前 文 再續 啊 書 接上 一回 啊 ， 話 説 皇太后 問 海老公 ， 佢 既然 走 咗 喇 ， 何必 又 叫 你 嚟 通知 我 呢 噉 。
海老公話 ：主子 千叮萬囑 ，吩咐 奴才 點都唔可以 洩漏 風聲 嘅 ，千祈唔能夠 畀 太后 ，同 皇上 知道 。
主子 話 ：皇上 登基 ，天下 太平 ，四海 無事 ，佢 亦 放心 喇 。
太后 大聲 噉 話 ：噉為咩嘢 你 又 嚟 同 我 講 呢 ？我 本來 就 唔 想 知道 。
佢 個 心 ，就 淨係 掛住 嗰個 狐狸精 一個人 。
佢 個 仔 登基 唔 登基 ，天下 太平 唔 太平 ，佢 又 有 咩 嘢 放心 唔 放心 嘅 呢 ？
韋小寶 聽到 呢處 覺得 真係 奇怪 到極 嘞 。
佢哋 所講 嘅 唔通 係 皇帝 嘅 老豆 ？
小皇帝 個 老豆 ，順治 皇帝 早就 瓜咗 㗎 啦 ，噉 小皇帝 先至 有 皇帝 做 㗎啫 。
唔通 小皇帝 另外 仲有 個 老豆 㗎 ？
韋小寶 對於 朝廷 同 宮中 嘅 事 知道 啊 本來 好少 ，除咗 知道 小皇帝 嘅 老豆 係 順治皇帝 之外 ，其餘 係 一無所知 啊 。
就算 太后 同 海老公 講得 再 明白 十倍 ，佢 亦 估唔到 其中 嘅 真實 情形 嘅 。
海老公話 ：主子 既然 出咗 家 ，奴才 本應 亦都 喺 清涼寺 出家 做 和尚 ，服侍 主子 至係嘅 。
不過 主子 吩咐 ，佢 仲 有 一件事 放心唔落 ，要 奴才 返嚟 京師 查下 嘅 。
咩嘢事啊又 ？
主子 話 ：董鄂妃 雖然 ，都 未 講完 唧 ，太后 就 發火 嘞 ：
喺 我 面前 ，唔准 提 呢個 狐狸精 嘅 名 ！
韋小寶 個 心 諗 ：原來 嗰個 狐狸精 叫做 董鄂妃 ，噉 實 係 宮 裏 便 嘅 妃子 嘞 。
太后 嘅 契家佬 只係 鐘意 呢隻 狐狸精 就 唔 鐘意 太后 ，因此 太后 就 大 呷 其 醋 啦 。
海老公話 ：係 ，太后 唔准 提 ，奴才 就 唔提喇 。
太后 話 ：佢 話 嗰隻 狐狸精 點啊 ？
奴才 唔 明白 太后 講 嘅 係 邊個 啊 ，主子 從來 冇 提過 狐狸精 三個 字 嘅 。
佢 梗 係 唔 提 呢 三個 字 啦 ， 喺 佢 嘅 心裏 便 ， 嗰 個 係 端 敬皇后 吖 嘛 。
呢 隻 狐狸精 死 咗 之後 ， 佢 ， 佢 追封 佢 做 皇后 。
拍馬屁 嗰啲 奴才 就 恭上 謚法 ，叫做 咩嘢 孝獻 莊和 至德 宣仁 溫惠 皇后 。
稱號 裏頭 冇 天聖 兩個 字 ，佢 仲 大發脾氣 添 。
又叫 胡兆龍 、王熙 呢 兩個 奴才 學士 ，編纂 咩嘢 端敬 后 語錄 ，頒行 天下 ，都 唔 怕 醜 嘅 。
太后 講得啱 ，董鄂妃 歸天 之後 ，奴才 本應 稱佢 做 端敬皇后 喇 。
嗰 本 端敬 后 語錄 ，奴才 經常 帶住 一冊 喺 身邊 嘅 ，太后 你 要 唔 要 睇吖 ？
你 ， 你 你 。 太后 行前 一步 猛 咁 喘氣 。
忽然間 似乎 明白咗 啲 咩嘢 噉 ，就 冷笑 一 聲 話 ：
哼哼 ，當時 天下 趨 炎附勢 嗰啲 人 ，人人 都 讀 端敬 后 語錄 。
將 胡王 兩個 奴才 捏造 出嚟 嗰啲 嘢 ，當成 係 天經地義 ，仲 緊要 過 論語 孟子 啊 。
不過 而家 又 點 啊 ？除咗 你 身邊 仲 有 一冊 ，你主子 身邊 仲 有 幾冊 之外 ，邊度 仲 見得到 呢冊 鬼話連篇 嘅 語錄 吖 ？
太后 密旨 禁 毀 端敬 后 語錄 ，又 有 邊個 敢 收藏 喎 ？
至於 主子 身邊 就算 冇 啊 ，但係 端敬 皇后 當年 講過 嘅 一字一句 ，佢 都 緊緊 記住 喺 心嚟 ，勝過 身邊 帶住 一冊 語錄 喇 。
佢 ，佢叫 你 返嚟 北京 查 咩嘢 事 啊 ？
主子 本來 吩咐 查 兩件事 嘅 ，但係 奴才 查明 之後 ，發覺 兩件事 原來 係 一件事 唧 。
咩嘢 兩件事 一件事啊 ？
第一件事 ，要 查 榮親王 係 點樣 死 嘅 。
你 ， 你 講 嗰 個 狐狸精 個 仔 啊 ？
奴才 講 嘅 ， 係 端 敬皇后 所 生 嘅 皇子 ， 和碩 榮親王 啊 。
哼 ，蘇蝦仔 生落嚟 唔夠 四個月 ，養唔大 啫嘛 ，有 咩 咁 稀奇 唧 ？
但 係 主子 話 ： 當時 榮親王 突然 得 咗 急病 ， 召 御醫 嚟 睇 病 ， 話 榮親王 足 陽明胃 經 、 足 少陰 心經 、 足 太陰 脾經 都 斷 晒 ， 臟腑 破裂 ， 死 得 好 奇怪 哦 。
哼 ，邊個 御醫 有 咁 好 本事 啊 ？九成 係 你 講 嘅 。
海 老公 不置可否 ，佢 又 話 ：
端敬皇后 逝世 ，人人 都 以為 佢 係 因為 榮親王 死咗 ，過分 傷心 所致 嘅 ，但 其實 就 唔係 。
佢 係 畀 人 用 截手法 截斷 咗 陰椎 、陰蹻 兩 處 經脈 而 死 㗎 。
佢 居然 會 信 你 嗰啲 異想天開 嘅 胡言亂語 ？
主子 本來 亦 唔 信 嘅 ，收尾 奴才 就 試 畀 佢 睇 。
嗰陣時 ，仲係 喺 端敬皇后 去世 之後 冇 幾 耐 嘅 事啫 。
喺 一個月 之中 ，奴才 連 氣 喺 五個 宮女 身上 ，截斷 咗 佢哋 嘅 陰维 、陰蹻 兩處 經脈 。
令到 宮女 死 時候 嘅 症狀 、個 樣 ，同埋 端敬 皇后 臨終 之 時 一模一樣 嘅 。
淨係 一個 宮女 都 話 係 巧合 吖 ，五個 宮女 都 係 噉 嘅 ，主子 就 確信 無疑 喇 。
嚱 ，真係 叻咯 ，我哋 宮內 居然 有 你 一個 噉嘅 大行家 。
多謝太后稱讚 ，奴才 嘅 手法 ，同 嗰個 兇手 唔同 ，不過 道理 係 一樣 嘅 。
兩個人 默默 相對 ，好耐好耐 都 唔出聲 。
海老公 輕輕 咳咗 幾 聲 ，隔咗 一陣 先至 話 ：
主子 吩咐 奴才 返嚟 北京 查明 害死 榮親王 ，同 端敬皇后 嘅 係 邊個 。
太后 冷笑話 ：噉 又 何必 再 查 呢 ？
我哋 宮內 除咗 你 之外 ，又 有 邊個 能夠 有 噉 嘅 身手 啊 ？
噉 都 仲係 有 嘅 。
端 敬皇后 一向 待 奴才 好好 ， 奴才 只 係 望 佢 多福 多壽 。
如果 早就 知道 有人 要 暗算 佢 ，奴才 就算 搏咗 條 老命 啊 ，亦 要 維護 佢 安全 嘅 。
你 係 認真 忠心 噃 ，佢 用 你 噉樣 嘅 好 奴才 ，正係 佢 個 福氣 啊 。
唉 ，可惜 奴才 太過 冇用 ，護衛 唔到 端敬 皇后 啊 。
佢 朝拜 佛 晚 唸經 ，保佑 你 嘅 端敬 皇后 喺 十八層 地獄 裏 便 早 得 超生 ，早 升 西方 極樂 世界 就係 咯 。
拜佛唸經 ，未必 有用 ，不過 善有善報 ，惡有惡報 嘅 説話 總係 啱嘅 。
若然 不報 ，時辰 未到 啫 。
哼 ！
啟稟太后 知道 ，主子 吩咐 奴才 查 兩件事 ，奴才 查明 兩件事 係 一件 唧 。
點知道 無意之中 ，另外 又 查到 兩件事 啊 。
你 查到 嘅 事 真係 多 嘞 ，又 係 咩 嘢 事 啊 ？
第一件事 同 貞妃 有關 嘅 。
哼哼 哼 ， 狐狸精 嘅 妹 係 小 狐狸精 啊 ， 你 提 佢 做 咩 嘢 啊 ？
主子 離宮 出走 ，留低 封信 話 永遠 唔 返嚟 嘞 。
太皇太后 同 太后 你 兩位 聖上 嘅 主意 ，就 話 國家 不可 一日 無 君 吖 ，於是 宣告 天下 話 主子 崩駕 。
當世 知道 呢個 大 秘密 嘅 只有 六個 人 ，就係 你 兩位 聖上 、主子 本人 、同 主子 剃度 嘅 玉林 大師 ，與及 服侍 主子 嘅 兩個 奴才 。
呢 兩個 奴才 一個 係 侍衞總管 赫巴察 ，而家 跟埋 主子 喺 五台山 出 咗 家 。
另外一個 ，就係 奴才 海 大富 喇 。
韋小寶 聽到 呢處 噉 先至 恍然大悟 啊 。
原來 太后 講 嘅 嗰個 佢 ，海老公 所 講 嘅 主子 ，竟然 就係 順治 皇帝 。
天下 都 知道 佢 已經 崩駕 啦 ，其實 ，係 因為 心愛 嘅 妃子 死咗 傷心 到 極 就 去 五台山 清涼寺 做咗 和尚 。
呢個 妃子 所以 會 死 ，聽 海老公 嘅 語氣 ，似乎 係 太后 派遣 武功 高手 將 佢 害死 嘅 。
韋小寶 不禁 頗為 得意 喇 個 心 諗 ：
老烏龜 話 呢個 大 秘密 天下 只有 六 個 人 知道 ，點 知道 仲要 加埋 我 韋小寶 ，噉 天下 就 有 七 個 人 知道 喇 。
佢 得意 咗 冇 幾 耐 ，跟住 就 慌起上嚟 。
本來 都有啲 有恃無恐 嘅 ，估計 喺 太后 面前 同 海老公 拗交 ，未必 會 輸 畀 隻 老烏龜 。
而家 就 知道 大事 不妙 咯 ，如果 畀 佢 兩個人 發覺 自己 喺 呢處 偷聽 呀 ，就算 海老公 殺唔到 自己 ，太后 亦 決 唔肯 放過 嘅 。
只聽見 呱呱 兩聲 ，原來 係 自己 牙齒 打卦 ，連忙 出力 咬實 。
好在 海老公 啱啱 喺 呢個 時候 猛咁 咳 ，所以 呢 只係 聽見 佢 嘅 氣喘 同埋 咳嗽聲 啫 。
過咗一陣 ，海老公 話 ：
當時 貞妃 自殺 殉主 ，朝上 都 稱讚 佢 不得了 。
但係 亦 有 好多人 靜靜 話 ，貞妃 係 畀 太后 逼住 殉葬 嘅 ，自殺 唔係 佢 嘅 本意 。
太后 話 ：呢啲 無君無上 嘅 逆臣 ，遲早 都 唔容得 佢哋 嘅 。
不過 佢哋 嘅 説話 ，就 冇 完全 錯 ，貞妃 ，並 唔係 甘心情願 自殺 嘅 。
哦 ，你 都 話 貞妃 係 畀 我 逼死 㗎 嘞 噃 ？
呢個 逼字 ，可以 慳翻 嘅 。
你 話 咩嘢 嘩 ？
貞妃 係 畀 人 殺死 嘅 ，唔係 逼到 自殺 死嘅 。
奴才 曾經 詳細 問過 殯斂 貞妃 嘅 仵作 ，知道 貞妃 大殮 嘅 時候 ，全身 骨骼 斷成 一寸寸 ，連 頭蓋骨 ，亦都 碎晒 。
呢門 殺人 嘅 功夫 ，好似 叫做 化骨綿掌 ，請問 太后 係唔係 呢 ？
我 點 知道 啫 。
奴才 聽講 ，世間上 係 有 噉樣 一門 化骨綿掌 。
打中 人 之後 ，嗰個 人 全身 啲 多 異狀 都 冇 ，要 過 得 一年 半載 之後 ，屍體 嘅 骨骼 先至 慢慢 折斷 碎裂 嘅 。
但係 出手 殺 貞妃 嘅 人 ，顯然 功夫 練得 唔到 家 。
嗰個 仵作 ，初時 同 貞妃 屍體 整容 執拾 ，亦 冇 咩 嘢 異常 嘅 。
到咗 傍晚 入殮 ，忽然 個 屍體 變得 好似 冇晒 骨頭 噉樣 ，軟綿綿 嘅 。
佢 嚇到 乜嘢 噉 ，以為 係 屍 變 噃 ，當時 一句 説話 亦 唔敢 講 。
奴才 威逼 利誘 ，用 咗 唔少 苦刑 ，佢 先至 吐露 真相 。
太后 ，憑 你 嘅 聖斷 ，呢門 化骨綿掌 嘅 功力 ，打中 人 之後 兩三日 內 骨骼 就 斷 喇 ，只怕 仲 唔算 十分 深厚 啫 係唔係 呢 ？
雖然 唔算 絕頂 深厚 ，但係 亦 有 啲 用處 嘅 。
當然 有用 啦 ，啊哈哈 ，當然 有用 。
殺得 貞妃 ，亦 殺得 孝康皇后 喇 。
韋小寶 個 心 諗 ：佢 阿爺 吖 ，呢個 老 皇帝 嘅 皇后 真 多 嘞 ，又 有 個 咩 孝康 皇后 喎 。
佢嘅 皇后 呀 ，都 怕 仲 多過 我哋 麗春院 嗰啲 姑娘 啊 。
皇太后 就 聲震震 噉 話 ：你 ，你又 提 孝康皇后 做 咩嘢 啊 ？
韋小寶 唔 知道 孝康皇后 係 康熙 嘅 生母 。
聽見 皇太后 嘅 聲 都 變晒 ，只係 覺得 奇怪 唧 就 唔明白 其中 嘅 原因 。
各位 ，講到 呢處 呢 ，確係 要 講清楚啲 嘞 。
否則 唔止 話 韋小寶 聽唔明白 啊 ，如果 各位 唔係 咁 熟悉 清代 歷史 嘅 ，都 會 唔明白 。
康熙 個 父親 係 順治 皇帝 ， 順治 皇帝 總共 有 四位 皇后 ， 兩個 係 真皇后 。
第一個 ，歷史上 稱為 廢后 ，喺 順治 母親 嘅 侄女 。
嗰陣時 順治 對 董鄂妃 非常之 寵愛 ，皇后 就 呷醋 啦 ，同 皇帝 不斷 咁 嘈交 。
順治 啊嬲 到 不得了 ，就 下旨 廢后 。
王公大臣 一致 反對 就 爭執 咗 好耐 ，結果 呢 ，仲係 廢 咗 佢 。
順治 個 心 呢 當然 係 想 立 董鄂妃 為 皇后 嘞 ，但係 董鄂妃 唔係 出身 於 皇親國戚 嘅 大 貴族 之家 。
因此 只有 另外 立 母親 家族 中 嘅 一個 少女 做 皇后 ，後世 呢 稱為 孝惠 皇后 。
立 呢個 皇后 ，係 出於 佢 母親 太后 嘅 主張 ，順治 就 好 唔 鐘意 嘅 。
順治 對 董鄂妃 愛情 好 專一 ，一心 要 挑剔 皇后 。
母親 有 病 就 怪 皇后 服侍 唔好 ，要 用 呢個 嚟 做 藉口 廢 佢 。
但係 佢 母親 極力 維護 娘家 嘅 呢個 晚輩 ，噉 皇后 先至 得以 保存 啫 。
等 康熙 做咗 皇帝 ，噉 呢個 皇后 呢 就 升為 皇太后 嘞 。
另外 兩個 唔算得 係 真正 皇后 。
一個 係 康熙 嘅 親生 母親 ，佢 父親 佟圖賴 係 漢軍 旗人 ，所以 康熙 有 一半 呢 係 漢人 嘅 血統 。
佢 本來 只係 個 妃子 ，母 以 子 貴 啊 ，康熙 做咗 皇帝 之後 ，亦 尊 佢 為 皇太后 。
佢 喺 康熙 二 年 二月 去世 ，歷史上 稱為 孝康皇后 。
另外一個 呢 就係 董鄂妃 ，死後 追封 為 皇后 ，稱為 孝獻皇后 ，又 稱 端敬皇后 。
好喇 ，交帶完 幾個 皇后 嘅 簡單 情況 呢 ，我哋 又 講翻 海老公 同 皇太后 喺 處 講緊 宮廷 秘密 。
海老公話 ：殮葬 孝康皇后 嘅 ，就係 殮葬 董鄂貞妃 嘅 嗰個 仵作 喇 。
皇太后 話 ：嗰個 仵作 真係 抵死 ，又 亂噏 啲 咩嘢 啊 ？將 宮廷 嘅 事 亂噏 無為 ，罪大惡極 要 殺 佢 全族 啊 。
皇太后 要 殺 佢 ，呢個 時候 ，已經 遲 㗎 喇 。
你 已經 殺咗 佢 嘞 咩 ？
唔係 ，兩年幾 以前 ，奴才 就 已經 吩咐 佢 去 五台山 清涼寺 ，將 呢啲 情形 稟告 畀 主子 知道 。
然後 叫 佢 遠走 萬方 ，隱姓埋名 ，以免 殺身大禍 啊 。
你 ，你你 ，你嘅 手段 好 毒辣 啊 。
手段毒辣 嘅 另有其 人 ， 奴才 自愧不如 啊 。
皇太后 沉默咗 一陣 ，然後 問 ：
你 今晚 嚟 見 我 ，有 咩嘢 用意 吖 ？
海老公話 ：奴才 係 嚟 請問 太后 一件事 ，好 返去 稟告 主子 唧 。
端敬皇后 、孝康皇后 、貞妃 、榮親王 呢 四個人 ，都 係 死於非命 嘅 ，主子 亦 因此 棄位 出家 。
落 呢個 毒手 嘅 人 ，係 宮內 一 位 武功 好手 。
奴才 冒死 嚟 請問 太后 ：呢位 武功 高手 係 邊個 ？
奴才 年紀 老喇 ，盲咗 雙眼 ，又 得咗 不治之症 ，就 好似 風中 殘燭 一樣 。
但 係 如果 唔 查明 呢 件 事 ， 未免 死不瞑目 啊 。
你 一雙 眼 都 盲咗 喇 ，瞑唔瞑 目 ，亦 冇 咩 嘢 相干 啦 。
奴才 雙眼 雖然 係 盲咗 ，心裏 便 係 雪亮 嘅 。
你既然 個心 係 雪亮 嘅 ，又 何必 嚟 問 我 呢 ？
仲係 問明白啲 好 ，免得 冤枉咗 好人 啊 。
呢幾個月嚟 ，奴才 畀 足 心機 去 查察 ，要 查出 潛伏 嘅 宮中 呢個 武學 高手 係 邊個 。
本來 係 好 難查 到 嘅 ， 不過 機緣巧合 ， 無意 中 ， 竟然 知道 皇上 會 武功 嘅 。
哼哼哼哼 ，皇上 會 武功 噉 又 點 唧 ？唔通 係 佢 害死 自己 母親 咩 ？
哎呀 ，罪過 ，罪過啊 ，呢種 忤逆 嘅 事 講 都 唔 講得 㗎 。
如果 係 奴才 講咗 ，死後 要 入 拔舌地獄 ，就 係 個 心 諗一諗 ，死咗 之後 ，亦 不免 要 入 洗腦地獄 去 受苦 㗎 。
誒 ，奴才 身邊 有 個 小太監 ，叫做 小桂子 。
韋小寶 心頭 一震 ：個 老烏龜 講到 我 喇 。
佢 年紀 ，只係 細過 皇上 一 兩 歲 唧 ，皇上 好 歡喜 佢 ，日日 同 佢 比 武 摔跤 ，練習 武藝 。
呢個 小桂子 嘅 功夫 ，係 奴才 教 嘅 。
雖然 ，唔算 得到 乜嘢 ，但係 喺 佢 噉 嘅 年紀 嘅 細佬哥 中間 ，亦 算 唔 容易 喇 。
韋小寶 聽 佢 稱讚 自己 ，不由得 極之 得意 喇 。
太后 話 ：名師 出 高徒 ，強將 手下 無 弱兵 吖嘛 。
海老公 話 ：多謝 太后 金口 。
不過 呢個 小桂子 同 皇上 過招 ，十次 就 有 九次 係 輸 嘅 。
無論 奴才 教 佢 咩嘢 武功 ，皇上 嘅 功夫 總係 勝 佢 一籌 。
睇嚟 ，教皇 上 武功 嘅 師父 ，比 奴才 啊 叻 得多 喇 。
奴才 想嚟想去 ，宮內 嘅 武學 高手 亦 只有 呢 一 位 大行家 喇 。
只要 搵到 呢位 大行家 ，噉樣 害死 兩位 皇后 、一位 皇妃 、一位 皇子 嘅 兇手 ，就 唔 難 追查 得到 喇 。
原來噉嘅 ，你 兜 咁遠 個 圈 ，就係 要 同 我 講 呢番 説話 。
好喇 各位 ，欲知 後事 如何 ，且 聽 下回 分解 。
