前 文 再續 啊 書 接上 一回 啊 ， 話 説 韋小寶 又 去 同 小玄子 比武 嘞 。
諗 住 尋日 四場 比賽 ， 輸 咗 兩場 就贏 咗 一場 ， 今日 學多 咗 咁 多 功夫 ， 實 係 非 四場 全勝 不可 ，
點知 一 逳 手 ， 幾招 新 手法 用 咗 喺 小玄子 身上 嘅 時候 ， 竟然 唔 頂用 。
或者 畀 佢 用 特異 嘅 手法 化解 開 ， 一上場 唧就 連輸 兩場 。
韋小寶 又 驚 又 嬲 ， 喺 第三場 嘅 時候 小心翼翼 ， 先至 拗 住 咗 小玄子 嘅 左掌 ， 向後便 出力 咁 摱。
小玄子 翻 唔 過 嚟 ， 噉 啊 只有 認輸 嘞 。
韋小寶 得意洋洋 ， 哈 誰 不知 第四場 又 輸 嘞 。
畀 小玄子 騎住 條頸 ， 雙腳 啊 挾到 實一實 ， 爭 啲 窒息 添 。
佢 投降 之後 企 起身 鬧 佢 話 ： 你 阿爺 吖 你 。
小玄子 面色 一沉 喝 佢 話 ： 你講 咩 話 ？
神情 之間 當堂 有 一股 凜凜 然之威 啊 。
韋小寶 一驚 ， 佢 諗 ： 弊 喇 ， 呢 度 係 皇宮 嚟 噃， 唔 能夠 講 粗口 㗎 。
茅大哥 話 到 咗 北京 呢 唔 能夠 露出破綻 ， 我 一講 粗口 呢 就 穿 煲 㗎 喇 。
噉 啊 連忙 話 ： 冇 啊 冇 啊 ， 我話 你 ， 誒 話 你好 嘢 啫 。
小玄子 哈哈大笑 話 ： 梗 係 好 嘢 啦 ， 你 聽 日敢 唔 敢 再 打 吖 ？
韋小寶 話 ： 唔 使講 ， 當然 打 喇 。
喂 ， 小玄子 ， 我想問 你 一句 説 話 唧 ， 不過 你 要 老老實實 講我知 唔 能夠 呃 我 㗎 噃。
小玄子 話 ： 你問 咩 嘢 吖 ？
教 你 功夫 嘅 師父 ， 係 個 武當派 高手 嚟 係 唔 係 呢 ？
咦 ， 你點 知道 㗎 ？
我 睇 你 嘅 手法 就 睇 出 嚟 啦 。
乜 你 懂得 我 嘅 功夫 咩 ， 噉 叫做 咩 嘢 名堂 吖 ？
我 有 唔 知 嘅 咩 ？ 你 嗰 啲 係 武當派 嫡傳 正宗 嘅 小 擒拿 手咯 ， 喺 江湖 上 呢 ， 亦 都 算 得 係 第一流 嘅 武功 喇 。
只不過 遇着 我 呢 啲 少林 派 嫡傳 正宗 嘅 大 擒拿 手 ， 你 啊 終於 差 咗 一級 。
小玄子 哈哈大笑 話 ： 咪 喺 度 大 吹牛皮 啦 ， 你 都 唔 怕 醜 嘅 。
今日 比武 ， 係 你 贏吖 定 係 我贏 吖 ？
韋小寶 話 ： 勝敗 係 兵 家常事 ， 不 以 輸贏 論 英雄 嘅 。
不 以 成敗論 英雄 。
輸贏 就 係 成敗 咯 。
韋小寶 曾經 聽講 古生 講過 不 以 成敗論 英雄 呢 句 説 話 ， 只不過 成敗 兩個 字太過 文雅 ， 一時 諗 唔 起 ， 就 畀 小玄子 講 咗 出 嚟 ， 噉 不由得 有 啲 佩服 嘞 ， 佢 諗 ：
你 亦 不過 大 我 一兩歲 啫 ， 知道 嘅 事 又 幾多 㗎 噃。
佢 返 到 住 地 歎 一口氣 話 ：
唉 公公 啊 ， 我 喺 度 學 功夫 啊 ， 人 哋 亦 喺 度 學 ， 不過 人 哋 嘅 師父 本事 大 ， 教 嘅 法子 又 好 咯 。
佢 又 唔 講 自己 唔 得 噃， 就賴 海老公 教授法 唔 好 。
海老公 話 ： 今日 一定 係 四場 輸晒定 嘞 。
你 個 蠢 仔 唔 怪 自己 唔 中 用 ， 你 走 去 埋怨 人 哋 ？
韋小寶 話 ： 嘿 ， 我點會 四場 輸晒 呢 ， 多少 都 贏翻 一兩場 兩三場 㗎 嘛 。
哎 今日 我問 過 佢 喇 ， 人 哋 嘅 師父 啊 的的確確 係 武當派 嫡傳 正宗 嚟 啊 。
我 問 佢 ： 教 你 功夫 嘅 師父 係 武當派 嘅 高手 係 唔 係 ？ 噉 佢 話 ， 咦 ， 你 點知 㗎 噉 ， 噉 咪 即 係 認咯 。
我 估計 冇 錯 ， 果然 係 武當派 嘅 。
海老公 自言自語 噉 噏 咗 兩句 就定 晒型 ， 似乎 喺 度 諗 緊 一件 好 疑難 嘅 事 。
過 咗 好 耐 佢 話 ：
嚟 ， 我 哋 嚟 學 幾招 勾 腳 嘅 法子 。
就 係 噉 樣 ， 韋小寶 啊 每日 向海 老 公學 招 ， 就 同 小玄子 比武 。
學 招 嘅 時候 ， 凡 係 遇上 啲 難 啲 嘅 呢 ， 韋小寶 就 敷衍 賴貓 過去 。
海老公 亦 由 得 佢 ， 就 撇開 咗 扎 根基 嘅 功夫 ， 只 係 教 佢 躲閃 、 逃避 ， 以及 各式各樣 取巧 佔便宜 嘅 法門 。
不過 同 小玄子 打 嘅 時候 呢 ， 佢 嘅 招式 增加 嘞 ， 小玄子 嘅 招式 亦 相應 增加 。
噉 啊 打 嚟 打 去 ， 十次 之中 呢 仍然 有 七八次 係 韋小寶 輸 嘅 。
喺 呢 一排 ， 每日 上午 ， 韋小寶 都 係 去 同 老吳 、 平威 、 温有道 、 温有方 呢 一班 太監 賭錢 。
初初 幾日 佢 用 白布 包住 塊面 ， 收尾 越 嚟 就 包得 越 少 嘞 。
班人 雖然 見到 佢 同 小桂子 嘅 相貌 完全 唔 同 啊 ， 但 係 一來 就 賭到 㷫， 小桂子 以前 到底 係 點樣 嘅 ， 班人 呢 亦 都 係 模模糊糊 嘞 。
二來 佢 不停 咁 借錢 畀 人 ， 噉 人人 都 鐘意 交 佢 呢 個 朋友 。
三來 呢 ， 佢 係 逐日 逐日 噉 包少 啲 白布 ， 啲 人 就 慢慢 噉 習以 為常 ， 居然 就 冇 人 問 噃。
賭 完錢 散 咗 局 ， 佢 就 去 同 小玄子 比武 。
午飯 之後 呢 就 學習 武功 。
擒拿法 就 越 嚟 越 難 嘞 ， 韋小寶 已經 懶得 記 ， 就 更 懶得 練習 。
好彩 海老公 呢 亦 唔 係 點樣 逼 佢 督促 佢 ， 只 係 順其自然 噉 啫 。
正 所謂 光陰似箭 日月如梭 ， 韋小寶 嚟 到 皇宮 呢 不知不覺 已經 有 兩個 月 嘞 。
佢 日日 都 有錢 去 賭 ， 啲 日子 過得 雖然 唔 算 逍遙自在 啊 ， 不過 都 幾 快活 嘅 。
只 係 可惜 唔 能夠 污言穢語 肆意 謾罵 ， 又 唔 敢 喺 宮內 偷雞摸狗 、 撒賴 發爛 渣 就 未免 美中不足 唧 。
有時 都 諗 到 應該 趯 佬 喇 ， 離開 皇宮 至 係 喇 ， 但 喺 北京城 ， 冇 個人 識 ， 噉 啊 想 落 有 啲 膽怯 ， 就 喺 宮內 一日 又 一日 噉 住 落 嚟 。
韋小寶 同 小玄子 兩個 月 係 噉 比武 ， 噉 日日 見面 ， 交情 就 越 嚟 越 好 嘞 。
韋小寶 都 輸 到 慣 喇 ， 橫掂不以 輸贏 論 英雄 嘅 ， 賭場 上 得意 武 場上 輸翻 ， 所以 亦 唔 係 點 放 喺 心上 。
佢 同 小玄子 兩個 都 覺得 ， 只要 有 一日 唔 打交 比武 玩 呢 就 周身 唔 自 在 。
韋小寶 嘅 武功 進展 得 好慢 ， 小玄子 呢 亦 都 係 平平 啫 。
韋小寶 雖然 係 輸多贏少 ， 亦 決 唔 係 只輸 不 贏 嘅 。
呢 兩個 月 一直 咁 賭 ， 温氏兄弟 已經 欠落 韋小寶 啊 二百 幾兩 銀 。
呢 一日 ， 都 仲 未曾 賭完 ， 兩 兄弟 互相 打個 眼色 ， 温有道 同 韋小寶 話 ：
喂 ， 韋兄弟 ， 我 哋 有件事 同 你 商量 啊 ， 借 過 一步 傾下 呢 。
韋小寶 話 ： 好 啊 ， 係 咪 要 銀使 吖 ？ 即 管 攞 去 啦 。
温有方 話 ： 多謝 晒 。
噉 兩 兄弟 行出 門口 ， 韋小寶 啊 跟 住 出去 ， 三個 人 呢 行到 去 隔 籬 嘅 廂房 。
温有道 話 ： 韋兄弟 ， 你 年紀輕輕 為 人 啊 慷慨大方 認真 難得 嘞 。
韋小寶 畀 佢 噉 樣 一 奉承 當堂 心花怒放 ， 佢 話 ：
乜 説 話 呢 ， 自己 兄弟 吖 嘛 ， 你 借 我 嘅 我 借 你 嘅 ， 有 咩 緊要 啫 ， 有借有還 ， 上 等 之 人 。
呢 兩個 月 嚟 佢 已 經學 咗 成口 京片子 ， 即 係 地道 嘅 北京 話 嘞 。
雖然 偶然間 仲 露出 幾句 揚州 土話 ， 但 喺 旁人 聽 起 上 嚟 呢 ， 已經 唔 係 覺得 點 刺耳 。
溫有道 話 ： 我 哋 兩 兄弟 呢 兩個 月 嚟 呢 手氣 又 唔 好 ， 欠落 你 嘅 銀 呢 實在 唔 少 嘞 。
你 啊 雖然 話 唔 在乎 啫 ， 之 我 兩 兄弟 嘅 心 呢 就 好 不安 喇 。
溫有方 話 ： 而家 啲 銀 啊 越 欠 越 多 ， 你 嘅 手氣 又 越 嚟 越旺 ， 我 兩 兄弟 越 嚟 越霉 。
噉 樣落 去 都 唔 知 何年何月 先 能夠 還得 翻 畀 你 。
孭 住 噉 樣 一筆 債 喺 身 呀 ， 做人 都 冇 味道 嘅 。
韋小寶 笑 住 噉 話 ： 欠債 不還 係 理所當然 嘅 事 嚟 嘅 ， 兩位 以後 唔 好 提 啲 噉 事 喇 吓 。
温有方 啊 歎 一口氣 話 ：
唉 ， 細佬 你 嘅 為 人 真 係 冇 得 講 㗎 喇 。
老實 唔 客氣 噉 講啦 ， 我 哋 兩 兄弟 嘅 債 如果 係 欠 細佬 你 嘅 ， 就 係 欠 一百年 唔 還都 唔 緊要 係 唔 係 ？
韋小寶 笑 住 話 ： 咪 就 係 咯 ， 就算 欠 二百年 三百年 又 點話 啫 。
温有方 話 ： 二三百年 啊 ， 大家 都 冇 咗 命 咯 。
講到 呢 處 ， 又 望一望 佢 大佬 ， 温有道 啊 岌一岌頭 。
温有方 繼續 話 ： 不過 我 哋 知道 ， 你 嗰 位 主 呢 就 好 犀利 㗎 噃。
韋小寶 話 ： 你 話 海老公 啊 ？
温有方 話 ： 唔 係 就 係 ， 細佬 ， 你 唔 追 啫 ， 海老公 啊 總有 一日 ， 唔 會 放過 我 兩 兄弟 㗎 嘛 。
佢 老人家 伸出 一隻 手指 ， 温 老大 温老二 就 頂 唔 順 嘞 。
所以 我 哋 要 想個 法子 ， 點樣 嚟 還呢 筆銀先 至 好 。
韋小寶 個心 諗 ： 嚟 喇 嚟 喇 ， 吖 ， 海老公 呢 隻 老 烏龜 果然 係 料事如神 。
呢 一排 ， 我 只 係 掛住 練拳 同 小玄子 比武 ， 將去 上 書房 偷書 嘅 事 都 唔 記得 晒添 。
好 ， 我 唔 提住 ， 聽下 你 哋 有 咩 説 話 講 至 得 。
於是 呢 就 嗯 咗 一聲 ， 不置可否 。
温有方 話 ： 我 哋 諗 嚟 諗 去 ， 只有 一個 法子 ， 求細 佬 你 大度包容 免 咗 我 哋 呢 筆債 ， 唔 好 同 海老公 提起 。
以後 我 兩 兄弟 贏 咗 錢 ， 噉 自 不然 如數奉還 ， 一個 崩 都 唔 會 欠 你 嘅 。
韋小寶 個心 啊 鬧鬼 佢 兩個 喇 ： 你 阿爺 吖 ， 你 兩隻 臭 烏龜 當我 韋小寶 係 大羊 牯 啊 ？
指意 你 兩隻 龜 蛋 嘅 本事 ， 同 老子 賭錢 仲會 有 得 贏 嘅 ？
佢 就 即刻 整成 好 為 難 噉 話 ： 不過 我 已經 同 海公公 講 咗 嘞 噃。
佢 老人家 話 ： 呢 筆錢 呢 還啊 總 係 要 還 嘅 ， 遲 啲 還就 唔 緊要 噉 。
温氏兄弟 對 望 咗 一眼 神情 非常 之 尷尬 。
佢 兩個 顯然 對 海老公 啊 十分 棹 忌 。
溫有道 話 ： 噉 你 可 唔 可以 幫 噉 樣 一個 忙 吖 ？
以後 你贏 咗 錢 ， 就 攞 去 交 畀 海老公 ， 就 話 ， 就 話 係 我 哋 還 畀 你 嘅 噉 得 唔 得 吖 ？
韋小寶 個心 又 試 鬧 佢 嘞 ：
越 講越 唔 似樣 ， 真 係 當我 係 三歲 細佬哥 啊 ？
不過 把 口 呢 就 話 ： 噉 樣 雖然 亦 唔 係 唔 得 ， 不過 我 ， 不過 噉 誒 ， 我 未免太 過蝕底 咗 啲 啫 。
温氏兄弟 聽 佢 嘅 口氣 鬆動 喇 ， 當時 堆滿 笑容 一齊 拱手 話 ： 多謝 晒 多謝 晒 ， 唔 該 你 多多 幫忙 啦 。
温有方 話 ： 細佬 你 嘅 好處 ， 我 兩 兄弟 今生今世 都 記 喺 心 嚟 㗎 喇 。
韋小寶 話 ： 如果 噉 樣 做 ， 我要 兩位 大哥 幫忙 做 一件 事 唔 知得 唔 得唧 ？
兩個 人 瘟 咁 岌頭 應承 話 ： 得 得 得 得 ， 咩 嘢 事 都 得 。
韋小寶 話 ： 我 喺 宮內 咁 耐咯 ， 不過 連 皇上 個樣 都 未 見過 。
你 兩位 喺 上 書房 服侍 皇上 ， 我 想 請 兩位 帶 我 見 下 皇上 啫 。
温氏兄弟 當堂 窒晒 互相 對 望一望 ， 覺得 好 為 難 。
温有道 一味 撓頭 ， 温有方 話 ：
噉 啊 ， 呢 件 嘢 ， 誒 ， 誒 ， 呢 呢 呢 件 嘢 。
連氣講 咗 幾次 呢 件 嘢 就講 唔 落 去 嘞 。
韋小寶 話 ： 我 又 唔 係 想 對 皇上 稟奏 咩 嘢 事 ， 不 過去 到 上 書房 一陣 間 咁 耐 之 嘛 。
能夠 見到 皇上 嘅 金 面 ， 係 我 哋 做 奴才 嘅 福氣 ， 如果 冇 福 見到 亦 唔 會 怪 你 哋 兩位 吖 。
温有道 連忙 話 ： 噉 啊 都 做 得到 嘅 。
嗱， 今日 申牌 時分 ， 我 嚟 你 嗰 處 啊 帶你去 上 書房 。
嗰 個 時候 ， 皇上 總 係 喺 書房 作詩 寫字 ， 你 多數 能夠 見 得到 嘅 。
其他 嘅 時候 皇上 喺 金殿 辦事 就 唔 容易 見 得到 㗎 喇 。
講完 ， 打側 個頭 向 温有方 眨 眨眼 。
所謂 申牌 呢 ， 即 係 今日 講 嘅 下午 ， 三點 到 五點 呢 個 時間 。
韋小寶 睇 到 晒 佢 兩 兄弟 啲 蠱惑 嘢 ， 個心 又 試 臭 烏龜 死龜 蛋 噉 亂鬧 一陣 。
佢 諗 ： 呢 兩隻 臭 烏龜 吖 ， 聽講 我要 見 皇帝 唧 ， 面色 就 難 睇 到極 嘞 。
佢 哋 話 申 牌 時分 ， 皇帝 一定 喺 上 書房 ， 其實 一定 唔 喺 上 書房 係 真 。
佢 哋 唔 敢 畀 我 見到 皇帝 ， 哼 ， 我 幾時 想見 佢 啫 。
佢 阿爺 吖 ， 皇帝 如果 有 咩 説 話 問 我 ， 老子 又點 回答 得出 啊 ， 一穿 咗 煲 啊 ， 仲 唔 滿門抄斬 咩 。
講唔 定 連老子 嘅 老母 都 要 喺 揚州 拉 嚟 北京 殺頭 添 啊 。
海老 烏龜 教 我 武功 ， 亦 唔 知教得 啱 唔 啱 嘅 ， 噉 點解 打 嚟 打 去 ， 總 係 打 唔 過 小玄子 嘅 呢 ？
我 去 將 嗰 部 唔 知 係 三十二章 經吖 定 係 四十二章 經 ， 喺 上 書房 偷 咗 出 嚟 ， 畀 咗 海老 烏龜 ， 噉 佢 嘅 心 一 歡喜 ， 講唔 定 就 有 真功夫 教 畀 我 啦 喇 。
韋小寶 啊 即刻 向 温氏兄弟 拱手 多謝 佢 話 ：
我 哋 啲 做 奴才 嘅 ， 連 萬歲 爺 嘅 金 面 都 見 唔 到 ， 死 咗 呀 ， 一定 要 幫 閻 劉王 賣 鹹鴨蛋 喇 。
當日 ， 佢 去 同 小玄子 比武 之後 返到 住 地 ， 噉 佢 只 係 同 海老公 講 啲 比武 嘅 情形 。
至於 温氏兄弟 應承 帶 佢 去 上 書房 嘅 事 呢 ， 就 一句 都 冇 提 。
佢 心 諗 ： 等 我 將 嗰 部 經書 偷 咗 出 嚟 ， 使海 老 烏龜 大大 驚喜 一場 至 得 。
話 説 第二日 ， 未牌 一 過 啊 ， 所謂 未牌 即 係 而家 講 嘅 下午 一點 到 三點 ， 温氏兄弟 就 果然 嚟 到 。
温有方 輕輕 吹 咗 聲 口哨 ， 韋小寶 就 鬆 咗 出去 。
温氏兄弟 打個 手勢 亦 唔 講 説 話 ， 向 住 西 便 就 行 ， 韋小寶 跟 住 佢 哋 後 便 。
因為 有 咗 上次 嘅 經驗 ， 佢 一路 都 留心 住所 經過 啲 地方 嗰 啲 房舍 嘅 形狀 ， 以免 返 轉頭 嘅 時候 蕩 失路 啊 。
噉 由 佢 住 嗰 間 屋 去 上 書房 ， 比之去 賭錢 嘅 地方 更遠 嘞 。
行 咗 好 耐下 ， 温有道 先至 細細 聲話 ：
上 書房 到 喇 ， 咩 事 都 要 小心 啲 啊 。
韋小寶 話 ： 我 明白 喇 。
噉 兩個 人帶 住 佢 兜 去 後院 ， 喺 旁邊 一 道門 入去 ， 噉 再 穿過 兩座 小小 嘅 花園 ， 噉 啊 入 去 一間 大 房裏 便 。
只見 房裏 便 一排排 都 係 書架 ， 架上 便 都 擺滿 晒書 ， 唉 都 唔 知有 幾千幾萬 本 嘞 。
韋小寶 啊 唞 個 大氣 個心 諗 ：
哎呀 佢 阿爺 吖 ， 皇帝 間房 擺 咁 多書 喎 ， 一日 見到 嘅 都 係 書 ， 朝 又 書夜 又 書 ， 噉 仲使 賭錢 嘅 ？
死 啦 ， 海老公 要 嘅 嗰 幾本書 ， 我 去 邊處 搵 喎 。
韋小寶 啊 生活 喺 妓院 市井 嚟 ， 一生 之中 啊 ， 從來 都 未 見過 書房 係 咩 嘢 樣 嘅 。
佢 就 以 為 房間 裏 便 ， 擺住 七八 部書 就 係 書房 㗎 嘞 。
噉 喺 七八 部書 裏 便 ， 揀 一本 寫住 三十二 ， 或者 四十二 幾個 字 嘅 書 呢 ， 諗 住 都 必定 唔 難 嘅 。
而 家 喺 面前 ， 突然 間 出現 咗 千卷 萬卷 書籍 ， 當堂 眼花繚亂 ， 不由得 手足無措 ， 想 轉身 就 走 喇 。
温有道 細細 聲話 ： 再 過 一陣 間 ， 皇上 就入 嚟 書房 㗎 喇 ， 坐 喺 呢 張 書 枱 嗰 處 寫字 讀書 嘅 。
韋小寶 見 嗰 張 紫檀木 嘅 書 枱 極 之 大 ， 枱面 就 金鑲玉 嵌 ， 個心 諗 ：
嘩 ，枱 上面 鑲 嗰 啲 黃金 白玉 一定 唔 係 假貨 ， 挖出 嚟 搦 去 珠寶店 ， 都 賣 得 唔 少 銀 㗎 。
見到 枱面 有 本書 ， 係 攤開 嘅 。
放 喺 左手 便 嘅 墨硯 筆筒 呢 ， 亦 都 雕刻 得 好 精緻 。
張椅 上 便 ， 就 披住 一幅 錦緞 ， 上面 就 繡 住 一條 金龍 。
韋小寶 見到 噉 嘅 氣派 ， 個心 啊 乒乓 乒乓 噉 亂 跳 ， 佢 諗 ：
佢 阿爺 吖 ， 呢 個 烏龜 皇帝 又 幾 會 享福 噃。
書 枱 右手 便 係 個 青銅 古鼎 ， 噉 啊 點住 檀香 。
鼎蓋 有個 野獸 頭 ， 喺 個 獸 頭 嘅 口裏 便 啊 吐出 一縷縷 青煙 。
温有道 話 ： 你 等 陣匿 埋 喺 書架 後 便 ， 靜 雞雞 見 一見 皇上 噉 就 係 喇 。
皇上 讀書 寫字 嘅 時候 ， 唔 准 旁人 出 聲 㗎 ， 你 係 唔 准咳 ， 唔 准 打 乞 嗤 。
否則 皇上 一 嬲 起 上 嚟 ， 講唔 定 叫 侍 衞 將 你 拖出去 斬首 啊 。
韋小寶 話 ： 我 梗 係 知 啦 ， 唔 准咳 唔 准 打 乞 嗤 吖 嘛 ， 更加 唔 准放響 屁 添 噃。
温有道 即 刻板 起塊 面話 ： 細佬 ， 上 書房 唔 同 第 啲 地方 啊 ， 千祈 唔 好講 啲 不恭不敬 嘅 説 話 啊 。
韋小寶 伸一 伸條 脷 就 唔 敢講 嘞 。
只見 佢 兩 兄弟 一個 又 攞 起 拂塵 ， 一個 揸 住 塊 抹布 到處 咁 掃 到處 咁 抹 。
書房 裏 便 呢 本來 就極 之 乾淨 ， 簡直 係 一塵不染 嘅 ， 但 係 佢 兩個 仲 係 好 細心 噉 執拾 。
温氏兄弟 抹 完 灰塵 之後 ， 各人 喺 嗰 個 櫃 裏 便 就 攞 出 一條 雪白 嘅 白布 ， 再 喺 各處 地方 抹 。
噉 抹 咗 一陣 ，攞 起 白布 嚟 睇 一 睇 ， 睇 下 白布 上面 有 冇 污糟 ， 真 係 啊 仲 細心 過抹鏡 啊 ， 一直 抹 咗 大半日 噉 先至 停手 。
温有道 話 ： 細佬 ， 皇上 而家仲 唔 嚟 書房 呢 ， 今日 就 唔 嚟 㗎 喇 。
等 陣間 侍 衞 大人 就 會 嚟 巡查 ， 見到 你 個樣 咁 生 保 嘅 ， 實會 追究 㗎 ， 噉 呢 個 罪 啊 大家 都 擔當 唔 起 啊 。
韋小寶 話 ： 噉 你 哋 走 先 啦 ， 我 再 等 一陣 就 走 㗎 喇 。
温氏兄弟 一齊 話 ： 唉 噉 唔 得 㗎 。
温有道 話 ： 宮裏 便 嘅 規矩 你 亦 唔 係 唔 知 嘅 ， 皇上 所 到 嘅 地方 應該 由 邊個 伺候 ， 半分 都 唔 亂 得 㗎 。
宮裏 便 太監 宮女 幾千人 咁 多 ， 如果 邊個 都 想見 下 皇上 ， 噉 啊 自己 去 皇上 面前 ， 噉 仲成 體統 嘅 ？
温有方 話 ： 好 兄弟 ， 唔 係 我 哋 唔 肯 幫忙 啊 ， 我 哋 兩個 人 能夠 入 嚟 上 書房 ， 每日 亦 只有 呢 半個 時辰 㗎 咋 ， 打掃 完 地方 抹 完 枱 椅 ， 即刻 就要 走 㗎 喇 。
唔 怕 同 你 講啦 ， 咪 講話 你 唔 能夠 喺 上 書房 留耐 啲 啊 ， 就算 我 哋 兩 兄弟 啊過 咗 時候 唔 出去 ， 畀 啲 侍 衞 大人 查 到 啊 ， 亦 係 重則 抄家 殺頭 ， 輕則 坐監 打 𦣇 柚 㗎 。
韋小寶 伸一 伸條 脷 話 ： 邊度 有 咁 厲害 㗎 ？
温有方 又 猛 咁 𨂽 腳話 ： 皇上 身邊 嘅 事 唔 通 都 開 得 玩笑 嘅 咩 ？
好 兄弟 ， 你 想見 皇上 ， 我 哋 聽 日 呢 個 時候 再 嚟 碰下 彩數 好 唔 好 ？
韋小寶 話 ： 好 啦 ， 噉 我 哋 就 走 啦 。
温氏兄弟 真 係 如釋重負 ， 一個 挽住 佢 左手 ， 一個 挽住 佢 右手 ， 慌 死 佢 唔 行 啊 ， 挾住 佢 出去 。
韋小寶 突然 間 話 ： 其實 你 哋 兩個 呢 亦 從來未 見過 皇上 嘅 係 唔 係 呢 ？
温有方 打個 突話 ： 你 你 ， 你點 。
佢 顯然 係 想 話 你 點知 啊 噉 嘅 。
溫有道 啊 連忙 話 ： 我 哋 點 冇 見 過唧 ？ 皇上 喺 書房 讀書 寫字 ， 我 哋 時時 都 見到 嘅 。
韋小寶 個心 諗 ： 每日 呢 個 時候 你 哋 入 嚟 書房 打掃 ， 呢 個 時候 皇帝 啊 梗 係 唔 會 嚟 嘅 。
唔 通 你 兩個 龜蛋 掃地 抹 灰塵 嗰 個 貓 樣 皇帝 好 鐘意 睇 咩 ？
溫有道 又 話 ： 細 佬 嗱 你 應承 還銀 畀 海公公 ， 我 哋 兩 兄弟 日後 呢 必定會 報答 翻 你 嘅 。
要 見 皇上 啫 嘛 ， 唉 ， 呢 啲 係 一個 人 嘅 福 命 ， 係 前世 修積 返 嚟 嘅 福報 ， 修橋 整路 ， 要積 無數 陰德 啊 。
條命 如果 註定 冇 呢 個 福氣 嘅 ， 都 勉強 唔 嚟 㗎 嘛 。
一便行 一便 傾 ， 三個 人 已經 由 側門 出翻 去 嘞 。
韋小寶 話 ： 既然 係 噉 ， 過 幾日 你 哋 再 帶 我 嚟 碰下 彩數 啦 。
温氏兄弟 連忙 話 ： 好 啊 好 啊 。
噉 三個 人 呢 就 分手 嘞 。
韋小寶 急急 腳 噉 行翻 去 ， 穿過 咗 兩條 走廊 ， 就 喺 一 道門 後 便 匿 埋 。
過 咗 一陣 間 ， 諗 住 温氏兄弟 已經 去 遠 咗 嘞 ， 就 靜靜 喺 門 後 便 出 翻 嚟 ， 跟 住 原 路 返去 上 書房 。
噉 當 佢 推 嗰 道 側門 嘅 時候 ， 誰 不知 裏 便 已經 戌 住 嘞 ， 佢 打 個 突 個 心 諗 ：
就 噉 一陣 間 裏 便 已經 戌 住 喇 ， 睇 嚟 温家兄弟 嘅 説 話 唔 係 假 嘅 ， 啲 侍 衞 真 係 嚟 巡查 過 嘞 噃， 唔 知 佢 哋 走 咗 未 呢 ？
佢 貼 隻 耳 喺 門上 面一 聽 ， 聽 唔 見 有 咩 聲息 。
又 哄 隻 眼 喺 門 嚹 裝入 去 睇 下 ， 見到 庭院 裏 便 一個 人 都 冇 。
佢 諗 咗 一 諗 ， 喺 靴 桶 裏 便 啊 扲 出 一把 薄薄 嘅 匕首 ， 呢 把 匕首 就 係 當日 用 嚟 刺死 小桂子 㗎 嘞 。
因 為 佢 無意之中 啊 入 咗 皇宮 知道 危機四伏 ， 自從 嗰 日 起 ， 呢 把 匕首 啊 始終 冇 離 過身 。
當時 佢 將 匕首 由門 罅 插入 去 ， 輕輕 噉 撥 得 幾撥 ， 噉 啊 將條 門戌向 上面 頂起 。
嗱 各位 ， 欲知 後事 如何 ， 且 聽 下回分解 。
