前 文 再續 啊 書 接上 一回 啊 。
話説 韋小寶 話畀 康熙 聽 ，佢 當住 刺客 面 ，殺咗 四個 太后 派嚟 嘅 太監 ，放走咗 啲 刺客 。
不過 佢 叫 康熙 千祈 唔好 講畀 太后 聽 啊 唔係 佢 就 冇 命 㗎 喇 噉 。
康熙話 ：我 梗係 唔會 同 太后 講 啦 ，嗰 三 名 刺客 收尾 點 啊 ？
韋小寶 話 ：噉 我 帶 佢哋 出咗 皇宮 咯 喎 ，佢哋 三個人 啊 ，就 將 自己 嘅 姓名 ，講畀 我 聽 嘞 。
原來 嗰個 老嘅 呢 叫做 搖頭獅子 吳立身 ，兩個 後生 嘅 呢 ，一個 叫做 敖彪 ，一個 叫做 劉一舟 。
噉佢哋 對 我 梗係 千恩萬謝 啦 。
噉啊 終於 呢 ，畀 奴才 呃咗 佢哋 ，帶 我 去 見 佢哋 嘅 主人 。
果然 係 不出 皇上 所料 啊 ，暗中 主持 嘅 呢 係 個 後生仔 ，呢班 反賊 叫 佢 做 小公爺 嘅 。
佢 真 姓名 叫做 沐劍聲 ，係 沐天波 個 仔 。
佢 手下 有 個 武功 好高 嘅 伯爺公 叫做 誒 鐵背蒼龍 柳 大洪 ，仲有 聖手 居士 蘇 岡 ，白氏 雙俠 中 嘅 白 二 俠 白 寒楓 等等 一班 人 喇 。
噉啊 分別 住 喺 楊柳胡同 同埋 西坑子胡同 嘅 。
你 都 見到 佢哋 喇 ？
都 見到 喇 。
佢哋 話 ，誒 天下 百姓 呢 都 話 喎 ，皇上 嘅 年紀 呢 雖然 唔 大 ，不過 係 聖明 無比 ，係 幾千年來 啊 少有 嘅 好 皇帝 啊 ，噉 佢哋 就算 有 天 大 嘅 膽 呢 都 唔 敢 害 皇上 嘅 。
前晚 所以 入宮 嚟到 搞搞震 ，完全 係 想 陷害 吳三桂 ，嚟 報復 佢 害死 沐天波 個 大仇 嘅 啫 噉話 。
我 亦 冇 施行過 咩 惠民 嘅 仁政 ，咩嘢 聖明 無比 啊噉 ，係 你 生安白 造出嚟 嘅 呢 ？
唔係啊唔係啊 ，係佢哋 親口 講㗎 。
大家 都 話 鰲拜 呢個 大奸臣 呢 殘害 良民 ，老百姓 嬲 到 佢 啊 入骨 喇 。
皇上 一上嚟 呢 就 殺咗 佢 ，真係 天大 嘅 好事 喇 。
佢哋 恭維 你 係 咩嘢 腰腎 ，又 話 咩嘢 魚湯 。
啊奴才 都 唔係 點 明白 㗎 ，不過 睇嚟 都係 好 説話 嚟 嘅 ，聽咗 呢 真係 開心 喇 。
康熙 打個 特 ，跟住 就 明白 喇 佢 哈哈大笑 話 ：
哈哈哈哈哈哈哈哈哈 ，哈哈哈 ，哈哈 ，哎 ，係 堯舜禹湯 ，你 阿爺 嘩 ，咩嘢 腰腎 魚湯 唧 。
康熙 啊 諗 嘞 ， 堯舜禹湯 嘅 恭維 説 話 韋小寶 係 點都 唔 會 捏造出 嚟 嘅 ， 噉 梗 係 真 㗎 啦 噉 。
點知道 講古 先生 講 英烈傳 嘅 時候 ，講 嗰啲 大臣 啊 不斷 頌揚 朱元璋 係 堯 舜 禹 湯 ，韋小寶 啊 聽到 熟晒 。
雖然 佢 唔係 點明白 個 意思 啊 ，但係 知道 腰腎魚湯 呢 ，乃係 專托 皇帝 大腳 嘅 好話 ，因為 朱元璋 每次 聽完 之後 都係 龍顏 大悦 嘅 。
韋小寶 呢個 時候 將 呢句 説話 用 喺 小皇帝 身上 ，果然 見到 康熙 亦係 龍顏 大悅 ，笑得 極之 歡暢 ，嗯 ，知道 大腳 托 啱 嘞 。
噉佢又問 ：皇上啊 ，腰腎魚湯 到底 係 咩嘢 唧 ？
嘿嘿嘿 ，仲 喺度 腰腎 魚湯 ，你 呢個 嘢 啊 真係 倒吊 都 冇 滴 墨水 㗎 。
堯舜禹湯 係 古代 嘅 四位 有道明君 ，大聖大智 ，有仁德於天下 嘅 好 皇帝 。
啊 ， 噉 啊 唔 怪 得知 啦 。
啊噉啲 反賊 都 唔係 完全 唔明白 事理 㗎 噃 。
係就係 ，不過 亦 唔能夠 畀 佢哋 就噉樣 去 逃走 嘅 。
快 啲 傳 多隆 嚟 。
哦 。韋小寶 應咗 ，噉啊 出去 傳咗 御前侍衞總管 多隆 入嚟 。
康熙 吩咐 多隆 話 ：反賊 果然 係 雲南 沐家 嘅 人 ，你 帶 啲 侍衞 即刻 去 捉 佢哋 。
小桂子 ，反賊 呢班人 有 啲 咩 人物 ，你 同 多總管 講 下 啦 。
噉韋小寶 又 將 沐劍聲 、柳大洪 呢班人 嘅 姓名 講咗 。
多隆 吃咗 一驚 啊 ：乜 原來 鐵背蒼龍 喺 暗中 主持 啊 ？
呢班 賊人 嘅 來頭 真係 唔細 啊 。
嗰個 搖頭獅子 吳立身 ，奴才 亦 聽過 佢 個 名 ，想唔到 喺 宮內 韞 咗 佢 一日一夜 ，都 查唔出 佢 嘅 底細 。
奴才 如果 係 聰明 一啲 ，見到 佢 一味 噉 搖頭 早就 應該 諗到 喇 。
如果 唔係 聖上 明斷 ，我哋 侍衞房 嘅 人 ，都 話 佢哋 係 吳三桂 派嚟 嘅 人 添 。
康熙 微微 一笑話 ：就怕 佢哋 呢個時候 已經 早就 走咗 咯 ，呢一次 未必 捉得到 。
不過 既然 知道咗 主使 嘅 係 邊個 ，就算 呢次 捉 唔到 亦 唔緊要 。
至怕就係 我哋 畀 人哋 呃咗 上咗 人哋 嘅 當 仲 唔 知道 唧 。
多隆 話 ： 係 ， 係 。 奴才 們 糊塗 啊 ， 好彩 主子 英明 ， 否則 真 係 不得了 嘞 。
噉叩頭退咗出去 ，即刻 點齊人馬 去捉人嘞 。
康熙話 ：小桂子 ，我 去 慈寧宮 請安 ，你 跟埋 我 嚟 啦 。
哦 。
韋小寶 諗到 要 見 太后 ，不由得 膽戰心驚 。
康熙話 ：你 愁眉苦面 做 咩嘢 唧 ？
我 帶 你 去 見 太后 ，就係 為咗 要 保住 你 嘅 人頭 吖 嘛 。
係 ，係 。
去到 慈寧宮 ，康熙 啊 向 太后 請咗 安 ，稟明 刺客 嘅 來歷 ，話 係 自己 派 小桂子 特登 放走 刺客 ，終於 查明咗 真相 噉 。
太后 微微 一笑話 ：小桂子 ，你 真係 好 能幹 啊 。
韋小寶 跪低 再次 叩頭 話 ：
皇上 料事如神 ，一切 呢 早就 算準晒 喇 ，奴才 不過 係 奉 皇上 差遣 辦事 唧 。
奴才 所 做 嘅 事情 ， 從頭到尾 冚𠾴唥 係 皇上 吩咐 嘅 ， 奴才 自己 啊 一 啲 都 冇 出到 主意 啊 。
太后 望咗 佢 幾 眼 ，哼咗 一 聲 佢 話 ：
你 成日 咁 頑皮 ，呢啲 就 唔係 皇上 吩咐 你 做 嘅 嘞啩 ？
細佬哥 出咗 宮 ，一定 四圍 咁 去玩 啦 。
有冇 去 天橋 睇 人哋 耍 把戲 啊 ？有冇 買 冰糖葫蘆 食 啊 ，吓 ？
韋小寶 諗起 喺 天橋 見到 官差 捉拿 賣 冰糖葫蘆 嘅 小販 ，噉 實係 太后 派 人 去 捉 嘅 。
佢 怕 嗰 個人 將 消息 傳 去 五台山 就講 畀 瑞棟 聽 ， 就 不分青紅 皂白 ， 將 天橋 一帶 所有 賣 冰糖葫蘆 嘅 小販 都 冚𠾴唥 拉 晒 返 嚟 ， 噉 啊 梗 係 不分青紅 皂白 ，冚𠾴唥 殺 晒 啦 。
一諗到佢手段咁毒辣 ，忍唔住 打咗個冷震 啊 佢話 ：係，係 。
太后 微微 笑話 ：咩嘢 係 係唧 ？我 問 你 啊 ，你有冇 買 冰糖葫蘆 食 啊 ？
回稟太后 ，奴才 喺 街 聽 人哋 講 ，呢幾日 天橋 唔係 點 平靜 。
九門 提督府 派 人 將 賣 冰糖葫蘆 嘅 小販 都 捉咗 去 ，話 裏 便 有 唔少 壞人 喎 。
因此 本來 賣 冰糖葫蘆 嘅 ，而家 都 改咗 行 喇 。
有啲 係 賣糕 ，有啲 賣花生 ，仲有 改行 賣酸棗 、賣甜餅 嘅 。
呢啲 人 奴才 見得 好多 啊 ，有啲 個樣 呢 好 熟 嘅 ，佢哋 都 話 唔 賣 冰糖葫蘆 嘞 。
有 一個 人 真係 好笑 啊 ，佢 話 去 咩 五台山 六台山 ，運 啲 和尚 食 嘅 齋饅頭 去 賣 喎 。
太后 霎 一聲 豎起 堂眼眉 嬲 嘞 。
佢 明白 韋小寶 呢番 説話 嘅 用意 ，噉 即係話 ：呢個 報告 消息 嘅 人 冇 捉到 ，以後 呢 ，亦咪 使 指意 捉得到 佢 。
太后 微微 冷笑 話 ： 好 ， 真 係 好 ， 好 能幹 啊 你 。
皇帝 ，我 想 留佢 喺 我 身邊 做事 ，你 話 好唔好 啊 ？
康熙 呢 一排 派 韋小寶 辦事 呢 好得力 ，當 佢 係 左右手 一樣 噉 。
呢次 親自 嚟 慈寧宮 ，就係 要 對 太后 解釋 ，韋小寶 殺 咗 太后 派 嘅 四名 太監 呢 ，係 奉 自己 之 命 ，請 太后 唔好 怪責 佢 嘅 。
突然間 聽見 太后 要人 ，不由得 打個特嘞 。
佢 個人 好 孝順 ，太后 雖然 唔係 佢 親生 母親 啊 ，但係 佢 自細 由 太后 撫養 長大 ，實際上 同 親生 老母 一樣 㗎 喇 ，噉 當然 係 唔敢 違拗 ，噉 就 微微 笑話 ：
小桂子 ，太后 抬舉 你 啊 仲唔快啲 謝恩 ？
韋小寶 聽見 太后 向 皇帝 要人 啊 已經 嚇到 雲飛天外 ，聽見 康熙 噉樣 講 ，連忙 話 ：係 ，係 。
噉猛咁叩頭話 ：多謝 太后 恩典 、皇上 恩典 。
太后 冷笑 一聲 話 ： 點啊 ？ 你 只 係 願意 服侍 皇上 ， 唔 願意 服侍 我 係 唔 係 啊 ？
服侍 太后 同 皇上 都 係 一樣 嘅 啫 ，奴才 一樣 咁 忠心耿耿 盡力 辦事 。
噉就好 。
御膳房 嘅 差事 你 亦 唔使 做 嘞 ，專門 喺 慈寧宮 就 得 喇 。
係 ，多謝 太后 恩典 。
康熙 見 太后 要 咗 韋小寶 就 怏怏不樂 ，傾談 咗 幾句 就 告辭 嘞 。
韋小寶啊 想 跟住 出去 。
太后 話 ：小桂子 ，你 留 喺度 ，等 第二個人 跟 皇上 返去 啦 。
我 有 件事 交畀 你 做 。
係 。
韋小寶 眼 都 定晒 噉 睇住 康熙 嘅 背影 行咗 出去 慈寧宮 ，佢 心諗 ：
你 走咗 我 就 弊喇 ，唔 知道 以後 仲 見唔見得到 你 呢 ？
忍唔住 就 想 喊 嘞 。
太后 慢慢 喺 度 飲茶 ， 目不轉睛 噉 睇 實 韋小寶 ， 睇 到 佢 啊 寒毛 都 棟 篤 企 。
過咗 好耐 ，太后 問 ：
嗰個 去 五台山 賣 齋饅頭 個人 幾時 再 返嚟 北京 啊 ？
韋小寶 話 ：奴才 唔 知道 噃 。
你 幾時 再 去 見 佢 吖 ？
韋小寶 啊 隨口 亂噏 喇 ：
奴才 同 佢 約定 ，一個月 之後 見面 ，不過 就 唔 喺 天橋 嘞 。
喺 咩 地方 啊 ？
佢 話 到 其時 佢 自然 會 設法子 通知 奴才 喎 。
好 ，噉 你 就 喺 慈寧宮 等 佢 個 消息 啦 。
太后 輕輕 拍 下 手掌 ，有 一 名 宮女 喺 內室 行 出嚟 。
呢名宮女 ，已經 有 三十五六歲 嘞 ，好 肥 㗎 ，但係 腳步 好 輕 ，面 如 滿月 ，眼 細 嘴 大 ，笑 騎騎噉 ，向 太后 彎腰 請安 。
太后話 ：呢個 小太監 叫做 小桂子 ，又 大膽 又 頑皮 ，我 誒 好鐘意 佢 嘅 。
嗰個 宮女 話 ：係 ，呢個 小兄弟 果然 好 靈巧 啊 。
小兄弟 ，我 叫做 柳燕 ，你 叫 我 做 姐姐 就 得 喇 。
韋小寶 個 心 諗 ：災瘟 你 嘩 你係 肥豬 。
但係 佢 笑住 話 ：係 ，柳燕 姐姐 ，你 個 名 啊 真係 好聽 嘞 ，身材 呢 好似 楊柳 ，行路 又 快 ，就 好似 一隻 小燕子 噉 。
喺 太后 面前 啊 ，其他 啲 宮女 太監 啊 邊度 敢 講 埋 啲 噉 嘅 輕佻 説話 呢 ？
但 係 韋小寶 明知 係 冇 行 㗎 喇 ， 呢 種 説 話 講 咗 係 噉 樣 唔 講 亦 係 噉 ， 噉 啊 唔 講盞 唔 講 嘅 啫 。
柳燕 話 ：小兄弟 ，你 把口 真係 甜 啊 。
太后 話 ：佢 把 口 甜 ，對 腳 亦 都 好 快 啊 。
柳燕 ，你 話 有 咩 法子 叫佢 唔會 東奔西跑 ，喺 宮內 亂咁 走亂咁 撞 呢 ？
太后 將 佢 交畀 奴才 ，等 我 看到 佢 實一實 就係 喇 。
呢隻 馬騮仔 好 狡猾 㗎 ，你 看 佢 唔 實 嘅 。
我 派瑞棟 去 傳 佢 ， 佢 又 花言巧語 ， 將瑞棟 呢 個 膽小鬼 嚇走 咗 。
我就 派咗 四名 太監 去 傳 佢 啦 ，佢 係 串通 埋 啲 侍衞 將 呢 四個 人 殺咗 。
噉 我 再 派 四個人 去 ，就 唔知 佢 做咗 啲 咩 手腳 喇 ，竟然 將 董金魁 佢哋 四個人 又 都 害死 埋 添 。
哎呀 ，嘖嘖嘖嘖嘖 ，小兄弟 你 噉 啊 真係 太過 頑皮 喇 ，好 難 對付 㗎 噃 。
太后 ，睇嚟 ，只有 將 佢 一雙 腳 都 斬咗 ，等 佢 乖乖 噉 瞓 喺 處 ，噉啊 安靜 太平 得多 喇 。
唉 ，我 睇 亦 只有 呢個 法子 啦 。
咪 搵 嘅 搞 ，韋小寶 飛身而起 啊 走出去 咯 喎 。
佢 左腳 啱啱 𨂾出 門口 ，突然間 ，只覺得 頭皮 一緊 ，條辮 呢 已經 畀 人哋 拉住 嘞 。
跟住 個 頭殼 向 後 便 一 仰 ，個 身 啊 不由自主 一 個 關斗 翻轉 過 嚟 ；
跟住 心口 一痛 ，一隻 腳 已經 踩住 自己 嘅 心口 嘞 。
只見 嗰隻 腳 啊 又 肥 又 大 ，着住 一隻 紅色 繡金花 嘅 短鞋 ，梗係 畀 柳燕 踩住 嘞 。
韋小寶 衝口而出 就 鬧 啊 ：衰婆 ，快啲 搦開 你 隻 臭腳 啦 嘛 。
柳燕 啊 不但 唔 搦開 ，仲 輕輕 使咗 力 添 ，嘩 ，韋小寶 啊 ，心口 嗰 十幾 條 肋骨 喇喇聲 咁 響 ，連 氣 都 唞唔過 。
柳燕 笑住 話 ：小兄弟 ，你 嗰 對 腳 呢 一定 好 香 定 嘞 ，我 真係 想 斬落嚟 聞 下 唧 。
韋小寶 個 心 諗 ：太后 嬲 到 自己 入骨 ，完全 可以 斬咗 自己 一雙 腳 ，再 派 人 抬住 ，去 見 同 瑞棟 傳遞 消息 嘅 人 。
仲 可以 暗中 派 啲 高手 跟住 嗰個人 去 五台山 殺埋 瑞棟 。
但係 世間上 早就 冇咗 瑞棟 呢個 人 喇 ，終歸 要 穿煲 㗎 。
而家 最緊要嘅 呢 係要 保住 呢雙腳 ，嚇 已經 冇用 㗎 嘞 ，利誘 試下 啦 。
噉佢就話 ：你 斬咗 我 雙腳 呢 都 唔緊要 ，就算 斬埋 我 個人頭 ，小桂子 不過 矮咗 兩寸 啫嘛 亦 冇 咩 嘢 嘅 ，就係 可惜 四十二章經 ，嘿嘿 ，嘿嘿 。
太后 一 聽到 四十二 章經 五 個 字 ，即刻 企 起身 佢 問 ：你 講 咩 話 ？
我 話 嗰 幾部 四十二章經 ，就 未免 有啲 可惜 嘞 。
柳燕 ，放佢 起身 。
柳燕 左腳 提起 ，離開咗 韋小寶 個 心口 。
跟住 隻 腳 攝入 佢 嘅 身下 便 ，喺 佢 背脊 一 挑 ，將 佢 嘅 身 啊 挑 到 彈起嚟 。
左手 一伸 ，已經 揦住 佢 條 後領 ，扚 佢 離地 ，然後 呢 ，重重 喺 地下 出力 一扽 。
韋小寶 畀 佢 𢴈低 搦起 就 毫無 抗拒 之力 。
衰婆 呢 兩個 字 本來 噏到 口唇 邊 㗎 嘞 ，但係 嚇到 佢 咕聲 吞翻 落 肚 唔 敢 講 。
太后 問 佢 ：四十二 章經 嘅 事 你 係 聽 邊個 講 㗎 ？
橫掂 我 兩隻腳 ，就要 畀 你 斬斷 咯 我 乜嘢 都 唔 講 。
烏蠅 褸 馬尾 就 一拍兩散 ，我 冇 咗 腳 冇 咗 人頭 ，你 亦 冇 咗 四十二 章經 。
柳燕 話 ：我 勸 你 呢 ，仲係 乖乖哋 聽話 回答 太后 嘅 好 。
回答咗 係 死 ，唔 回答 又 係 死 ，點解 要 回答 唧 ？
呢 ，最好啊 上多啲 刑罰 我 先至 唔怕 。
柳燕 攞起 佢 隻 左手 笑住 話 ：
吖 小兄弟 ，你嘅 手指 又 尖 又 長 ，生得 好好睇 噃 。
至多 你 咪 將 我 手指 都 斬斷 埋 又 有 咩 稀罕 ，吖 ，哈 ！
一句 説話 都 未 講完 ，手指 啊 痛到 入心 。
原來 柳燕 啊 兩隻 手指 揸住 佢 左手 食指 出力 一挾 ，爭啲 將 佢 手指骨 都 捻碎 埋 。
韋小寶 痛到 眼淚 惦流 啊 佢 話 ：
太后 ，你 快啲 殺咗 我 啦 ，嗰 幾部 四廿二 章經 ，你咪 使 指意 嘞 。
太后 話 ：你 將 四十二章經 嘅 事 老老實實 噉 講出嚟 ，我 就 放生 你 。
我 唔使 你 咁 好心 啊 ，經書 嘅 事 我 堅決 唔 講 喇 。
柳燕 ，如果 佢 唔 講 ，你啊 將 佢 嗰 兩 隻 眼 核挖出嚟 啦 。
柳燕 話 ：好啊 ，我 挖 佢 一隻 眼核 先 。
小兄弟 ，你 隻 眼 核生 得 真係 好 靈活 嘅 ，又 黑 又 圓 ，睩嚟睩去 。
不過 呢 ，挖咗出嚟 就 唔係 點 靚 咯 。
講完 ，右手 嘅 手指公 ，就 擠 喺 佢 右眼皮 上 便 輕輕 噉 用力 。
韋小寶 只 覺得 眼核 痛到 極 啊 ，唯有 屈服 啦 佢 就 話 ：
投降 喇 ， 投降 喇 ， 哎呀 ， 你 唔 好 挖 我 隻 眼核 喇 ， 我講 就 係 喇 。
柳燕 放開 隻手 笑住 話 ：係咯 ，噉至 乖㗎 ，你 好好講 ，太后 錫 你 。
太后 問 佢 ：你 有 四十二 章 經 咩 ？喺 邊處 得 翻嚟 㗎 ？
韋小寶話 ：係 瑞棟 交畀 我 嘅 ，佢 叫 我 好好地 收埋 佢 ，擠 喺 一個 最 隱秘 嘅 地方 。
噉佢話 ：小桂子 兄弟 ，喺 皇宮 裏 便 呢 ，想 害 你 嘅 人 好多 。
如果 將來 你 有 咩 三長兩短 ， 少 咗 兩隻 腳 啊 ， 啊 少 咗 兩隻 眼核 啊 噉 ， 從此 之後 呢 部 經書 就 由 得 佢 唔 見天日 就算 喇 。
害 你 嘅 人 ，佢 雙眼 呢 雖然 唔係 盲 ，不過 睇唔到 呢部 寶貝 經書 ，同 盲咗 眼 嘅 人 都 冇 咩 分別 嘅 啫 呢啲 叫做 自作自受 啊 。
太后 ，嗰 兩部 經書 係 紅綢 封面 ，鑲 白邊 嘅 唔知 係唔係 呢 ？
太后 就 唔 信瑞棟 講過 呢 番 説 話 ， 但 係 佢 派 瑞 棟 去 處死 宗人府 嘅 鑲 紅旗 旗主 和察博 ，攞 咗 佢 所 收藏 嗰 四十二章 經就 確係 事實 。
當日 瑞棟 返嚟 報告 個 時候 ，佢 正在 急於 要 殺 韋小寶 滅口 就 嚟 唔切 問 經書 。
呢個 時候 聽 佢 噉樣 講 ，個 心 又 嬲 又 歡喜 ：
嬲 嘅 ， 係 瑞棟 竟然 將 經書 交 咗 畀 呢 個 小鬼 ；
歡喜嘅 呢 係 終於 探聽到 下落 嘞 。
太后 話 ：既然 係 噉樣 ，柳燕 你 就 陪 小桂子 去 攞 本 經書 嚟 畀 我 。
如果 本經書 係 真嘅 ，我哋 就 放生 佢 條命 ，將 佢 還畀 皇帝 就算 喇 。
我哋 永世 唔准 佢 再 入 慈寧宮 ，免致 我 見到 呢個 小鬼 就 激氣 啊 。
柳燕 拉住 韋小寶 個 右手 話 ：小兄弟 ，我哋 去 啦 。
韋小寶 將 隻 手 一 拂 佢 話 ：我 係 男人 ，你 係 女人 ，拖手拖腳 似 咩 樣 唧 ？
柳燕 只係 輕輕 揸住 佢 隻手 ，點知 佢 隻手 呢 ，好似 有 極強 嘅 黏力 噉 嘅 ，緊緊 噉 黐住 韋小寶 隻手 ，佢 想 拂 都 拂唔甩 啊 。
柳燕話 ： 你 係 太監 算 咩 男人 啊 ？ 就算 真 係 男人 啊 ， 你 呢 個 僆倞 做 我 個 仔 都 嫌細 過頭 啦 。
係 咩 ？ 你 想 做 我 阿媽 啊 ？ 吖 ， 我 又 覺得 你 同 我 阿媽 真 係 一模一樣 噃。
柳燕 邊度 知道 佢 係 鬧 自己 係 老舉唧 ，噉 佢 就 話 ：
本 姑娘 係 黃花閨女 嚟 啊 你 咪 亂 咁 講 啊 。
講完 ，拖住 佢 隻手 去 行出出 便 嘞 。
嚟到 長廊 ，韋小寶 個 心 喺度 猛咁 諗 ：
只係望 能夠 有個 咩 妙法 嚟到 擺脱 佢 嘅 掌握 。
佢 把 匕首 呢 ，就 插 喺 右腳 靴筒 裏 便 嘅 。
如果 用 左手 去 拔 ，隻 手 一 逳 佢 就 會 發覺 。
呢個 女人 嘅 武功 好 犀利 㗎 就算 自己 雙手 都有 利器 啊 ，亦 未必 能夠 同 佢 打得 兩嘴 嘅 。
佢 諗 ：呢隻 死肥豬 吖 都 唔知 邊度 蜎出嚟 嘅 ？
嗰錢 老闆 送 咩嘢 唔好 吖 ，偏偏 送 肥豬 嚟 ，我 早 覺得 唔 利是 㗎 啦 嘛 。
老舉乸 同 老烏龜 打 嗰陣 ，呢隻 豬乸 呢 一定 仲 唔 喺 慈寧宮 ，否則 佢 只要 出嚟 幫 一 幫 唧 ，老烏龜 即時 就 死 嘞 。
呢隻豬乸 一定 係 呢兩日 先至 嚟 嘅啫 ，如果 唔係 ，前幾日 老舉乸 就 派 佢 嚟 殺 我 啦 ，老舉乸 自己 就 唔 使 親自 逳手 嘞 。
諗到 呢處 ，突然間 有計嘞 ，就 帶佢 向住 東便 ，一直 向 乾清宮 旁邊 嘅 上書房 行過去 。
佢 諗 ：而家 只有 去 求 康熙 救命 啦 ，呢 隻 豬乸 入 宮 冇 幾 耐 個 啫 ，未必 識 路 嘅 。
嗱 各位 ，欲知 後事 如何 ，且 聽 下回 分解 。
