前 文 再續 啊 書 接上 一回 啊 。
話説 雙兒 行過去 ，喺 行癲 嘅 背脊 同 小掩 推拿 咗 幾下 ，解開咗 穴道 佢 話 ：真係 對唔住 啊 。
唔緊要 。
行癲 對 行癡 恭恭敬敬 噉 話 ：
師兄 ，呢 兩個 細佬哥 請 我哋 出去 暫時 躲避 下 。
行癡話 ：師父 冇 叫 我哋 離開 清涼寺 。
行癡 把聲 非常之 清朗 。
韋小寶 直到 而家 先至 聽到 佢 嘅 聲音 。
敵人 如果 再次 大舉 嚟 進攻 ，呢 兩 個 細佬哥 抵擋 唔住 㗎 。
境 自 心 生 。
要 講話 兇險 ，天下 處處 都 係 兇險 ，心裏 便 平安 嘞 ，世上 事事 都 平安 。
日頭 你 殺傷 咁 多人 ，罪孽 深重 ，以後 無論 如何 唔好 發火 喇 。
行癲 打個特 ，佢 話 ：師兄 指點 得 好啱 。
擰 轉頭 對 韋小寶 話 ： 師兄 唔 肯出去 ， 你 哋 都 聽見 啦 。
韋小寶話 ：如果 敵人 嚟 捉咗 你 嘅 師兄 ，一刀一刀 噉 將 佢 身上 啲 肉 割咗 落嚟 噉 點啊 ？
人人 都有 死嘅 ，生多 幾年 ，生少 幾年 ，都 冇 咩嘢 分別 。
哦 ，咩嘢 都 冇 分別 啊 ？
噉 啊 死 人生 人 冇 分別 ， 男人 女人 冇 分別 ， 和尚 同 烏龜 亦 冇 分別 咯 噃？
眾生 平等 ，本來 就係 噉嘅 。
韋小寶 個心 諗 ： 唔 怪 得 一個 叫做 行癡 一個 叫做 行癲 啦 ， 果然 係 癡 嘅 癲 嘅 。
要勸佢哋走就唔得㗎嘞 。
如果 將 老皇爺 點 倒夾 硬 挾佢 出去 ，噉 啊 太過 唔恭敬 吖 亦 難免 畀人 睇見 嘅 。
噉 一 時間 束手無策 ，個 心煩咯噃 ，忍唔住 佢 就 話 ：
咩嘢 都 冇 分別 ，噉樣 皇后 同 端敬皇后 亦 都 冇 分別 嘞噃 ，噉 為咩事 要 出家 唧 ？
行癡 突然間 企起身 把聲 都 震晒 佢 問 ：
你 ，你 ，你 講 咩嘢 嘩 ？
韋小寶 一 講出嚟 ，就 即刻 後悔 嘞 ，啪聲 跪低 佢 話 ：
奴才 亂噏 無為 ，老皇爺 唔好 嬲 啊 。
行癡話 ：以前 嘅 事 我 早就 唔記得 喇 ，你 點解 又 用 噉 嘅 稱呼 呢 ？
快啲 請起身 ，我 有 説話 問 你 。
係 。
韋小寶 企 起身 個 心 諗 ：
你 畀 我 激到 開口 講説話 喇 ，總算 有 啲 眉目 。
行癡 問 ：兩位 皇后 個 事 ，你 喺 邊處 聽 翻 嚟 㗎 ？
韋小寶 話 ：係 聽 海大富 同 皇太后 講 嘅 。
你 識 海大富 咩 ？佢 點 啊 ？
佢 畀 皇太后 殺咗 喇 。
吓 ？佢 死咗 啊 ？
皇太后 用 化骨綿掌 殺死 佢 㗎 。
皇太后 點解 會 ， 會 武功 嘅 咩 ？ 你點 知道 啊 ？
海大富 同 皇太后 喺 慈寧宮 花園 裏 便 打鬥 ，我 親眼 睇見 嘅 。
你 係 咩嘢 人 啊 ？
奴才 係 御 前 侍 衞 副 總管 韋小寶 ， 係 當今 皇上 親自 封 嘅 ， 有 御 札 喺 度 。
韋小寶 講完 ，將 康熙 嘅 御札 攞 出嚟 呈畀 行癡 。
行癡 定咗 一陣 冇 去 接 。
行癲話 ：呢度 從來 冇 燈火 嘅 。
行癡 歎咗 口氣 佢 問 ：小皇帝 身體 好唔好 啊 ？
佢 ， 佢 做 咗 皇帝 快 唔 快活 呢 ？
韋小寶 話 ：小皇帝 知道 老皇爺 健在 ，恨不得 插翼 飛上嚟 五台山 喇 。
佢 喺 宮 裏頭 又 喊 又 叫 又 悲傷 又 歡喜 ，點 都 話 要 即刻 上 山 。
收尾 ，收尾怕 耽誤咗 朝廷 大事 ，就 派 奴才 先 嚟 向 老皇爺 請安 。
等 奴才 回奏 之後 ，小皇帝 就 要 親自 嚟 喇 。
佢 ，佢唔使嚟喇 。
佢 係 個 好 皇帝 ，首先 想到 朝廷 大事 ，就 唔似 我 。
講到 呢處 ，行癡 把聲 已經 哽噎 嘞 。
喺 黑暗 之中 ，只 聽見 佢 嘅 眼淚 一 滴滴 跌落 衣襟 嘅 聲音 。
雙兒 聽 佢 流露 父子 嘅 親情 ，個 心 一酸 ，亦 流出 眼淚 。
韋小寶 個 心 諗 ：良機 勿失 喇 ，老皇爺 而家 心情 激動 勸 佢 係 最 啱 㗎 喇 。
佢 就 話 ：海大富 乜嘢 都 查得 清清楚楚 喇 。
皇太后 先 不 先呢 害死 榮親皇 ，又 害死 端敬皇后 ，再 害死 端敬皇后 個 妹 貞妃 ，噉 收尾 呢 ，又 害死 咗 小皇帝 嘅 媽媽 。
海大富 啊 乜嘢 都 查明白 喇 。
皇太后 知道 秘密 已經 洩漏咗 ，就 親手 打死咗 海大富 ，又 派咗 大批 人手 ，要 上 五台山 嚟 謀害 老皇爺 啊 。
榮親王 、端敬皇后 、貞妃 三個人 係 畀 武功好手 害死 嘅 。
海大富 呢 早就 已經 查清查楚 ，稟告 畀 行癡 聽 ，因此 呢 就 回宮 偵查 兇手 。
但係 行癡 點 都 唔 信 會 係 皇后 自己 下手 嘅 ，佢 話 ：皇后 係 唔 識 武功 嘅 。
韋小寶 話 ：嗰 晚 皇太后 同 海大富 講 嘅 説話 ，老皇爺 聽 咗 之後 就 知道 喇 。
於是 一一二二 轉述 嗰晚 兩個人 對答 個 説話 。
韋小寶 伶牙俐齒 ，講得 雖然 係 快 啊 ，不過 係 清清楚楚 嘅 。
行癡 本來 係 個 至性至情 嘅 人 ，皆因 對 董鄂妃 一往情深 ，噉 先至 喺 佢 逝世 之後 連 皇帝 都 唔 做 喇 ，走嚟 出家 做 和尚 。
雖然 係 參禪 咗 幾年 啊 ，但係 董鄂妃 個 樣 喺 佢 心 裏 便 啊 非常之 深刻 。
一聽 韋小寶 提起咗 就 咩 禪理 佛法 ，霎時之間 都 拋到去 九霄雲外 。
韋小寶 又 話 ：皇太后 呢個 老 ，誒 佢 一不做二不休 ，害咗 你 老皇爺 之後 呢 ，想 害死 小皇帝 。
佢 仲要 去 挖 端敬皇后 個 墳 ，又 要 下 詔 天下 ，要 燒晒 端敬皇后 嘅 語錄 。
話語錄 裏 便 嘅 説話 冚𠾴 唥 都係 放屁 喎 ，邊一家 收藏 一本 呢 都 要 抄家 去 殺頭 啊 。
呢幾句説話 係 韋小寶 捏造 出嚟 嘅 ，不過 啱啱 觸動 行癡心 裏 便 嘅 創傷 。
佢 嬲 起上嚟 ，出力 一拍 隻 大髀 大聲 噉 話 ：
呢 個 賤人 ， 我 ， 我 早就 應該 將 佢 廢 咗 咯 ， 因為 一時 阻滯 ， 結果 搞 成 大禍 。
順治 當年 一心 要 廢咗 皇后 ，立 董鄂妃 做 皇后 嘅 ，因為 皇太后 竭力 阻止 噉 先至 停咗 落嚟 唧 。
董鄂妃 如果 唔死 ，皇后 個位 遲早 係 佢 嘅 。
韋小寶 話 ： 老皇爺 ， 你 看破 世情 死 唔 死 都 冇 所謂 ， 小 皇帝 就 唔 死 得 ， 端 敬皇后 個 墳 唔 挖 得 ， 端 敬皇后 嘅 語錄 唔 燒得 㗎 。
行癡話 ：冇錯 ，你 講得 好啱 。
韋小寶話 ：所以 我哋 需要 出去 匿埋 ，免致 畀 皇太后 害死 啊 。
皇太后 嘅 手段 呢 ，係 第一步 殺 你 ，第二步 害 小皇帝 ，第三步 就 挖墳 燒 語錄 。
只要 佢 第一步 做唔成 ，第二步 、第三步 棋 呢 就 唔敢 行 㗎喇 。
順治 七歲 登基 ，廿四歲 出家 ，而 家 呢 不過 係 三十 零 歲 。
佢 本來 脾氣 急躁 ，容易 發火 ，講到 頭腦 清楚 呢 ，康熙 雖然 小小年紀 啊 ，比起 父親 啊 叻過 十倍 都 唔止 。
因此 沐王府 嘅 人 想 嫁禍 吳三桂 ，詭計 即刻 畀 康熙 識穿 嘞 。
而 韋小寶 半真半假 捏造 咗 咁多 説話 ，行癡 就 全部 信以為真 。
皇太后 要 行 呢 三步棋 ，雖然 ，係 韋小寶 捏造 出嚟 嘅 ，不過 佢 係 市井 之 徒 ，諗法 同 陰毒 女人 亦 差唔多 。
行癡大聲話 ：好彩得 你 點破唧 ，否則 真係 會壞咗 大事 。
師弟 ，我哋 快啲 出去 啦 。
係 。
行癲 右手 攞起 支 金杵 ，左手 就 推開 道板門 。
板門 一 開 ，只見 門口 有 個人 企 喺 處 。
黑麻麻 行癲 睇唔見 佢 嘅 樣 ，就 喝 佢 話 ：邊個 ？講完 舉起 支 金杵 。
嗰個人 話 ：你哋 要 去 邊處 啊 ？
行癲 吃咗 一驚 ，拋咗 金杵 雙手 合十 ：師父 。
行癡亦叫咗聲 ：師父 。
原來 呢個 人 係 玉林 和尚 啊 。
佢 話 ：你哋 講 嘅 嘢 我 都 聽到 咯 。
韋小寶 個 心話 ：死喇 死喇 ，佢 嚟 就 弊 傢伙 喇 。
玉林話 ：世間 冤業 ，須 當化解 ，一味 躲避 ，終 是 不了 。
既有 此因 ， 便 有 此果 ， 業既 隨身 ， 終身 是業 。
行癡 跪低 趴住 喺 地 嚟 佢 話 ：師父 教訓 得啱 ，弟子 明白 喇 。
怕 未必 噉 就 明白 嘅 。
你 以前 嘅 妻子 要 搵 你 ，就 由得 佢 嚟 搵 。
我佛慈悲 ，普度眾生 ，佢 怨 你 、恨 你 ，要 殺 你 至 甘心 。
你 反躬自省 ，總有 令 佢 怨 、令 佢 恨 ，使 佢 決心 殺 你 嘅 因 。
你 避開 佢 ，業因 仍舊 喺 處 ，如果 派 人 殺咗 佢 ，罪業 就 更加 深重 喇 。
係 。
韋小寶 喺 個 肚處 啊 猛 咁 鬧 啊 ：
死 啦 你 個 老 賊禿 ！ 我要 鬧 你 打 你 殺 你 ， 你 畀 唔 畀 我 打 ， 畀 唔 畀 我 鬧 ， 畀 唔 畀 我 割 咗 你 嘅 光頭 吖 ？
只聽見 玉林 繼續 話 ：
至於 西藏 喇嘛 要 捉 你 去 ，係 想要 你 做人質 ，挾制 當今 皇帝 ，橫行不法 ，虐害 百姓 。
呢啲 係 佢哋 做惡業 ，我哋 唔能夠 任由 佢哋 胡作非為 嘅 。
呢處 係 唔能夠 住 喇 ，你哋 跟 我 去 後 便 間 廟仔 啦 。
講完 ，佢 轉身 行 出去 。
行癡 、行癲 就 跟住 行 。
韋小寶 諗 ：小皇帝 雖然 賞咗 件 黃馬褂 畀 我 ，不過 我 一日 都 未曾 着過 。
呢件事 辦 唔妥 返到 北京 對 小皇帝 冇得 交代 ，噉 佢 嬲 起上嚟 ，一下 反悔 ，黃馬褂 就 唔 賞 畀 我 喇 。
唔得 ！我 都 要 跟埋 去 睇 下 先 。
噉 韋小寶 同 雙兒 兩個人 就 一路 跟住 佢哋 去到 玉林 坐禪 嘅 廟仔 裏 便 。
玉林 對 韋小寶 同 雙兒 兩個 都 好似 冇 睇見 噉 理 都 唔 理 ，就 喺 蒲團 上面 盤膝 坐落 。
行癡 喺 佢 身邊 嘅 蒲團 上面 坐低 。
行癲 就 東張西望 咗 一陣間 ，就 坐 喺 行癡 嘅 旁邊 。
玉林 同行 癡 雙手 合十 眯埋 對眼 ，逳 都 唔 逳 。
行癲就擘大雙眼 ，睩嚟睩去 ，終於亦眯埋眼嘞 。
兩隻手 撳住 膝頭哥 ，過咗 一陣間 ，又 伸手 去 摸下 蒲團 旁邊 嘅 金杵 ，慌怕 佢 失咗 。
韋小寶 對住 雙兒 扮 個 鬼臉 ，裝模作樣 噉 喺 蒲團 上面 坐低 。
噉 雙兒 呢 坐 喺 佢 旁邊 。
坐咗 大半個 時辰 ，突然間 ，聽到 遠處 有 好多人 嘅 腳步聲 ，越嚟越 響 就 越響越 近 。
有 一 大班人 走去 清涼寺 啊 。
行癲 一手 攞 條 金杵 ，擘開 雙眼 。
不過 佢 見到 玉林 同行 癡 坐 喺 處 唔 逳 ，遲疑 咗 一陣 就 放低 金杵 ，又 眯 翻 埋 眼 。
只聽見 呢班人 衝入去 清涼寺 ，嘈喧 巴閉 。
韋小寶 諗 ：佢哋 喺 清涼寺 搵 唔到 老皇爺 你 慌 唔會 嚟 搵到 呢處 啊 ？
睇下 你 呢個 老賊 禿 ，點樣 抵擋 至得 。
果然間 ，又 隔咗 約莫 半個 時辰 啦 ，嗰 一大班 人 走嚟 後山 嘞 。
嚟到 廟仔 外便 ，有人 大聲 噉 叫 ：入去 搜查 ！
行癲啪聲企起身 ，攞起 支 金杵 ，擋住 喺 禪房 門口 。
韋小寶 行去 窗口 望出去 ，月光 之下 見到 密 枳枳 逼滿 晒 人 ，捩轉頭 睇下 玉林 同行 癡 ，兩個人 仍然 坐 喺 處 唔逳 。
雙兒 細細聲噉 問 ：點算啊 ？
韋小寶話 ：等陣 呢啲人 衝入嚟 ，我哋 救咗 老皇爺 喺 後門 出去 啦 。
誒 如果 半路 失散咗 ，我哋 喺 靈境寺 等啦 。
哦 ，就怕 我 抱唔起 ，抱唔起 老皇爺 唧 。
抱唔起 就 拖 都 要 拖佢 走 㗎喇 。
忽然間 ，外面 班人 大聲 咁 喝 ：
咩嘢 人 喺度 亂撞 啊 ？捉起 佢哋 ，唔好 畀 佢哋 入去 啊 ！
豈有此理捉起嚟 ！
只見 人影 一閃 ，喺 門口 入嚟 兩個 人 ，喺 行癲 身邊 掠過 ，對住 玉林 合十 躬身 ，就 盤膝 坐 喺 地下 。
竟然 係 兩名 身穿 灰衣 嘅 和尚 。
禪房 房門 啊 本來 好 窄 嘅 ，行癲 啊 身材 粗大 ，頂住 門口 企 響 處 ，身邊 已經 冇 空隙 嘞 。
但係 呢 兩名 和尚 呢 容 容易易 噉 就 入咗嚟 嘞 。
似乎 連 行癲 嘅 衣服 都 冇 掂到 ，真係 唔知 佢哋 點樣 入嚟 嘅 。
外便 又 響起 呼喝聲 嘞 ：又 有人 嚟 喇 ，攔住 佢 ，捉起嚟 ！
點知 聽見 乒乓 嘣蹦 ，有人 飛咗 出去 𢴈 喺 地下 。
而 禪房 裏 便 又 入嚟 兩名 和尚 ，一言不發 ，坐 喺 先頭 入嚟 嗰 兩個 和尚 嘅 下首 便 。
係噉樣 ，一對對 和尚 不斷 噉 陸續 入嚟 。
韋小寶 諗 ：都唔知 仲有 幾多 和尚 要 嚟 噃 ，再嚟 幾對 ，禪房 就 冇 空地 可以 坐 嘞 。
但 嚟到 第九 對 之後 就 冇 人 嚟 喇 。
喺 九對 裏 便 有 一個 人 ，竟然 係 清涼寺 嘅 方丈 澄光 。
韋小寶 又 奇怪 又 欣慰 佢 諗 ：
呢 十七個 和尚 嘅 武功 ， 如果 都 同 澄光 差 唔 多 嘅 ， 敵人 再 多 啲 都 唔 怕 喇 。
噉外便啲 敵人 呢 一樣 噓巴嘈閉 ，不過 邊個 都 唔敢 衝 門 。
過咗一陣 ，聽見 有 把 蒼老 個 聲音 話 ：
少林寺 係 要 同 清涼寺 出頭 ，將 啲 事情 揦埋 落 自己 處 係嘛 ？
禪房 裏 便 大家 都 唔 答 佢 。
隔咗一陣 ，外便 嗰個 老人 話 ：
好 ，今日 就 畀面 過 少林寺 十八 羅漢 啦 ，我哋 走 。
聽住 外便 呼喊 嘅 聲音 此起彼伏 ，啲 人 都 退走 晒 嘞 。
韋小寶 睇下 嗰 十八 名 僧人 ，年紀 老 嘅 已經 六七十 歲 嘞 ，年輕 嘅 呢 不過 三十 歲 左右 ，有 高 有 矮 有 靚 有 醜 。
僧袍 裏 便 有 啲 突出件 嘢 ，似乎 係 帶住 兵器 嘅 。
個心諗 ：佢哋 係 少林寺 十八羅漢 ，噉 啊澄光方丈 亦 係 十八羅漢 之一 嘞 。
玉林 老賊 禿 有恃無恐 ，原來 你 早就 約咗 厲害 嘅 幫手 嚟 保駕 。
呢啲 和尚 喺 呢處 坐禪 入定 都 唔知 搞到 幾時 嘅 ，老子 就 無謂 同 佢哋 嘥 時間 嘞 ，坐下 坐下 ，等下 韋小寶 就 坐到 變成 韋老寶 添 。
於是 企 起身 行 到 行癡 面前 跪低 話 ：
大和尚 ，有 少林寺 十八 羅漢 保駕 ，你 大和尚 係 穩如泰山 㗎喇 。
我 而家 就 翻扯 喇 ，你 老人家 有 咩 吩咐 冇 啊 ？
行癡擘開眼微微一笑話 ：辛苦晒你喇 。
返去 同 你 主子 講 ，唔使 上 五台山 嚟 騷擾 我 修行 。
就算 嚟咗 我 亦 一定 唔見 佢 嘅 。
你 同 佢 講 ，要 天下 太平 ，永不 加 賦 四個 字 ，務必要 緊緊噉 記住 。
佢 能夠 做到 呢 四個 字 ，就係 對 我 好 ，我個 心 就 歡喜 嘞 。
係 。
行癡 喺 身邊 攞咗 個 細細 嘅 包裹 出嚟 ，佢 話 ：
呢一部 經書 ，攞翻去 交畀 你 嘅 主子 。
同佢 話 天下事 必須 順其自然 ，不可 強求 。
能夠 同 中原 百姓 造福 噉 就 最好 啦 。
如果 天下 百姓 都 要 我哋 走嘅 ，噉 我哋 喺 邊處 嚟 嘅 ，就 返去 邊處 啦 。
講完 ，喺 個 包處 輕輕噉 拍咗 一拍 。
韋小寶 記起 陶紅英 嘅 説話 ，佢 諗 ：莫非 又係 一部 四十二章經 ？
見行癡 將 個 包 遞過嚟 ，就 雙手 接咗 。
行癡 隔咗 一陣 就 話 ：你 去啦 。
係 。
韋小寶 叩咗 個 頭 。
行癡話 ：唔敢當 ，施主 請起 。
你 返去 同 你 主子 講 ，佢 母親 就算 更唔啱 ，終歸 係 母親 ，唔好 失咗 禮數 ，亦 唔好 有 怨恨 佢 嘅 心 啊 。
係 。
但係 韋小寶 個 心 諗 ：呢句 説話 我 真係 唔同 你 傳 喇 。
行癡又話 ：要 你 主子 一切 小心 啊 。
係 。
韋小寶 見 行癡 冇 嘢 講 嘞 ，就 同埋 雙兒 走 。
韋小寶 返到 靈境寺 ，閂埋 房門 打開 個 包 ，果然 係 一部 四十二章經 ，不過 封面 呢 係 用 黃綢 做 嘅 。
佢仔細諗下 行癡 嘅 説話 ，同 陶紅英 所 講 嘅 有 啲 吻合 。
行癡話 ，如果 天下 百姓 都 要 我哋 走 ，噉 我哋 就 喺 邊處 嚟 嘅 就 返去 邊處 啦 噉 。
滿洲人 喺 關外 入到嚟 中原 ，噉 要 返去 嘅話 梗係 返去 關外 嘞 。
行癡 喺 呢個 包 上面 拍一拍 ，即係話 滿洲人 返到去 關外 呢 ，可以 依靠 呢個 包 過日子 。
係喇 ，老皇爺 叫 我 將 經書 交畀 小玄子 ，我 交 定 唔 交 呢 ？
喺 我 手 已經 有 五部 經書 ，再 加埋 呢 一部 總 有 六部 嘞噃 ，噉 八部 就 爭 兩部 唧 。
如果 交咗 畀 小玄子 ，怕 就 有 五部 經書 亦 係 冇用 㗎 噃 。
好在 佢 話 就算 係 小玄子 上 五台山 佢 都 唔見 ，噉 就 死 無 對證 喇 。
呢啲 係 送到 上門 嘅 好嘢 ，如果 唔吞咗佢 就 對唔住 韋家 祖宗 嘞 。
但 係 諗 到 小 皇帝 對 自己 十分 信任 ， 吞 咗 佢 嘅 嘢 未免 對 唔 住 朋友 ， 對 唔 住 朋友 就 唔 係 英雄好漢 嘞 。
橫掂 呢啲 經書 自己 都 睇唔懂 嘅 ，嘿 ，仲係 返去 交畀 好朋友 啦 。
噉 第二 朝早 韋小寶 帶埋 雙兒 、于八 等 一班 人 落山 。
呢次 嚟 五台山 見到 老皇爺 ，不負 康熙 所託 ，半路 呢 仲 得到 雙兒 噉樣 一個 美貌 温柔 、武功 高強 嘅 小丫鬟 ，個 心 啊 好 高興 。
行咗 十幾里 ，見到 有 個 頭陀 打 對面 行緊 嚟 。
呢個 頭陀 身材 高到 極 ，同 嗰個 莽 和尚 行 癲 呢 真係 難分 上下 ，不過 呢 瘦到 出奇 。
澄光方丈 已經 極之 瘦 啦 ，呢個 頭陀 啊 ，仲 瘦過 佢 成 半 。
塊面 係 皮包骨 ，雙眼 係 深深 噉 凹咗入去 ，直情 好似 僵尸 一樣 。
呢個 頭陀 怕 要 四個 夾埋 一個 呢 ，就 同行 癲 差唔多 嘞 。
佢 長髮 垂肩 ，喺 頭殼 用 一個 銅箍 啊 束住 啲 頭髮 ，身上 着 一件 布袍 啷下啷下 ，就 好似 掛 喺 衣架 上面 一樣 。
韋小寶 見到 佢 噉嘅 樣 ，個 心 有啲 怕 喇 ，唔敢 睇 咁多 ，就 擰轉 頭 閃埋 喺 路邊 讓 佢 過 。
誰知 嗰個 頭陀 行到 佢 前面 就 停住 腳步 ，問 佢 話 ：
你 係 唔係 喺 清涼寺 嚟 㗎 ？
韋小寶 話 ：唔係 我哋 喺 靈境寺 嚟 嘅 。
嗰個 頭陀 左手 一 伸 就 撳住 佢 左膊 ，將 個 身 一拗 ，同 佢 正面 對住 。
你 係 唔 係 皇宮 裏 便 嘅 太監 小桂子 啊 ？
呢隻 大手 喺 膊頭 一撳 ，韋小寶 當堂 全身 軟晒 逳 都 唔 逳得 。
嗱 各位 ，欲知 後事 如何 ，且 聽 下回 分解 。
