前 文 再續 啊 書 接上 一回 啊 。
話說 韋小寶 去到 般若堂 ，只見 澄觀 坐喺 地下 ，四周圍 堆滿 咗 幾百 本 書籍 。
雙手 又 抱住 個 頭 ，苦苦 思索 ，雙眼 裏 便 呢 佈滿 晒 紅絲 ，多數 係 成晚 冇 瞓 定 嘞 。
睇佢 個樣 ，梗係 冇 諗到 好法子 定啦 。
佢 見到 韋小寶 入嚟 ，好似 唔識 噉 ，吖 竟然 佢 諗嘢 諗到 入晒神 ，對 身邊 嘅 一切 都 係 視而不見 噃 。
韋小寶 見 佢 神情 苦惱 ，想話 安慰 佢 幾句 ，話畀佢聽 兩個 姑娘仔 已經 走咗 喇 ，而家 唔使 咁 急噉 ，佢 轉念 一 想 ：
佢 如果 唔 畀 心機 就 點 諗得出嚟 呢 ？
至怕 我 一講 呢個 老和尚 就 偷懶 喇 ，嘿 ，唔 講得 畀 佢 聽 嘅 。
眨下眼 又 過咗 個 幾月 ，韋小寶 時時 去 般若堂 行下 。
只見 澄觀 瘦骨伶仃 ，容顏 憔悴 ，不言不語 啊 好似 傻咗 噉 。
有時 企起身 拳打腳踢 一番 ，跟住 就 擰擰頭 坐翻低 。
韋小寶 啊 以為 呢個 老和尚 太過 笨 嘞 ，苦思 咗 個 幾月 ，仍然 一啲 法子 都 冇 。
佢啊唔知道少林派武功 ，每一門 都 講究 根基扎實 ，寧願 慢啲 都 唔好 快啲 。
用 跳級 嚟到 求得 速成 ，正係 少林派 武功 嘅 大忌 。
澄觀 雖然 對 天下 武學 幾乎 無所不知 啊 ，但係 要 佢 打破 本派 嘅 禁例 ，另外 創造 速成 嘅 方法 ，噉 就 同 佢 一世人 所學 嘅 完全 唔啱 牙 喇 。
天氣 漸漸 暖嘞 ，韋小寶 喺 少林寺 已經 有 幾個 月 。
呢幾個月啊 ，好話唔好聽啦 ，佢 每日 都有 幾十次 想 嗰個 綠衫 少女 嘅 。
呢一日 悶到 無聊 ，噉啊 帶住 啲 銀兩 ，行落 少室山 ，嚟到 一座 市鎮 ，叫做 潭頭鋪 啊 。
去 衣服鋪 啊 買咗 一套 衣巾 鞋 襪 ，去 鎮 外 一 個 山洞 裏頭 換咗 ，噉 啊 將 僧袍 僧鞋 包 落 個 包袱 處 孭 起 ，噉 喺 溪水 一 照 ，十足 個 富家子弟 。
噉啊 返到嚟 市鎮 嘞 ，喺 一 間 酒樓 裏 便 雞 鴨 魚 肉 ，飽餐 一頓 。
佢 諗 ：而家 去 搵 間 賭場 大賭 一番 至得 。
噉佢 知道 賭場 呢 必定 喺 啲 巷仔 裏 便 嘅 ，噉就 穿街 過 巷 東張西望 咯 噃 。
佢 每行 入 一條 巷仔 ，就 聽 下 有冇 賭錢 嘅 聲音 。
噉 當 佢 搵到 第七條 巷 個 時候 ，終於 聽到 有人 叫 ：天九 ，通殺 ！
唉 呢 幾個 字 一 蜎 入耳 仔 啊 ， 真 係 講唔 出 咁 舒服 啊 ；
比起 喺 少林寺 時時刻刻 都 聽到 嘅 南無阿彌陀佛 ，真係 一個 喺 西方 極樂世界 ，一個 喺 十八層 地獄 啊 。
佢 嗱嗱聲 行過去 ，一手 就 推咗 道 門 。
噉 一名 四十幾歲 嘅 漢子 ，頂 帽 啊 戴埋 一便 嘅 ，䠋下䠋下 行 出嚟 ，打 斜 隻 眼 望住 佢 問 佢 ：做咩 啊 ？
韋小寶 喺 身邊 攞出 一錠 銀 ，喺 隻 手 處 拋下 拋下 笑住 話 ：隻 手 痕 喇 ，想 嚟 輸 幾 兩 銀 唧 。
嗰個 漢子 話 ：呢度 唔係 賭場 啊 ，係 老舉寨 咋 細佬 。
韋小寶 一 聽 係 妓院 ，唉 ，直情 係 返 屋企 一樣 噉 啦 仲 點 肯 再 走 呢 ，佢 笑住 話 ：
啱晒 ，你 同 我 搵 幾個 姑娘 嚟 ，打下 茶位 ，今晚 少爺 要 擺 三圍 花酒 。
將 嗰 錠 二 兩 重 嘅 銀 ，塞 喺 佢 手裏 便 ：畀 你 飲酒 啦 。
嗰 個 龜 公 歡喜 到 不得了 ， 見個 豪客 嚟 咗 唄 ， 即時 熠熟 狗頭 噉 ： 哎 多謝 ， 多謝 少爺 。
有 客 ！就 恭恭敬敬 啊 請 佢 入去 咯 喎 。
龜婆 啊 出嚟 迎接 喇 。
韋小寶 笑住 話 ：你 將 呢度 啲 姑娘 通通 叫 晒 嚟 ，少爺 每人 打賞 三 兩 銀 。
龜婆 好 歡喜 ，出去 一 講 ，霎時間 鶯鶯燕燕 ，間房 啊 逼滿 咗 姑娘 。
喺 呢 啲 噉 嘅 細 地頭 嘅 妓院 ， 噉 當然 都 係 啲 粗手 大腳 嘅 庸 脂 俗 粉 啦 ， 入到 嚟 ， 一個個 拉手 攬 腰 ， 竭力 獻媚 啊 。
韋小寶 啊 高興 到 癲喇 ，雖然 班 妓女 唔係 好樣 ，但係 佢 自細 立志 要 喺 妓院 裏 便 豪闊 一番 ，今日 得償 平生 之 願 啊 梗係 得意洋洋 啦 。
拉住 身邊 一個 妓女 ，喺 個 嘴處 一吻 ，哎呀 ，只覺得 一浸 蔥蒜 嘅 臭味 ，直衝過嚟 ，幾乎 嘔啊 。
突然間 ，門簾 掀開 ，有 兩個 女子 行咗 入嚟 。
韋小寶 話 ：好 ，兩個 妹妹 一齊 過嚟 ，啜 個 嘴 先 。
説話 未完 ，就 睇 清楚 兩個 女子 嘅 樣 喇 ，不由得 大吃一驚 啊 。
佢 大叫 一 聲 跳起身嚟 ，將 攬住 佢 嘅 兩個 妓女 推咗 喺 地下 。
原來 入嚟 呢 兩個 女子 ，正 係 日思夜想 嗰個 綠衫 女郎 同 佢 師姐 。
嗰個 藍衫 女郎 冷笑 一 聲 話 ：哼哼 ，你 一 入 市鎮 唧 ，我哋 就 跟住 你 ，睇 你 嚟 做 咩 壞事 喇 。
韋小寶 背脊 出晒 冷汗 ，強笑話 ：
誒 ， 誒 ， 係 ， 係 ， 誒 呢 位 姑娘 ， 你 ， 誒 ， 你條 頸 嘅 傷 ， 誒 啲 傷好 翻 未 啊 ？
綠衫女郎 哼咗 一 聲 唔理 佢 。
藍衫女郎 話 ：我哋 日日 喺 少林寺 外 便 等住 你 ，要 將 你 碎尸萬段 ，你 侮辱 我 師妹 咁 可惡 。
哼 ！總算 皇天 唔 負 苦心人 ，今日 你 呢個 衰 和尚 撞正 我哋 手裏 便 喇 。
韋小寶 個 心 暗暗 叫苦 嘞 ：老子 今日 非 歸天 不可 喇 。
佢 賠笑 話 ： 誒 ， 誒 其實 ， 其實 ， 我 都 冇 點樣 得罪 咗 啊 ， 得罪 咗 姑娘 啫 ， 只不過 係 ， 誒 就 噉 樣 揸 咗 下 啫 嘛 。
噉 都 唔 緊要 吖 我 睇 ， 誒 我 ， 我同 ， 我 睇 。
綠衫 女郎 塊 面 紅 嘞 ，眼神 裏 便 露出 殺機 。
藍衫 女郎 冷冰冰 噉 話 ：先頭 你 係 講咗 啲 乜嘢 啊 ？叫 我哋 做 咩嘢 嘩 ？
韋小寶 話 ：誒 係咯 真係 咁巧 嘅 我 。
我當 ， 我 我 我 當做 你 哋 兩位 亦 都 係 ， 誒 ， 呢 呢 呢 度 老舉 寨 嘅 姑娘 啊 。
綠衫女郎 低聲 話 ：師姐 ，同 呢個 為非作歹 嘅 賊 禿 講 咁多 做咩嘢 吖 ？一刀 殺咗 佢 算咯 。
𠻘一聲 ，白光 一閃 ，韋小寶 哇聲 大叫 縮低 個頭 ，佢 戴住 嗰頂 帽 啊 已經 畀 佢 柳葉刀 削 咗 嘞 ，打出 個 光頭 。
班妓女 當堂 大亂 啦 齊聲 尖叫 ：殺人 喇 ，殺人喇 ！
韋小寶 一縮 ，匿埋 喺 一名 妓女 後便 ，佢 話 ：
喂喂 喂 ， 呢 度 老舉 寨 喇 ， 你 入親 嚟 嘅 就 係 老 舉 喇 ， 你 兩個 仲 唔 快 啲 出去 ， 畀 人 知道 咗 啊 真 係 ， 係 好 難聽 㗎 嘛 。
兩個 女子 𠻘𠻘 幾刀 ，但係 房 裏 便 逼滿 晒 十幾個 妓女 ，邊度 斬得到 佢 吖 ？
刀鋒 掠過 啊 ，幾乎 斬傷 兩個 妓女 就 真 。
韋小寶 高聲大叫 ：老子 喺度 嫖 老舉 有 乜 好睇 唧 ？嗱 我 ，我 ，我 要 除 衫 喇 ，我 要 除 褲 㗎 喇 。
掹咗件衫 就 掉出去 咯 喎 。
兩個 女子 嬲 到 極 啊 ，但係 又 怕 韋小寶 真係 耍無賴 除褲 啊 。
綠衫女郎 轉身 走出去 ，個 藍衫女郎 窒咗 一窒 ，亦都 走咗 出去 喇 。
嘭嘭 兩聲 ，將 衝入嚟 睇下 嘅 龜婆 龜公 啊 推到 𢴈咗 喺 地 。
一時之間 ，妓院 裏 便 就 呼聲 震天 就 罵聲 動地 。
韋小寶 暫時 免 就 免咗 捱 一刀 嘞 ，但係 諗住 呢 兩個 姑娘 ，實係 喺 門口 守到 實 嘞 。
自己 一 踏出 妓院 門口 一步 唧 ，即時 就 畀 佢哋 殺咗 。
佢 話 ：大家 唔好 嘈 唔好 逳 ，每人 十 兩 銀 ，人人 都有 ，決不 落空 。
班妓女 一 聽 當堂 靜翻 嘞 。
韋小寶 攞咗 二十兩 銀 交畀 龜公 吩咐 佢 話 ：快啲 同 我 備 一匹 馬 ，喺 巷口 等 我 。
個龜公 接咗 銀 就 出去 咯噃 。
韋小寶 又 指住 一名 妓女 話 ：畀 二十 兩 銀 你 ，快啲 除咗 套 衫 畀 我 換 啦 。
嗰個 妓女 都 唔知 幾 歡喜 ，即刻 就 除 衫 。
噉 其他 嘅 人 呢 就 七嘴八舌 紛紛 嚟到 問 。
韋小寶 話 ：呢 兩個 係 我 個 大 老婆 同 小 老婆 ，剃光咗 我 個 頭 ，唔准 我 嫖 老舉 喎 ，噉 我 趯 咗 出嚟 ，佢哋 就 追住 嚟 殺 我 嘞 。
龜婆 同埋 妓女 一聽 ，都 不禁 笑起上嚟 。
嫖客嘅 妻子 走嚟 妓院 嘈吵 打交 ，呢啲 係 司空見慣 尋常 到 極 啦 ，但係 攞刀 要 殺人 ，噉 亦 少見 。
至於 妻妾 合力 剃光 丈夫 個 頭 ，唔准 佢 嫖 老舉 ，嘿 ，真係 第一次 聽聞 啫 算得 係 天下 奇談 嘞 。
韋小寶 快快脆脆 換咗 妓女 嘅 衣服 ，用 塊 花布 包住 個 頭 。
班妓女 知道 佢 要 化妝 逃走 唄 ，就 嘻嘻哈哈 噉 幫 佢 搽 脂 抹 粉 。
喺 妓院 裏 便 賭 錢 啲 嫖客 聽到 消息 ，亦 湧過嚟 睇 熱鬧 噃 。
噉冇幾耐 ，龜公 嚟 話 馬 已經 備好 喇 。
佢 知道咗 兩個 女人 係 咩嘢 人 之後 ，佢 又 話 ：
哎呀 少爺 你 要 小心 啊 ，你 大夫人 係 守住 後門 ，小夫人 係 守住 前門 。
兩個人 都 揸住 刀 㗎 。
韋小寶 一面 大派 銀兩 ，一便 就 鬧喇 ：
呢 兩個 潑婦 吖 ，管 老公 管到 咁 嚴 ，嘿 真係 少見 嘞 。
嗰個 龜婆 得咗 佢 三十 兩 銀 打賞 ，就 幫 實 韋小寶 喇 佢 話 ：
兩隻老虎 乸 整𢰸 人哋 衣食 ，天下 嘅 女人 都 似 你 兩個 老婆 噉 啊 ，我哋 食 西北風 咩 ？
二郎神 保佑 兩隻 老虎 乸 絕 子 絕孫 啊 。
哎吖哎吖 ，少爺仔 ，我唔係話你啊 。
你 不如 呢 休咗 嗰 兩 隻 老虎 乸 ，日日 嚟 呢處 玩 噉 就 好得多 啦 。
韋小寶 笑住 話 ：啊 ，你 呢個 主意 真係 好喇 。
嗱 ，你 去 前門 鬧鬼 嗰個 潑婦 一餐 ，不過 你 要 匿埋 喺 門後 便 鬧 至 好 噃 ，怕 佢 發爛渣 ，用 刀 嚟 殺 你 啊 。
各位姊妹 ，大家 喺 後門 衝出去 ，我 嗰 兩個 潑婦 就 捉 我 唔到 喇 。
講完 ，攞 啲 銀 出嚟 分派 嘞 喎 。
班老 舉 人人 都 眉開眼笑 ，大家 就 落力 效命 嘞 。
只聽見 喺 前門 嗰個 龜婆 ，已經 喺度 破口大罵 喇 ：
你 兩個 潑婦 吖 ，要 管住 老公 ，就 要 聽 佢 嘅 話 ，得 佢 歡心 至 係 㗎 嘛 。
你哋 自己 冇 本事 ，佢 先至 會 嚟 老舉寨 尋歡作樂 啫 。
攞刀嚟嚇佢 、殺佢 ，有屁用咩 ？
你 哋 呢 位 老公 啊 ， 手段 豪闊 ， 真 係 天下第一 嘅 大好人 啊 ， 你 兩隻 老虎 乸 ， 一 啲 都 配 唔 上 佢 。
等 老娘 教 精 你哋 吖 ，快啲 向 佢 叩頭 賠罪 ，再 拜 老娘 為 師 ，學 翻 啲 功夫 ，好好 服侍 老公 。
否則啊 ，佢 將 你哋 兩個 賣畀 老娘 ，喺 呢處 做 老舉 ，我哋 今日 成交 嘞 。
哎呀 ， 哎呀 ， 哎呀 痛死 我 喇 ！
韋小寶 一 聽 ，知道 嗰個 藍衫 女郎 已經 忍唔住 出手 打人 喇 ，連忙 話 ：大家 快啲 走 啦 ！
二十幾 名 妓女 ，喺 後門 一湧而出 ，韋小寶 混埋 喺 裏 便 。
噉嗰個綠衫女郎 揸住 柳葉刀 啊 守住 喺 門邊 ，突然間 見到 大批 花花綠綠 嘅 女子 衝出嚟 ，莫名其妙 噃 。
班妓女 走出 條巷 ，韋小寶 一跳 上馬 ，向住 少林寺 方向 飛馳 而去 啊 。
噉嗰個藍衫女郎 見機 亦 快 ，即刻 就 撇低 個龜婆 轉身 嚟 追 。
班妓女 啊 塞住 條 巷 ，拉拉扯扯 紛紛 噉 話 ：
老虎乸 ，你 老公 騎 馬 走咗 喇 ，追唔上 喇 ，嘻嘻嘻嘻 。
嗰個 女郎 嬲 到 幾乎 暈 喇 ，噉 啊 攞 把 刀 嚟 威嚇 班 妓女 。
班妓女 睇 白佢 唔敢 真係 殺人 嘅 ，就 潑婦 、醋罌 、惡婆 噉 猛咁 鬧 。
嗰個 女郎 急到 不得了 ，大聲 噉 嗌 ：師妹 ，嗰個 衰 和尚 走咗 喇 ，快啲 追 啦 ！
但係 韋小寶 去咗 好遠 咯 ，追唔到 咯 。
韋小寶 騎馬 跑出 市鎮 ，將 身上 女子 衫褲 啊 一件件 除咗 就 掉啊 。
不過 包住 僧袍 嘅 包袱 ，喺 忙亂 之中 賴 低 喺 妓院 裏頭 。
佢 就 求其 喺 衫袖 ，𦧲啲 口水 ，抹咗 面上 嘅 脂粉 ，佢 諗 ：
老子 今年 嘅 流年 就 真係 差 嘞 ，又 做 和尚 又 扮 老舉 。
唉 ，嗰個 綠衣 姑娘 ，如果 真係 做咗 我 老婆 ，就 殺咗 我 個 頭 我 都 唔 去 老 舉寨 啊 。
佢 一口氣 跑翻去 少林寺 ，噉啊 去到 後山 落咗 馬 ，靜靜 喺 側門 拈手拈腳 噉 行 入 寺 ，即時 揞住 塊面 猛咁 跑啊 ，返到 自己 嘅 禪房 。
嗱嗱聲 洗咗 塊面 嗰啲 殘脂 剩粉 ，着翻 件 僧袍 ，個心 噉 先至 定翻 。
佢 諗 ：呢 兩個 大老婆 小老婆 如果 嚟到 吵鬧 呢 ，老子 硬係 唔認賬 。
第日中午 ，韋小寶 挨住 喺 禪床 上 便 ，諗住 嗰個 綠衣 女郎 嗰種 動人 嘅 體態 ，噉 忍唔住 又 想 冒險 囉 。
佢 諗 ：我要 想 個 咩嘢 法子 再 去 見 佢 一面 呢 ？
忽然 淨濟 行 入嚟 低聲 話 ：
師 叔祖 ， 呢 幾日 呢 你 千祈 唔 好 出去 ， 事情 有 啲 不妙 啊 。
韋小寶 嚇咗 一驚 ，連忙 問 佢 點解 。
淨濟話 ：香積廚 有 個 火工 ，啱啱 同 我 講 ，佢 去 山邊 斬柴 ，就 遇見 兩個 年輕 姑娘 ，隻手 揸住 刀 嘅 ，問起 你 啊 。
問 我 咩嘢 啊 ？
問佢 認唔認得 你 咯 ，問 你 平時 咩嘢 時候 出嚟 ，鐘意 去 咩嘢 地方 。
師叔祖 ，呢 兩個 姑娘 不懷好意 ，佢哋 喺 寺 外 便 守住 ，想 害 你 啊 。
你 只要 一步 都 唔 出去 ，我 睇 佢哋 亦 唔 敢 入嚟 嘅 。
我哋 少林寺 高僧 怕咗 佢哋 唔敢 出 寺 ，噉 仲 似 咩 樣 啊 ？
師侄孫 已經 稟報 咗 方丈 喇 。
佢 老人家 叫 我 嚟 稟告 師叔祖 ，請 你 暫時 讓 佢哋 一步 。
噉 估計 兩個 姑娘 仔 呢 ， 亦 冇 咩 耐性 嘅 ， 等 咗 幾日 唔 見到 你 ， 就 走 㗎 喇 。
方丈話 ：武林 中 嘅 朋友 只會 話 我哋 大人大量 ，決唔會 講 堂堂 少林寺 ，竟然 會 怕 咗 兩個 冇 門 冇 派 嘅 姑娘仔 個 喎 。
冇門冇派 嘅 姑娘仔 ？哼 ！就 比 我哋 有門有派 嘅 大和尚 厲害 得多 呢 。
噉咪就係 。
淨濟 諗到 畀 嗰個 藍衫 姑娘 ，打到 佢 隻手 甩臼 ，仲係 忿忿不平 啊 ，佢 又 話 ：
只不過 方丈 話過 ，話 要 息事寧人 喎 。
韋小寶 等 佢 走咗 之後 個 心 諗 ：
去 睇下 澄觀 老和尚 至 得 ，如果 佢 已經 諗到 好 法子 就 妥嘞 。
噉啊嚟到般若堂 ，只見 澄觀 雙手攬住個頭 ，望住 條屋樑 ，喺 間屋 處 不停咁兜圈 ，個口 就 念念有詞 。
韋小寶 唔敢 打斷 佢 個 思路 ，噉 等咗 好耐 ，見 佢 已經 兜 咗 幾個 圈 嘞 ，仲係 冇 停腳 ，就 咳嗽 幾 聲 。
澄觀 理 都 唔 理 佢 。
韋小寶 叫 佢 話 ：老師侄 ，老師侄 ！
澄觀 仍然 冇 聽見 。
噉 韋小寶 行 上前 ，拍下 佢 膊頭 ，笑住 話 ：老 。
手掌 啱啱 掂到 佢 膊頭 ，突然 周身 一震 ，當堂 飛出去 ，嘭 一聲 撞埋 埲墻 處 ，撞到 條 氣 都 頂住 啊嗌 都 嗌唔出 聲 。
澄觀 大吃一驚 啊 連忙 衝上去 跪低 ，合十 膜拜 佢 話 ：
師侄 罪該萬死 ， 衝撞 咗 師叔 ， 請師叔 重重 責罰 啊 。
韋小寶 隔咗 好耐 先至 唞 順 條氣 ，佢 苦笑 話 ：
誒 ， 請起 ， 請起 ， 不必 多禮 係 我 自己 唔 好唧 。
澄觀 仲 係 猛咁 道歉 。
韋小寶 扶住 埲場 企起身 ，再 扶 澄觀 起身 佢 話 ：
你呢啲 係 咩嘢 功夫 啊 ？真係 厲害 喇 。
佢 諗 ：呢種 功夫 如果 唔係 太過 難練 呢 ，學會咗 都有 用 㗎 噃 。
澄觀 話 ： 回稟 師叔 ， 係 般若 掌個 護體 神功 啊 。
韋小寶 岌一岌頭 ，佢 諗 ：
哼 ，要 學 呢門 功夫 啊 ，梗係 要 先 學 咩 少林 長拳 、羅漢拳 、伏虎拳 、韋陀掌 、散花手 、波羅蜜手 、金剛神掌 、拈花擒拿手 等等 啰哩啰嗦 一大套 嘅 ；
自己 真係 冇 咁 得閒 啊 ，就算 得閒 ，亦 冇 精神 嘥 心機 苦練 ，噉 就 問 佢 ：
速成嘅法子 ，諗出嚟 未啊 ？
澄觀 苦口 苦面 擰擰頭 ，佢 話 ：
師侄 已經 想到 一種 唔使 一指禪 ，唔使 易筋經 嘅 內功 ，就 用 般若掌 嚟 對付 就 破得到 兩位 女施主 嘅 功夫 嘞 。
只不過 ，誒 只不過 。
韋小寶 話 ：只不過 練到 般若掌 亦 要 二三十年 嘅 時間 係咪 呢 ？
誒 二三十年 ， 都 怕 ， 誒 都 ， 都 ， 都 怕 。
哼 ！都 怕 唔 一定 夠 呢 ？
誒 ，係啊 。
誒 誒 ， 等 師侄 再 諗 下 ， 誒 如果 用 拈花 擒拿 手 唔 知得 唔 得 呢 ？
韋小寶 個 心 諗 ：呢個 老和尚 真係 食古不化 嘅 ，做事 一定 要 順住 次序 嘅 ？
就算 拈花擒拿手 得啊 ，至少 亦要 用 十幾年 功夫 嚟 學 。
呢個 老和尚 耐力 深厚 ，似乎 唔 輸蝕 畀 洪教主 嘅 。
不過 洪教主任 意 創造 新招 ，隨機應變 ，幾咁 瀟灑 如意 啊 。
呢個 老和尚 就 木頭木腦 ，非要 點 條 明路 佢 行 不可 ，就 話 ：
老師侄 ，我 睇 嗰 兩個 姑娘仔 年紀 輕輕 ，決 唔會 練過 幾多年 功夫 㗎啫 。
係啊 ，所以 噉就 奇怪呢 。
佢哋 梗唔係 一步步 噉 學起 嘅 。
我哋 都 唔使 一步步 噉 死練 喇 ，佢哋 邊 有 你 咁 深厚 嘅 內功 修為 唧 。
我 睇 啊 ，要 對付 嗰 兩個 女仔 呢 ，根本 就 唔 使 練 內功 。
澄觀 大吃一驚 嘞 佢 話 ：
誒 ， 練武 ， 唔 扎 好 根基 ， 噉 ， 噉 ， 噉 唔 係 旁門左道 嘞 咩 ？
嗨 ， 佢 哋 不但 係 旁門左道 啊 ， 而且 係 冇 門 冇 道 添 啊 。
對付 冇 門 冇 道 個 武功 ，就要 用 冇 門 冇 道 個 法子 喇 。
冇 門 冇 道 啊 ？
啊？ 冇 門 冇 道 ，誒誒 ，誒 師侄 就 唔 識 嘞 。
你 唔識 我 嚟 教 你 吖 。
澄觀 恭恭敬敬噉 話 ：誒 請 師叔 指教 。
澄觀 一生 所見到 嘅 每一位 晦字輩 嘅 師伯 師叔 ，都 係 武功 卓絕 嘅 有道德 嘅 高僧 。
佢 諗 呢位 小師叔 雖然 因為 年紀 仲 使 ，耐力 修為 不足 ，但係 必定 係 大有 過人 嘅 地方 嘅 。
否則 又 點 能夠 做 自己 嘅 師叔 呢 ？
呢排 佢 苦苦 思索 武功 速成 嘅 法子 ，始終 摸唔到 門路 。
睇嚟 再 想 十年 、二十年 ，直到 老死 啊 ，亦 冇法子 解答到 呢道 難題 嘅 。
而家 有 呢位 晦字輩 嘅 小高僧 嚟 指點 迷津 ，不由得 驚喜交集 ，就 更加 敬仰 嘞 。
韋小寶 話 ： 你 話 嗰 兩個 姑娘 仔 使 嘅 係 咩 嘢 崑崙 派 、 峨嵋派 裏頭 嘅 一招 吖 ， 噉 我 哋 少林 派 嘅 武功 ， 比 呢 啲 亂七八糟 嘅 門派 啊 邊個 叻 啲 呢 ？
都 怕 係 我哋 少林派 嘅 叻啲 。
就算叻唔過啊 ，亦至少唔會 弱於佢哋嘅 。
嘿！ 噉就 容易 喇 。
佢哋 唔使 內功 ，淨係 使 啲 糊里糊塗 門派 嘅 招式 ，噉 我哋 亦 唔使 內功 ，淨係 使 一招 少林派 嘅 招式 ，噉 就 叻過 佢哋 喇 。
理 佢 係 般若 掌 又 好 ， 金剛 神拳 又 好 ， 波羅蜜 手 又 好 ， 阿彌陀佛 腳 都 好 ， 只要 唔 練內功 ， 噉 就 容 易學 嘅 啫 係 唔 係 吖 ？
澄觀 皺住 眉頭 話 ： 阿彌陀佛 腳 呢門 功夫 本派 係 冇 嘅 ， 唔 知 第二 派 有 冇 呢 ？
不過 如果 唔練 內功 ，本派 呢啲 拳法 掌法 就 毫無 威力 ，遇到 其他 派別 內力 深厚 嘅 高手 ，只要 一招 唧 ，就 會 畀 佢 打到 斷骨 㗎 嘞噃 。
哈哈哈 ，嗰 兩個 姑娘仔 係 內功 深厚 嘅 高手 咩 ？
唔係啊 。
噉 你 又 使 乜 擔心 呢 ？
真係 一言 驚醒 夢中人 啊 ，澄觀 唞咗 個 大氣 話 ：
啊 原來如此 ， 原來如此 ！ 啊 師侄 一直 想 唔 到 呢 一層 啊 。
嗱 各位 ，欲知 後事 如何 ，且 聽 下回 分解 。
