 ， 不過 唔 要 你 服侍 嘞 。
父皇話 啲 臣子 護持 得太過 周到 ， 會令 到 佢 老人家 唔 似 係 出家人 喎 。
講到 出家人 三個 字 ， 又 流眼淚 嘞 。
韋小寶 聽講 老皇爺 ， 唔 再 要 佢 服侍 喇 ， 哎呀 ， 開心 到極 喇 。
不過 塊面 呢 ， 一 啲 都 唔 敢 露出 歡喜 嘅 表情 ， 亦 唔 敢 顯得 太過 忠心 過頭 ， 奮不顧身 個樣 ， 以免 又生 後患 。
佢 話 ： 想害 老皇爺 嘅 人 好多 ， 皇上 要 想個 法子 暗中 保護 佢 至 係 啊 。
康熙 話 ： 噉 啊 一定 要 嘅 。
嗰 班 惡 喇嘛 ， 到底 有 咩 陰謀詭計 呢 ？
嗰 啲 喇嘛 梗 係 想 劫持 父皇 ， 企圖 挾制 我 ， 叫 我 事事 都 聽 佢 哋 話 。
哼 ， 有 咁 容易 咩 ？
小桂子 ， 你 好好 ， 呢 次 救 咗 父皇 功勞 好大 啊 。
韋小寶 話 ： 皇上 神機妙算 ， 早就 估到 晒 喇 ， 派 奴才 嚟 呢 處 做 和尚 ， 本來 就 為 咗 做 呢 件 事 啫 嘛 。
奴才 亦 冇 咩 功勞 ， 皇上 無論 派邊 個人 嚟 ， 邊個 都 能夠 辦到 嘅 。
噉 又 唔 係 嘅 。
父皇話 你 能夠 體會 佢 嘅 意思 ， 一個 人 都 唔 使 傷害 就 走 咗 出 嚟 喇 。
奴才 見到 老皇爺 要 點火 自焚 ， 要 捨身 消除 業障 喎 ， 真 係 嚇 到 我 啊 靈魂 出竅 ， 屁滾尿流 啊 。
咩 嘢 點火 自焚 ， 捨身 消除 業障 啊 ？
韋小寶 又 添油添 醋 噉 講 咗 經過 情形 ， 聽到 康熙 啊 出 咗 成身 冷汗 。
韋小寶 話 ： 不過 奴才 情急之下 ， 將 老皇爺 淋 咗 成身 冷水 ， 真 係 非常 不 敬 啊 。
康熙 話 ： 你 係 護主 心切 啫 ， 好好 啊 。
嗱 各位 ， 欲知 後事 如何 ， 且 聽 下回分解 。
