前 文 再續 啊 書 接上 一回 啊 。
話説 韋小寶 正 話想 開門 逃跑 ，突然之間 聽見 海老公 話 ：
太后 ，你 漸漸 油盡 燈枯 ，再過 一炷香 咁 耐 ，你 就 會 耗盡 精力 而 死喇 。
除非 呢個 時候 ，突然間 有 個人 過嚟 ，向 我 背脊 落手 啦 ，我 就 難以 抵禦 ，先至 會 畀 佢 害死 啫 。
韋小寶 個 心 諗 ：啊 原來 太后 冇 死到 。
老烏龜 講得 唔錯 啊 ，佢 雙手 同 太后 鬥緊 ，我 如果 去 㓤 佢 背脊 ，個 老烏龜 點 能夠 分手 抵禦 呢 ？
呢啲 係 佢 自己 講 嘅 唔 怨 得 人哋 。
眼前 正係 打落水狗 嘅 大好良機 ，有 死雞 唔執 就 枉 做人 咯 。
韋小寶 天生 鐘意 賭博 ，輸贏 各半 啊 尚且 要 賭 。
如果 暗中 作弊 搞鬼 ， 贏面 佔 咗 九成 十成 嘅 ， 噉 樣 嘅 賭錢 機會 啊 ， 就算 要 咗 佢 條 命 都 決 唔 放過 啊 。
要佢冒險去救太后 ，噉無論如何唔䎺㗎喇 。
但係 聽見 海老公 自己 暴露 弱點 ，一嚿 肥豬肉 放 喺 口唇邊 ，點 可以 唔 噍 佢 呢 ？
佢 一 伸手 ， 就 喺 靴 筒 掹 出 匕首 ， 快步 向 海老公 背後 直衝 過去 ， 大喝一聲 ： 老 烏龜 ， 你 咪 傷害 太后 啊 ！
舉起 匕首 ，對準 佢 背心 猛刺 。
海老公 一聲 大笑 佢 話 ：死仔 ，你 上當 啊 ！
左腳 向 後 一𨅝 ，啪 一聲 ，𨅝 正 韋小寶 心口 ，當堂 將 佢 𨅝到 飛出 幾 丈 遠 。
原來 海老公 同 太后 鬥 內力 啊 ，已經 贏 梗 㗎 喇 ，忽然間 聽見 有人 喺 假山 後 便 行 出嚟 ，腳步聲 呢 ，正 係 平時 聽慣 聽熟 嘅 韋小寶 。
呢個 衰仔 中咗 自己 一掌 居然 唔死 ？
個 心 好 驚奇 。
又 怕 佢 出去 叫 啲 侍衞 嚟 ，救翻 太后 噉 啊 真係 功虧一簣 嘞 。
靈機一動 ，就 開聲 指點 ，氹佢 嚟 攻擊 自己 背脊 。
韋小寶 臨敵 應變 嘅 經驗 好 少 嘅 ， 真 係 上 咗 當 。
海老公 呢一 ，海老公 呢一腳 就 𨅝 正 佢 心口 。
韋小寶 成個 騰雲駕霧 噉 飛咗 上天 ，當堂 嘔血 。
當 海老公 左腳 反踢 嘅 時候 ，早就 料到 太后 呢 ，一定 會 趁住 自己 勁力 發出 之後 嗰個 機會 ，用 左掌 打 自己 小肚 嘅 。
所以 踢中 韋小寶 以後 ，想都唔想 ，右掌 就 向前 拍出嚟 保護 自己 小肚 。
點知 突然間 手掌心 一涼 ，跟住 小肚 一陣 劇痛 。
太后 嗰 把 白金 點 鋼 蛾眉 刺 已經 㓤穿 佢 手掌 ，插咗 入 佢 小肚 嘞 。
佢 到底 吃虧 在 雙眼 唔能夠 睇嘢 ，縱然 估到 太后 一定 會 乘機 攻擊 ，萬萬 估唔到 攻擊過嚟 嘅 並唔係 掌力 ，而係 一把 鋒利 到 極 嘅 利器 啊 。
佢 小肚 畀 蛾眉 刺 插咗 入去 ，左掌 勁力 猛然 增大 將 太后 震咗 幾 步 遠 。
太后 左腳 落地 ，即刻 又 向後 便 跳出去 丈幾 遠 ，只 覺得 心口 氣血 翻湧 ，幾乎 暈 咁 滯 啊 。
佢 慌怕 海老公 乘機 嚟 攻擊 ，慢慢 又 退咗 幾步 ，挨住 埲牆 企 響 處 。
海老公 咔咔聲 怪笑 佢 話 ：你好彩 ，你真係 好彩啊 ！
拂 ， 拂 ， 拂 ， 連氣 推出 三掌 ， 一面 出 掌 ， 一面 個身 啊 向前 直衝 。
噉太后就跳去右便閃避啦 ，不過 雙腳 酸軟 ，𢴈倒喺地 。
只聽見 冧 喇 一 聲 響 ，一排 花架 畀 海老公 嘅 掌力 推 冧 咗 半邊 。
太后 筋疲力竭 啊 ，點 都 唔 逳得 。
佢 個 心 好 驚 啊 。
不過 呢 ，見 海老公 趴 喺 冧咗 嘅 花架 上 便 ，直情 冇得 逳 嘞 。
太后 掙扎住 想要 企起身 ，但係 四肢 好似 棉花 噉 ，全身 軟顂顂 。
正話 想 叫 一名 宮女 出嚟 扶 自己 啦 ，隱隱約約 ，聽到 遠處 傳嚟 人聲 ，個 心 諗 ：
我 同 呢個 太監 講 嘢搏鬥 ，一直 都 係 細細聲 ，但係 佢 臨死 嘅 時候 高聲 大叫 ，推冧 花架 ，已經 驚動 咗 太監 同 侍衞 。
呢啲人 好快 就 會 嚟到 喇 ，見 我 瞓 喺 呢度 ，旁邊 死咗 一老 一小 兩名 太監 噉 成 何 體統 呢 ？
佢 勉強 想要 運氣 ，起身 行返 入 房 啦 ，誰知 呢啖 氣 始終 提唔上嚟 。
只聽見 人聲 漸漸 近喇 ，正係 好着急 ，忽然間 有個人 行過嚟 話 ：
太后 ，你 老人家 安好 吖嘛 ？我 扶 你 起身 啦 。
原來 嗰個 正係 太監 小桂子 。
太后 又驚又喜 啊 佢 話 ： 你 ， 你 ， 你 冇 畀 嗰 個 惡人 ， 誒 ， 踢死 咩 ？
韋小寶 話 ：佢 踢 我 唔死 嘅 。
先頭 佢 畀 海老公 踢 入 花叢 裏 便 ，嘔 咗 唔少 血 ，定 一定神 就 企 起身 。
見 海老公 伏 喺 花架 上面 唔逳 ，連忙 匿 喺 樖樹 後便 ，執 嚿 石仔 對住 海老公 掟過去 。
噗一聲 ，掟 正 佢 嘅 後腦 ，海老公 完全 唔會 逳 嘞 。
韋小寶 好 高興 啊 ：老烏龜 死咗 喇 。
但係 到底 佢 仲係 怕 ，唔敢 行前去 睇 ，一時 揸唔定 主意 究竟 應該 趯 呢 ，定 去 扶 太后 ？
正喺 呢個 時候 ，聽見 人聲 喧嘩 ，好多人 蜂擁而嚟 。
你 話 呢個 時候 走 呢 ，實 會 撞正 嘅 ，咪 喇 ，於是 即刻 行 去 太后 面前 ，將 佢 扶起 。
太后 好 歡喜 話 ：你 真係 好 喇 ，你 快啲 扶 我 入去 休息 啦 。
韋小寶 哦噉 應咗 ，就 半拖半抱 ，怶下怶下 將佢 扶入 房 ，放上 床 。
自己 雙腳 酸軟 就 瞓 喺 厚厚 嘅 地氈 上 便 ，猛咁 喘氣 。
太后 話 ： 你 就 瞓 喺 呢 處 啦 ， 等陣 有人 嚟 唔 好 出聲 。
韋小寶 話 ：哦 ，哦 。
過咗 一陣 ，聽見 腳步聲 滴滴答答 好多人 走入嚟 屋外 便 ，燈籠 火把 嘅 火光 喺 窗格 嗰處 照入嚟 。
有人 話 ：哎呀 ，有個 太監 死 喺 呢處 啊 。
另外 一個 人 話 ： 係 尚膳 監 嘅 海老公 啊 。
有個人 提高 把聲 話 ：啟稟 太后 ，花園 出咗 啲 事 ，太后 萬福 金安 。
噉樣 講 嘅 意思 呢 ，係 詢問 太后 嘅 平安 。
太后 問 嘞 ：出咗 咩 嘢 事 啊 ？
佢 一 出聲 啫 ，外 便 所有 嘅 侍衞 同 太監 啊 都 松 翻 啖氣 。
只要 太后 安好 ，慈寧宮 雖然 出事 啊 ，亦 唔會 有 太大 嘅 罪名 嘅 。
為首嘅侍衞話 ：好似 係 啲 太監 打交 ，冇 咩 大事 嘅 。
請太后休息啦 ，奴才們 聽日 查明咗 ，再 詳細 稟奏 。
太后 話 ：好啦 。
只聽 嗰個 侍衞 首領 壓住 把 聲 ，細細聲 吩咐 手下 將 海老公 嘅 屍體 抬 出去 。
有個人 低聲 話 ：啊 ，呢處 仲 有 個 小宮女 嘅 屍體 啊 。
哦 ，呢個 小宮女 唔係 死 ，不過 暈咗 啫 。
侍衞首領 低聲 話 ：一齊 帶 出去 ，等 佢 醒咗 之後 查問 原因 。
太后 聽見 咗 之後 就 話 ：有 個 小宮女 咩 ？抱 入嚟 我 房 啦 。
佢 慌怕 蕊 初醒 咗 之後 ，同人 洩漏 咗 風聲 啊 。
外便 有人 應咗 ，跟住 一名 太監 將 小宮女 蕊初 抱入嚟 房 ，輕輕 放 喺 地下 ，向 太后 叩咗 個 頭 ，退翻 出去 嘞 。
呢個 時候 ，太后 身邊 嗰班 宮女 都 已經 醒晒 ，個個 企 喺 房 外 便 侍候 ，不過 未 得到 太后 召喚 呢 就 唔敢 擅自 入去 啫 。
太后 聽見 嗰班 侍衞 太監 漸漸 去 遠 咗 喇 ，佢 就 話 ：
你哋 都 去 瞓 啦 ，唔 使 伺候 喇 。
班 宮女 應咗 ，就 散咗 去 。
因為 太后 識得 武功 啊 ，呢件事 係 極為 秘密 嘅 ，就算 係 貼身 宮女 ，亦 唔 知道 。
佢 早晚 都 要 練功 ，任何 太監 宮女 ，冇 命令 不能夠 踏入 房門 一步 ，連 用 手 碰 一碰 門簾 啫 ，都 唔准 嘅 。
太后 調勻 咗 一陣 氣息 。
韋小寶 嘅 氣力 呢 亦 漸漸 恢復 嘞 ，就 坐咗 起身 ，又 過得 一陣間 ，就 掙扎住 企起嚟 。
太后 眼見 佢 心口 中咗 海老公 一腳 ，呢 腳 嘅 力度 啊 極其 重嘅 。
但係 呢個 小太監 居然 行動自如 ，仲 能夠 將 自己 扶 返 入 房 ，真係 唔知 佢 練過 咩 功夫 噃 。
就問佢 ：你 除咗 跟過 海大富 之外 ，你 仲 跟 邊個 練過 功夫 啊 ？
韋小寶 話 ：奴才 就 跟 呢個 惡人 練過 幾個月 武功 啫 。
佢 教 嘅 武功 啊 ，大半 都 係 假 嘅 。
呢個人啊 好壞㗎 ，日日 都 想 殺我 。
嗯 ，佢 嗰 雙眼 ，係 你 毒盲 佢 㗎 ？
嗰個 老坑 日日夜夜 ，都 喺 背後 咒罵 太后 ，辱罵 皇上 。
奴才 聽咗 都 唔知 幾 嬲 啊 ，可惜 又 冇 本事 殺佢 啊 ，咪唯有 ，誒 唯有 。
佢 點樣 鬧 我 同 鬧 皇上 啊 ？
講埋 呢 都係 無法無天 嘅 説話 ，奴才 一句 都 唔敢 記 啊 ，一聽 過咗 唧 ，即刻 就 唔記得 晒 喇 ，點 都 諗唔翻 嘞 。
你 呢個 細佬 哥 都 好乖 ，今晚 ，你 嚟 呢處 做 乜嘢 啊 ？
奴才 正 話 瞓緊 ，聽見 呢個 老坑 開 門 出去 ，噉 我 又 怕 佢 害 我 啦 ，於是 靜靜 跟住 佢 後便 ，一直 就 跟 到 嚟 呢處 嘞 。
佢 對 我 亂噏 無為 嗰 番 説話 ，你 都 聽見 㗎 啦 ？
呢個 死老坑 嘅 説話 ，奴才 向來 句句 都 當 佢 係 放屁 。
太 ，誒 太后 你 唔好 怪 啊 ，奴才 口出粗言 ，我 我嬲死佢 啊 。
佢 日日 都 鬧 我 小 烏龜 ， 鬧 我 祖宗 ， 我 知道 佢 講 嘅 從來 就 冇 一句 真話 。
我係問你 ，海大富 同 我 講 嘅 説話 ，你 有冇 聽見 ？你 老老實實 回答 我 。
哦 ，誒 奴才 遠遠 匿 喺 門外 便 ，都 唔 敢 行 咁 近 。
呢隻 老坑 雙耳 呀 好 靈 㗎 ，我 一 行 近啲 呢佢 就 發覺 㗎喇 。
我 只係 見 佢 同 太后 講 嘢 ，噉 啊 想 偷聽 幾句 ，不過 離得 太 遠 嘞 ，聽嚟聽去 都 聽唔到 嘅 。
嗯 收尾 見到 佢 膽敢 冒犯 太后 ，認真 大逆不道 啊 ，噉 奴才 就 搏死 嚟 救駕 囉 。
佢 到底 對 太后 講咗 啲 咩 嘢 説話 ，奴才 唔 知道 啊 。
佢 ， 誒 ， 佢 一定 係 告 奴才 嘅 錯處 啦 ， 話 我 毒 盲 佢 雙眼 咯 。
毒盲 佢 雙眼 係 冇 假 ，其他 嘅 説話 ，太后 你 千祈千祈 唔好 信 啊 。
大概 太后 唔 信 佢 嘅 説話 ，嗰個 奴才 先至 敢 冒犯 太后 啫 。
哼 ，你 好 精靈 ，好 精乖 啊 。
海大富 講 嘅 説 話 你 真 係 冇 聽見 又 好 ， 假 嘅 冇 聽見 亦 都 好 ， 只要 將來 有 半句 風言風語 傳 翻入 我 雙耳 ， 你 知道 會 有 咩 嘢 結果 嘅 。
太后 對待 奴才 恩重如山 ， 如果 有 邊 一個 大膽 惡徒 ， 膽敢 喺 背後 講 太后 同 皇上 嘅 壞話 ， 奴才 呀 非同 佢 搏 命 不可 。
你 能夠 噉樣 我 就 歡喜 喇 ，我 過去 待 你 亦 冇 咩 點 好啫 。
以前 皇上 同 奴才 摔跤 練武 ，奴才 唔識得 萬歲爺 ，言語 舉動 亂七八糟 。
太后 同 皇上 一 啲 都 冇 怪罪 ， 噉 就 係 恩重如山 啦 。
如果唔係 ，奴才 就 有 一百 個 頭殼 啊 ，亦都 該 斬 嘞 。
呢個 老坑 日日 都 想 殺 奴才 ，好彩 太后 救 咗 我 條命 咋 ，奴才 真係 感激到 不得了 啊 。
你 知道 感恩 噉 就 好喇 ，你 去 點着 枱 上 嘅 蠟燭 啦 。
韋小寶 哦噉 應咗 一聲 ，就 打着 火 ，點着咗 蠟燭 。
太后 房間 嘅 蠟燭 啊 燭身 極之 粗 ，特別 光亮 。
太后 話 ：你 過嚟 ，等 我 睇下 你 。
哦 。
韋小寶 慢慢 行到 太后 張 床前 便 ，只見 佢 面色 雪白 ，半點 血色 都 冇 ，但係 目光 閃爍 ，微微 豎起 堂眼眉 。
韋小寶 心跳 都 快咗 ，哎呀 ，佢 ，佢 會唔會 殺咗 我 滅口 啊 ？
呢個 時候 我 猛走 ，佢 梗係 追唔到 我 嘅 ，但係 如果 畀 佢 一手 捉住 ，噉 就 弊 喇 。
佢 個 心裏 便 只係 想 即刻 開步 鬆人 ，不過 一時之間 又 下唔到 決心 ，至 稍為 猶豫 一下 啫 。
太后 已經 伸出 隻 左手 ，揸住 佢 右手 嘞 。
韋小寶 大吃一驚 ，周身 一震 ，吖噉 叫咗 一聲 。
太后 話 ：你 怕 乜嘢 啊 ？
韋小寶 話 ： 我 我 ， 我 ， 我 冇 怕 ， 誒 ， 只不過 ， 誒 ， 只不過 。
只不過 咩嘢 啊 ？
太后 待 奴才 恩重如山 ， 奴才 真 係 誒 受 咩 嘢 誒 驚 咩 嘢 啊 。
佢 聽 人 講過 受寵若驚 嘅 成語 ，但係 四個 字 當中 只係 記得 兩個 字 。
太后 都 唔知 佢 講 啲 乜 ，噉 又 問 ：
你 為咩 周身 都 震 嘅 ？
我 ， 我 我 ， 我 冇 啊 ， 冇 啊 。
太后 如果 喺 呢陣時 一掌 劈死 咗 佢 ，日後 就 不必 擔心 佢 洩露 機密 嘞 。
不過 嗰口 真氣 啊 點 都 提唔上嚟 ，確實 係 筋疲力竭 。
雖然 係 揸住 韋小寶 隻 手 啊 ，其實 啲 手指 一啲 力氣 都 冇 嘅 ，韋小寶 只要 輕輕 擢 一擢 唧 就 能夠 甩 身 㗎 嘞 。
太后 微微 笑話 ：你 今晚 立咗 大功 ，我 重重 有賞 。
韋小寶 話 ：嗰個 惡老坑 要 殺 奴才 ，好彩 太后 搭救 我 條命 咋 ，奴才 啲 多 功勞 都 冇 嘅 。
你 咁 懂事 ，我 將來 唔會 待薄 你 嘅 ，你 返去 啦 。
講完 就 放開 佢 隻手 ，韋小寶 高興 嘞 ，連忙 趴低 叩咗 幾個 頭 ，退返 出去 。
太后 見到 佢 衣襟 上面 鮮血 淋漓 ，顯然 係 吐過 唔少 血 ，但係 跪拜 叩頭 嘅 時候 ，行動 仲 係 頗為 伶俐 ，覺得 好奇怪 。
韋小寶 行出 房 嘅 時候 ，睇咗 蕊初 一眼 ，見 佢 瞓 喺 地下 ，心口 慢慢 起伏 ，呼吸 好 勻巡 ，就 好似 瞓冧 咗 一樣 。
面色 紅潤 絕冇 唔妥 嘅 樣 ，個心 諗 ：
過幾日 我 去 搵 啲 糕餅 點心 嚟 畀 你 食 啊 。
噉就 嗱嗱聲 返去 自己 間 房 ，戌實 道 門 ，長長 松咗 啖 氣 ，當 同 如 釋 重負 啊 。
呢一排 ，同 海老公 住埋 一間房 ，時時刻刻 都 要 提心吊膽 嘅 。
而家 老烏龜 死咗 喇 ，唔使 怕 有人 嚟 害 我 喇 。
突然之間 ，諗起咗 太后 嘅 面色 ，不由自主 打咗 個 冷震 ，個心 諗 ：
喺 呢 個 皇宮 裏 便 唔 係 點 太平 啊 ， 老子 仲 係 ， 仲 係 ， 哈哈哈 ， 仲 係 揸 住 嗰 四十五萬兩 銀 ， 返去 揚州 見 媽媽 為妙 喇 。
想到 自己 條命 仲 喺 處 ，四十五萬 兩 銀 啊 失而復得 ，忍唔住 手舞足蹈 跳起嚟 。
高興咗 一輪 ，漸漸 覺得 疲倦嘞 ，個身 景轟 一趢 低 ，趢喺 床上面 就 瞓着 。
話説 韋小寶 第二 朝早 起身 ，心口 啊 隱隱 作痛 又 覺得 周身 冇力 ，知道 係 尋晚 畀 海老公 打 咗 一 掌 ，踢 咗 一 腳 嘅 緣故 啦 。
勉強 企起身 ，只見 心口 一大 笪血污 ，噉啊 除咗 件 長袍 ，浸落水缸裏 便 搋佢 幾搋嘞 。
突然間 ，見 袍 上面 好多 碎布 一片片 甩出嚟 。
佢 吃咗 一驚咯 ，攞 件 袍 一睇 ，只見 心口 衣襟 上 便 有 兩個 大 窿 ，一個 係 手掌 形 ，一個 係 腳板 形 。
佢 好驚奇啦 ，乜 ，乜 ，乜噉鬼樣嘅 ？
一 想到 個 鬼 字 ， 當堂 全身 寒毛 棟 篤 企 。
第一個 想法 就係 ，老烏龜 嘅 鬼魂 出現 ，喺 我 件 袍 上面 整穿咗 兩個 窿 。
又想 ：老烏龜 隻 鬼 唔知 係 盲眼 嘅 呢 ，定係 睇得見 人 嘅 呢 ？
盲人 死咗 之後 ，變成 嘅 鬼 是否 仍然 眼盲 啊 ，呢個 想法 喺 佢 個 心 處 一 閃即過 冇 再 想落去 。
揸住 件 袍 定晒 形 企 響 處 ，突然間 恍然大悟 喇 。
唔係 鬼 ，唔係 鬼 ！
尋晚 老烏龜 喺 我 個 心口 打咗 一 掌 踢咗 一 腳 ，呢 兩 個 窿 啊 ，係 畀 佢 打 出 嚟 嘅 。
哈哈 ，老子 嘅 武功 都 唔錯 噃 ，嘔 咗 幾啖 血 唧 ，冇 咩 嘢 大事 啊 。
唉 ，唔知 受咗 內傷 冇 噃 。
老烏龜 有 個 藥箱 ，睇下 有 咩 傷藥 仲係 食翻 啲 為妙 喇 。
海老公 既然 死咗 ，噉 佢 所有 嘅 物品 呢 ，韋小寶 當然 老實 不客氣 ，冚𠾴唥 據為己有 。
佢 大模大樣 誒 含噉 咳 一 聲 ，打開 咗 嗰個 籠 ，攞 個 藥箱 出嚟 。
藥箱 裏 便 一甖甖 一包包 ，咩嘢 丸 啊 散 啊 好多 嘅 ，啲 甖 同 紙包 上 便 呢 ，亦都 寫住 有 字 嘅 。
但係 佢 識唔到 幾個 字 啊 ，又 點 分得出 邊 一包 係 傷藥 ，邊 一樽 係 毒藥 呢 。
其中 有 一 樽 黃色 藥粉 ，哎呀 觸目 驚心 咯 ，認得 係 當日 化去 小桂子 屍體 嘅 化屍粉 。
呢只 需要 喺 屍體 傷口 嗰處 彈 一啲 落去 啫 ，過得 冇 幾耐 ，成個 屍體 連埋 衣服 鞋襪 ，都 化為 一灘 黃水 。
呢甖藥粉呀 ，當然 碰 都 唔敢 碰喇 。
再想起 皆因 自己 加多咗 啲 藥粉 嘅 分量 ，海老公 從此 就 雙目 失明 。
嗯 ，咪喇咪喇 唔好 食 佢 啲 藥 喇 ，好在 心口 亦 唔係 點 痛 ，就 自言自語 噉 話 ：
哼 ，老子 武功 使得 ，唔食藥 又 唔係 一樣 冇事 。
於是 合 翻埋 個 藥箱 ，再 睇 個 籠 裏 便 其他 嘅 物件 。
只見 都係 啲 舊衫 舊書 之類 ，此外 仲有 二百幾 兩 銀 ，呢啲 銀 ，佢 毫不 重視 啊 。
莫 講話 索 額圖 應承 畀 四十五萬 兩 銀 佢 啦 ，就係 去 同 温 有道 佢哋 擲 下 骰仔 唧 ，贏 幾百 兩 銀 就 輕而易舉 啦 。
佢 喺 小桂子 嘅 衣箱 裏 便 ，攞 咗 另外 一 件 長袍 出嚟 着 。
見到 身上 嗰件 又 軟 又 輕 嘅 黑色 背心 ，不覺 打個突 。
老烏龜 喺 我 件 袍 上面 打穿 兩個 大 窿 ，呢 件 背心 點解 一啲 都 冇 穿 冇 爛 嘅 ？
呢件背心 係 喺 鰲拜 藏寶庫 搵出嚟 嘅 ，如果 唔係 件 寶衫 啊 ，鰲拜 啊 點 會 擠 喺 藏寶庫 裏 便 呢 ？
啊老烏龜 打 我 唔死 踢 我 唔爛 ，講唔定 唔係 我 韋小寶 武功 使得 啊 ，而係 全靠 鰲拜 嘅 寶衫 救命 咋 。
索大哥 當日 勸 我 着起 佢 ，真係 有 先見之明 喇 。
而 我 着上 之後 呢 唔 除翻落嚟 ，噉 我 先 見 之明 都有 翻 唔少 嘅 噃 ，哈哈哈哈哈 。
正在 自鳴得意 ，突然間 聽見 外便 有人 叫 佢 。
桂公公 ， 桂公公 ， 恭喜 啊 恭喜 啊 ， 快 啲 開門 啦 。
韋小寶 一面 扣 衫 紐 一面 開 門 ，佢 問 ：恭咩 喜 啊 ？
只要 門口 外 便 企住 四名 太監 ，一齊 向 韋小寶 躬身 請安 ，一齊 話 ：恭喜 桂公公 。
韋小寶 笑住 話 ：一早 咁 客氣 做咩嘢 啊 ？
一個 四十零歲 嘅 太監 笑住 話 ：
先頭 太后 頒下 懿旨 去 內務府 ，為因 海 大富 海公公 得 病 身亡 ，尚膳司 副總管 太監 嘅 職司 ，就 由 桂公公 升任 啊 。
另外一名太監 就 話 ：我哋 都 唔 等 內務府 大臣 轉達 恩旨 ，就 嗱嗱聲 趕嚟 恭喜 你 喇 。
以後 桂公公 統理 尚膳司 ，真係 好極 喇 。
嗱 各位 ，欲知 後事 如何 ，且 聽 下回 分解 。
