前文 再續 啊 書 接 上 一回 。
話說 嗰個 青年 啊 擲咗 六點 。
道人 同 中年 漢子 都 係 擲 咗 八點 。
噉就 輪到 韋小寶 擲 。
韋小寶 攞起 骰仔 ，舉到 嗰個 少女 面前 佢 話 ：姑娘 ，唔該 你 吹啖氣 啦 。
嗰個 少女 微微 笑話 ：做咩嘢 啊 ？
但係 佢 仲係 喺 骰仔 上面 吹咗 啖 氣 。
韋小寶 話 ：掂晒 ！美女 吹氣 有 殺 冇 賠 。
將 骰仔 喺 手掌 裏 便 ，搖 咗 幾 搖 ，正 話 想 擲 ，趙齊賢 話 ：咪住 。
韋都統 ，問 ，問下 佢哋 到底 要 咩嘢 吖 ？
佢 怕 韋小寶 呢 一下 骰仔 擲落去 擲 成 六點 以下 ，就 不免 有 性命 之 憂 。
更怕 韋小寶 唔 賠 自己 嘅 人頭 ，要 割咗 我 趙齊賢 嘅 人頭 嚟 賠 ，鬼叫 我 企 喺 旁邊 幫 莊 咩 ？
嗰個 青年 冷笑話 ：哼哼 ，如果 怕 喇 ，就 跪低 求饒 啦 。
韋小寶 話 ：烏龜 王八蛋 先至 怕 。
佢 隻 手 微微 搞 啲 花樣 ，不過 正係 心驚膽戰 嘅 時候 ，手法 就 唔 靈 嘞 。
四粒 骰仔 一擲 ，轆轆轆轆轆 咗 一陣 ，停嘞 ，擲唔成 一對 天牌 ，係 六點 。
韋小寶 高興 喇 大叫 話 ：都係 六點 ！你 食 夾棍 喇 ，殺 天門 ，賠 上 賠 下 。
將 葛通 嗰個 首級 扚 過嚟 ，放 喺 自己 面前 ，又 話 ：
趙大哥 ，攞 兩把 劍 嚟 ，賠 上 家下 家 。
係 。趙齊賢 應咗 就 向 帳門口 行過去 。
一名 藍衫 漢子 挺 劍 指住 佢 前胸 ，喝 佢 話 ：唔好 逳 ！
韋小寶話 ：唔准攞劍啊 ？好 ，噉亦得啊 ，一把寶劍 ，算 一千兩銀 啦 。
喺 面前 一堆 銀 裏 便 攞 咗 二千 兩 ，一便 一千 兩 啊 放 喺 長劍 旁邊 。
呢班人 闖入嚟 中軍 帳 制住 咗 主帥 ，眾軍官 都 束手無策 啦 。
敵人 武功 又 高 ，出手 傷人 就 肆無忌憚 ；
噉 自己 呢 方面 呢 ，軍士 雖然 好多 啊 ，不過 都 喺 帳外 便 ，未曾 得到 消息 。
等陣 混戰 一起 ，中軍 帳內 班 軍官 啊 赤手空拳 ，唉 都 怕 會 死 齊 啊 ，所以 個個 都 及及聲 咁 震 。
見韋小寶 同 敵人 擲骰仔 賭 人頭 ，談笑自若 ，不禁 都 佩服 佢 嘅 膽量 喇 。
噉亦 有人 個 心諗 ：細佬 哥 唔知 天高地厚 ，你 估 呢班 匪徒 係 同 你 玩 嘅 咩 ？
嗰個 青年 聽見 韋小寶 畀 二千 兩 銀 當做 兩把 劍 ，一聲 冷笑 佢 話 ：
我哋 呢 兩 把 寶劍 只係 贏 你 二千 兩 銀 ？將 枱 上 嘅 銀 攞晒 佢 ！
六七名 藍衫 漢子 行 上前 ，將 賭枱 上 嘅 銀兩 銀票 冚𠾴 唥 都 攞晒 。
嗰個 青年 攞過 一把 長劍 指住 韋小寶 個 咽喉 ，喝佢話 ：小奴才 ，你 係 滿洲人 定係 漢人 啊 ？叫做 咩 名 ？
韋小寶 諗 ：老子 如果 要 投降 ，你哋 一 入嚟 我 就 投降 啦 仲 使 等到 而家 咩 ？
呢個 時候 先至 屈服 ，咪 變成 有頭無尾 前功盡棄 ？大丈夫 要 硬 就 硬到底 。
佢 哈哈 一 笑話 ：
老子 係 正黃旗 副都統 ，個名 叫做 哇啦哇啦小寶 ，你 要 殺 就 殺 ，要 賭 就 賭 ，哼 ，以 大蝦 細 ，唔係 好漢 ！
最後 呢 八個 字 呢 ，實在 係 求饒 喇 ，不過 講得 呢 ，都 頗 有啲 英雄 氣概 。
嗰個 青年 微微 一笑 話 ：以 大蝦 細 唔係 好漢 ？呢句 説話 都 講得 唔錯 。
小師妹 ，你 年紀 同 佢 亦 差唔多 ，你 同 佢 鬥 下 啦 。
嗰個 少女 笑住 話 ：好 。
揸住 把 劍 行 出嚟 話 ：喂 ，哇啦哇啦 小寶 將軍 ，我 領教 你 嘅 高招 。
韋小寶 身邊 三個人 長劍 微挺 ，掂到 佢 衣服 一齊 話 ：出去 打 啦 。
嗰個 青年 一揮手 ，長劍 飛起 ，插 喺 韋小寶 面前 張 枱 上 便 。
韋小寶 個心 諗 ： 我 一 啲 劍術 都 唔 識 嘅 ， 一定 打 唔 過呢 個 姑娘 仔 嘅 。 噉 佢 話 ：
以 大蝦 細 唔 係 好漢 吖 嘛 ， 我大過 姑娘 仔 ， 點 能夠 蝦 佢 啊 ？
嗰個 青年 一手 揸住 佢 條 後領 喝 佢 話 ：你 唔敢 比劍 就 向 我 小師妹 跪低 求饒 。
韋小寶 話 ：好 ，叩頭 就 叩頭 啦 。
男兒 膝下 有 黃金 ，最好 日日 跪 女人 。
講完 ，雙腳 一彎 ，向 嗰個 少女 跪低 嘞 。
班藍衫人 都 哄笑 起嚟 。
突然之間 韋小寶 個 身 一側 ，已經 轉咗 去 個 青年 背後 ，手 上 嘅 匕首 指住 佢 後心 笑住 話 ：嘿 你 投降 唔 投降 啊 ？
呢一下 突然 變故 ，嗰個 青年 武功 雖然 係 高 啊 ，一時 亦 猝不及防 ，後心 要害 已經 畀 佢 制住 嘞 。
原來 韋小寶 知道 喺 神龍島 學 嗰 六招 救命 招數 仲 未曾 練熟 ，噉 啊 只好 嬉皮笑臉 ，插科打諢 ，學 小丑 嗰啲 樣 引到 啲 敵人 笑口 騎騎 噉 睇住 佢 出醜 。
跪低嘅時候 ，伸手 揸住 匕首柄 ，忽然 使出 嗰招 飛燕回翔 ，竟然 反敗為勝 噃 。
一班 藍衣人 吃咗 一驚 ，七八 把 長劍 冚𠾴 唥 都 指住 韋小寶 一齊 喝佢 話 ：快啲 放開 ！
但係 見 佢 匕首 對準 嗰個 青年 後心 ，呢 七八 把 劍 每一 劍 固然 都 可以 將 佢 刺死 啊 ，但係 佢 把 匕首 只要 輕輕 一 送 ，嗰個 青年 就 冇 命 㗎 嘞 。
所以 劍尖 刺到 離 佢 身邊 尺 零 ，就 唔敢 再 刺埋 啲 。
韋小寶 笑住 話 ：放開 唔係 放開 有 咩 咁 稀奇 唧 ？
揮動 匕首 劃 咗 個 圈 ，噔噔噔噔 一陣 響聲 ，七八 把 長 劍 劍頭 冚𠾴 唥 齊齊 斷晒 ，匕首 尖尖 ，又 對住 嗰個 青年 後心 。
班 藍衣人 大吃一驚 都 後退咗 一步 。
韋小寶 話 ：放低啲銀 ，我 就 放生 你哋 嘅 頭頭 。
捧住 銀兩 嗰 幾 名 藍衣 人 毫不 遲疑 啊 ，即刻 將 銀兩 銀票 放翻 喺 枱面 。
呢個 時候 ，只 聽見 帳外 幾百人 紛紛 呼喝 ：
唔好 放走 啲 匪徒 啊 ！快啲 投降 ！
原來 先頭 一下 混亂 ，帳內 有 兩名 軍官 逃走咗 出去 ，召集 部屬 圍住 中軍 帳 。
嗰個 道人 話 ：先 殺咗 呢個 衰仔 。
拔起 賭枱 上 嘅 長劍 ，白光 一閃 ，噗 一聲 ，刺 喺 韋小寶 右 胸 。
佢 呢一劍 呢 ，計算 得 好 精確 ，打橫 切入去 ，由 前 而 後 噉 一刺 ，噉 諗住 韋小寶 中 劍 之 後 呢 ，身體 必定 向 後 仰 嘅 ，匕首 尖 就 離開 嗰個 青年 背心 嘞 。
誰知 長劍 一彎 ，啪 一聲 ，即時 斷咗 。
韋小寶 話 ：哎吖 ！㓤 我 唔 死 。
班藍衣人 見 佢 居然 刀槍不入 ，個個 都 嚇到 傻咗 。
當其時 中軍 帳內 ，已經 有 幾百名 軍士 湧入嚟 ，長槍 大刀 ，布滿晒 四周圍 。
眾侍衛 同 軍官 呢 ，亦都 喺 部屬處 攞到 兵器 嘞 。
嗰 十幾 名 藍衣人 武功 再 高 啊 ，都 難以 殺出 重圍 ，何況 佢哋 幾個人 長劍 已經 斷咗 ，首領 又 畀 人 制住 。
本來 係 佔上風 嘅 ，霎時之間 形勢 逆轉 ，一敗塗地 啊 。
嗰個 青年 高聲 大叫 ：大家 唔好 理 我 ，自己 衝殺 出去 啦 ！
呢陣時 眾侍衛 同埋 軍官 㗾噉 湧上嚟 ，七八個人 圍住 一個 。
呢啲藍衣人 只要 稍為 逳下 ，即時 就會 畀人 亂刀 分屍 ，冇法子啦 ，只有 拋低 兵器 束手就擒 嘞 。
韋小寶 諗 ： 呢 幾個 人 武功 咁 使得 ， 又 同 朝廷 作對 ， 講唔 定同 天地會 有 啲 瓜葛 嘅 ， 我點 先至 放 得 佢 哋 走 人 呢 ？
佢 笑住 話 ：老兄 ，先頭 你 本來 可以 殺 我 嘅 ，不過 就 冇 落手 吖 。
如果 我 而家 殺咗 你 ，唔 畀 你 一個 翻盤 機會 ，噉 就 唔係 英雄 好漢 喇 係咪 ？
呢啲 叫做 烏龜 王八 贏咗 就 趯 吖 嘛 。
噉啦 ，我哋 再 嚟 賭 一賭 人頭 呢 。
呢個 時候 ，已經 有 七八件 兵器 指住 嗰個 青年 。
韋小寶 收翻起 把 匕首 笑吟吟噉 坐低 。
嗰個 青年 話 ：你 要 殺 就 殺 ，唔好 嚟 玩 老子 。
韋小寶 攞起 四粒 骰仔 笑住 話 ：
我 做莊 ，賭 你 嘅 人頭 ，一個個 嚟 擲 啊 。
邊 一個 贏咗 嘅 ，即刻 就 走 ，再 攞 一百 兩 銀 做 使用 。
擲輸咗 骰仔 嘅 呢 ，趙大哥 ，你 攞 一把 快刀 ，一刀 斬落去 將 人頭 斬落嚟 ，同 我哋 葛通 葛大哥 報仇 。
佢 點 一點 對方 人數 ，總共 係 十九 個 人 ，就 將 一錠錠 銀 分開 ，總共 分成 十九 堆 每 堆 都 一百 兩 。
嗰啲 藍衣人 諗住 殺 官 作亂 ，既然 畀 人 捉住 嘞 ，噉 梗係 個個 殺頭 啦 無 一 倖免 。
誰知 呢個 少年 將軍 要 充 好漢 ，竟然 放 一條 生路 喎 。
梗係啦 如果 骰仔 擲 輸 就 冇得 講 啦 。
嗰個 道人 話 ：好 ，大丈夫 一言既出 。
韋小寶 話 ：死馬 難追 ！我 哇啦哇啦 小寶 做事 呢 決唔會 佔 人 便宜 㗎 。
呢位 姐姐仔 ，誒 抑或 係 妹妹仔 啊 ，先頭 幫 我 喺 骰仔 上面 吹咗 啖 氣 ，就 保住 我 個人頭 ，你 呢 就 不必 賭 喇 。
你嘅人頭 ，算係 我 贏咗 之後 畀 你 嘅 利是 啦 。
嚟 ，攞咗 呢一百兩銀 出去 外便 先 。
傳下號令 ，外便 把守 嘅 人 不准 留難 。
一名 佐領 大聲 噉 傳令 嘞 ：
副都統 有 令 ：喺 中軍 帳 放 出去 嘅 ，一概 由 其 自便 ，不得 留難 阻擋 。
帳外 嘅 守軍 大聲 噉 應咗 。
韋小寶 將 兩 錠 五十 兩 嘅 元寶 推 到 嗰個 少女 面前 。
嗰個 少女 塊 面 一陣 紅 一陣 白 ，慢慢 噉 擰 下 個 頭 低聲 話 ：
我唔要 。我哋 ，我哋同門 十九個人 ，同生共死 。
韋小寶 話 ：好 ，你 夠 義氣 。
噉既然係 同生共死咯 ，噉亦唔使 一個個 分開 賭喇 。
姑娘仔 ，你 同 我 賭 一手 。
你 贏咗 ，十九 個 人 一齊 攞咗 銀兩 走人 ；
如果 輸咗 ，十九 個 人 頭 一齊 斬晒 佢 好唔好 ？
嗰個 少女 望住 嗰個 青年 ，等候 佢 嘅 指示 。
嗰個 青年 難以 決定 啊 ：
如果 十九個人 分別 同 呢個 小將軍 賭 ，咪 勢必 有 輸 有 贏 吖 ；
如果 佢 真係 言而有信 ，噉 十九個人 當中 ，可能 有 半數 有命 嘅 ，噉 以後 仲 可以 設法 報仇 啊 。
但 係 如果 由 小 師妹 擲 骰仔 ， 贏 ， 固然 全師 而 退 啦 ， 一輸 咗 就 全軍覆沒 㗎 嘞 噃。
佢 向 住 班 同門 慢慢 望 過去 。
有名藍衣大漢 大聲話 ：小師妹 講得啱 ，我哋 係 同生共死 ，就 由 小師妹 擲 啦 。
否則 就算 係 我 贏咗 啊 ，我 亦 唔 能夠 一個人 偷生 嘅 。
有 七八個 人 隨聲 附和 喇 。
韋小寶 笑住 話 ：好 ，姑娘仔 你 擲 先 啦 。
將 骰仔盆 向住 嗰個 少女 面前 一 推 。
嗰個 少女 望住 嗰個 青年 睇 下 佢 話 點 。
嗰個 青年 岌一岌 頭 佢 話 ：
小師妹 ，生死 有命 ，你 大膽 擲 啦 ，橫掂 大家 同生共死 㗎 嘞 。
嗰個 少女 喺 隻 碗 處 攞起 四粒 骰仔 ，長長 嘅 眼泣毛 垂低 ，突然 抬起 頭 ，向 韋小寶 睇咗 一 眼 ；
揸住 骰仔 隻 手 微微 有啲 發抖 ，一鬆手 ，四粒 骰仔 跌落 個 碗 處 ，噔噔聲 好 清脆 。
嗰 個 少女 眯 埋眼 唔 敢 睇 喇 ， 只 聽見 耳邊 響起 一陣 叫聲 ： 三 ， 三 ， 三 ， 啊 三點 ！ 仲 夾雜 住眾 侍衛 官兵 笑罵 嘅 聲音 。
嗰個 少女 雖然 唔 懂得 骰仔 嘅 賭法 啊 ，但 聽見 敵人 又 叫 又 笑 ，估住 自己 呢一手 骰仔 擲得 好 曳 嘞 。
佢 擘 翻開 眼 ，果然 見 班 同門 人人 面色 慘白 。
四粒 骰仔 呢 ，最大 嘅 可以 擲到 至尊 ，其次 係 天 、地 、人 、和 、梅花 、長三 、板凳 、牛頭 等等 。
噉就算擲唔成對啊 ，亦有 九點 以至 四點 都 大過 三點 吖 。
擲到 三點 ，十成 當中 已經 輸咗 九成九 嘞 。
就算韋小寶亦係擲咗三點啊 ，佢係莊家啊 ，三點食三點 ，仲係能夠斬十九個人嘅人頭嘅 。
呢 個 時候 一名 藍衫漢子 突然 間 大叫 話 ： 我 嘅 人頭 ， 由 我 自己 嚟 賭 ， 人 哋 擲 嘅 唔 算數 。
嗰個 道人 嬲 嘞 ：男人 大丈夫 ，咁 貪生怕死 都 得 嘅 ？陀 衰晒 我哋 王屋 派 啊 。
韋小寶 話 ：各位 都係 王屋 派 㗎 ？
嗰個 道人 話 ：橫掂 大家 都係 死 㗎 嘞 ，同 你 講 亦 唔 緊要 。
嗰 個 藍衣 漢子 大聲 話 ： 我 係 我 爹娘 生 嘅 ， 除 咗 爹娘 ， 邊個 都 唔 能夠 定 我 嘅 生死 。
嗰個 道人 嬲 嘞 ：你 小師妹 擲骰仔 之前 你 又 唔 講 ，等 佢 擲咗 三點 你 先至 開聲 ？
我哋 王屋 派 裏頭 ，冇 你 咁 唔成材 嘅 人 ！
嗰個 漢子 條命 緊要 啊 大聲 話 ：五符 師叔 ，我 唔 做 王屋 派 門下 弟子 ，亦 冇 咩 咁 大不了 嘅 。
另外 一名 漢子 冷冰冰 噉 話 ： 你 但 求得 翻條命 ， 其餘 嘅 咩 嘢 都 唔 在乎 喇 係 唔 係 啊 ？
嗰個 漢子 話 ：呢位 少年 將軍 明明 要 我哋 一個個 同 佢 賭 嘅 。
小 師妹 代表 大家 擲 骰仔 ， 你 哋 應承 咗 啊 我 有 冇 出聲 應承 過啊 ？
嗰個 藍衣 青年 好 嚴肅噉 話 ：好 ，元 師兄 ，從而家 起 ，你 唔係 王屋 派 門下 弟子 嘞 ，你 自己 同 佢 賭過 啦 。
嗰個 姓 元 嘅 話 ：唔係 就 唔係 啦 點 啊 ？
韋小寶 話 ：你 姓 元 ，叫做 咩名 啊 ？
嗰個 姓 元 嘅 遲疑咗 一下 ，佢 見到 同門 兄弟 已經 變咗 仇人 嘞 ，自己 如果 講 假名 ，實 會 揭穿 嘅 佢 就 話 ：
在下元義方 。
嗰個 青年 哼咗 一 聲 佢 話 ：閣下 不妨 改 個 名 ，叫做 元方 啦 。
韋小寶 話 ：點解 要 改名 唧 ？
吖 元 方元方 冇 咗 個 義字 ， 佢 係 鬧 你 冇 義氣 啊 。
喂 ，王屋派 嘅 各位 朋友 ，仲有 邊位 要 自己 賭 嘅 ？
講完 ，望下 嗰班 藍衫人 。
見到 有 兩個人 口唇 逳逳 下 ，好似 想 開口 講嘢 噉 ，但係 終歸 冇 講 。
韋小寶話 ：好極喇 ，王屋 派 門下 個個 都係 英雄豪傑 ，好 有 義氣 。
呢位元兄 橫掂 唔係 王屋派 㗎喇 ，佢 有 冇 義氣 同 王屋派 啊 冇 關係 。
嗰個 青年 微微 一笑 話 ：多謝 你 嘞 。
韋小寶 話 ：嚟人 ，斟酒 ！
我 同 呢 十八位 朋友 飲 翻 杯 ，等陣 係 輸 係 贏 ，總之 係 生離死別 。
呢 十八位 好漢 ，義氣 深重 不可 不交 啊 。
噉 手下 啲 軍士 斟 咗 十九 杯酒 ， 喺 韋小寶 面前 放 咗 一杯 ， 十八個 藍衫 人 啊 各人 遞 咗 一杯 。
嗰啲 人 見到 為首 嘅 青年 接咗 嘞 ，亦都 跟住 接 。
嗰個 青年 話 ：我哋 同 清廷 嘅 官兵 係 決唔 做 朋友 嘅 。
不過 見 你 為人 直爽 ，對 我哋 王屋 派 又 好 睇得起 ，同 你 飲 呢 一 杯 酒 亦 唔 緊要 。
韋小寶 話 ：好 ，飲勝 ！
一飲而盡 。
噉嗰 十八個 人 呢 亦 都 飲咗 喇 ，乒乒乓乓 ，紛紛 將 酒杯 掟 喺 地下 。
元義方 就 黑 起 塊 面 ，擰歪 個 頭 唔 睇 啊 。
韋小寶 喝 一 聲 話 ：
侍候 十八 把 快刀 ，我 呢 手 骰仔 ，只要 擲到 三點 以上 ，就 將 呢 十八位 好朋友 嘅 人頭 同 我 割落嚟 。
眾 軍官 大聲 答應 。
噉 十八 名 軍官 攞起 刀劍 ，企 喺 嗰 十八 個 人 後 便 。
韋小寶 心諗嘞 ：
我 呢 副 骰仔 呢 就 做 咗 手腳 嘅 ， 要 擲 成 一點兩點 本來 都 唔 難 嘅 。
不過 近來 少 練習 ，手上 嘅 功夫 啊 生咗 ，先頭 我 想 擲 一對 天 嘅 ，點知 係 擲 成咗 六點 ，呢次 如果 一 擲 爭啲啲 咁多 ，就 害死 呢 十八人 㗎 嘞 噃 。
呢班 臭 男人 死咗 就算啦 ，呢個 姑娘仔 好似 朵 花 噉 ，噉 佢 又 死埋 豈唔係 好 可惜 ？
佢 攞起 四粒 骰仔 ，搖咗 幾搖 ，自己 吹咗啖氣 ，手指 輕輕 一轉 ，擲落去 ，跟住 用 左掌 冚住 碗口 。
咪 聽見 啲 骰仔 轆轆轆轆 咗 幾 轆 ，停咗 嘞 。
佢 冇 把握 啊 ，手指 離開 條 罅 一 裝 ：
只見 四粒 骰仔 當中 ，兩粒 兩點 ，一粒 一點 ，一粒 啊 五點 ，夾起 上嚟 啱啱 係 密十 。
密十即係冇點噃 ，細到無可再細㗎喇 。
佢 本來 已經 打定主意 如果 手法 不靈 呢 ， 擲 咗 三點 以上 ， 自己 就 噏 話 ： 兩點 ， 噉 啊 即刻 逳 下 隻 碗 ， 整亂 晒 骰仔 ， 噉 啊 死無對證 。
對方 梗係 歡喜 啦 ，自己 啲 部屬 最多 思疑 下 ，冇人 敢 公然 責難 嘅 。
而家 作弊 成功 嘞 ，得喇 ，佢 鬧 自己 話 ：
死得 你 吖 老子 呢隻 手 應該 斬咗 佢 至 係 。
左手 喺 自己 右手 手背 上面 出力 咁 打咗 幾下 。
眾人 一 睇到 骰仔 ，都 大聲 噉 叫話 ：密十 ，密十 ！
嗰班 藍衣人 死裏逃生 ，忍唔住 大聲 咁 歡呼 啊 。
嗰個 為首 嘅 藍衣 青年 望住 韋小寶 佢 諗 ：
呢啲 清兵 唔 講 信義 㗎 ，唔知 佢 講過 個 説話 算唔算數 嘅 啫 。
韋小寶 將 賭枱 上面 嘅 銀 一 推 佢 話 ：贏咗 嘅 攞 銀 喇 ，唔通 仲 想 賭 啊 ？
嗰個 青年 話 ：銀 就 唔 敢 領 喇 。
閣下 言而有信 ，係 位 英雄 。後會有期 ！
一拱手 轉身 就 想 行 。
韋小寶 話 ：喂 ，你 贏 嘅 錢 又 唔 搦走 ，即係 睇唔起 在下 哇啦哇啦 小寶 啫 ？
嗰個 青年 諗 ：身在 險地 ，唔好 耽擱 咁耐 喇 。
佢 就 話 ：噉 多謝 嘞 。
十八個人 都 攞咗 銀 ，轉身 行 出 中軍帳 。
韋小寶 嗰 雙眼 一直 盯住 嗰個 少女 。
佢 攞咗 銀 之後 ，忍唔住 向 韋小寶 睇咗 一 眼 。
眼光 一 接觸 ，嗰個 少女 塊面 一紅 ，微微 一笑 低聲 話 ：多謝你 。
行 咗 兩步 擰 轉頭 話 ： 小 將軍 ， 你 呢 四粒 骰仔 ， 畀 咗 我 得 唔 得 啊 ？
韋小寶 笑 住 話 ： 得 得 得 ， 有 咩 唔 得 㗎 啫 ， 你 攞 翻 去 同 啲 師兄 賭錢 啊 ？
嗰個 少女 微笑話 ：唔係 。我要 好好 收起 佢 ，先頭 呀 ，真係 嚇到 我 半死 啊 。
韋小寶 攞起 四粒 骰仔 ，擠喺 佢 嘅 手處 ，噉啊 乘機 喺 佢 手腕 上面 輕輕 捻咗 一下 ，嘿 ，佢 有 便宜 啊 總係 要 攞嘅 。
嗰個 少女 又 話 ：多謝 你 喇 。講完 快步 行 出 中軍 帳 。
元義方 見到 班人 走咗 ，跟住 就 要 出去 咯喎 。
韋小寶 話 ：喂 ，我 冇 同 你 賭過 噃 。
元義方塊面 當堂 冇晒 血色 ，個心 諗 ：
唉 ，我 呢件事 真係 做錯 嘞 ，早知 佢 會 擲到 個 密十 ，我就 何必 枉作 小人 呢 ？
噉 佢 話 ： 將軍 冇 咗 骰仔 嘞 我 ， 我 以 為 唔 賭 喇 。
韋小寶 話 ：點解 唔 賭 啊 ？乜 都 可以 賭 ，猜枚 可以 賭 ，轆銅錢 亦 可以 賭 。
隨手 揦 起 一沓 銀票 話 ： 你 估下 啦 ， 呢 處 總共 幾多 兩銀 啦 ？
元義方話 ：噉 點 估得到 唧 ？
韋小寶 一拍 張枱 喝佢 話 ：呢個 匪徒 ，對 本將軍 咁 無禮 ，推出去 斬 ！
眾 軍官 齊聲 答應 。
元義方 就 嚇到 面如土色 ，噗聲 跪咗 喺 地 佢 話 ：誒 小 ，小人 唔 敢 ，大 ，大將軍 ，大將軍 饒命 啊 。
韋小寶 高興 到 癲 喇 佢 心諗 ：呢個 傢伙 叫 我 做 大將軍 喎 。
喝佢話 ：我 問 你 乜嘢 你就 一句句 老實 招供 ，如果 有 絲毫 隱瞞 ，斬咗 你 人頭 。
韋小寶 叫人 攞咗 腳鐐 手銬 ，將 佢 銬住 喇 ，又 吩咐 輸咗 銀 嗰 班 軍官 攞翻 賭本 ，退 咗 出去 。
中軍 帳 裏 便 只係 剩低 張 康年 、趙 齊賢 兩 名 侍衞 ，以及 驍騎 營 參領 春富 。
噉就 由 張康年 審訊 ，噉 佢 問 一句 ，元義方 啊 答 一句 ，果然 毫無 隱瞞 啊 。
嗱 各位 ，欲知 後事 如何 ，且 聽 下回 分解 。
