前文 再續 啊 書 接 上 一回 啊 。
話 說 洪夫人 問 大家 ， 邊個 係 忠於 教主 嘅 舉手 噉 ， 噉 大家 一齊 高舉 左手 。
韋小寶 見 大家 舉手 嘞 ，佢 亦 舉埋 手 嘞 。
洪夫人 話 ： 好極 喇 ， 原來 人人 忠於 教主 ， 連呢 個 新 嚟 嘅 小弟弟 雖然 唔 係 本 教 嘅 人 ， 居然 亦 忠於 教主 喇 。
韋小寶 個 心話 ：我 忠於 烏龜 王八蛋 。
洪夫人 話 ：大家 都 忠心 ，噉 我哋 呢度 一個 反賊 都 冇 咯 。
恐怕 有 啲 唔對路 啩 ？
我要 認真 查問 下 先 。
眾位 老兄弟 ，只有 暫時 委屈 下 你哋 喇 ，將 佢哋 綁起嚟 。
幾百名 少年男女 齊聲 噉 應 ：係 。
只聽見 一名 魁梧 大漢 叫話 ：咪住 ！
洪夫人 話 ：白龍使 ，你 又 有 咩嘢 高見 啊 ？
高見就冇喇 ，不過 屬下 覺得 唔 公平 唧 。
你 指責 我 處理 事情 唔 公平 啊 ？
屬下 不敢 ， 屬下 跟隨 教主 二十年 ， 凡事 勇往直前 。
我 為 本教 搏命 嘅 時候 ，呢啲 細佬哥 仲 未 出世 。
點解 佢哋 係 對 教主 忠心 ，反而 話 我哋 老兄弟 唔 忠心 啊 ？
哦 ，白龍 使 噉樣 講 即係 同 自己 表功 嘞 。
你 係唔係話 ，如果 冇 你 白龍 使 鐘志靈 ，神龍教 就 冇 今日 呢 ？
神龍教 建教 ，係 教主 一個人 嘅 功勞 ，大家 不過 跟住 佢 老人家 打天下 唧 ，有 咩 功勞 可言 啊 ？不過 。
不過 點啊 ？
不過 我哋 冇 功勞 ，呢啲 十幾歲 嘅 細路 就 更加 冇 功勞 。
我 不過 二十幾歲 咋噃 ，噉 亦 冇 功勞 嘞噃 ？
誒 ，係 ，夫人 亦 冇 功勞 。
創教建業 ，係 教主 佢 老人家 一人 之功 。
既然 大家 都 冇 功勞 ， 殺 咗 你 亦 唔 算 冤枉 吖 係 唔 係 啊 ？
講到 呢處 ，雙眼 閃過 一陣 殺氣 ，但係 佢 塊面 呢 ，表情 仍然 係 嬌媚 萬狀 。
鐘志靈 大叫 ：殺 我 鐘志靈 一個人 ，梗係 唔緊要 啦 。
至怕噉樣 殺害 忠良 ，誅戮 功臣 ，神龍教 嘅 基業 就 會 毀 於 夫人 一人 之 手 嘞 。
洪夫人 話 ：好 ，好 ，哎呀 我 好攰 啊 。
呢幾個字 講得 懶洋洋 ，誰知 竟然 係 下令 殺人 嘅 暗號 。
企喺 鐘志靈 周圍 嗰 七名 白衣 少年 一 聽 ，長劍 同時 刺出去 一齊 刺入 鍾志靈 嘅 身體 。
七把劍 拔 翻出嚟 嘅 時候 ，喺 佢 身上 射出 嗰 七股 血箭 啊 ，瀄 到 七名 白衣 少年 嘅 衫 冚𠾴 唥 都 係 鮮血 。
鐘志靈 叫 ：教主 ，你 誒 ，你 好 忍心 ，好 。
𢴈 喺 地下 死咗 咯 。
七名 少年 行 翻 到 廊下 ，行動 極之 齊整 。
神龍教 嘅 老兄弟 都 知道 白龍 使 鐘志靈 嘅 武功 極高 ，但係 七把劍 一齊 刺到嚟 ，竟然 一啲 抵抗 嘅 能力 都 冇 。
可見 呢 七名 少年 為咗 今日 喺 大廳 刺 呢 一 劍 啊 ，事前 曾經 得到 教主 指點 ，而 自己 呢 ，都 唔知 練過 幾多 時候 先至 咁 熟練 嘅 ，所以 個個 都 心驚 。
洪夫人 打個 喊路 ，左手 輕輕 揞住 個 櫻桃 小口 顯得 嬌慵 到 極 。
洪教主 仍然 係 木木獨獨 ，對於 鐘志靈 被 殺 好似 冇 睇見 噉 。
洪夫人 話 ：青龍使 、黃龍使 ，你哋 兩位 覺得 白龍使 謀叛 造反 係咪 罪有應得 啊 ？
一個 面 尖尖 眼 細細 嘅 老人 躬 聲 噉 話 ：
鐘志靈 反叛 教主 同 夫人 ，處心積慮 由來 已久 ，屬下 非常 痛恨 ，曾經 向 夫人 告發 過 好幾次 。
夫人 總係 話 ，睇在 老兄弟 份上 ，等 佢 有 個 悔改 嘅 機會 啦 噉 。
教主 同 夫人 寬宏大量 ， 只 係 望 佢 改過 自身 唧 ， 點知 呢 個人 惡毒 無比 真 係 罪 不可 赦 啊 。
而家 就 噉樣 將 佢 處死 ，實在 係 萬分 便宜 咗 佢 咯 。
教中 兄弟 ， 冇 個 唔 感激 教主 同 夫人 嘅 恩德 嘅 。
韋小寶 個 心話 ：哼 ，呢個 係 托大腳大王 。
洪夫人 微微 一笑話 ：黃龍 使 都 幾 識 大體 。
青龍使 ，你 誒 以為 點樣 呢 ？
一個 五十零歲 嘅 高瘦 漢子 ，喝 佢 身邊 嗰 八名 青衣 少年 話 ：躝開 ！
教 主 要 殺 我 ，我唔會 自己 逳手 咩 ？
八名 少年 嘅 長劍 向 前 挺起 ，劍尖 啊 掂到 佢 個 衣服 嘞 。
嗰個 漢子 冷笑 幾 聲 ，慢慢 用 手 揦住 自己 胸前 嘅 衣服 ，佢 話 ：
教主 、夫人 ，當年 屬下 同 赤 、白 、黑 、黃 四門 掌門 使 ，係 結義 兄弟 ，決心 為 神龍 救 賣命 ，想唔到 竟然 有 今日 。
夫人 要 殺 許某 並 唔 稀奇 ，奇在 黃龍 使 殷大哥 貪生怕死 ，竟然 講出 呢啲 卑鄙 污糟 嘅 説話 嚟 污衊 自己 嘅 好 兄弟 。
突然間 ，聽見 嗤一聲 ，嗰個 漢子 雙手 向外 一分 ，已經 將 身上 嘅 長袍 撕開 兩邊 。
手臂 一震 嘅 時候 ，兩片 長袍 橫卷 而出 ，就 將 八名 青衣 少年 嘅 長劍 盪開 。
青光閃閃 ，佢 雙手 已經 多咗 兩把 尺半長 嘅 短劍 。
跟住 𠻘𠻘𠻘𠻘 ，八名 青衣 少年 心口 中 劍 ，冚𠾴唥 𢴈 低 喺 地 ，血 流 滿 地 。
八個人 個 屍體 ，就 跌 喺 佢 嘅 身邊 ，圍成 一個 圈 ，排得 十分 齊整 。
呢幾 下 手法 快到 極 啊 ，直情 好似 迅雷 不及 掩耳 啊 。
洪夫人 吃咗 一驚 ，即刻 拍 幾下 手 。
二十幾 名 青衣 少年 挺 劍 攔住 青龍 使 ，跟住 就 沊沊𡃈 將 佢 圍住 。
青龍 使 哈哈大笑 高聲 噉 話 ： 嘿嘿嘿 嘿嘿 ， 夫人 ， 你 教出 嚟 呢 班 細路 ， 水皮 到極 啊 。
教 主要 靠 呢班 僆倞 嚟 建功 克敵 ，未免 有啲 唔係 點得力 啩 ？
七 少年 刺死 鐘志靈 ，洪教主 好似 視而不見 ；
青龍 使 殺死 八 少年 ，佢 似乎 無動於衷 ，一座 佛 噉 坐 喺 椅 處 ，始終 毫不理會 。
洪夫人 睇咗 丈夫 一眼 ，似乎 有啲 慚愧 嘞 ，就 嫣然 一笑 坐翻 低 佢 話 ：
青龍使 ，你 劍法 好 高明 啊 ，今日 。
忽然 聽見 傾鈴 哐唥 ，大廳 裏頭 幾百 名 少年 男女 手上 嘅 長劍 紛紛 跌落 地 。
啲人 好奇怪 啦 ，睇住 啲少年 一個個 噉 癱喺地 嚟 ，跟住 ，啲人 覺得 頭暈眼花 ，全部 企 都 企唔穩 喇 。
功力 稍為 差啲 嘅 ，就 𢴈低 咗 先 ，冇 幾 耐 ，其餘 嘅 人 啊 亦 都 搖搖晃晃 跌倒 嘞 。
話咁快 ，大廳 裏 便 橫七豎八 ，成地 噉 癱滿 人 。
洪夫人 大驚 啊 ： 做 ， 做 ， 做 乜嘢 啊 ？
個身 一軟 ，就 喺 竹椅 𨃩 咗 落地 嘞 。
青龍 使 就 昂然 挺立 。
哼哼哈哈 ，嘿嘿哼哼 ，教主 ，你 殘殺 兄弟 ，想唔到 亦 有 今日 呢 ？
兩把 短劍 一擊 ，哐 一聲 ，踩住 地下 啲 人 ，向住 洪教主 行過去 。
洪教主 話 ：哼 ，噉 亦 未必 。
一手揦住 竹椅 嘅 扶手 ，咵 一聲 ，將 扶手 拗斷 。
青龍使 當堂 變咗 面色 ，退後 兩步 話 ：
教主 ，咁大 一個 神龍教 ，搞到 支離破碎 到底 係 邊個 種落 嘅 禍胎 ，你 老人家 而家 總 應該 明白 嘞 啩 ？
洪教主 突然間 呻咗 一聲 ，喺 椅 上 𨃩咗 落 地 。
青龍 使 歡喜 喇 即刻 衝 上前 ，點知 突然間 拂 一 聲 ，有 件 嘢 帶住 一股 強風 ，對住 心口 飛過嚟 。
青龍 使 右手 短劍 出力 一斬 ，將 嗰件 嘢 斬 做 兩橛 。
原來 嗰件嘢 啊 係 洪教主 喺 竹椅 上面 拗落嚟 嘅 扶手 。
佢 呢 一 擲 嘅 力量 啊 非同小可 啊 ， 一 橛 竹棍 斬斷 咗 咯 ， 但 係 上 半截 去 得 好 猛 ， 噗 一聲 ， 插入 青龍 使 心口 ， 撞斷 咗 五六條 肋骨 ， 一直 插到 入 肺 。
青龍 使 一聲 大叫 ，突然間 就 停止 嘞 。
因為 個 肺 傷咗 ，條 氣 接唔上 啊 ，當堂 啞晒 。
個身 搖咗 兩下 ，揸住 嗰 兩把 短劍 呢 落地 ，分別 插入 兩名 少年 嘅 身上 。
呢 兩 名 少年 四肢 麻痹 逳 都 唔 逳得 ，不過 神智 仲 係 清醒 ，個 口 亦 能夠 講説話 ，短劍 跌落嚟 插 喺 個 身 處 痛到 呀呀聲 。
幾百名 少年男女 見到 教主 大展 神威 ，擊倒咗 青龍使 ，齊聲 歡呼 啊 。
但係 見到 洪教主 右手 撐地 ，掙扎住 要 企翻起身 ，但係 右腳 未 企直 唧 ，膝頭 一 軟 ，就 跌 喺 地下 趢 咗 幾 趢 ，狼狽不堪 啊 。
噉 一 嚟 ， 人人 都 知道 教主 同 自己 一樣 ， 亦 都 已經 中 咗 毒 嘞 ， 周身 麻痹 。
教主 平日 極之 莊嚴 嘅 ，喺 教眾 面前 連 説話 都 唔 講 多句 笑 亦 唔 笑 多 一 聲 ，而家 竟然 間 跌到 咁 丟架 ，梗係 全身 氣力 都 失晒 啦 。
大廳 裏 便 幾百 人 冚𠾴 唥 都 跌倒 喺 地 ，只有 一 個 人 企 喺 處 。
呢個人 身材 本來 好矮 嘅 ，不過 喺 幾百名 瞓 喺 地 嘅 人 當中 ，就 顯得 鶴立雞群 嘞 。
呢個人 ，就係 韋小寶 。
佢 聞到 一陣陣 淡淡 嘅 幽香 ，只 覺得 心曠神怡 全身 暖笠笠 ，嗰啲 舒服法 係 難以 形容 啊 。
而家 見到 啲 人 個個 都 跌咗 喺 地 ，吖 點解 會 噉 嘅 呢 就 完全 唔 知 嘞 。
佢 伸手 去 拉 肥頭陀 佢 問 ：肥尊者 ，大家 做咩嘢 啊 ？
肥頭陀 好奇怪 噉 話 ：你 ，你 ，你冇中毒啊 ？
中毒 ？我 ，我唔知啊 。
佢 出力 扶起 肥頭陀 ，但係 肥頭陀 雙腳 冇力 啊 ，又 試 坐 翻低 。
陸 先生 突然間 問 ：許 大哥 ，你 ，你 ，你 使 嘅 係 咩 毒 啊 ？
嗰個 青龍 使 身體 搖搖岌岌 ，一隻 手 扶住 條 柱 不停 咁 咳 佢 話 ：
可惜 ，哦 ，可惜功敗垂成 ，我 ，我唔中用喇 。
陸先生 話 ： 係 七蟲 軟筋 散 啊 ？ 定 係 ， 千里 銷魂 香 啊 ？ 誒 係 ， 係 ， 係 化 ， 化血腐 骨粉 啊 ？
佢 連氣 講咗 三種 劇毒 藥物 嘅 名稱 ，當 講到 化血腐骨粉 嘅 時候 ，聲音 顫抖 顯得 好 害怕 。
青龍 使 嘅 右肺 受傷 ，咳得 好 厲害 回答 唔出 嘞 。
陸 先生 話 ：韋 公子 點解 冇 中毒 嘅 ？
啊 ， 係 喇 ！ 你 短劍 上面 搽 咗 百花 腹蛇膏 ， 妙計 啊 妙計 啊 。
韋公子 ，請 你 聞一聞 青龍 使 嗰 兩把 短劍 ，係咪 劍上 便 有 一陣 花香 ？
韋小寶 個 心 諗 ：劍 上 有 毒 㗎 ？我 真係 唔 聞 喇 。佢 話 ：
呢 ，就 喺 呢度 都 聞到 好香 啦 。
陸先生 高興 喇 ： 冇 錯 喇 ， 冇 錯 喇 。
呢啲 百花腹蛇膏 遇到 鮮血 ，就 會 好香 嘅 。
本來 係 制煉 香料 嘅 法子 ，平時 聞咗 佢 啊 只有 精神 舒暢 㗎啫 。
不過 ， 不過 我 哋 住 喺 靈蛇 島上 便 ， 人人 都 飲慣 咗 雄黃 藥酒 嚟 到 避 毒蛇 嘅 。
呢浸 香氣 一 碰到 雄黃藥酒 ，就 會 令人 筋骨 酥軟 ，十二 個 時辰 都 唔 解得 嘅 。
許大哥 ，真係 妙計 啊 ！
呢啲 百花腹蛇膏 喺 島 上 本來 係 違禁品 嚟 嘅 ，原來 你 暗中 早就 準備好 喇 ，你 實係 有 三四個月 冇 飲 雄黃藥酒 呢 ？
青龍使 啊 坐喺 地 ，啱啱 坐喺 兩名 少年 身上 ，佢 話 ：
人算 不如 天算 ，到頭來 ，仲係 中咗 洪安通 嘅 毒手 。
幾名 少年 喝 佢 話 ：大膽 ，你 膽敢 叫 教主 嘅 名 。
青龍 使 慢慢 企起身 ，執起 一把 長劍 ，一步一步 噉 向 洪教主 行過去 ，佢 話 ：
洪安通 個 名 唔 叫得 啊 ？
我 殺 到 呢 個 惡賊 之後 ， 誒 ， 仲叫 唔 叫 得 啊 ？
幾百名 少年男女 都 驚叫 起嚟 。
過咗一陣 ，只 聽見 黃龍 使 話 ：
許兄弟 ，你 去 殺咗 洪安通 啦 ，大家 奉 你 為 神龍教 教主 。
大家 快啲 念 ，我哋 奉許 教主 號令 ，忠心 不二 啊 。
大廳 上 沉默咗 一陣 ，有 幾十 個 人 念 喇 ：
我哋 奉許 教主 號令 ，忠心 不二 。
有啲 把聲 呢 就 好 堅決 ，有啲 係 顯得 好 遲疑 ，所以 都 幾 參差不齊 㗎 。
青龍 使 行咗 兩步 就 咳 一聲 ，個 身 岌 幾下 ，佢 受咗 重傷 啊 ，不過 搏命 掙扎 ，點都 要 殺咗 洪 教主 先 。
洪夫人 忽然間 笑起上嚟 佢 話 ：
青龍使 ，你 冇 力 喇 ，你 雙腳 一啲 力 都 冇 喇 ，你 心口 啲 鮮血 湧出嚟 就 快 流 清光 嘞 。
你 唔得 喇 ，坐低 啦 ，你 咁 攰 ，坐下 啦 ，坐低 休息 一陣 。
你 放低 把 長劍 ，等陣 坐 喺 我 身邊 ，等 我 醫 翻好 你 。
冇錯喇 ，坐低 ，放低 把 長劍 。
越講 把聲 就 越顯得 温柔 嬌媚 。
青龍使 又 行咗 幾 步 ，終於 慢慢 坐低 ，嘭 一聲 ，長劍 甩手 落咗 地下 。
黃龍 使 眼見 青龍 使 都 冇 力 企翻 起身 㗎 嘞 ，就 大聲 話 ：
許雪亭 ，你 呢個 奸賊 痴心妄想 ，你 想 做 教主 啊 ？
你 屙 㞘 尿 自己 照 一 照 啦 你 個 衰樣 似 唔 似 吖 ？
赤龍使 無根 道人 喝佢 話 ：殷錦 ，你 呢個 卑鄙無恥 嘅 小人 ，見風 駛里 東 搖西擺 。
我 手腳 一逳得 ，第一個 就 劏咗 你 。
黃龍 使 殷錦話 ： 你 惡 咩 嘢 唧 ？ 我 ， 我 。
佢 仲 想 還口 啊 ，見到 青龍 使 許雪亭 搖搖晃晃 又 想 企 起身 ，嗯 ，睇住 呢場 爭鬥 都 唔知 鹿 死 誰手 ，又 收翻口 。
一時之間 ，幾百人 嘅 眼光 都 注視住 許雪亭 。
洪夫人 話 ：許大哥 ，你 好攰 㗎喇 ，仲係 坐低 罷啦 。
嗱 你 睇 住 我 ， 我唱支 小曲 畀 你 聽 啦 。
你 唞 下 ，好好地 唞 下 ，以後 我 日日 唱 小曲 畀 你 聽 。
你 睇 我 ， 你 睇 我 生得 好 唔 好 睇 啊 ？
許雪亭 話 ： 你 ， 你 ， 你 好好 睇 ， 不過 我 ， 我 ， 我 唔 敢 多 睇 。
講完 ，又 即刻 坐翻 低嘞 ，呢 一次 就 再 唔 企得起身 喇 。
但係 佢 個 心 好 清楚 ：自己 只要 坐低 唔起身 殺唔到 教主 ，而 幾百人 之中 以 教主 嘅 功力 最 深厚 ，身上 中 個 毒 呢 必定 係 佢 解得 最 早 嘅 ，噉 所有 嘅 老兄弟 ，冚𠾴唥 都 要 遭 佢 毒手 。
於是 佢 話 ： 陸 ， 陸先生 ， 我 ， 我 唔 逳 得 嘞 ， 你 想 ， 你 想 ， 想個 法子 啊 。
陸 先生 話 ：韋 公子 ，呢個 教主 非常 狠毒 ，等 陣 佢 身上 中 嘅 毒 消解 咗 ，就 會 將 大家 殺死 ，連 你 都 冇 命 嘅 ，你 快啲 去 殺咗 教主 同 夫人 啦 。
呢幾句説話佢就算唔講 ，韋小寶 都 明白 。
佢 即刻 執起 一把 劍 慢慢 行去 教主 嗰度 。
陸 先生 又 話 ：呢個 洪夫人 係 狐狸精 ，專會 呃 人 ，你 唔好 睇 佢 個 樣 ，唔好 望 佢 雙眼 。
韋小寶 話 ：哦 。
揸住 一把 劍 行咗 幾 步 。
洪夫人 話 ：小兄弟 ，你 話 我 生得 靚唔靚 啊 ？
佢 呢 把 聲 啊 直情 係 銷魂 蝕骨 啊 。
韋小寶 個 心 一 動 ，擰轉 頭 就 想 望 佢 。
肥頭陀 大喝 一聲 ：害人精 ，你 唔 睇得 㗎 ！
韋小寶 一震 ，即刻 眯埋 雙眼 。
洪夫人 話 ：小兄弟 ，你 睇啦 ，向住 我 擘開 雙眼 。
你 睇 下 ， 我 眼珠 裏 便 有 你 嘅 人影 嘅 。
韋小寶 擘 翻開 眼 ，見到 洪夫人 雙 眼睛 裏 便 充滿 笑意 ，嘩 個 心 啊 跳 到 嘭嘭聲 。
即刻 舉起 把 劍 向住 洪教主 行過去 佢 諗 ：
好似 你 噉 嘅 美人 ，我 真係 唔捨得 殺 啊 ，不過 你 嘅 老公 呢 就 非 殺 不可 喇 。
正喺 呢個 時候 有 一把 好 清脆 嘅 聲音 話 ：韋大哥 ，唔好 殺 啊 。
呢把聲音 好熟 ，韋小寶 心頭 一震 ，噉啊 跟住 把聲音 望過去 。
只見 一名 紅衣 少女 瞓 喺 地下 ，秀眉 俊目 ，係 小郡主 沐劍屏 啊 。
佢 大吃一驚 ，點都 想唔到 竟然 會 喺 呢處 同 佢 相遇 嘅 。
至於 佢 着住 赤龍門 少女 嘅 紅衣 ，反而 唔 覺得 點 驚奇 喇 。
連忙 行過去 扶起 佢 ：你 點解 會 喺 呢處 嘅 ？
沐劍屏 唔 回答 佢 嘅 問話 ，只係 話 ：
你 ， 你 ， 你千祈 唔 好 殺 教主 啊 。
韋小寶 奇怪 喇 ： 你入 咗 神龍教 啊 ？ 點 ， 點解 會 噉 嘅 ？
沐劍屏 周身 軟 到 好似 冇 咗 骨頭 噉 ，將 個 頭 挨 喺 佢 膊頭 上 便 ，個 嘴 啊 啱啱 喺 佢 耳仔 邊 ，低聲 話 ：
你 如果 殺 咗 教主 同 夫人 ， 我 就 冇 命 㗎 喇 。
嗰啲 伯爺公 啊 憎死 我哋 ，非 全部 殺晒 我哋 呢班 年輕人 不可 。
我要 佢哋 唔好 害 你 咪得囉 ，佢哋 會 應承 嘅 。
唔 得 㗎 唔 得 㗎 ， 教主 畀 咗 毒藥 我 哋 食 ， 人 哋 係 唔 會解 㗎 。
噉 ， 噉 ， 噉 我 如果 唔 殺 教主 ， 教主 身上 嘅 毒 消失 咗 之後 ， 就 會 殺死 我 㗎 喇 ， 噉 ， 噉 點啊 ？
佢 將 沐劍屏 緊緊 抱住 ，呢句 説話 呢 就 喺 佢 耳邊 講 嘅 。
沐劍屏 話 ： 你 救 咗 教主 同 夫人 ， 佢 哋 仲 點 會 殺 你 呢 ？
韋小寶 諗 冇錯 噃 ，洪夫人 咁 千嬌百媚 ，無論如何 係 殺唔落手 嘅 。
眼前 ，正係 建立 大功 嘅 機會 啊 。
嗱 各位 ，欲知 後事 如何 ，且 聽 下回 分解 。
