前文再續啊書接上一回啊 ，話說 韋小寶 同 陶宮娥 講 ，皇帝 啊 同 佢 講過 佛經 嘅 事 。
陶宮娥 就 問 喇 ：皇上 講 啲 乜嘢 啊 ？
韋小寶 話 ：皇上 啊 派 我 同 索額圖 大人 去 鰲拜府 抄家 ，話 叮囑 我 一定 要 抄到 兩部 咩 四咩 經 嘅 ，好似 有 個 二 字 ，又 有 個 十 字 嘅 。
陶宮娥 好 興奮 啊 ：冇錯 ，冇錯喇 ，係 四十二章經 ，你 抄 唔抄到 啊 ？
我 盲字 都 唔 識 一個 ，鬼 知道 佢 咩 四十二 章 經 啊 五十三 章 經 唧 。
噉啊 收尾索 大人 搵到 喇 ，噉 我 又 搦去 交畀 太后 。
佢啊 好 歡喜啊 ，噉啊 賞咗 好多 糖果糕餅 畀 我 。
佢 阿爺 吖 ，嗰個 老舉乸 真係 小氣 啊 ，又 唔 賞金 又唔 賞銀 噃 ，吖 當 我 細佬 哥 嚟 氹 ，淨係 畀 啲 糖果 糕餅 過 我 喎 。
早知道佢咁衰啊 ，我 嗰 兩部 經書 呢 一早 就 掉 喺 御膳房 嘅 灶窟 裏 便當 柴燒 鬼咗 佢 。
唔燒得㗎 唔燒得㗎 。
我 都 知道 唔 燒得 ，噉 皇上 一 問 索 大人 就 穿晒 煲 㗎 啦 嘛 。
啊噉樣講 ，太后 至少 有 兩部 四十二章經 嘞噃 ？
嗯 ， 唔 止 啊 ， 怕 有 四部 啊 。
有 四部 ，你 ，你 點 知道 㗎 ？
前晚 ，我 匿埋 喺 佢 床下底 ，噉啊 聽 佢 同 嗰個 男扮女裝 個 宮女 講 。
佢 本來 呢 就 有 一部 嘅 ， 喺 鰲拜 屋企 呢 抄 咗 兩部 返 嚟 ， 噉 佢 又 派 御 前 侍 衞 副 總管 瑞棟 ， 喺 一個 咩 旗主 屋企 又 攞 咗 一部 去 。
冇 錯喇 ，係 喺 鑲藍旗 旗主 屋企 攞 嘅 。
噉佢 手裏 便 總共有 四部 嘞噃 ，講唔定 有 五部 六部 添 。
陶宮娥 講到 呢度 ，企起身 行咗 幾步 ，佢 話 ：
呢啲 經書 非常之 緊要 ，小兄弟 ，我 真係 希望 你 能夠 幫我 ，將 太后 嗰 幾部 四十二章經 都 偷出嚟 。
噉啊 ，不過 老舉乸 如果 受傷 過重 終於 冇命 嘞 ，噉 呢 幾部 經書 ，佢 怕 佢 會 帶 埋 入 棺材 咯 。
唔會嘅 唔會嘅 ，點 都 唔會嘅 。
我 只係 擔心 神龍教 教主 棋高一着 ，捷足先登 唧 ，噉 就 弊 喇 。
神龍教教主 呢 五個字 ，韋小寶 係 第一次 聽見 ，佢 問 喇 ：佢 係 咩人 啊 ？
陶宮娥 冇 回答 佢 ，喺 房間 踱嚟踱去 兜 咗 幾個 圈 ，見 個 天 就 快 光 喇 ，佢 就 話 ：
喺 呢處 講説話 唔 方便 ，至 怕 隔墻 有 耳 啊 ，我哋 走啦 。
佢 將 三具 屍體 扚 到 去 客店 外 便 ，擠咗 落 架 大車 處 。
呢 三個 人 ，都 係 畀 佢 用 重手法 震死 ，冇 流到 血 ，好 乾淨 嘅 。
陶宮娥話 ：店主 同 你 嘅 車夫 都 畀 佢哋 綁實 ，等 佢哋 自己 掙扎 啦 。
講完 ，同 韋小寶 一拍 坐 喺 車夫 個 位 處 ，噉 啊 趕架 車 去 西便 。
行咗 七八里 ，已經 天光大白嘞 ，陶宮娥 將 三具 屍體 ，掉 喺 個 爛葬崗 處 ，再 攞 幾嚿 大石 冚實 ，然後 上翻車 佢 話 ：
我哋 坐 喺 車 處 一便 行 一便 傾偈 ，噉 就 唔怕 有人 聽到 喇 。
韋小寶 笑住 話 ：哦 ，唔知道 車底 有冇 人 噃 。
陶宮娥 嚇咗 一驚 ：冇錯喇 ，你 想得 周到 過 我 啊 。
佢 一 揮 條 馬鞭 ， 條 馬鞭 就 兜 個 彎 ，𠻘 一聲 ， 打落 車底 。
佢 連 打 三下 ，確實 知道 冇人 喇 ，佢 就 話 ：
呢啲 江湖 上 提防 敵人 嘅 嘢 ，我 真係 一竅不通 啊 。
韋小寶 話 ： 噉 我 啊 直情 係 半竅 不通 啦 ， 你點 都 叻 過我 啲 啊 。
如果唔係啊 ，尋晚 你 就 救唔到 我 喇 。
呢陣時 架 大車 喺 一條 大路 上面 行 ，四周圍 好 靜 。
陶宮娥話 ：你 救過 我 條命 ，我亦 救過 你 條命 ，我哋 算得 係 生死 患難 之交 。
小兄弟 ，論 年紀 呢 我 做得 你 阿媽 嘅 。
你唔嫌棄我 ，叫我一聲阿姨 ，你 ，你肯唔肯 真係 拜我做阿姨 ？算係 我個侄 呢 ？
韋小寶 個 心 諗 ：做 個 侄 又 唔 使 蝕本 嘅 ，橫 掂 阿姨 阿姨 早 就 叫 咗 好耐 喇 ，就 連忙 話 ：肯 ，肯到 極 啦 。
誒 ，不過 有 一件事 講出嚟 好衰 嘅 你 一 知道咗 之後 呢 ，恐怕 都 唔會 要 我 呢個 侄 㗎 喇 。
咩嘢事呢 ？
我 冇 阿爹 嘅 ，我媽 係 喺 老舉寨 做 老舉 㗎 。
陶宮娥 窒咗 一窒 ，跟住 就 笑容滿面 噉 話 ：
乖侄 ，英雄 莫問 出處 。
我哋 太祖 皇帝 做過 和尚 ，做過 無賴 、流氓 ，亦 唔緊要 吖 。
你 連 呢啲 噉嘅 事 都 唔 瞞 我 ，可見 你 對 阿姨 係 一片 真心 ，我 當然 亦 係 乜嘢 都 唔 瞞 你 喇 。
韋小寶 啊 即刻 跳 落地 ， 跪低 叩頭 ， 佢 話 ： 侄兒 韋小寶 ， 拜見 我 嘅 親 阿姨 。
陶宮娥 幾十年 嚟 住 喺 皇宮 ， 一個 親人 都 冇 ， 連稍 為 有 啲 情誼 嘅 説 話 半句 都 冇 聽 過 嘅 。
而家 聽到 韋小寶 叫得 咁 親熱 ，不由得 心頭 一酸 ，噉啊 連忙 落車 去 扶起 佢 笑住 話 ：
乖侄 ，從此之後 ，我 喺 世間上 ，多個 親人 喇 。
講到 呢處 忍唔住 流起 眼淚 。
佢 一面 笑 一面 抹 眼淚 佢 話 ：你 睇 我 ，呢件 係 大喜事 嚟 ，你 阿姨 啊 流 起 眼淚 嚟 咯 喎 。
噉 兩個人 跳翻 上車 ，陶宮娥 啊 右手 揸住 韁繩 ，左手 啊 拉住 韋小寶 隻手 ，等 隻 騾仔 慢慢 行 佢 話 ：
乖侄 ，我 姓 陶 ，呢個 係 真 姓 嚟 ，我 個 名 叫做 紅英 ，十二 歲 就 入 宮 嘞 ，第二 年 就 服侍 公主 。
公主 ？韋小寶 唔明 嘞 。
係 ，係 公主 ，大明 崇禎 皇帝 陛下 嘅 長 公主 吖嘛 。
啊 原來 阿姨 仲 係 大明 崇禎 皇帝 嘅 時候 入宮 嘅 。
冇錯喇 ，崇禎皇帝 離開 皇宮 嘅 時候 ，一劍 就 斬斷 咗 公主 隻 手臂 。
我 聽到 消息 ，就 走去 想 救 佢 啦 ，點知 心慌意亂 跌咗 一 跤 ，額頭 撞 喺 嚿 石級 上 便 就 暈咗 。
等到 我 醒翻 咯 ，陛下 同 公主 都 唔見咗 咯 ，皇宮 裏 便 呢 亂 到 不堪 ，都 冇 人 嚟 理 我 。
冇 幾耐 李 闖入 咗 宮 ，收尾 清兵 呢 又 趕走 咗 李 闖 ，又 佔據 咗 皇宮 。
唉 ，呢啲 都係 好多 年前 嘅 事 喇 。
阿姨 啊 ， 公主 係 咪 崇禎 皇爺 親生女 啊 ？ 噉 點解 佢 要 斬 死 佢 呢 ？
唉 ，冇錯 ，公主 係 崇禎 皇爺 嘅 親生 女 ，皇上 最 寵愛 佢 嘅 。
呢 陣時 京城 已經 失守 ， 賊兵 已經 入城 咯 ， 皇上 啊 決心 殉難 ， 佢 至 怕 公主 畀 賊人 侮辱 ， 所以 要 殺 咗 佢 先 囉 。
哦 原來 噉嘅 。
不過 要 殺 自己 親生女 啊 ， 真 係 唔 容易 啊 。
吖聽講 崇禎 皇爺 收尾 喺 煤山 吊頸 死 嘅 係唔係 啊 ？
我 都係 收尾 先 聽 人 講 嘅 。
吳三桂啊 帶 清兵 入關 ，打走咗 李闖 ，霸佔咗 我哋 大明 江山 。
宮裏 便 嘅 太監 宮女 ，十之八九 都 放走 嘞 ，話 係 靠唔住 喎 。
當時 我 仲係 細個 ，𢴈過 一跤 受傷 又 重 ，瞓 喺 間 黑房 裏頭 都 冇 人 嚟 理 。
直到 三年 幾 之後 ，先至 遇到 我 師父 。
阿姨啊 ，你 武功 咁 高 ，你 師父 佢 老人家 嘅 武功 當然 係 更 叻 嘞 。
我 師父 話 ：天下 能人 好多 ，我哋 嘅 武功 ，亦 唔 算得 乜嘢 啫 。
我 師父 係 奉咗 我 太師父 個 命令 ，入宮 嚟 做 宮女 嘅 。
我 師父 入宮 嘅 用意 ，就係 為咗 嗰 八部 四十二章經 嘞 。
吖 總共 八部 咁多 㗎 ？
係 ，總共 八部 。
滿洲 係 八個 旗 ，黃 、白 、紅 、藍 正 四旗 ，就 鑲 四 旗 ，每 一 旗 嘅 旗主 一人 有 一部 總共 係 八部 吖嘛 。
唔怪得知啦 。
我 見到 喺 鰲拜 屋企 抄家 抄 翻 嚟 嗰 兩部 經書 ， 書套 個 顏色 都 唔 同 嘅 ， 一部 係 黃 套 鑲 咗 紅邊 嘅 ， 另外 一部 係 白 套 嘅 。
哦 ，原來 八部經書 嘅 書套 同 八旗 嘅 顏色 係 一樣 㗎 ？
不過 我 係 從來 冇 見過 啊 。
韋小寶 諗嘞 ：我 手頭 已經 有 五部 ，噉 仲 爭 三部 。
呢 八部 經書 到底 有 咩 古怪 呢 ？
阿姨 一定 知道 嘅 ，要 想法子 氹佢 講出嚟 至得 。
於是 佢 充懵 喇 佢 話 ：
原來 你 太師父 佢 老人家 係 誠心 拜 菩薩 嘅 。
宮裏 便 嘅 佛經 啊 噉 梗係 特別 貴重 啦 ，有人 話 係 用 金水 嚟 寫 嘅 係唔係 啊 ？
噉 又 唔係 。
乖侄 ，我 今日 講畀 你 聽 ，你就 千祈 唔好 洩漏 出去 。
你 發 個 誓 先 啦 。
發誓 就 閒到 極啦 直情 當食 生菜 啊 。
何況 八部 經書 ， 韋小寶 已經 有 咗 五部 嘞 ， 又點 肯將 其中 個 秘密 隨便 講 畀 人 聽 呢 ？ 佢 話 ：
皇天后土 ， 韋小寶 如果 將 四十二章 經 裏 便 嘅 秘密 洩 漏出去 ， 日後 就 弊弊 冇 咁 弊 ， 死 得 呢 ， 同老舉 乸 嗰 個 男扮女裝 個 王八蛋 師兄 一模一樣 。
佢 講 係 噉 講 嘞 ，個 心 係 點 諗 嘅 呢 ？佢 嘅 心 諗 ：
要 我 男扮女裝 同 老舉乸 瞓覺 啊 畀 我 點 都 唔會 做 啊 。
唔會做 ，噉 就 點 都 唔會 同 呢個 王八蛋 師兄 死得 一模一樣 㗎 啦 嘛 。
各位 ， 發 咗 誓 啊 日後 要 應誓 呢 ， 呢 一層 佢 係 信 到 十足 嘅 ， 因此 發誓 嘅 時候 ， 總 係 乜嘢 都 要 留 翻 啲 後路 至 得 。
陶紅英 笑咗 一 笑話 ：呢個 誓 ，真係 新鮮古怪 喇 。
嘿嘿 ，我 講 你 聽 啦 ，當初 清兵 入關 嘅 時候 ，並 冇 想到 竟然 能夠 得到 大明 江山 嘅 。
滿洲人 好 少 ，兵 亦 唔 多 ，佢哋 只係 希望 能夠 長期 佔住 關外 嘅 地方 就 心滿意足 喇 ，因此 入關 之後 呢 ，八旗兵 一 見到 金銀珠寶 就 搏命 咁 搶 。
呢啲 財寶 ，佢哋 都 運到 去 關外 收藏起嚟 。
當時 執掌 大權 嘅 係 順治 皇帝 嘅 叔父 攝政王 ，但係 滿洲 八個 旗 ，每 一 旗 都 各 有 各 嘅 勢力 。
當時 八旗 旗主 會議 ，將 收藏 財物 嘅 秘密 地方 畫咗 一 張 地圖 ，由 八旗 旗主 一 人 揸住 一 張 。
聽到 呢處 韋小寶 企起身 大聲 噉 話 ：吖 我 明白 喇 。
歡喜 到 佢 不得了 。
不過 大車 一逳 呢 ，佢 又 坐翻低 。
呢 八幅 地圖 啊 ，就 收埋 喺 嗰 八部 四十二章經 裏 便 。
陶紅英 話 ：好似 ，好似亦唔係 就係 噉樣 嘅 。
哎呀 到底 真相 點樣 ，只有 當時 嗰 八旗 旗主 先至 知道 嘞 。
咪 講話 我 哋 漢人 當中 冇 人 知道 啦 ， 就 係 連 滿洲 嘅 王公 大臣 ， 恐怕 亦 都 極少 人 知道 個 啫 。
我 師父 話 ：滿洲人 藏寶 嗰 座 山 係 佢哋 龍脈 嘅 所在 。
清廷 之所以 能夠 佔 我哋 大明 江山 ，登基 為 皇 ，就 全靠 呢個 山 嘅 龍脈 㗎啫 。
咩嘢 龍脈 啊 ？
嗰度 係 一 笪 風水 極之 好 嘅 地方 ，清廷 嘅 祖先 ，葬 喺 嗰個 山 裏 便 ，收尾 呢子 孫 大發 ，嚟到 中原 做 咗 皇帝 。
我師父話 ：我哋 如果 能夠 搵到 嗰座 寶山 ，截斷咗 龍脈 ，再 挖咗 山墳 ，噉 佢哋 不但 做唔成 皇帝 啊 ，會 冚𠾴唥 都 死 喺 關內 添 。
呢座 寶山 咁 緊要 嘅 ，因此 我 太師父 同 師父 ，費盡 心血 ，都 要 搵到 山脈 喺 邊處 嚟 。
呢個 大 秘密 ，就 收埋 喺 嗰 八部 四十二 章 經 裏 便 嘞 。
阿姨啊 ，佢哋 滿洲人 嘅 事 ，你 太師父 啊 點 會 知道 呢 ？
呢件事 講起 上嚟 就 長 喇 。
我 太師父 係 錦州 嘅 漢人 女子 ，畀 清兵 擄 咗 去 。
擄佢 嗰個 人 ，係 鑲藍旗 嘅 旗主 。
我 太師父 話 ， 清兵 入關 之後 ， 見到 我 哋 中原 地方 咁 大 ， 人 又 咁 多 ， 又 歡喜 又 怕 。
八旗 嘅 旗主 連 氣 開會 開咗 好多 日 ，開會嘅 時候 呢 成日 咁 嘈交 ，揸唔定 主意 。
噉佢哋嘈咩嘢交呢 ？
有啲 旗主 係 想 佔領 整個 中原 ；
有 啲 旗主 就 話 ： 漢人 咁 多 ， 如果 造起 反 嚟 ， 一百個 漢人 打 一個 旗人 ， 旗人 邊度 仲有命 啊 ？
不如 搏命 噉 搶掠 一輪 ，退翻去 關外 噉 就 穩陣 得多 喇 噉 。
收尾 仲係 攝政王 揸定 主意 佢 話 ：一便 搶掠 ，將 金銀珠寶 運去 關外 收藏 ；
一面 呢 ，喺 中原 做 皇帝 ，如果 漢人 起嚟 造反 嘞 ，形勢 又 危急 ，噉 旗人 呢 退翻 出去 山海關 。
哦 原來 當時 佢哋 各 旗旗主 ，對 我哋 漢人 都 好 怕 嘅 。
點解 唔怕 ？佢哋 而家 都 仲 怕 ，不過 我哋 唔 齊心 啫 嘛 。
乖侄 ，而家 個 小皇帝 好 歡喜 你 ，如果 你 能夠 探聽 出 嗰 八部 經書 收埋 喺 邊度 ，我哋 就 將 經書 偷 出嚟 ，去 破 咗 佢哋 嘅 龍脈 。
嗰啲 金銀財寶 呢 ，就 攞嚟 做 義軍 嘅 軍費 。
我哋 只要 一起 兵 ，啲 清兵 啊 就 會 嚇到 逃跑 出去 關外 㗎 喇 。
韋小寶 對於 破龍脈 、起義兵 就 並唔係 咁 熱心 嘅 ，但係 一諗到 嗰座 山 裏 便 ，收藏咗 無數 金銀財寶 就 心逳逳 喇 。
阿姨啊 ，呢座 寶山 嘅 秘密 ，真係 喺 個 八部經書 裏 便 㗎 ？
陶紅英 話 ：我 太師父 同 我師父 講 ，嗰個 鑲藍旗 旗主 有 一日 飲醉咗酒 。
佢 就 話 畀 佢 小福晉 聽 ，佢 將來 死咗 之後 呢 ，要 將 一部 經書 傳 畀 小福晉 嘅 仔 ，唔 傳 畀 大福晉 嘅 仔 噉 。
小福晉 就 好唔高興 啦 ，話 一部 佛經 有 咩 咁 稀罕 唧 ？
嗰個 旗主 話 ：呢個 啊 ，係 我哋 八旗 嘅 命根 ，乜嘢 都 冇 咁 緊要 啊 。
噉跟住呢 ，就 大概 噉 講咗 呢部 佛經 嘅 來歷 。
太師父 喺 窗口 外 便 聽到 咗 ，先至 明白 原來 有 咁多 嘢 嘅 。
收尾 ，太師父 練成咗 武功 ，我 師父 亦 已經 跟 佢 老人家 學藝 好多 年 喇 。
太師父 呢 ，就 出手 去 偷經書 嘞 ，點知 畀 人 打到 重傷 ，臨死之前 ，派 我 師父 入去 皇宮 做 宮女 ，想法子 偷 經書 。
鑲藍旗 旗主 屋企 係 有 武功 高手 ，噉 啊 估 話 喺 宮 裏 便 偷 經書 容易 得手 啦 。
點知道 師父 入咗 宮 冇 幾耐 唧 ，就 發覺 宮禁 森嚴 ，宮女 呢 就 唔能夠 亂咁 行走 ，要 偷 經書 啊 ，直情 係 千難萬難 。
佢 同 我 好 傾得埋 嘅 ，又 聽 我 講起 大明公主 嘅 事 ，佢 懷念 舊 主 ，就 收 咗 我 做 弟子 嘞 。
韋小寶 個 心 諗 ：唔怪得 老舉乸 千方百計 ，要 將 經書 搞到手 啦 。
佢 係 滿洲人 ，唔會 破 龍脈 㗎 ，嗯 ，睇嚟 要 得到 寶山 裏 便 嘅 金銀財寶 喇 。
不過 佢 既然 係 太后 ，要 乜嘢 啊 有 乜嘢 嘞 ，又 何必要 咩 財寶 唧 ？
噉 韋小寶 又 諗 ： 噉 海老 烏龜 又 點解 念念不忘 ， 總 係 要 我 去 上 書房 偷 經書 呢 ？
嗯 ，佢 唔會 真係 要 經書 嘅 ，睇 怕 係 想 氹 我 上當 ，招出 邊個 主使 我 毒盲 佢 雙眼 ，或者 想 因此 查出 害死 端敬皇后 個 兇手 。
佢 個 心 啊 ，多數 係 認為 ，主使 我 嗰個 人 呢 同埋 兇手 係 一 個 人 。
要 呃 到 海老 烏龜 講 啲 心事 出 嚟 啊 ， 而家 我 就 冇 本事 咯 ， 閻羅王 都 怕 做 唔 到 啊 。
陶紅英 啊 邊度 估到 韋小寶 會 諗到 去 海大富 身上 呢 ？
佢 繼續 話 喇 ：講唔定 嗰個 寶山 裏 便 ，另外 有 咩 古怪 ，連 太師父 亦 唔 知道 嘅 。
師父 喺 宮內 冇 幾耐 就 有 病 死咗 喇 ，佢 老人家 臨死 之時 ，千叮萬囑 ，要 我 設法子 去 偷 經書 。
佢 又 話 ， 偷 經書 嘅 事 萬分 艱難 ， 以 我 一個 人 嘅 力量 呢 未必 可以 成功 嘅 ， 要 我 喺 皇宮 裏 便 收翻 一個 可靠 嘅 弟子 ， 將 經書 嘅 秘密 傳落 去 。
呢一代 唔得 呢 ，就 下一代 再嚟 ，千祈 唔好 畀 呢個 秘密 失傳 噉 啊 。
係啊係啊 ，呢個 大秘密 如果 失傳 啊 ，噉 就 好多 金銀財寶 ，誒 未免 ，未免太過 可惜 喇 。
金銀財寶 都 冇 乜 緊要 啊 ，如果 畀 清廷 世世代代 霸佔住 我哋 漢人 江山 ，噉 先 係 最 令人 痛心 啊 。
阿姨 講得 啱啊 。
不過 韋小寶 個 心 就 諗 嘞 ：
嗰啲 成千成萬 嘅 金銀財寶 ，如果 唔 攞出嚟 捹一下 ，噉 先 係 最 令人 痛心 嘅 事 就 真 。
韋小寶 年紀 細 ，清兵 屠殺 漢人 百姓 嘅 慘事 ，只係 聽 嗰啲 大人 講過 ，自己 呢 並 冇 親身 經歷過 。
喺 皇宮 呢段 時間 呢 ，滿洲人 只係 太后 一個 人 可惡 唧 。
海大富 啊 雖然 曾經 陰謀 害 過 佢 ， 但 係 到底 係 自己 害 海大富 嘅 多 ， 海大富 害 自己 嘅 少 。
噉 其餘 嗰啲 ，自 皇帝 以下 個個 對 佢 都 極之 好 嘅 ，所以 佢 亦 唔 覺得 滿洲人 點樣 兇惡 殘暴 啊 。
佢 亦 知道 自己 如果 唔係 得到 皇帝 寵愛 ，嗰啲 親貴 大臣 亦 一定 唔會 對 佢 咁 親熱 ，咁 奉承 嘅 。
但到底係 見到 人 和藹 嘅 多 兇殘 嘅 少 啊 ，所以 種族 之 仇 家國 之 恨 ，喺 佢 嘅 心 係 好 淡薄 㗎 啫 。
陶紅英 話 ：喺 皇宮 裏 便 咁 多年 ，我 都 冇 收到 弟子 。
我 見到 嘅 宮女 本來 就 已經 唔多 喇 ，所 見到 嘅 唔係 糊塗 蠢笨 就係 妖媚 小氣 。
我哋 呢個 大 秘密 ，又 點 能夠 同 呢啲 人 講 呢 ？
近 呢幾年嚟 我 時時 都 擔心 噉樣 耽誤 落去 ，經 書 喺 邊度 ，固之然 係 冇 線索 ，連 好 弟子 亦 收唔到 一個 。
唉 將來 我 死咗 之後 ，就 唯有 將 呢個 大 秘密 帶埋 入 棺材 ，清廷 就 坐穩 江山 喇 。
對唔住 太師父 同 師父 就 唔使 講 啦 ，仲 成為 漢人 嘅 大罪人 添 。
乖侄 ，我 無意之中 撞到 你 ，同 你 講咗 呢件 大事 ，我 個 心 啊 ，真係 好 歡喜 好 歡喜 啊 。
韋小寶 話 ：我 都 好 歡喜 唧 ，不過 經書 啊啲 噉 嘢 ，我 就 唔係 點 志在 唧 。
噉 你 又 歡喜 啲 咩嘢 呢 ？
嗱 ，我 又 冇 親人 ，媽媽 啊噉樣咯 ，師父 又 難得 見面 ，而家 我 多個 親 阿姨 、好 阿姨 ，噉 梗係 歡喜 啦 。
韋小寶啊嘴甜 ，氹到 陶紅英啊 非常之高興 ，佢話 ：
我 得咗 個 乖侄 ，亦 係 好 歡喜 啫 。
你 師父 係 邊個 啊 ？
我 師父 就係 天地會 嘅 總舵主 ，姓 陳 ，名 諱 上 近 下 南 。
陶紅英 連 陳近南 咁 鼎鼎大名 嘅 人物 亦都 第一次 聽見 唧 。
佢 岌一岌頭 話 ：你 師父 既然 係 天地會 總舵主 ，武功 必定 係 十分 使得 嘞 。
韋小寶 話 ：不過 我 跟 師父 啊 時候 好 短 ，學 唔到 咩 功夫 。
阿姨 啊 ， 你 教 我 一 啲 好 唔 好 啊 ？
你 如果 從來 都 冇 學過 武功 ，我 當然 將 我所知所學 ，冚𠾴唥 都 教畀 你 啦 。
不過 你 師父 個 武功 ，同 我 呢一派 九成 係 完全 唔同 嘅 ，學咗 怕 反而 有害 啊 。
照 你 睇 ，你師父 同 我 比較 ，邊個 武功 叻啲 呢 ？
阿姨啊 ，喺 你 面前 ，我 唔能夠 講 大話 呃 你 。
細佬 哥 梗係 誠實 嘅 好 。
我見 我師父 同 一個 武功 好好 個人 打 ，不過 係 三招 咋 ，就 將 佢 制服 嘞 。
阿姨 啊 ， 我怕 你 都 唔 及 我 師父 啊 。
係 ，我 亦 相信 遠遠 唔及 佢 。
我 同 嗰個 假扮 宮女 嘅 男人 打 ，如果 唔係 你 喺 佢 背脊 拮 咗 嗰 一 劍 ，我 早 就 死咗 喇 。
你 師父 邊 會 咁 唔 中用 㗎 ？
不過 嗰 個 假 宮女 啊 ， 真 係 犀利 啊 ， 我而家 諗 起 上 嚟 我仲怕 啊 。
陶紅英 塊面 啲 肌肉 突然 間 跳 咗 幾下 ， 啲 眼神 啊 好 驚 噉 。
嗱 各位 ，欲知 後事 如何 ，且 聽 下回 分解 。
