話 説 韋小寶 聽 海老公 話 要 教 佢 一種 新 嘅 武功 ， 爭 啲 自己 就 露出馬腳 ， 嚇 到 佢 不得了 ， 聲 都 震 埋 。
海老公 叫 佢 行 埋 啲 佢 都 唔 敢 行 咁 埋 喇 。
海老公 話 ： 大慈大悲 千葉 手 係 佛門 功夫 ，逳 起 手 嚟 呢 能夠 制 住 對方 ， 但 係 又 唔 會 殺人 傷人 ， 乃 係 天下 間 最 仁慈 嘅 武功 喇 。
韋小寶 好 歡喜 噉 話 ： 好 啊 ， 呢門 功夫 唔 會 殺人 傷人 嘅 ， 噉 同 皇上 逳 手 過招 啊 最好 不過 喇 。
不過 呢門 功夫 ， 極之 難學 嘅 ， 招式 好多 ， 唔 係 咁 容易 記得 齊全 嘅 。
既然 招式 好多 ， 記唔 齊全 都 唔 緊要 吖 ， 唔 記得 咗 大半 ， 剩低仲 係 唔 少 啊 。
嘿 ， 正 懶蟲 啊 你 ， 都 未曾 學 嘢 唧 ， 就 已經 諗 住 偷懶 喇 。
你 呢 世人 啊 ， 都 咪 指意學 得到 上乘 武功 喇 。
噉 啊 係 喇 ， 要 學到 你 老人家 咁 厲害 嘅 武功 ， 我 呢 世人 呢 ， 自 不然 係 寡母 婆死 仔 冇 望 㗎 喇 。
個心 諗 ： 就算 武功 練 到 同 你 一模一樣 啊 ， 到頭 嚟 唔 係 仲 畀 人 整盲 雙眼 ， 噉 你老 烏龜 又 好開心 咩 ？
海老公 話 ： 你 行過 嚟 啦 。
哦 。
韋小寶 應 咗 一聲 就 行近 幾步 ， 之 離開 海老公 呢 仲有 幾尺 。
海老公 話 ： 你 怕 我 食 咗 你 啊 ？
嘿嘿 ， 我 啲 肉 係 酸 㗎 ， 唔 係 點好 食 㗎 咋 。
海老公 左手 揚起 ， 突然 拍出去 。
韋小寶 吃 咗 一驚 ， 向後便 就 避 嘞 噃。
忽然間 背脊 上面 啪啪 兩聲 ， 已經 畀 海老公 打中 ， 當堂 跪 低 喺 地 唔 逳 得 。
個 心驚 啊 ： 哎呀 死喇死 喇 ， 死 喇 ， 呢 次 弊家 溜 喇 ， 佢 ， 佢 要 攞 我 條 命 咯 。
海老公 話 ： 呢 個 係 大慈大悲 千葉 手 嘅 第一手 ， 叫做 南海 禮佛 。
你 背脊 上 便 已經 畀 我 打中 咗 兩處 穴道 ， 不過 打穴 功夫 呢 ， 極之難 練 嘅 ， 要 有 上乘 嘅 內功 做 根基 至 得 嘅 。
同 皇上 過招 ， 唔 通真 係 能夠 打 佢 穴道 ， 叫 佢 跪 喺 你 面前 嘅 咩 ？
你 只 需要 記住 咗 手法 ， 裝模作樣 噉 做 個 姿勢 就 係 咯 。
講完 ， 用 手 喺 佢 背脊 兩處 穴道 上面 撳 咗 一 撳 ， 韋小寶 嘅 手腳 當堂 能夠 逳 得 翻 嘞 。
個心 啊 稍 為定 啲 ， 佢 慢慢 企 起身 ， 個心 諗 ：
哎呀 ， 原來 老 烏龜 係 教 我 功夫 啫 ， 嚇 到 我 魂魄 都 唔 齊 啊 ， 咦 而家 都 唔 知 翻齊 嚟 未 。
呢 一日 ， 海老公 只 係 教 咗 三招 ， 佢 話 ：
第一 日 特別 難 啲 嘅 ， 以後 你 如果 畀 心機 學 ， 就 可以 學多 幾招 。
韋小寶 第二日 呢 亦 唔 去 賭錢 嘞 ， 中午 時分 就 去 比武 嘅 房間 等 康熙 。
佢 知道 枱 上 啲 糕點 啊 ， 係 為 皇帝 準備 嘅 ， 就 唔 敢 再 攞 嚟 食 喇 。
等等 等 咗 大半個 時辰 ， 康熙 始終 冇 嚟 ， 韋小寶 個心 諗 ：
冇 錯 喇 ， 佢 同 我 比武 都 冇 味道 就 唔 嚟 玩 喇 。
於是 就行 去 上 書房 。
喺 書房 門外 守 衞 嘅 侍 衞 ， 尋日 見到 康熙 帶 埋 韋小寶 去布 庫房 ， 神情 非常 之 和 氣 嘅 。
知道 佢 係 皇上 面前 得寵 嘅 小太監 ， 亦 冇 攔阻 佢 。
韋小寶 行入 書房 ， 只見 康熙 用 腳 喺 度 踢 緊 一張 皮凳 。
踢 完 一腳 又 一腳 ， 個樣 啊 好 嬲 ， 不停 咁 喝 ： 踢死 你 ， 踢死 你 ！
韋小寶 個心 諗 ： 乜 佢 喺 度 練 踢腿 功夫 啊 ？
噉 就 唔 敢行 前去 打擾 佢 ， 靜靜 噉 垂手 企埋 一便 。
康熙 踢 咗 一陣 ， 擔 高頭 見到 韋小寶 嚟 嘞 ， 就 露出 笑容 話 ：
我 好悶 啊 ， 你 嚟 陪我玩 下 啦 。
韋小寶 話 ： 哦 。
海老公 教 咗 我 一門 新 功夫 噃， 叫做 咩 嘢 大慈大悲 千葉 手 ， 比 以前 教 嗰 啲 大 擒拿 手 呀 ， 都 唔 知 厲害 幾多 啊 。
佢 話 我 學會 之後 呢 你 一定 鬥我 唔 過 嘅 。
康熙 話 ： 嗰 啲 係 咩 嘢 功夫 啊 你 使出 嚟 我 睇 下 。
好 啊 ，嗱， 我要 打 你 㗎 喇 。
講完 ， 韋小寶 拉開 招式 ， 雙掌 飛揚 ， 南海 禮佛 、 金玉 瓦礫 、 人命 呼吸 總共 三招 ；
出手 迅捷 ， 喺 康熙 背脊 、 膊 頭 、 左胸 、 右腿 、 咽喉 五 笪 地方 ， 都 用 手指 輕輕 拍 一 拍 。
呢 個 大慈大悲 千葉 手 啊 變化 奇特 ， 同埋 大 擒拿 手 就 大不相同 。
康熙 一時之間 嚟 唔 切 防備 ， 連 一下 都 避 唔 開 啊 。
韋小寶 出手 極之輕 ， 當然 冇 打 痛 佢 啦 。
其實 韋小寶 嘅 內力 固之然 係 冇 ， 氣力 亦 微弱 到 極 嘅 ， 就算 係 真正 打鬥 畀 佢 打中 幾下 亦 都 無關痛癢 。
但 係 就 噉 樣連 中五下 ， 畢竟 係 從來未有 過 嘅 事 。
康熙 咦 一聲 ， 好 高興 噉 話 ：
咦 ？ 呢門 功夫 好 妙 噃， 你 聽 日 再 嚟 ， 我 亦 都 去 請 師父 教 啲 上乘 武功 同 你 比 過 。
韋小寶 話 ： 好 啊 好 啊 。
噉 韋小寶 返到 去 住處 ， 將 康熙 嘅 説 話 講 畀 海老公 聽 。
海老公 話 ： 唔 知 佢 師父 教 嘅 係 乜嘢 功夫 呢 ？
今日 ， 你 再學 幾招 千葉 手 。
噉 呢 一日 ， 韋小寶 又學 咗 六招 ， 乃 係 鏡 裏 觀影 、 水中捉月 、 浮雲 去 來 、 水泡 出沒 、 夢 裏 明明 、 覺 後 空空 。
呢 六招 都 係 若隱若現 、 變幻莫測 嘅 招數 ， 虛式 多 而 實式 少 。
海老公 只 係 要 韋小寶 死記 招式 唧 ， 至於 招式 裏 便 嗰 啲 奧妙 地方 ， 就 一 啲 都 唔 講解 㗎 喇 。
甚至 姿式 係 唔 係 正確 無誤 ， 出招個 部位 ， 係 咪 恰到好處 ， 海老公 一來 就 睇 唔 見 ， 二來 根本 亦 唔 理 。
韋小寶 見 佢 教 得 咁 隨便 ， 個心 歡喜 喇 佢 諗 ：
你 馬馬虎虎 噉 教 ， 我 就 求求 其其 噉 學 ， 總之 糊里糊塗 係 噉 意 就算 喇 。
如果 你 要 認真 喇 ， 誒 ， 老子 就 唔 得閒 陪你玩 咯 。
第 日 ， 韋小寶 去 到 御 書房 ， 只見 門口 外便換 咗 四名 侍 衞 ， 噉 佢 正在 遲遲疑疑 唔 敢 入 去 。
有名 侍 衞 笑 住 話 ： 你 係 桂公公 啊 ？ 皇上 叫 你 即刻 入去 啊 。
韋小寶 打 過 突個 心 諗 ： 咩 嘢 桂公公 啊 ？ 佢 即刻 就明 喇 ：
桂公公 就 係 老子 啊 ， 呢 個 侍衛 知道 我 係 皇帝 親信 ， 對 我 就 加額 客氣 啊 。
於是 笑 住 岌一岌頭 話 ： 幸會幸 會 ， 你 四位 貴姓 啊 ？
四名 侍 衞 同 佢 通 咗 姓名 ， 韋小寶 同 佢 哋 客氣 咗 幾句 。
有個 姓張 嘅 侍 衞 笑 住 話 ： 你 快 啲 入 去 啦 ， 皇上 已經 問 咗 你 幾次 㗎 喇 。
韋小寶 行入 書房 ， 康熙 喺 椅 處 啪 聲 跳 起身 笑 住 話 ：
你 尋日 呢 三招 呢 ， 我 師父 已經 教 咗 破法 喇 。
嚟 ， 我 哋 即刻 去 試下 啦 。
韋小寶 話 ： 你 師父 既然 話 破 得 就 自 不然 破 得 啦 ， 唔 使試 喇 。
非試 不可 ， 你 靜靜 去 我 哋 嘅 比武 廳 先 ， 唔 好 畀 人 哋 知道 啊 ， 我 隨後 就 嚟 㗎 喇 。
韋小寶 應 咗 ， 就 去 嗰 間 房 。
康熙 初 初學 咗 新招 ， 非常 性急 ， 一陣 間 就 嚟 嘞 。
噉 兩個 人 一 逳 手 ， 康熙 果然 用 巧妙 嘅 手法 ， 將 韋小寶 第一 日 所學 嘅 三招 冚𠾴唥 拆解 晒 ， 仲 喺 韋小寶 嘅 膊 頭 後 便 拍 咗 一 掌 添 。
韋小寶 見 佢 所 出 嘅 招數 非常 高明 ， 個心 都 好 佩服 ， 就 問 佢 ：
你 呢 套 功夫 叫做 咩 名堂 啫 ？
康熙 話 ： 呢 個 係 八卦 游龍掌 。
我 師父 話 ， 你 嘅 大慈大悲 千葉 手 招式 太過 多 嘞 ， 記 起 嚟 好 麻煩 嘅 。
我 哋 嘅 八卦 游龍掌 呢 只有 八八六十四 式 ， 但 係 反覆 變化 ， 完全 可以 敵得 住 你 嘅 千葉 手 嘅 。
韋小寶 問 ： 噉 邊 一門 功夫 厲害 啲 呢 ？
康熙 話 ： 我 亦 問過 喇 ， 師父 話 ， 呢 兩門 都 係 上乘 掌法 。
噉 好 難話邊 一門 功夫 厲害 啲 嘅 ， 邊 個個 功力 深 ， 用 得 巧妙 ， 邊個 就 贏咯 。
韋小寶 話 ： 我 尋日 又 學 咗 六招 噃，嗱 你 嚟 試 下 啦 。
咪 即刻 將尋 日 嗰 六招 使出 嚟 。
雖然 第二 第三招 冚𠾴唥 唔 記得 晒 ， 第五招 根本 用 得 唔 啱 ， 康熙 仲 係 連氣 畀 佢 拍 中 咗 七八下 。
康熙 岌一岌頭 話 ： 你 呢 一 六招 好妙 啊 ， 我而家 就 去 學 拆解 嘅 法子 。
韋小寶 返到 去 住處 ， 就將 康熙 學練 八卦 游龍掌 嘅 事 講 畀 海老公 聽 。
海老公 岌一岌頭 話 ： 我 少林 派 嘅 千葉 手 ， 本來 只有 武當派 呢 一路 八卦 游龍掌 敵得 住 嘅 。
佢 師父 嘅 説 話 冇 錯 ， 呢 兩路 掌法 ， 各有 各 嘅 妙處 ， 邊個 學得 好 ， 邊個 就 厲害 。
韋小寶 話 ： 佢 係 皇帝 ， 我點 能 冚 過 佢 㗎 ， 噉 自 不然 應該 等 佢 學 得 好 啲 啦 。
事關 佢 唔 肯 刻苦 練功 啊 ， 所以 就 預先 打 定 底 ， 噉 啊 作好 輸數 先 。
海老公 話 ： 你 如果 太過 唔 中 用 呢 ， 皇上 就 冇 興致 同 你 練 嘞 。
韋小寶 話 ： 開講 有話 名師出高徒 ， 強將手下無弱兵 吖 嘛 。
你 係 名師 ， 又 係 強將 ， 噉 教 出 嚟 嘅 人 亦 唔 會 太 過 水皮 嘅 ， 你 老人家 定 啲 嚟 啦 即管 放心 啦 。
海老公 擰 擰 頭話 ： 唔 好 猛 認叻 喇 ， 啲 飯菜 都 就 快 冷 喇 ， 你 去 飲 咗 嗰 碗 湯 先 啦 。
我 服侍 你 老人家 飲湯 啦 。
我 唔 飲湯 ， 飲 咗 湯會 咳 啊 我 。
哦 。
於是 韋小寶 自己 過去 飲湯 ， 個心 諗 ： 我 老人家 飲湯 就 從來 唔 咳 嘅 。
噉 此後 呢 幾個 月 啊 ， 康熙 同 韋小寶 就 各學 招式 ， 日日 咁 比武 。
兩個 人並 唔 係 真 打 ， 冇 咗 各出 全力 嚟 到 爭 勝負 嘅 心 ， 噉 搏鬥 起 嚟 嘅 樂趣 呢 就 少 不免 大為 減弱 。
總算 兩個 人 所學 嘅 招式 比較 繁複 ， 噉 用 嚟 拆解 ， 確實 係 變化多端 嘅 。
只不過 噉 樣 文鬥 呢 ， 就 似 捉 棋多 啲 ， 就點 都 唔 似 係 打交 嘞 。
韋小寶 學武 功 ， 只 係 為 咗 陪 皇帝 過招 。
自己 完全 冇 畀 心機 ， 學 咗 後 便 又 唔 記得 咗 前 便 。
康熙 嘅 師父 顯然 教得 亦 係 幾 馬虎 嘅 啫 ， 噉 兩個 人 進步 好慢 。
比武 嘅 興致 亦 都 大為 減弱 嘞 ， 到 咗 收尾 ， 康熙 啊 隔 幾日 先至 同 韋小寶 拆 一次 招 。
喺 呢 一段 時候 ， 康熙 除 咗 同 韋小寶 比武 之外 ， 亦 時時 帶 埋 佢 去 書房 陪 自己 讀書 。
皇宮 裏 便 啲 侍 衞 太監 都 知道 尚膳 監 嘅 小太監 小桂子 啊 ， 而家 係 皇上 面前 嘅 第一 紅人 。
大家 見到 佢 嘅 時候 都 唔 敢 叫 佢 做 小桂子 嘞 ， 都 係 桂公公 長 桂公公 短 ， 叫 得 啊 又 恭敬 又 親熱 。
韋小寶 要 討好 海老公 ， 就 每日 出入 上 書房 總 係 想 將 嗰 部 四十二章 經啊 偷出 嚟 畀 佢 。
不過 呢 搵 嚟 搵 去 ， 始終 唔 見 。
話 説 呢 一日 ， 康熙 同 韋小寶 練 完武 之後 ， 康熙 嘅 表情 鄭重 噉 細細 聲話 ：
小桂子 ， 聽日 我 哋 要 做 一件 大事 ， 你 早 啲 嚟 書房 等 我 。
哦 。 韋小寶 應 咗 一聲 。
佢 知道 皇帝 唔 鐘意 講 咁 多 嘢 嘅 ， 佢 唔 講 係 乜嘢 事 ， 自己 呢 就 唔 能夠 問 咁 多 。
第 日 一早 ， 佢 就 去 上 書房 侍候 嘞 。
康熙 低聲 話 ： 我要 你 做 一件 事 ， 唔 知 你 有 冇 膽 ？
韋小寶 話 ： 你 叫 我 做 嘅 事 ， 我仲怕 咩 嘢 喎 。
呢 件 事 非同小可 ， 做 得 唔 妥當 ， 你 我 都 有 性命之憂 啊 。
唔 係 啩？ 至多 我 有 性命之憂 啫 ， 你 係 皇帝 ， 邊個 敢害 你 啊 ？
再講 吖 ， 有 你 關照 住 我 ， 我點 都 唔 會 有 性命之憂 㗎 。
韋小寶 個心 諗 ： 一定 要 將 説 話 講定 先 ， 我 韋小寶 如果 有 性命之憂 就 唯你 皇帝 是問 ， 你 唔 能夠 置之不理 嘅 。
康熙 話 ： 鰲拜 呢 個 嘢 ， 蠻橫 無禮 ， 心 有異 謀 ， 今日 我 哋 捉 咗 佢 ， 你 敢 唔 敢 吖 ？
韋小寶 喺 皇宮 裏 便 就 好 耐 嘞 ， 除 咗 練武 同埋 陪伴 康熙 之外 呢 極少 玩 嘅 。
近幾個月 嚟 海老公 又 唔 准 佢 再 去 同 温氏兄弟 佢 哋 賭錢 ， 只有 偶然 偷偷 去 賭番 鋪 啫 。
至於 同 康熙 比武 就 更加 越 嚟 越 冇 癮 嘞 。
噉 佢 正 係 覺得 好悶 神 ， 而家 一 聽見 話 要 捉 鰲拜 喎 都 唔 知 幾 高興 。
好 啊 好 啊 ， 我 早就 講過 㗎 啦 ， 我 哋 兩個 人 合力 鬥一 鬥 佢 吖 嘛 。
就算 佢 係 滿洲 第一 勇士 ， 你 同埋 我個 武功 都 練 得 差 唔 多 㗎 喇 ， 點都 唔 怕 佢 嘅 。
唔 得 㗎 ， 我 係 皇帝 ， 唔 能夠 親自 逳 手 嘅 。
鰲拜 呢 個 嘢 ， 身兼 領 內侍 衞 大臣 ， 宮內 嘅 侍 衞 都 係 佢 嘅 親信 心腹 。
佢 一 知道 我要 捉 佢 ， 九成 就會作 反 。
啲 侍 衞 同時 逳 手 ， 你 同 我 固然 性命不保 啦 ， 連 太皇太后 、 皇太后 都 會 遇難 啊 。
所以 呢 件 事 呢 ， 真 係 極之 危險 㗎 。
韋小寶 拍 下 心口 佢 話 ：
噉 我 去 宮外 便 等 佢 ， 趁 佢 冇 防備 ， 一刀 㓤 死 佢 ， 就算 㓤 佢 唔 死 ， 佢 亦 唔 知道 係 你 嘅 意思 啊 。
此人 嘅 武功 十分 使得 ， 你 嘅 年紀 仲 係 細 ， 唔 係 佢 對手 嘅 。
何況 喺 宮門 之外 ， 佢 衞 士 咁 多 ， 你好 難 埋 佢 身 嘅 。
就算 真 係 殺死 咗 佢 啊 ， 怕 你 亦 會 畀 佢 啲 衛士 殺死 翻 。
我 啊 另外 有個 辦法 。
係 。
等陣 ， 佢 要 嚟 我 呢 處 稟奏 事情 ， 我 就 傳 啲 小太監 嚟 呢 處 等 住 。
你 見到 我 揸 住 喺 手 隻 茶杯 跌 咗 落地 呢 ， 就 撲上去 扭住 佢 。
十幾名 小太監 就 同時 湧 上去 ， 拉手 拉腳 ， 使 到 佢 施展 唔 出 武功 。
如果 你 仲 係 唔 得 呢 ， 我 就 唯有 上 嚟 幫忙 啦 。
韋小寶 好 歡喜 噉 話 ： 呢 條計 使得 啊 ， 你 有 刀 冇 啊 ？
呢 件 事千祈 唔 好 搞 𢰸 啊 ， 如果 捉 佢 唔 住 我 就 一刀 殺 咗 佢 。
韋小寶 喺 殺 小桂子 之後 ， 喺 靴 筒 裏 便 呢 都 時時 帶住 把 匕首 。
收尾 知道 咗 小玄子 就 係 皇帝 ， 噉 同 皇帝 對 拆 掌法 ， 噉 啊 時常 跳 嚟 跳 去 ， 怕 把 匕首 喺 靴 筒 跌 咗 出 嚟 就 唔 妥 咯 。
因為 除 咗 當值 嘅 帶 刀 侍 衞 之外 ， 喺 宮內 帶刀 係 有罪 嘅 ， 要 殺頭 嘅 ， 噉 所以 就 唔 敢 隨身 再 帶 嘞 。
康熙 岌一岌頭 ， 拉開 書 枱 櫃桶 就 攞 出 兩把 用 黃金 做 柄 嘅 匕首 ， 一把 交 咗 畀 韋小寶 ， 一把 呢 插入 自己 嘅 靴 筒 。
韋小寶 亦 都將 匕首 放 喺 靴 筒 ， 嘩 ， 當堂 覺得 心 又 跳 ， 血 又 滾 ， 全身 都 㷫 晒 ，㗾㗾 聲 咁 喘氣 ， 佢 話 ：
好 嘢 ， 好 嘢 ， 我 哋 做 低 佢 ！
康熙 話 ： 你 出去 傳 十二名 小太監 嚟 啦 。
韋小寶 應 咗 就 出去 嗌 嘞 。
呢 啲 小太監 喺 布 庫房 裏 便 練習 撲擊 已經 有 幾個 月 ， 雖然 冇 咩 嘢 武功 ， 但 係 拉手 掹 腳 嘅 本事 都 已經 唔 錯 。
康熙 對 嗰 十二名 小太監 話 ：
你 哋 練 咗 好幾個 月 ， 亦 唔 知道 有 冇 進步 。
等陣 有個 大官 入 嚟 ， 呢 個人 ， 係 我 哋 朝廷 嘅 撲擊 好手 ， 我 要 佢 試 下 你 哋 嘅 功夫 。
你 哋 一見 我將 茶杯 掉 喺 地下 就 一擁而上 ， 失驚 無 神 噉 十二個 打 佢 一個 。
如果 能夠 將 佢 撳 倒 喺 地 ， 令 到 佢 冇 得 逳， 我 重重 有賞 。
講完 就 拉開 書 枱 嘅 櫃 桶 ，攞 出 十二隻 五十兩 嘅 元寶 ， 佢 話 ：
贏得 到 佢 ， 每人 一隻 元寶 ；
如果 輸 咗 ， 十二個 人 一齊 斬首 。
呢 啲 懶惰 冇 用 嘅 傢伙 仲 留 喺 處 做 咩 啊 ？
十二名 小太監 一齊 跪 低話 ：
奴才 們 必定 奮力 為 皇上 辦事 。
康熙 笑笑 口 噉 話 ： 呢 啲 算 係 辦 乜嘢 事 呢 ？ 我 只 係 考下 你 哋 ， 睇 下 邊個 學得 有 心機 邊個 喺 度 貪 懶 。
韋小寶 個心 好 佩服 啊 佢 諗 ：
佢 喺 啲 小太監 面前 ， 半點 口風 都 唔 露 ， 怕 呢 啲 小鬼 沉 唔 住氣 ， 喺 鰲拜 面前 露 咗 馬腳 。
十二個 小太監 起身 之後 ， 康熙 喺 枱面 攞 起 一部 書 掀開 嚟 睇 。
韋小寶 聽 佢 細細 聲 噉 讀書 ， 居然 聲 唔 震手 唔 震 ， 面臨 一場 大事 啊 仲 係 好似 平時 一樣 咁 鎮定 。
但 係 自己 手板 呢 ， 已經 一陣 冷汗 一陣發 㷫 嘞 ， 個心 就 鬧 自己 ：
韋小寶 啊 韋小寶 你 隻 龜 蛋 啦 ， 呢 一下 你 就 比 唔 過 小玄子 咯 ， 你 武功 又 唔 及 佢 ， 定力 亦 唔 及 佢 。
噉 轉念 又 諗 ：
佢 係 皇帝 吖 嘛 ， 自 不然 個膽 比 我 大 啦 ， 噉 又 有 咩 叻 得 咁 交關 啫 ？
唓， 如果 我 做 咗 皇帝 ， 我 就 叻 過 佢 啦 。
過 咗 好 耐下 ， 聽見 門外 靴 聲響 嘞 ， 一名 侍 衞 報告 ：
鰲 少 保見 駕 ， 皇上 萬福金安 。
康熙 話 ： 鰲 少 保入 嚟 啦 。
鰲拜 掀開 門簾 行 咗 入 嚟 跪 低 叩頭 。
康熙 笑 住 話 ： 鰲 少保 ， 你 嚟 得 啱 嘞 。
我 呢 十幾名 小太監 喺 度 練 緊 摔跤 ， 聽講 你 係 我 滿洲 勇士 之中 武功 第一 ， 你 嚟 指點 佢 哋 幾招 呢 。
鰲拜 微微 笑話 ： 皇上 有 興致 ， 臣 自 當 效力 。
康熙 話 ： 小桂子 ， 你 吩咐 外便 啲 侍衛 去 休息 啦 ， 唔 聽見 傳呼 就 唔 使入 嚟 侍候 嘞 。
講完 笑 咗 一笑 ， 對住 鰲拜 扮個 鬼臉 。
鰲拜 哈哈 一笑 ， 韋小寶 就行 出去 吩咐 。
康熙 細細 聲話 ： 鰲 少保 ， 你 勸 我 唔 好 讀 漢人 嘅 書 ， 我諗過 喇 你 講得 啱 啊 。
我 哋 仲 係 喺 書房 裏 便 玩 下 摔跤 好過 啦 。
不過 呢 唔 好 畀 人 聽到 噃， 如果 畀 皇太后 知道 咗 又 要 逼 我 讀書 㗎 喇 。
鰲拜 啊 歡喜 到 乜 噉 ， 一味 話 ： 冇 錯 ， 冇 錯 冇 錯 ， 皇上 呢 個 主意 啊 ， 嘿 ， 真 係 高明 啊 ， 漢人 啲 書讀 嚟 有 乜 用 吖 。
韋小寶 返到 入 嚟 書房 話 ： 啲 侍 衞 多謝 皇上 恩典 ， 都 退 下 喇 。
康熙 話 ： 好 ， 我 哋 玩 我 哋 嘅 。
小太監 ， 你 哋 十二個 人 分成 六對 打 嚟 睇 下 。
噉 嗰 十二名 小太監 捲起 衫袖 ， 束好 腰帶 ， 分成 六對 就 撲擊 起 嚟 嘞 。
鰲拜 笑口吟吟 噉 喺 度 睇 ， 見 呢 啲 小太監 功夫 麻麻 唧 ， 就 笑 住 擰 一擰頭 。
康熙 攞 起 茶杯 飲 咗 一 啖 笑 住 話 ： 鰲 少保 ， 啲 細佬 哥 嘅 本事 使 唔 使得 啊 ？
鰲拜 笑 住 話 ： 就 噉 睇 下 都 過得去 嘅 。
同 你 鰲 少 保比 噉 梗 係 唔 得 啦 。
康熙 個身 微微 一側 ， 手 一 鬆 ， 哐 一聲 茶杯 跌 咗 落地 。
康熙 吖 噉 叫 咗 一聲 。
嗱 各位 ， 欲知 後事 如何 ， 且 聽 下回分解 。
