前文 再續 啊 書 接 上 一回 啊 ，話説 韋小寶 、茅十八 都 松 咗 綁 嘞 。
韋小寶 擘開 雙眼 ，原來 係 喺 一間 房 裏 便 。
房間 嘅 物件 好 少 㗎啫 ，只係 得 一張 枱 ，一張 椅 ，枱面 就 放住 茶壺 茶碗 。
海老公 呢 ，就 坐喺 張 椅 處 ，半 坐 半 瞓 。
佢 個人 好 瘦 ，面頰 凹 晒 入去 ，雙眼 呢 亦 係 半開半閉 。
呢陣時 天色 已經 黑嘞 ，牆壁 上面 安住 兩座 銅燭台 ，就 各 點住 一支 蠟燭 。
小桂子 就 將 茅十八 口裏 便 塞住 嗰啲 布 呢 就 掹翻出嚟 ，噉 又 準備 去 掹 韋小寶 塞口 嗰啲 布 。
海老公 就 話 ：呢個 細路 ，把口 污遭 邋遢 ，等 佢 塞多 一陣 啦 。
韋小寶 雙手 本來 已經 得到 自由 啦 ，之 佢 唔 敢 自己 掹開 塞口 嗰啲 布 。
不過 心裏 便所 鬧 嗰啲 污言穢語 呢 ，怕 比 之 海老公 所能夠 想象 嘅 真係 仲 多 唔知 幾多 倍 。
海老公話 ：攞 張 椅 嚟 ，畀 佢 坐 。
噉 小桂子 去 隔籬房 搬 張 椅 出嚟 放 喺 茅十八 身邊 。
茅十八 有得 坐 就 坐嘞 。
韋小寶 見 自己 冇 椅 坐 ，老實 唔 客氣 就 坐 地 啦 。
海 老公 問 茅 十八 話 ：
老兄 尊姓大名 ，係 邊一家 邊一派 㗎 ？
閣下 擒拿手法 唔錯 ，似乎 唔係 我哋 北方 嘅 武功 。
茅十八話 ：我 姓 茅 ，叫做 茅十八 ，係 江北 泰州 五虎斷門刀 門下 。
哦 ， 茅十八 茅 老兄 ， 我 亦 曾經 聽過 你 嘅 大名 。
聽講 老兄 喺 揚州 一帶 ，打家劫舍 ，殺官 越獄 ，做 落 唔少 大事 啊 。
冇錯 。
茅十八 對 呢個 肺癆鬼 老太監 嘅 驚人 武功 呢 就 冇法子 唔服 ，所以 呢 就 唔敢 出言 頂撞 。
海老公 又 話 ：老兄 嚟到 京師 想 做 咩嘢 事 呢 ？可唔可以 講 我 聽 啊 ？
茅十八 話 ：既然 落喺 你 手 ，要 殺 要 劏 ，任從 尊便 。
我 茅 十八 係 江湖 漢子 ，唔會 皺 一下 眉頭 。
不過 你 想 逼供 ，呵呵呵 ，就 睇錯 人 喇 。
海老公 微微 一笑 佢 話 ：邊個 唔知 茅十八 係 鐵錚錚 嘅 好漢 ，逼供 就 唔敢 。
聽 安閣下 ，係 雲南 平西王 嘅 心腹 親信 。
海老公 一句 説話 未 講完 ，茅十八 發火 嘞 佢 起身 嚟 話 ：
我同 吳三桂 呢 個 大 漢奸 有 咩 嘢 關係 啊 ？
你噉樣講 ，查污糟咗 我 茅十八豪傑 嘅 名聲 。
海老公 咳咗 幾 聲 微微 一笑 話 ：
平西王 為 大清 立咗 大功 ，主子 對 佢 非常 倚重 。
閣下 ，如果 係 平西王 嘅 親信 呢 ，我哋 睇 在 王爺 嘅 份上 ，小小 過犯 亦 不必 計較 咯 。
唔係 ，唔係 ！茅十八 同 吳三桂 呢個 臭賊 完全 冇 關係 ，我 決 唔 叨 呢個 漢奸 嘅 光 。
你要殺就殺 ，如果 話 我 係 吳 賊 嘅 咩 嘢 心腹 親信 ，連 姓 茅 嘅 祖宗 十八代 都 衰 到 貼地 啊 。
吳三桂 帶 清兵 入關 ，使到 明朝 滅亡 。
韋小寶 喺 市井 街頭 ， 聽人 提起 吳三桂 呢 總 係 加上 幾個 漢奸 啊 臭 賊 啊 等等 嘅 字眼 。
佢 而家 個 心 諗 ：
聽 呢個 老烏龜 嘅 口氣 ，只要 茅大哥 冒認 係 吳三桂 嘅 心腹 就 可以 放咗 我哋 㗎 喇 ，偏偏 茅大哥 又 骨頭硬 唔肯 冒充 。
之 骨頭 硬皮 肉 就 要 受苦 喇 ，開講 有 話 吖 嘛 好漢 不 吃 眼前 虧 。吃眼前虧 梗 唔 係 好漢 咯 。
噉 我哋 不妨 亂噏 一通 ，話 吳三桂 對 我哋 兩 兄弟 又 如何 如何 睇得起 ，等到 鬆咗 人 之後 ，再 鬧 佢 吳三桂 十八代 祖宗 都 唔 遲 吖 。
呢陣時 ，佢 手腳 嘅 血脈 漸漸 暢通翻 ，噉 啊 靜靜 用 衫袖 遮住 個 口 ，將 口裏 便 塞住 嗰啲 布 呢 就 掹咗 出嚟 。
海老公正 就 留意緊 茅十八 嘅 面色 ，冇 見到 韋小寶 喺 暗中 搞鬼 。
佢 見到 茅十八 聲色俱厲 就 微微 笑話 ：
我 仲 以為 閣下 係 平西王 派 嚟 京師 嘅 添 ，原來 估錯 咗 咯 。
茅十八個心諗 ：呢一次 喺 北京 被擒 ，想 甩身 係 完全 冇 望 㗎 喇 。
豹死留皮 人死留名 ， 我 茅十八 死 咗 唔 緊要 ， 做人 唔 能夠 衰 嘅 。
佢 見到 韋小寶 一味 望住 自己 ，就 大聲 話 ：
老實 同 你 講 ，我 喺 南方 聽見 江湖 上 講過 ，嗰個 鰲拜 係 滿洲 第一 勇士 ，咩 拳 斃 瘋牛 ，腳 踢 虎豹 ，講到 天花亂墜 。
我 茅 十八 唔 服 ，我 特登 嚟到 北京 ，要 同 佢 較量 下 武藝 。
海老公 嘆咗 一口氣 佢 話 ：你 想 同 鰲少保 比武 咩 ？
鰲 少 保官 居 極品 ， 北京城 內除 咗 皇上 、 皇太后 ， 就 到 鰲 少 保咯 。
老兄 喺 北京 等 佢 十年八年 啊 ，亦 未必 見得到 一面 嘅 ，點 能夠 同 佢 比武 呢 ？
茅十八 初時 仲 當 海老公 係 使 邪術 ，收尾 背心 穴道 被 佢 封住 ，直到 而家 先至 慢慢 解開 ，噉啊 已經 知道 呢啲 係 極 上乘 嘅 內功 武術 嚟 。
睇 呢個 老太監 嘅 神情 口音 當然 係 滿人 喇 ，自己 連 一個 滿洲 老 病夫 都 打唔過 ，仲 講 咩 同 滿洲 第一 勇士 比武 呢 ？
佢 喺 揚州 得勝山 下 惡戰 史松 呢班 人 嘅 時候 ，雖然 係 情勢 危急 ，但係 一啲 都 唔 氣餒 。
而家 對住 呢個 肺癆 鬼 太監 啊 ，竟然 不由得 豪氣 盡消 ，終於 長長 噉 唞咗 個 大氣 。
海老公 問 佢 ：閣下 仲 想 同 鰲少保 比武 啊 ？
茅十八 話 ：請問 嗰個 鰲拜 嘅 武功 ，及 得上 尊駕 幾多 成度 呢 ？
鰲少保 係 出將入相 嘅 顧命 大臣 ，富貴 極品 ，榮華 無比 。
我 係 個 苦命 嘅 下賤人 。
同鰲少保 ，一個 在天 一個 在地 ，點能夠 相比 呢 ？
佢 講 嘅 係 兩個 人 身份地位 ，至於 武功 呢一層 呢 佢 就 避而不提 。
茅十八 話 ：鰲拜 嘅 武功 如果 有 你 一半 ，我 就 已經 唔係 佢 對手 嘞 。
老兄 講得 太 謙 喇 。
以 老兄 睇嚟 ，在下 嗰啲 粗淺 功夫 如果 同 陳近南 相比 ，又 如何 呢 ？
茅十八 成個 跳 起 ： 你 你 ， 你講 咩 話 ？
我 講 嘅 係 貴 會 總舵主 陳近南 。
聽講 陳總舵 主 ， 練 到 凝血 神爪 ， 內功 嗰 種 高深 法 ， 都 冇 人 能夠 估 得到 嘅 。
只係 可惜 緣慳 一面 ，我 呢個 下賤人 冇 福分 拜見 陳 總舵主 啫 。
我 唔係 天地會 ，亦 冇 福氣 見過 陳 總舵主 。
聽講 陳 總舵主 武功 極高 ，之 到底 點樣 高法 就 唔知 嘞 。
唉 ，茅兄 ，我 早就 知道 你 係 一條 好漢 ，以 你 噉 嘅 好 身手 ，點解 唔 為 皇家 效力 呢 ？
將來 做 提督 ，做 將軍 亦 唔 難 嘅 。
跟埋 天地會 作亂 造反 ，唉 ，總係 冇 好 下場 嘅 。
我 好心 勸 你 ， 你 不如 臨崖勒馬 ， 退出 天地會 罷啦 。
我我 ，我唔係 天地會 ，不過 我唔係 抵賴 唔認 。
我 茅 十八 一心 盼望 加入 天地會 ，不過 一直 冇人 接引 啫 。
江湖上 有 句 説話 ：為人 不識 陳近男 ，就 稱 英雄 也 枉然 啊 。
海老公 ， 呢 句 説 話 我 估 你 亦 聽見 過 㗎 嘞 。
我 茅十八 係 堂堂 嘅 漢人 ，雖然 冇 入 天地會 ，亦 一樣 係 決意 反清復明 嘅 ，點 會 話 投降 清廷 去 做 漢奸 呢 ？
你 快啲 殺咗 我 啦 ，我 茅 十八 殺人 放火 ，做過 好多 大鑊 㗎 喇 ，早就 該死 喇 。
只係 冇見過 陳近南 ，死咗 ，有啲 唔眼閉 啫 。
你哋 漢人 唔 服 滿人 得咗 天下 ，本來 亦 冇 咩 嘢 唔啱 。
我 敬重 你 係 一條 好漢 ，今日 唔 殺 你 ，等 你 去 見 咗 陳近南 之後 死得 眼 閉 。
望 你 越早 見到 佢 就 越好 。
見到 嘅 時候 ， 就 話 海老公 好 想見 下 佢 ， 想 領教 下 佢 嘅 凝血 神爪 功夫 ， 到底 係 點樣 厲害 法 ， 盼望 佢 早日 駕臨 京師 啦 。
唉 我 呢個 白爺公 ，都 冇 幾多 日 命 㗎 喇 。
陳 總舵主 再唔嚟 北京 呢 ，我 就 見 佢 唔到 喇 。
哈哈哈 ，為人 不識 陳近男 ，就 稱 英雄 也 枉然 。
陳近南 又 到底 點樣 英雄 了得 法 呢 ？江湖 上 ，竟然 有 咁 大 嘅 名聲 呢 ？
茅十八 聽 佢 講話 竟然 就 噉樣 放 自己 走 ，真係 大出意料之外 。
佢 企咗 起身 ，不過 就 冇 行住 。
海老公話 ：你 仲 等 乜嘢 啊 ？仲唔走 ？
茅十八 話 ：係 。
轉身 去 拖住 韋小寶 隻 手 ，想 話 講翻 幾句 説話 交代 一番 ，又 唔知 講 咩 説話 先至 啱噃 。
海老公 又 嘆咗 口氣 話 ：
真係 難為 你 喺 江湖 上 行咗 咁 多年 咯 ，連 呢一啲 規矩 都 唔 懂 。
你 唔 留低 多少 嘢 就 想 一走了之 啊 ？
茅十八 咬 一 咬牙 話 ：冇錯 ，係 我 茅十八 粗心大意 嘞 。
小兄弟 ，借 把 刀 嚟 使下 ，我 斬斷 隻 左手 畀 你 。
講完 ，向 小太監 小桂子 身邊 嗰 把 匕首 指 一指 。
呢把匕首 大概 係 八寸 長 ，係 小桂子 啱先 用嚟 割 綁 佢 手腳 嗰啲 繩索 嘅 。
海老公話 ：一隻 左手 ，都 仲 未夠 。
茅十八 黑起 塊面 話 ：你 要 我 再 斬埋 右手 啊 ？
海老公 岌一岌頭 話 ：冇錯嘞 ，兩隻手 。
本來呢 ，我 仲要 攞埋 你 一對 招子 嘅 。
不過 你 想 見見 陳近南 ，冇咗 招子 就 見唔到 人 嘞 。
噉 啦 ， 你 自己 廢 咗 左眼 ， 留翻 隻 右眼 啦 。
招子 ，係 江湖 黑話 ，即係 眼 。
茅十八 退後 兩步 ，放開 韋小寶 隻手 。
左掌 上揚 右掌 斜 按 ，擺咗 個 犀牛 望月 嘅 招式 ，佢 心諗 ：
你 要 我 廢咗 左眼 ，再 斬斷 埋 雙手 ，噉樣 一個 殘廢人 仲 做人 嚟 做 乜嘢 啊 ？
不如 同 你 搏過 ，至多 係 死 喺 你 掌底下 嘅 啫 。
但係 海老公 呢 望 都 唔 望 佢 一眼 ，只係 不停 咁 咳 ，越 咳 就 越 厲害 ，到 收尾 ，咳 到 簡直 氣 都 喘唔過嚟 嘞 。
本來 塊 面 係 黃黅黅 噉色 嘅 ，忽然間 唂到 通紅 。
小桂子 話 ：公公 ，再 食 一 劑 好唔好 啊 ？
海老公 一味 擰頭 ，但係 咳嗽 仍然 係 冇 停 。
咳到 收尾 ，忍唔住 企起身嚟 ，用 左手 叉住 自己 條 頸 ，噉 神情 呢 就 痛苦 到 極 。
茅十八 嘅 心諗 ：而家 唔走 仲 等 幾時 啊 ？
即刻 拖住 韋小寶 隻 手 ，一個 箭步 就 向 門外 飆過去 。
海老公 右手 嘅 手指 公同 食指 兩隻 手指 ， 喺 台 邊 一 搣 ， 即刻 就 喺 台 邊 嗰 度 啊 ， 搣 咗 一片 木頭 出 嚟 。
嗤一聲 ，彈出去 ，茅十八 啊 正在 一大步 檻緊 出去 嘅 。
嗰片 木片 啊 撞正 佢 右腳 嘅 伏兔穴 上面 ，當堂 右腳 酸軟 跪咗 喺 地 。
跟住 嗤噉 一聲 ，又 係 一片 木片 彈 出去 ，茅十八 左腳 嘅 穴道 又 畀 佢 擊中 ，同 韋小寶 一齊 趢 咗 喺 地 。
喺 呢個 時候 ，小桂子 就 對 海老公 話 ：再 食 多 半 劑 ，都 怕 唔 緊要 嘅 。
海老公話 ：好啊 ，好啊 ，誒 ，只 ，只要 啲 ，啲啲 咁多 ，多咗 ，就 好 ，好 ，好危險㗎喇 。
係 。
小桂子 應咗 ，就 喺 佢 個 袋 裏 便 攞出 藥包 。
轉身 翻 入去 內室 就 攞咗 一 杯 酒 出嚟 ，打開 個 藥包 ，用 手指甲 啊 挑 咗 一啲 粉末 。
海老公 話 ：太 ，太多 喇 。
小桂子 話 ：係 。
將 手指甲 裏 便 嗰啲 粉末 ，放翻 一啲 落去 藥包 ，噉 啊 雙眼 望住 海 老公 。
海老公 岌一岌頭 ，彎住腰 又 大聲 咁 咳嗽 起嚟 。
突然間 ，個身 向前 一撲 ，趴喺 地下 猛咁 典 。
小桂子 好 驚 啊 ， 衝過去 扶住 佢 嗌 佢 話 ： 公公 ， 公公 ， 你點 啊 ？
好 ，好 ，好熱啊 ，熱 ，扶 ，扶我 去去水 ，去水缸 ，去水缸裏便浸 ，浸 下 。
哦 ，哦 。
小桂子 出力 扶佢 起身 ，噉 兩個人 踉踉蹌蹌 噉 啊 入去 內室 ，跟住 呢 ，就 聽見 乒乓 噉樣 落水 嘅 聲音 喇 。
呢一切 韋小寶 都 睇住 晒 ，佢 即刻 靜靜 企起嚟 ，踮起腳 行到 枱邊 ，用 手指尾 連 氣 挑 咗 三 指甲 嘅 藥粉 ，倒落 杯 酒 處 。
佢 仲 怕 唔夠 ，又 挑 多 兩 手指甲 ，就 再 將 藥包 摺 翻 好 重新 打開 ，冚 咗 啲 藥粉 畀 手指甲 挑動 過 嘅 痕跡 。
只聽見 小桂子 喺 內室 話 ：
公公 ，好啲 啦嘛 ？唔好 浸 得 太過 耐 啊 。
海老公話 ：好熱啊 ，好 ，啊 ，熱到 好似 火燒 噉啊 。
韋小寶 見 嗰 把 匕首 放 喺 枱面 ，就 攞 咗 佢 揸住 喺 手 嚟 ，就 行翻 去 茅十八 身邊 趴 翻 喺 地下 。
過咗 冇 幾耐 ，又 聽見 啲 水聲 響 。
海老公 全身 濕淋淋噉 ，由 小桂子 扶住 喺 內室 行翻出嚟 ，仍然 係 不停 咁 咳 。
小桂子 攞起 杯酒 ，喂到 佢 口邊 。
海老公 啊 咳 都 未 停 ，就 唔 飲住 。
韋小寶 個 心 呀 ，跳 上 喉嚨 椗 啊 。
海老公話 ：唉 ，唉 ，能夠 唔食 ，最 ，最好 就 ，唔食 呢隻 藥 。
小桂子 應咗 聲 話 係 噉 ，就 將 酒杯 放翻 喺 枱 ，將 藥包 包好 ，擠落 海老公 衫袋 。
但係 海老公 跟住 又 試 猛咁 咳嘞 ，就 指 一指 酒杯 。
小桂子 攞起 酒杯 ，送到 佢 嘴邊 。
呢 一次 呢 ，海老公 一啖 就 飲晒 杯 酒 。
茅十八 沉唔住氣 ，不禁 吖噉 叫咗 一聲 。
海老公話 ：你 ，你如果 想 ，誒 想有命 出去 。
突然間 咔一聲 ，張椅 塌咗 ，佢 成個人 向住 張枱 趴上去 。
趴呢一下 ，好大力 ，咔啦咔啦 兩聲 ，張枱 又 塌埋 ，連 人 帶 枱 一齊 冧咗 。
小桂子 好 驚 啊 ， 大 嗌： 公公 ， 公公 ！ 衝上去 扶 。
呢個 時候 佢 嘅 背脊 ，正正 係 對住 茅十八 同埋 韋小寶 。
韋小寶 輕輕 跳起嚟 ，攞起 匕首 對住 佢 背心 猛 插落去 ，小桂子 嗯咗 一聲 ，當堂 死咗 。
而 海老公 呢 ，仲 喺 地下一 味 典 。
韋小寶 舉起 匕首 ，對準咗 海老公 背心 ，準備 插落去 。
就喺呢個時候 ，海老公 擔 高頭 話 ：
小 ， 小 ， 小桂子 ， 呢 啲 藥 ， 唔 啱 啊 。
嘩 ， 韋小寶 嚇到 雲 飛天 外 ， 把 匕首 邊度 仲敢 插落 去 呢 ？
海老公 擰轉身 ，一手 就 揦住 韋小寶 左手 手腕 ：
小桂子 ，先頭 嘅 藥 ，冇 搞錯 吖嘛 ？
韋小寶 含含糊糊 噉 話 ：冇 ，冇 ，冇 搞錯 啊 。
只覺得 左手 手腕 呀 好似 畀 一道 鐵箍 箍實 噉 ，痛到 入骨 ，嚇到 將 揸住 匕首 嗰 只 右手 縮 翻轉頭 。
海老公 話 ： 快 ， 快 ， 快 啲 點 蠟燭 ， 黑 𠵼𠵼， 乜嘢 ， 乜嘢 都 睇 唔 見 啦 。
韋小寶 好奇怪 ，蠟燭 明明 點着 㗎 ，佢 為咩事 話 黑𠵼𠵼 ？莫非 佢 雙眼 盲咗 ？
韋小寶 就 話 ：蠟燭 冇 熄 啊 公公 ，你 見 唔到 啊 ？
佢 同 小桂子 雖然 都係 細佬哥 口音 ，但係 小桂子 講 嘅 係 旗人 官腔 。
一時之間 佢 又 點 學得會 呢 ，就 唯有 講得 含含糊糊 ，只係 望 海老公 呢 就 發覺 佢 唔到 。
海老公 大聲 噉 話 ：我 ，我 睇唔見 啊 。
邊個 話 點咗 蠟燭 ，快啲 啦 點 蠟燭 ！
講完 ，就 放開咗 韋小寶 隻 手腕 。
韋小寶 話 ： 哦 ， 哦 ， 我 去點 我 去點 。
急急忙忙 就 行開 ，快步 行到去 安喺 牆壁 上 嘅 燭台 旁邊 ，用 手 撥 下 燭台 嘅 銅圈 ，就 發出 叮叮噹噹 嘅 聲 ，佢 話 ：
點着咗喇 。
海老公 話 ：咩話 ？你 亂噏 。
點解 唔 點着 蠟 ， 蠟 ， 吖 。
一句 説話 冇 講完 ，個身 突然間 一陣 抽筋 ，仰面朝天 噉啊 跌倒 喺 地 。
韋小寶 向 茅十八 急急 打個 手勢 叫佢 快啲 逃走 。
茅十八 就 向 佢 翕 一翕 手 ，叫 佢 一齊 走 。
韋小寶 擰轉身 行去 門口 ，點知 海老公 呻吟 話 ：
誒 ， 誒 ， 小 ， 小桂子 ， 哎 ， 小 ， 小 ， 小桂子 ， 你 。
韋小寶 就 應 佢 話 ：係 ，我 喺 呢處 啊 。
一字講 ，一字 猛咁 拂手 ，叫 茅十八 逃走 出去 先 再 講 ，自己 一定 要 設法子 氹掂 海老公 。
茅十八 就 掙扎住 想 企起身 ，但係 佢 雙腳 嘅 穴道 呢 畀 海老公 封咗 。
佢 就 想 自己 用 手 推拿 條 腰 同埋 腳 上 嘅 穴道 ，已經 出咗 好 大力 㗎 喇 ，竟然 一啲 效果 都 冇 佢 諗 ：
我 雙腳 冇法子 逳得 ，就 唯有 躝 出去 。
呢個 細路鬼 咁 精 嘅 ，一個 細蚊仔 ，旁人 亦 唔會 留意 ，佢 要 甩身 都 唔 難 。
如果 跟埋 我 喺 一齊 ，一 遇到 敵人 反而 馱累 咗 佢 添 。
於是 向 韋小寶 揮 一揮手 ，然後 雙手 撳 地 靜靜 噉樣 躝咗 出去 。
嗱 各位 ， 茅十八 出 咗 去 之後 又點 呢 ？ 而家 就 放低 唔 講住 ， 講翻 韋小寶 啊 。
話說 海老公 嘅 呻吟 一陣 細聲 一陣 大聲 。
韋小寶 唔 敢 即刻 走 ， 就 怕 佢 發覺 小桂子 死 咗 ， 噉 一 嘈起 上 嚟 ， 佢 啲 手下 出動 圍捕 ， 自己 同 茅十八 啊 一定 好難 走 得 甩 嘅 。
佢 個 心 諗 ：呢一 鑊 嘢 咁 傑 ，都係 我 搞出嚟 嘅 。
茅大哥 雙腳 又 唔能夠 行路 ，都 唔知 要 幾長 時間 先 能夠 趯得 遠 。
我 喺 呢處 呢 捱 多 一陣 就 好 一陣 嘞 ，只要 海老烏龜 唔 發覺 我 係 冒牌貨 就 冇事 嘅 。
呢個 老烏龜 病到 神志不清 ，等 佢 暈咗 嘅 時候 我 一刀 殺咗 佢 就 可以 逃走 啦 。
過咗 一陣間 ，忽然 聽見 遠處 傳嚟 嘅 打更聲 ，原來 已經 係 交 初更 嘞 。
韋小寶 見 蠟燭 光 閃閃 下 突然間 一亮 ，左邊 嘅 蠟燭 點 到 盡 ，跟住 就 熄咗 。
佢 睇住 小桂子 嘅 屍首 卷埋 一嚿 噉樣 ，個 心 好 怕 。
嗯 ， 嗯 呢 個人 係 我 殺 啦 ， 噉 佢 變 咗 隻 鬼 ， 噉 會 唔 會 搵 我 索命 呢 ？
嗯 ，等到 天一光 ，就 好難甩身 㗎 嘞噃 ，一定 要 半夜 呢 趁 黑 鬆 人 至 得 。
但係 海老公 不停 咁 呻吟 ，始終 唔 再 昏迷 嘞 。
海老公 係 打仰 噉 瞓 響 處 嘅 ， 韋小寶 個膽 更 大 啊 ， 亦 唔 敢 揸 住 匕首 喺 佢 胸膛 或者 小肚 上面 插落 去 㗎 。
佢 知道 呢個 老人 嘅 武功 厲害 到 極 嘅 ，只要 刀尖 一 掂到 佢 嘅 皮肉 ，佢 即時 就 會 醒覺 。
你 話 一掌 打過嚟 ，自己 嘅 頭殼 呀 ，非 流豆腐 不可 。
又過咗一陣 ，另外 嗰支 蠟燭 亦 熄埋 喇 。
喺 黑暗 之中 ，韋小寶 諗起 小桂子 嘅 屍體 就 喺 旁邊 ，驚到 佢 乜嘢 噉 ，只係 望 盡早 逃走 出去 。
不過 只要 佢 個 身 一逳 啫 ，海老公 就 嗌 佢 ：
嗯 ，小桂子 ，誒 ，你 喺 呢處 啊 ？
韋小寶 啊 唯有 應 佢 話 ：我 喺 呢度 啊 。
過咗 大半個 時辰 ，佢 拈手拈腳 噉 行到 去 門邊 。
嗱 各位 ，欲知 後事 如何 ，且 聽 下回 分解 。
