文 再續 啊 書 接 上 一回 啊 。
話説 眾人 喺 藥店 前前後後 查察 ，又 去 地牢 裏 便 仔細 噉 睇下 ，亦 搵 唔到 半點 線索 。
當其時 天色 已經 黃昏 嘞 ，蘇岡 、白寒楓 、王武通 等人 就 告辭 返 屋企 ，約定 分頭 喺 北京城 內 探訪 。
樊綱話 ：蘇四俠 、白二俠 ，你哋 睇 清楚 未 啊 ？
今晚 半夜 我哋 要 放火 燒 屋 ，毀屍 滅跡 嘞噃 。
蘇岡 岌一岌頭 話 ： 都 睇 明白 喇 ， 好 在 附近 冇 人 ， 燒 咗 店鋪 亦 好 嘅 ， 免得 官府 查問 。
蘇岡 同 白寒楓 去咗 之後 ，青木堂 啲 人 就 紛紛 議論 。
都 話 徐天川 呢實 係 畀 沐王府 嘅 人 擄 咗 去 嘅 ，否則 邊有 唔 遲 唔 早 啱啱 打死 咗 對方 個人 ，徐天川 就 失 咗 蹤 呢 ？
最多 係 蘇岡 、白寒楓 兩個人 唔 知 情 而已 啫噉 。
眾人 跟住 就 商量 點樣 放火 燒屋 嘞 。
韋小寶 一 聽見 話 放火 燒屋 ，當堂 成個 興奮 晒 。
玄貞話 ：韋香主 ，天色 已經 夜喇 ，你 要 快 啲 返去 皇宮 啊 。
我哋 放火 燒屋 並唔係 咩 大事 ，韋香 主 唔 喺 呢度 主持 大局 ，睇嚟 亦 唔 會 出 咩 問題 嘅 。
韋小寶 笑住 話 ：嘿道長 ，自己 兄弟 ，你 亦 唔使 捧 我 喇 。
韋小寶 雖然 做 咗 香主 啊 ，武功 見識 ，邊度 及 得 上 各位 武林 好手 吖 ？
我要 留喺 呢度 啊 ，不過 想 睇下 熱鬧 啫 嘛 。
眾人 表面上 呢 對 佢 好客氣 ，但係 見 佢 年輕 ，喺 白家 呢 又 出咗 個 大醜 ，實在 呢 有啲 睇 佢 唔起 嘅 。
而家 聽 佢 噉樣 講 反而 高興 起嚟 嘞 。
佢 呢 幾句 説話 講得 人人 心裏頭 舒舒暢暢 。
大家 對 呢個 小香主 雖然 係 冇 咩 敬意 嘞 ，但係 親近 嘅 心 呢 ，突然 就 多咗 幾分 嘞 噃 。
玄貞 笑住 話 ：我哋 放火 燒屋 ，都 要 半夜 先至 逳手 嘅 ，仲要 打斷 火路 ，以免 火勢 蔓延 燒咗 隔籬 。
韋香主 一夜 唔 返去 皇宮 ，恐怕 唔係 點 方便 嘅 。
韋小寶 個 心 諗 呢句 説話 講得 有啲 道理 ，天 一 黑 ，宮門 就 閂埋 嘞 ，冇 人 能夠 出入 。
自己 又 得到 小 皇帝 寵幸 ，宮中 人人 都 睺住 晒 你 ，你 話 違禁 外宿 啊 罪名 真 係 唔 細 㗎 ，噉 唯有 歎 口氣 話 ：
唉 真係 可惜 嘞 。
呢 把 火 如果 等 我 嚟 點 啊 ，嘿 ，真係 過癮 咯 。
高彥超 低聲 話 ：以後 我哋 日頭 燒 人哋 屋 呢 ，一定 恭請 韋香主 嚟 點火 。
韋小寶 好 歡喜 ，握住 佢 嘅 手 話 ：
嗱 ，高 大哥 ，大丈夫 一言 既 出 你 ，你 唔 好 唔 記得 噃 。
高彥超 微笑 話 ：韋 香主 吩咐 過 個 事 ，屬下 點 敢 話 唔 聽 呢 ？
韋小寶 話 ：好 ，我哋 聽日 呢 就 去 楊柳胡同 ，放火 燒咗 白家 嘅 屋 你 話 好 唔 好 吖 ？
高彥超 嚇咗 一跳 ，連忙 話 ：哦 ，噉啊 要 從 長 計 議 喇 。
總舵主 知道咗 啊 ，九成 會 怪罪 㗎 。
韋小寶 當堂 意興索然 ，噉 走去 換翻 小太監 嘅 服飾 。
高彥超 呢 將 佢 換 翻 落 嚟 嘅 新 置 衣服 鞋帽 又 包埋 一包 ，揸 住 喺 手 。
眾人 四面 睇過 晒 喇 ，並 冇 沐王府 嘅 人 睺住 ，噉 先至 將 韋小寶 夾 喺 中間 ，送到 橫街 ，就 請咗 一 頂 轎 送 佢 返去 皇宮 。
韋小寶 同 眾 兄弟 岌 一 岌 頭 噉 就 上轎 坐好 嘞 。
高彥超 又 將 嗰 包 衣帽 放入 轎 裏 便 。
有個 會中 嘅 兄弟 行到 轎前 便 ，蜎 個 頭 入 轎 ，低聲 話 ：
韋香主 ，聽朝 一早 ，最好 請 你 去 尚膳監 個 廚房 睇下 。
韋小寶 話 ：睇 咩 啊 ？
哦 ，亦冇 咩嘢 嘅 。講完 ，就 退開咗 嘞 。
韋小寶 都 諗唔起 嗰個人 叫做 咩嘢名 。
呢個人 ，留翻 兩撇 老鼠鬚 ，鬼頭鬼腦 ，市井 裏 便 啊 最多 呢種 小商販 。
去 楊柳胡同 個 時候 呢 佢 亦 冇 跟 埋 一齊 去 。
自己 一直 以為 佢 係 藥材鋪 嘅 夥記 。
個 心 諗 ：佢 叫 我 聽日 去 廚房 睇 下 ，哼 ，都 唔知 咩 用意 嘅 。
噉 橫 掂 巡視 御廚房 係 佢 嘅 職責 ，第二日 一早 呢 佢 就 去 嘞 。
頂頭上司 一到 唄 ，廚房 裏 便 嘅 承值太監 以下 人人 大忙 特忙 ，名茶 細點 啊 捧 完 一樣 又 一樣 。
韋小寶 食咗 幾件 點心 佢 話 ：
你哋 呢處 嘅 點心 呢 ，做得 都 唔錯 㗎 喇 ，不過 呢 ，同 揚州 嘅 廚師 學下 添 啊 更好 。
承值太監 連忙 話 ：係 ，係 。如果 唔 係 韋 公公 指點 ，我 哋 真 係 唔 識 啊 。
韋小寶 見到 廚房 裏 便 亦 冇 咩 嘢 唔同 啊 ，噉 啊 正 話 想 返 扯 。
呢個 時候 ，採辦 太監 喺 市頭 返嚟 ，後面 跟住 一個 人 ，手裏 便 ，揸住 把 大秤 ，笑 騎騎噉 猛咁 岌頭岌腦 話 ：
係 ，係 ，誒 公公 點樣 講 ，就 係 點樣 做 啦 ，擔保 搞掂 晒 。
韋小寶 一見到 呢個人 吃咗 一驚 ，原來 嗰個人 ，就係 尋日 要 佢 嚟 廚房 睇下 嘅 人 。
採辦太監 啊 見到 韋小寶 喺度 ，連忙 走到 韋小寶 面前 請安 問好 。
韋小寶 指住 嗰個人 問 ：呢個人 係 邊個 啊 ？
採辦太監 笑住 話 ：
呢個人 ，係 北城 錢興隆 肉莊 嘅 錢老闆 ，今日 特別 落力 ，親自 押 咗 十幾隻 肉豬 送嚟 宮 啊 。
噉 擰 轉頭 同 錢 老闆 話 ：
老錢 啊 ， 今日 你 真 係 行正 大運 喇 。
呢位 桂公公 呢 ，係 我哋 尚膳監 總管 ，當今 皇上 面前 第一 大紅人 。
我 哋 喺 宮 裏 便當 差 嘅 ， 依 老測 都 見 唔 到 佢 老人家 㗎 。
你 實 係 前身 三世 敲 穿 咗 個 木魚 ， 咁 啱 呢 遇到 桂公公 定 喇 。
嗰個 錢老闆 就 跪 喺 地下 ，對住 韋小寶 叩 咗 幾個 頭 ，佢 話 ：
呢位 公公 係 小號 嘅 衣食父母 ，今日 先至 有緣 拜見 真係 姓 錢 嘅 祖宗 積咗 德 啊 。
韋小寶 話 ：唔使 咁多 禮 喇 。
佢 諗 ：佢 混入 嚟 宮 啊 想 做 乜嘢 呢 ？點解 事前 又 唔 同 我 講 呢 ？
嗰個 錢老闆 企起身 ，蓮子蓉 噉 口面 佢 話 ：
皇宮 裏 便 嘅 公公 啊 睇 得 起 小號 ，小號 個 價錢 特別 克己 㗎 ，真 係 可以 話 係 冇 咩 賺頭 嘅 。
不過 同 皇上 、公主 、貝勒 劏豬 呢 ，噉 真係 認真 夠 面子 嘞 。
人哋 聽講 話 連 皇上 都 食 小號 供奉 嘅 肉 ，小號嘅 豬肉 ，當然 係 天下 第一 啦 ，冇 第 家 比得上 㗎 喇 。
因此 錢 興隆 供奉 皇宮 肉食 呢 亦 不過 係 一年 幾 唧 ，生意 啊 ，多 咗 好幾倍 ，呢 啲 都 係 全靠 公公 栽培 啊 。
講完 又 連 氣 咁 請安 。
韋小寶 岌 一 岌 頭 笑住 話 ：噉 你 一定 好 發財 定 啦 。
哈哈哈哈 ，呢啲 都係 託賴 各位 公公 嘅 洪福 啊 。
喺 身邊 就 扲出 兩張 銀票 ，佢 又 話 ：
一啲 小小 意思 ，不成 敬意 啊 ，請 公公 留起 佢 ，愛嚟 打賞 人 啊 咩嘢 都 好啦 。
講完 ，雙手 送到 去 韋小寶 隻 手 。
韋小寶 接過嚟 一睇 ，銀票 啊 每張 五百 兩 ，總共 係 一千 兩 銀 。
正係 自己 前日 分 畀 高彥超 佢 哋 嘅 ，噉 佢 微微 打個突 。
見到 錢老闆 用 個 嘴 向住 個 採辦 太監 一努 ，韋小寶 明嘞 佢 話 ：
錢老闆 真係 客氣 啊 。
將 兩張 銀票 交畀 承值 太監 佢 笑住 話 ：
呢啲 係 錢 老闆 嘅 敬意 ，你 攞 去 分 啦 ，唔使 分畀 我 喇 。
眾 太監 見到 係 一千兩 銀 嘅 銀票 ，個個 都 歡喜 到 癲 啦 。
供奉 宮中 嘅 豬 羊 牛肉 ，雞 魚 蔬菜 嘅 商人 啊 平時 都 畀 回扣 ，噉 啊 有 一定 嘅 規矩 嘅 。
逢 年 過 節 ，噉 啊 雖然 有 年禮 、節禮 ，不過 係 四五百 兩 銀 ，其中 尚膳房 嘅 太監 頭頭 呢 又 要 分 咗 去 一半 先 。
而家 見到 銀 又 多 ，韋小寶 又 話 唔要 喎 ，噉 如果 各人 攤分 豈不是 小小 一注 橫財 ？嘿 過癮 咯 。
嗰個 承值 太監 又 諗 嘞 ：桂公公 嘅 口 就 話 唔要 ，不過 喺 外人 面前 擺 下 架子 嘅 啫 ，佢 係 個 頭頭 ，唔分 畀 佢 都 得了 嘅 咩 ？
等陣 攤分 嘅 時候 ，仲係 要 分翻 份 大啲 嘅 畀 佢 。
錢老闆 話 ：桂公公 ，你 咁 體恤 辦事 嘅 公公 真係 難得 啊 。
你 唔肯 收禮 ，小人 個 心 真係 好 唔安樂 。
噉樣啦 ，小號 養咗 有 兩隻 茯苓 花雕 豬 ，算得 係 名貴 無比 嘅 。
等陣啊 搦去 劏咗 ，一隻 呢 孝敬 皇太后 同 皇上 ，另外 一隻 呢 ，就 抬去 桂公公 間房 ，請 公公 仔細 噉 品嚐 下 。
韋小寶 話 ：咩 茯苓花雕豬 啊 ？名堂 咁 古怪 嘅 都 未 聽講過 噃 。
呢啲 係 小號 祖傳 嘅 秘方 ，首先 呢 選咗 良種 嘅 肉豬 ，噉 啊 斷咗 奶 之後 呢 ，就 喂 茯苓 、黨參 、杞子 等等 嘅 補藥 ；
飼料啊 除咗 補藥 之外 呢 ，就 淨係 雞蛋 一味 嘅 啫 ，頸喝喇 ，就 飲 花雕酒 。
佢 説話 未 講完 啊 ，嗰班 太監 都 笑 起 上嚟 嘞 都 話 ：邊度 有 噉樣 餵豬法 㗎 ？噉 餵 肥 一隻 豬 啊 ，豈 不是 要 幾百 兩 銀 ？
錢老闆 話 ：本錢 啊 梗係 唔 細 啦 ，最 難 嘅 ，就係 呢番 心血 同 功夫 啊 。
韋小寶 話 ：好 ，噉樣嘅 奇豬 真係 唔試下 都 唔得 。
錢老闆 話 ：唔知 桂公公 今日 午後 咩 時候 得閒 呢 ？小人 準時 送到 。
韋小寶 個 心 諗 ：喺 上書房 出嚟 已經 將近 午時 嘞 ，噉 就 話 ：
巳末 午初 你 送嚟 啦 。
巳 末午 初用 而 家 嘅 講法 即 係 上午 將近 十二點 上下 啦 。
係 ， 係 。 錢 老闆 又 請 咗 幾個 安 就 出 翻 去 嘞 。
承值太監 陪 笑話 ： 桂公公 ， 等陣 見到 皇上 ， 唔 好 提 先頭 嗰 件 事 噃 。
點解 呢 ？
宮裏 便 嘅 規矩 ，凡係 稀奇古怪 嘅 食物 ，係 唔能夠 供奉 畀 皇太后 、皇上 ，同 貝勒 、公主 㗎 。
如果 食咗 有 一啲 啲 少少 唔妥 ，大家 有 幾多 個 人頭 吖 ？
哦 ，噉嘅 。
皇上 年少 好奇 ，聽講話 有 咁 稀奇古怪 嘅 茯苓花雕豬 ，如果 吩咐 要 攞嚟 試下 ，噉 我哋 做 奴才 嘅 關係 太過 大喇 。
再講吖 ，呢種 千辛萬苦 餵起嚟 嘅 肉豬 ，又 唔係 時時 都有 嘅 。
如果 皇上 食咗 啱晒 胃口 ，下道 聖旨 又 叫 御廚房 日日 供奉 喎 ，噉 大家 唯有 吊頸 係 啦 。
韋小寶 哈哈大笑 啊 ：哈哈哈 ，哎呀 你 又 想得 幾 周到 喎 。
呢啲 係 尚膳房 歷來 相傳 嘅 規矩 啫 。
太后 同 皇上 嘅 菜餚 呢 ，一切 時鮮 果菜 都 係 唔能夠 供奉 㗎 。
咩話 ？時鮮蔬菜 唔能夠 供奉 ，噉 唔通 我 又 供奉 過時嘅 、隔夜嘅 蔬菜 嘞噃 ？
韋小寶 啊 雖然 做咗 幾個月 尚膳監 嘅 頭頭 ，但係 對於 御廚房 嘅 事 呢 一直 都 冇 留心 。
承值太監 笑住 話 ：
供奉過咗 時 、隔夜 嘅 菜蔬 呢 ，噉 真係 萬萬 都 唔 敢 。
不過 有啲 一年 之中 只有 一兩 個 月 先至 有 嘅 蔬菜 ，我哋 就 唔能夠 供奉 喇 。
如果 皇上 食 得 入味 ，天時 熱 就 要 冬筍 ，天時 冷 又 要 新鮮 蠶豆 ，噉 大家 又 唯有 吊 頸 㗎 啦 。
韋小寶 笑住 話 ：皇太后 同 皇上 都 係 萬分 聖明 嘅 ，邊 有 噉 嘅 事 啊 ？
承值 太監 聽到 個 心頭 一震 ，佢 連忙 話 ：
係 ，係 。太后 同 皇上 聖明 ，噉 啊 一定 係 唔 會 噉 嘅 。
聽講 嗰啲 係 喺 前明宮 裏 便 傳落嚟 嘅 規矩 。
到咗 我哋 大清 ，皇上 通情達理 ，我哋 奴才們 辦起 事 嚟 呢 就 容易 得多 喇 。
講完 ，個心裏 便 暗暗 吃咗 一驚 ，對 先頭 嗰 幾句 説話 都 唔知 幾 後悔 啊 。
話説 韋小寶 喺 上書房 侍候 完 康熙 出嚟 ，噉 又 去 御膳房 嘞 。
過咗 冇 幾耐 ，錢老闆 啊 帶住 四名 夥記 ，抬咗 兩隻 劏 到 乾淨 企理 嘅 大肥豬 嚟 ，每 一隻 嘅 淨肉 呢 ，都 有 三百幾 斤 。
佢 同 韋小寶 話 ：
桂公公 ，嗱 你 老人家 一早 起身 呢 ，食 呢隻 茯苓 花雕 豬 係 最 滋補 嘞 ，最好 呢 ，係 現割 現烤 。
嗱 ，小人 將 一隻 豬 送到 你 老人家 間 房 ，聽朝 一早 ，你 老人家 呢 就 可以 割嚟 燒烤 食 。
食 唔 完 嘅 ，再 叫 廚房 幫 你 做 滷肉 就 得 啦 嘛 。
韋小寶 知道 佢 必定 有 深意 嘅 就 話 ：
你 又 想得 幾 周到 噃 ，噉 ，你 跟 我 嚟 啦 。
錢老闆 將 一隻 光豬 留 喺 廚房 ，另外 嗰隻 呢 就 擔 到 韋小寶 間 房 裏 便 。
尚膳監管事太監 嘅 住處 同 御廚房 好 近 嘅 ，嗰 隻 肥豬 抬 咗 入 房 裏 便 之後 啊 ，韋小寶 又 叫 小太監 帶 擔 豬 嘅 夥記 去 廚房 中 等候 。
等 三個 人 走咗 喇 ，就 掩 翻埋 道門 ，錢老闆 低聲 問 ：
韋香主 ，屋裏 便 冇 第個 人 啦嘛 ？
韋小寶 擰擰 頭 。
錢老闆 就 護低 個 身 ，輕輕 將 光豬 翻轉 面 ，只見 豬肚 上 啊 ，開膛 個 地方 ，打橫 貼住 幾件 豬皮 ，就 封咗 割縫 。
韋小寶 個 心 諗 ：
嗯 呢隻 肥豬 嘅 肚 啊 ，實係 收埋 咩 古怪 嘅 嘢 定 嘞 ，唔通 係 兵器 之類 嘅 嘢 ？
天地會 想 喺 皇宮 裏 便 殺人 大鬧 一場 啊 ？
不由得 個 心 嘣蹦亂 咁 跳 。
果然 見到 錢老闆 撕開 豬皮 ，雙手 拉開 豬肚 ，輕輕 抱咗 一團 物件 出嚟 。
哎呀 嚇到 韋小寶 咦噉 一聲 驚叫 ，原來 佢 抱出嚟 嘅 ，竟然 係 一個 人 。
錢老闆 將 嗰個人 打橫 放 喺 地下 。
只見 呢個 人 啊 身體 瘦小 ，一頭 長頭髮 ，係 個 十四五歲 嘅 少女 。
身上面着 一件 薄薄 嘅 單衫 ，雙眼 啊 眯埋 ，逳 都 唔 逳 ，只係 個 心口 呢 輕輕 噉 起伏 。
韋小寶 好奇怪 啦 低聲 問 ：
呢個 姑娘仔 係 邊個 啊 ？你 帶 佢 嚟 做 咩嘢 啊 ？
錢老闆 話 ：佢 係 沐王府 嘅 郡主 。
韋小寶 更加 驚奇 嘞 睩 大 雙眼 話 ：
沐王府 嘅 郡主 ？
冇 錯 喇 ，沐王府 小公爺 嘅 嫡親 妹妹 。
佢哋 綁架咗 徐三哥 ，我哋 捉咗 呢位 郡主 娘娘 返嚟 做 抵押 ，等 佢哋 唔敢 逳 徐三哥 一根 寒毛 。
哎呀 ，妙啊妙啊 ，你哋 點 捉 佢 返嚟 㗎 ？
尋日 徐天川 徐三哥 畀人 綁咗 架 ，韋香主 你 就 帶埋 眾位 大哥 ，第二次 去 楊柳胡同 講道理 吖 。
屬下 呢 ，就 出去 打探 消息 ，想 知道 沐王府 嗰 啲 人 ，除 咗 楊柳胡同 之外 ，係 咪 仲 有 第 啲 秘密 地方 落腳 ；
徐三哥 呢 ，係咪 畀 佢哋 韞 喺 嗰處 ；
又 想 知道 佢哋 喺 京城 裏 便 仲 有 邊啲 人 ；
如果 真係 要 逳手 咯 ，我哋 個 心 都 有 個 底 至 得 㗎 嘛 。
一打探 ，嘿 ，沐王府 嚟 嘅 人 啊 ，真係 唔少 啊 ，沐家 小公爺 帶頭 ，帶領住 王府 大批 好手 。
豈有此理 ，喂 ，我 哋 青木堂 喺 京城 裏 便 有 幾多 兄弟 啊 ？能 唔 能夠 十個 打 佢 哋 一個 啊 ？
韋香主 你 唔使 擔心 。
沐王府 呢次 嚟到 北京 ，唔係 為咗 同 我哋 天地會 打交 㗎 。
原來 大漢奸 吳三桂 嘅 大仔 吳應熊 嚟 咗 京城 啊 。
沐王府 要 行刺 呢個 姓 吳 嘅 小 漢奸 啊 ？
冇錯喇 ，真係 韋香 主料 事如神 。
大漢奸 、小漢奸 喺 雲南 ，唔 殺得到 佢哋 吖 ，一 離開咗 雲南 就 有 機 可 乘 嘞 。
但 呢個 小漢奸 呢 梗係 防備 周密 ，身邊 有 唔少 武功 高手 保護 ，要 殺 佢 呢 亦 唔係 咁 容易 嘅 。
噉啊 沐王府 嗰啲 人 呢 ，果然 係 另外 有 地方 住 。
屬下 去 查過 ，呢啲 人 都 唔 喺 屋企 ，屋裏 便 呢 亦 冇 徐三哥 嘅 蹤跡 ；
只有 呢個 妹釘 同 兩個 服侍 佢 嘅 女人 留 喺 屋裏 便 ，噉 真係 難得 嘅 良機 啊 。
哦 ，於是 你 就 順手牽羊 ，反手牽豬 ，將 佢 捉咗 嚟 喇 。
冇錯 喇 ，呢個 姑娘仔 年紀 雖然 係 細㗎 ，沐王府 當 佢 係 鳳凰 噉 。
只要 呢 個 小 郡主 喺 我 哋 手裏 頭 ， 徐三哥 就 穩如泰山 ， 唔 怕 佢 哋 唔 好好 服侍 。
啊 錢 大哥 ，呢 件 功勞 好大 啊 。
多謝 韋香主 誇獎 。
噉 我哋 捉到 小郡主 又 點 呢 ？
講完 ，瞄 下 瞓 喺 地下 嗰個 少女 幾 眼 ，個心 諗 ：呢個 姑娘仔 生得 真係 靚 嘞 。
錢老闆 話 ：呢件事 講大 唔大 講細 唔細 ，要 聽下 韋香主 嘅 意思 做 嘞 。
噉 ，你 話 點 做 吖 ？
韋小寶 同 天地會 嘅 人 相處 嘅 時間 雖然 係 短 ，不過 已經 摸到 咗 佢哋 嘅 脾氣 。
呢啲 人 個 嘴 啊 尊稱 自己 係 香主 ，有事 就 話 咩嘢 靜候 香主 吩咐 啊 噉 。
其實 呢 各人 嘅 肚裏 便 早 就 有 咗 主意 喇 ，只係 盼望 得到 自己 嘅 贊同 。
噉 一切 後果 啊 ，就 推 喺 韋香主 頭上 ，以後 佢哋 就 唔使 擔當 咩 重大 關係 嘞 。
噉 韋小寶 對付 嘅 法子 呢 ，就 反問 翻 一句 ，你 話 點 吖 噉 。
錢老闆 話 ：目前 ，只有 將 呢個 小郡主 收埋 喺 一個 穩陣 嘅 地方 ，等 沐王府 個人 搵 唔到 。
呢次 沐家 嚟到 京城 嘅 人 實在 唔 少 ，雖然 ，話 係 為咗 殺 小漢奸 吳應熊 啊 ；
但係 我哋 殺咗 佢 嘅 人 噃 ，徐大哥 又 畀 佢哋 捉咗 去 。
而家 我哋 天地會 每一處 落腳 嘅 地方 ，一定 都 畀 佢哋 盯到 實一實 。
我哋 就算 係 屙 一㞘 尿 啊 放 個 屁 啊 ，怕 沐王府 嘅 人 都 會 知道 啊 。
韋小寶 聽到 咭 一 聲 噉 笑 起 上 嚟 ，覺得 呢個 錢老闆 談吐 好 有趣 ，好啱 自己 嘅 脾胃 。
佢 話 ：錢大哥 ，我哋 坐低 慢慢 商量 吖 。
哦 ，哦 ，多謝 香主 。
噉 喺 一張 椅 處 坐落 之後 ，錢老闆 呢 就 話 喇 ：
屬下 將 小郡主 收埋 喺 豬肚 裏 便 帶 入 宮 ，一來 呢 ，係 為咗 瞞過 宮門 侍衞 嘅 重重 搜查 ；二來 ，係 要 瞞過 沐王府 眾人 嘅 耳目 。
沐 公爺 手下 ，怕 真 係 有 幾個 厲害 人物 不可不防 啊 。
小郡主 如果 唔係 收埋 喺 宮 裏 便 ，好 難 擔保 唔 畀 佢哋 搶翻返去 。
你話 要 將 小郡主 收埋 喺 宮 啊 ？
屬下 就 唔敢 噉樣 講 ，一切 全 憑 韋香主 作主 。
乜 收埋 喺 宮裏 便 ， 當然 係 普天下 最 妥當 嘅 地方 啦 ， 沐 王府 嘅 高手 再 多 ， 總 唔 夠大 內侍 衞 打 啊 。
小郡主 竟然 會 喺 皇宮 裏 便 喎 ，咪 講話 佢 哋 點都 想唔到 查唔出 ，就算 你 知道 咗 ，又點 有 符弗 衝入 嚟 皇宮 救人 呢 ？
佢 哋 如果 能夠 入宮 將 小 郡主 救 翻 出去 ，噉 咪 即係 連 皇帝 都 能夠 綁架 走 啦 ，天下 決 冇 噉 嘅 事 嘅 。
不過 屬下 膽大妄為 ，事先 呢 就 冇 向 韋香主 請示 ，擅自 就 將 小郡主 帶咗 入宮 ，畀 韋香主 增加 唔少 危險 唔少 麻煩 ，實在係 抵死 到 極 啊 。
韋小寶 個 心 諗 嘞 ：你 將 人 都 帶 咗 入嚟 嘞 ，吖 自己 又 話 抵死 ，又 唔見 你 死 。
將 小郡主 收埋 喺 宮 裏 便 ，呢條 計 果然 係 好啊 ，沐王府 個人 一來 想唔到 二來 又 救唔出去 。
錢老闆 ，你 膽大 妄為 啫 ，唔通 我 膽 就 細 嘞 咩 ？
佢 笑住 話 ：你 呢個 計策 真係 好 ，就 將 小郡主 收埋 喺 呢處 啦 。
錢老闆 話 ：哦哦 ，韋香 主講 呢件事 做 得 嘞 ，噉 一定 係 做 得 嘅 。
屬下 又 想 啊 ，將來 事情 了結 之後 ，噉 小郡主 總係 要 放翻 畀 佢哋 㗎 。
佢 哋 知道 咗 郡主 娘娘 呢 一排 呢 ，係 住 喺 宮裏 便 ，亦 唔 會 羞家 吖 。
如果 一味 韞埋 喺 小號 屠場 嘅 地牢 裏 便 ，成日 聞埋 嗰啲 牛血 豬血 嗰種 腥𡃴 ，未免 太過 對人唔住 喇 。
噉 唔係 日日 就 喂 佢 食 啲 茯苓 啊 、黨參 啊 、花雕 啊 、雞蛋 啊 ，噉 就算啦 嘛 。
嘿嘿嘿嘿嘿 ，啊 仲有 啊 ，小郡主 年紀 雖然 係 咁 細個 ，總係 個 女仔 吖 ，噉 同埋 我哋 呢啲 臭 男人 呢 住埋 一齊 ，噉 對 佢 嘅 名聲 未免 有 妨礙 咯 ，同 韋香主 一齊 就 唔同 咯 就 唔緊要 咯 。
點解 啊 ？
韋 香主 年紀 雖然 係 輕 ，不過 ，不過 又 係 喺 宮裏 便 辦事 嘅 ，噉 梗 係 ，梗 係 冇 咩 嘢 啦 嘛 。
錢 老闆 講説話 吞吞吐吐 有啲 不便 出口 。
韋 小寶 見 佢 噉樣 ，諗咗 一諗 ，吖 ，明白 喇 。
原來 你 話 我 係 太監 ，因此 小郡主 交畀 我 看管 對 佢 名聲 就 冇 妨礙 喇 噉 。
你 都 唔 知道 我 呢個 太監 啊 ，係 冒牌貨 。
嗱 各位 ，欲知 後事 如何 ，且 聽 下回 分解 。
