前 文 再續 啊 書 接上 一回 啊 。
話説 韋小寶 去到 戒律院 ，只見 幾十名 和尚 身披 袈裟 ，喺 兩邊 站立 ；
方丈 晦聰 禪師 企 喺 左首 便 ；
戒律院 首座 澄識 禪師 ，企 喺 右首 便 ；
淨濟 、淨清 等 四個 和尚 企 喺 下 便 。
晦聰禪師 話 ：師弟 ，拜過 如來 。
韋小寶 跪低 禮佛 。
晦聰 等 佢 拜過 之後 企起身 就 話 ：
半山亭 裏 便 嘅 事 ，勞煩 師弟 講 畀 戒律院 首座 聽 啦 。
韋小寶 話 ：我 聽見 佢哋 喺度 嘈交 ，噉 就 過去 睇下 啦 。
至於 到底 為咩事 嘈 我 就 唔知 嘞 。
淨濟 ，你 講 啦 。
淨濟話 ：係 。
噉 轉身 佢 話 。
啟稟 方丈 同 首座 師叔 ，弟子 四個人 喺 半山亭 裏 便 迎客 。
嗰 兩位 女施 主要 嚟 寺 隨喜 ， 就 話 畀 佢 哋 聽 ， 本寺 向來 個 規矩 呢 ， 係 唔 接待 女 施主 嘅 。
嗰位 年紀 比較 大 嘅 女施主 話 ：
聽講 少林寺 自稱 係 武學 正宗 ，七十二 項 絕藝 ，每 一 項 都 係 當世 無敵 。
我哋 專登 嚟 見識 下 ，到底 係 點樣 厲害 法噉 。
弟子 就 話 ：敝寺 決 唔 敢 自稱 武功 當世 無敵 ，天下 各 門 各派 ，武功 啊 各 有所長 嘅 ，少林派 點 敢 狂妄 自大 呢 ？
晦聰方丈 話 ：講得 唔錯吖 ，好得體啊 。
淨濟話 ：噉嗰個女施主話 ，噉講 ，噉啊 少林派 不過 係 徒得 虛名 ，半桶水 嘅 拳腳 不足 一笑 咯噃 ？
噉弟子話 ：請教 兩位 女施主 係 邊個 門派 ，係 邊位 武林 前輩 門下 嘅 高足 呢 ？
晦聰話 ：冇錯 。
呢 兩個 年輕 女子 嚟 本寺 撩事 惹 非 ，睇唔起 本派 武功 ，必定 係 大有來頭 嘅 ，應該 問明 佢哋 嘅 門派 來歷 。
淨濟話 ：噉 嗰個 女仔 講 ，你 要 知道 我哋 門派 來歷 啊 ，噉 好 容易 啫 ，一睇 就 知道 㗎喇 。
佢 突然間 出手 ，將 弟子 同埋 淨清 師弟 摑咗 一巴 。
佢 出手 好快 ，弟子 事前 又 冇 防備 ，真係 好 慚愧 竟然 避 佢 唔到 。
淨清師弟 又 話 ：你 兩位 點解 咁 粗魯 㗎 逳手 打人 嘅 ？
嗰個 女子 笑住 話 ：你哋 問 我哋 門派 來歷 ，口説 無憑 ，出手 見 功 ，你哋 一 睇 唔係 就 知道 嘞咩 ？
講到 呢處 ，晦明 師叔祖 就 嚟喇 。
澄識 就 問 佢 ：呢位 女施主 出手 打 你 ，佢 使 嘅 手法 係 點 㗎 ？
淨濟 、淨清 都 耷低頭 ，佢 話 ：弟子 冇 睇 清楚 啊 。
澄識 問 其餘 嗰 兩個 和尚 話 ：你哋 冇 捱打 ，應該 睇到 嗰個 女施主 嘅 手法 同 身法 㗎 ？
嗰 兩個 和尚 話 ： 我 哋 只 係 聽見 啪啪 兩聲 ， 兩位 師兄 就 捱 咗 打 喇 ， 嗰 個 女子 好似 手 又 冇 逳， 個身 都 冇 逳 嘅 。
澄識 望 下方丈 ，等候 佢 嘅 指示 。
晦聰 諗咗 一陣 就 同 執事 僧 話 ：請 達摩院 、般若堂 兩位 首座 過嚟 。
過咗 冇 幾耐 ，兩位 首座 先後 嚟到 嘞 。
達摩院 首座 澄心 ，就係 去 五台山 幫手 嗰 十八羅漢 之 首 。
般若堂 嘅 首座 澄觀 禪師 呢 ，係 個 八十零歲 嘅 老和尚 嚟 。
噉 兩個 和尚 向 方丈 見咗 禮 。
晦聰話 ： 有 兩位 女 施主 ， 嚟 本寺 撩 事鬥非 ， 唔 知 係 咩 嘢 門派 ， 兩位 博知 多聞 ， 請 共同 參詳 啦 。
於是就 講咗 啲 經過 。
澄心話 ：四名 師侄 冚𠾴 唥 冇 見到 佢 出手 ，但係 兩個人 塊面 已經 捱咗 一巴 ，噉 呢種 武功 呢 ，本派 千葉手 裏 便 係 有 嘅 ；
武當派 回風掌 係 有 嘅 ，崑崙派 落雁拳 ，崆峒派 飛鳳手 亦都 有 噉樣 嘅 手法 。
晦聰話 ：淨係 睇 呢 兩 掌 睇唔出 佢 嘅 武功 門派 嘅 。
師弟 ，你 又 點樣 同 佢哋 打起上嚟 嘅 呢 ？
韋小寶 話 ： 嗰 個 藍 衫 姑娘 先將 四個 ， 誒 四個 和尚 都 打斷 咗 手 。
晦聰 就 問 嗰 四個 和尚 嘅 手腕 手臂 係 點樣 甩臼 嘅 。
四個 和尚 又 講 又 學 ，演咗 當時 嘅 情景 。
澄心 定神 睇咗 ，又 詳細 問 嗰個 女郎 嘅 手法 ，噉 最後 問 韋小寶 話 ：
請問 師叔 ，嗰個 姑娘 又 點樣 拗甩 你 老人家 嘅 臼 嘅 呢 ？
韋小寶 話 ：我 老人家 嘅 後領 啊 畀 嗰個 靚女 一手 揸住 ，噉 當堂 全身 都 酸麻 噃 ，呢 ，佢 揸住 我 呢處 。
講完 ，指 一指 後頸 。
澄心岌頭話 ：呢度 係 大椎穴 ，係 人身 要穴 嚟 。
韋小寶 話 ：噉 我 又 反手 想 格開 佢 隻 手 咯喎 ，點知 畀 佢 喺 背心 呢 打咗 一 拳 哎呀 痛到 我 死死下 。
噉 我 老人家 急 啦 ，反手 亂咁 揸 ，喺 佢 胸口 揸咗 一下 。
嗰個 姑娘 亦都 急嘞 ，噉啊 整斷咗 我 兩 隻 手 ，又 將 我 𢴈 喺 地下 ，揸住 把 刀 亂咁 斬 我 。
叉叉叉 ，殺人 唔使 本 喇 ，佢 一心一意 謀殺 親夫 ，想 做 小寡婦 喎 。
班 和尚 聽 佢 亂咁噏 ，噉 大家 互相 望 下 。
澄心 啊 企 佢 後 便 ， 用 隻 手 嚟 到 比下 ， 突然 間 見到 佢 件 衫 喺 後 心 處 嗰 三條 刀痕 吃 咗 一驚 ， 佢 就 話 ：
佢 斬咗 師叔 你 三刀 ，你 傷勢 點 啊 ？
韋小寶 得意洋洋 噉 話 ：我 有 寶衣 護身 啊 冇 受傷 啊 。
呢 三刀 ，好彩 唔係 斬 我 個 光頭 咋 。
哎 ，呢個 妹妹 斬 我 唔死 ，實係 嚇到 魂飛天外 ，以為 我 老人家 武功 深不可測 ，唯有 自己 鋸 頸 嘞 。
其實 我 啲 武功 啊 好 豆 泥 嘅 啫 ， 好似 佢 靚 得 咁 交關 ， 我 老人家 亦 都 唔 會點 難 為 佢 嘅 。
晦聰 怕 佢 繼續 亂噏 落去 就 插嘴 話 ：師弟 ，講 咁多 就 夠喇 。
班和尚 呢陣時 呢 都 已經 明白 ，嗰個 女郎 之所以 自尋短見 啊 ，係 因為 胸口 畀 人 揸 ，受咗 極大 嘅 羞辱 。
而韋小寶 當時 正係 生死關頭 ，睇 佢 衫 上面 三條 刀痕 就 可以 知道 嘞 。
咁 危急 之中 ，捩轉 手 嚟 亂 咁 揸 ，碰到 敵人 身上 任何 部位 啊 都 唔 能夠 話 有 咩 錯 嘅 。
佢 武功 又 低微 ，畀 人 捉住 之後 搏命 掙扎 ，出手 仲 有 咩 規矩 可以 跟 㗎 ？
澄識 嘅 面色 當堂 平和 翻 ，佢 話 ：
師叔 ， 先頭 聽 嗰 個 女 施主 口口聲聲 鬧 你 不守 清規 ， 以為 你 真 係 犯 咗 戒律 去 調戲婦女 ， 所以 得罪 晒 喇 。
原來 係 爭鬥 嘅 時候 嘅 無意 之 失 ，唔能夠 講 係 違犯 戒律 嘅 。
師叔 請坐 。
噉啊 親自 攞咗 一張 椅 ，放 喺 晦聰 下 首便 。
意思呢 ，就話 你 冇 犯 戒律 ，戒律院 就 管 你 唔着 喇 ，噉 你 係 寺 裏 便 嘅 尊長 ，應當 對 你 禮敬 。
韋小寶 嘻嘻噉 笑一下 ，就 坐低 嘞 。
澄識見佢神態輕浮 ，講嘢又無聊 ，忍唔住就話 ：
師叔 雖然 係 冇犯 色戒 ，但係 見到 女施主 嘅 時候 ，亦 要 舉止 莊重 相貌 莊嚴 ，先至 唔失 少林寺 高僧 嘅 風度 。
韋小寶 笑住 話 ：嘿嘿 ，我 呢個 高僧 啊 馬馬虎虎 ，隨便 湊數 啫 嘛 ，唔算得 真嘅 。
晦聰 正話 想 勸 下 佢 ，般若院 首座 澄觀 忽然間 話 ：冇 門派 嘅 。
澄心話 ：師兄 話 呢 兩位 女施主 冇 門派 㗎 ？
澄觀話 ：偷學 翻嚟 嘅 武功 。
佢 兩個人 嘅 分筋錯骨 手裏便 ，包含 咗 武當 、崑崙 、崆峒 、點蒼 四派 手法 ；
喺 師叔 背心 上面 斬 呢 三刀 ，包含 咗 峨嵋 、青城 、山西 六合 刀 嘅 三門 刀法 。
噉樣 雜駁 不純 ，而且 學得 都 唔到 家 ，天下 冇 呢 一 派 武功 嘅 。
韋小寶 好奇怪 喇 佢 話 ：
咦 ？乜 佢哋 呢啲 招式 ，你 每一招 都 知道 來歷 㗎 ？
佢 唔 知道 澄觀 八歲 就 喺 少林寺 出家 ，七十幾年 裏 便 潛心 武學 ，從來 未 出過 寺門 一步 。
佢 博覽 武學 典籍 ，知識 極為 廣博 。
少林寺 達摩院 就 專門 研究 本派 武功 ，般若堂 呢 就 專門 研究 天下 各家 各派 武功 。
般若 堂 裏頭 幾十位 高僧 ， 每 一位 都 精通 一派 到 幾派 嘅 功夫 嘅 。
少林子和尚 喺 隋末 嘅 時候 ，曾經 幫助 李世民 削平 王世充 ，嗰 陣 時 嘅 武功 就 已經 威震 天下 。
千幾年嚟 ，一直 保持 極高 嘅 聲譽 ，噉 固然 ，本派 武功 博大精深 係 主要 個 原因 ；
但係 般若堂 精心 研究 其他 派別 武功 ，亦 係 主要 原因 之一 啊 。
因為 通曉 其他 派別 武功 之 後 ，一來 ，取長補短 ，嚟到 補救 本派 功夫 之 不足 ；
二來 ，如果 同 其他 派別 高手 較量 ，預先 已經 知道 對方 底細 ，當然 係 大佔上風 嘞 。
少林 弟子 行俠 江湖 ，回 寺 參見 方丈 同 本師 之後 ，先 去 戒律院 稟告 有無 過犯 ，噉 再 去 般若堂 稟告 經歷 見聞 。
噉 第二派 武功 之中 啊 ，只要 有 一招一式 可取 ，般若堂 個 和尚 就 寫低 佢 。
就係噉樣 積累咗 成千年 ，對於 天下 各派 武功 了如指掌 。
噉縱然寺裏便 ，並冇 才智傑出 嘅 人才 啊 ，不過 亦都 能夠 領袖 群倫 喇 。
澄觀潛心武學 ，世事 啊 一竅不通 ，為人 有 啲 痴痴呆呆 ，但係 對於 各家各派 嘅 武功 就 分辨 得 好 清楚 。
文人 讀書 多 而 不化 ，就 變咗 做 書呆子 吖 ；
呢個 澄觀禪師 呢 ，就係 學武 成為 武呆子 嘅 。
佢 生平 除 咗 同 同門 拆招 之外 ， 從來 未試過 同 外人 打 過 ， 但 係 佢 對 於武學 嘅 知識 ， 少林寺 啊 推為 當世 第一 啊 。
而家 佢 斷定 嗰 兩個 女郎 ，係 冇 門派 嘅 。
澄心 話 ： 原來 兩位 女 施主 係 冇 門派 嘅 ， 噉 事情 就 好 做 嘞 。
只要 醫好咗 嗰位 姑娘 嘅 傷 ，送 佢哋 出 寺 就 冇晒 後患 啦 。
澄識話 ：不過 佢 兩個人 ，用 師姊妹 嚟 稱呼 ，似乎 係 有 師父 㗎 噃 。
澄心話 ：就算 有 師父 ，亦 唔會 係 名門大派 嘅 高明 人物 嘅 。
噉啊澄識岌一岌頭 。
晦聰方丈話 ：兩位 女施主 年輕 好事 ，呢場 爭鬥 我哋 冇 做 錯啲乜嘢 。
雖然 係噉 ，我哋 仲係 唔好 失禮 ，對 兩位 女施主 需要 好好 款待 。
好喇 ，係噉啦 。
講完 就 企 起身 。
澄心 微笑 話 ：
初時 我 仲 以為 武林 中 出咗 邊 一位 高手 ，教咗 兩位 年輕 姑娘 ，有意 嚟 羞辱 本派 ，所以 都 有啲 擔心 。
少林寺 享名 千載 ，千祈 唔好 喺 我哋 手裏頭 整衰咗 佢 啊 。
噉 大家 都 微微笑 岌頭 嘞 。
忽然間 韋小寶 話 ：照我睇 ，少林派 武功 名氣 好大 其實 都 不過 如此 啫 。
晦聰 正話 想 行 出門口 ，一 聽見 愕然 嘞 擰 翻轉 頭 。
韋小寶 話 ： 淨濟 、 淨清 ， 你 哋 學 咗 幾年 功夫 啊 ？
淨濟話 學咗 十四年 ，淨清 呢 學咗 十二年 。
佢哋 都 話 資質 低劣 ，全無 長進 係 慚愧 之至 啊噉 。
晦聰方丈話 ：我哋 學佛 ，志在 悟道解脫 ，武功 高低 乃係 末節啫 。
韋小寶 擰 頭話 ： 我 睇 呢 處 啊 好 成問題 啊 。
呢 兩個 姑娘仔 年紀 大 嘅 ，不過 係 二十歲 ，噉 只係 東偷 一招 ，西學 一式 ，都係 其他 派別 炒雜水 撈埋 一碟 嘅 ；
就 打到 學過 十幾年 功夫 嘅 少林 和尚 落荒而逃 ，屁滾尿流 ，毫無 招架之功 死無葬身之地 嘞 。
噉樣睇嚟 ，咩嘢 武當派 、崑崙派 嘅 一招半式 ，就 叻過 我哋 少林派 嘅 正宗 武功 多多聲 咯 。
晦聰 、澄識 、澄心 等 人 嘅 面色 都 十分 尷尬 。
韋小寶 呢番 説話 雖然 極之 難聽 啊 ，不過 一時 呢 亦 幾 難 駁佢 ，噉 只係 諗 ：
淨濟 呢 四個人 嘅 功夫 差到 極啫 ，點 能夠 話 係 少林派 嘅 正宗 武功 啊 ？
不過 澄觀 就 岌頭 話 ：師叔 言之 有理 啊 。
澄識 奇怪 喇 佢 問 ：點解 師兄 你 亦 話 言之有理 呢 ？
澄觀話 ：人哋 嘅 炒雜水 打敗 咗 我哋 嘅 正宗 功夫 ，係 有啲 唔 對路 嘅 。
晦聰話 ：各人 嘅 資質 天分 不同 。
淨濟 佢 哋 本來 ， 武功 就 唔 得 嘅 ， 佢 哋 忙於 接待 賓客 ， 噉 對於 弘揚 佛法 係 大有 功德 嘅 事 。
淨濟 、淨清 、淨本 、淨源 ，你哋 四個人 交卸 咗 知客 嘅 職務 ，以後 多啲 練下 武功 啦 。
淨濟 等 四個 和尚 啊 躬身 答應 。
大家 散咗 ，行 出 戒律院 。
韋小寶 啊 擰擰頭 。
澄觀 皺住 眉頭 ，諗咗 一陣 ，亦 擰一擰 頭 。
晦聰 同 澄心 對望 咗 一眼 ，佢哋 都 諗 ：
呢一 老 一 少 都 係 傻傻地 嘅 ，咪 理 佢 咁多 咯 。
噉就 行咗 嘞 。
澄觀望住院裏頭一樖樹 ，睇住一片樹葉慢慢噉飄落嚟 ，過咗一陣佢話 ：
師叔 ，我 要 去 睇下 嗰位 女 施主 。
韋小寶 好高興 噉 話 ：噉就 真係 好喇 ，我 都 去 。
兩個人 嚟到 東院 禪房 ，幫 綠衫 女郎 醫病 嗰 老和尚 出嚟 迎接 。
韋小寶 問 ：佢 會唔會 死 啊 ？
嗰個 老和尚 話 ：刀傷 唔深 ，唔緊要 ，唔會 死 嘅 。
啊噉就好喇 。
噉佢哋 行 入 禪房 嘞 。
只見 嗰個 綠衫 女郎 瞓 喺 床上 便 眯埋 雙眼 ，面色 好 白 ，條 頸 啊 用 棉花 同 白布 包住 ；
右手啊 放喺 被 外便 ，五 隻 手指 細長 嬌嫩 ，真係 好似 用 白玉 雕成 噉 ，手背 上 ，有 五 個 細細 嘅 凹 。
韋小寶 心逳逳 ，忍唔住 想 去 摸下 呢 隻 手 。
就話 ：哈 睇下 佢 嘅 脈點 至 得 。
噉啊詐假意伸手去同佢把脈咯噃 。
嗰個 藍衫 女郎 企 喺 床尾 ，見 佢 入嚟 條氣 已經 頂住 嘞 。
而家 見 佢 仲 想 伸手 把脈 就 喝 佢 話 ：唔准 掂 我 個 妹 啊 ！
見佢 仲唔縮手 ，左手 一伸 就 去 捉佢 手腕 。
澄觀 中指 啊 向 佢 左手掌 側 嘅 陽谷 穴 彈過去 ， 佢 話 ： 你 呢 一招 係 山西 郝 家 嘅 擒拿 手 。
藍衫 女郎 手 一縮 ，手踭 就 順勢 撞出去 。
澄觀 用 手指 向 佢 手踭 嘅 小海穴 一 彈 。
嗰 女郎 右手 反打 ，澄觀 中指 又 彈 ，逼到 佢 要 收招 ，退咗 一步 。
嗰個 女郎 又 驚 又 嬲 ，雙拳 如 風 啊 霎時之間 ，擊出咗 七八拳 。
澄觀 不停 咁 岌頭 ，手指 又 彈咗 七八下 。
嗰個 女郎 哎呦 一聲 ，右手 嘅 清冷穴 ，畀 澄觀 彈中 咗 喇 ，隻 手 唔 逳得 ，就 鬧 佢 話 ：死和尚 ！
澄觀 奇怪 喇 ：我 係 生 嘅 ，如果 係 死 和尚 ，點 能夠 用 手指 彈 你 呢 ？
嗰個 女郎 見 佢 武功 咁 厲害 心怯 嘞 ，不過 就 唔肯 輸口 ，鬧 佢 話 ：
你 今日 仲 生 ，聽日 就 死 喇 。
澄觀 打個 特 ：女施主 點 會 知道 㗎 ？唔通 你 有 先見之明 嘅 ？
嗰個 女郎 話 ：哼 ，少林寺 嘅 和尚 就 會 油嘴滑舌 。
佢 以為 澄觀 同 自己 講笑 咋噃 ，就 唔 知道 呢個 老和尚 啊 武功 雖然 係 叻 ，但係 完全 唔通 世務 嘅 。
嗰個 藍衫 女郎 低聲 喝叫 話 ：出去 啦 ，唔好 嘈醒 我 師妹 。
澄觀話 ：係 ，係 ，師叔 啊 ，我哋 出去 咯 。
韋小寶 望住 床上 嘅 女郎 ，已經 神不守舍 嘞 ，只係 應咗 聲 不過 就 唔 行 。
藍衫 女郎 慢慢 行到 佢 後便 ，突然間 出掌 猛力 一推 。
韋小寶 大叫 一聲 畀 佢 推到 直 飛出 房 ，嘭 一聲 重重噉 跌 喺 地 ，猛噉 哎吖哎吖 噉 爬唔起身 。
澄觀話 ：呢一招 江河日下 ，本來 係 勞山派 嘅 掌法 ，女施主 使得 唔係 點啱 。
佢 一便 吟吟沉沉 一便就 出房 扶起 韋小寶 ，佢話 ：
師叔啊 ，佢 呢一掌 推過嚟 呢 ，總共有 十三種 應付 嘅 方法 。
如果 唔願 同佢 打 ，噉 嗰 六種 避法 之中 ，任何 一種 都 可以 使用 嘅 。
啊 如果 要 反擊 呢 ，噉 啊 勾腕 、托肘 、指彈 、反點 、拿臂 、斜格 、倒踢 ，七 種 方法 ，每一 種 都 可以 將 佢 化解 㗎 。
韋小寶 啊 𢴈到 背脊 手臂 都 好 痛 ，聽 佢 噉 講 嘥氣 啦 就 話 ：
你 而家 先至 講 有 鬼 用 咩 ？
澄觀話 ：係 ，師叔 教訓 得啱 ，都係 師侄 唔啱 。
如果 我 先前 講咗 ，師叔 就算 唔想 為難 佢 啊 ，只要 會 避 亦 不至於 𢴈 嗰 一跤 嘅 。
韋小寶 啊 心念 一動 ，就 問 ：
你 先頭 用 手指 彈 幾彈 ， 嗰 個 姑娘 仔 就 唔 敢 逳 嘞 ， 嗰 啲 係 咩 嘢 功夫 啊 ？
澄觀話 ：嗰啲 係 一指禪 功夫 ，啊 師叔 唔會 咩 ？
你 教 我 啦 好唔好 啊 ？
好 ，唔 難 學 嘅 ，只要 認 穴 準確 ，指力 能夠 透過 對方 嘅 穴道 就 得 嘞 。
噉 要 學 幾 耐 至 得㗎 ？
誒 ，唔係 點耐 㗎啫 ，我啊 由 十一歲 學 少林長拳 起 ，到咗 五十三歲 ，對於 指法 已經 略 窺 門徑 嘞 。
四十二年 學 一指禪 呀 ？韋小寶 聽 都 唔 願 聽 啊 。
佢 叫 澄觀 返去 想 個 速成 嘅 法子 ，想到 再 話 佢 聽 啦 噉 。
噉澄觀呢 就 返去 般若堂 ，韋小寶 呢 亦 返去 自己 禪房 休息 嘞 。
話説 韋小寶 第日 一早 起身 ，就 去 東禪院 呢 探病 。
醫病 個 老和尚 合十 話 ：師叔 早晨 。
韋小寶 話 ：女施主 嘅 傷 好啲 啦 嘛 ？
尋晚 嗰位 女施主 半夜 醒咗 ，知道 喺 本寺 嚟 ，就 一定 要 即刻 離開 。
講啲 説話 好冇禮 嘅 ，師侄 就 勸佢 啦 。
佢 話 點 都 唔 死 喺 小 ，誒 小僧 嘅 廟 裏 便 喎 。
韋小寶 聽 佢 吞吞吐吐 ，知道 呢個 姑娘仔 唔係 鬧 自己 做 小淫賊 就係 小惡僧 㗎 嘞 ，就 問 ：
噉啊點啊 ？
師侄啊勸佢聽日誒即係今日再走啦 ，女施主掙扎住企起身 ，噉佢嘅師姐扶住佢出去 。
師侄 呢 唔 敢 攔 佢 ，橫掂 嗰個 女施主 嘅 傷 都 冇 咩 大礙 㗎 喇 ，就 由得 佢哋 去 喇 。
誒 呢件事 呢 ，已經 稟報 畀 方丈 知 。
韋小寶 岌一岌頭 ，冇晒癮頭 ，佢 諗 ：
呢個 姑娘仔 一去 都 唔知 去咗 邊處 。
佢 無名無姓 啊 點 查得到 喎 。
噉啊 怪 嗰個 老和尚 辦事 不力 ，埋怨 咗 佢 幾句 。
噉 跟住 一諗 ：呢 兩個 女仔 容貌 美麗 ，出手 個 時候 ，各家 各派 功夫 都有 嘅 ，終歸 會 查得到 嘅 。
噉 於是 就 行 去 般若堂 嘞 。
嗱 各位 ，欲知 後事 如何 ，且 聽 下回 分解 。
