前文再續啊書接上一回啊 ，話說 皇太子 自 出 娘胎 呢 ，就 註定咗 將來 要 做 皇帝 㗎 啦 。
噉 自細 嘅 撫養 教誨 ，就 同 常人 完全 唔同 㗎 喇 。
一喊 一笑 一舉一動 ， 冇 一樣 唔 係 畀 人 睇 到實 㗎 ， 真 係 半點 自由 都 冇 。
你 話 啲 監犯 韞 喺 監牢 裏 便 仲 可以 隨便 講 下 説話 ，喺 監倉 之 中 呢 ，總算 仲 可以 任意 行動 吖 。
皇太子 所 受到 嘅 拘束 ，真係 比 監犯 仲 要 厲害 百倍 。
負責 教讀 嘅 師傅 ，服侍 起居 嘅 太監 宮女 ，就 慌死 太子 身上 出咗 咩 嘢 事 ，成日 都 戰戰兢兢 如 臨 深淵 就 如 履 薄冰 。
太子 嘅 言行 只有 半點 隨便 ，師傅 就 苦口婆心 噉 勸佢 ，慌死 激嬲 皇上 。
太子 想着 少件 衫 ，宮女 太監 就 好似 大禍 臨頭 喇 慌死 太子 冷 親 感冒 。
一個人 自細到大 ，日日夜夜 受到 噉樣 嚴密 看管 ，認真 係 缺乏 人生 樂趣 喇 。
康熙 自細 亦 受到 嚴密 看管 㗎 ，直至到 親政 喇 ，先至 有 權 吩咐 啲 宮女 太監 離開 佢 自己 遠啲 ，唔使 跟住 尾 。
但係 喺 母親 同 眾 大臣 面前 啊 ，仲係 要 循規蹈矩 ，裝作 少年老成 噉 嘅 樣子 。
見到 一班 宮女 太監 ，亦 始終 要 擺出 皇帝 架子 唔敢 隨便 啊 。
一生之中 ，連 縱情大笑 嘅 時間 都 冇 幾多 次 㗎 咋 。
但係 少年人 鐘意 玩 鐘意 癲 乃係 人之 天性 噃 ，皇帝 乞兒 都 毫無 分別 嘅 。
喺 尋常 百姓 人家 ，任何 細路 日日 都 可以 同 啲 小朋友 亂叫 亂跳 亂打 亂鬧 。
呢位 少年 皇帝 呢卻 係 要 機緣巧合 先 有 噉 嘅 福分 。
佢 只有 同 韋小寶 喺 一齊 嘅 時候 ，先至 能夠 無拘無束 ，拋開 皇帝 嘅 架子 縱情 扭打 ，實在 係 生平 從來 未 試過 咁快樂 嘅 。
喺 呢一排 ，佢 往往 瞓覺 發夢 啊 都係 同 韋小寶 摔交 玩 。
而家 佢 拉住 韋小寶 隻 手 哈哈大笑 一輪 之後 就 話 ：
嗱 ，喺 有人 嘅 時候 呢 你 就 叫 我 皇上 ，冇 人 嘅 時候 ，我哋 仍然 同 以前 一樣 吓 。
韋小寶 笑住 話 ：噉 梗係 好喇 ，我 發夢 都 想唔到 你 係 皇帝 啊 ，我 仲 以為 皇帝 係 個 白鬍鬚 老公公 添 。
康熙 嘅 心諗 ：父王 崩駕 嘅 時候 ，不過 係 廿四 歲 ，亦 唔係 咩 白鬍鬚 老公公 吖 ，呢個 細路 點解 乜 都 唔 知道 嘅 ？
就 問 韋小寶 話 ：唔通 海老公 冇 同 你 講過 我 咩 ？
韋小寶 擰 一 擰 頭話 ： 冇 啊 ， 佢 就 係 教 我 練功夫 啫 。
皇上 ，你嘅 功夫 係 邊個 教 㗎 ？
我哋 講過 話 冇人 嘅 時候 仲 係 同 以前 一樣 吖嘛 ，乜 你 又 叫 我 做 皇上 呢 ？
啊係啊係啊嚱 ，我 心 都 有 啲 慌 啊 。
唉 ，我 早就 估到 㗎喇 ，你 知道 我 係 皇帝 之後 ，再 唔會 好似 以前 噉樣 同 我 比武 㗎喇 。
我 一定 同 以前 一樣 噉 打 ，就 怕 唔 容易 啫 。
喂 ，小玄子 啊 ，你 嘅 武功 到底 係 邊個 教 㗎 ？
我 唔 能夠 講 畀 你 聽 㗎 ， 你問 嚟 做 咩 嘢 啊 ？
鰲拜 呢個 傢伙 自以為 武功 好使得 ，對住 你 摩拳擦掌 ，好似 想 打人 噉 。
我諗 ，你 師父 武功 咁 厲害 ，我哋 不如 請 你 師父 嚟 對付 佢 咯 。
康熙 微微 一笑 ，擰擰 頭 話 ：唔得 ，我 師父 點能夠 做 呢種 事 呢 ？
韋小寶 話 ：唉 ，可惜 我 師父 海老公 啊 盲 咗 雙眼 啫 ，如果 唔係 請 佢 嚟 打 鰲拜 ，多數 都 能夠 贏 嘅 。
啊 ，我 有 計喇 ，聽日 我哋 兩個 聯手 同 佢 打一場 ，你 話 好唔好 吖嗱 ？
鰲拜 雖然 話 係 滿洲 第一 勇士 啫 ，但係 我哋 兩個 拍檔 一齊 上 ，未必 會 輸 畀 佢 㗎 。
康熙 好 歡喜 啊 大聲 話 ：好啊好啊 。
但係 跟住 佢 就 知道 呢件事 呢 冇法子 做得到 嘅 ，擰擰頭 歎口氣 話 ：
唉 ，皇帝 同 大臣 打交 ，噉 啊 太過 唔似樣 咯 。
韋小寶 話 ：你 唔係 皇帝 就 好啦 。
康熙 岌 一岌 頭 。
霎時之間 ，佢 真係 有啲 羨慕 韋小寶 呢個 小太監 ，鐘意 做 乜嘢 就 做 乜嘢 。
雖然 喺 皇宮 之中 啊 ，都 幾 逍遙自在 吖 。
又 想起 啱先 鰲拜 橫眉怒目 ，氣勢洶洶 ，大踏步 噉 行前嚟 嘅 神態 ，真係 仲有 啲 怕怕哋 啊 ，佢 諗 ：
呢個人 對 我 咁 無禮 ，佢 要 殺 邊個 就 非 殺 邊個 不可 ，一啲 都 唔 將 我 放 喺 眼內 。
到底係佢做皇帝呢 ，定係 我 做 皇帝 啊 ？
只不過 朝廷 上 同 宮內 啲 侍衞 總管 都 係 由 佢 統率 ，八旗 兵將 亦 歸 佢 調動 。
我 如果 下旨 殺佢 ，佢 作起反嚟 ，怕 會 殺咗 我 先 。
我 一定要 先 換 侍衞總管 ，再 撤 佢 嘅 兵權 ；
然後 ，再 罷 佢 輔政大臣 嘅 職位 ；
最後 ，先至 將 佢 推出 午門 斬首 示眾 ，噉 先至 洩 我 心頭 之 恨 啊 。
但係 轉念 又 諗 ：呢條 計策 亦係 唔妥當 ，只要 一 換 侍衞總管 ，鰲拜 就 知道 要 對付 佢 嘞 。
呢個人 大權在握 ，如果 畀佢 先下手為強 ，自己 就 要 遭殃 。
唯有 暫時 不動聲色 ，等 想到 妥善 嘅 法子 再 講 啦 。
康熙 就 唔 願 喺 韋小寶 面前 顯得 冇 主意 ，就 話 ：
你 而家 返去 啦 ，畀 心機 跟 海老公 學 本事 ，聽日 ，我哋 照舊 喺 嗰便 比武 。
韋小寶 應咗 聲 話 ：哦 。
康熙 又 話 ：你 見到 我 同 鰲拜 嘅 事 ，唔准 同人哋 提起 啊 。
哦 。
呢度 冇 第啲 人 ，噉 我要 走 就 走 ，唔 同 你 請安 叩頭 喇 吓 。
哈哈哈 ，啊唔使喇 ，聽日 仍然 係 死約會 ，不見不散 。
韋小寶 雖然 冇 偷到 四十二章經 ，但係 發現咗 日日 同 佢 比武 嘅 人 ，竟然 就係 皇帝 ，真係 興奮萬分 。
好在 海老公 雙眼 盲咗 ，睇唔出 佢 神情 異常 。
海老公 只係 覺得 佢 今日 説話 特別 多 ，唔知 有 咩 高興 嘅 事 嘞 ，就 試探 咗 幾句 。
韋小寶啊 十分 機警 ，半點 口風 都 冇 露出嚟 。
第日 ，韋小寶 去 同 康熙 比武 ，佢 個 心 呢 ，都 好 想 同 平日 一樣 噉樣 打法 嘅 。
但係 既然 知道 佢 係 皇帝 咯 ，自衛 嘅 時候 ，儘管 係 守得 好 嚴密 ，不過 反擊 嘅 招數 呢 ，就 自然而然 噉 疲弱無力 。
康熙 明白 佢 個 心意 ，進攻 嘅 時候 呢 亦 都 唔 出 全力 ，個 心 諗 對方 既然 有 顧忌 嘞 ，自己 全力 攻擊 ，未免 勝之不武 吖 。
只係 打咗 一陣間 咁耐啫 ，韋小寶 已經 輸咗 兩個 回合 。
康熙 歎 一口氣 就 問 ：小桂子 啊 ，尋日 你 去 我 書房 做咩 啊 ？
韋小寶 話 ：温有道 尋日 發燒 唔起得身 啊 ，佢 兄弟 叫 我 去 上書房 幫手 打掃 執拾 咯 。
我啊冇做慣嘞噃 ，噉啊手腳慢咗啲 ，估唔到就遇見你嘞 。
佢 講得 呢 好似 真嘅 噉 ，不但 面 不改色 ，幾乎 連 自己 都 相信 確係 如此 啊 。
康熙 又 話 ：你 知道 咗 我 係 皇帝 之後 ，我哋 再 唔 能夠 真 打 喇 。
韋小寶話 ，我 亦 覺得 今日 打起上嚟 冇 咩 勁頭 嘅 。
康熙 忽然間 想起 件事 佢 話 ：吖 ，我 有 法子 嘞 。
嗱， 我 哋 既然 唔 能夠 再 打 ， 噉 我 只有 睇 你 同人 哋 打 嘞 ， 噉 過下 癮 都 係 好 㗎 嘛 。
嚟 ，你 跟埋 我 去 換衣服 ，我哋 去 布庫房 。
布 庫房 係 咩 地方 啊 ？ 係 咪 放 啲 布匹 嘅 庫房 啊 ？
唔係 ，布庫房 係 武士 練武 摔跤 嘅 地方 。
吖 ，噉 好極 喇 。
康熙 返去 換衫 ，韋小寶 跟住 佢 後便 。
康熙 一 換咗 袍服 ，十六 名 太監 前 呼 後 擁 ，去 布庫房 睇 啲 武士 摔跤 ，噉 就 神色 莊嚴 ，唔同 韋小寶 講笑 嘞 。
啲 武士 見到 皇上 駕到 ，噉 啊 個個 都 落足力 嚟到 搏鬥 。
康熙 睇咗 一陣 ，就 叫 一名 肥大 嘅 武士 過嚟 話 ：
我 身邊 有 個 小太監 ，亦 學過 一啲 摔跤 ，你 教 佢 幾手 啦 。
佢 擰轉頭 對 韋小寶 話 ：你 跟 佢 學 下 啦 。
講完 左 眼 眨咗 一眨 。
佢 兩個 都 見到 ，呢個 武士 雖然 係 身材 魁梧 啊 ，卻 係 笨手笨腳 ，睇嚟 ，唔係 韋小寶 嘅 對手 。
兩個人 落場 之後 扭打咗 幾轉 ，韋小寶 使出 一招 順水推舟 ，想 將 嗰個 武士 推出去 。
點知 嗰個 武士 又 肥 又 大 身體 好 重 ，點都 推 佢 唔 逳 。
嗰個 武士 首領 背轉 個 身 猛咁 打 眼色 。
嗰個 肥大 武士 會意 嘞 ，咪 詐諦 企唔穩 ，噼啪 一 聲 噉 跌低 ，好耐 都 躝唔翻起身 。
噉嗰班武士 同 太監 啊 齊聲 喝彩 。
康熙 非常之 歡喜 ，叫 身邊 嘅 太監 賞咗 一錠 銀 畀 韋小寶 。
佢 個 心 諗 ：小桂子 嘅 武功 唔 及 我 ，佢 能夠 推 到 呢個 大嚿佬 ，我 自己 都 得 嘅 。
真係 心 都 痕晒 真係 躍躍欲試 啊 。
但 係 礙於 自己 係 萬乘之尊 ， 總 唔 能夠 落 場 逳 手 㗎 ， 噉 啊 歎 一口氣 ， 對 身邊 嘅 太監 話 ：
你 去 選 三十名 小太監 嚟 ，都係 要 十四五歲 ，叫 佢哋 日日 嚟 呢處 練 功夫 。
邊個 學得快 嘅 ，好似 呢個 小桂子 噉樣 ，我 就 有 賞賜 。
嗰個 太監 含笑 應咗 ，個 心 諗 ：皇帝 係 細佬 哥 脾氣 ，總係 要 搞 啲 新鮮嘢 玩下 㗎喇 。
韋小寶 返到去 住地 ，海老公 就 問 佢 今日 同 小玄子 比武 嘅 經過 。
韋小寶 講得 有聲有息 ，似乎 一番 大戰 啊 雙方 打到 激烈 非凡 。
但 係 海老公 仔細 噉 盤問 ， 即刻 就 發覺到 破綻 喇 ， 黑起塊 面話 ：
小玄子 做咩事 啊 ？今日 佢 病咗 啊 ？
韋小寶 話 ：冇啊 ，誒 不過 佢 精神 唔係 點 好 。
哼 ！你 從頭到尾 ，一招一式 噉 講畀我聽下 。
韋小寶 知道 瞞 佢 唔過 喇 ，就 唯有 照實 噉 詳詳細細 講畀 佢 聽 。
海老公 擔 高頭 慢慢噉 話 ：
呢一招 ，你 明明 可以 將 佢 個頭 扭去 左便 嘅 ，你 又 想 將 佢 個身 抱起嚟 ，以致 落敗 。
你 唔係 唔會 ，而係 故意 喺度 讓 佢 ，點解 啊 ？
韋小寶 笑嘞 ：我 亦 冇 故意 讓 佢 㗎 ，不過 佢 打得 客氣 噉 我 又 手下留情 啫 嘛 。
我 同 佢 做咗 好 朋友 ，梗係 唔能夠 打得 太過 過分 啦 。
你 同 佢 做咗 好 朋友 啊 ？
哼 ，不過 你 嘅 打法 唔係 手下留情 ，而係 唔敢 碰 佢 。
你 終於 ， 你 終於 知道 咗 喇 吓 ？
我 ， 我 ， 我 知道 啲 乜嘢 啊 ？
係佢 自己 講 嘅 ，定係 你 估到 㗎 ？
你 講 咩嘢 啫 ，我 都 唔明 嘅 。
你 老實 講 ，吓 。
你 點 知道 小玄子 嘅 身份 㗎 ？
海老公 一伸手 ，揦實 韋小寶 左手手腕 ，韋小寶 當堂 痛到 入骨 。
佢 啲 手骨 啦 啦 聲響 ， 似乎 想斷 想斷 噉 ， 佢 就 大聲 嗌 話 ： 投降 啊 ， 投降 啊 ！
你 點 知道 㗎 ？啊 ，講 啦 。
佢 一字 講 一次 出力 捻 。
韋小寶 大 嗌： 喂喂 喂 ， 喂 ， 你 ， 哎 你 ， 你識 唔 識 規矩 㗎 ？ 我 已經 叫 咗 投降 啦 嘛 你 仲 唔 放手 ， 哎呀 ， 放手 ！
我問 你 ， 你 就 好好 地答 我 。
好啦 好啦 好啦 。
你 如果 早就 知道 小玄子 係 邊個 ， 我 就 同 你 講啦 ， 如果 唔 係 ， 你 捻 死 我 我 都 唔 講 。
噉 有 咩 稀奇 啫 ？小玄子 就係 皇上 咯 。
我 初初 教 你 大擒拿手 嘅 時候 就 已經 知道 㗎 喇 。
講完 ，就 放翻開 隻手 。
哎 ，啊 ，原來 你 早就 知道 㗎 喇 係嘛 ？一路 瞞住 我 喎 你 ，噉 啊 同 你 講 都 唔 緊要 。
於是 韋小寶 將 尋日 喺 上書房 裏 便 撞見 康熙 同 鰲拜 嘅 事 講咗 。
噉啊 講到 今日 喺 布庫房 打低 一名 肥大 武士 ，又 試 眉飛色舞 起嚟 。
海老公 聽得 極之 仔細 ，不停 噉 插口 嚟到 問 。
韋小寶 講到 收尾 佢 又 話 ：皇上 吩咐 我 唔准 同 你 講 㗎 。
你 如果 洩漏咗 出去 啊 ，我哋 兩個人 都 要 殺頭 。
海老公話 ：皇上 同 你 係 好朋友 ，唔會 殺 你 ，只係 會 殺 我 㗎啫 。
你 知 就 好啦 。
皇上 要 三十名 小太監 一齊 練武 ，噉 係 做乜嘢 呢 ？
九成 佢 係 技癢 ，同 你 打得 唔過癮 ，就 要 搵 啲 小太監 嚟 捱 佢 打 嘞 。
海老公 講完 企起身 ，喺 房間 行咗 十幾個 來回 然後 話 ：
小桂子 ，你 想唔想 討好 皇上 呢 ？
韋小寶話 ：佢 係 我 嘅 好朋友 ，使到 佢 歡喜 開心 ，噉 亦 係 做 朋友 應該 㗎 。
海老公 大聲噉話 ：我 有 一句 説話 ，你 好好地 記住 喺 心嚟 。
從 今 之 後 ，皇上 再 講 同 你 係 咩 嘢 好朋友 啊 等等 ，你 無論 如何 唔好 認 。
你 係 乜嘢 新絲蘿蔔皮 啊 ，真係 能夠 同 皇上 做 朋友 咩 ？
佢 今日 仲係 個 細佬哥 ，貪 高興 講 下 嚟 玩 ，當得 真 㗎 ？
你 再 係 噉樣 亂噏 無為 ，因住 你 嘅 人頭 啊 。
韋少寶 本來 亦 諗到 呢種 説話 唔能夠 隨口 亂講 㗎喇 ，而家 畀 海老公 噉樣 疾言厲色 一點醒 ，噉 佢 伸 一伸 條 脷 話 ：
以後 殺咗 我 個 頭 都 唔 講 喇 。
不過 人頭 落地 之後 ，係咪 仲 能夠 擘開口 講説話 嘅 呢 噉 我 就 唔知 喇 。
海老公 哼咗 一聲 話 ：你 想唔想 學 上乘 武功 吖 ？
韋小寶 好 歡喜 噉 話 ：你 肯 教 我 上乘 武功 啊 噉 真係 求之不得 啦 。
公公啊 ，你 噉樣 一身 好 武藝 ，唔 收 翻 個 徒弟 傳 落 嚟 ，豈不是 好 可惜 ？
世上啲人 ，陰險奸詐 嘅 多 ，忠厚老實 嘅 少 。
收咗 個 壞 徒弟 ，等 佢 嚟 謀害 師父 ，噉 又 何苦 呢 ？
韋小寶 個 心 一 動 ：我 整盲 咗 佢 雙眼 ，佢 個 心 係 唔係 知道 啲 呢 ？
咦 ，呢件事 性命交關 啊 ，非要 查個 清清楚楚 明明白白 不可 。
但係 見 海老公 神情 木木獨獨 ，並 冇 憤怒 嘅 樣 佢 就 話 ：
噉唔係 ，既要 你 信得過 ，又 對 你 忠心 ，本來 亦 唔係 咁 容易 搵 㗎 。
世間上 呀 就 怕 只有 我 小桂子 一個人 喇 。
公公 ，你 估 我 去 上書房 做 乜嘢 啊 ？
我係 冒咗 殺頭 嘅 危險 ，想去 將 嗰部 四十二章經 偷出嚟 畀 你 啊 。
只不過 皇上 書房 裏 便 啲 書 呢 成千上萬 咁多 ，我 又 唔係 點 識字 嘅 。
海老公 插嘴 話 ：嗯 ，你 又 唔係 點 識字 嘅 。
韋小寶 個 心 兵 砰噉 一 跳 ：哎呀 弊 ，唔 知道 小桂子 識字 多 唔多 嘅 呢 ？
如果 佢 識 好多 好多 字 嘅 ，我 噉樣 講 就 穿晒煲 嘞 。
佢 連忙 話 ：我 搵嚟搵去 ，都 搵唔到 嗰部 四十二章經 。
不過 唔緊要嘅 ，以後 我 時時 都 能夠 去 上書房 喇 ，點 都 可以 順手牽羊 噉 牽返嚟 㗎 嘛 。
你 記得 就好啦 。
我 點 會 唔 記得 啫 ？
公公 你 待 我 啊 真係 唔話得 㗎喇 ，我 如果 唔想法子 好好 噉 報答 你 ，呢 一生一世 ，真係 枉自為人 喇 。
海老公 自言自語 噉 話 ：嗯 ，我 如果 唔 想法子 好好 報答 你 ，呢一生一世 真係 枉自為人 咯 。
呢 兩句 説 話 講 得 冷冰冰 ， 韋小寶 聽 咗 不由得 背脊 啲 汗毛 都 棟 篤 企 。
偷偷望下佢嘅面色 ，又乜都睇唔出嘞 ，個心諗 ：
隻 老烏龜 好鬼 厲害㗎 ，佢 一早 就 知道 小玄子 就係 皇上 ，之 半點 口風 都 唔 露 ，我 真係 要 因住 啲 至得 。
佢 如果 知道 咗 佢 雙眼 係 我 整盲 㗎 ， 我 韋小寶 雙眼 如果 仲 能夠 保得住 呢 ， 噉 實 係 老天爺 就 冇 咗 眼核 咯 。
噉 兩個 人 默默 相對 ，韋小寶 半步 半步 噉 壓去 門邊 。
只要 睇 出海 老公 神情 稍為 有啲 惡意 佢 即刻 就 飛奔 出去 ，決心 逃出去 宮外 從此 唔再 返嚟 㗎 嘞 。
海老公話 ：你 以後 再 唔 能夠 用 大擒拿手 同 皇上 打 㗎 喇 。
呢門 功夫 再 學落去 ，都係 啲 分筋錯骨 嘅 手法 ，打甩 人哋 嘅 關節 扭斷 人 嘅 筋骨 。
呢啲 手法 ，點 能夠 用 喺 皇上 身上 呢 ？
韋小寶 應 佢 一聲 係啊噉 。
海老公 又 話 ：我 從 今日 起 ，教 你 一門 功夫 ，叫做 大慈大悲千葉手 。
哈 ，呢個 名 又 古怪 嘞 ，我 只係 聽過 大慈大悲 救苦救難 觀世音菩薩 啫 。
你 有冇 見過 千手觀音 啊 ？
千手觀音 ？ 見過 ， 觀音菩薩 身上 呢 生 咗 好多好多 手 嘅 ， 每 隻 手 揸 嘅 嘢 呢 都 唔 同 嘅 。
有啲 呢 係 個 花樽 ，有啲 係 一 支 樹枝 ，仲有 籃 啊 ，唥唥 啊 噉 ，好得意 㗎 。
你 係唔係 喺 揚州 啲 廟 裏 便 見到 㗎 ？
揚州 的 廟 ？
嘩 ！呢一 驚 ，真係 非同小可 咯 ，佢 一個 箭步 飆到 門邊 ，想 奪門而出 嘞 。
海老公話 ：千手觀音 呢 ，天下 就 淨係 揚州 啲 廟裏 便 先至 有 。
你 冇 去過 揚州 啲 廟 ，點能夠 見得到 千手觀音 啊 ？
韋小寶 輕輕 噉 㗾咗 一啖 氣 ，佢 心諗 ：
原來 只有 揚州 啲 廟 裏 便 先至 有 千手觀音 嘅 ，爭啲 畀 你 嚇到 瀨尿 啊 。
佢 連忙 話 ：我 點 會 去過 揚州 唧 ，揚州 喺 邊處 嚟 㗎 ？
其實呀 千手觀音 啊 咩 乜乜物物 ，我 都 係 聽 人哋 講 㗎啫 嘛 我 冇 見過 。
想 喺 你 老人家 面前 吹 幾句 牛 ，威翻下 ，點知 你 見多識廣 ，一下 就 督穿 我 嘅 牛皮 喇 。
要督 穿 你 呢個 滑頭仔 嘅 牛皮 ，認真 唔 容易 啊 。
容易 ， 誒 容易 ， 好容易 啫 ， 誒 ， 我講 一句 大話 ， 都 唔 到 半個 時辰 ， 就 畀 你 老人家 督穿 咗 西洋鏡 喇 。
海老公 嗯 咗 一聲 又問 ： 乜 你好 冷 啊 ？ 點解 唔 着 多件 衫 啊 ？
我 唔 冷 啊 。
你唔冷 ？乜 你 講説話 啲 聲 都有 啲 震震下 嘅 ？
哦 ， 哦 ， 哦 ， 我 先頭 畀 啲 冷風吹 咗 一陣 啫 嘛 ， 啊 而家 好 喇 冇 事 喇 。
門邊 風 大 啊 ，唔好 企 喺 門口 啊 。
哦 ，哦 。
噉韋小寶就行近幾步 ，但係呢點都唔敢行到海老公身邊 。
嗱 各位 ，欲知 後事 如何 ，且 聽 下回 分解 。
