前文 再續 啊 書 接 上 一回 啊 ，話説 韋小寶 偷入 上書房 。
佢 將 匕首 由 門罅 插入去 ，輕輕噉 撥咗 幾撥 ，噉 將 條 門 戌 向 上面 頂起 ，噉啊 將 道 門 推開 兩 寸 咁多 。
喺 門罅 嗰度 攝 個 手 入去 揦住 條 門戌 先 ，就 唔 畀 佢 跌落地 出聲 ，噉 先至 推開 道 門 入去 ，反身 又 閂翻 道 門 ，上咗 門戌 。
噉啊聽下 房裏 便 冇 咩 動靜 喇 ，就 一步一步 噉 鼠 入去 ，伸 個 頭 喺 書房 裏 便 裝 一 裝 ，好彩 冇 人 。
等咗 一陣 ，噉 先至 入去 。
佢 行到 張 書枱 前 便 ，見到 嗰 張 褸住 繡 龍 錦緞 嘅 椅 。
忽然間 ，佢 有 一個 難以 抑制 嘅 衝動 ：
佢 阿爺 吖 呢 張 龍椅 皇帝 坐得 ，老子 就 唔 坐得 ？
佢 一步 檻埋去 就 坐 喺 龍椅 上便 ，啱啱 坐落 嗰 陣 個 心 乒砰乒砰乒砰 猛咁 跳 ，噉 坐咗 一陣 間 個 心 諗 ：
呢張椅 都 唔係 點 舒服 嘅 啫 ，做 皇帝 亦 冇 乜 咁 叻唧 。
噉佢 終歸 唔敢 坐 咁耐 ，就 起身 去 書架 嗰度 搵 嗰部 四十二章經 。
不過 書架 上面 幾 千 部 書 ，一部 沓住 一部 。
嗰啲 書名 一百 部 之中 呢 ，就 難得 有 一兩個 字 識 嘅 。
噉就搏命去搵個四字啦 ，吖四字都叫做搵到幾次噃 ，不過下便就冇十字同埋個二字嘅 。
原來 佢 所搵到 嘅 冚𠾴唥 都係 四書 ，咩嘢 四書集注 、四書正義 之類 。
搵 咗 一輪 ， 咪 見到 一部 十三經 注疏 ， 識得 十三 兩個 字 嘞 ， 歡喜 咗 一陣 ， 但 知道 嗰 部 書 呢 到底 唔 係 四十二章 經 。
正在 忙 無頭緒 嘅 時候 ，忽然間 聽見 書房 外 便 ，咯咯咯噉 嘅 靴聲 ，跟住 兩 扇 門 咿噉 開咗 咯 。
原來 嗰便 一座 大屏風 後 便 啊 另外 有 門 嘅 ，有 個 人 行咗 入嚟 。
韋小寶 嚇到 大吃一驚 ：哎呀 ，嗰便 原來 有 門 ，老子 今日 要 滿門 抄斬 咯 。
呢個 時候 ，想 去 開 門 由 入嚟 嗰道 門 出 翻 去 就 無論 如何 嚟唔切 㗎 喇 ，噉 啊 連忙 貼 牆 企 響 處 縮 喺 一 排 書架 後 便 。
只聽 有 兩個 人 行 入 書房 ，用 拂塵 四面 噉 發下 。
過咗冇幾耐 ，又 有 一個 人 行 入嚟 ，先頭 嗰 兩個 人 呢 就 退出咗 書房 。
新入嚟 嗰個人 呢 就 喺 書房 裏 便 慢慢 噉 來回 踱步 。
韋小寶 個 心 諗 ：弊家 溜喇 ，實係 啲 侍衞 喺 房間 處 巡視 定 嘞 。
唔通 我 喺 後門 入嚟 ，畀 佢哋 發現咗 蹤跡 ？
嘩 ，不由得 背脊 出咗 一陣 冷汗 。
噉嗰個人呢 踱步 踱咗 好耐 。
忽然間 門外 有人 高聲 話 ： 回 皇上 ， 鰲 少 保有 急事 要 叩見 皇上 ， 喺 外 便 候旨 。
房裏 便 嗰個人 嗯咗 一聲 。
韋小寶 又 驚 又 喜 ：哎呀 ，原來 呢個 人 就係 皇帝 。
嗰個 鰲少保 就係 茅大哥 要 同 佢 比武 嗰個 人 喇 。
呢 個人 算得 係 咩 嘢 滿洲 第一 勇士 ， 唔 知個樣 係 點樣 威武 法 嘅 呢 ？
非要 偷睇 一下 不可 ，下次 見到 茅大哥 呢 ，就 有得 我 講 㗎喇 。
只聽見 門外 嘅 腳步聲 好重嘅 ，有個人 行咗 入嚟 書房 話 ：
奴才 鰲拜 ，叩見 皇上 。
講完 就 跪低 叩頭 。
韋小寶 連忙 伸 個 頭 出去 裝 下 ，只見 一 個 魁梧 大漢 趴 喺 地下 叩頭 。
佢 唔 敢 睇 咁耐 啊 ，怕 鰲拜 一 擔 高頭 就 見到 自己 ，噉 連忙 將 個 頭 縮翻埋 。
但係 個 身 呢 就 稍為 移 出去 啲 咁多 ，打 斜 對住 鰲拜 ，佢 心諗 ：
你 又 對住 皇帝 叩頭 ，又 對住 老子 叩頭 。
乜嘢 滿洲 第一 勇士 第二 勇士 ，有 咩嘢 咁 醒 啊 ？仲咪 一樣 要 叩頭 畀 我 韋小寶 。
只聽見 個 皇帝 話 ：起身 。
鰲拜 就 企翻 起身 話 ：回 皇上 ，蘇克薩哈 懷有 異心 ，佢 嘅 奏章 ，大逆不道 ，非 處 極刑 不可 啊 。
皇帝 嗯咗 一 聲 不置可否 。
鰲拜 又 話 ：皇上 啱啱 親政 ，蘇克薩哈 呢個 嘢 就 上奏章 ，講 咩 嘢 兹 遇 躬親 大政 ，伏祈 睿鑒 ，令 臣 往 守 先皇帝 陵寢 ，如 線 餘息 ，得以 生存 。
噉唔係明明藐視皇上咩 ？
皇上 唔 親 大政 ， 佢 就 可以 生 ， 皇上 一親 大政 佢 就 要死 嘞 ， 噉 就 係 話 皇上 對 奴才 們 殘暴 到極 喇 。
皇帝 仍然 係 嗯咗 一聲 。
鰲拜 又 話 ：奴才 同 王公 貝勒 大臣 會議 ，都 話 蘇克薩哈 總共有 二十四 項 大罪 。
懷抱奸詐 ，存蓄異心 ，欺藐幼主 ，不願歸政 ，實在係 大逆不道 啊 。
按照 本朝 大逆律 ， 應該 連 埋 佢 嘅 長子 內 大臣 察克旦 ， 一齊 凌遲 處死 ；
養子 六 人 ，孫 一 人 ，兄弟 嘅 仔 兩 個 人 ，全部 斬決 。
佢 同族 前鋒 營 統領 白爾赫 、侍衛 額圖 等 人 ，亦都 斬決 。
皇帝 話 ：噉樣 處罪 ，怕 重過頭 喇啩 ？
韋小寶 個 心 諗 ：呢個 皇帝 把 聲 好似 個 細佬 哥 ，同 小玄子 好似 吖 真係 好笑 喇 。
鰲拜 話 ： 回 皇上 ， 皇上 年紀 仲細 ， 對於 朝政 大事 恐怕 仲未 十分 明白 。
呢個 蘇克薩哈 奉先王 遺命 ，同 奴才 等 共同 輔政 ，聽見 皇上 親政 應該 歡喜 至 係吖嘛 。
佢 係 上 呢道 奏章 ，誹謗 皇上 ，顯然 係 包藏 禍心 ，請 皇上 准 臣下 之 議 ，立 加 重 刑 。
皇上 親政 初期 ，應該 立 個 威 啊 ，使 臣下 心生 畏懼 。
如果 寬縱 咗 蘇克薩哈 呢啲 大逆不道 之 罪 ，日後 眾臣下 都 欺負 皇上 年幼 ，出言不敬 ，行事 無禮 ，噉 皇上 嘅 事情 就 好 難 辦 㗎 喇 。
韋小寶 聽 佢 説話 嘅 語氣 非常之 驕傲 ，個 心 諗 ：
你呢只老烏龜吖 ，自己 夠 係 出言不敬 行事 無禮 咯 。
你 話 皇帝 年幼 ， 唔 通 皇帝 係 個 細佬哥 ？ 哈 噉 又 得意 噃， 唔 怪 得 佢 講 説 話 把 聲 有 啲 似 小玄子 啦 。
只聽見 個 皇帝 話 ：蘇克薩哈 雖然 唔啱 ，不過 佢 係 輔政大臣 ，同 你 一樣 都 係 先帝 好 睇重 嘅 。
如果 朕 親政 嘅 初期 ，就 ，就 殺咗 先帝 眷顧 嘅 重臣 ，先帝 在天之靈 ，怕 唔 歡喜 啊 。
鰲拜哈哈一笑話 ：皇上 ，你 呢幾句 説話 真係 細佬哥 説話 。
先帝 命令 蘇克薩哈 輔政 ，係 囑咐 佢 好好噉 侍奉 皇上 ，用心 辦事 。
佢 如果 體念 先帝 嘅 厚恩 ，就 應當 盡心竭力 ，赴湯蹈火 ，為 皇上 效 犬馬之勞 ，噉 先至 係 做 奴才 嘅 規矩 吖嘛 。
不過 呢個 蘇克薩哈 心存怨望 ，又 公然 誹謗 皇上 。
話咩嘢 ，致休乞命 ，噉即係 話佢 自己 條命 緊要 ，皇上 嘅 朝政 大事 就 唔 緊要 喇 。
係 呢個 嘢 對唔住 先帝 ，而 唔係 皇上 對唔住 呢個 嘢 啊 ，哈哈哈哈 。
皇帝 話 ：鰲少保 有 咩 咁 好笑 啊 ？
鰲拜 打 咗 個 突 連忙 話 ： 係 ， 係 ， 誒 ， 唔 係 。
皇帝 唔 出聲 ，過咗 好耐 下 先至 話 ：
就算 唔係 朕 對唔住 蘇克薩哈 ，但係 如果 而家 殺咗 佢 ，未免 有 傷 先帝 之 名 啊 。
天下 百姓 如果 唔係 話 我 殺錯咗 人 ，就 會 話 先帝 無知 人之能 喇 。
朝廷 將 蘇克薩哈 二十四 條 大罪 公佈 於 天下 ，噉 人人 個 心 都 會 諗 ：
原來 蘇克薩哈 呢個 嘢 係 咁 罪大惡極 嘅 。
噉樣 一個 壞蛋 ，先帝 居然 會 用 佢 嚟 做 輔政大臣 同 你 鰲少保 並列 ，噉 ，噉 豈不是 太過 冇見識 嘞 咩 ？
韋小寶 個 心 諗 ：呢個 細佬 哥 皇帝 啲 説話 講得 幾 有道理 噃 。
鰲拜 話 ： 皇上 只知其一 ， 不知其二 啊 。
天下 百姓 鐘意 點 想 咪 由得 佢哋 胡思亂想 咯 ，諒 佢哋 亦 唔 敢 隨便 講 出口 嘅 。
有邊個 敢 講 一句 先帝 唔啱 ，睇 佢哋 有 幾多 個 人頭 。
皇帝 話 ：古書 上面 講得 好 ，防民之口 甚於 防川 ，一味 殺頭 ，唔准 啲 百姓 講出 心裏 便 嘅 説話 ，到底 都係 唔好 嘅 。
鰲拜話 ：漢人 書生 嘅 説話 ，千祈唔好聽啊 。
如果 漢人 呢啲 讀書人 講 嘅 説話 啱嘞 ，點解 漢人 嘅 江山 ，又 會 落入 我哋 滿洲人 嘅 手 內 呢 ？
所以 奴才 奉勸 皇上 ，漢人 呢啲 咁多 書 都係 少讀 為妙 啊 ，越 讀 頭腦 就 越 糊塗 㗎 。
皇帝 並唔 出聲 。
鰲拜 又 話 ：奴才 當年 跟隨 太宗 皇帝 同 先帝 爺 東征 西討 ，由 關外 打到 關內 ，立下 無數 汗馬 功勞 。
漢字 唔識 一個 ，一樣 殺咗 唔少 南蠻 。
打天下 同保 天下 ， 仲 係 要 用 我 哋 滿洲 人 嘅 法子 嘅 。
皇帝 話 ：鰲少保 嘅 功勞 當然 極大 ，否則 先帝 亦 唔會 噉樣 重用 少保 嘞 。
鰲拜話 ：奴才 就只知道 赤膽忠心 ，同 皇上 辦事 嘅啫 。
自從 太宗皇帝 起 ，到到 世祖皇帝 ，再 去到 皇上 都 係 一樣 㗎 。
皇上 ，我哋 滿洲人 辦事 ，講究 有賞有罰 ，忠心 嘅 有 賞 ，不忠 嘅 處罰 。
呢個 蘇克薩哈 ，係 個 大大 嘅 奸臣 ，非 處以 重刑 不可 啊 。
韋小寶 個 心 諗 ：你 阿爺 吖 ，淨係 聽 你 把 聲 咋 就 知道 你 係 個 大大 嘅 奸臣 喇 。
皇帝 話 ：你 一定要 殺 蘇克薩哈 ，到底 你 自己 有 咩 原因 啊 ？
鰲拜話 ：我 有 咩 原因 ？唔通 皇上 以為 奴才 有 咩嘢 私心 啊 ？
佢 越 講 把聲 就 越 響 ，語氣 呢 亦 越嚟越 凌厲 嘞 。
停咗 一停 佢 又 大聲 話 ：奴才 為嘅 係 我哋 滿洲人 嘅 天下 。
太祖 皇帝 、 太宗皇帝 辛辛苦苦 創 落 嘅 基業 ， 做 子孫 嘅 就 唔 能夠 敗壞 佢 ！
皇上 噉 樣問 奴才 ， 奴才 真 係 唔 明白 皇上 係 咩 嘢 意思 啊 ！
韋小寶 聽 佢 講得 咁 兇狠 ，吃咗 一 驚 。
忍唔住 伸個頭 望出去 ，只見 一條 大漢 滿面 橫肉 ，雙眉 倒豎 ，凶神惡煞 噉 行上前 ，雙手 啊 揸實 個 拳頭 。
嗰個 少年 吖 噉 一 聲 驚叫 ，喺 張 椅 處 跳起身 。
嗰個 少年 一 側頭 嘅 時候 ，韋小寶 情不自禁 亦係 吖噉 驚叫 一 聲 。
呢 個 少年 皇帝 唔 係 邊個 啊 ， 正 係 日日 同 佢 比武 打交 玩 嘅 小玄子 啊 。
韋小寶 見到 皇帝 ，就算 皇帝 個 樣 好似 妖魔鬼怪 噉 佢 決 唔會 嗌出聲 嘅 。
但係 一見到 皇帝 居然 係 小玄子 ，呢一下 驚奇 真係 非同小可 。
但係 佢 一嗌出聲 ，知道 弊傢伙 喇 ，即刻 轉身 就 想 趯 出去 逃命 。
但係 心念 一轉 真係 閃電 咁快 ：小玄子 嘅 武功 高過 我 ，鰲拜 就 更加 厲害 喇 ，我 點 都 走唔甩 嘅 。
靈機一動 個 心諗 ：呢一手 幾大 都 要 賭 㗎喇 ，通殺 通賠 ，就 擲 呢一手 。
佢 啪 聲 跳出去 ， 喺 皇帝 面前 擋住 ， 喝 鰲拜 話 ： 鰲拜 ， 你 做 乜嘢 啊 ？ 你 膽敢 對 皇上 無禮 啊 。
你 要 打人 殺人 ，要過 我 呢一關 先 。
鰲拜 身經百戰 ，功大 權重 ，對 康熙 呢個 少年 皇帝 本來 就 唔係 點 放在眼內 嘅 。
康熙 譏諷 佢 話 要 殺 蘇克薩哈 係 出於 私心 ，啱啱 督正 佢 嘅 痛處 。
此人 係 個 衝鋒陷陣 嘅 武將 ，正在 嬲到 火紅火綠 嘅 時候 ，就 揸實 拳頭 上前 想 同 康熙 搏過 ，其實 呢 ，亦 並冇 犯上 作亂 嘅 心 嘅 。
突然間 見到 書架 後 便 衝出 個 小太監 ，擋住 喺 皇帝 面前 ，喝罵 自己 ，不由得 大吃一驚 。
噉 先 至 諗 起 做 臣子 嘅 ， 點樣 可以 噉 樣 揸 實 拳頭 威脅 皇帝 嘅 呢 ？
急忙 退後 幾步 大聲 話 ： 你 亂講 乜嘢 ， 我 有事 稟奏 皇上 之 嘛 ， 邊度 係 對 皇上 無禮 呢 ？
講完 ，又 退後 兩 步 ，垂低 雙手 恭恭敬敬 噉 企 響 處 。
每日 同 韋小寶 比武 玩 嗰個 小玄子 啊 ，正係 當今 大清 康熙 皇帝 。
嗱 各位 ，康熙 呢 本來 係 年號 嚟 嘅 啫 ，但係 通俗 小説 就 習慣 唔 叫 佢 本來 嘅 名 ，而 叫 佢 做 康熙 嘅 。
佢 本名 叫做 玄燁 ， 當日 見到 韋小寶 唔 識 自己 ， 問 自己 叫做 咩 嘢 名 ， 佢 到底 係 個 細路 ， 一時 貪 得意 隨口 就 話 叫做 小玄子 噉 。
佢 秉承 滿洲人 嘅 習性 ，鐘意 玩 摔跤 。
只係 練習 摔跤 呢門 功夫 啊 ，就 一定要 扭打 跌撲 ，摱頸 拗腰 嘅 。
啲侍衞 雖然 教識 佢 摔跤 嘅 方法 啫 ，但係 又 有 邊個 膽敢 對 皇帝 咁 粗魯 無禮 至得 㗎 ？
有邊個 敢 去 用力 摱佢 個 龍頭 ，捻 佢 個 御頸 啊 ？
噉畀 皇帝 逼到 緊 嘅 時候 就 唯有 裝模作樣 ，皇帝 嘅 御腿 掃過嚟 噼啪 噉 就 跌倒 ；
御手 一扭 過嚟 ，即刻 就 跪低 投降 ；
勉強 要 還擊 一招半式 ，亦係 掂到 件 衫 邊 呢 即刻 就 要 停手 。
康熙 再三 囑咐 一定 要 真 打 啊 ， 但 嗰 班 侍 衞 冇 一個 有 噉 嘅 膽 呢 ， 至多 不過 呢 扮演 得似 一 啲 而已 啫 。
同 皇帝 捉棋 啊 ，都 仲 可以 詐 假意 出力 拼搏 ，殺到 難分難解 ，直到 最後 關頭 先至 輸 噃 。
不過噉 ，據說 清末 慈禧太后 同 某一個 太監 捉象棋 ，嗰個 太監 啊 食咗 慈禧 隻 馬 ，就 話 ：奴才 殺咗 老佛爺 一隻 馬 。
慈禧 啊嬲佢 講説話冇禮 ，即時 叫人 將佢 拖出去 亂棍 打死 啊 。
噉摔角呢樣嘢呢 ，就 好難 裝假狗 嘅 。
就算 最後 必定 輸啊 中間 扭打 嘅 時候 ，又 有 邊個 敢 捉住 皇帝 嚟 𢴈佢 一交 吖 ？
康熙 對 摔角 啊 極之 有 興趣 。
噉 見到 嗰班 侍衞 互相 比武 嘅 時候 精彩百出 ，一到 做 自己 嘅 對手 嘅 時候 就 戰戰兢兢 ，死蛇爛鱔 噉 ，個 心 啊 極之 唔 過癮 。
收尾 又 換咗 太監 嚟 做 對手 ，吖 仲 弊 ，個個 都 好似 捱打 唔 還手 嘅 死人 噉 嘅 。
做 皇帝 本來 要 乜嘢 有 乜嘢 㗎 ，但係 要 搵 一個 真正 嘅 比武 對手 呢 真係 難 難 難 難 難 喇 。
有時 佢 真係 想 化妝 做個 平民 ，出去 外便 搵 個 老百姓 嚟 打翻 一場 交玩下 ，睇下 自己 嘅 武功 到底 係 點 。
但係噉樣做 ，畢竟 太過 危險 ，到底 不過 係 少年皇帝 偶然間 㷫起 異想天開 而已啫 。
噉嗰日 無意之中 見到 韋小寶 ，噉啊 打咗 一場 ，韋小寶 出盡全力 仲係 輸咗 。
康熙 就 歡喜 到 不得了 ，平生 啊 以 呢 一場 交 打得 最 開心 嘞 。
韋小寶 約 佢 第日 再 嚟 比武 鬥過 ，正係 投其所好 ，噉啊 從此 兩個人 就 日日 比武 。
康熙 始終 唔 揭穿 自己 嘅 身份 ， 比武 嘅 時候 ， 亦 從來 唔 准 第 啲 太監 行 近 嘅 以免 泄露 咗 秘密 。
因為 呢個 小太監 只要 一 知道咗 對手 係 皇帝 啊 ，逳起手嚟 就 毫無 趣味 㗎 嘞 。
宮內 嘅 太監 成千 人 以上 ，從來 未 見過 皇帝 嘅 本來 亦 唔少 。
但 係 淨身 入宮 ， 淨身 即 係 割 咗 生殖器官 ， 首先 必須 學習 宮中 種種 規矩 ， 品級 服飾 等等 高下 嘅 分別 。
見到 康熙 身穿 皇帝 服飾 而 居然 唔識 嘅 ，亦 只有 韋小寶 呢個 冒牌貨 一個人 嘞 。
就 康熙 嚟 講 ，呢個 糊塗 小太監 真係 萬金 難買 ，實在 係 難得 而 可貴 之至 啊 。
噉啊 此後 康熙 嘅 武功 漸漸 有 長進 ，韋小寶 居然 亦 能夠 跟得上 。
兩個人 打嚟打去 始終 係 旗鼓相當 ，而 韋小寶 呢 ，又 稍為 差咗啲啲 。
噉樣 一嚟 康熙 又 需要 努力 練功 先至 不至於 落敗 。
佢 係 個 十分 要強 好勝 嘅 人 ，練功 越 有 進步 ，興趣 就 越 高 ，對 韋小寶 嘅 好感 呢 亦 大大 增加 嘞 。
呢一日 ，鰲拜 嚟到 上書房 啟奏 要 殺 蘇克薩哈 。
康熙 早就 知道 鰲拜 為咗 鑲黃旗 同 正白旗 兩 旗 換地 嘅 爭執 ，同 蘇克薩哈 有 仇 啊 ，今日 一意 要 殺 蘇克薩哈 呢 ，乃係 出於 私怨 ，因此 就 遲遲 唔 同意 。
誰知 鰲拜 囂張 跋扈 ，一下 發起火嚟 就 顯出 武將 嘅 習氣 ，捋袖 握拳 ，就 好似 上嚟 逳手 噉 。
鰲拜 身形 魁梧 樣子 猙獰 ，康熙 見到 佢 氣勢 洶洶 噉 行前嚟 都 不免 吃驚 。
所有啲侍衞 呢 ，都 喺 上書房 外 便 侍候 ，嗌 佢哋 就 嚟 唔切 㗎 喇 。
何況 班 侍衞 大多數 都 係 鰲拜 嘅 心腹 ，完全 唔 可靠 㗎 。
噉正係冇收嘅時候 ，咁啱 韋小寶 跳咗出嚟 ，康熙 好歡喜 ，佢 諗 ：
我 同 小桂子 合力 就 可以 同 鰲拜 呢個 傢伙 鬥 一鬥 嘞 。
及至 見 鰲拜 退翻 後 ，就 更加 寬心 嘞 。
韋小寶 情不自禁 噉 出聲 驚叫 ，洩露 咗 行藏 ，噉就 唯有 鋌而走險 ，賭 佢 一鋪 啦 ，噉咪 衝出嚟 喝 鰲拜 。
佢 自己 都 估唔到 一喝 ，鰲拜 啊 竟然 退下 噃 哇威咯 ，佢 大聲 話 ：
殺唔殺蘇克薩哈 ，當然 係 由 皇上 揸 主意 啦 。
你 對 皇上 無禮 ，舉起 拳頭 想 打人 ，唔怕 殺頭 抄家 啊 你 ？
呢句 説話 就 講 正鰲拜 嘅 心事 ，嚇到 佢 當堂 背脊 出晒 冷汗 。
佢 知道 啱先 嘅 行為 實在 太過 魯莽 喇 ，就 即刻 對 康熙 話 ：
皇上 唔 好聽 呢 個 小太監 嘅 胡言亂語 啊 ， 奴才 係 個 大大 嘅 忠臣 啊 。
康熙 初初 親政 ，對 鰲拜 本來 係 十分之 忌憚 ，噉 見到 佢 而家 已經 有 退讓 嘅 意思 嘞 ，個 心 諗 ：
而家 唔能夠 同佢 反面 喇 。
噉佢就話 ：小桂子 ，你 退埋 一便 嘞 。
韋小寶 躬身 話 ：係 。
噉啊 退到去 書枱 旁邊 。
康熙話 ：鰲少保 ，我 知道 你 係 個 大大 嘅 忠臣 。
你 衝鋒陷陣 慣咗 咯 ，係 冇 讀書人 咁 斯文 嘅 我 亦 唔怪 你 。
鰲拜 好 歡喜 連忙 話 ：係 ，係 。
康熙話 ：蘇克薩哈 嘅 事 ，就 照 你 噉 話 辦理 啦 。
你 係 大 忠臣 ， 佢 係 大 奸臣 ， 朕 自然 賞忠罰 奸 。
鰲拜 更加 歡喜 喇 ：皇上 噉 就 明白 道理 咯 ，奴才 今後 總係 忠心耿耿 噉 為 皇上 辦事 。
好極喇 ，朕 稟明 皇太后 ，聽日 上朝 重重 有賞 。
多謝 皇上 。
仲有 咩 事 冇 啊 ？
冇喇 ，奴才 告退 。
康熙 岌一岌頭 ，鰲拜 笑容滿面 就 退咗 出去 。
康熙 等 佢 出咗 房 ，即刻 喺 椅處 啪聲 跳出嚟 ，笑住 話 ：哈 小桂子 ，呢個 秘密 畀 你 發現咗 喇 。
韋小寶 話 ：皇上 我 ，唉 ，我我 真係 該死 ，一直 唔知道 你 係 皇帝 ，同 你 逳 手逳腳 太過 大膽 喇 。
康熙 歎 一口氣 話 ：唉 ，你 知道咗 之後 ，就 唔敢 再 同 我 真 打 㗎 喇 ，噉 就 真係 冇 味道 喇 。
韋小寶 笑住 話 ：只要 你 唔見怪 ，我 以後 仍然 同 你 真 打噉 都 唔緊要 吖 。
康熙 好高興啊 ：好 ，一言為定 ，如果 唔係 真打 ，唔係 好漢 。講完 就 伸出 隻手 嚟 。
韋小寶 一 來 就 唔 知道 宮廷 裏 便 嘅 規矩 ；
二來佢 生出嚟 呢 就係 一個 天不怕地不怕 嘅 奀皮 人物 ，佢 即刻 伸手 同 佢 握手 ，笑住 話 ：
以後 如果 唔 真 打 唔係 好漢 。
噉 兩個人 緊緊 握手 哈哈 大笑 。
嗱 各位 ，欲知 後事 如何 ，且 聽 下回 分解 。
