前文再續啊書接上一回啊 ，話説 沐王府 啊 救翻 徐天川 出嚟 ，青木堂 眾 英雄 都 好 感激 。
韋小寶 個 心 諗 ：呢個 小公爺 確係 精明 到 極 噃 ，佢 個妹 畀 我 扣留住 ，佢 就 救 咗 徐老伯 出嚟 先 ，噉 又 嚟 求 我 放 佢 個妹 喇 。
哼 ，我 扮成 乜嘢 都 唔知 ，睇下 佢 有 咩 説話 講 至 得 。
佢 同 徐天川 話 。
徐三哥 ，你 畀 白二俠 打到 重傷 ，佢 好 大力 㗎 ，你 唔會 就 噉 就 歸天 吖嘛 ？
徐天川 話 ：白二俠 當日 手下 留情 ，屬下 醫 咗 呢 幾日 ，已經 好得多 喇 。
嬲到 白寒楓 睩實 韋小寶 。
韋小寶 呢 就 笑口微微 噉 似乎 冚𠾴 唥 睇唔見 。
好喇 ，班 僕人 斟 酒 上 菜 ，菜餚 非常 豐盛 。
天地會 群豪 一來 見 徐天川 係 佢 哋 救 翻 嘅 ； 二來 ， 又 有 鐵 背 蒼龍 柳大洪 噉 嘅 大名鼎鼎 嘅 老 英雄 在座 ；
估計 決不至於 放毒 嘅 ，於是 個個 都 冇晒 疑慮 ，酒 到 杯 乾 ，開懷 咁 食 喇 。
柳大洪 飲咗 三杯酒 ，捋下 把 鬍鬚 佢 話 ：
各位 老弟 ，貴會 喺 京城 直隸 以 邊 一位 老弟 為 首 啊 ？
李力世 話 ：喺 京城 直隸 一帶 ，敝會 當中 職位 最 尊 嘅 係 韋香主 。
柳大洪 岌岌頭 話 ：好極 ，好極 ！
飲咗 一杯 酒 ，佢 又 問 ：
但係 唔知道 呢位 老弟 對於 貴 我 雙方 嘅 糾葛 ，能 唔能夠 有所 擔當 呢 ？
韋小寶 話 ：老伯伯 ，你 有 咩 吩咐 不妨 講出嚟 聽下 啦 。
我 韋小寶 人 細 膊頭 窄 ，小事 仲 能夠 擔當 一分半分 嘅 ，大事 就 矺冧 我 喇 。
天地會 同埋 沐王府 群豪 都 不由得 微微 皺起 眉頭 ，都 諗 ：
呢 個 細路 哥 ， 講 説 話 一身 流氓氣 ， 一 開口 就 耍無賴 嘞 ， 都 唔 係 英雄好漢 嘅 氣概 嘅 。
柳大洪 話 喇 ：你 唔 能夠 擔當 ，呢件事 亦 唔 能夠 罷休 。
噉 唯有 請 老弟 轉告 尊師 ，請 陳 總舵主 趕嚟 處理 嘞 。
韋小寶話 ：老伯伯 有 咩事 要 同 我 師父 講 ，你 寫 一 封 信 我哋 幫 你 送 去 啦 。
柳大洪話 ：嘿嘿嘿 ，呢件事啊 ，係 白寒松 白兄弟 死喺 徐三爺 手下 ，唔知 點樣 了結 ，要 請 陳總舵主 攞 句 説話 出嚟 。
徐天川 啪聲 企起身 ，昂昂然 噉 話 ：
沐小公爺 、柳老英雄 ，你哋 將 我 喺 漢奸 手裏 便 救翻出嚟 ，唔使 受 啲 匪徒 侮辱 ，在下 感激不盡 啊 。
白大俠 係 在 下 失手 打死 嘅 ， 在 下 一命 填一命 ， 我 呢 條老命 ， 賠翻 畀 佢 就 係 喇 ， 又 何必 等 陳總舵 主同 韋香主 為 難 呢 ？
樊兄弟 ，借 你 把 配刀 一 用 。
講完 ，向住 樊綱 伸出 右手 。
意思 係 非常 明白 㗎 佢 係 要 當場 自刎 ，了結 呢場 公案 。
韋小寶 話 ：咪住咪住咪住 ！徐三哥 你 坐低 先 ，唔使 咁 心急 。
你 年紀 都 咁 大 咯 ，點解 火氣 咁 大 㗎 ？
我係 天地會 青木堂 嘅 香主 吖 嘛 係唔係 ？
你 唔 聽 我 吩咐 ，噉 就 太過 唔畀面 我 咯 。
天地會 裏頭 不 遵 號令 嘅 罪名 十分 重大 嘅 ， 徐天川 連忙 躬身 話 ： 徐天川 知罪 ， 敬奉 韋香主 號令 。
係咯噉 先至 似樣 㗎 。
白大俠 死亦死咗咯 ，就算 要 徐三哥 填命 啊 ，個人 都 唔能夠 翻生 㗎嘛 ，噉 做來做去 總係 蝕本 生意 都 唔係 生意經 嚟 嘅 。
大家 啲 眼光 都 望 實 佢 ，唔知 佢 接住 落去 又 要 亂 噏 啲 咩 嘢 。
天地會 群豪 啊 尤其是 擔心 ，都 諗 ：
本會 喺 武林 嘅 聲名 ，千祈 唔好 畀 呢個 咩 嘢 都 唔 懂 嘅 小香主 敗壞 咗 至 好 。
如果 佢 講埋 啲 不三不四 嘅 説話 ，傳到 江湖 之上 我哋 日後 就 冇 面見 人 喇 。
只聽見 韋小寶 接住 話 ：
小公爺 ，你 呢次 喺 雲南 嚟到 北京 ，身邊 就 只係 帶住 呢幾位 朋友 咩 ？係咪 好似 少咗 一啲 啊 ？
沐劍聲 話 ：哼 ，韋香主 噉樣 講 係 咩 用意 啊 ？
哦 ，噉 亦 冇 咩 用意 嘅 。
小公爺 咁 尊貴 ，同 我 韋小寶 完全 唔同 嘅 ，嚟到 京城 唔 帶 多啲 人 保駕 ，噉 一下 唔小心 ，畀 清廷 走狗 捉咗 去 豈 不是 好 唔化算 ？
哼哼 ，清廷 走狗 想要 捉 我 ，亦 冇 咁 容易 。
係 嘅 ， 係 嘅 ， 小公爺 武藝 驚人 ， 打遍天下 ， 呵呵 ， 誒 噉 嘅 對手 好 少 嘅 ， 官府 梗 係 捉 你 唔 到 啦 。
不過 ，不過沐王府 其他 嘅 朋友 ，未必 個個 都 好似 小公爺 咁 使得 㗎 噃 ，噉 如果 畀 佢哋 順手牽羊 ，反手牽牛 係 噉啊 請咗 去 幾位 ，似乎 亦都 唔係 點 過癮 喇 。
沐劍聲 一直 板住 塊面 聽 佢 嬉皮笑臉 講話 ，等 佢 講完 喇 佢 話 ：
韋香主 噉樣 講 ，係咪 諷刺 在下 呢 ？
講到 呢句 説話 嘅 時候 ，面上 嘅 神情 更加 難睇 嘞 。
韋小寶話 ：唔係唔係唔係 ，我 呢個人 一生一世 ，只有 畀 人哋 蝦 ，決 唔敢 蝦人哋 嘅 。
人哋 捉住 我 隻 手 ，你 睇下 ，淤 都 仲 未 退 啊 痛到 我 死死下 。
呢 位 白二俠 ， 嘿 ， 手力 啊 真 係 冇 得彈 ， 嗰 兩招 橫掃千軍 、 高山流水 認真 了不起 啊 。
去 搭救 你哋 畀 官府 捉咗 去 嘅 朋友 ，一定 使得 ，必定 係 旗開得勝 ，馬到成功 嘅 。
白寒楓 黑起 塊面 ，想要 講嘢 嘞 ，終於 夾硬 忍住 。
柳大洪 向 沐劍聲 望咗 一眼 就 話 ：
小兄弟 ，你嘅 講話 有 啲 高深莫測 噃 ，我哋 唔係 點 明白 。
韋小寶 笑 嘞 ： 大爺 太過 客氣 咯 ， 我 啲 説 話 ， 低 淺莫測 啊 真 ， 高深莫測 四個 字 認真 唔 敢當 啊 。
低淺 之 至 ，嘿嘿嘿嘿 ，低淺 之 至 啊 。
柳大洪話 ：小兄弟 講 我哋 沐王府 有人 畀 官府 捉咗 去 ，唔知 噉 講 係 咩 嘢 意思 呢 ？
一啲 意思 都 冇 。
小王爺 、柳大爺 ，我 酒量 亦都係 低淺 莫測 嘅 ，九成 係 我 飲醉咗 酒 亂噏 無為 嘞 ，啊 唔算得數 嘅 。
沐劍聲 哼咗 一 聲 強忍住 怒氣 佢 話 ：原來 韋香主 係 攞 人 嚟 玩 嘅 。
韋小寶 話 ：小公爺 ，你 想 玩 啊 ？誒 你 逛過 北京城 未 啊 ？
點啊 ？
北京城 好大 㗎 ， 你 哋 雲南 嘅 昆明 啊 就 冇 北京城 咁 大 喇 係 唔 係 ？
係 又 點啊 ？
關安基 聽 韋小寶 東拉西扯 越嚟越 唔似樣 嘞 ，就 插口 話 ：
北京城 花花世界 ，就可惜 畀 清廷 佔咗去 ，我哋 有啲 血性 嘅 人 ，冇 話 唔嬲 嘅 。
韋小寶 唔理 佢 繼續 話 ：小公爺 ，你 今日 請 我 飲酒 吖 ，噉 在下 就 冇 咩 報答 喇 ，幾時 你 得閒 我 帶 你 去 北京城 ，各處 逛下 。
噉 有 個 熟人 帶路 就 唔會 行錯路 咯 。
如果唔係呀 ，亂走亂撞 ，一下唔小心 ，走咗入去 皇宮裏便 ，小公爺 嘅 武功 雖然 係 高啫 ，噉 都 唔係 點 方便㗎 。
柳大洪 話 ： 小兄弟 言外 有意 ， 你 如果 當我 係 朋友 ， 可 唔 可以 請 你 講得 更 明白 啲 呢 ？
哦 ，我 嘅 説話 最 明白 㗎 喇 。
沐 王府 啲 朋友 武功 都 係 極之 高 嘅 ， 咩 橫掃千軍 啊 、 高山流水 啊 ， 嘿 ， 真 係 厲害 啊 。
就可惜喺北京城內人生路不熟 ，噉喺街處行下行下 ，三更半夜又睇唔係點清楚咯喎 ，噉糊里糊塗 ，講唔定就行咗入去紫禁城喇 。
柳大洪 又 向 沐劍聲 望咗 一眼 ，就 問 韋小寶 話 ：噉 又 點 呢 ？
聽講 紫禁城 裏 便 啊 ，門 又 多 ，宮殿 又 多 嘞 噃 。
求其行 咗 入 去 ， 噉 如果 冇 皇帝 啊 、 皇太后 帶路 啊 ， 噉 好容易 蕩 失路 㗎 ， 有 啲 人 啊 一世 都 翻 唔 出 嚟 。
在下 冇 見過 世面 ，唔知道 皇帝 、皇太后 得唔得閒 ，噉 日日夜夜 都 同人哋 帶路 。
或者 沐王府 小公爺 嘅 面 大 啦 ，你哋 手下 嗰 位 朋友 𢴈咗 小公爺 嘅 朵 出嚟 ，將 小皇帝 、皇太后 呢個 老 舉 乸 嚇 窒 咗 噉 亦 好 難 講 嘅 。
大家 聽 佢 將 皇太后 叫做 老舉乸 ，都 覺得 好 新鮮 。
關安基 、祁彪清 等人 就 忍唔住 笑起上嚟 。
韋小寶 喺 個 心裏 便 啊 時時 都 鬧 老太后 係 老舉乸 嘅 ，而家 竟然 能夠 喺 大庭廣眾 之中 大聲 鬧 出口 ，嗰 種 痛快法 啊 真係 難以 形容 啊 。
柳大洪話 ：小公爺 嘅 手下 做事 十分 謹慎 ，決 唔會 闖入 皇宮 嘅 。
聽講 吳三桂 嗰個 大漢奸 嘅 仔 吳應熊 亦 喺 北京 ，噉 佢 派 人 去 皇宮 搞 三搞四 亦 未可知 嘅 。
柳大爺 講得 啱啊 。
在下 有 個 賭骰仔 嘅 小朋友 ，係 喺 皇宮 裏 便服 侍 御前 侍衞 嘅 。
佢 話 尋晚 皇宮 裏 便 呢 ，捉到 幾名 刺客 ，招認 話 係 沐王府 小公爺 嘅 手下 。
沐劍聲 失驚 話 ：咩 話 ？
右手 一震 ，揸住 嘅 酒杯 跌咗 落地 ，噹 一聲 跌到 碎咗 。
韋小寶 話 ： 我 本來 都 好 信 㗎 ， 個心 諗 ， 沐家 係 大明 嘅 大 忠臣 ， 噉 派 人 去 行刺 清廷 皇帝 ， 就 係 ， 就 係 就 係 大大 嘅 英雄好漢 啦 。
而家 聽 柳大爺 講 ，先至 知道 原來 漢奸 吳三桂 嘅 手下 喎 ，啊噉 就 唔好 放過 佢哋 喇 。
我 馬上 返去 同 嗰個 朋友 講 ，要 佢 想法子 認真 整下 呢啲 刺客 至得 。
佢 阿爺 吖 ， 大 漢奸 手下 噃 仲 有 好 嘢 嘅 ？ 唔 畀 啲 傑 嘢 佢 哋 歎 下 就 唔 得 嘅 。
柳大洪話 ：小兄弟 ，你 嗰位 朋友 尊姓大名 啊 ？喺 清廷 皇宮 裏 便 擔任 咩嘢 職司 呢 ？
哦 ， 佢 係 同 御 前 侍 衞 掃地 啊 、 沖茶 啊 、 倒 尿壺 嘅 後生 啫 嘛 ， 講出 嚟 真 係 丟架 喇 ， 人 哋 叫 佢 做 癩痢 頭小三 ， 有 咩 尊姓大名 吖 ？
嗰啲 刺客 啊 綁到 實一實 ，我 本來 叫 癩痢頭 小三 啊 偷偷 攞 啲 好嘢 畀 佢哋 食 嘅 。
柳大爺 既然 講 佢哋 係 大漢奸 嘅 手下 ，噉 我要 叫 佢 攞 把 刀 啊 喺 佢哋 大髀 㓤 多 幾 刀 喇 ，唔係 聽下 畀 啲 烏龜 王八蛋 走咗 呢 ？
我 嗰啲 不過 係 揣測 之 詞 啫 。
佢哋 既然 有膽 入 皇宮 行刺 ，噉 亦係 了不起 嘅 英雄 好漢 啊 。
韋香主 如果 能夠 託 貴友 照料 下 ， 噉 亦 係 出於 江湖 上 嘅 義氣 啊 。
哦 ，呢個 癩痢頭 小三 同 我 最好 㗎喇 ，佢 賭錢 輸咗 ，我 周時 十兩 八兩 銀 噉 借畀 佢 ，從來 唔使 佢 還 嘅 。
小公爺 同 柳大爺 有 咩 吩咐 ，我 叫 小三 去 做 ，佢 唔敢 推辭 嘅 。
哦 ，噉 就 好極喇 。
唔知 喺 皇宮 裏 便 捉到 個 刺客 總共有 幾多人 係 叫做 咩 名 呢 ？
呢啲 刺客 膽 咁 大 ，我哋 係 好 佩服 嘅 。
目前 ，唔知 有冇 吃過 苦 呢 ？
貴友 如果 能夠 代為 探聽 下 ，在下 真係 多得 韋香主 咯 。
韋小寶 拍下 心口 佢 話 ：呢層 容易 啫 。
唉 ，可惜 刺客 唔係 小公爺 手下 嘅 兄弟 唧 ，否則 我 設法子 去 救 佢 一個 出嚟 ，交翻 畀 小公爺 。
噉 一命換一命 ，噉 徐大哥 失手 打死 白大俠 嘅 事 ，噉 就算 一筆勾銷 咯 。
柳大洪 望住 沐劍聲 ，慢慢 岌下 頭 。
沐劍聲話 ：我哋 唔知道 呢啲 刺客 係 邊個 ，但係 既然 去 行刺 清廷 皇帝 ，總係 仁人義士 ，係 我哋 反清復明 嘅 同道 吖 。
韋香主 ，你 如果 能夠 設法子 去 搭救 ，唔論 得 抑或 唔得 ，沐劍聲 永感 大德 。
徐三爺 同 白大哥 個 事 當然 唔 提 喇 。
韋小寶 望 下 白寒楓 話 ：
小公爺 唔 提啫 ，就 怕 白二俠 唔肯 算數 ，噉 下次 見到面 ，又 嚟 揸住 我 隻手 捻到 我 又 喊 又 叫 ，嗰啲 味道 啊 ，誒 慘咯 。
白寒楓 啪聲 企起身 ，高聲 噉 講 ：
韋香主 如果 能夠 救得 我 哋 ， 能夠 救 得 嗰 啲 失陷 咗 嘅 俠客 義士 ， 白寒楓 呢 隻 手 得罪 咗 韋香主 ， 我 就 斬斷 呢 隻 手 ， 向 韋香主 賠罪 。
韋小寶 笑 住 話 ： 嘿 ， 唔 使 唔 使 ， 你 割 隻 手 畀 我 我 要 嚟 做 咩 嘢 啫 。
仲有 ，我 嗰個 癩痢頭 兄弟 有冇 本事 去 皇宮 救人 ，噉 亦 好 難 講 嘅 。
呢啲人 行刺 皇帝 ，係 幾大 嘅 罪名 啊 。
唔知 同 佢哋 上 咗 幾多 道 腳鐐 手銬 ，又 唔知 有 幾多人 看守 啫 。
我話 去 救人 啊 ， 不過 係 吹 下 牛唧 ， 噉 大家 講 嚟 玩 下 㗎 啫 嘛 。
沐劍聲話 ：要去 皇宮 救人 ，當然 係 千難萬難 啦 ，我哋 亦 唔敢 希望 成功 㗎 。
但係 只要 韋香主 肯 從中 盡力 ，唔理 救得出 救唔出 ，大家 都 一樣 噉 同感 大德 嘅 。
誒 ，仲有 一件事 ，舍妹 日前 忽然間 失蹤 ，在下 非常之 心急 。
天地會 各位 朋友 嘅 京城 交遊 廣闊 ，眼線 又 多 ，如果 能夠 代為 打聽 ，設法子 搭救 佢 ，在下 感激不盡 啊 。
韋小寶 話 ：呢件事 就 容易 啫 ，小公爺 你 即管 放心得 喇 。
好喇 ，我哋 酒 又 飲夠喇 ，我而家 就 去 搵 個 癩痢頭 小三 商量 下 。
哈 玩 佢 兩手 都 幾 快活 㗎 喎 。
一伸手 ，喺 衫袋 啊 扲咗 啲 嘢 出嚟 ，喺 八仙枱 一擲 ，竟然 係 四粒 骰仔 ，轆咗 幾轆 ，四粒 冚𠾴 唥 都 係 紅色 嘅 四點 朝天 。
韋小寶 拍手 噉 叫 ： 嘿 ， 滿堂紅 ， 滿堂紅 ， 上上大吉 啊 ！
哎呀 ，千祈 唔好 人人 殺頭 ，殺到 滿堂紅 至好 。
一時之間 大家 面色 都 變晒 個個 都 愕然 。
韋小寶 收起 骰仔 ，拱手 行禮 話 ：滾攪晒喇 ，我哋 告辭喇 。
徐三哥 跟 埋 我 哋 翻 去 得 唔 得 啊 ？
沐劍聲話 ：韋香主 太 客氣 喇 ，在下 恭送 韋香主 、徐三爺 同 天地會 各位 朋友 大駕 。
噉 韋小寶 同 徐天川 、李力世 、關安基 等 人 離席 出門 。
沐劍聲 、柳大洪 等 一直 送到 大門口 外 便 ，噉 睇住 韋小寶 上咗 轎 喇 ，噉 先至 翻入 屋 。
話説 天地會 群豪 返到去 嗰座 四合院 ，關安基 最 性急 嘞 佢 就 問 ：
韋香主 ，宮裏 便 尋晚 有 刺客 啊 ？睇 佢哋 嘅 神情 呢 ，多數 係 沐王府 派 去 嘅 。
韋小寶 話 ：係啊 ，皇宮 尋晚 有 刺客 嚟 。
呢件事 邊個 都 唔敢 洩漏 ，外便 一個人 都 唔知嘅 ，而 佢哋 呢 ，一啲 都 唔覺得 奇怪 ，噉 梗係 佢哋 做㗎啦 。
玄貞話 ：佢哋 膽敢 去 行刺 清廷 皇帝 ，真係 算 膽大包天 喇 ，不過 亦 令人 好 佩服 。
韋香主 ，佢哋 畀 人 捉住 嘅 人 ，你 話 能夠 救得出嚟 咩 ？我 怕 呢件事 好 難 噃 。
韋小寶 喺 筵席 上 同 沐劍聲 、柳大洪 對答 個 時候 ，早就 諗好咗 主意 㗎 喇 。
要 搭救 被 擒 嘅 刺客 ，噉 就 決 冇 可能 嘅 。
但係 自己 間 房 嘅 床上 便 ，瞓住 一個 小郡主 ，同埋 一個 方怡 。
小郡主 唔係 刺客 ，係 天地會 捉 入 宮 嘅 ，噉 放咗 呢 亦 唔算數 。
而方怡 係 闖入 皇宮 嘅 刺客 噃 ，噉 想法子 等 佢 混出 皇宮 ，就 唔係 好 難 嘅 事 。
而家 佢 聽 玄貞 噉樣 問 就 微笑 話 ：
多 就 唔 得 ， 救個 把 人出 嚟 呢 睇 嚟 仲 做 得到 嘅 。
徐三哥 只 係 殺 咗 白寒松 一個 人 啫 嘛 ， 我 哋 整翻 一個 人出 嚟 還 畀 佢 哋 ， 一命 抵一 命 佢 哋 又 唔 蝕 底 啦 。
何況 佢哋 連 本 帶 利 仲 有 利錢 ，連埋 錢 老闆 搞翻嚟 嗰個 姑娘仔 ，一齊 還 翻 畀 佢哋 ，噉 仲 有 咩 説話 好 講唧 ？
錢老闆 ，聽朝 一早 呢 ，你 再 抬 兩 隻 劏 乾淨 嘅 豬 去 御膳房 ，然後 就 去 我 間 屋 裝 咗 人 。
我 喺 廚房 裏 便 大 發脾氣 ， 鬧 到 你 狗血淋頭 ， 話 呢 兩隻 豬呢 ， 呢 樣 唔 好 嗰 樣 唔 好 ， 逼 你 即刻 抬 翻出 皇宮 噉 咪 就 得 咯 。
錢老闆 拍住手 笑住話 ：韋香主 呢條計 啊 好啊 。
不過 呢 ，裝 姑娘仔 嗰隻 豬 都 唔 緊要 ，另外 嗰隻 啊 ，就 要 揀 特大號 至 得 。
韋小寶 又 慰問咗 徐天川 幾句 佢 話 ：徐三哥 ，你 唔好 嬲 。
盧一峰 嗰個 狗賊 得罪咗 你 ，我 叫 吳應熊 打斷 佢 隻 狗 腳 。
徐天川 應 佢 話 ：係 ，多謝 韋香主 。
但係 佢 個 心 呢 一啲 都 唔 信 噃 。
細佬哥 亂噏 無為啦 ，吳應熊 係 平西王 嘅 世子 ，幾 大氣焰 啊 點 會 聽 你 説話 唧 ？
至於 韋小寶 應承 幫 佢 解開 誤殺 白寒松 嘅 死結 ，雖然 佢 好 感激 ，不過 亦 唔 信 佢 真正 能夠 做得成 呢件 大事 嘅 。
話說 韋小寶 啱啱 返到 皇宮 ，一入 神武門 ，就 見 兩名 太監 迎上嚟 話 ：桂公公 ，快啲 去 啦 ，皇上 傳 你 啊 。
韋小寶 問 ：有 咩事 咁 緊要 啊 ？
一名太監 話 ：皇上 已經 催咗 好多 次 喇 ，好似 有 急事 噉 ，皇上 喺 上書房 。
韋小寶 嗱嗱聲 趕去 上書房 。
康熙 正 喺 房裏 便 踱 嚟 踱去 ， 見到 佢 入 嚟 喇 ， 就 歡喜 喇 ， 鬧 佢 話 ： 叉叉 叉 你 ， 你 死 咗 去 邊處 啊 ？
韋小寶 話 ：回 皇上 ，奴才 個 心 諗 ，刺客 膽大妄為 ，如果 唔 一網打盡 恐怕 唔妥 。講唔定 啊 仲 會 鬧事 ，
噉就令到 皇上 操心 啦 ，一定要 搵到 暗中 主持 嗰個人 先至 得 。
所以 先頭 就 換咗 便服 ，去 各處 大街小巷 行下 ，想 探聽 下 ，到底 刺客 個 頭頭 係 邊個 ，係唔係 喺 京城 裏 便 嘅 啫 嘛 。
好啊 ，噉 有冇 探聽到 咩 消息 吖 ？
韋小寶 個 心 諗 ：如果 話 一探 就 探到 消息 ，未免 係 巧過頭 嘞 。
噉 就 話 ： 行 咗 成 半日 嘞 ， 都 冇 見到 咩 值得注意 嘅 人 嘅 ， 我 聽 日 想 再 去 探聽 下添 。
盲頭烏蠅 亂咁 撞 未必 有用 嘅 ，我 啊 有 個 法子 。
皇上 嘅 法子 係 實得 嘅 ，係 咩 法子 啊 ？
啱先 多隆 嚟到 稟告 ，話 捉到 嗰 三個 刺客 把口 好 緊 ，無論 點樣 拷打 呃 佢 氹 佢 ，始終 咬實 係 吳三桂 派 嚟 嘅 ，睇嚟 再 拷打 亦 問 唔出 一句 真話 㗎 喇 。
我 想 ，不如 放咗 佢哋 。
咩話 ？放咗 佢哋 ？噉咪 太過 便宜咗 佢哋 咯 ？
呢啲 刺客 係 奉命 差遣 ，雖然 係 叛逆 犯上 ，不過 殺 唔殺 都 無關 大局 ，至 緊要 嘅 係 搵到 主謀 ，一網打盡 噉 先至 冇 後患 㗎 嘛 。
放咗 狼仔 ，狼仔就 應該 去 搵 狼乸 嘞啩 ？
嗱 各位 ，欲知 後事 如何 ，且 聽 下回 分解 。
