前 文 再續 啊 書 接上 一回 啊 ， 話 説 韋小寶 啊 縮 喺 太后 床下底 ， 聽住 個 宮女 喺 度 抄 嘢 。
就喺呢個時候 ，門外 有 腳步聲 嘞 ：只 聽見 太后 低聲 話 ：
實係 柳燕 呢個 賤人 攞咗 經書 ，自己 走咗 嘞 。
嗰個 女子 聽見 人聲 已經 嚟唔切 逃走 嘞 ，就 行 入去 衣櫃 ，閂 翻埋 櫃門 。
呢個 時候 嗰個 男人 口音 嘅 宮女 話 ：
你 真係 叫咗 柳燕 去 攞 經書 ？我 點知 你 有冇 講 大話 啊 ？
你 話 咩 嘢 話 ？ 我 冇 派 柳燕 去 攞 經書 ？ 噉 我 要 佢 去 做 乜嘢 啊 ？
我 點知 你 喺度 搞 咩 嘢 鬼 啊 。
講唔定 你 要 除咗 柳燕 呢個 眼中釘 將 佢 害死 呢 ？
哼 ！難為 你 仲係 師兄 添 ，竟然 講出 咁 冇頭腦 嘅 説話 。
柳燕 係 我 師妹 我 有 咁 大膽 咩 ？
你 一向 都 係 膽大 㗎 啦 ，心狠手辣 ，咩嘢 事 做唔出 啊 ？
韋小寶 聽 太后 叫 嗰個 宮女 做 師兄 ，而 柳燕 又 係 太后 嘅 師妹 ，真係 越 聽 越 奇怪 。
佢 兩個 人 講説話 嘅 時候 已經 行 入 內室 嘞 。
一見到 啲 箱 割爛晒 ，雜物 就 成地 都係 ，忍唔住 驚叫 起嚟 。
太后 話 ：有人 嚟 偷 經書 啊 ！
噔噔聲 走到 床邊 ，掀起 被褥 拉開 木板 ，見到 經書 已經 唔 喺 處 嘞 ，哎呀 噉 叫咗 一 聲 。
跟住 就 見到 柳燕 嗰 一對 斷腳 ，大吃一驚 啊 佢 話 ：係咩 啊 ？
嗰個 宮女 過去 攞起嚟 一 睇 ：係 女人 嘅 腳 。
啊 ，係 柳燕 喇 ，佢 ，佢 畀 人 害死 啊 。
哼哼哼 ，我 嘅 説話 冇 講錯 啩 ？
咩嘢 説話 冇 講錯 唧 ？
呢度 藏書 嘅 秘密 地方 ，天下 只係 你 一個人 知道 㗎啫 ，柳師妹 如果 唔係 畀 你 害死 嘅 ，佢 對 斷腳 點 會 擠 喺 處 啊 ？
到咗 而家 你 仲 喺 處發 噏瘋 ，偷書 嘅 人 應該 去咗 冇 幾 遠 嘅 啫 ，我哋 快啲 追 啦 。
冇 錯 ， 講唔 定 呢 個人 仲 喺 慈寧宮 裏 便 添 呢 。
你 ，你唔係 自己 搞鬼 吖 嘛 ？
太后 唔 回答 佢 ，擰轉 身 望住 個 衣櫃 ，一步步 行 過去 ，似乎 對 呢個 衣櫃 已經 疑心 嘞 。
韋小寶 個 心 啊 ，幾乎 要 跳出嚟 咁滯 。
蠟燭光 映到 啲 劍光 閃下閃下 喺 地下 掠過 。
嗰個 太后 左手 拉開 櫃門 右手 就 挺 劍 刺入去 嘞 ，櫃 裏 便 嗰個 宮女 實 死 無疑 喇 。
眼見 太后 又 行咗 一步 ，離開 衣櫃 已經 唔到 兩尺 嘞 ，突然間 喇 一聲 ，嗰個 衣櫃 向住 太后 直 湴落嚟 。
太后 出其不意 啊 急忙 向 後 跳開 。
衣櫃 裏 便 呢 ，有 幾件 花花綠綠 嘅 衣服 飛出嚟 墊住 太后 個 頭 。
太后 就 連忙 用 手 去 撥 嘞噃 ，又 有 一 團 衣服 ，向住 佢 掟過嚟 ，只 聽見 佢 一 聲 慘叫 ，衣服 裏 便 有 一 把 血淋淋 嘅 短刀 舉起 。
原來 嗰 團 衣服 裏 便 呢 竟然 包住 個人 嘅 。
櫃裏便嗰個宮女 ，叻啊 ，推冧 衣櫃 飛掟 衣服 ，令到 太后 手足無措 啊 一擊成功 。
嗰個 男人 聲 嘅 宮女 初時 仲 睇到 呆咗 噉 ，等到 聽見 太后 慘叫 喇 ，噉 先至 一掌 向住 嗰團 衣服 擊落去 。
韋小寶 見 嗰 團 衣服 ，即刻 趢開 ，嗰 綠衣 宮女 喺 衣服 裏 便 跳出嚟 ，手提 染血 短刀 ，向住 嗰 個 男人 聲 嘅 宮女 撲過去 。
嗰個 男人 聲 宮女 一掌 就 打 ，綠衣 宮女 打 斜 閃開 ，即刻 又 向 敵人 撲 上去 嘞 。
韋小寶 個人 喺 床下底 ，只係 見到 嗰 兩個 人 嘅 四隻腳 。
嗰個 男人 聲 宮女 呢 着 嘅 係 灰褲 、黑 緞鞋 。
着綠鞋 嗰 雙腳 就 快 進 快退 ，着黑鞋 嗰 雙腳 呢 ，只係 偶然間 𨂾 前 一步 就 退後 一步 。
兩個人 鬥得 好 劇烈 啊 ，但係 又 唔 聽見 兵器 碰撞 嘅 聲音 ，顯然 嗰個 男人 聲 宮女 呢 就 冇 帶到 兵器 嘅 。
韋小寶 望 下 太后 ，只見 佢 瞓 喺 地下 毫無 動靜 ，顯然 已經 死咗 嘞 。
只聽見 啲 拂拂聲 嘅 掌聲 ，鬥咗 一陣 ，突然間 眼前 一暗 ，三座 燭台 ，已經 有 一支 蠟燭 畀 掌風 撲熄 咗 。
韋小寶 個 心 諗 ：另外 嗰 兩 支 蠟燭 快啲 熄 埋 佢 啦 ，我 就 可以 逃走 喇 ，熄啦熄啦 。
過咗一陣 ，呼噉 一聲 掌風 掃過去 ，又 有 一支 蠟燭 熄咗 。
兩個 宮女 啊 只係 唔 出聲 噉 猛 咁 打 ，似乎 都 怕 驚動 咗 外人 。
慈寧宮 本來 太監 宮女 好多 嘅 ，嘈 咗 咁 耐 ，早就 應該 有人 過嚟 睇下 㗎 啦 。
但係 呢啲 人 呢 顯然 一向 奉 咗 太后 嚴令 ，聽唔見 傳呼 ，邊個 都 唔敢 過嚟 裝下 。
呢陣時 ，只 聽見 戚戚嚓嚓 ，枱椅 嘅 碎片 啊 四圍 咁 飛 。
突然間 ，一聲 低喝 ，白光 閃爍 ，跟住 噗一聲 ，似乎 係 綠衣 宮女 嘅 兵器 甩手 ，飛 上去 釘 喺 屋頂 嘞 。
噉 跟住 兩個 人 啊 𢴈咗 喺 地下 ，攬埋 一嚿 。
噉 韋小寶 睇得 好 清楚 嘞 ，兩個人 都 係 施展 擒拿手法 ，喺 幾 尺 方圓 之內 進攻 防禦 ，招招 都 兇險 到 極 。
韋小寶 對於 其他 嘅 武功 啊 知道 十分 有限 嘅 ， 但 係 對於 擒拿法 就練過 唔 少 時候 㗎 。
只見 兩個 宮女 出招 快到 極啊 ，出手 狠辣 凌厲 ，冇 一招 唔係 打 對方 要害 嘅 。
突然間 ，一把 女人 聲 輕輕 哼咗 一聲 ，只見 嗰個 男人 聲 宮女 ，已經 矺住 綠衣 宮女 嘞 ，右手 手踭 啊 打橫 壓住 佢 喉嚨 。
綠衣 宮女 嘅 左手 畀 敵人 壓住 喺 外便 ，等於 冇用 啫 ，只係 得 右手 呢 嚟到 進攻 ，但係 都 畀 對方 左手 化解 喇 。
喉嚨 就 畀 人 矺住 ，呼吸 好 艱難 ，右手 個 招數 啊 漸漸 慢 嘞 ，兩 隻 腳 啊 向 上 亂 咁 踢 ，轉眼之間 ，就 會 畀 敵人 捻死 嘞 。
韋小寶 個 心 諗 ：呢個 灰衣 宮女 捻 死 咗 對手 之後 ，一定 會 嚟 床下 底 搵 經書 嘅 ，韋小寶 就 變成 韋死寶 喇 。
呢 個 時候 ， 諗 都 唔 諗 咁 多咯 ， 即 係 喺 床 下 底 飆 出去 ， 手起 劍 落 ， 一 匕首 插入 灰 衣宮女 個 背心 ， 趁勢 向上 一挑 ， 就 割開 佢 一道 長長 嘅 傷口 ， 跟 住 就 跳開 嘞 。
灰衣宮女 哇 一聲 大叫 ，跳起身 一撲 衝上去 ，雙手 捉住 韋小寶 條 頸 出力 咁 捻 。
韋小寶 畀 佢 捻到 伸出 條 脷 ，眼 都 黑晒 睇唔到 嘢 嘞 。
綠衣 宮女 飛身 跳起嚟 ，右掌 擊落去 ，斬落 灰衣 宮女 條 頸 處 。
跟住 左手 揦住 佢啲 頭髮 向後 便 出力 咁 掹 ，點知 一掹 ，將 佢 成 頭 頭髮 都 掹甩 落嚟 ，打出 一個 光頭 ，原來 佢 戴 咗 假髮 。
就喺呢陣時 ，灰衣 宮女 雙手 鬆開 ，就 放開 韋小寶 嘞 。
條頸 扭 幾扭 ， 噼啪 一聲 𢴈 咗 喺 地下 ， 背脊 嘅 鮮血 啊 ， 好似 泉水 噉 噴出 嚟 冇 命 喇 。
綠衣宮女 猛咁 喘氣 話 ：多謝 小公公 ，救咗 我 條命 啊 。
韋小寶 啊 岌一岌頭 ， 佢 都 未 驚 完 啊 ， 摸下 自己 條頸 ， 左手指 住 嗰 個 灰 衣宮女 嘅 光頭 話 ： 佢 ， 乜 佢 。
綠衣 宮女 話 ：呢個 人 男扮女裝 ，混雜 喺 宮 裏 便 啊 。
忽然間 聽見 門口 有人 叫話 ：人嚟啊 ！有 刺客 ！
把聲 半男半女 係 個 太監 。
綠衣 宮女 右手 攬住 韋小寶 破窗 而出 ，左手 一揮 ，啪 一聲 ，跟住 吖 一聲 慘叫 ，嗰個 太監 中咗 暗器 跌 咗 喺 地 嘞 。
綠衣 宮女 啊 攬住 韋小寶 條 腰 ，將 佢 打橫 扚起嚟 ，向住 北 便 飛奔 入咗 養華門 。
韋小寶 呢個 時候 ，比 初初 入宮 嘅 時候 呢 已經 高大 咗 唔少 ，亦 重 咗 好多 。
呢個 綠衣 宮女 同 佢 一樣 咁 高矮 唧 ，身材 纖細 ，但 扚住 佢 呢 快步 飛奔 ，毫不 費力 。
韋小寶 讚佢 話 ：你 真係 好 本事 嘞 。
嗰個 宮女 扚住 佢 由 小路 兜 去 雨花閣 、保華殿 又 嚟到 福建宮 側 跟 嘅 火場 旁邊 ，噉 先至 將 佢 放低 。
呢個 火場 已經 靠近 西鐵 門 嘞 ，係 焚燒 宮內 垃圾 廢物 嘅 地方 ，夜晚 呢 就 極之 僻靜 嘅 。
綠衣宮女 問 ：小公公 ，你 叫做 咩嘢 名 啊 ？
韋小寶 話 ：我 係 小桂子 啊 。
啊 ，原來 你 係 手擒鰲拜 ，皇上 最 寵愛 個 小桂子 公公 。
不敢 。
韋小寶 喺 太后 寢殿 裏 便 呢 同 呢個 宮女 匆匆忙忙 見過 一面 ，噉 啊 依稀 覺得 佢 已經 係 四十幾歲 嘞 ，噉 佢 就 話 ：
姐姐啊 ，你 又 點樣 稱呼 啊 ？
嗰個 宮女 稍為 遲疑咗 一下 就 話 ：你 同 我 禍福 與 共 ，亦 唔使 瞞 你 喇 ，我 姓 陶 ，宮內 就 叫 我 做 陶 宮娥 。
係嘞 ，你 喺 太后 床底下 做 乜嘢 啊 ？
韋小寶 啊 隨口 亂 咁 噏 喇話 ： 哦 ， 我 奉 咗 皇帝 聖旨 ， 嚟 捉 太后 個奸 啊 。
咩 皇上 知道 呢個 宮女 係 男人 咩 ？
皇上啊 知道 一啲啲 啦 ，不過 亦 唔係 點 確實 嘅 。
我 ， 我 殺死 咗 太后 ， 呢 件 事 轉下 眼 就 搞 到 天翻地覆 ， 要 關閉 宮門 大 搜查 。
我要即時出宮啊 ，桂公公 ，我哋 後會有期嘞 。
韋小寶 個 心 諗 ：哎呀 關閉 宮門 大 搜查 ，嗰 兩位 姑娘 實 弊 嘅 ，點 好 呢 ？
佢 靈機一動 ，就 話 喇 ：陶姐姐 ，我 有 個 法子 。
我 即刻 去 稟告 皇上 ，話 親眼 見到 太后 係 畀 嗰個 假宮女 殺死 嘅 ，假宮女 呢 ，又 係 太后 殺 嘅 ，佢 兩個 人 鬥 到 同歸於盡 。
噉橫掂太后 已經 死咗 喇 ，死 無 對證 吖 嘛 ，噉 你 就 唔使 逃走 啦 。
陶宮娥 就 沉吟咗 一陣 話 ：呢條 計 都 得 ，但係 嗰個 太監 又 係 邊個 殺 嘅 呢 ？
我話 又係 嗰個 假宮女 殺 咪得咯 。
桂公公 ，呢件事 好 危險 啊 。
皇上 雖然 鐘意 你 ，九成 都 會 殺咗 你 滅口 㗎 。
皇上 都 要 殺 我 ？點解 啊 ？
佢 母親 同 人哋 有 苟且之事 ，如果 洩漏 啲啲 風聲 出去 ，你 要 皇上 置身 於 何地 吖 ？
就算 你 守口如瓶 ，皇上 每次 見到 你 ，總 不免 心中 有 愧 ，遲早 啊 非 殺咗 你 不可 嘅 。
佢 ，佢咁 毒辣 啊 ？
佢 覺得 陶宮娥 噉樣 講得 好啱 啊 。
冇錯 ，呢件事 千祈 唔能夠 同 皇帝 講 。
就喺呢個時候 ，南便 傳嚟 幾聲 鑼響 ，啊 跟住 四面八方 都 響起咗 鑼聲 。
呢啲 係 宮內 火燭 ，或者 係 報警 嘅 緊急 信號 嘞 ，全 宮 侍衞 太監 啊 即刻 出動 。
陶宮娥話 ：我哋 走唔出去 喇 ，你 詐 假意 去 幫手 搜捕 刺客 ，我自己 呢 就 返去 房 瞓覺 。
講完 ，又 用 手 抱住 佢 條 腰 ，帶住 佢 飛跑 ，又 向 西 便 跑到 英華殿 側 跟 ，將 佢 放落 ，噉 啊 細聲 話 ：小心 啊 。
一轉身 ，即 喺 牆角 後 便 唔見咗 嘞 。
韋小寶 又 掛住 方怡 同 沐劍屏 ，就 急急 走翻 去 佢 兩個 人 匿埋 嘅 地方 。
聽見 鑼聲 啊 越嚟越響 ，跟住 人聲 喧嘩 ，佢 就 搏命 咁 跑入 嗰間 屋 ，大叫 話 ：係我啊 ！
方怡 、沐劍屏 兩個 已經 嚇到 面無血色 喇 。
沐劍屏 話 ：做咩嘢 打鑼 啊 ？係咪 捉 我哋 啊 ？
韋小寶 話 ：唔係啊唔係啊 ，老舉乸 死咗 喇 真係 呱呱叫 唔係 呀 呀 嗚 啊 ，返去 我 間 屋 啦 嗰度 比較 妥當 。
沐劍屏 話 ：返去 你 間 屋 ？我哋 ，我哋 殺咗 人 。
唔使 怕 佢哋 唔 知道 嘅 快啲 走啦 。
彎腰 扶翻起 方怡 ，左手 挽住 包袱 就 衝出去 外便 嘞 。
三個人 舂下舂下噉 跑咗 一陣 ，只見 打斜 有 幾名 侍衞 跑過嚟 ，為首 個 侍衞 高高 舉起 火把 佢 問 ：咩嘢 人 啊 ？
韋小寶話 ：係我 ，你哋 快啲 去 保護 皇上 啦 ，係咪 火燭 啊 ？
嗰個人 認得 韋小寶 嘞 ，連忙 將 火把 交 畀 第二個人 ，雙手 垂低 ，恭恭敬敬 噉 話 ：
桂公公 ，聽講 慈寧宮 出咗事 啊 。
好 ，你哋 去 先 ，我 跟住 又 嚟 喇 。
係 。嗰個 侍衞 帶領 啲 人 就 去咗 嘞 。
沐劍屏 話 ： 佢 哋 似乎 好怕 你 啊 ， 先頭 我仲以 為 弊添 㗎 。
佢 一便 講 一便 拍下 心口 。
韋小寶 本來 想 講句 笑話 嘅 ，但係 掛住 太后 被 殺 嘅 事 嘈咗 出嚟 ，都 唔知 有 咩 嘢 後果 ，心慌意亂 之下 就 乜嘢 笑話 都 講唔 出口 嘞 。
喺 半路 ，佢哋 又 遇見 一批 侍衞 ，噉 先至 返到 自己 嘅 住地 。
好在 方怡 同 沐劍屏 呢 早就 換咗 太監 裝束 ，班 侍衛 呢 大家 都 慌慌張張 ，邊個 都 冇 留意 。
韋小寶 話 ：你哋 兩個人 留喺 呢處 ，千祈 唔好 改換 裝束 啊 。
講完 ，將 個 包袱 擠落 衣箱 ，噉啊 出咗 房 之後 呢 ，鎖翻埋 道 門 ，急急腳 就 跑去 乾清宮 康熙 嘅 寢殿 嘞 。
當時 康熙 聽到 鑼聲 ，就 褸翻 件 衣服 起身 。
有名侍衞 嚟到 報告 話 慈寧宮 出咗 事 ，但係 咩嘢 事 就 講唔清楚 。
噉啊 康熙 好 急 啦 ，一 見到 韋小寶 入嚟 ，佢 連忙 問 佢 ：
太后 安好 吖嘛 ？出咗 咩 嘢事 啊 ？
韋小寶 話 ：太后 叫 奴才 今晚 返去 自己 屋 瞓 先 ，聽日 先至 搬去 慈寧宮 喎 ，就 冇 ，唔冇冇冇 諗到 宮 裏頭 出咗 事 啊 ，唔知 咩 事 呢 ？啊 奴才 而家 去 睇下 啦 。
我 去 同 太后 請安 ，你 跟埋嚟 。
哦 。
康熙 對 母后 好 有 孝心 嘅 ，都 嚟唔切 穿戴 ，褸咗 件 長衫 就 搶 出門口 ，急急腳 咁 行 。
佢 一便 行 一便 問 韋小寶 ：太后 要 你 去 服侍 佢 ，你 點解 又 嚟到 我 呢處 啊 ？
奴才 聽見 打鑼 ，咪 擔心 又 有 刺客 嚟 咯 ，噉 我 心 又 一味 掛住 皇上 ，嗱嗱聲 就 趕嚟 嘞 ，真 ，真係 該死 嘞 我 。
康熙 一出 寢宮 ， 啲 太監 侍 衞 就 跟 咗 一大批 ， 十幾盞 燈籠 喺 佢 四周圍 噉 照住 。
康熙 見 韋小寶 衣衫 頭髮 都 亂晒 ，仲 以為 佢 忠心 護主 ，一心一意 淨係 掛住 自己 ，都 嚟唔切 着 好 衣服 啊 就 趕嚟 保護 喇 ，好 歡喜 。
佢 邊處 知道 韋小寶 喺 太后 床下 底下 蜎入蜎出 ，搞到 咁 狼狽 吖 。
行咗冇幾遠 ，兩名侍衞 走嚟 稟告 話 ：
刺客 闖入 慈寧宮 ，害死 一名 太監 、一名 宮女 。
康熙 問 ：有冇 驚動到 太后 聖駕 啊 ？
多總管 已經 帶住 人 ，將 慈寧宮 沊沊𡃈噉 圍住 ，嚴密 保護 太后 嘞 。
康熙 聽咗 噉 就 稍為 放心 。
韋小寶 個 心 諗 ：佢 就算 帶領 十萬 人馬 嚟 保護 慈寧宮 而家 都 遲 喇 ，太后 都 死 咗 嘞 。
由 乾清宮 去 慈寧宮 啊 唔係 點 遠 啊 ，過 咗 養心殿 同 太極殿 呢 就 到 嘞 。
只見 燈籠 火把 照到 光 如 白晝 ，幾百 名 侍衞 一 排 排 噉 企 喺 處 。
咪 講話 刺客 啊 ，真係 連 隻 老鼠 都 蜎唔過去 。
班侍衛 見到 皇帝 嚟 唄 ，一齊 跪低 ，康熙 擺 一擺手 就 快步 行入去 。
韋小寶 幫 佢 打起 門簾 。
康熙 就 行 入 門口 ，入到去 ，只見 寢殿 裏 便 箱籠 雜物 就 七國 咁 亂 ，地下 有 兩具 屍體 都係 血流滿地 ，嚇到 佢 個 心 啊 嗒嗒嗒 咁 跳 ，佢 嗌 話 ：太后 ，太后 ！
突然間 ，床上 有 個人 低聲 話 ：
係 皇帝 啊 ？唔使 擔心 ，我 冇事 。
係太后把聲啊 ，嘩 ，韋小寶 真係 驚死 嚟喇 佢 心諗 ：
原來 老舉 乸 冇 死 。
唉 ，我 做事 真係 糊塗 嘞 ，先頭 點解 我 唔 㓤 多 佢 一劍 呢 ？
佢 冇 死 我 就 要 瓜 咯 。
捩 轉頭 就 想 趯 嘞 噃， 不過 見到 外便 密 枳 枳 企滿 晒 侍衛 ，掟 唔 到 三步 就 會 畀 人 捉住 啦 ， 嚇 到 佢 發 晒 軟 蹄 ， 頭暈 腦脹 啊 想 跌倒 咁 滯 啊 。
康熙 行 到 張床前 便 佢 話 ：
太后 ，嚇親 你 老人家 喇 ，孩兒 保護 不周 真係 罪孽 深重 。
嗰啲 侍衞 個個 都係 飯桶 ，認真 要 懲辦 下 佢哋 至得 。
冇 ，我 冇 乜嘢 。
係 一個 太監 同 宮女 ，發生 ，發生 爭執 打起上嚟 ，同歸於盡 啫 ，唔 關 侍衞 嘅 事 嘅 。
太后 你 平安 吖 嘛 ？真係 冇 嚇親 你 老人家 嘛 ？
冇 ， 不過 ， 不過 我 睇 見 呢 啲 奴才 就 嬲 啫 。
皇帝 ，你 返去 啦 ，叫 大家 都 散 啦 。
快啲 傳 太醫 嚟 同 太后 睇 下 。
韋小寶 又 縮喺 康熙 後 便 唔敢 應 ，怕 畀 太后 睇見 佢 啊 ，又 怕 一 開口 就 畀 太后 聽 出嚟 。
太后 話 ：唔使 喇 ，唔使 傳 太醫 喇 ，我 瞓 一 覺 就 好 㗎 喇 。
呢 兩個 人 ， 誒 ， 呢 兩個 奴才 嘅 屍體 ， 唔 使 移動 佢 。
我 個 心 好 煩 啊 ，怕 嘈 。
皇帝 ， 你 ， 你 叫 大家 快 啲 走罷 啦 。
太后 講嘢 把聲 都 好 微弱 ，上氣唔接下氣 ，顯然 係 受咗 重傷 。
康熙 好 擔心 啊 ， 但 係 又 唔 敢 違背 命令 啊 。
佢 本來 想 徹查 呢個 太監 同 宮女 為 咩事 打鬥 ，激得 太后 咁 嬲 嘅 。
兩個人 雖然 已經 係 死咗 啊 ，但 犯咗 咁大 罪 仲要 追究 佢哋 嘅 家屬 。
不過 聽 太后 嘅 説話 顯然 係 唔想 張揚 ，連 屍體 都 唔准 移動 ，冇辦法 啦 。唯有 向 太后 請咗 安 就 退出 慈寧宮 。
韋小寶 死裏逃生 ，雙腳 啊 仲係 軟顂顂 ，要 扶着 埲墻 至 行得 。
康熙 耷低頭 一路 行 一路 諗 ，覺得 慈寧宮 今晚 嘅 事 呢 非常 古怪 ，其中 實 係 有 好多 秘密 嘅 。
但係 太后 個 意思 擺到明 係 叫 自己 唔好 理 。
佢 一路 諗 一路 行 行咗 好 遠 喇 ，先至 擔 高頭 ，見到 韋小寶 跟住 喺 後 便 佢 就 問 ：
太后 要 你 服侍 佢 ，點解 你 又 跟住嚟 啊 ？
韋小寶 個 心 諗 橫掂 天 一 光 呢 就 要 出 宮 逃走 㗎 嘞 ，車 大炮 唔 緊要 啦 佢 就 話 ：
先頭 太后 話 嗰個 心 好 煩 吖 嘛 ，一見到 太監 就 嬲 嘞 。
噉 奴才 見到 太后 聖體 唔係 點 舒服 ，噉 都係 唔好 去 令到 太后 心煩 嘞 。
康熙 岌一岌頭 ，就 返到 乾清宮 寢殿 。
等 服侍 佢 嗰 班 太監 呢 都 退 晒 出去 喇 ，佢 就 話 ：小桂子 ，你 留 低 。
係 。韋小寶 應咗 一聲 。
康熙 喺 間 房 處 踱嚟踱去 ，踱咗 一陣 佢 問 ：
你 睇 嗰個 太監 同 宮女 ，為 咩事 要 打鬥 而且 打鬥到 死 呢 ？
韋小寶 話 ：呢層 我 又 估唔到 嘞 。
宮內 呢 好多 宮女 太監 嘅 脾氣 都 好 大 嘅 逳下 就 嗌交 ，有時 仲 暗中 打起嚟 添 ，不過 唔敢 畀 太后 同 皇上 知道 啫嘛 。
你 吩咐 大家 ，呢件事 唔好 再 提 嘞 ，免致 又 激嬲 太后 。
哦 。
你 扯 啦 。
韋小寶 請咗 安 就 行出去 。
嗱 各位 ，欲知 後事 如何 ，且 聽 下回 分解 。
