前 文 再續 啊 書 接上 一回 啊 ， 話 説 過 咗 冇 幾 耐 ， 張康年 就 攞 到 蒙汗藥 返 嚟 嘞 。
好 大包 啊 ， 怕 有 成 半斤 幾重 ， 噉 啊 細細 聲笑 住 話 ：
呢 一 大包 藥呢 ， 迷 幾百人 都夠 㗎 喇 。
如果 淨 係 迷 一個 人 呢 ， 用 手指甲 挑一 啲 啲 ， 溝 勻 喺 茶 或者 酒 裏 便 就夠 喇 。
跟 住 又 吩咐 眾 侍衛 搬 枱 搬 凳 ， 話 係 桂公公 賞酒 噉 。
班 侍衛 歡喜 到 見 牙 唔 見 眼咪 即刻 逳 手 嘞 噃。
韋小寶 話 ： 喂喂 喂 ， 將 酒席 擺 喺 綁 犯人 嘅 廳 處 。
我 有 我 哋 快活 飲酒 ， 等 嗰 三個 刺客 睇 到 眼 都 紅晒 口水 哚 哚 諦 至 得 。
噉 啊 酒席 擺好 喇 ， 御膳房 個 管事 太監 已經 帶 埋 小太監 同埋 蘇拉 ， 誒 蘇拉 呢 ， 即 係 清宮 中低級 嘅 雜役 ， 滿洲 話 叫做 蘇拉 。
噉 啊擔 咗 食盒 嚟 ， 將 餸 菜 、 酒壺 都 擺 喺 枱 上 。
韋小寶 笑 住 話 ：
你 哋 三個 反賊 吖 ， 做 埋 呢 啲 大逆不道 嘅 嘢 ， 死到 臨頭 仲 喺 度 嘴硬 啊 ？
呢 ， 而家 睇 住 老爺 飲酒 食 餸 ，嗱， 如果 你 真 係 為 食為 到頂 唔 住 喇 ， 就 扮 一聲 狗叫 ， 老爺 就賞 一 嚿 肉 你 食 下 。
班 侍衛 就 哈哈大笑 。
吳立身 鬧 佢 嘞 ： 狗 侍 衞 、 臭 太監 ， 我 哋 平西王爺 話 咁 快 就 喺 雲南 起兵 ， 一路打 過 嚟 北京 ， 將你 哋 呢 啲 侍 衞 、 太監 冚𠾴唥 殺 清光 ！
韋小寶 隻 右手 喺 衫 袋 ，攞 咗 半 紮 蒙汗藥 ， 左手 啊 搦 起 隻 酒 壼 ， 就 行到 吳立身 面前 ， 搦 高個 酒壺 笑 住 話 ：
反賊 ， 你 想 唔 想 飲酒 吖 ？
吳立身 就 唔 明白 佢 嘅 用意 ， 大聲 話 ：
飲亦好 ， 唔 飲 亦 好 ！ 平西王 大兵 一到 啊 ， 你 呢 個 小太監 亦 係 冇 命 。
噉 亦 未必 。
韋小寶 高高 搦 起 隻 酒壺 ， 仰起 頭將 酒 倒 落 嚟 擘 大 口 接 住 ， 噉 一 啖 吞 咗 落肚 。
唉 ， 好酒 ， 好酒 啊 ！
跟 住 左手 打 平放 喺 心口 ， 用 食指 撥開 個 壺蓋 ；
將 右手 揸 住 嘅 蒙汗藥 都 放晒入 酒壺 裏 便 ， 跟 住 呢 撥 翻 好 壺蓋 ；
左手 攞 高個 酒壺 ， 喺 頭頂 不停 咁 搖笑 住 話 ：
你 個 反賊 嘩 ， 死到 臨頭 仲 喺 度 亂 噏 無 為 。
佢 放 蒙汗藥 個 時候 ， 用個 身 遮住 個 酒 壼 ， 噉 除 咗 吳立身 一個 人 之外 ， 邊個 都 冇 見到 。
佢 而 家 噉 樣 一 搖 ， 將 蒙汗藥 同埋 酒 啊 冚𠾴唥 撈 勻 晒 嘞 。
吳立身 一睇 見 ， 即時 明白 喇個 心 歡喜 喇 ， 佢 大聲 話 ：
大丈夫 死 唔 係 死 ， 要 開聲 嚟 𠼮 你 唔 係 好漢 。
你 呢 壺酒 ， 畀 老子 痛痛快快 飲 咗 佢 ！
韋小寶 笑 嘞 ： 你 想 飲酒 啊 ， 偏 唔 畀 你 飲 ， 心痕 呢 ？ 痕 啊 呢 ？ 哈哈哈 哈哈哈 。
轉身 返到 去 筵席 ， 同班 侍 衞 都 滿滿 斟 咗 一 杯酒 。
張康年 等 一齊 企 起身 佢 話 ： 唔 敢當 ， 點敢 要 公公 斟酒 啊 ？
韋小寶 話 ： 大家 自己 兄弟 使 乜 客氣 吖 ？
噉 啊 舉起 酒杯 話 ： 請 ， 請 。
班 侍 衞 正話 要 飲酒 ， 門外 便 忽然間 有人 大聲 話 ： 太后 傳 小桂子 ， 小桂子 喺 唔 喺 度 啊 ？
韋小寶 吃 咗 一驚 喇話 ： 喺 度 喺 度 。
放低 酒杯 佢 心 話 ：
老舉 乸 又 嚟 搵 我 做 乜嘢 呢 ？
即刻 行 出去 ， 見到 係 四名 太監 。
為 首 嗰 個人 演胸 凸肚 ， 嗯 ， 睇 個樣 唔 係 好 嘢 喇 ， 佢 跪 低 話 ： 奴才 小桂子 接旨 。
嗰 個 太監 話 ： 皇太后 有 緊要 事 ， 命令 你 即刻 去 慈寧宮 。
韋小寶 話 ： 係 ， 係 。
企 起身 個心 諗 ：
迷魂 酒都 已經 斟 咗 咯 ， 我 一行 開 ， 班 侍衛 梗 係 即刻 飲酒 㗎 ， 拆穿 西洋鏡 唔 緊要 啊 。
慈寧宮 就千祈 唔 好 去 。
呢 個 時候 身邊 侍 衞 眾 多 ， 個心 呢 亦 唔 係 好 怕 佢 ， 佢 笑 住 話 ：
公公 貴姓 啊 ？ 以前 我 哋 點解 冇 見過面 嘅 ？
嗰 個 太監 話 ： 哼 ， 我 叫做 董金 魁 。
走 啦 ， 太后 等 住 啊 ， 已經 到處 搵 咗 你好 耐 㗎 喇 。
韋小寶 一手 拉 住 佢 話 ：
董公公 ， 你 快 啲 嚟 睇 一件 好 得意 嘅 嘢 。
噉 啊 拉 住 佢 行 入 去 。
董金 魁 聽 講話 係 得意 嘅 嘢 唄 ， 咪 跟 住 佢 行 入 內廳 ， 一見 開 咗 兩圍 酒席 就 大聲 話 ：
好 啊 ， 你 哋 真 係 會 享福 喇 。
小桂子 ， 太后 派 你 管 御膳房 ， 你 就 假公濟私 攞 太后 同 皇上 個 銀 嚟 亂 咁 捹。
各位 侍 衞 兄弟 捉賊 有功 ， 皇上 命令 我 犒賞三軍 啫 嘛 。
嚟 嚟 嚟 ， 董公公 ， 啊 仲有 呢 三位 公公 ， 大家 坐低 飲 翻杯 。
董金 魁 擰 頭話 ： 我 唔 飲 ！ 太后 傳 你 仲 唔 快 啲 去 ？
各位 侍 衞 大人 都 係 好 朋友 ， 你 一 杯酒 都 唔 同 人 哋 飲 ， 噉 啊 太過 唔 畀 面 啦 。
我 唔 飲酒 嘅 。
韋小寶 同 張康年 打個 眼色 ：
張大哥 ， 呢 個 董公公 咁 大 架子 ， 唔 肯同 我 哋 飲酒 喎 。
張康年 啊 攞 起 一 杯酒 ， 送到 去 董金 魁 嘅 手 ， 佢 笑 住 話 ：
董公公 ， 大家 熱鬧 下 啫 ， 飲 啦 ， 飲 啦 。
董金 魁 冇 法子 喇 ， 咪 只有 乾 咗 一杯 。
韋小寶 就 話 ： 係 咯 ， 噉 先至 夠朋友 㗎 嘛 ， 誒 ， 嗰 三位 公公 都 飲 一杯 。
嗰 三名 太監 接過 侍 衞 遞 過 嚟 嘅 酒杯 ， 亦 都 飲 咗 喇 。
韋小寶 話 ： 好 ！ 大家 奉陪 一杯 。
喺 四隻 空 酒杯 裏 便 又 斟滿 咗 酒 。
班 侍衛 一齊 舉杯 飲 咗 喇 。
韋小寶 舉杯 嘅 時候 ， 用 左手 嘅 衫袖 遮住 咗 酒杯 ， 隻 酒杯 一側 ， 將成杯 藥酒 都 倒入 衫袖 籠 。
佢 又 怕 一 杯酒 力量 唔 夠 啊 ， 又 要 同班 人 斟酒 嘞 噃。
一個 侍 衞 接過 酒壺 話 ： 等 我 嚟 斟 啦 。
董金 魁 唔 高興 喇 ： 桂公公 ， 我 哋 一 聽到 太后 宣召 ， 邊個 都 腳底抹油 飛奔 趕住 去 嘅 。
你 噉 樣 掛住 飲酒 ， 好 唔 恭敬 噃。
韋小寶 笑 住 話 ： 有 緣故 嘅 嚟 嚟 嚟 ， 大家 飲 埋 呢 一杯 ， 我 講明 白 你 哋 聽 。
張康年 舉起 杯酒 話 ： 董公公 ， 請 ！
董金 魁話 ： 我 唔 得閒 飲酒 啊 。
講完 ， 個身 微微 岌一 岌 。
韋小寶 知道 佢 肚裏 頭 嘅 蒙汗藥 就 快要 發作 喇 ， 突然 間 彎腰 叫住 話 ： 哎呀 ， 肚痛 啊 。
班 侍衛 都 覺得 一陣 頭暈 ， 有人 就 話 喇 ： 點啊 ？ 啲 酒 唔 對 路 啊 ？
韋小寶 大聲 發惡話 ：
董公公 ， 你 奉 太后 之命 ， 賜 毒酒 畀 我 哋 飲 係 唔 係 ？
點解 你 要 喺 酒 裏 便 放毒 ？
董金 魁 大吃一驚 啊 ， 佢 聲 震震 噉 話 ： 唉邊 ， 邊 ， 邊度 有 噉 嘅 事 呢 ？
韋小寶 話 ： 你 嘅 手段 真 係 狠毒 喇 ， 竟然 膽敢 喺 酒 裏 便 放毒 ？
各位 兄弟 ， 我 哋 同 佢 搏 過 ！
班 侍 衞 頭暈 腦脹 ， 傻 咗 噉 。
只 聽見 嘣 蹦 兩聲 ， 兩個 太監 頂 唔 住 藥力 ，𢴈 倒 嘞 。
跟 住 董金 魁 、 張康年 、 班 侍 衞 同 剩 低 一名 太監 先後 跌倒 。
跌 到 啊 枱 又 冧 椅 又 倒 亂 晒 大龍 。
韋小寶 衝 上前 ， 喺 董金 魁 身上 踢 咗 一腳 。
董金 魁 嗯 噉 一聲 ， 手腳 微微 逳 下 ， 雙眼 都 擘 唔 開 喇 。
韋小寶 歡喜 喇 ， 走 過去 掩埋 道廳 門先 ， 拔出 匕首 ， 喺 董金 魁同 三名 太監 心口 一人 一劍 。
劉一舟 啊 驚奇 到 吖 一聲 嗌 出 嚟 。
韋小寶 又 用 匕首 將 綁住 吳立身 、 劉一舟 、 敖彪 手腳 上面 嘅 牛筋 冚𠾴唥 割斷 晒 。
吳立身 佢 哋 三個 人 武功 都 唔 弱 嘅 ， 吳立身 啊 尤其 是 使得 。
三個 人 雖然 受過 拷打 ， 但 都 係 皮肉之傷 ， 並 冇 傷 到 筋骨 嘅 。
劉一舟 話 ： 桂公公 ， 我 哋 ， 我 哋 點樣 逃跑 出去 啊 ？
韋小寶 話 ： 吳 大爺 、 敖 師兄 ， 你 哋 兩位 搵 兩個 身材 差 唔 多 嘅 侍 衞 ， 同 佢 哋 換 咗 衣服 啦 。
劉師兄 ， 你 又 冇 鬍鬚 ， 可以 扮 太監 ， 同 呢 個 姓 董 嘅 換 咗 衣服 啦 。
劉一舟 話 ： 我 都 扮 埋 侍衛 呢 。
唔 得 ， 你 扮 太監 。
劉一舟 啊 唔 敢 拗 佢 ， 岌一岌頭 。
三個 人 ， 即刻 就 改換 咗 裝束 。
韋小寶 話 ： 你 哋 跟 我 嚟 ， 無論 邊個 同 你 哋 講 嘢 ， 一味 詐啞 就 得 喇 ， 唔 好 回答 。
講完 ， 喺 衫 袋 攞 啲 化 尸 藥粉 出 嚟 ， 拉開 董金 魁 嘅 屍體 放 喺 角落 頭 ， 用 匕首 喺 佢 上身 、 下身 到處 㓤 幾個 窿 。
每個 窿 裏頭 都彈 啲 藥粉 上去 ， 等 屍體 啊 銷毀 得 快 啲 。
然後 開 咗 廳門 ， 帶 三個 人 出去 。
一出 侍 衞 房 ， 捩 手 掩埋 房門 ， 直筆 向 御膳房 喇 。
御膳房 喺 乾 清宮 嘅 東面 ， 同 侍 衞 房 啊 距離 好 近 嘅 啫 ， 一陣 間 就 到 嘞 。
只見 錢 老闆 早就 喺 度 恭恭敬敬 企 喺 處 等候 ， 噉 幾個 手下 呢 ， 擔 咗 兩隻 乾淨 企 理 嘅 大 光 豬 嚟 。
韋小寶 即 時變 咗 面色 喝 佢 話 ： 老錢 ， 你 太過 唔 似樣 喇 吓 ， 我 吩咐 你 送 幾隻 好豬 嚟 ， 你 用 呢 啲 又 瘦 又 乾 ， 生 過 十七八 胎 嘅 老豬 乸 嚟 應付 老子 ？
你 你 ， 豈有此理 ， 你 呢 碗飯 仲想 唔 想 食 ？
佢 鬧 一句 ， 錢 老闆 就 惶 惶恐 恐 啊 應 一聲 ： 係 。
御膳房 班 太監 見 錢 老闆 送 嚟 嘅 豬 ， 實在 係 兩隻 又 肥 又 壯 嘅 大 豬 。
但 係 挑 啲 送 嚟 嘅 貨物 唔 妥 ， 本來 就 係 御膳房 管事 太監 撈油水 嘅 不二法門 。
任 你 送 嚟 嘅 牛羊 雞鴨 啊 絕頂 上 等 ， 喺 管事 太監 把 口裏 便 ， 亦 都 變成 施捨 乞兒 都 冇 人 要 嘅 臭 貨 賤貨 。
只有 送貨 啲 人 嘅 銀 呢 一包 包遞 上 嚟 喇 ， 噉 啊 臭貨 賤貨 呢 ， 就 搖身一變 ， 變成 皇帝 皇后 都 食 得 嘅 精品 。
班 太監 聽 韋小寶 噉 樣講 ， 心中 了 了 ， 跟 住 就 猛 咁 喝 話 ：
趕出去 ， 呢 兩隻 冤崩爛 臭 嘅 豬 乸 ， 掉 喺 菜地 做 肥料 就 啱 喇 。
韋小寶 越 加發 嬲 喇 將手 一揮 ， 對 吳立身 佢 哋 三個 人 話 ：
兩位 侍衛 大哥 ， 仲有 呢 位 公公 ， 你 哋 三個 押 呢 傢伙 出去 啦 ， 趕到 宮 門外 便 ， 唔 准 佢 再 入 嚟 。
錢 老闆 啊 唔 知道 韋小寶 係 咩 用意 噃， 噉 啊 愁眉 苦面 噉 話 ：
唉 公公 原諒 呢 次 啦 ， 小人 ， 小人 翻 轉頭 ， 去 換個 更 大 更 肥 嘅 肉豬 嚟 ， 噉 另外 有 多少 薄禮 ， 誒 ， 誒 孝敬 各位 公公 嘅 。
呢 一次 ， 呢 一次 請 公公 多多 包涵 啦 。
韋小寶 話 ： 我要 肉豬 我 會派 人去 叫 你 ， 快 啲 去 ， 快 啲 去 啦 嘛 。
錢 老闆 話 ： 係 ， 係 。
御膳房 班 太監 你 望 我 我 望 你 笑 喇 ， 個心 諗 ：
你 有 禮物 孝敬 ， 桂公公 自 不然 唔 會 趕 你 哋 走 啦 。
吳立身 、 劉一舟 、 敖彪 三個 人 ， 跟 喺 錢 老闆 後 便 ， 又 推 又 拉 將 佢 趕 出 廚房 。
韋小寶 喺 後 便 跟 住 ， 行到 去 走廊 ， 四便 睇 下 見到 冇 人 喇 ， 噉 啊 低聲 話 ：
錢 老兄 ， 呢 三位 係 沐 王府 個 英雄 ， 第一位 ， 就 係 大名鼎鼎 嘅 搖頭 獅子 吳 大爺 喇 。
錢老本 好 歡喜 啊 ： 久仰 ， 久仰 ， 在 下 唔 敢 捩 轉頭 打招呼 喇 ， 三位 唔 好 怪 啊 。
吳立身 聽見 佢 係 韋小寶 嘅 朋友 ， 個心 好 高興 連忙 話 ： 呢 處 咁 危險 應該 係 噉 嘅 。
韋小寶 話 ： 錢 老兄 ， 唔 該 你 同 貴會 韋香主 話 ， 癩痢 頭小 三件 事 ， 幫 佢 做成 咗 喇 。
你 帶 呢 三位 好 朋友 去 見 沐 小公爺 同柳 大爺 啦 。
呢 三位 朋友 一走 ， 宮裏 頭 即時 就 會 追 拿 刺客 ， 你 以後 就 唔 能夠 再 入 宮 喇 。
錢 老闆 話 ： 係 嘅 係 嘅 ， 敝 會 上上下下 ， 都 感謝 公公 嘅 大德 。
吳立身 就問 嘞 ： 呢 位 錢 朋友 係 天地會 㗎 ？
錢 老闆 話 ： 冇 錯 。
五個 人 急急 腳 嚟 到 神武門 。
噉 守 衞 宮門 嘅 侍 衞 見到 韋小寶 都 恭恭敬敬 問候 ： 桂公公 好 。
韋小寶 話 ： 大家 好 。
呢 啲 侍 衞 雖然 見到 吳立身 佢 哋 三個 人 面生 啊 ， 但 係 見到 韋小寶 挽住 吳立身 隻 手 ， 梗 係 邊個 都 唔 敢 問多 一句 啦 。
五個 人出 咗 神武門 又行 咗 幾十步 ， 韋小寶 話 ：
在 下 要 回宮 喇 ， 後會有期 ， 哎 ， 大家 不必 多禮 。
吳立身 話 ： 救命之恩 ， 不敢 望報 。
以後 天地會 如果 有 需要 ， 吳某 敖 某 師徒 赴湯蹈火 在所不辭 。
韋小寶 話 ： 唔 敢當 ， 唔 敢當 。
呢 個 時候 ， 只見 劉一舟 喺 前面 大步 大步 噉 行 ， 佢 捩 轉頭 望下 ， 梗 係 嬲 吳立身 點解 唔 快 啲 行 啦 ， 呢 處離 宮門 冇 幾遠 ， 仲未 脱險 㗎 嘛 。
韋小寶 見到 微微一笑 ， 就 返去 神武門 同 守門 嘅 侍 衞 話 ：
嗰 個 公公 係 皇太后 嘅 親信 ， 話 奉 咗 太后 慈旨 ， 命令 我 親自 送 呢 幾個 人出 宮 喎 。
豈有此理 都 唔 知 係 咩 路數 嘅 。
守門 嘅 侍 衞 話 ： 吖 乜 咁 大 架子 㗎 ， 點 能夠 要 桂公公 送 嘅 呢 ？ 莫非 係 親王 貝勒 ？
另外 一名 侍 衞 話 ： 就算 係 親王 貝勒 啊 ， 亦 都 唔 能夠 叫 桂公公 親自 送 㗎 嘛 。
韋小寶 擰 擰 頭話 ： 唉 ， 太后 個 命令 啊 真 係 令人 莫名其妙 㗎 ， 我個 心 啊 好 思疑 啊 。
只不過 嗰 個 太監 攞 咗 太后 親筆 慈旨 嚟 ， 我 哋 做 奴才 嘅 就 唔 敢 唔 做 嘅 係 唔 係 ？
幾名 侍 衞 都 話 ： 吖 噉 又 係 啊 ， 唉 ， 又 有 乜 法子 吖 嚱。
話 說 韋小寶 返到 去 侍 衞 房 ， 見 啲 人仲 昏迷 喺 度 ， 跌 晒 喺 地 未 醒 。
佢 𢳂 咗 一盆 冷水 ， 潑 喺 張康年 頭殼 ， 張康年 就 慢慢 醒 翻 喇 佢 微微 笑話 ：
哎呀 桂公公 ， 我 點解 咁 容易 醉 嘅 ？
好 唔 好意思 坐 起身 ， 一 見到 廳 上面 嘅 情形 大吃一驚 啊 佢 話 ： 誒 ， 誒 誒 ， 嗰 嗰 ， 嗰 啲 刺客 ， 誒 ， 啲 刺客 已經 走 咗 喇 ？
韋小寶 話 ： 太后 派 咗 嗰 個 姓 董 嘅 太監 嚟 ， 用 蒙汗藥 迷暈 咗 我 哋 ， 將 三名 刺客 救 咗 去 啊 。
嗰 啲 蒙汗藥 分明 係 張康年 親自 攞 嚟 交 畀 韋小寶 嘅 ， 聽 佢 噉 樣 講 當然 係 唔 信 啦 。
但 係 藥力 啱 啱 退 咗 ， 頭腦 仲 係 一 擗 漿糊 噉 都 唔 知 點樣 回答 嘞 。
韋小寶 話 ： 張大哥 ， 多 總管 命令 你 暗中 放 啲 刺客 係 唔 係 啊 ？
張康年 岌一岌頭 話 ： 多 總管 話 ， 係 皇上 嘅 密旨 ， 放 咗 刺客 呢 ， 嚟 追查 主使 佢 哋 嘅 反賊 頭頭 係 邊個 吖 嘛 。
係 ， 不過 宮裏 頭走 甩 咗 刺客 ， 負責 看守 個人 有 冇 罪 呢 ？
誒 噉 ， 噉 ， 噉 ， 噉 梗 係 有罪 啦 。
不過 ， 不過 係 多 總管 吩咐 過 㗎 噃， 我 哋 做 下屬 嘅 不過 奉命行事 啫 嘛 。
多 總管 有 冇 手 令 畀 你 睇 過啊 ？
哦 ， 冇 ， 冇 啊 ， 佢 親口 講話 ， 話 ， 話 唔 使 咩 手 令 嘅 。
噉 多 總管 話 ， 係 奉 咗 皇上 嘅 旨意 辦事 啫 嘛 。
多 總管 噉 有 冇 攞 皇上 親筆 嘅 聖旨 畀 你 睇 過吖 ？
誒 ， 冇 ， 唔 唔 唔 唔 ， 冇 啊 ， 噉 唔 通 ， 唔 通多 總管 嘅 説 話 係 假 嘅 ？
張康年 全身 都 震 晒 ， 牙齒 打卦 打 到 嘎嘎聲 。
假 就 唔 係 假 ， 我 就 怕 多 總管 唔 認賬 ， 事到臨頭 ， 推 晒 喺 你 身上 噉 就 有 啲 不妙 喇 。
張大哥 ， 皇上 點解 要放 刺客 出去 呢 ？
多 總管 話 ： 要 喺 呢 三名 刺客 身上 ， 誒 引 嗰 個 背後 主使 嘅 人 出 嚟 喎 。
事情 亦 確係 噉 嘅 ， 不 佢 喺 宮中 放走 咗 刺客 ， 如果 唔 追究 就連 刺客 自己 都 唔 會信 啦 。
呢 個 背後 主使 嘅 人 ， 亦 未必 會查 得出 嘅 。
講唔 定 皇上 會 殺 幾個 人 ， 張揚 一下 ， 使到 刺客 唔 會 疑心 啊 。
哎呀 ， 張康年 驚起 上 嚟 連忙 雙膝 跪 低 ： 公公 救命 ， 公公 救命 啊 ！ 講完 猛 咁 叩頭 。
張大哥 唔 使 咁 多禮 ， 韋小寶 扶 佢 起身 笑 住 話 ：
而家 有 現成 嘅 朋友 孭 鑊 ， 我 哋 推 畀 呢 四名 太監 ， 話 佢 哋 落 蒙汗藥 迷魂 咗 啲 人 ， 放走 刺客 噉 就 冇 關係 啦 嘛 。
噉 皇上 聽講 呢 四名 太監 係 太后 派 嚟 嘅 ， 噉 梗 係 唔 會 追究 啦 。
皇上 亦 唔 係 真 係 要 殺 你 ， 只要 有人 孭 鑊 咯 ， 噉 將 放走 刺客 嘅 事 一 掩蓋 咗 過去 ， 皇上 多數 仲有 賞賜 畀 你 添 噃。
啊 ， 妙 啊 ， 妙 啊 ， 多謝 公公 救命之恩 。
張大哥 ， 我 哋 快 啲 救醒 班 兄弟 啦 ，嗱， 咬 死 係 呢 四名 太監 放走 啲 刺客 嘅 。
係 ， 係 。
噉 於是 𢳂 啲 冷水 將 啲 侍 衞 一個 一個 噉 救醒 。
大家 聽 講話 太監 董金 魁 迷魂 咗 自己 ， 殺 咗 三名 太監 ， 救 咗 三名 刺客 ， 個個 都 破口大罵 。
不過 大家 個心 又 思疑 喇 ： 太后 為 咩 要 放走 刺客 呢 ？ 唔 通 呢 啲 刺客 係 太后 叫 嚟 嘅 ？
不過 既然 牽涉到 太后 ， 噉 啊 人人 都 係 諗 下 啫 ， 邊個 都 唔 敢講 出 嚟 。
呢 個 時候 董金 魁 嘅 屍體 、 衣服 ， 都 已經 化晒 嘞 ， 噉 啊 都 以 為 佢 已經 帶住 刺客 逃跑 出 皇宮 。
韋小寶 返到 自己 嘅 住 地 ， 行入 內房 。
沐劍屏 啊 連忙 問 佢 ： 桂大哥 ， 有 咩 消息 啊 ？
韋小寶 話 ： 桂大哥 就 冇 消息 ， 好 哥哥 啊 有 一 啲 。
沐劍屏 微微 笑話 ：
呢 個 消息 呢 我 唔 心急 嘅 ， 不過 自然 有 心急 嘅 人 嚟 叫 你 做好 哥哥 㗎 喇 。
方怡塊面 又 紅喇 ， 佢 低聲 話 ：
好 兄弟 ， 你 細過 我 ， 我 叫 你 做好 兄弟 噉 得 嘞 啩？
韋小寶 歎 一口氣 話 ： 唉 ， 好 老婆 就 變 咗 好 兄弟 ， 眨 眨眼 啊 雞 乸 變做 鴨 弟弟 咯 。
好 啦 ， 救 咗 出去 喇 。
方怡 啪 聲 坐 起身 話 ： 你 ， 你 話 我劉 師哥 已經 救 翻出去 喇 ？
大丈夫 一言既出 ， 嗰 隻 馬 難 追 。 應承 得 你 去 做 嘅 梗 係 救 咗 啦 。
點 ， 點 ， 點救 㗎 ？
山 人 自有妙計 ， 下次 你 見到 你 師哥 佢 會 講 畀 你 聽 㗎 喇 。
唉 ， 謝天謝地 ， 真 係 菩薩 保佑 啊 。
韋小寶 見到 方怡 歡喜 到入 心 嘅 情形 ， 唔 高興 嘞 ， 哼 咗 一聲 亦 唔 講 説 話 。
沐劍屏 就 話 ： 師姐 ， 你 謝天謝地 謝 菩薩 ， 點解 唔 多謝 你 嗰 個 好 兄弟 啊 ？
方怡話 ： 好 兄弟 嘅 大恩大德 ， 唔 係 講 一聲 多謝 就 報答 得 了 嘅 。
韋小寶 聽 佢 噉 樣 講 又 高興 嘞 喎 ， 佢 就 話 ： 啊 噉 都 唔 使 咩 報答 嘅 。
方怡話 ： 好 兄弟 ， 劉 師哥 有 咩 講 啊 ？
亦 冇 講到 乜嘢 ， 佢 只 係 𠼮 我 救 佢 出去 咯 。
嗯 ， 佢 有 冇 問 到 我 哋 啊 ？
誒 ， 冇 。
我 同 佢 講 你 係 喺 一 笪 平安 嘅 地方 唔 使 擔心 嘅 ， 冇 幾耐 我 就 會 送 你 同 佢 見面 㗎 喇 。
哦 。
突然 之間 ， 兩行 眼淚 喺 方 怡 塊 面 流落 嚟 。
沐劍屏 問 佢 ： 師姐 ， 你 點解 喊 啊 ？
方怡話 ： 我 ， 我個 心 歡喜 啫 嘛 。
韋小寶 個心 諗 ： 豈有此理 ， 你 為 咗 劉一舟 呢 個 白板 仔 歡喜 成 噉 嘅 樣 ， 老子 冇 眼 睇 啊 。
小 皇帝 叫 我 去 查下 主使 刺客 嘅 頭頭 ， 我要 出 咗 鬼混 一番 然後 返 嚟 報告 至 得 。
於是 離開 咗 皇宮 ， 去 天橋 一帶 行下 嘞 。
嗱 各位 ， 欲知 後事 如何 ， 且 聽 下回分解 。
