前 文 再續 啊 書 接上 一回 啊 。
話説 澄光大師 右胸 就 中咗 皇甫閣 一招 ，突然間 ，兩名 喇嘛 揮刀 貼地 趢過嚟 ，斬 佢 雙腳 。
澄光 舉腳 就 踢 嘞噃 ，但係 心口 痛 到 佢 不得了 ，眼前 都 黑晒 ，呢一腳 呢 踢到 半路 就 踢唔出去 嘞 。
迷迷懵懵之間 ，左掌 向下 一掃 ，啱啱 掃中 兩名 喇嘛 嘅 頭頂 ，兩個人 就 當堂 暈咗 。
巴顏 喝罵 一聲 ：死 禿驢 吖 ！
雙手 一伸 ，十隻 手指 都 揦 正 澄光 左腳 。
澄光 點 都 支持 唔住 喇 成個 𢴈 低 喺 地 。
皇甫閣 連氣 幾指 啊 ，點咗 澄光 嘅 穴道 。
巴顏 哈哈大笑 ，右腳 向住 木門 就 踢 ，喀喇 一聲 ，嗰道 門 啊 飛咗 入去 裏便 。
巴顏 笑住 話 ：快啲 出嚟 啦 ，等 大家 睇下 係 點樣 嘅 。
僧房 裏 便 黑麻麻 ，靜寂 無聲 。
巴顏話 ：同我 揪佢 出嚟 ！
兩名 喇嘛 一齊 應咗 就 衝入去 嘞 。
突然間 ，門口 金光 一閃 ，喺 僧房 裏 便 伸出 一條 黃金 大杵 ，㩧㩧 兩聲 ，打 喺 兩名 喇嘛 嘅 頭殼 上 便 。
黃金杵 呢 即刻 縮翻 入去 ，噉 嗰 兩 名 喇嘛 啞 都 唔 啞 ，腦漿 迸裂 就 死 喺 門口 。
黃金杵 呢 係 一 種 兵器 嚟 。
哎呀 呢 下 變故 啊 真 係 出人意料 之外 啊 。
巴顏 大聲 噉 鬧 。
又 有 三 名 喇嘛 對住 道門 衝入去 。
呢次 三個人 呢 都有咗 準備 嘞 ，入去 嘅 時候 ，舞動 鋼刀 保護住 頭頂 。
第一名 喇嘛 啱啱 入門口 唧 ，嗰條 黃金 杵 啊 㩧 落嚟 ，就 連埋 把 刀 一齊 打中 嗰個 喇嘛 頭頂 。
第二名 喇嘛 呢 用盡 全力 舉起 把 刀 嚟 想 頂住 金杵 啦 ，但係 金杵 㩧 落嚟 嘅 時候 似乎 有 千斤 咁 重 ，鋼刀 一啲 都 擋唔住 ，㩧 一聲 又 打到 頭骨 碎裂 。
第三名喇嘛 就 嚇到 面如土色 ，鋼刀 都 跌咗 落地 啊 ，趯 翻翻轉頭 。
巴顏 就 破口大罵 ，不過 呢 亦都 唔敢 親自 攻門 。
皇甫閣 就 話 ：上屋頂 ，揭 啲 瓦 打佢 ！
即刻 有 四名 漢子 啊 跳 上 屋頂 ，揭 咗 啲 瓦 ，喺 空 嘅 地方 啊 掟 入 屋 。
皇甫閣 又 話 ：將 啲 石頭 拋 入去 ！
噉佢 手下 啲 人 呢 ，就 即刻 執起 地下 啲 石頭 ，喺 門口 拋 入去 嘞 。
喺 門口 拋入去 嘅 石頭 啊 ，大 部分 畀 屋裏 便 嗰個 人 用 金杵 打翻 出嚟 。
不過 喺 屋頂 掟落去 嘅 瓦 呢 ，就 一件件 跌晒 落去 。
噉樣 一嚟 ，屋裏 便 嘅 人 係 武功 再 高 想 留 喺 處 呢 亦 冇 法子 嘞 。
忽然之間 ，聽見 一聲 怒哮 ，一個 肥大 和尚 啊 左手 拖住 一個 僧人 ，右手 舞住 條 金杵 大 踏步 行出嚟 。
呢個 莽和尚 比 一般人 呢 至少 都 高 個 半頭 ，威風凜凜 ，好似 天神 一樣 啊 。
佢 大聲 噉 喝 ：你哋 嫌 命 長 啊 ！
只見佢 紫醬色 面口 ，一堆 亂草 噉嘅 短鬚 ，僧衣 破爛 ，膊闊 腰粗 手大 腳大 啊 。
皇甫閣 、巴顏 等人 見到 佢 噉嘅 威勢 ，都 不由自主 倒褪 幾步 。
巴顏話 ：呢個 賊 禿 一個人 啫 嘛 ，怕 佢 咩嘢 啊 ？大家 一齊 上 ！
皇甫閣話 ：大家 要 小心 啊 ，唔好 傷害 佢 身邊 嗰個 和尚 啊 。
啲人 睇 下 嗰個 和尚 ，只見 佢 三十零歲 啦 ，身高 體瘦 豐神俊朗 ，但係 耷低 雙眼 ，對 周圍 嘅 情勢 竟然 係 唔 睇 一眼 。
韋小寶 個 心 突然間 一 跳 嘞 佢 諗 ：
呢 個人 一定 係 小 皇帝 嘅 爸爸 嘞 ， 不過 相貌 唔 係 點似 樣 嘅 ， 佢 好 睇 過 小 皇帝 好多 啊 。
吖 原來 佢 咁 後生 㗎 咋 。
就喺呢個時候 ，十幾名 喇嘛 一齊 進攻 莽和尚 。
嗰個 莽和尚 啊 揮動 金杵 ，跟住 就 㩧㩧聲 喇 ，每 㩧 一 聲 ，就 有 一名 喇嘛 畀 條 杵 打中 跌 喺 地 死咗 。
皇甫閣 左手 喺 條 腰處 攞 咗 條 軟鞭 出嚟 ，巴顏啊 叫 手下 喇嘛 攞 兵器 嚟 ，乃係 一對 短柄 鐵錘 。
兩個人 一左一右 夾攻 莽和尚 。
皇甫閣 軟鞭 一抖 ，鞭尾 啊 打橫 一掃 ，啡 一聲 ，喺 莽和尚 條 頸 處 鞭咗 一下 。
嗰個 和尚 哇哇聲 大叫 ，一杵 打過 巴顏 嗰度 。
噉啊巴顏舉起雙錘硬擋 ，噹一聲 ，手臂酸麻 ，雙錘當堂甩手 。
同時 嗰個 和尚 呢 又 畀 軟鞭 打 中 膊頭 嘞 。
大家 都 睇 得出 嚟 ， 原來 呢 個 和尚 不過 係 氣力 大唧 ， 武功 又 平平 而已 啊 。
一名 喇嘛 逼埋 去 ，捉住 嗰個 中年 和尚 嘅 左手 。
嗰個 和尚 只係 哼咗 一 聲 ，並 冇 掙扎 。
韋小寶 細細聲 對 雙兒 話 ：保護 嗰個 和尚 。
哦 。
雙兒 一個 箭步 衝上前 ，用 手 指向住 嗰個 喇嘛 條 腰 點落去 ，嗰個 喇嘛 應聲 而 倒 。
雙兒 一 轉身 ，用 手 指向 皇甫閣 塊 面 上 虛 點 。
噉 皇甫閣 向 右 便 閃開 ，佢 反手 一 指 ，就 點中 咗 巴顏 嘅 心口 。
巴顏 噼啪 一 聲 ，仰面 朝天 跌倒 喺 地 嘞 。
雙兒 東 一 轉 西 一 轉 ，手指 一 點 ，噉 啊 巴顏 同 皇甫閣 帶嚟 嗰 十幾個 人 啊 紛紛 跌倒 。
心溪 話 ： 喂 ， 喂 ， 細路 ， 誒 誒 小 施主 。
雙兒 笑住 話 ：喂 ，喂 ，老和尚 。一手 指點 中心 溪 條 腰 。
皇甫閣 啊 舞動 軟鞭 ，保護住 前後左右 ，條 鞭 啊 呼呼聲 咁 響 ，直情 水 潑 唔 入 啊 。
雙兒 呢 喺 鞭圈 外 便 盤旋 遊走 。
皇甫閣 個 軟鞭 越 使 越快 ，有 幾次 係 爭啲 要 打到 雙兒 㗎 喇 ，都 畀 佢 避開 咗 。
皇甫閣 話 ：僆仔 好嘢 啊 你 。
一使力 ，條 軟鞭 好似 長槍 噉 啊 ，筆直 向住 雙兒 心口 刺過去 。
雙兒 向前 猛撲 ，用 手指 直點 皇甫閣 個 小腹 。
皇甫閣 左 掌 豎起來 ，擋住 佢 點過嚟 嗰隻 手指 ，跟住 軟鞭 嘅 鞭尾 突然間 回頭 ，猛 點 雙兒 嘅 背心 。
雙兒 即刻 喺 地下 一 轆轆 開 ， 情形 都 幾 狼狽 㗎 。
韋小寶 睇 見 雙兒 會輸個 心好 急 ， 噉 啊 想 喺 地下 揦 紮 泥沙 去 糝 皇甫閣 雙眼 啦 ， 不過 地下 掃得 乾乾淨淨 ， 冇 泥沙 好 揦 啊 。
雙兒 仲 未 企起身 唧 ，皇甫閣 條 軟鞭 已經 對住 佢 身 擊落去 嘞 。
韋小寶 大聲 叫話 ，唔好 打 唔好打 ！
嗰個 莽和尚 啊 揮動 金杵 ，急急 上前 嚟 救 雙兒 。
驀然間 ，雙兒 右手 執住 軟鞭 嘅 鞭尾 ，皇甫閣 啊 出力 向上 捹 ，將 佢 成個人 捹 向 半空 。
韋小寶 扲 下個 袋 ，亦 唔理 扲到 啲 咩 嘢 喇 ，一扲 出嚟 唧 就 向住 皇甫閣 塊 面 𢴈 過去 。
只見 白紙 飛舞 ，幾十張 紙 遮住 皇甫閣 雙眼 。
皇甫閣 啊 連忙 用 手 撥開 啲 紙 啦 ，噉 右手 嘅 力 呢 即刻 就 冇咗 咯 。
呢個 時候 ，莽和尚 條 金杵 已經 打到 嚟 頭頂 。
皇甫閣 大驚 啊 ，都 冇得 諗喇 ，一下 𠱂咗 喺 地 避開 條 金杵 。
雙兒 個 身 喺 半空中 ，人 都 未 落地 唧 ，右腳 就 踢 出去 ，踢正 皇甫閣 嘅 太陽穴 。
佢 哎吖 一 聲 ，成個 瞓 喺 地 。
跟住 嘭 一聲 ，火星 四濺 ，黃金杵 打落 地下 ，離開 佢 頭殼 啊 不過 半尺 唧 。
雙兒 右腳 落地 ，跟住 將 軟鞭 搶咗 去 。
韋小寶 大聲 喝彩 ：好嘢啊 ！
拔出 把 匕首 ，衝上去 指住 皇甫閣 左眼 喝佢 話 ：你 叫 手下人 都 出翻去 ，邊個 都 唔准 入嚟 。
皇甫閣 個身 就 唔能夠 逳 ，塊面 感覺 匕首 啊 深深 寒氣 ，嘩 個心 驚到 啊 乜嘢 噉 ，大聲 叫話 ：
你哋 都 出翻去 ，叫 大家 邊個 都 唔准 入嚟 ！
佢 手下 嗰 班 人 遲疑 咗 一陣 ，見到 韋小寶 揸住 匕首 想 殺 皇甫閣 噉 ，噉啊 即刻 就 走翻 出 間 廟 嘞 。
嗰個 莽和尚 睩 大 雙眼 望 實 雙兒 ，過咗 一陣 ，讚 佢 話 ：細路 好嘢 ！
講完 ，左手 倒提 金杵 ，右手 扶住 嗰個 中年 和尚 啊 翻入去 僧房 。
韋小寶 行快 兩 步 ，想 同 嗰個 中年 和尚 講 幾句 説話 ，但係 呢 嚟唔切 嘞 。
雙兒 行去 澄光 身邊 ，解開咗 佢 嘅 穴道 佢 話 ：
呢啲壞蛋 ，強橫霸道 冒犯咗 大和尚 喇 。
澄光 企 起身 ，合十 行禮 話 ：小施主 身懷 絕技 ，解救 本寺 大難 。
老衲 老眼 昏花 ，不識 高人 ，先頭 多多 失敬 啊 。
雙兒 話 ： 冇 啊 ， 你 一直 對 我 哋 公子 好 客氣 啊 。
韋小寶 個 心 定翻嘞 ，而家 先至 發覺 ，自己 先頭 𢴈 喺 皇甫閣 塊 面 遮住 佢 雙眼 嘅 竟然 係 一 大沓 銀票 ，就 哈哈 大笑 話 ：
哈哈 ，見到 銀票 唔 投降 嘅 呢 ，天下 真係 冇 幾 多人 㗎啫 。
我 用 幾萬 兩 銀票 打過去 ，你 非 大叫 投降 不可 嘅 。
雙兒 笑笑口 噉 執翻 起啲 銀票 ，交翻 畀 韋小寶 。
澄光 問 韋小寶 話 ：韋公子 ，呢度 嘅 事 點算 呢 ？
韋小寶 笑住 同 皇甫閣 佢哋 話 ：喂 ，呢 三位 朋友 啊 ，吩咐 你哋 啲 下人 散去 啦 。
皇甫閣 即刻 大聲 噉 話 ：你哋 都 翻 落去 山腳 等 我 ！
只聽見 外便 幾百人 齊聲 答應 ，啲 腳步聲 呢 嚓嚓嚓嚓 噉 一陣間 就 走 清光 。
澄光 個 心 稍為 安樂啲 ，就 想 去 幫 心溪 解開 穴道 。
韋小寶 話 ：方丈 咪住 ，我 有 説話 同 你 商量 啊 。
澄光話 ：係 。不過 呢 幾位 師兄 封咗 穴道 ，時間 長喇 手腳 麻木 ，我 同 佢哋 解開 先 啦 。
唔緊要嘅 ，亦 唔爭在 呢一時半時 啦 ，我哋 去 嗰便 間 廳 坐下 啦 。
好 。心溪 師兄 啊 ，你 唔使 心急 ，等陣 幫 你 解開 穴道 啦 。
澄光 講完 ，就 帶 韋小寶 去 西便間 佛殿 裏頭 。
韋小寶 話 ：方丈 ，呢班人 ，真係 嚟 搵 小喇嘛 嘅 咩 ？
澄光 張口 結舌 冇法子 回答 。
韋小寶 哄 個 嘴 喺 佢 耳仔 邊 細聲 話 ：
我係 知道 噃 ，佢哋 啊 ，係 為 嗰位 皇帝 和尚 嚟 嘅 。
澄光 個 身 一震 ，慢慢 岌 下 頭 話 ：
原來 小施主 早啊 知道 嘞 。
我嚟到寶剎 ，打齋 做法事 係 假嘅 ，係奉 ，係奉命 保護 皇帝 和尚 。
原來 噉嘅 。
老衲 本來 就 疑心 ，小施主 咁 遠路 嚟到 清涼寺 打齋 ，睇 個樣 都 唔係 點 似吖 。
澄光大師 ，皇甫閣 、巴顏 佢哋 雖然 捉住咗咯 ，不過 捉虎 容易 放虎 難噃 。
如果 放咗 佢哋 ，過幾日 又 嚟 糾纏不清 ，好 麻煩 㗎 噃 。
誒 殺人 係 唔 殺得 嘅 。
清涼寺 已經 殺咗 幾條 人命 嘞 。
唉 ，阿彌陀佛 ，阿彌陀佛 。
殺咗佢哋 梗係 冇用 啦 。
噉樣啦 ，你 叫 人 將 呢班人 都 綁起嚟 。
我哋 再仔細 問一問 ，佢哋 嚟 搵 皇帝 和尚 到底 係 咩 嘢 用意 嘅 。
澄光啊 有啲 為難 嘞 佢 話 ：誒 佛門 係 清靜 嘅 地方 ，我哋 出家人 私自 綁人 審問 ，似乎 於理 不合 噃 。
咩嘢 於理不合 唧 ？
佢哋 想 嚟 殺 清光 你 間 廟 啲 和尚 啊 ，唔通 於理 就 好 合 咩 ？
我哋 如果 唔 審問 明白 想法子 嚟 對付 ，佢哋 又 嚟 殺人 ，放火 燒咗 你 間 清涼寺 噉 點算 啊 ？
誒 ，誒噉 又係噃 ，噉 ，任憑 施主 吩咐 係啦 。
澄光 拍下 手掌 ，叫 一名 和尚 入嚟 ，吩咐 佢 話 ：
你 去 請 嗰位 皇甫 先生 過嚟 ，我哋 有 説話 請教 。
韋小寶 話 ： 呢 個 皇甫閣 好 狡猾 嘅 ， 都 怕問 唔 出 咩 嘢 嘅 ， 我 哋 仲 係 問 下 嗰 個 大喇嘛 先 啦 。
哦 ，冇錯冇錯 ，哈 ，我 點解 想唔到 呢 ？
噉 兩個 和尚 挾住 巴顏 入到 嚟 佛殿 。
因為 嬲佢 殺害 寺裏 便 嘅 僧人 啊 ，就 出力 噉 掉 佢 喺 地下 。
澄光話 ：唉 ，點解 對 大喇嘛 冇 啲 禮貌 嘅 呢 ？
係 。兩名 僧人 應咗 就 出翻 去 嘞 。
韋小寶 左手 搦住 一張 椅 ，右手 用 匕首 呢 ，將 椅腳 不停 咁 削 。
嗰 把 匕首 好 鋒利 嘅 ， 削到 椅腳 一片片 噉 跌 晒 落地 ， 啲 木片 呢 不過 係 一二分 咁 上下 厚薄 ， 就 好似 削 水果 一樣 。
噉 澄光 擘 大 雙眼 唔 明白 佢 嘅 意思 嘞 。
韋小寶 放低 張椅 就 行到 巴 顏面 前 ， 左手 摸 一 摸 佢 嘅 頭殼 ， 右手 將 匕首 喺 佢 頭殼 上 便 呢 虛削 幾削 ， 就 完全 同 啱 先削 椅 腳 嘅 時候 一模一樣 嘅 。
巴顏 大叫 話 ：唔得㗎 ，唔得㗎 ！
澄光 亦都 叫 ：唔好啊 。
韋小寶 話 ：咩嘢 得唔得 啊 ？
我 知道 西藏 嘅 大喇嘛 呢 都 練咗 一門 鐵頭功 嘅 ，刀槍 唔入 。
我 喺 北京 嘅 時候 ，曾經 親自 用 呢把 短劍 呢 去 削 一個 大 喇嘛 嘅 頭殼 ，哈 ，削咗 半日 ，都 削 佢 唔 逳噃 。
大喇嘛 ，你 係 貨真價實 呢 定係 冒牌貨 啊 ？唔 試試 點 知道 唧 ？
巴顏話 ：哦 鐵頭功 我 冇 練過 ，你 一削 我 就 死 㗎喇 。
唔 一定 死嘅 ，削咗 兩三寸 去 ，亦 唔見得 就 會 死啊 ？
我 淨係 削咗 你 一層 頭蓋骨 ，見到 你嘅 腦漿 為止 。
一個人 呢 如果 講真 説話 腦漿 就 唔 逳 嘅 ；
如果 講 大話 呃 人 呢 ，啲 腦漿 啊 ，好似 煲 滾 嘅 滾水 噉 滾到 㗾㗾聲 。
我 有 説話 問 你 ，唔削開 你嘅 頭殼 我 點知 你 講 嘅 係 真話 假話 啊 。
誒唔好削 ，唔好削 ，我 講真話 就係喇 。
係 真係 假 我 點知 啊 ？
我 如果 講 大話 咯 ，你 再 削 我 頭殼 都 唔 遲 啊 。
嗯 ，噉啊 ，噉好啦 ，我 問 你 ，係 邊個 叫 你 嚟 清涼寺 嘅 ？
係 菩薩 頂真 容院 嘅 大喇嘛 ，勝羅陀 派 我 嚟 嘅 。
澄光話 ：阿彌陀佛 ，五台山 青廟 黃廟 從來 冇 仇 冇 怨 ，菩薩 頂 嘅 大喇嘛 ，點解 會 叫 你 嚟 搗亂 呢 ？
嗯 我 亦都 唔係 嚟 搗亂 㗎 。
勝羅陀師兄 ，叫我嚟搵 一個 三十零歲 嘅 和尚 ，話 佢 ，誒 偷咗 我哋 拉薩 活佛 嘅 寶經 ，走到嚟 清涼寺 匿埋 ，所以 啊非 揪出嚟 不可 個啫 。
阿彌陀佛 ，邊度 有 噉嘅 事 吖 ？
韋小寶 攞起 把 匕首 喝佢 話 ：你 講 大話 ，我 削開 你嘅 頭骨 睇下 。
巴顏 大叫 話 ： 冇 啊 ， 冇 講 大話 啊 。
你 唔信 ，就 去 問 下 勝羅陀 師兄 啦 。
佢 話 ，嗯 佢 話 我哋 詐 假意 話 失咗 個 小喇嘛 ，其實 呢 ，係 搵 嗰個 中年 和尚 ，又 話 嗰個 皇甫 先生 欸 認得 呢個 和尚 嘅 ，請 佢 陪埋 嚟 搵 人 。
勝羅陀師兄 話 ，呢個 和尚 偷 嘅 ，係 我哋 密宗 嘅 秘密 藏經 ，大毗盧遮那佛 神變 加持經 ，係 非同小可 㗎 。
如果啊捉到呢個和尚 ，係一件大功勞 ，返到拉薩 ，活佛 一定 會 重重有賞 啊 。
韋小寶 見到 佢 表情 誠懇 都 唔似 係 作偽 嘅 ，估計 佢 亦 係 畀 人哋 呃 ，人哋 唔 畀 佢 知道 順治皇帝 嘅 真相 。
韋小寶 一 諗 ，就 喺 身邊 攞出 嗰 封 西藏文 嘅 書信 ，就係 喺 半路 雙兒 捉住 嗰 三名 喇嘛 攞翻嚟 嘅 。
韋小寶 攤開 佢 ，佢 話 ：
你 讀 畀 我 聽 下 ，呢 封 信 裏 便 寫 啲 咩 嘢 。
噉 講完 將 匕首 打平 放 喺 佢 頭頂 。
巴顏話 ：係 ，係 。
就嘰里咕嚕就讀咯噃 。
韋小寶 岌一岌頭 話 ：冇錯 ，你 讀得 好好 ，一個 字 都 冇 讀錯 。
不過 呢位 方丈 大師 啊 唔 懂 你哋 藏文 ，你 用 漢語 將 信裏 便 嘅 説話 講出嚟 啦 。
係 ，係 。
誒 封信 講 ， 呢 位大 誒 大人物 ， 誒 的 確係 喺 五台山 清涼寺 裏 便 。
最近 得到 消息 ，話 誒 神 ，神龍教 啊 要 請 佢 去 ，我哋 要 誒 要 先 下手 為強 。
韋小寶 聽 佢 連 神龍教 三個 字 都 講埋 出嚟 ，估計 都 唔會 係 假 㗎 喇 就 問 ：
信裏 便 仲 講 啲 咩嘢 吖 ？
誒 信 裏 便 話 ， 誒 去 到 清涼寺 請 呢 位 大人物 ， 難 就 唔 係 好 難 㗎 啫 ， 就 怕 神龍教 知道 消息 ， 亦 走 嚟 搶 啊 。
所以 ，勝羅陀 師兄 ，請 北京 嘅 達和爾 師兄 啊 急速 派 多啲 高手 嚟到 幫助 。
如果 ，誒 如果 桑結 大喇嘛 已經 嚟到 北京 ，佢 老人家 啊 當世 無敵 ，親自 嚟到 主持 噉 就 ，噉就 ，噉就 萬失無一 喇 。
你 阿爺 吖 ， 係 萬無一失 ， 咩 萬失 無 一 吖 。
韋小寶 居然 能夠 糾正 人哋 講 成語 嘅 錯誤 ，真係 千載難逢 嘅 事 啊 ，覺得 好得意 。
哦 ， 係 係 係 ， 係 係 係 萬 ， 係 萬一 無失 。
你 阿爺 吖 仲 係 講錯咗 ，仲有 呢 ？
嗯 冇 嘞 ，下便 冇 字 嘞 。
嗰個 皇甫閣 係 咩 人 啊 ？
佢 係 勝羅陀 師兄 請 翻嚟 嘅 幫手 ，尋晚 先至 到 嘅 。
韋小寶 岌一岌頭 ，對 澄光 話 ：
方丈 ，我 要 審 下 嗰個 佛光寺 嘅 肥 和尚 嘞 。
你 如果 唔好意思 ，噉 喺 窗口 外 便 聽 啦 。
哦噉 係 最好啦 最好啦 。
澄光 叫人 帶走咗 巴顏 ，又 將 心溪 和尚 帶嚟 ，自己 呢 就 返去 禪房 ，亦都 唔 喺 窗口 外 便 聽 審 嘞 。
心溪 入到嚟 ，就 笑口噬噬 噉 話 ：
嘿嘿 ，誒 兩位 施主 年紀 輕輕 ，武功 咁 使得 ，老衲 固之然 係 見所未見 ，而且 係 聞所未聞 啦 ，少年 英雄 真係 不得了 ，了不得 啊 ！
韋小寶 鬧 佢 話 ：邊個 要 你 嚟 托 大腳 啊 ？
講完 ，踢 咗 佢 𦣇柚 一 腳 。
心溪 啊 雖然 痛 啊 ，不過 仲 係 笑口噬噬 噉 話 ：
誒係係 ，誒呵呵 ，凡係 真正 嘅 英雄 好漢 ，都 係 唔 鐘意 人哋 托 大腳 嘅 。
不過 老和尚 講 嘅 係 真心 説 話 ， 唔 算 係 托 大腳 ， 唔 算 係 托 大腳 嘅 。
我問 你 ， 你 嚟 清涼寺 發爛 渣 係 邊個 派 你 嚟 嘅 ？
誒誒施主 問到咯 ，老僧 梗係 要講㗎啦 。
係 菩薩 頂真 容院 大喇嘛 勝羅陀 ，叫 人 送咗 二百 兩 銀 畀 我 ，要 我 陪 佢 個 師弟 巴顏 嚟 清涼寺 搵 欸欸 搵哦 搵 一個 人 。
噉 老僧 無功 不受 祿 啊 ，噉 啊 只有 陪 佢 行 一 趟 啦 。
韋小寶 又 一腳 踢落去 ，鬧佢 話 ：亂噏 無為 你 仲 想 呃 我 ？快啲 老實 講 。
係 ，誒唔怕 同 施主 講 ，大喇嘛 ，送咗 ，三百 兩 銀 畀 我 。
明明 係 一千 兩 嘞 。
誒 實實在在 係 五百兩 ， 誒 如果 多一兩 呢 ， 老和尚 唔 係 人 ， 誒 唔 係 人 。
嗰 皇甫閣 又 係 咩 東東 啊 ？
嗰個嘢啊 ，下流鬼 ，唔係 好嘢嚟啊 ，係 巴顏 嗰個 鬼 喇嘛 帶嚟 嘅 。
施主 放咗 我 之後 呢 ，老僧 即刻 送 佢 去 五台縣 ，請 知 縣 大人 治 佢 罪 至 得 。
清涼寺 係 佛門 清淨 之 地 ，佢 點 能夠 嚟 胡作非為 呢 ？
誒 小施主 啊 ，嗰 幾 條 人命 ，連埋 死咗 嗰 幾個 喇嘛 呢 ，我哋 都 推晒 畀 佢 孭 呢 好唔好 啊 ？
明明 都係 你 殺 嘅 ，點 能夠 推 喺 人哋 身上 呢 ？
誒好少爺好少爺 ，唔該 你 放過 我 啦 。
韋小寶 叫人 將 佢 帶翻 出去 ，又 帶咗 皇甫閣 入嚟 審問 。
呢個人 係 十分 硬頸 啊 一句 説話 都 唔 回答 。
嗱 各位 ，欲知 後事 如何 ，且 聽 下回 分解 。
