文再續啊書接上一回啊 ，話説 大家 喊咗 一陣 之後 ，有個 高高瘦瘦 嘅 老人家 行到 靈座 嘅 旁邊 ，高聲 講 ：
各位 兄弟 ，我哋 尹香主 嘅 大仇 已經 報咗 。
鰲拜 呢個 嘢 終於 殺頭 ，確實 係 我哋 天地會 青木堂 嘅 天大喜事 啊 。
韋小寶 聽到 鰲拜 呢個 嘢 終於 殺頭 幾個 字 ，雙耳仔 轟 一聲 又 驚 又 喜 。
閃電 咁 快 就 諗到 ：佢哋 唔係 鰲拜 嘅 部屬 ，係 鰲拜 嘅 仇人 嚟㗎 ！
噉 嗰個 高瘦 老人 下便 嗰 十幾句 説話 呢 ，韋小寶 完全 聽而不聞 嘞 。
過 咗 一陣 ，個心 定 翻 落嚟 喇 先至 慢慢 將 佢 嘅 説話 聽 入 耳 ，但係 中間 呢 已經 漏咗 一大段 ，只 聽見 佢 話 ：
今日 ，我哋 大鬧 康親王府 ，殺咗 鰲拜 ，人人 平安 返嚟 ，清兵 一定 嚇破膽 。
對於 本會 反清復明 嘅 大業 ，實在 有 極大 嘅 好處 。
本會 各堂 嘅 兄弟 知道咗 ，一定 佩服 我哋 青木堂 有智有勇 ，敢作敢為 啊 。
班 漢子 紛紛 話 ：冇 錯 冇 錯 ，我 哋 青木堂 呢 次 認真 夠威 啊 。
蓮花堂 、赤火堂 佢哋 一味 自吹自擂 ，邊度 有 我哋 青木堂 呢次 做得 咁 驚天動地 吖 ？
呢件事 傳遍 天下 ，睇怕 到處 啲 茶館 都 要 編成 古仔 嚟 唱 。
將來 將 清兵 趕出 關外 ，天地會 青木堂 名垂不朽 ！
咩嘢 將 清兵 趕出 關外 啊 ？要 將 所有 嘅 清兵 斬盡 殺絕 ，個個 死無葬身之地 啊 。
噉 眾人 你 一言 我 一語 精神振奮 ，啱先 嗰啲 悲慘 嘅 氣氛 啊 一掃而空 。
韋小寶 聽到 呢處 呢 再 冇 懷疑 喇 ，知道 呢批 人 啊 係 反對 清廷 嘅 志士 。
佢 遇到 茅十八 之前 ，喺 揚州 街坊 市井 之間 呢 ，就 時時 聽 人哋 講起 天地會 反清 嘅 種種 俠義 事跡 。
當年 清兵 攻入 揚州 ，大肆 屠殺 ，姦淫 擄掠 無惡不作 啊 ，所謂 揚州 十日 嘉定 三 屠 真係 慘不堪言 。
揚州 城內 幾乎 每一户 人家 ，都 有人 喺 呢場 大屠殺 之中 啊 遇難 嘅 。
因此 揚州 人 對於 反清 義士 欽佩 啊 ，比起 第啲 地方 嘅 人 呢 無形中 又 多咗 幾分 。
當其時 離開 揚州 十日 嘅 慘事 不過 廿幾年 ，韋小寶 自細 啊 聽 人哋 不斷 講起 清軍 嘅 罪行 ；
又 聽 人哋 講 ，史閣部 ，即係 史可法 嘞 ，係 點樣 抗敵 殉難 ，某某人 又 點樣 同 敵兵 同歸於盡 喇噉 。
呢次 茅十八 同 班 鹽梟 喺 麗春院 打交 ，就係 為咗 強行 替 天地會 出頭 而 引起 嘅 。
一路上 聽 佢 講 咗 唔 少 天地會 嘅 英雄 事跡 ，又 講過 咩 嘢 為 人 不見 陳近南 ，就 稱 英雄 也 枉然 等等 ，個心 早就 萬分 嚮往 仰慕 。
呢個 時候 親眼 見到 呢一 大群 ，一心一意 反對 清朝 嘅 英雄 豪傑 ，不由得 大為 興奮 。
一時 都 唔 記得 佢 自己 係 朝廷 中 嘅 小太監 嘅 身份 添 。
嗰個 高瘦 老人 ，等到 人聲 稍為 安靜 啲 ，佢 繼續 話 ：
我哋 青木堂 呢 兩 年 嚟 ，時時刻刻 記住 尹香主 尹大哥 嘅 大仇 。
人人 喺 萬雲龍 大哥 靈前 瀝血 為 誓 ，一定 要 殺咗 鰲拜 呢個 嘢 為 尹 大哥 報仇 。
尹香主 當時 慷慨就義 ，江湖上 人人 欽仰 ，今日 佢 在天之靈 ，見到 鰲拜 呢個 狗頭 ，一定 會 仰天大笑 嘅 。
噉 人人 都 話 ：冇錯 冇錯 。
人群 之中 有 一個 聲音 雄壯 嘅 人 話 ：
兩年前 大家 發誓 ，如果 殺唔到 鰲拜 ，我 青木堂 人人 都係 屎蟲 衰公 ，冇面 再 喺 江湖 上 行 。
今日 ，終於 雪咗 呢場 奇恥大辱 喇 。
我 樊 某人 呢 兩 年 嚟 飯 食 唔 飽 ，覺 瞓 唔 好 ，日 思 夜 想 ，就 喺 處 諗 點樣 為 尹 香 主 保 仇 ，為 青木堂 雪 恥 ，大家 終於 心願 得償 喇 。
佢 放聲 大笑 ，好多人 都 跟住 佢 狂笑 起嚟 。
嗰個 高瘦 老人 話 ：好 ，我 青木堂 重振 雄風 ，大家 揚眉吐氣 ，重新 擔 高頭 嚟 做人 。
呢 兩 年嚟 ，青木堂 啲 兄弟 個個 都 好似 無主 孤魂 噉 。
喺 天地會 聚會 ，第 個 堂 嘅 兄弟 只係 望 我 一 眼 ，冷笑 一 聲 ，我 就 慚愧 得 無地自容 啊 。
對 會內 嘅 大事 小事 唔 敢 插 嘴 講 句 説話 。
雖然 總舵主 幾次 傳 話 嚟 ，開導 我哋 ，話 為 尹香主 報仇 ，係 天地會 全體 兄弟 嘅 事 ，決 唔 係 青木堂 一堂 嘅 事 。
但係 第二個 堂 啲 兄弟 冷言 冷語 ，就 唔係 噉樣 想 㗎嘛 。
從 今 以後 ，就 大 不 相同 喇 。
另外 一個人 話 ：啱啊 ，李大哥 講得 啱 ！
我哋 趁 呢個 機會 ，一 鼓 作 氣 ，轟轟烈烈 噉 再 做 幾件 大事 出嚟 。
鰲拜 呢個 惡賊 ，號稱 滿洲 第一 勇士 ，今日 死 喺 我哋 手下 。
嗰啲 滿洲 第二 勇士 第三 勇士 第四 勇士 ，實係 個個 都 怕到 要 死 啊 。
大家 一聽 又 都 冚聲 大笑 起嚟 。
韋小寶 個 心 諗 嘞 ：你哋 一陣 喊 一陣 笑 啊 烏蠅 打醮 ，好似 成班 細路 噉 嘅 。
喺 人群 之中 忽然間 有 個 人 冷冰冰 噉 話 ：
係 我哋 青木堂 殺咗 鰲拜 咩 ？
大家 一聽 呢句 説話 即時 靜咗 落嚟 ，大廳 裏 便 有 成 二 百 幾 人 㗎 ，一時 之間 ，鴉雀 無聲 。
過咗 好耐 有 個人 話 ：殺死 鰲拜 嘅 雖然 係 另有 其人 ，不過 亦 係 我哋 青木堂 攻入 康親王府 之後 ，嗰個人 趁住 混亂 先至 將 鰲拜 殺死 嘅 啫嘛 。
先頭 嗰個人 又 冷冰冰 噉 話 ：哦 原來 如此 。
嗰個 聲音 粗壯 嘅 人 大聲 話 ：祁老三 ，你 噉 講 係 咩 嘢 意思 啊 ？
嗰個 祁老三 仍然 係 冷言冷語 話 ：我 有 咩 意思 啫 ，冇 意思 ，一啲 都 冇 意思 。
只不過 第啲 堂 嘅 兄弟 如果 話 ，呢次 青木堂 真係 威風 喇 ，唔知 殺死 鰲拜 嘅 ，係 貴 堂 裏 便 邊 一位 兄弟 呢 ？
人哋 噉樣 一問 ，只怕 有啲 難以 回答 嘞 。
大家 不妨 想下 吖 ，呢句 説話 人哋 會 唔會 問 啦 ，只怕 一千個 人 之中 ，有 九百九十九 個 要 問 㗎 啩 。
大家 自吹自擂 ，猛 咁 喺 自己 塊 面上 貼金 ，未免 ，未免 有啲 ，嘿嘿嘿 ，大家 心知肚明 啦 。
佢 一 講完 ，個個 都 冇 聲 出 。
都 覺得 佢嘅 説話 刺耳 ，聽起上嚟 極之 冇癮 ，但係 呢番説話 確係 實情 噃 難以辯駁 。
過咗 一陣 ，嗰個 高瘦 老人 話 ：
呢個 清宮 嘅 小太監 ，陰錯陽差 殺咗 鰲拜 。
噉當然係 尹香主 在天之靈 暗中 保佑 ，假手 於 一個 細佬哥 剷除 呢個 大奸賊 。
大家 都 係 鐵錚錚 嘅 男子漢 ， 亦 唔 能夠 揞 住 個 良心 車 大炮 嘅 。
大家 互相 望下 ，本來 興高采烈 嘅 ，但係 一想到 殺死 鰲拜 嘅 並唔係 青木堂 嘅 兄弟 ，當堂 覺得 大為 掃興 。
嗰個 高瘦 老人 話 ：呢 兩 年 嚟 ，本堂 冇 咗 主腦 ，大家 推舉 兄弟 暫時 執掌 香主 嘅 職司 。
而家 尹香主 嘅 大仇 已經 報咗 ，兄弟 將 令牌 交翻 喺 尹香主 嘅 靈前 ，請 眾位 兄弟 另選 賢能 啦 。
講完 ，喺 靈座 前面 跪低 ，雙手 揸住 一塊 木牌 拜咗 幾 拜 ，企翻 起身 ，將 令牌 放 喺 靈位 前 便 。
有個人 盲咗 左眼 嘅 ，佢 姓 崔 ，花名 呢 ，就 叫做 單眼 崔 ，佢 話 ：
李大哥 ，呢 兩 年 之中 ，你 將 會 務 處理 得 井井有條 ，呢個 香主 嘅 位 ，除 咗 你 之外 又 有 邊個 配 坐 呢 ？
你 亦 唔 使 客氣 喇 ， 快 啲 將 令牌 收翻 起 嚟 啦 。
大家 沉默 咗 一 陣 ，有 個人 話 ：
香主 呢個 職位 ，就 唔係 睇 我哋 自己 意思 ，要 邊個 嚟 做 就 由 邊個 嚟 做 㗎 噃 ，係 總舵 委派 落 嚟 㗎 嘛 。
單眼崔話 ：規矩 雖然 係 噉 ，但 歷來 嘅 慣例 每一堂 商量咗 之後 報咗 上去 ，上頭 啊 從來 冇 駁 翻 落嚟 嘅 ，所謂 委派 亦 不過 係 例行公事 啫 。
有個人 叫做 賈老六 ，佢 話 ：
據 兄弟 所知 ，各 堂 嘅 新 香主 向來 都 係 由 舊 香主 推薦 。
舊 香主 或者 年老 或者 有病 ，又 或者 係 臨終 之時 留下 遺言 ，喺 本 堂兄弟 之中 挑選出 一個 人 嚟 到 接替 ，之 就 係 從來 冇 話 自行 推選 嘅 規矩 嘅 。
單眼崔話 ：尹香主 不幸 畀 鰲拜 害死 ，又 有 咩 遺言 留低 啫 ？
賈老六 ，呢件事 你 又 唔係 唔知 嘅 ，乜 喺 呢度 講埋 咁多 呢嘢 做 乜唧 ？
哦哦哦哦哦 ，我 明白 你 嘅 用意 喇 ，你 反對 李大哥 做 本堂 嘅 香主 ，乃係 心懷不軌 就 另有 圖謀 嘅 。
韋小寶 聽到 賈老六 三個字 佢 心頭一震 ，記得 揚州 嗰班 鹽梟 要 搵 嘅 就係 呢個 人 嘞 。
擰 轉頭 睇 下 佢 ， 果然 見到 佢 嘅 頭殼 光禿禿 ， 嗰 條 辮 呢 奀 一 奀 都 冇 幾 多條 頭髮 㗎 喇 ， 塊面 呢 ， 有 一個 大 嘅 刀疤 。
嗰個 賈老六 發火 嘞 ：我 又 心懷 咩 不軌 啊 ，又 有 咩 圖謀 啊 又 ？
單眼 崔 ， 你 説 話 講得 清楚 啲 ， 唔 好 含血噴人 。
單眼 崔 亦 大聲 話 ： 哼 ， 打開 天窗 說 亮話 ， 喺 青木堂 裏 便 ， 有 邊個 唔 知 你 想 捧 你 姐夫 關夫子 做 香主 啊 ？
關夫子 做咗 香主 ，你 就 係 國舅 老爺 喇 ，仲 唔 係 大 權 在 手 ，要 風 得 風 要 雨 得 雨 咩 ？
賈老六 大聲話 ：關夫子 係咪 我 姐夫 ，係 另外 一回事 。
呢次 攻入 康親王府 ，係 關夫子 率領 嘅 ，終於 大功告成 ，得勝 而 歸 嘞 。
以 我 姐夫 嘅 才幹 ，能唔能夠 做 香主 呢 ？
李大哥 資格 老 ，人緣 好 ，我 唔係 反對 佢 ，不過 講到 本事 ，到底 仲係 關 夫子 叻 得 多 。
嘻嘻嘻嘻嘻嘻嘻嘻嘻 。
單眼崔 突然間 縱聲 大笑 ，喺 笑聲 裏 便 充滿 咗 輕蔑 嘅 味道 。
賈老六 嬲 嘞 ：你 笑咩 啊 ？唔通 我 嘅 説話 講錯咗 啊 ？
單眼崔 笑住 話 ：哈哈 ，冇錯 ，我哋 賈六哥 嘅 説話 點 會 錯 唧 ？
我 只係 覺得 關夫子 嘅 本事 亦 厲害 過 頭啲 喇 ，五關 就 過咗 咯 六將 啊 冇 斬到 。
事到臨頭 ，將 個 大仇人 鰲拜 就 畀 人哋 一個 細佬哥 一刀 殺咗 。
突然間 ，喺 人叢 之中 有 個 人 行 出嚟 ，滿面 怒容 噉 喺 靈座 前面 企定 。
韋小寶 認得 佢 就係 率領 一班人 攻入 康親王府 嗰個 長鬚人 嘞 。
見到 佢 一把 長鬚 飄灑 喺 胸前 ，樣子 就 非常之 威嚴 嘅 。
原來 呢個 人 姓 關 ，個 名 叫做 安基 ，關安基 。
因為 鬍鬚 生得 夠 威 啊 ，又 係 姓 關 嘅 ，人哋 呢 就 叫 佢 做 關夫子 。
佢 睩 大 雙眼 望 實 單眼 崔 ，大聲 噉 話 ：
崔兄弟 ，你 同 賈老六 嗌交 ，講 乜嘢 都 可以 ，我 姓 關 嘅 冇 得罪 到 你 。
大家 都 係 好兄弟 ，喺 萬雲龍 大哥 靈前 發過 誓 ，話 咩嘢 同生共死 。
你 噉樣 踩 我 係 咩嘢 意思 ？
單眼崔 個 心 有 啲 怕 喇 ，退 咗 一步 佢 話 ：
我 ，我 邊度 敢 踩 你 唧 ？嗱 關二哥 ，你 ，你 如果 贊成 推舉 李大哥 做 本堂 香主 ，噉 ，噉 小弟 對 你 叩頭 賠罪 ，算 係 我 講錯 説話 啦 。
關安基 黑 起 塊面 話 ：叩頭 賠罪 我 點 敢 當 啊 ？
本堂 嘅 香主 由 邊個 嚟 做 ，我 關 某人 唔 配 講 呢句 説話 。
崔兄弟 ，你 都 仲 未曾 做 天地會 嘅 總舵主 ，青木堂 嘅 香主 係 邊個 ，仲 輪 唔到 你 嚟 講 説話 ！
單眼崔 又 退後 一步 ，佢 大聲 話 ：關二哥 ，你 呢句 説話 ，又 唔係 擺到 明 係 踩 我 ？
我 單眼 崔 係 個 咩 嘢 角色 ，就算 再 投 十八次 胎 亦 輪 唔到 我 做 天地會 嘅 總舵主 啊 。
我 只係 話 ，李力世 李大哥 德高望重 ，本堂 之中 ，再冇 邊 一位 好似 李大哥 噉樣 ，令到 人哋 真係 心服 口服 嘅 。
本堂 嘅 香主 如果 唔係 請 李大哥 嚟 做 ，只怕 十之八九 嘅 兄弟 都 會 唔服 。
人叢之中 有 個 人 話 ：單眼崔 ，你 又 唔係 本堂 十之八九 嘅 兄弟 ，點 知道 十之八九 嘅 兄弟 心裏 就 唔服 啊 ？
我 睇 啊 ，李大哥 個人 係 好好 嘅 ，大家 同 佢 老人家 飲 下 酒 ，傾 下 偈 ，曬 下 太陽 ，噉 啊 最好 㗎 喇 。
不過 如果 講到 要 做 本堂 香主 ，只怕 十之八九 嘅 兄弟 個 心 啊 認真 不以為然 啫 。
又 有 個人 話 ：計 我 話 呢 ，張大哥 嘅 説話 真係 啱喇 。
德高望重 又 點樣 啊 ？我哋 天地會 係 反清復明 ，又 唔係 學 孔夫子 講 咩 仁義道德 嘅 。
德高望重 ，德高望重 就 能夠 將 清兵 嚇走 啊 ？
如果 搵 德高望重 個人 ，喺 私塾 裏 便 成日 詩雲子曰 嘅 老秀才 啊 多到 唔 恨 喇 。
大家 一聽 都 笑 起 上 嚟 嘞 。
有個 道人 話 ：好啊 ，你 話 應該 由 邊個 嚟 做 本堂 香主 吖 ？
嗰個人 話 ：嗱 ，第一 ，我哋 天地會 做 嘅 係 反清復明 嘅 大事 。
第二 ，我哋 青木堂 要 喺 天地會 各 堂 之 中 出人頭地 ，做得 有聲有色 。
噉 眾 兄弟 當中 ，邊個 最 有 才幹 ，最有 本事 嘅 ，大家 就 推舉 佢 做 香主 咯 。
嗰 個 道人 話 ：最 有才幹 最有 本事 嘅 ，照 貧道 睇 上 嚟 ，仲 係 以 李大哥 為 第一 。
即刻 有 幾十人 都 大聲 叫起 上嚟 話 ：我哋 推舉 關夫子 ，李大哥 嘅 本事 點 及得上 關夫子 啊 ？
嗰個 道人 話 ：關夫子 做事 有 股 衝勁 ，呢個 係 大家 都 佩服 嘅 。
好多 人 大聲 叫 起上嚟話：係啊，噉仲有咩好講呢？
嗰個 道人 猛咁 耍手 大聲 話 ：咪住咪住 ，聽 我 講完 。
不過 關夫子 嘅 脾氣 啊 十分 暴躁 ，動不動就發火鬧人。
目前 ，佢 喺 本堂 不過 係 一個 平常 兄弟 啫 ，不過 大家 一 見到 佢 呢個 心 已經 怕 咗 佢 三分 先 嘞 。
佢 一 做咗 香主 ，只怕 邊個 都 冇 一日 好過 。
噉 有 個人 話 ：關夫子 脾氣 近來 好 得 多 喇 ，佢 一 做咗 香主 呀 ，只會 更加 好 嘅 啫 。
嗰個 道士 擰擰 頭 話 ：唉 江山 易改 本性 難移 。
關夫子 嘅 脾氣 係 幾十年 生成 嘅 ，就算 撳 得住 一時 ，又 點 能夠 撳 得住 一年 半載 唧 ？
青木堂 香主 係 終身 嘅 大事 ，唔 可以 由於 一個 人 嘅 脾氣 唔好 ，搞到 兄弟 失和 ，大家 人心 渙散 ，噉 就會 誤咗 大事 喇 。
賈老六 話 ：玄貞道長 ，我 睇 你 嘅 脾氣 啊 ，亦 唔 見得 係 點 好 嘅 啫噃 。
嗰個 道人 道號 呢 叫做 玄貞 。
聽 佢 噉 樣 講 哈哈 一笑話 ：哈哈 ，正 係 各人 之 事 自己 知 啊 ，貧道 脾氣 唔 好 ，得罪人 多 ，所以 盡量 少 開口 唧 。
不過 推選 香主 乃係 本堂 大事 ，噉 貧道 忍唔住 要 講翻 幾句 。
貧道 脾氣 唔好 唔做 香主 唔緊要 吖 。
邊 一位 兄弟 睇 我 唔順眼 ，唔 同 我 講 嘢 冇 所謂 㗎 ，遠 而 避 之 噉 咪 得 囉 。
但係 如果 貧道 做咗 香主 ，大家 點 能夠 唔理 我 遠 而 避 之 啊 ？
賈老六 話 ：又 冇 人 推選 你 做 香主 ，要 你 出嚟 東 拉 西 扯 講 咁 多 嘢 做 咩嘢 ？
玄貞 即刻 發火 嘞 ：賈老六 ，江湖上 朋友 見到 貧道 嘅 時候 ，都 尊稱 一聲 道長 ，就算 係 總舵主 ，亦 係 客客氣氣 。
邊 有 好似 你 咁 冇 禮 㗎 ？
你 呢個 嘢 狗 仗 人 勢 ，想 蝦到 我 玄貞 頭上 ，冇 咁 容易 ！
我 清清楚楚 講畀 你 聽 ：關夫子 想 做 本堂 香主 ，我 玄貞 第一個 唔 贊成 ！
佢 要 做 本堂 香主 呀 ，首先 要 做到 一件事 先 啦 。
呢件事 如果 做到咗 ，貧道 講唔定 就 唔 反對 。
賈老六 本來 聽 佢 講 狗仗人勢 呢個 心 已經 好 嬲 㗎 嘞 ，不過 一來 玄貞道人 呢 武功 高強 ，佢 真係 發起 惡 嚟 呀 ，亦 真係 唔 敢 同 佢 頂撞 嘅 ；
二來 呢 個 道人 喺 江湖 上 名聲 極 響 ， 總舵主 對 佢 客氣 ， 確係 真 嘅 。
自己 要 擁戴 姐夫 做 本堂 香主 ， 呢 個 人 如果 一味 阻頭 阻勢 反對 ， 確實 係 一個 極大 嘅 障礙 。
而家 聽 佢 講 只要 姐夫 做到 一件 事 就 唔 反對 佢 做 香主 噉 ， 個 心 啊 松翻 一下 ， 就 問 ：
噉 係 咩 事 吖 ， 你 講出 嚟 聽下 。
玄貞 道人 話 ：關夫子 首先 要 做個 大事 ，就係 一定要 同 十足 真金 賈 金刀 離婚 。
大家 一 聽 ，即刻 哄堂大笑 。
原來 玄貞 道人 所講 嘅 十足 真金 賈 金刀 ，就係 關 夫子 嘅 老婆 ，賈 老六 嘅 親家 姐 。
佢 使 嘅 武器 係 兩把 金刀 ，人哋 同 佢 講笑 都 時時 故意 問 佢 ：關嫂 ，你 呢 兩把 金刀 ，到底 係 真金 定 係 假金 㗎 ？
佢 一定 鄭重其事 噉 話 ：十足 真金 ，梗係 十足 真金 啦 ，邊度 有 假 㗎 ？
因此呢 得到 一個 十足 真金 嘅 外號 。
玄貞 道人 要 關 夫子 同 老婆 離婚 ，即係 擺明 要 剃 賈 老六 嘅 眼眉 啫 。
其實 十足 真金 賈金刀 為人 啊 心直口快 ，係 個 好人 。
佢 細佬 賈老六 呢 亦 唔 曳 ，只係 將 姐夫 抬得 太 高 ，關 夫子 嘅 脾氣 又 暴躁 ，得罪 人 多 ，人哋 喺 背後 呢 不免 閒話 好多 嘞 。
關安基 嘭 一聲 ，喺 枱 上 出力 一拍 ，大聲 噉 話 ：玄貞道長 ，你 講 咩嘢 啊 ？
我 做唔做 香主 唔緊要 嘅 ，你 點解 要 提到 我 老婆 吖 ？
玄貞 道人 仲 未曾 回答 ，喺 人群 當中 有 個 人 話 ：
關夫子 ，尹香主 冇 得罪 你 ，你 拍 佢 個 靈座 做 咩 嘢 啊 ？
原來 關安基 先頭 噉 一 拍 啊 ，係 拍正 靈座 上 便 。
關安基 個 心 吃 咗 一 驚 啊 ，佢 為人 雖然 係 暴躁 ，不過 好 機警 嘅 ，佢 大聲 話 ：係 兄弟 做錯咗 咯 。
即刻 喺 靈位 之前 跪倒 拜咗 幾 拜 ，佢 話 ：
尹大哥 ，小弟 嬲 起 上 嚟 ，喺 你 靈台 上面 拍 咗 一掌 ，實在 係 小弟 唔 啱 ，請 你 老人家 在 天 之 靈 ，唔 好 見怪 啊 。
講完 ，嘣嘣嘣 叩咗 幾個 響頭 。
啲 人 見到 佢 噉樣 ，亦都 唔再 追究 。
單眼崔話 ：吖 大家 睇吖 ，關夫子 光明磊落 ，人 呢 確係 一條漢子 ，就係 脾氣 暴躁 ，沉 唔 住 氣 。
佢 做錯咗 事 ，即刻 就 認錯 嘞 ，噉 當然 係 好好 啦 。
但係 如果 佢 做咗 香主 ，一件事 做錯咗 就 好大 關係 嘅 噃 ，噉 就算 認錯 又 有 乜用 啫 ？
關安基 啊 本來 聲勢洶洶 ，質問 玄貞道人 為 咩事 要 提 佢 老婆 十足 真金 賈 金刀 嘅 。
但係 嬲起上嚟 ，喺 尹香主 靈台 上面 拍咗 一掌 ，畀 人哋 指責 。
雖然 ，即刻 向 尹香 主靈位 叩頭 ，班 兄弟 唔 再 追究 嘞 。
氣勢 呢 就 終於 耷晒 ，一時之間 就 不便 再 同 玄貞 道人 辯論 。
玄貞 亦都 趁勢 收科 嘞 佢 笑住 話 ：哈哈 關夫子 ，你我 係 自己 兄弟 ，一齊 出生入死 ，共過 無數 患難 。
無謂 為咗 一時 口舌之爭 ，失咗 兄弟 之間 嘅 和氣 吖 。
先頭 貧道 係 講笑 㗎啫 ，你 包涵 下 ，返到 屋企 唔好 同 賈金刀 大嫂 講起 ，否則 佢 嚟 掹 貧道 個 鬍鬚 ，噉 就 唔得 掂 㗎 喇 。
眾人 聽咗 又 笑起上嚟 。
關安基 對 玄貞道人 本來 亦 驚佢 三分 嘅 ，所以 只好 笑一笑 了事 嘞 。
噉 大家 你 一言我一語 ，有啲 話 李大哥 好 有啲 話 關夫子 好 ，拗咗 一輪 始終 唔 能夠 一致 。
嗱 各位 ，欲知 後事 如何 ，且 聽 下回 分解 。
