前文 再續 啊 書 接 上 一回 。
話 説 韋小寶 聽太后 問 佢 ， 教主 有 冇 叫 佢 帶 豹 胎 易 筋 丸 嘅 解藥 嚟 噉 。
韋小寶 打個 特嘞 ，今年 嘅 解藥 ？
跟住 佢 明白 嘞 ，太后 一定 亦 食咗 豹胎 易筋丸 。
噉啊 教主 每年 發 一次 解藥 ，不過 呢 又 解唔徹底 ，需要 年年 食 一次 嘅 ，噉 藥性 先至 唔會 發作 。
韋小寶 笑住 話 ：你 同 我 都 食咗 豹胎丸 ，嗰啲 解藥 當然 唔 能夠 由 我 帶嚟 嘞 。
太后 話 ：係 ，不過 尊使 蒙 教主 恩寵 ，屬下 點 能夠 同 你 比 吖 ？
韋小寶 諗 ： 嚇 到 佢 咁 厲害 ， 都 要 安慰 翻 佢 幾句 至 得 。 佢 就 話 ：
教主 同 夫人 話 ： 只要 你 盡忠 教主 ， 唔 三心兩意 ， 努力 辦事 呢 ， 教主 總 唔 會 待 薄 你 嘅 ， 你 一切 放心 啦 。
太后 好 歡喜 啊 佢 話 ：教主 恩德 如 山 ，屬下 萬死 難 報 。
教主 仙福 永享 ，壽 與 天 齊 啊 。
韋小寶 諗 ：你啊 本來 係 皇后 ，而家 係 皇太后 ，除咗 皇帝 天下 最大 就 你嘞 。
神龍教 硬 厲害 啊 ，亦 決 唔 能夠 同 你 相比 啦 ，誒 點解 你 要 入教 聽命 於 教主 呢 ？
噉唔係賤格 ？
冇錯啦 ，多數 都係 你 同 你嘅 女 一樣 ，都 要 畀 人哋 打 畀 人 鬧 先至 得 快活 嘅 。
因為 佢 年紀 太 細 啊 ，對於 世事 知道 有限 ，一時 亦 估唔透 其中 嘅 原因 。
太后 見到 佢 沉沉吟吟 ，估計 佢 就要 問及 攞 經書 嘅 事 嘞 ，不如 自己 講 先 啦 ，就 話 ：
嗰 三部 經書 ，屬下 派 鄧炳春 同 柳燕 兩個人 呈畀 教主 ，佢 老人家 睇嚟 已經 收到 㗎 啦 ？
韋小寶 打個 特嘞 ，佢 個 心 諗 ：
假 宮女 鄧炳春 係 陶阿姨 殺死 嘅 ，柳燕 就 死於 方姑娘 劍下 ，有 咩 經書 呈交 畀 教主 唧 ？
都唔明白佢噉講有咩用意 ，佢就話 ：
你話 有 三部 經書 呈畀 教主 啊 ？呢件事 冇 聽講過 噃 。
教主 話 黑龍 使 搞 咗 咁 耐 一無所得 好 嬲 啊 ， 爭 的 逼 到 佢 自殺 喇 。
太后 好奇怪 噉話 ：噉 就 奇嘞 。
屬下 明明 已經 派 鄧炳春 同 柳燕 兩個 ，將 三部 經書 專誠 送去 神龍島 。
噉梗係 喺 柳燕 畀 尊使 處死 之前 嘅 事 啦 。
哦 ，有 噉嘅事 咩 ？
鄧炳春 啊 ？ 係 咪 就 係 你 嗰 個 光頭 佬 師兄 啊 ？
係啊 ，尊使 日後 返去 神龍島 ，傳佢 嚟 問下 就 知㗎喇 。
韋小寶 突然間 明白 ，佢 諗 ：
冇錯喇 ，鄧炳春 畀 陶阿姨 殺死 ，呢個 老舉乸 仲 估 我 一啲 都唔知 。
佢 失咗 三部 經書 怕 教主 怪罪 佢 ，將 一切 都 推 喺 兩個 死人 頭 上 。
呢啲 叫做 死無對證 ，哈佢 都 幾 聰明 噃 。
誰知 呢 三部 經書 都 喺 老子 手上 ，你 ，你噉 講 呃 人哋 就 得 ，偏偏 就 呃唔到 老子 。
好 ，我 暫時 唔 穿 你 嘅 煲住 。
就話 ：
你既然 已經 攞到 三部 經書 咯 ，功勞 都 算唔 細 ，噉 其餘 嗰 五部 ，仲要 出 多啲 力 至 得 啊 。
係 ， 屬下 從朝 到 黑 ， 都 諗 住點 先至將 另外 五部 經書 攞 返 嚟 ， 報答 教主 嘅 恩德 嘅 。
好極喇 。
其實 呢 你 咁 忠心 ，豹胎 易筋丸 裏 便 嘅 毒性 ，一次過 同 你 解晒 都 唔緊要 啦 。
不過 好快 我 就 會 見到 教主 㗎 嘞 ，到時 ，一定 同 你 講 多 幾句 好話 。
太后 好 高興 啊 躬身 請咗 個 安話 ：
尊使大恩 ，屬下 永不敢忘 。
最好呢 ，屬下 能夠 轉入 白龍門 ，得到 尊使 教導 指揮 ，噉 就 更加好喇 。
噉 都 好 容易 嘅 啫 。
不過 你 入教 嘅 一切 經過 ，需要 同 我 詳詳細細 噉 講下 ，啲 多 都 唔好 隱瞞 喇 。
係 ，屬下 對於 本門 座使 ，半句 都 唔 敢 花 假 嘅 。
啱啱 講到 呢處 唧 ，忽然 門外 有 腳步聲 ，一名 宮女 咳嗽 一聲 就 話 ：
啟稟太后 ，皇上 傳 桂公公 ，話 有 緊要事 ，叫 佢 即刻 去 喎 。
韋小寶 岌一岌 頭 低聲 話 ：你 一切 放心 啦 ，以後 再 講 啦 。
太后 低聲 話 ：多謝 尊使 。
然後 大聲 話 喇 ： 皇上 傳 你 ， 你 去 啦 。
韋小寶 話 ：係 ，太后 萬福 金安 。
出咗門口 ，只見 八名 侍衞 喺 慈寧宮 外 便 守住 ，佢 微微 吃咗 一驚 ：出咗 咩 事 啊 ？
嗱嗱聲 趕住 去 上書房 。
康熙 一見到 佢 好 歡喜 噉 話 ：你 冇事 就 好嘞 。
我 聽講 你 畀 老賤人 帶咗 去 真係 有啲 擔心 ，怕 佢 害 你 啊 。
韋小寶 話 ：多謝 師父 關心 。
嗰個 老 ，誒佢 ，佢 問 我 近來 去咗 邊處 喎 ，噉 我 諗住 老皇爺 嘅 事 千祈 唔能夠 講 㗎 ，連 山西 同 五台山 都 唔能夠 提 嘅 。
不過 我 又 唔係 幾 識 講 大話 嘅 ，畀 佢 追問 得 緊 咯 ，我 情急 智生 ，我 就 話 ：
冇嘢 ，皇上 派 奴才 去 江南 ，睇下 有 咩 好玩 嘅 嘢 就 順便 買啲 返嚟 啫 嘛 噉 。
我 又 話 ：皇上 吩咐 我 唔好 講 畀 太后 知 ，免得 太后 怪 皇上 做咗 皇帝 嘞 ，仲 係 咁 細佬 哥 脾氣 。
康熙 聽咗 哈哈大笑 拍下 佢 膊頭 話 ：
哈哈哈哈 ，噉講 就 最好 嘞 。
等 嗰個 老賤人 當 我 仲係 細佬 哥 貪玩 就 唔 嚟 防範 我 。
你 仲 話 唔會 講 大話 喎 ，講得 好好 啊 你 。
原來 仲 講得 好好 添 啊 ？奴才 一直 擔心 啊 怕 噉樣 講 皇上 會 唔 高興 添 。
唔會 ，好好啊 。
先頭啊 ，我 怕 老賤人 害 你 ，就 派咗 八名 侍衞 去 慈寧宮 外 便 守住 。
如果 老賤人 唔 放 你 走 ，我 就 叫 佢哋 衝入去 搶翻 你 出嚟 ，真係 要 同 佢 擘面 我 都 唔 計得 咁多 㗎 嘞 。
韋小寶 跪低 叩頭 話 ：
皇帝 師父 恩重如山 ， 奴才 弟子 粉身 難報 啊 。
你好好去服侍老皇爺 ，就係報咗我對你嘅恩德嘞 。
係 。
康熙 喺 書枱 上面 攞起 一個 密封 嘅 黃紙 大信封 ，佢 話 ，佢 話 ：
呢個 係 封 賞 少林寺 班 和尚 嘅 上諭 ，你 去 挑選 四十 名 御前 侍衞 、二千 名 驍騎 營 官兵 ，去 少林寺 宣旨 辦事 啦 。
至於 辦咩事 ，喺 上諭 裏 便 寫住 㗎喇 ，去到 少林寺 之後 ，拆開嚟 讀 ，你 遵旨 做 就係 嘞 。
而家 我 升 你 嘅 官 ，任 你 為 驍騎營 正黃旗 副都統 ，呢個 係 正 二品 嘅 大官 嚟 啊 。
你 本來 係 漢人 ，我 賜 你 為 滿洲人 ，我哋 叫 呢啲 做 入 滿洲 抬 旗 啊 。
正黃旗 係 皇帝 親自 率領 嘅 旗兵 ，驍騎營 呢 ，係 皇帝 嘅 親兵 。
嗰個 御前侍衛 副總管 嘅 官 你 仍然 兼住 啦 。
康熙 知道 韋小寶 不學無術 ，年紀 又 細 ，真係 做官 呢 做唔嚟 嘅 ，因此 兩個 職位 呢 都 係 副手 。
韋小寶 話 ：只要 能夠 時常 喺 皇帝 師父 身邊 ，官大 官細 奴才 弟子 都 唔 在乎 嘅 。
講完 ，就 叩頭 謝恩 嘞 。
佢 諗 ：我 好地地 係 個 漢人 ，而家 搖身一變 ，變咗 做 旗人 喎 。
吖 皇帝 師父 叫 我 唔使 去 清涼寺 做 小和尚 住 ，就 要 我 帶 兵 去 少林寺 頒 旨 ，封賞 救駕 有功 嘅 各位 大師 ，噉 啊 多數 等 我 出 下 風頭 先 啫 。
哈 ，呢啲 係 叫做 先甜後苦 ，先 做 老爺 就 後 打𦣇柚 ，唉 冇計 啦 。
康熙 將 驍騎營 正黃旗 都統 察爾珠 傳嚟 ，噉啊 講畀 佢 聽 小桂子 其實 唔係 太監 ，而係 御前侍衞 副總管 ，真名 韋小寶 。
為咗 要 擒殺 鰲拜 啊 ，噉 先至 派 佢 假扮 太監 唧 ，而家 已經 賜 佢 為 旗人 ，屬 正黃旗 ，升任 驍騎營 正黃旗 副都統 噉 。
察爾珠 喺 鰲拜 當權 嘅 時候 ，大受 傾軋 ，本來 已經 捉咗 去 坐監 啊 ，條命 凍過 水 ；
好在 鰲拜 被 殺 ，噉 先至 放翻 出嚟 ，所以 對 擒殺 鰲拜 嘅 韋小寶 早就 十分 感激 。
聽講 皇上 任命 佢 做 自己 嘅 副手 ，個 心 非常之 歡喜 ，即刻 向 佢 祝賀 啦 ，佢 話 ：
韋兄弟 ，我哋 兩個 一齊 辦事 ，真係 乜都冇 咁好 嘞 。
你係 少年 英雄 ，我哋 驍騎營 呢 一次 啊 真係 夠 威 咯 。
韋小寶 啊 謙虛 一番 。
察爾珠 就 打定 主意 ：
呢 個人 大受 皇帝 寵幸 ， 雖然 話 係 自己 副手 啊 ， 其實 自己 應該 做 佢 個 副手 至 係 㗎 ， 只要 得 佢 歡心 ， 日後 飛黃騰達 啊 不在話下 。
康熙話 ：我 有事 派 韋小寶 去 辦 ，你哋 兩個人 返去 點齊 人馬 。
韋小寶 今晚 就 出京 ，唔使 嚟 辭別 喇 。
講完 ，將 調動 驍騎營 兵馬 嘅 金牌 令符 啊 交咗 畀 韋小寶 。
韋小寶 接過 金牌 叩頭 告別 ，佢 諗 ：
老舉乸 為 咩事 要 入 神龍教 呢件事 仲未曾 查明 嘅 ，不過 亦 唔 緊要 ，九成九 係 賤格 啦 ，下次 回宮 嘅 時候 再 去 問 佢 。
哈尋晚 畀 公主 打咗 一餐 ，全身 都 痛晒 ，一覺 瞓到 大天光 就 唔能夠 去 見 陶阿姨 添 ，唔知 佢 喺 宮內 點 呢 ？下次 回 宮 要 見見 佢 至得 。
噉 韋小寶 同 察爾珠 去 見 御前 侍衞 總管 多隆 。
韋小寶 攞出 康熙 以前 寫 嗰 張 任命 佢 做 御前 侍衞 副總管 嘅 上諭 畀 佢 睇 咗 ，多隆 連聲 祝賀 啦 ，噉 啊 祝賀完 喇 佢 話 ：
韋兄弟 ，你 要 挑選 邊啲 侍衛 ，即管 挑選 ，只要 皇上 岌頭 ，要 我 陪 你 去 一趟 都 得 啊 ，哈哈哈哈哈哈哈 。
韋小寶 話 ：噉就唔敢當 ，保護 皇上 責任 重大 ，多總管 想 出京 去 玩下 ，嘿 真係 幾 難 喇 。
多隆 話 ： 下次 我 請求 皇上 ， 我 哋 兩個 換一 換班 ， 你 做 正 嘅 我 做 副 嘅 ， 有 咩 出京 打秋風 個 好 差事 ， 嗨 ， 做 哥哥 嘅 我 去 撈 翻 趟 至 得 。
韋小寶啊 點咗 張康年 、趙齊賢 兩名 侍衞 ，噉啊 叫 佢 兩個 搵 一班 親近 嘅 侍衞 。
察爾珠啊 點齊 二千名 驍騎營 軍士 。
噉啊 跟住 各 參領 、佐領 ，參見 副都統 。
皇帝 賞畀 少林寺 僧人 嘅 物品 呢 ，亦 已經 齊備 嘞 ，就 裝 喺 幾十 架 車 上 便 。
梗 係 啦 ， 皇帝 要 做 嘢 唄 ， 梗 係 話 咁 快脆 就 得 嘞 ， 只 係 兩個 幾 時辰 一切 都 預備 得 妥 妥當 當啊 。
韋小寶啊 本應 身穿 驍騎營 軍裝 至係嘅 ，但係 咁 細碼 嘅 將軍 軍裝 ，一時之間 就 唔 容易 做得好 。
察爾珠啊 想得 周到啊 將 自己 一套 軍裝 送畀 佢 ，派咗 四名 巧手 裁縫啊 跟住 去 ，喺 架 車 處 趕住 同 佢 修改 。
吩咐佢哋 夜晚 都 唔准 瞓覺 ，趕好咗 軍裝 先至 准 回京 ，如果 偷懶 重責 軍棍 。
韋小寶啊 抽空 返去 頭髮胡同 ，同 陸高軒 同 肥頭陀 話 ，佢 自己 呢 ，今日 已經 混咗入 皇宮 喇 ，偷經書 嘅 事 亦 已經 有 啲 眉目 。
吩咐 佢哋 兩個 喺 屋企 靜候 消息 ，唔好 隨便 出去 ，以免 洩漏 機密 。
陸肥 兩個人 見 佢 辦事 咁 順利 ，兩日 唧 ，就 有咗 頭緒 咯 ，都 感覺到 好 欣慰 ，一味 話 好啦 好啦噉 應承 佢 。
韋小寶 叫 雙兒 改扮 男裝 ，扮 個 書童 ，跟埋 佢 一齊 去 。
起程嘅時候 ，個天 已經 好 晏 嘞 ，但係 聖旨 要 佢 即日 離京 啊 ，噉 就 點都 要 出城 不可 。
出咗 永定門 行咗 二十里 ，就 扎營 住宿 。
驍騎營 係 保護 皇帝 嘅 親兵 ，都 係 清廷 嘅 親貴 子弟 ，裝備 飲食 ，冇 一樣 唔 高過 尋常 士兵 十倍 嘅 。
大家 喺 北京 住得 耐 嘞 ，出京 到處 行 下 個 個 都 興高采烈 。
何況 又 唔係 去 打仗 ，而家 係 去 河南 公幹 噃 ，即係 朝廷 出 錢 請 佢哋 遊山玩水 啫 確實 係 認真 優差 嘞 。
韋小寶 食完 飯 ，瞓覺 又 太早 啊 ，於是 就 召集 張康年 、趙齊賢 一班 侍衞 ，同埋 驍騎營 嘅 參領 、佐領 軍官 一齊 去 中軍 帳 。
噉 大家 都 諗 ：皇上 啊 唔知 派 韋 副都統 去 辦 咩 嘢 大事 ，佢 傳 我哋 去 實 係 要 宣示 特旨 嘞 。
噉 各人 參見 完畢 ，韋小寶 笑住 話 ：喂 各位 兄弟 ，橫掂 得閒 冇事啫 ，大家 嚟 賭錢 老子 做 莊 。
班 軍官 都 聽到 傻晒 噃 ，以為 開玩笑 啫 。
哈 ，點知 見 佢 喺 身邊 攞出 四粒 骰仔 ，喺 枱面 上面 一擲 ，嗰啲 骰仔 突突突突 猛咁 轉 ，班人 噉 就 歡聲雷動 嘞 。
因為 大凡 當兵 嘅 呢 冇 個 唔好 賭 嘅 ，只係 行軍 出征 嘅 時候 ，就 嚴禁 賭博 ，就 以免 軍心 浮動 ，誤咗 大事 。
韋小寶 完全 唔 知道 呢一套 規矩 嘅 。
驍騎營 嘅 參領 、佐領 雖然 知道 軍紀 啊 ，但 諗住 呢一次 又 唔係 打仗 ，何必 掃 咗 副都統 嘅 興致 呢 ？
韋小寶 喺 身邊 扲出 一沓 銀票 ，喺 枱面 一放 ，足足 有 五六千 兩 銀 佢 話 ：
邊個 有 本事 就 嚟 贏 咗 佢 啦 。
啲 軍官 就 紛紛 返去 攞 銀 嚟 賭 嘞 。
驍騎營 嘅 軍士 有 好多 職位 雖然 係 低 ，不過 屋企 好 富有 嘅 ，聽講 韋 副都統 做 莊 開 賭唄 ，都 靜靜 跟住 縮入嚟 中軍 帳 。
韋小寶 話 ：嗱 ，上場 不分 大細 ，有 銀兩 元寶 就 攞嚟 。
英雄 好漢 越 輸 越 笑 ，烏龜 王八 ，贏咗 就 趯 。
噗 ！喺 四粒 骰仔 上面 吹 一啖 氣 ，一手 就 擲落嚟 嘞 。
佢 喺 揚州 個 時候 啊 ，非常之 羨慕 賭場 莊家 嘅 威風 ，噉 做咩 副總管 、副都統 都 唔係 算 乜嘢 ；
今日 統帶 幾千名 兵馬 做莊 大賭 ， 噉 先 係 生平 嘅 最 得意 嘅 事情 。
噉啊 眾 軍官 紛紛 落注 ，有 殺 有 賠 。
賭咗 一陣 ，大家 興起嚟 嘞 賭注 漸漸 大喇 ，噉 逼晒 喺 後便 嘅 軍士 呢 ，亦都 遞 銀 埋嚟 賭 。
侍衞 趙齊賢 同埋 一名 軍隊 嘅 佐領 企 喺 韋小寶 身邊 ，幫 佢 收注 賠錢 。
嗰座 中軍帳 啊 ，直情 係 個 大賭場 噉 。
賭咗 個 幾 時辰 ，賭枱 上 便 已經 有咗 二萬 幾 兩 銀 嘞 。
有啲 輸到 乾晒 塘 嘅 ，就 返去 營房 ，問 啲 唔 賭錢 嘅 同伴 ，借 錢 返嚟 再 翻本 。
話説 韋小寶 一擲 四粒 骰仔 ，四粒 骰仔 都係 紅 嘅 ，通殺 。
噉 大家 好冇癮 啦 有啲 又 鬧 有啲 又 歎氣 。
趙齊賢 正話 想 伸手 去 擸晒 嗰啲 賭注 返嚟 ，點知 韋小寶 話 ：
咪住咪住 ，老子 今日 第一日 帶兵 做莊 ，呢一注 送畀 各位 朋友 ，唔殺 ！
官兵 啊 歡聲 雷動 啊 一齊 話 ：嘿 ！韋都統 真係 英雄 使得 啊 ！
韋小寶 話 ：嗱 ，要 加注 就 加 啦 。
各人 呢 一注 死裏逃生 ， 都 覺得 運氣 極好 ， 就 紛紛 加注 ， 成 枱 都 堆滿 銀 啊 。
忽然間 有 個人 大聲 話 ：押 天門 ！將 一件 西瓜 噉嘅 嘢 押喺 天門 上 便 。
眾人 一 睇 ，當堂 嚇到 傻晒 。
賭枱上 便 原來 係 一個 血肉模糊 嘅 首級 。
嗰個 首級 頭戴 官帽 ，係 一名 御前 侍衞 啊 。
趙齊賢 驚叫 一 聲 話 ：係 葛通 啊 ！
原來 呢個 係 御前侍衞 葛通 嘅 人頭 。
佢 輪值 喺 帳外 巡邏 ，畀 人哋 割咗 個 頭 。
噉啊眾人都驚晒啦 ，擔高頭一睇 ，只見中軍帳口 ，有十幾個身穿藍衫嘅人企響處 ，各人手執長劍 。
眾軍官啊 人人 都 全神貫注 噉 賭錢 邊個 都 唔 知道 呢啲 人 係 幾時 入嚟 嘅 。
噉 眾 軍官 都 冇 帶 兵器 啊 ，一時 唔知 點 好 。
賭枱 前 便 企住 一個 二十五六歲 嘅 青年 ，雙手 空空 佢 話 ：
都統 大人 ， 受 唔 受注 啊 ？
趙齊賢 叫 ：捉起 佢 ！
即刻 就 有 四名 御前侍衞 向住 嗰個 青年 撲過去 。
嗰個人 雙臂 一分 ，揸住 兩個人 心口 ，啪 一聲 ，將 兩個人 頭 對頭 一撞 ，兩個人 當堂 暈咗 。
跟住 白光 閃動 ，兩把 長劍 刺 出去 ，由 另外 兩名 侍衞 背脊 一直 通到 去 前胸 。
噉 兩 名 侍衞 大聲 慘叫 ，跌 喺 地下 死咗 咯 。
使劍嘅 藍衫 人 ，一個 係 中年 漢子 ，另外 一個 係 道人 。
兩個人 同時 拔劍 揮手 雙劍 齊飛 ，噗噗 兩聲 ，都 插喺 賭枱 上 便 。
中年人 話 ：押上門 ！
道人 話 ：押下 門 ！
兩把 長劍 果然 分別 插 喺 上門 同 下門 。
嗰個 青年 左手 一揮 ，四個 藍衫人 衝上嚟 ，四把 長劍 分別 指住 韋小寶 左右 要害 啊 。
趙齊賢 聲 都 震晒 噉 話 ：
你 你 ， 你 哋 係 咩 嘢 人 啊 ？ 咁 ， 咁 大膽 ， 殺官 闖營 ， 你 ， 你 你 ， 你 唔 怕 殺頭 啊 ？
用劍 指住 韋小寶 嗰 四個人 當中 ，有 一個人 咭噉 笑咗 聲 ，佢 話 ：
我哋 唔怕 ，你 怕 唔怕 吖 ？
係 女仔 聲 嚟 ，又 嬌 又 嫩 。
韋小寶 一 睇 ，見 係 個 十五六歲 嘅 小姑娘 ，個 面 圓圓地 ，樣子 生得 好 甜 嘅 ，一雙 大眼 ，漆黑 光亮 ，嘴角 呢 亦 帶住 笑意 。
佢 本來 已經 嚇到 魂不附體 㗎 嘞 ，但係 一見到 個 美麗 女子 ，自然而然 就 勇氣 大增 ，佢 笑住 話 ：
淨係 姑娘 一個人 用 劍 指住 我 ，我 早就 怕 嘞 。
嗰個 少女 長 劍 微 挺 ，劍尖 啊 頂住 韋小寶 膊頭 ，佢 話 ：
你既然話怕 ，點解又笑啊 ？
韋小寶 即時 板住 塊面 佢 話 ：我 最 聽 女人 說話 㗎喇 ，姑娘 話 唔准 笑 ，我 就 唔笑 。
果然 塊面 一啲 笑容 都 冇 。
嗰個 少女 見 佢 裝模作樣 忍唔住 咭聲 又 笑 。
嗰個 帶頭 嘅 青年 冷笑話 ：
哼 ， 睇 嚟 清廷 亦 係 氣數 將盡 ， 派 噉 樣 一個 乳臭未乾 嘅 細路 帶兵 。
喂 ， 兩把 寶劍 一個 人頭 已經 押 咗 咯 噃， 你 點解 仲 唔 擲 骰仔 啊 ？
韋小寶 身邊 有 個 美貌 姑娘 ，又 聽 個 青年 話 要 擲 骰仔 ，驚魂 稍定 佢 就 問 ：
我 輸咗 賠 咩嘢 啊 ？
嗰 個 青年 話 ： 噉 仲 使問 咩 ？ 輸劍 賠劍 ， 輸頭 賠頭 咯 。
佢 估住 韋小寶 實會 求饒 投降 嘅 。
點知道 韋小寶 打交 比武 輸咗 就 投降 啫 ，喺 賭枱 上 就 點都 唔肯 做 衰仔 。
何況 身邊 仲 有 個 靚女 添 呢 ？人生 在世 ，點 能夠 喺 靚女 面前 丟架 啊 ？佢 諗 ：
你哋 四 把 劍 已經 指住 我 嘞 ，如果 要 殺 我 ，輸 又 好 贏 又 好 橫掂 都係 要 殺 嘅 ，何必 輸埋 牙骹 呢 ？
咪即時攞起骰仔佢話 ：好 ，受你 ！輸劍賠劍 ，輸頭賠頭 ，輸咗條褲就除 ！你擲先啦 。
嗰 個 青年 估 唔 到 呢 個 少年 將軍 居然 有 噉 嘅 膽量 ， 噉 成個 窒 咗 一 窒 。
嗰個 中年 漢子 低聲 話 ：大軍 在 外 遲則 有 變 啊 。
要佢 無謂 耽擱 時候 嘞 ，至 怕 二千 名 驍騎兵 一湧而入 ，噉啊 確實 係 唔 容易 對付 嘅 。
嗰個 青年 向 韋小寶 望咗 一眼 ，見 佢 一啲 都 唔怕 ，佢 就 話 ：
我 唔同 你 賭 呢 一場 呢 你 死咗 都 唔服氣 。
接過 骰仔 一擲 ，六點 。
噉嗰個 道人 同 中年 漢子 都 擲咗 ，都係 八點 。
嗱 各位 ，欲知 後事 如何 ，且 聽 下回 分解 。
