前 文 再續 啊 書 接上 一回 啊 。
話 説 韋小寶 將 四十二章 經 ， 同埋 武功 秘訣 用油 布包 好 ， 又將 爐灰 啊 放入 骨灰 罌處 ， 然後 雙手 捧住 油布 包 同埋 骨灰 罌 ， 放入 棺材 ， 放聲 痛哭 。
高彥超 問 佢 ： 呢 位 義士 尊姓大名 啊 ？ 講出 嚟 ， 喺 棺材 上 便 寫 翻 佢 個 名 啦 。
佢 ， 佢 佢 ， 誒 佢 ， 韋小寶 一面 詐喊 一面 喺 度 諗 ：
諗 到 嘞 佢 話 ： 佢 ， 佢 叫做 海桂棟 。
噉 即 係 將 海大富 、 小桂子 、 瑞棟 三個 人 嘅 名 呢 ， 一 人 攞 一個 字出 嚟 。
個心 諗 ： 我 殺 咗 你 哋 三個 人 ， 而家 叩頭 畀 你 哋 ， 燒 啲 紙錢 畀 你 哋 喺 陰間 使 ， 噉 你 哋 三隻 冤鬼 就 唔 會 纏住 我 嘞 啩？
沐劍屏 見 佢 喊 得 咁 淒涼 就 勸 佢 話 ：
清兵 殺死 咗 我 哋 嘅 好 朋友 ， 總有 一日 ， 要 將 佢 哋 殺 得 乾乾淨淨 ， 同 好 朋友 報仇雪恨 嘅 。
韋小寶 喊住 話 ： 嗯 ， 清兵 梗 係 要 殺 啦 ， 呢 幾位 好 朋友 ， 嘅 仇 啊 ， 誒 ， 誒 就 ， 就千祈 唔 好 報 啊 。
沐劍屏 當堂 打個 突 ， 個心 諗 點解 唔 好 報 呢 ？
四個 人 休息 咗 一陣 ， 噉 就 同 高彥超 告別 ， 之後 呢 就 起程 。
韋小寶 話 ： 我 送送 你 哋 啦 。
方怡 、 沐劍屏 都 好 歡喜 。
嗰 兩個 女仔 呢 坐 一架 大車 ， 韋小寶 同 徐天川 一人 坐 一架 。
噉 啊 三架 大車 出 咗 東門 ， 向東 便行 咗 幾里 ， 噉 先至 屈翻 去向 南便 。
噉 又 行 咗 七八里 ， 嚟 到 一個 市鎮 ， 徐天川 就 吩咐 停車 佢 話 ：
送君 千里 終須 一別 ， 個天 都 好 晏 喇 ， 我 哋 喺 呢 處 飲 杯 茶 就 分手 啦 。
噉 佢 哋 行 入 路邊 一間 茶館 坐落 。
噉 夥記 同 佢 哋 沖 咗 茶 ， 三名 車夫 呢 坐 喺 另外 一張 枱。
徐天川 諗 住 韋香主 佢 哋 三個 人 必定 有 知心話 要講 㗎 喇 ， 就 背住 雙手 出去 睇 風景 。
佢 出 咗 去 之後 ， 沐劍屏 話 ：
桂 ， 桂大哥 ， 你 其實 姓 韋 嘅 係 唔 係 啊 ？ 點解 又 係 咩 香主 唧 ？
我姓 韋 ， 叫做 小寶 ， 係 天地會 青木堂 嘅 香主 。
到 咗 而家 就 唔 能夠 再 瞞住 你 哋 喇 。
唉 。
你 歎 氣 做 咩 嘢 啊 ？
你 係 天地會 青木堂香 主 點解 ， 點解 就 去 皇宮 裏 便 做 咗 太監 ， 噉 唔 係 ， 噉 唔 係 。
方怡 知道 佢 要 講 可惜 到極 ， 但 係 一來 噉 樣 講法 就 不 雅 ， 二來 呢 ， 又 唔 願 韋小寶 傷心 ， 就 插嘴 話 ：
英雄豪傑 為 咗 國家 大事 ， 不惜 屈辱 自己 真 係 令人 十分 佩服 嘅 。
佢 估計 韋小寶 啊 必定 係 奉 咗 天地會 嘅 命令 ， 閹 咗 自己 ， 入宮 卧底 ， 噉 啊 確實 係 令人 敬佩 㗎 。
韋小寶 微微一笑 個心 諗 ： 要 唔 要講 畀 佢 哋 聽話 我 唔 係 太監 呢 ？
忽然間 聽見 徐天川 喝 一聲 話 ： 好 朋友 ， 到 呢 個 時候 仲 唔 肯 出面 啊 ？
講完 ， 一手 向 住 一名 車夫 個膊頭 拍落 去 。
徐天川 嘅 右掌 啱 啱 掂 到 嗰 個 車 夫 膊 頭 ， 嗰 個人 嘅 身 一側 ， 徐天川 右掌 就 拍空 咗 。
但 係 佢 左拳 已經 向 住車 夫 嘅 右 腰 擊 過去 嘞 。
嗰 個 車 夫 反手 勾 推 ， 將呢 一拳 推開 咗 。
徐天川 右 踭 跟 住 又 壓 佢 條 頸 後 便 。
嗰 個 車 夫 右手 一反 ， 向 徐天川 頭頂 虛擊 。
徐天川 手 踭 啊 如果 同 佢 條 頸 接觸 呢 ， 即 係 將 自己 嘅 頭殼 送 埋 去 畀 佢 嘅 手 打 啫 。
佢 即刻 雙腳 用力 ， 向後便 跳開 。
徐天川 就 連氣 使 咗 三招 ： 掌 拍 、 拳擊 、踭 壓 ， 都 係 十分 凌厲 嘅 手法 。
但 係 嗰 個 車 夫 竟然 輕描淡寫 噉 啊 逐一 逐二 化開 晒 。
徐天川 又 驚 又 嬲 ， 估計 呢 個人 啊 必定 係 大內 好手 ， 奉命 嚟 到 捉 人 嘅 。
即刻 就 擺 下 左手 ， 示意 韋小寶 佢 哋 三個 人快 啲 逃走 ， 自己 就 同 敵人 糾纏 ， 等 佢 哋 三個 人有 甩 身 嘅 機會 啦 噉 。
不過 佢 哋 三個 人點 會 話 唔 顧 義氣 㗎 ？
方怡 有傷 難以 動手 ， 韋小寶 同 沐劍屏 都 拔出 兵器 ， 準備 上前 夾擊 佢 。
嗰 個 車 夫 擰 轉身 ， 笑 住 話 ： 八臂 猿猴 真 係 好眼力 啊 。
把 聲 都 幾 尖 嘅 。
四個 人 見到 佢 黃 泡 髧 肉 ， 衣衫 污穢 ， 相貌 醜陋 ， 一時間 亦 睇 唔 出 佢 係 幾 多歲 。
徐天川 聽 佢 識得 自己 嘅 外號 ， 個心 就 更 驚 嘞 ， 抱拳 行禮 話 ： 尊駕 係 邊個 ？ 點解 扮車夫 嚟 戲弄 我 呢 ？
嗰 個 車 夫 笑 住 話 ： 戲弄 就點 都 唔 敢 。
在 下同 韋香主 係 好 朋友 ， 知道 佢 要 離開 北京 ， 特登 嚟 送行 唧 。
韋小寶 撓 下 個頭 話 ： 我 ， 我 唔 識得 你 噃。
我 哋 兩個 人 尋晚 仲 聯手 一齊 打 敵人 ， 你 咁 快 就 唔 記得 咗 囉 ？
啊 你 係 陶 ， 陶 。
韋小寶 將 匕首 插 翻入 靴筒 ， 走 過去 拉 住 佢 隻 手 ， 佢 而 家 先 至 知道 呢 個 車夫 啊 係 陶宮娥 喬裝改扮 嘅 。
陶宮娥 塊面 搽 咗 牛油 水粉 啊化 咗 妝 ， 佢 話 ：
我怕 清廷 派 人 攔 咗 你 ， 因此 就化 咗 妝 嚟 護送 你 哋 一程 ， 想 唔 到 徐大爺 好眼力 ， 呃 唔 到 佢 啊 。
徐天川 見到 韋小寶 個 神情 ， 知道 呢 個人 係 朋友 而 唔 係 敵人 嘞 ， 佢 又 歡喜 又 覺得 慚愧 。
拱手行禮 話 ： 尊駕 武功 高強 ， 佩服 ， 佩服 ！
韋香主 人緣 真 係 好 喇 到處 都 結交 高 人 嘅 。
陶宮娥 笑 住 話 ： 不敢 ！ 請問 徐大哥 ， 我 化妝 有 咩 地方 露出 咗 破綻 呢 ？
破綻 就 冇 。
不過 一路行 我 見到 尊駕 用 鞭 趕 騾仔 ， 唔 似 係 尋常 嘅 車 夫 。
尊駕 嘅 手腕 唔 逳， 條鞭 就 筆直 噉 伸出 去 ， 手 踭 唔 遞 起 ， 條鞭 就 縮 翻 轉頭 咯 。
呢 份 咁 高明 嘅 武功 ， 北京 趕 大車 嘅 朋友 裏 便 ， 都 怕 冇 幾 多位 唧 。
幾個 人 聽 咗 都 笑 起 上 嚟 。
徐天川 就 接 住 話 ： 在 下 如果 醒目 啲 ， 見到 尊駕 噉 嘅 功夫 ， 就 唔 應該 再 逳 手 冒犯 㗎 喇 。
不過 我 呢 個伯爺 公 就 係 唔 識趣 ， 噉 亦 冇 法子 吖 。
陶宮娥 話 ： 徐大哥 言重 喇 ， 先頭 得罪 晒 唔 好意思 啊 。
徐天川 抱拳 話 ： 乜 説 話 乜 説 話 ， 請問 尊姓大名 啊 ？
韋小寶 又 話 喇 ： 呢 位 朋友 姓陶 ， 同 兄弟 係 ， 誒 係 生死之交 。
陶宮娥 好 正經 噉 話 ： 冇 錯 ， 真 係 生死之交 啊 。
韋香主 救過 我 條命 㗎 。
前輩 乜 噉 講呢 ？ 我 哋 不過 合力 殺 咗 個 大壞蛋 啫 。
韋兄弟 ， 徐大哥 ， 方沐 兩位 ， 我 告辭 喇 。
陶宮娥 拱手行禮 ， 就 跳 上架 大車 趕車 嘅 座位 。
韋小寶 話 ： 陶 ， 誒 誒 陶 大哥 ， 你 去 邊處 啊 ？
我 喺 邊 處 嚟 ， 就 返去 邊處 囉 。
好 ， 後會有期 。
睇 住 陶宮娥 趕住 個 大車 走 咗 嘞 ， 沐劍屏 問 徐天川 ：
徐大爺 ， 呢 個人 嘅 武功 真 係 好 高 㗎 ？
武功 使得 ！ 佢 係 個 女子 就 更加 使得 嘞 。
佢 係 個 女子 嚟 咩 ？
你 睇 佢 跳 上架 大車 嘅 時候 ， 條腰 一扭 ， 姿勢 固之然 係 好 睇 ， 但 係 不免 扭扭捏捏 ， 噉 梗 係 女子 啦 。
佢 講 説 話 把 聲 都 好 尖 㗎 ， 亦 唔 係 點似 男人 。
韋大哥 ， 佢 ， 佢 本來 嘅 相貌 係 唔 係 好好 睇 㗎 ？
四十年 前 或者 好 睇 嘅 。
但 係 你 呢 ， 就算 再 過 四十年 ， 都 好 睇 過 佢 而 家 好多 。
點解 攞 我 嚟 同 佢 比 唧 ？
啊 ， 原來 佢 好 老 㗎 喇 。
韋小寶 諗 起 就要 同 佢 哋 分手 嘞 ， 不禁 有 啲 淒涼 ， 又 諗 起 一個 人行 ， 不由得 又 有 啲 害怕 喇 。
喺 揚州 嚟 到 北京 ， 係 跟 住 茅十八 呢 個 江湖 行家 喺 一齊 嘅 ；
喺 皇宮 裏 便 ， 雖然 係 經歷 過 好多 兇險 ， 但 係 人 同 地 都 好 熟悉 ， 每逢 到 咗 緊急 關頭 ， 往往 係 靠 住 一時 急智 而化險 為 夷 嘅 ；
呢 次 去 山西 五台山 就 唔 同咯 ， 呢 條路 固然 從來未 行過 啦 ， 前途 更加 係 一個 人 都 唔 識 。
佢 從來 未試過 單身 一個 人行 咁 遠路 嘅 ， 佢 到底 仲 係 個 細佬哥 就 難免 膽怯 嘞 。
但 係 冇 法子 吖 ， 頂 硬 上 係 啦 。
徐天川 就 以 為 佢 仍然 返去 北京 就 話 ：
韋香主 ， 個 天好 晏 喇 ， 你 請 回 啦 ， 再 遲 就 怕 閂 咗 城門 喇 。
哦 。
方怡同 沐劍屏 都 話 ：
你 辦完 事 之後 ， 就 嚟 石家莊 見面 啦 ， 我 哋 等 住 你 。
韋小寶 岌一 岌 個頭 ， 個心 啊 甜 一甜 ， 又 酸 一酸 ， 講唔 出 説 話 喇 。
徐天川 請方怡 、 沐劍屏 上車 ， 自己 就 坐 喺 車 夫 旁邊 ， 噉 啊 趕 架車 向南 便行 。
大 車行 咗 三 十幾丈 轉 咗 個 彎 ， 就 畀 一排 紅柳 樹 擋住 ， 睇 唔 見 嘞 。
話 説 韋小寶 上 咗 剩 低 嗰 架 大車 ， 叫 車夫 向 西便行 唔 返去 北京城 喇 噉 。
嗰 個 車 夫 有 啲 遲疑 嘞 。
韋小寶 攞 出 十兩 銀話 ： 十兩 銀請 你 三日 ， 夠咯 啩？
嘩車夫 好 歡喜 啊 連忙 話 ： 誒 十兩 銀 啊 ， 請 一個月 都夠 喇 。
小人 啊 好好 噉 服侍 公子爺 ， 公子爺 要行 就 行要 停 就 停 ， 誒 即管 吩咐 啦 。
噉 當晚 喺 北京城 西南 廿幾里 一個 小鎮 停低 ， 喺 一間 小 客店 過夜 。
韋小寶 啊 抹 身 洗腳 ， 都 未食 飯唧 ， 就 喺 炕床 上 瞓 着 嘞 。
第二 朝 早醒 咗 ， 覺得 個頭 痛到 啊 想裂 咁 滯 ， 雙眼皮 啊 鬼 咁 重擘 極都 擘 唔 開 ， 手腳 又 酸 軟 ，逳 都 唔 逳 得 就 好似 畀 鬼 矺 噉 。
想擘 大 口 嚟 嗌 啦 ， 不過 又 嗌 唔 出 聲 ， 出力 一擘 擘 開 雙眼 。
見到 地下 有 三個 人 癱 喺 處 ， 哦 ， 佢 大吃一驚 傻 咗 一陣 ， 定 一定 神 慢慢 掙扎 住 坐 起身 。
只見 炕床 前 便 有 個人 坐響 處 ， 正在 笑眯眯 噉 睇 住 自己 。
韋小寶 吖 噉 嗌 一聲 。
嗰 個人 笑 住 話 ： 而家 先至醒 啊 ？
原來 係 陶宮娥 啊 。
韋小寶 噉 先至 放心 ， 佢 問 ：
陶 姐姐 ， 啊 陶 姑娘 ， 究竟 係 ， 誒 ， 誒 究竟 係 咩 嘢 事 啊 ？
你 睇 下 呢 三個 人 係 邊個 。
韋小寶 落 咗 炕床 ， 隻 腳 一 軟 就 跪 低 嘞 ， 即刻 向後便 一 坐 ， 用手 撐住 噉 先 至 企 起身 。
見 地下 三個 人 早就 死 咗 嘞 ， 不過 唔 識 佢 哋 嘅 ， 就 話 ：
陶 阿姨 啊 ， 係 你 救 咗 我 條命 啊 ？
你 到底 係 叫 我 姐姐 呢 定 係 阿姨 啊 ？ 你 唔 好 冇 大 冇 細 噉 亂 咁 叫 噃。
你 係 阿姨 ， 陶 阿姨 。
你 一個 人行路 以後 飲食 要 小心 啲 至 好 ， 如果 你 係 同 嗰 個 八隻 手 嘅 老馬 騮 喺 一齊 呢 ， 就實 唔 會上 呢 個 當 嘅 。
我 尋晚 畀 人落 咗 蒙汗藥 啊 ？
差 唔 多 啦 。
啊 ， 九成 係 啲 茶 裏 便 有 古怪 ， 飲 咗 落 去 啊 有 啲 酸味 ， 又 有 啲 甜甜 哋 嘅 。
呢 間 係 黑店 啊 ？
呢 間 客店 本來 係 白 嘅 ， 你 住 咗 入 嚟 之後 呢 就 變 咗 黑 嘞 。
韋小寶 個頭 仍然 係 痛到 好 緊要 ， 佢 用 手 揞 住 額頭 話 ：
噉 ， 噉 我 就 唔 明 嘞 。
你 住 入 嚟 冇 幾耐 ， 就 有人 跟 住 入 嚟 ， 綁住 事頭 兩 公婆 同 店小二 ， 將呢 間 白店 改 咗 做 黑店 。
有 一個 賊人 剝 咗 店小二 嘅 衣服 着 咗 ， 喺 茶壺 裏 便 糝 咗 一 紮 藥粉 ， 搦 入 嚟 畀 你 。
噉 我 見 你 正 喺 度 換衣服 ， 想 等 你 換好 衣服 之後 ， 再 出 聲 警告 你 啦 ， 誰知 你 又 ， 誰知 你 又 除 晒 衫褲 抹身 。
噉 我 又過 咗 一陣 再 嚟 睇 你 嘞 噃， 你 已經 飲 咗 啲 茶 喇 。
好彩 呢 啲 係 蒙汗藥 啫 唔 係 毒藥 。
哦 原來 噉 嘅 。
尋日 我 同 你 分別 之後 ， 返到 皇宮 ， 見到 裏裏外外 都 平靜 冇 事 吖 ， 並 冇 同 太后 發喪 啊 。
我 梗 係 非常 之 奇怪 啦 ， 咪 匆匆忙忙 改裝 之後 ， 去 慈寧宮 外便 睇 下 ， 見到 冇 乜嘢 唔 同 啊 ， 原來 啊 ， 太后 冇 死 啊 。
噉 就 弊 傢伙 喇 。
我 諗 住 太后 死 咗 ， 我 哋 兩個 人仲 可以 喺 宮內 便 混落 去 吖 。
尋 晚 嗰 一刀 既然 冇 㓤 死 佢 ， 噉 就 非 即刻 離開 皇宮 不可 喇 ， 所以 就 趕返 嚟 通知 你 ， 免致 你 唔 知 撞入 去 皇宮 自己 送死 啊 。
韋小寶 詐 假意 好 驚奇 噉 大聲 話 ：
吓 ？ 原來 嗰 個 老 舉 乸 冇 死 啊 ？ 哎呀 ， 衰喇衰 喇 。
個心 呢 有 啲 慚愧 喇 佢 諗 ：
尋日 匆匆忙忙 唔 記得 話 畀 你 聽 添 ， 我 以 為 你 早就 知道 㗎 啦 。
陶宮娥 話 ： 我 啱 啱 擰 轉身 ， 見到 有 三名 侍 衞 ， 喺 慈寧宮 出 嚟 ， 鬼鬼 鼠鼠 噉 樣 ， 我 諗 住 多數 係 太后 派 佢 哋 去 捉 我 嘅 。
但 係 見 佢 哋 並 唔 係 去 我 住 嗰 地方 啊 ， 當時 我 都 冇 時間 理 佢 哋 咁 多 喇 ， 返到 去 住 地 執拾 咗 一下 ， 又 改 咗 裝 ， 喺 御膳房 側門 就 走 咗 出 嚟 嘞 。
啊 原來 阿姨 扮成 御膳房 嘅 蘇拉 。
蘇拉 即 係 打雜 啊 。
御膳房 用 嘅 蘇拉 係 最 多 嘞 ， 破柴 、 擔煤 、劏 雞 、 洗菜 、 透火 、 洗 鑊 等等 嘅 雜務 ， 都 係 由 蘇拉 做 嘅 。
呢 啲 人 喺 御膳房 邊 出入 啊 ， 就 好 少 有人 留意 嘅 。
陶宮娥 話 ： 我 一出 咗 皇宮 ， 就 見到 嗰 三名 侍 衞 已經 改 咗 裝束 ， 孭 住 包袱 ， 一人 牽 一隻 馬 ， 噉 顯然 係 去 遠 埞 喇 。
韋小寶 對住 一具 死屍 踢 咗 一腳 話 ： 就 係 呢 三位 開黑店 嘅 朋友 啊 ？
陶宮娥 話 ： 真 係 要 多謝 呢 三個 朋友 啊 ， 如果 唔 係 佢 哋 帶路 ， 我 又點 搵 得到 你 呢 ？
邊個 估到 你 會 混路 去 西便唧 ？
佢 哋 出 咗 城 又 向 西 便 行 ， 一路 咁 問 人 噃 話 有 冇 見到 一個十四歲 嘅 少年 ， 單身 趕路 啊 噉 。
果然 係 奉 咗 太后 嘅 命令 嚟 捉 你 嘅 。
傍晚 嘅 時候 ， 佢 哋 查 到 嚟 呢 處 ， 噉 我 亦 都 跟 到 嚟 呢 處 喇 。
韋小寶 好 感激 佢 啊 。
如果 唔 係 阿姨 你 救 我 ， 我而家 啊 ， 連 閻羅王 問我 乜嘢 我 都 答 唔 出 喇 噉 佢 問 ：
韋小寶 ， 你 點解 死 啊 ？ 噉 我 只有 話 ： 回稟 大王 ， 糊里糊塗 莫名其妙 啊 ， 哈哈哈 哈哈 。
陶宮娥 喺 深宮 住 咗 幾十年 ， 平時 好少 同 人 講 説 話 嘅 ， 見 韋小寶 講 嘢 咁 得意 佢 笑 住 話 ：
你 呢 個 細佬哥 吖 ， 閻羅王 一定 話 ： 拉落 去 同 我 打 噉 啫 。
韋小寶 笑 住 話 ： 噉 咪 就 係 囉 。
閻羅王 鬍鬚 一翹 ， 喝 佢 話 ： 做人 糊里糊塗 莫名其妙 噉 都 仲 算啦 ， 點解 死 咗 都 糊里糊塗 啊 ？
我 呢 處 如果 冚𠾴唥 都 係 糊塗 鬼 啊 ， 我 豈不是 變 咗 糊塗 閻羅王 ？
兩個 人 都 哈哈大笑 。
韋小寶 問 ： 阿姨 啊 ， 噉 收尾 點樣 啊 ？
陶宮娥 話 ： 噉 我 聽 佢 哋 喺 廚房 細細 聲 商量 。
有 個人 話 ： 太后 聖諭 呢 個 衰仔 能 活捉 最好 ， 唔 係 呢 就 一刀 殺 咗 佢 。
不過 佢 身上 帶 嘅 嘢 呢 ，冚𠾴唥 要 帶 返 嚟 呈繳 ， 一件 都 唔 准少 。
另外 一個 人 又 話 ： 呢 個 衰仔 咁 大膽 ， 偷 太后 日日 念 緊 嗰 幾部 佛經 ， 真 係 嫌 命長 喇 ， 唔 怪 得 太后 咁 嬲 啦 。
太后 吩咐 啊 ， 最 緊要 就 係 嗰 幾部 佛經 噉 。
小兄弟 ， 你 真 係 攞 咗 太后 嘅 佛經 啊 ？
係 咪 你 哋 總舵主 叫 你 攞 㗎 ？
講完 ， 目不轉睛 噉 望實 韋小寶 。
韋小寶 突然 明白 嘞 ， 佢 諗 ： 冇 錯 喇 ， 佢 喺 太后 房裏 便 搵 嘅 ， 就 係 呢 幾部 四十二章 經 。
韋小寶 即刻 整成 懵盛盛 噉 樣話 ： 咩 嘢 佛經 啊 ？ 我 哋 總舵主 又 唔 拜 菩薩 嘅 ， 我 從 嚟 都 冇 見 佢 念 過 咩 經 嘅 。
陶宮娥 武功 雖然 係 高 啊 ， 但 係 自細 就 喺 禁 宮 ， 對於 人情世故 知道 得 極少 。
兩個 人 雖然 都 係 喺 皇宮 啊 ， 韋小寶 呢 日日 同 皇帝 、 太后 、 王公 大臣 、 侍 衞 、 太監 見面 ， 時時刻刻 ， 都 喺 陰謀 奸詐 之間 過日子 ， 就 練 得 非常 之 機靈 ， 周身 係 刀 。
陶宮娥 呢 只 係 同 兩名 老 宮女 做伴 ， 一年 咁 長 亦 難得 講 幾十句 説 話 嘅 ， 噉 此外 咩 嘢 人 都 唔 見 嘞 ， 所以 呢 就 老實 到 不得了 。
佢 見到 韋小寶 天真爛漫 個心 諗 ：
我 啱 啱 救 翻 佢 條 命 ， 佢 對 我 係 十分 感激 嘅 ， 細佬哥 又 會講 咩 大話 吖 ？ 何況 我 又 親自 查 過 佢 嘅 包袱 添 。
噉 就 岌一岌頭 話 ：
我 見 佢 哋 打開 你 嘅 包袱 查 過 ， 見到 好多 珠寶 ， 又 有 幾十萬兩 銀 嘅 銀票 ， 眼都 紅晒 ， 商量 點樣 分贓 噃。
我 嬲 起 上 嚟 ， 就入 嚟 將 佢 哋 一齊 都 殺 咗 喇 。
哈 ， 佢 阿爺 吖 ， 原來 太后 呢 個 老舉 乸 知道 我 有錢 ， 派 幾個 侍 衞 嚟 謀財害命 。
又 落 蒙汗藥 又 開黑店 ， 呢 個 老舉 乸 專做 埋 啲 下三濫 嘅 勾當 ， 真 係 衰 嘅 啫 。
噉 又 唔 係 噃。
太后 要 嘅 只 係 佛經 ， 唔 係 珠寶 同埋 銀 。
嗰 幾部 佛經 事關重大 ， 我 諗 ： 你 會 唔 會 交 咗 畀 徐天川 同 嗰 兩位 姑娘 ， 帶 去 石家莊 收埋 呢 ？
我 諗 住 敵人 已經 殺 咗 嘞 ， 就 由 得 你 休息 多 一陣 啦 。
我 即刻 騎馬 向 住 南 便 追 ， 喺 一間 客店 外便 ， 見到 佢 哋 嘅 大車 。
我 啊 本來 想 靜靜 查一 查 嘅 ， 不過 嗰 位 八 臂 猿猴 機警 到極 ， 我 一 上 屋頂 唧 佢 就 知道 嘞 ， 冇 法子 啦 ， 只好 再 逳 一次 手 啦 。
佢 唔 係 你 對手 嘅 。
我 本來 唔 想 得罪 你 哋 天地會 嘅 ， 不過 冇 法子 啊 。
我 將 佢 點 倒 之後 講 咗 好多 道歉 嘅 説 話 ， 請 佢 唔 好 嬲 。
小兄弟 啊 ， 下次 你 見到 佢 呢 ， 同 我講 畀 佢 聽 ， 話 我 實在 係 出於無奈 嘅 啫 吓 。
噉 我 喺 佢 哋 三個 人 嘅 行李 裏 便 查 過 ， 連 嗰 架 大車 呢 亦 都 拆開 嚟 查 過 喇 ， 乜嘢 都 查 唔 到 ， 噉 就 解開 佢 哋 嘅 穴道 。
趕住 騎馬 返 嚟 嘞 。
哦 ， 原來 我 糊里糊塗 ， 莫名其妙 個 時候 ， 你 係 走 去 做 咗 咁 多事 啊 ？
陶 阿姨 啊 ， 你 又點 知道 我 係 天地會 㗎 ？
我同 你 哋 趕 咗 半日 車 ， 你 哋 講 乜嘢 我 都 聽到 晒 啦 。
你 咁 細個 就 做 咗 青木堂香 主咯 ， 喺 天地會 裏頭 係 算 好 大 嘅 職務 喇 係 唔 係 啊 ？
係 啊 都 唔 算細 㗎 喇 。
誒 ， 你 跟 咗 皇帝 咁 耐 ， 有 冇 聽 佢 講起 過 咩 佛經 嘅 事 呢 ？
哦 ， 講過 。 太后 同 皇上 啊 好似 睇 得 呢 啲 佛經 好 緊要 噉 。
其實 有鬼 用 咩 ？
太后 個人 咁 壞 ， 就算 一日 啊 念 一萬次 阿彌陀佛 啊 ， 菩薩 都 唔 會 保佑 啦 。
嗱 各位 ， 欲知 後事 如何 ， 且 聽 下回分解 。
