前 文 再續 啊 書 接上 一回 啊 。
話 説 韋小寶 嚇 下方 怡 ， 話 要 劉一舟 做 太監 ， 噉 啊 唔 做 都 得 ， 不過 呢 要 方怡 𠼮 佢 。
方怡面 紅紅 唔 出 聲 。
沐劍屏 話 ： 桂大哥 ， 你 肯 幫人 ， 就 唔 使 人 哋 𠼮 㗎 嘛 ， 噉 先 至 係 俠義 英雄 啊 。
韋小寶 又 耍 手 又 擰 頭話 ： 啊 唔 係 啊 唔 係 啊 。
我 就 最 鐘意 聽人 哋 𠼮 我 嘅 ， 越 係 好 老公 老公 仔 噉 叫 我 ， 我同 人 哋 做起 事 嚟 呢 越加 有 精神 嘅 。
方怡 遲疑 咗 一陣 就 話 ： 桂大哥 ， 好 大哥 ， 我 𠼮 你 喇 。
韋小寶 板 起塊 面話 ： 要 叫 老公 。
沐劍屏 話 ： 你 噉 講就 唔 啱 喇 。
我 師姐 將來 係 要 嫁 畀 劉 師哥 嘅 ， 劉 師哥 先 係 佢 老公 ， 佢 又 點 肯 叫 你 做 老公 唧 ？
唔 得 ， 佢 嫁 劉一舟 ， 老子 要 呷 醋 。
劉 師哥 個人 係 好好 㗎 。
佢 越 好 我 越 呷 醋 ， 越 呷 越 多 ， 哎呀 酸死 咯酸 死 咯 ， 呷 得 醋 多 過頭 咯 ， 哈哈哈哈 哈哈哈 。
一面 大笑 就 一面 捧住 嗰 個 包袱 行出 咗 去 ， 反鎖 咗 屋門 ， 帶住 四名 隨從 太監 ， 騎馬 去 西長安街 ， 吳應熊 喺 北京 嘅 寓所 嘞 。
佢 企 喺 馬背上 便 ， 右手 就 不停 咁 虛擊 ， 仲 喺 度 叫 ：㩧㩧㩧㩧，㩧㩧㩧㩧㩧㩧㩧㩧。
嗰 幾名 太監 都 唔 明 佢 係 咩 意思 。
佢 哋 又 點 諗 得到 ， 桂公公 呢 次 係 奉 聖旨 去 發財 ， 梗 係 要將 雲南 竹槓 啊 敲 到 咯咯 咯 咁 響 啦 。
話 説 吳應熊 聽講 欽使 嚟 到 ， 連忙 出 嚟 叩頭 迎接 ， 將 韋小寶 接 咗 入 去 大廳 。
韋小寶 話 ： 皇上 吩咐 我 ，攞 啲 嘢 嚟 畀 你 睇 下 。
小王爺 ， 你 個 膽大 唔 大 啊 ？
吳應熊 話 ： 卑職 個膽 係 最 細 嘅 ， 唔 受得嚇 㗎 。
韋小寶 笑 嘞 ： 你 唔 受得嚇 啊 ？ 不過 做起 事 嚟 認真 大膽 㗎 噃。
公公 嘅 意思 卑職 唔 係 點明 白 ， 仲要 請 公公 明示 啊 。
尋 晚 喺 康親王 府 佢 自稱 在 下 ， 今日 韋小寶 乃 係 奉旨 而來 ， 見到 佢 趾高氣揚 ， 隱隱約約 覺得 唔 對 路 喇 就 一味 自稱 卑職 。
韋小寶 話 ： 尋晚 你 總共 派 咗 幾 多名 刺客 入宮 啊 ？ 皇上 叫 我 嚟 問 下 你唧 。
尋晚 宮內 有 刺客 ， 吳應熊 已經 聽到 啲 消息 。
突然 間 聽到 韋小寶 噉 樣一問 ， 啊 ， 驚 到 佢 不得了 。
即刻 跪低 向 住 天井 猛 咁 叩頭 話 ：
皇上 待 微臣 父子 恩重如山 ， 微臣 父子 就 係 做牛做馬 ， 亦 報答 唔 到 皇上 嘅 恩典 。
微臣 吳三桂 、 吳應熊 父子 甘為 皇上 效死 ， 決無 二心 。
呵呵 呵呵 呵呵 ， 起身 ， 起身 ， 慢慢 叩頭 都 唔 遲 。
小王爺 ， 我 畀 啲 嘢 你 睇 下 。
講完 解開 包袱 攤 喺 枱面 。
吳應熊 企 起身 ， 睇 見 包袱 裏頭 嘅 兵器 衣服 ， 不由得 雙手 發抖 佢 話 ：
噉 誒 ， 噉 ， 噉 。
又 攞 起 嗰 張口 供 ， 見 上面 寫得 明明白白 ：
刺客 係 奉 咗 平西王 吳三桂 嘅 差遣 ， 入宮 行刺 ， 決意 殺死 清廷 皇帝 ， 立 吳三桂 為主 等等 。
哈真 係 唔 怕 你 吳應熊 機智 多變 啊 ， 亦 不禁 嚇 到 魂不附體 ， 啪 聲 又 跪 低 。
呢 一次 呢 ， 係 跪 喺 韋小寶 面前 啊 佢 話 ：
桂 ， 桂公公 ， 公公 啊 ， 呢 啲 決 唔 係 真 㗎 。
微臣 父子 受 咗 奸人 陷害 ， 萬望 公公 奏明 聖上 ， 奏 ， 奏明 啊 。
呢 啲 兵器 都 係 反賊 帶入 宮內 嘅 ， 圖謀不軌 ， 大逆不道 。
兵器 上 便 ， 都 刻住 貴府 嘅 招牌 老字號 㗎 噃。
微臣 父子 仇人 甚 多 ， 必定 係 仇人 嘅 奸計 啫 。
你 噉 樣講 本來 亦 有 三分 道理 嘅 就 唔 知 皇上 信 唔 信唧 。
公公 大恩大德 ， 唔 該 同 卑職 父子 分辯 明白 。
卑職 父子 嘅 身家性命 ， 都 係 出於 公公 所賜 啊 。
小王爺 ， 你 起身 先 。
你 尋晚 已經 送 咗 我 一份 禮 ， 就 好似 早就 估到 有 呢 件 事 噉 咯 ， 嘿嘿嘿 ， 嘿嘿嘿 。
吳應熊 本來 想企 起身 㗎 嘞 ， 聽 佢 呢 句 説 話 講 得 咁 重 ， 連忙 又 試 跪 低 佢 話 ：
只要 公公 對 皇上 同 卑職 父子 剖白 幾句 ， 皇上 聖明 ， 必定 信 公公 嘅 説 話 嘅 。
呢 件 事 ， 早就 嘈開 晒 㗎 喇 。
索額圖 索大人 ， 侍衛 頭頭 多隆 多 大人 都 見過 皇上 ， 回稟 咗 刺客 嘅 供狀 。
你 知 㗎 啦 呢 啲 造反 嘅 大事 ， 就算 有天 咁 大個 膽啊 ， 都 唔 敢 揞 住 唔 講 㗎 。
同 你 喺 皇上 面前 剖白 幾句 亦 唔 係 唔 可以 。
我仲 諗 咗 一條 妙計 添 ， 雖然 唔 係 十拿九穩 啊 ， 不過 九成 都 可以 洗 甩 你 哋 父子 嘅 罪名 嘅 ， 不過 又 好 費事 就 係 喇 。
吳應熊 好 歡喜 啊 佢 話 ： 全靠 公公 搭救 啊 。
請起 身 ， 請起 身 。
吳應熊 企翻 起身 一味 猛 咁 請安 。
韋小寶 話 ： 呢 啲 刺客 ， 真 係 唔 係 你 派 去 㗎 嘛 ？
決 唔 係 。
卑職 點能 做 呢 啲 十惡不赦 、 罪該萬死 嘅 事 呢 ？
好 ， 我同 你 做 呢 個 朋友 ， 就 信 你 呢 一次 。
如果 刺客 係 你 派 去 嘅 呢 ， 日後 查翻 出 嚟 噉 就 害死 咗 我 咯 ， 我實 陪 埋 你 滿門抄斬 不可 。
公公 萬安 ， 你 放心 啦 ， 決 冇 呢 件 事 。
噉 計你 睇 ， 呢 啲 反賊 係 邊個 派 去 嘅 呢 ？
嗯 ， 微臣 父子 仇家 好多 ， 一時之間 實在 好難 確定 。
噉 你 要 我 喺 皇上 面前 剖白 ， 總要 搵 個 仇家 出 嚟 認頭 至 得 㗎 ， 皇上 先至會信 㗎 。
係 ， 係 。
家嚴 為 大清 打天下 ， 剿滅 嘅 叛逆 實在 唔 少 ， 呢 啲 叛逆 嘅 餘黨 都 係 非常 痛恨 家嚴 嘅 。
好似 李 闖 嘅 餘 逆 啊 ， 前明桂王 、 唐王 嘅 餘黨 啊 ， 雲南 沐 家 嘅 餘黨 啊 ， 噉 佢 哋 一直 都 懷恨在心 ， 咩 嘢 作亂 犯上 嘅 事 都 做 得出 嚟 㗎 。
韋小寶 岌一岌頭 話 ：
咩 嘢 李闖餘 逆 啊 、 雲南 沐 家 嘅 餘黨 啊 噉 呢 啲 人 嘅 武功 路數 係 點樣 嘅 呢 ？
你 教 我 幾招 ， 我演 畀 皇上 睇 ， 就 話 尋晚 我 親眼見到 嘅 ， 刺客 用 嘅 就 係 呢 種 招數 ， 貨真價實 ， 決 唔 會 錯 嘅 。
吳應熊 好 歡喜 啊 佢 話 ：
公公 呢 條計 真 係 好 嘢 喇 。
不過 卑職 對於 武功 ， 懂得 嘅 實在 好 有限 ， 要 去 問一問 手下人 至 得 。
公公 ， 你 請 坐 一陣 ， 卑職 去 一去 就 返 嚟 喇 。
講完 請 咗 個 安 ， 匆匆忙忙 入去 裏 便 。
過 咗 一陣 間 ， 佢 帶 咗 一個 人入 嚟 ， 原來 係 佢 手下 隨從 嘅 首領 楊溢之 ， 噉 尋晚 韋小寶 曾經 幫 佢 贏 過 七百兩 銀 嘅 。
楊溢之 上前 向 韋小寶 請安 ， 佢 表情 好 憂愁 ， 吳應熊 梗 係 已經 同 佢 講 咗 原因 嘞 。
韋小寶 話 ： 楊大哥 ， 你 唔 使 擔心 嘅 。
尋晚 你 喺 康親王 府 練武 大出風頭 ， 唔 少 文武 大臣 都 係 親眼 見 嘅 ， 點都 唔 能夠 話 你 入宮 行刺 。
我 亦 可以 同 你 作證 啊 。
楊溢之 話 ： 係 ， 多謝 公公 。
就 只怕 奸人 陷害 ， 反而 話 世子 帶 我 哋 去 康 王府 ， 等 眾位 大臣 做個 證人 ， 暗中 ， 就 另行 派 人 去 做 嗰 啲 大逆不道 嘅 事 唧 。
嗯 ， 噉 啊 不可不 防 嘅 。
世子 話 ： 公公 肯 主持公道 ， 喺 皇上 面前 幫 我 哋 剖白 ， 真 係 我 哋 大 恩人 啊 。
平西王 仇家 極 多 ， 各人 嘅 武功 家數 好雜 ， 只有 沐 王府 嘅 武功 自成一家 ， 好容易 認出 嚟 嘅 啫 。
誒 可惜 一時 搵 唔 到 沐 王府 個人 啦 ， 唔 係 可以 叫 佢 演 幾個 招式 嚟 睇 下 喇 。
沐家拳 、 沐家 劍 喺 雲南 流傳 好耐 ， 小人 都 仲 記得 一 啲 ， 我演 幾套 嚟 請 公公 指點 。
刺客 入宮 帶 埋 刀劍 嘅 ， 小人 演 一套 沐家 回風劍 呢 好 嘛 ？
你 會沐家 武功 啊 ？ 噉 就 最好 喇 。
劍法 呢 我 一竅不通 ， 一時 都 學 唔 會 ， 仲 係 同 你 學 幾招 沐家拳 啦 。
不敢 ， 公公 力擒 鰲拜 四海 揚名 ， 拳腳 功夫 必定 係 極 高 嘅 。
小人 使得 唔 啱 嘅 地方 ， 請 公公 指點 。
講完 ， 企 喺 大廳 中間 ， 慢慢 噉 一招一式 噉 打 起 嚟 。
呢 路沐家 拳 ， 自從 喺 沐 英 手上 傳落 嚟 ， 到 咗 而家 已經 超過 三百年 嘞 。
歷代 都 有 高手 傳人 ， 真 係 講得 係 千錘百煉 之作 ， 喺 雲南 識得 嘅 好多 。
楊溢之 雖然 對 呢 套 拳法 唔 係 點 擅長 但 係 佢 武功 甚高 ， 見聞廣博 ， 一招 招 打出 嚟 真 係 氣度 凝重 ， 招式 精妙 。
韋小寶 睇 到 嗰 招 橫掃千軍 嘅 時候 ， 讚 佢 話 ： 呢 一招 好極 嘞 。
收尾 又 見到 佢 使 到 高山流水 ， 噉 又 讚 ： 呢 招 亦 使得 。
等 佢 將 一套 沐家拳 使 完 佢 話 ： 好極 ， 好極 嘞 。
楊大哥 ， 你 嘅 武功 真 係 使得 嘞 ， 康親王 府 嗰 啲 武師 啊 ， 就算 係 十個 打 你 一個 都 唔 係 你 對手 。
沐家拳 呢 一時之間 我亦學 唔 到 咁 多 ， 只能 夠學 一兩招 喺 皇上 面前 演 一下 。
皇上 會 叫 宮內 嘅 武功 好手 嚟 認 嘅 ， 你 諗 認 唔 認得 出 呢 啲 武功 嘅 來歷 呢 ？
講完 ， 指手畫腳 ， 將 橫掃千軍 同 高山流水 呢 兩招 照樣 使出 嚟 。
楊溢之 好 歡喜 噉 話 ： 哎呀 ， 公公 使 呢 個 橫掃千軍 同 高山流水 兩招 ， 真 係 深得 精要 ， 識 嘢 嘅 人 一 見 ， 就 知道 係 沐 家 嘅 拳法 喇 。
公公 聰敏 過人 ， 一見 就 會 ， 我 哋 吳家 有救 喇 。
吳應熊 猛 咁 作揖 話 ： 吳家 滿門 百口 全靠 公公 救命 啊 。
韋小寶 個心 諗 ： 吳三桂 屋企 有 嘅 係 金山 銀山 ， 我 亦 唔 使 同 佢 講價錢 喇 。
於是 作揖 還禮 佢 話 ：
大家 都 係 好 朋友 。
小王爺 ， 你 再講 咩 恩德 啊 咩 救命 嘅 説 話 ， 噉 就 太過 見外 喇 。
而且 我 係 盡力 而 為 啫 ， 亦 唔 知得 唔 得 嘅 。
吳應熊 一味 話 ， 係 ， 係 噉 。
韋小寶 將帶 嚟 嘅 包袱 包翻 起 ， 挾起 嚟 就 準備 走 嘞 佢 個 心 諗 ：
呢 包 嘢 唔 好 畀 佢 住 。
忽然間 諗 起 一件 事 佢 話 ：
小王爺 ， 皇上 叫 我問 你 一件 事 啊 。
你 哋 雲南 有個 嚟 北京 嘅 官 叫做 咩 盧 一峰 嘅 ， 係 咪 有 呢 個人 呢 ？
吳應熊 打 過 特 嘞 ， 個心 諗 ：
盧 一峰 只 係 個 芝麻綠豆 嘅 官 仔 啫 ， 嚟 北京 陛見 ， 仲未 見到 皇上 ， 皇上 啊 點會 知道 呢 ？
就 話 ： 盧 一峰 係 新 委任 嘅 雲南 曲靖 縣 知縣 ， 而 家 喺 京城 等候 叩見 聖上 。
韋小寶 話 ： 皇上 叫 我 嚟 問 下 你 ， 嗰 個 盧 一峰 前幾日 啊 ， 喺 酒樓 上 欺壓 良民 ， 縱容 奴僕 打人 ， 唔 知 啲 脾氣 近來 改 好 啲 冇 呢 ？
嗰 個 盧 一峰 所以 能夠 得到 吳三桂 委任 做 曲靖 縣 知縣 ， 係 使 咗 四萬 幾銀 賄賂 得 嚟 嘅 。
吳應熊 呢 就 曾經 喺 度 抽 咗 三千 幾兩 ， 而家 聽 韋小寶 噉 樣講 大吃一驚 ， 佢 連忙 話 ：
卑職 一定 要 好好 教訓 佢 。
擰 轉頭 對 楊溢之 話 ：
即刻 去 叫 嗰 個 盧 一峰 嚟 ， 先 打 佢 五十 大板 再講 。
又 向 韋小寶 請 咗 個 安 佢 話 ：
公公 ， 請 你 啟奏 皇上 ， 話 微臣 吳三桂 知 人 不明 ， 薦 人 不當 ， 請 皇上 降罪 。
呢 個盧 一峰 立即 革職 ， 永不 敘用 ， 請 吏部 大人 另委 賢能 。
韋小寶 話 ，： 噉 亦 唔 使 罰 得 咁 重 啩？
吳應熊 話 ： 盧 一峰 呢 個 嘢 膽大 妄為 ， 上達 天聽 ， 真 係 罪不容誅 啊 。
溢 之 ， 你 同 我 搏命 打 佢 。
係 。
韋小寶 個心 諗 ： 呢 個盧 一峰 都 怕 冇 命 喇 。
佢 話 ： 兄弟 而家 就 回宮 去 見 皇上 ， 呢 兩招 橫掃千軍 同 高山流水 ， 真 係 要 使得 似模 似樣 先至 好 。
講完 就 告辭 出門 。
吳應熊 喺 衫袖 窿 裏 便 攞 出 個 大 信封 ， 佢 雙手 遞 畀 韋小寶 話 ：
桂公公 ， 你 嘅 大恩大德 ， 真 唔 係 咁 容易 報答 得 了 嘅 。
不過 多 總管 、 索大人 ， 以及 各位 御前 侍 衞 面前 總 係 要 稍表 敬意 㗎 。
呢 度 一 啲 小小 意思 ， 勞煩 桂公公 代 卑職 分派 轉交 。
皇上 問起 嚟 ， 大家 都 幫 幾句 口 ， 微臣 父子 嘅 冤枉 就 可以 洗雪 嘞 。
韋小寶 接 咗 過 嚟 笑 住 話 ： 要 我代 你 做人情 啊 ， 呢 件 事 唔 難 做 ， 唔 難 做 。
吳應熊 同埋 楊溢之 恭恭敬敬 送 佢 出 大門口 。
韋小寶 喺 轎 裏 便 拆開 信封袋 一睇 嘩 嗨 ， 竟然 係 十萬兩 銀票 ， 個心 諗 ：
佢 阿爺 吖 ， 老子 嚟 個 二一添作五 先 。
將 其中 五萬兩 銀票 啊 袋 咗 落個 衫 袋 ， 其餘 嗰 五萬兩 呢 仍然 放 喺 個 大 信封 裏 便 。
返到 去 喇 ， 韋小寶 先 去 上 書房 見 康熙 ， 回稟 話 已經 辦妥 喇 ， 話 吳應熊 知道 皇上 聖明 ， 辨明 咗 佢 父子 嘅 冤枉 ， 感激 得 難以形容 。
康熙 笑 住 話 ： 噉 亦 可以 嚇 佢 一大跳 。
韋小寶 話 ： 直情嚇 到 佢 屁滾尿流 啦 。
奴才 啊 叮囑 佢 一輪 ， 話 呢種 事情 啊 ， 多數 以後 仲會 有 嘅 ， 叫 佢 轉告 吳三桂 聽 ， 務必 要 忠心耿耿 報效 皇上 。
康熙 一字 聽 一字 不停 咁 岌頭 。
韋小寶 話 ： 我等嚇 到 佢 夠 喇 ， 噉 先 至 同 佢 講 ， 皇上 明見萬里 ， 一查 刺客 嘅 武功 ， 就 估到 係 雲南 沐 家 嘅 反賊 所為 。
嗰 個 吳應熊 啊 又驚又喜 ， 歡喜 到 佢 癲 咗 噉 不停 口 噉 讚頌 皇上 聖明 啊 。
康熙 聽 咗 微微一笑 。
韋小寶 扲 出 個 大 信封 佢 話 ：
佢 感激 到 不得了 ， 噉 啊 攞 咗 好多 銀票 出 嚟 總共 五萬兩 ， 佢 話 送 畀 我 一萬兩 ， 另外 四萬兩 呢 ， 要 我 分 畀 宮內 琴晚 出過 力 嘅 各位 侍衛 。
皇上 ， 你 睇 吖 嗱， 我 哋 噉 呢 就 發大財 喇 。
嗰 啲 銀票 呢 都 係 五百兩一張 嘅 ， 一百張 已經 係 厚厚 一沓 嘞 。
康熙 笑 住 話 ： 你 一個 細佬哥 ， 一萬兩 銀 啊 一 世人 你 都 使 唔 完 啦 。
其餘 嗰 啲 銀 你 就 分 畀 啲 侍 衞 啦 。
韋小寶 個心 諗 ：
皇上 雖然 係 聖明 唧 ， 不過 就估 唔 到 我 韋小寶 啊 ， 已經 有 幾十萬兩 銀 嘅 身家 。
但 係 佢 個 嘴 就 話 ： 皇上 ， 我 跟 住 你 乜嘢 都 有 咯 ， 要 啲 銀 嚟 做 乜嘢 吖 ？
奴才 一 世人 忠心 侍候 你 ， 你 梗 係 會 照顧 我 㗎 嘛 。
呢 五萬兩 銀 ， 都賞 畀 啲 侍 衞 啦 。
誒 ， 我話 呢 呢 啲 係 皇上 嘅 賞賜 ， 噉 使 乜 等 佢 吳應熊 收買人心 啊 。
康熙 本來 唔 想 冒名 發 賞金 嘅 ， 但 係 聽到 收買人心 呢 四個 字 ， 不禁 心中 一動 啊 。
韋小寶 見到 康熙 沉 沉吟 吟 唔 出 聲 ， 佢 又 話 ：
皇上 ， 吳三桂 派 佢 個 仔 嚟 北京 ， 帶 嚟 嘅 金 啊 銀 啊 真 係 唔 少 㗎 ， 見到 人 就 送 錢 ， 嗯 我 睇 都 未必 係 咁 好心 。
天下 嘅 地方 百姓 、 金銀珠寶 本來 冚𠾴唥 都 係 你 皇上 嘅 ， 不過 吳三桂 呢 個 嘢 ， 霸住 個 雲南 ， 好似 雲南 係 佢 吳 家 嘅 噉 。
康熙 岌一岌頭 話 ： 你 講得 啱 。 呢 啲 銀 ， 就 話 係 我 賞賜 㗎 啦 。
噉 韋小寶 去 到 上 書房 外 便 嘅 侍 衞 房 ， 向 御 前 侍 衞 總管 多隆 話 ：
多 總管 ， 皇上 吩咐 啊 ， 尋晚 各 侍 衞 護駕 有功 ， 欽賜 白銀 五萬兩 。
多隆 非常 歡喜 ， 連忙 跪低 多謝 賞賜 。
韋小寶 笑 住 話 ： 皇上 而家 好 高興 啊 ， 你 自己 入去 多謝 賞賜 啦 。
講完 ， 將 嗰 五萬兩 銀票 交 咗 畀 佢 。
多隆 跟 住 韋小寶 行入 書房 ， 向 康熙 跪低 叩頭 話 ：
皇上 賞賜 銀兩 ， 奴才 多隆 同眾 侍 衞 謝 賞 。
康熙 笑一笑 岌一岌頭 。
韋小寶 話 ： 皇上 吩咐 呢 五萬兩 銀 呢 ， 你 揸 主意 嚟 分 啦 ， 殺賊 有功 嘅 ， 奮勇 受傷 嘅 就 分 多 啲 。
多隆 話 ： 係 ， 係 ， 奴才 遵旨 。
康熙 嘅 心 諗 ： 小桂子 又 忠心 又 唔 貪財 ， 認真 難得 。
佢 竟然 將呢 五萬兩 銀 冚𠾴唥 賞 晒 畀 侍 衞 ， 自己 一個 錢 都 唔 要 喎 。
唔 要 ？ 袋 咗 五萬兩 銀先 喇 佢 。
噉 話 說 韋小寶 同 多隆 一齊 退出 去 ， 噉 多隆 數 咗 一沓 一萬兩 銀 嘅 銀票 佢 笑 住 話 ：
桂公公 ， 呢 啲 算 係 我 哋 班 侍衛 嘅 一番 孝心 ， 請 公公 賞收 搦 去賞 畀 啲 小 公公 啦 。
韋小寶 話 ： 哎呀 多 總管 你 噉 樣講 就 唔 夠朋友 嘞 噃。
我 小桂子 生平 最 敬重 嘅 就 係 武藝高強 嘅 朋友 。
呢 五萬兩 銀 呢 ， 皇上 如果 係 賞 畀 文官 ， 我 小桂子 唔 分 佢 一萬 都 要 分翻 八千 。
係 賞 畀 你 多 總管 嘅 ， 你 話 分 一兩 銀 畀 我 我 亦 唔 能夠 收 。
我當 你 係 好 朋友 ， 你 都 要當 我 係 好 朋友 至 得 㗎 嘛 。
啲 侍 衞 兄弟 都 話 嘞 ， 宮裏 頭 咁 多位 有 職司 嘅 公公 ， 桂公公 年紀 最細 ， 不過 係 最 夠朋友 ， 果然 係 名不虛傳 啊 。
多 總管 ， 唔 該 你 同 我 查下 ， 尋晚 捉 嚟 嘅 反賊 裏頭 ， 有 冇 一個 叫做 劉一舟 嘅 。
如果 有 噉 樣 嘅 人 呢 ， 我 哋 要 盯 梗 佢 啊 ， 查明 反賊 嘅 來龍去脈 啊 。
係 ， 反賊 報 嘅 梗 係 假名 嚟 喇 ， 我 仔細 查下 ， 仔細 查下 。
韋小寶 返到 去 住 地 ， 噉 佢 上下 到 門口 ， 見到 御膳房 有個 小太監 喺 路邊 等 佢 。
嗰 個 小太監 迎 上 嚟 低聲 話 ： 桂公公 ， 嗰 個 錢 老闆 又 送 咗 隻 豬 嚟 ， 呢 次 叫做 咩 嘢 燕窩 人 參豬 喎 ， 話 係 孝敬 公公 嘅 ， 喺 御膳房 等 公公 嘅 指示 啊 。
韋小寶 眉頭一皺 佢 個 心 諗 ：
嗰 只 花雕 茯苓 豬仲未 搞掂 ， 噉 又 送 一隻 燕窩 人 參豬 嚟 ， 你當 我 呢 度 皇宮 係 豬欄 咩 ？
但 呢 個人 已經 嚟 咗 嘞 ， 唔 能夠 唔 想法子 打發 佢 啊 。
噉 佢 嚟 到 御 廚房 ， 見到 錢 老闆 滿面笑容 噉 話 ：
啊 桂公公 ， 小人 嗰 隻 花雕 茯苓 豬真 係 叻 過 十全大補 啊 ， 桂公公 食 咗 之後 啊 ， 你 睇 ， 神清氣爽 ， 滿面紅光 嘞 。
小人 感激 公公 照顧 ， 又 送 咗 隻 燕窩 人 參豬 嚟 ， 你 睇 。
講完 向 身邊 一指 。
呢 隻 豬 係 生豬 ， 全身 白毛 ， 個樣 好 靚 嘅 ， 韞 住 喺 個 竹籠 裏 便 。
韋小寶 唔 知 佢 搞 咩 嘢 鬼 噃， 就 岌一岌頭 。
嗰 個 錢 老闆 拉 住 韋小寶 隻 手 佢 話 ：
嘖嘖 嘖嘖 ， 啊 桂公公 食 咗 花雕 茯苓 豬 嘅 豬肉 ， 脈搏 旺盛 ， 果然 係 大不相同 啊 。
韋小寶 覺得 隻 手裏 頭多 咗 張紙 。
御廚 房裏 便 耳目 眾多 亦 不便 多問 嘞 。
錢 老闆 話 ： 呢 隻 燕窩 人 參豬 呢 食法 又 唔 同 嘞 噃， 請 公公 吩咐 下屬 ， 喺 呢 處 呢 用 上 等 酒糟 喂 十日 。
噉 十日 之後 ， 小人 再 嚟 親手 炮製 就 請 公公 你 享用 。
韋小寶 皺住 眉頭 話 ： 嗰 隻 花雕 茯苓 豬啊 ， 已經 搞 到 我 虛火 上升 麻煩 不堪 咯 ， 咩 人 參豬 、 燕窩 豬 ， 唉 咪 嘞 ， 錢 老闆 你 自己 食罷 喇 我 頂 唔 順 喇 。
錢 老闆 哈哈大笑 佢 話 ： 哈哈哈哈 ， 哈哈 ， 哈哈哈哈 ， 哎 哎 ， 呢 啲 係 ， 小人 一點 孝心 ， 以後 呢 ， 以後 唔 敢 再 麻煩 公公 喇 。
講完 ， 請 咗 幾個 安 ， 退 翻出去 。
韋小寶 個心 諗 ： 紙條 上面 一定 有字 寫響 處 嘅 ， 自己 西瓜 咁 大個 字 都 唔 識 一擔 。
唉 ， 冇 法子 啦 ， 於是 就 吩咐 廚房 執事 雜役 ， 好好 噉 餵 嗰 隻 豬 ， 自己 呢 就 返 去 間 屋 嘞 。
嗱 各位 ， 欲知 後事 如何 ， 且 聽 下回分解 。
