前 文 再續 啊 書 接上 一回 啊 。
話説 康熙 派遣 御前侍衞 、驍騎營 親兵 嚟到 少林寺 ，原來 不過 係 護送 韋小寶 嚟到 剃度 出家 。
但係 皇帝 替身 嚟 噃 ，非同小可 啊 ，如果 唔係 噉樣 大張旗鼓 ，又 點 能夠 喺 少林 和尚 心目中 ，顯得 呢件事 嘅 隆重 呢 ？
驍騎 營參 領富春 、 御前 侍 衞 趙齊賢 、 張康年 等 ， 向 韋小寶 告別 嘞 。
韋小寶 攞出 三百兩 銀 ，叫 張康年 喺 山下 租 一間 民房 畀 雙兒 住 。
因為 少林寺 呢 向來 唔 接待 女施主 入 寺 嘅 ，雙兒 雖然 改 穿 咗 男裝 ，但係 達摩院 十八 羅漢 都 認得 佢 係 韋小寶 個 丫鬟 ，所以 佢 喺 山下 便 等 。
佢 以為 傳過 聖旨 ，封贈 犒賞 之後 ，韋小寶 就 落山 回京 嘅 喇 ，哈 誰知 佢 竟然 會 喺 寺 裏頭 出咗 家 。
韋小寶 既然 係 皇帝 嘅 替身 咯 ，又 係 晦字輩 嘅 高僧 ，喺 寺 裏頭 當然 係 身份 尊崇 啦 。
方丈 啊 撥咗 一座 大 禪房 畀 佢 。
晦聰方丈話 ：師弟 喺 寺 裏頭 一切 自由 ，朝晚 功課 ，亦 可以 自便 。
除咗 殺生 、偷盜 、淫邪 、妄語 、飲酒 五大戒 之外 呢 ，其餘 嘅 小戒 ，就 可 守 可不守 嘞 。
噉 跟住 就 解釋 五戒 係 咩 意思 。
韋小寶 個 心 諗 ：呢 五戒 當中 ，妄語 呢 一 戒 老子 係 點 都 唔 守 㗎 喇 。
佢 問 ：戒唔戒 賭 啊 ？
晦聰方丈 打個特 ：咩嘢 賭 啊 ？
賭錢囉 。
哦 ，五大戒 當中 並冇 賭戒 。
其他人 要 守 ，師弟 啊 隨便 啦 。
韋小寶 諗嘞 ：我 一個人 唔戒賭 有 鬼 用 咩 ？唔通 自己 同 自己 賭 啊 ？
噉喺寺裏便住咗幾日 ，百無聊賴 ，佢諗 ：
小玄子 要 我 去 服侍 老皇爺 ，又 叫 我 先 喺 少林寺 出家 ，都 唔知 幾時 先至 叫 我 去 五台山 嘅 。
噉呢一日 ，佢 行到 羅漢堂 外便 ，只見 澄通 帶住 六名 弟子 喺度 練武 ，噉 眾僧 見 佢 嚟到 嘞 一齊 躬身 行禮 。
韋小寶 話 ：唔使 咁多 禮 喇 你哋 練 啦 。
只見 淨字輩 六個 和尚 拳腳 精嚴 、出手 狠捷 ，拆招 個 時候 變化 多端 ，比 自己 呢位 師叔祖 啊 確實 係 高明 得多 多聲 嘞 。
聽見 澄通 指點 佢哋 呢 一拳 點樣 剛猛 有 餘韌 勁 不足 ，呢 一腳 呢 ，又 點樣 部位 偏 咗 ，踢得 高過 頭 噉 。
韋小寶 完全 唔明白 ，睇到 索然無味 轉身 就 走嘞 ，佢 諗 ：
時時 都 聽 人 講 ，少林寺 武功 天下 第一 ，我 嚟到 寺 裏頭 做 和尚 唔 學 功夫 豈唔係 好 可惜 ？
突然間 佢 恍然大悟 ：哈冇錯喇 ！
海大富 呢個 老烏龜 ，教畀 我 嗰啲 狗屁 少林派 武功 係 假嘅 冇用嘅 ，小玄子 叫 我 喺 少林寺 出家 ，係 要 我 學 啲 少林派 嘅 真 本事 好 去 保護 老皇爺 啊 。
不過 我 嘅 師父 喺 二十八 年前 就 死咗 咯 ，邊個 嚟 教 我 功夫 呢 ？
噉佢 沉吟咗 一陣 ，又 明白咗 件事 嘞 ：
住持老和尚 叫 我 做 佢 師弟 ，原來 就係 要 等 我 冇 師父 ，吖 ，呢個 老賊 禿 吖 ，好鬼 狡猾 嘅 。
嗯冇錯喇 ，佢 見 我 係 皇帝 親信 ，係 朝廷 大官 ，就 決 唔肯 將 上乘 武功 傳 畀 我 呢個 細佬哥 嘅 。
嘿 ，你 唔 教 我 ，唔通 我 唔會 睇住 嚟 學 咩 ？
武林 中 傳授 武功 嘅 時候 啊 ，最 忌 有人 喺 旁邊 睇 嘅 。
但係 呢位 晦明 禪師 乃係 本寺 前輩 高僧 ，本派 嘅 徒子徒孫 傳功 練武 ，噉 佢 要 喺 旁邊 睇下 ，邊個 都 唔能夠 唔同意 嘅 。
佢 喺 寺 裏 便 ，到處 咁 東張西望 ，見到 有人 練武 習藝 喇 ，就 企定 睇 一陣 。
只係 可惜 呢位 高僧 嘅 根底 呢 實在 太過 淺薄 咯 ，當日 海大富 教 佢 嗰啲 呢 又 唔係 真實 功夫 ，陳近南 畀 佢 嗰 本 內功 秘笈 ，佢 又 冇 練過 幾 日 。
少林派 嘅 武功 啊 博大精深 ，噉 佢 隨便 睇下 ，能夠 有 幾多 得益 呢 ？
何況 佢 又 冇 耐心 睇 添 。
喺 少林寺 裏 便遊 遊蕩 蕩 咗 個 幾月 ， 武功 啊 一 啲 都 冇 學到 啊 。
但係 佢 嘅 性格 隨和 ，鐘意 結交 朋友 ，喺 寺 裏 便 嘅 地位 呢 ，係 僅僅 居於 方丈 嘅 前輩 。
噉佢既然肯同人哋做朋友咯 ，所有啲和尚對佢都非常之親熱 。
呢一日 ，春風 和暢 ，韋小寶 只覺得 全身 暖洋洋 ，噉 困 喺 少林寺 同 啲 和尚 做伴 ，實在 係 冇 癮 嘅 。
於是 行出 寺門 ，噉 落山 嘞噃 ，佢 諗 ：
好耐 都 冇 見到 雙兒 嘞 ，唔知 佢 一個人 過得 點 呢 ？要 去 睇下 佢 。
仲有就係 喺 寺 裏 便 日日 食齋 ，食到 口 都 寡晒 ，噉 需要 雙兒 買 啲 雞 鴨 魚 肉 ，等 佢 呢個 大和尚 啊 飽餐 一頓 。
等佢 行到 寺外 便 迎客亭 ，聽見 有人 嘈交 嘅 聲音 ，嘿 佢 個 心 都 唔知 幾 歡喜 ：好嘢喇 有人 嘈交 。
嗱嗱聲 行過去 。
只聽見 幾個 男人 聲 ，仲 夾雜住 清脆 嘅 女子 聲 喺度 嘈 。
行到埋去 ，只見 亭裏 便 兩個 年輕 女子 ，正在 同 本寺 四名 和尚 嘈緊 噃 。
四個 和尚 見到 韋小寶 一齊 話 ：師叔祖 嚟嘞 ，請 佢 老人家 講 下 道理 啦 。
講完 就 行 出 間亭 向 佢 合十 躬身 。
呢 四個 和尚 都 係 淨字輩 嘅 ，韋小寶 知道 佢哋 嘅 職務 呢 ，係 接待 施主 外客 。
平日 能言善道 、和藹可親 ，唔知 點解 竟然 會 同 兩個 年輕 女子 嘈起 上嚟 。
再睇下 呢 兩個 女子 ，一個 係 二十歲 左右 ，着住 件 藍衫 ，另外 一個 年紀 呢 仲 細啲 ，不過 十六七歲 唧 ，着住 淡綠色 衣服 。
韋小寶 一見到 呢個 綠衣 少女 ，不由得 個 心兵 嘣 一跳 ，霎時之間 唇 乾 舌燥 ，口 瞪目 呆 ，個 心 諗 ：
我 死 喇 ， 我 死 喇 ！ 呢 個 靚女 喺 邊 處 嚟 㗎 ？
呢個 靚女 如果 畀咗 我 做 老婆 啊 ，小皇帝 同 我 換位 我 都 唔 䎺 啊 。
我 韋小寶 上天 落地 ，槍林 箭雨 ，刀山 油鑊 ，唔理 點 都 好啦 ，我 非 娶 呢個 姑娘 做 老婆 不可 。
嗰 兩個 少女 見 四個 和尚 叫 呢個 和尚仔 做 師叔祖 ，對 佢 好 有 禮貌 ，都 好奇怪 。
不過 嗰個 和尚仔 眨下眼 唧 ，就 傻咗 噉 ，盯住 綠衣 女郎 。
你 話 平常 嘅 男子 咁 冇 禮貌 啊 ， 本來 都 好 唔 啱 㗎 喇 ， 何況 佢 係 出家 嘅 和尚 呢 ？
嗰個 綠衣 女郎 塊面 一 紅 ，擰歪 塊面 。
嗰個 藍衫 女郎 呢 已經 怒容滿面 嘞 。
韋小寶 仲 唔覺 噃 佢 諗 ：佢 點解 擰歪 塊 面 呢 ？
佢 塊面 啊噉樣 輕輕 一紅 ，麗春院 一百 個 姑娘 ，企埋 一齊 都 冇 佢 一條 眼眉毛 咁 好睇 啊 。
佢 笑 一笑 ，我 畀 佢 一萬兩 銀 都 抵 啊 真係 。
方姑娘 、小郡主 、洪夫人 、建寧公主 、雙兒 ，誒 仲有 嗰個 擲骰仔 嘅 曾姑娘 ，咁 多人 加加埋埋 ，都 冇 呢位 天仙 咁 靚 啊 。
我 韋小寶 唔想 做 皇帝 、唔做 神龍教 教主 、唔做 天地會 總舵主 、咩 黃馬褂 三眼花翎 、一品 二品 嘅 大官 ，更加 唔放在心上 啦 我 ，我 非 做 呢個 姑娘仔 嘅 老公 不可 。
話咁快唧 ，喺 個 心處 諗過 無數 咁多 念頭 ，立下 赴湯蹈火 、萬死不辭 嘅 大 決心 。
佢 面上 嘅 表情 啊嘿 ，古怪 到 極 啊 。
四個 和尚 同 兩個 女子 ，見 佢 忽然間 眉開眼笑 ，忽然 又 咬牙切齒 好似 癲 咗 噉 。
淨濟 同 淨清 啊 連氣 叫 咗 佢 好 多次 ， 師 叔祖 ， 師 叔祖 噉 。
韋小寶 硬係 聽唔見 啫 。
過咗 好耐 下 先至 好似 發完 夢 噉 ，唞咗 個 大氣 。
嗰個 藍衫 女郎 初時 以為 佢 係 好色 輕薄 啫 ，收尾 又 見到 佢 神情 唔似 啊 。
哼 ，睇嚟 呢個 和尚仔 ，多數 係 個 白痴 嘞 。
個 心 好笑嘞 ，就 問 ：
呢個 和尚仔 係 你哋 嘅 師叔祖 啊 ？
淨濟 連忙 話 ：姑娘 嘅 説話 要 客氣啲 。
呢位 高僧 法名 上 晦 下 明 ，係 本寺 兩位 晦字 輩 嘅 高僧 之一 ，乃 係 住持 方丈 嘅 師弟 啊 。
兩個 女郎 都 微微 一驚 ，跟住 又 更 覺得 好笑 嘞 擰頭 唔 信 噃 。
嗰個 綠衣 女郎 笑住 話 ：
師姐 ，佢 呃 人 嘅 ，我哋 真係 唔 上當 啊 。
呢個 小 ，小法師 ，點會 係 咩嘢 高僧 唧 ？
呢幾句 説話 清脆 嬌媚 ，温柔 輕快 。
韋小寶 聽到 魂飛魄散 啊 忍唔住 學佢 話 ：呢個 小 ，小法師 ，點會 係 咩嘢 高僧 唧 ？
噉 樣一學 ， 輕薄 無賴 嘅 味道 啊 表露無遺 嘞 。
兩個 女郎 即時 黑起 塊面 。
四名 淨字 輩 嘅 和尚 ， 亦 都 覺得 呢 位 小師叔 祖 啊 太過 唔 似樣 ， 都 覺得 好醜 啊 。
嗰個 藍衫 女郎 哼咗 一 聲 問佢 ：你 係 少林寺 嘅 高僧 啊 ？
韋小寶話 ：僧 就係 僧 ，不過 呢 就 唔係 咩 高僧 ，你 睇下 吖 我 咁 矮 ，不過 係 個 矮僧 啫 嘛 。
藍衫 女郎 雙眉 一豎 高聲 話 ：
我哋 聽 人 講 ，少林寺 係 天下 武學 嘅 總匯 ，七十二 門 絕藝 深 不可測 。
我哋 兩 姊妹 非常 羨慕 ，特意 嚟 瞻仰 嘅 。
估唔到 ，武功 固然 係 麻麻地 啦 ，寺 裏 便 啲 和尚 更加 係 唔守 清規 ，油嘴滑舌 ，就 好似 市井 流氓 一樣 ，真係 令人 失望 喇 。
師妹 ，我哋 走咯 。
講完 就 行 出 間 亭 。
淨清 攔住 佢 話 ：
女施主 嚟到 少林寺 行兇 打人 ，就算 要走 啊 ，亦 要 講 低 尊師 嘅 名號 啊 。
韋小寶 聽到 話 行兇 打人 ，個心 諗 ：
哦 ，原來 佢哋 打過 人 喇 ，唔怪得 淨 清 佢哋 唔肯 過 佢 要 嘈 啦 。
只見淨清 、淨濟 兩個人 左便 塊面 ，都 有 個 紅紅 嘅 掌印 ，顯然 係 各人 捱 咗 一巴 喇 。
韋小寶 平常 同 班 和尚 傾閒偈 ，知道 呢 幾個 知客僧 嘅 武功 呢 ，喺 寺 裏 便 係 屬於 最 末流 嘅 。
方丈 就 因為 佢哋 口齒伶俐 而 武功 極 低 ，先至 派 佢哋 接待 嚟 少林寺 隨喜 嘅 施主 。
少林寺 喺 武林 中 享有 盛名 千幾年 ，每月 嚟到 寺裏 便 領教 嘅 武林 人士 數 都 數唔清 。
知客僧 武功 低微 呢 ，就 不易於 同人 動手 嘞 ，否則 ，少林禪寺 啊 變成咗 動武 打交個 場所 ，妨礙 清修 ；
更加 違背 佛家 慈悲 無爭 嘅 宗旨 ，而且 呢 亦 不成 體統 吖 。
嗰個 藍衫 女郎 ，顯然 係 唔 知道 少林寺 嘅 規矩 ，只 覺得 一出手 就 打咗 兩名 少林 僧 ，個 心 啊 十分 得意 ，佢 話 ：
憑 你哋 噉 嘅 功夫 ，想要 本 姑娘 留低 師父 嘅 名號 啊 ，哼 ！你哋 配唔配 啊 ？
淨濟啱先 吃過 佢 個 苦頭 ，知道 自己 呢度 五個人 呢 ，冇法子 截得住 佢哋 㗎 嘞 。
呢 兩個 女仔 落山 之後 ，一 傳開去 ，話 嚟到 少林寺 打 咗 兩個 和尚 揚長而去 ，對方 呢 連 自己 嘅 來歷 亦 唔 知道 ，噉 少林寺 嘅 名堂 ，就 衰 到 貼地 喇 。
就話 ：我哋 四個人 嘅 職責 ，係 接待 施主 ，武功 低微 到 極 。
出家人 和 氣為 本 ， 點 能夠 同人 哋 打交 呢 ？
兩位 既然 要 領教 敝寺 武功 ，噉 就 唔該 你哋 等 一等 ，等 貧僧 去 請 幾位 師伯 師叔 嚟 ，同 兩位 見面 啦 。
講完 ，轉身 就 走嘞 。
突然間 藍影 一晃 ，淨濟 喝 一聲 ：你 ！噼啪 一聲 ，𢴈咗 一跤 。
原來 係 嗰個 藍衫 女郎 衝 過去 ，用 腳 勾 跌 佢 。
淨濟 跳起身嚟 好嬲 噉 話 ：女施主 ，你 點解 。
嗰個 藍衫 女郎 哈哈 一笑 ，右拳 出擊 ，淨濟 連忙 舉起 右手 嚟 格佢 。
藍衫 女郎 左手 一帶 ，咔啦 一聲 ，將 佢 右手 擢 到 甩臼 。
跟住 聽見 瀝瀝嘞嘞 ，呢個 藍衫 女郎 喺 頃刻之間 ，又 將 嗰 三個 和尚 整甩 咗 佢哋 嘅 手臼 或者 打斷 手腕骨 。
四個 和尚 退埋 一便 ，已經 全無 抵抗 嘅 能力 嘞 。
淨濟 轉身 就 跑 翻 到 寺 裏頭 報信 。
韋小寶 嚇到 手足無措 唔知 點樣 好 ，突然間 後領 一緊 ，已經 畀 人哋 捉住 嘞 。
呢一下 ，連埋 佢 後頸 嘅 要穴 一齊 捻住 ，當堂 全身 酸軟 ，使唔出力 。
佢 見到 藍衫 女郎 企 喺 面前 ，噉 揸住 佢 後領 嘅 ，梗係 綠衫 女郎 啦 。
佢 歡喜 到 啊 乜嘢 噉 ，大叫 話 ：好嘢 啊 ，好嘢 啊 ！
同時 個 鼻 呢 又 聞到 一浸浸 淡淡 嘅 幽香 ，佢 又 叫話 ：哎呀 好香 啊 ，好香啊 ！
藍衫女郎 話 ：呢個 小賊 禿曳 到 極 ，妹妹 ，你 割咗 佢 個 鼻 落嚟 啦 。
韋小寶 聽見 身後 一個 嬌媚 嘅 聲音 話 ：好 。
等我 挖咗 佢 對眼 核 先 ，佢 對眼 啊 睩嚟睩去 好 衰 嘅 。
跟住 韋小寶 呢 ，覺得 一隻 手指尖 啊 撳住 自己 左眼皮 上 便 。
韋小寶 話 ：你 慢慢 挖 啊 ，唔好 挖 咁快 啊 。
嗰個 女郎 奇怪 喇 ：點解 啊 ？
最好 你 就 噉樣 捉住 我 ，捉 我 一世 唔放手 噉 就 好喇 。
和尚仔 ，你 死在臨頭 仲 喺度 同 我 瘋言瘋語 係嘛 ？
突然間 ，韋小寶 覺得 右眼 啊 痛到 好緊要 ，嘩 ，嗰個 女郎 竟然 真係 要 挖 佢 對眼 核 噃 。
驚起上嚟 ，彎腰低頭 ，滿腔風情 當時 掉到 九霄雲外 啊 。
雙手 向 後 便 猛咁 撩 ，想 格開 佢 揸住 自己 後領 嗰 隻 手 。
嗰個 女郎 一拳 打正 佢 後心 ，韋小寶 大叫 話 ：哎呀 ，痛死 我 喇 ！
雙手 反過嚟 亂搲亂舞 ，不知不覺 噉啊 使出 咗 洪教主 傳授 嗰 半招 狄青 降龍 ，一下 ，竟然 揸住 嗰個 女郎 胸口 。
呢一式啊 ，本來 係 要 逼到 背後 敵人 縮身 ，然後 就 倒翻 關斗 騎住 敵人 條 頸 嘅 。
點知 嗰個 女郎 ，並 冇 對敵 經驗 ，冇 提防 畀 韋小寶 揸住 胸部 。
招式 嘅 後果 既然 大不相同 咯 ，噉 狄青 降龍 嘅 後半招 亦 使唔出嚟 嘞 。
嗰個 女郎 又 驚 又 醜 ，雙手 由 外 向 內 拗入去 ，兜住 韋小寶 嗰 兩 隻 手 ，噶嘞 一 聲 ，就 拗斷 咗 佢 手踭 嘅 關節 。
呢一招 乳燕歸巢 名稱 就 温雅 咯 ，不過 係 分筋錯骨 手 嘅 一招 殺着 。
跟住 飛腳 一踢 ，將 韋小寶 踢咗 丈 幾 遠 。
嗰個 女郎 嬲 到 極點 啊 ，拔出 腰間 嘅 柳葉刀 ，出力 向住 韋小寶 背心 斬 落去 。
韋小寶 連忙 將 個身 一趢 ，趢 到 間 亭 中心 嘅 石枱 底下 。
嗰個 女郎 一刀 斬 喺 地下 ，火星 四射 ，噉 左腳 一踢 ，將 韋小寶 喺 枱底 踢翻 出嚟 。
藍衫 女郎 叫 佢 話 ：師妹 唔好 殺人 啊 。
綠衫女郎 好似 聽唔見 噉 ，又 是 一刀 ，重重 斬 喺 韋小寶 嘅 背脊 。
韋小寶 又 叫 啊 ：哎呀 ，痛死 我 喇 ！
綠衫女郎 再 斬咗 兩刀 ，斬到 韋小寶 啊 痛到 入骨 ，好彩 佢 有 寶衣 護身 ，冇 受到 傷 。
綠衫女郎 仲 想 再 斬 嘅 ，藍衫女郎 拔出 把 刀 ，咣 一 聲 ，格開 佢 個 柳葉刀 ，佢 話 ：
呢個 和尚仔 冇 命 㗎 喇 ，我哋 快啲 走 啦 。
佢 諗住 喺 少林寺 殺咗 廟裏頭 個 和尚 ，呢場 大禍 就 不得了 嘞 。
綠衫女郎 受咗 重大 侮辱 ，又 以為 已經 將 呢個 和尚仔 殺死咗 ，又 驚 又 醜 ，突然間 淚水 湧出 ，手臂 一彎 ，一刀 向住 自己 條 頸 割落去 。
藍衫 女郎 啊 大吃一驚 啊 ， 急忙 伸 把 刀 去 格 。
噉啊雖然 將 佢 嘅 刀鋒 呢 擋開 ，但係 刀尖 仲係 勒過 條 頸 ，當堂 鮮血 直冒 。
藍衫 女郎 驚叫 話 ：師妹 ，你 ，你做咩嘢 唧 ？
綠衫女郎 眼前 一黑 ，就 暈咗 咯 。
藍衫 女郎 拋 咗 把 鋼刀 ， 抱住 佢 一味 驚叫 ： 師妹 ， 你 ， 你 ， 你 唔 好 死 啊 你 唔 好 死 啊 ！
突然間 聽見 身後 有人 話 ：阿彌陀佛 ，要 快啲 搶救 啊 。
藍衫 女郎 喊住 話 ：誒 救 ，救唔到 喇 ，救唔到㗎喇 。
只見 一隻 手 喺 背後 伸過嚟 ，手指 連 氣點 幾點 ，點咗 綠衫 女郎 條 頸 嘅 傷口 周圍 嘅 穴道 。
嗰個人 話 ：救人 緊要 ，姑娘 唔好 怪 。
嗰個人 撕爛 衣襟 ，用嚟 包住 綠衫 女郎 條 頸 ，噉 啊 護低 身 將 佢 抱起嚟 。
藍衫 女郎 手足無措 企翻 起身 ，見 嗰個人 係 個 白鬚 垂 胸 嘅 老和尚 ，抱住 綠衫 女郎 快步 上山 。
佢 又 驚 又 急 ，只有 跟住 佢 尾 啦 ，見 嗰個 老和尚 抱住 師妹 入咗 少林寺 山門 ，就 跟住 入去 嘞 。
韋小寶 喺 石枱 下 便 蜎翻 出嚟 之後 ，佢 雙手 都 好似 唔係 自己 嘅 噉 嘅 ，軟顂顂 髧低 ，佢 諗 ：
呢個 姑娘仔 ，啊 ，真係 狠 喇 ，點解 要 自尋短見 呢 ？
如果 真係 死咗 噉 點算 啊 ？嗯 ，我 ，我 仲係 趯 更好啲 喇 。
但 一 想到 嗰個 少女 嘅 絕世 容顏 ，個 心 一 熱 ，打定 主意 唔 趯 更 喇 ，一定 要 去 睇 下 佢 。
佢 嗰 雙手 呢 痛到 不得了 ，額頭 啲 冷汗 都 好似 黃豆 咁 大粒 ，一粒粒 噉 滴落嚟 ，佢 咬住 牙關 死頂 噉 上山 。
不過 只係 走咗 十幾步 唧 ，寺裏 便 有 十幾名 和尚 走出嚟 ，將 佢 同 淨字輩 三個 和尚 扶翻 入 寺 裏頭 嘞 。
韋小寶 同 四個 和尚 都 係 畀 人 整甩 咗 臼 㗎 ，擒拿 跌打 本來 係 少林派 武功 嘅 長處 ，即時 有 個 和尚 過嚟 同 佢哋 接翻 上 個 臼 。
韋小寶 啊 迫不及待 就 要 睇 個 姑娘 ，噉 問 明 嗰 兩個 女客 喺 邊處 喇 ，就 直 向 東院 禪房 行 過去 。
啱啱 行過 迴廊 唧 ，見到 八名 和尚 手執 戒刀 迎面 行過嚟 。
嗰八個和尚啊 ，都係 戒律院 嘅 執事和尚 ，為首 嗰個人 躬身 話 ：師叔祖 ，方丈大師 有 請 。
韋小寶 話 ：知道 喇 。我要 去 睇 下 嗰個 姑娘仔 先 ，睇 下 佢 係 生 吖 定 死 。
方丈大師 喺 戒律院 等 你 啊 ，請 師叔祖 即刻 過去 。
叉叉叉 我 話 要 睇下 嗰個 姑娘仔 吖嘛 好靚 嗰個 呢 ，你 冇 聽到 咩 ？
韋小寶 平時 脾氣 好好嘅 ，而家 個心 一急 ，喺 少林寺 亦都 開口 鬧人 嘞 。
八個和尚啊 互相 睇下 ，唔敢 攔阻 佢 。
於是 四個 和尚 跟住 佢 ，另外 四個 和尚 ，去 傳 淨濟 等 四名 知客僧 。
韋小寶 去到 東院 禪房 佢 問 ：個 姑娘仔 唔會 死 吖 嘛 ？
一名老僧 話 ：啟稟 師叔 ，佢 傷勢 唔重 ，小僧 喺度 醫緊 佢 啊 。
韋小寶 噉 就 放心 嘞 。
嗰個 藍衫 女郎 企 喺 門邊 指住 韋小寶 鬧 佢 ：都係 呢個 和尚仔 唔好 。
韋小寶 對住 佢 伸 下 條 脷 ，噉 遲疑 咗 一陣 ，終於 唔敢 入去 房 睇 ，就 行 去 戒律院 嘞 。
去到喇 ，只見 院門 大開 ，幾十名 和尚 身披 袈裟 ，喺 兩邊 站立 ，神情 嚴肅 。
揸住 刀 押 佢 過嚟 嗰 四個 和尚 齊聲 話 ：啟稟 方丈 ，晦明 僧 傳到 。
韋小寶 見到 噉嘅 神情 個 心 諗 ：你 係 大老爺 開堂 審 犯 啊 ？你 阿爺 吖 擺 咩 臭架子 唧 ？
噉啊 行入 大堂 。
只見 佛像 前面 點住 幾十支 蠟燭 ，方丈 晦聰 禪師 係 企 喺 左首 便 ；
右首 便 企住 一位 老和尚 ，身材 高大 不怒而威 ，乃係 戒律院 首座 澄識 禪師 。
淨濟 、淨清 等 四個 和尚 啊 企 喺 下首 便 。
嗱 各位 ，欲知 後事 如何 ，且 聽 下回 分解 。
