前 文 再續 啊 書 接上 一回 啊 ， 話 説 韋小寶 啊 繼續 講沐 王爺 火箭 射 象 嘅 故事 畀 茅十八 聽 。
韋小寶 話 ：沐王爺 就 擺開 陣勢 ，遠遠 望過去 只見 沙塵 滾滾 殺氣 騰騰 。
幾百隻大象 ，頭上 都 綁住 尖刀 ，發咗狂 噉 衝過嚟 噃 ，象尾 上 便 都 燒着 嘅 。
原來 雲南 啊 靠近 緬甸 ， 梁王同 緬甸 買 咗 幾百隻 大象 ， 就 擺下 一個 火象陣 。
用啲 松枝 綁 喺 大象 條 尾 上 便 就 點着 火 ，大象 受 咗 驚 ，就 向 明軍 衝 過嚟 喇 。
大象 就 皮 堅 肉 厚 吖嘛 ，用 箭 係 射 佢 唔到 嘅 。
只要 啲 明軍 一亂 ，元兵 就 可以 跟 喺 大象 後便 掩殺 過嚟 。
明軍 都係 北方人 從來 未見過 大象 ，一見到 呀 ，嚇到 慌晒 個心 都 話 ：牛魔王 條 尾 會 噴火 嘅 ，噉 就 大事 不好 喇 。
係噃 ，呢個 火象陣 果然 係 厲害 噃 。
但係 沐王爺 不動聲色 ，只係 微微 冷笑 。
等到 啲 大象 衝 到 十丈 之外 ，喝 一 聲 話 ：放 田鼠 ！
將 嗰 一萬 幾 隻 田鼠 放晒出嚟 ，霎時之間 啊 ，成地 都係 老鼠 東奔西轉 。
雖知 大象 呢 就 唔怕 獅 熊 虎 豹 ，最 怕 嘅 就係 老鼠 。
老鼠 如果 蜎入去 大象 嘅 耳朵 呢 ，就 食 佢 腦髓 ，噉 大象 完全 冇 佢 收 嘅 。
噉嗰群大象 一見到 老鼠 呢 就 嚇到 雲飛天外 ，掉轉頭 就 逃跑 ，衝翻 入去 元兵陣 內 ，踩到 啲 元軍 將官 兵卒 啊 頭 穿 腳 斷 。
噉 有 啲 大象 呢 就 不辨 東西南北 ，向住 明軍 就 繼續 衝過嚟 ，就 一隻 二隻 噉 跌晒 落去 陷坑 之內 喇 。
跟住 沐王爺 又 叫 ：放火箭 ！
佢 老人家 呢 一 聲 令下 ，只見 天空 之中 ，千 朵 萬 朵 火花 ，好 睇 到 死 啊 。
乜 ，乜箭 上面 會 發火 嘅 咩 ？
唓 ，你 估 火箭 係 有 火啲 箭 嚟 咩 ？錯喇 ，火箭啊 ，就係 煙花 炮仗 嚟 。
喺 明軍 之中 ，有 放炮 同埋 放槍 用 嘅 硫磺 火藥 㗎 嘛 ，沐王爺 頭 一 晚 呢 已經 傳 下 將令 喇 ，叫 啲 軍士 用 火藥 做成 煙花 炮仗 。
噉射出去嘅時候 ，火花 滿天 ，乒乒乓乓 咁響 ，嗰啲 大象 咪 更加 怕 咯 ，唔 要命 噉 奔跑 。
元軍 嘅 陣勢 就 畀 大象 衝 到 融融爛爛 ，散散嗖嗖 ，一塌糊塗 喇 。
沐王爺 就 下令 擂鼓 進攻 ，眾兵將 大聲 吶喊 ，喎嗬噉 跟住 大象 就 衝入 城 嘞噃 。
梁王 帶 住 妃子 正 喺 城頭 飲酒 ， 等候 明 軍 大敗 嘅 消息 啦 ， 點知 見到 幾百隻 大象 衝 翻入 城 ， 梁王 就 大 嗌 話 ：
咕嚕阿布兔 ，嗚哩嗚 ，咕哩阿布兔 ，嗚哩嗚 。
茅十八 就 問 ：佢 嗚啊嗚啊嗚 噉 叫 乜嘢 啊 ？
韋小寶話 ：佢 係 蒙古人 ，嗌 嘅 梗係 蒙古話 啦 ，佢 即係 話 ，哎呀 弊傢伙 喇 ，大象 起義 喇噉 。
噉佢呢就喺城頭走翻落嚟 ，見到有個井就跳落去 嘞噃想自殺 。
點知 嗰個 梁王 呢 就 肥過 頭 個 肚煲 好 大 個 嘅 。
跳落咗 一半 ，個 肚 煲 啊 塞住 喺 井口 ，上 又 唔 上得 ，落 又 唔 落得 ，大聲 話 ：哎呀 不好了 ，孤王 半天 吊 噉 嘞 噃 。
點解 佢 呢次 又 唔 用 蒙古話 嚟 叫 呢 ？
佢 仲係 用 蒙古話 嚟 叫 嘅 ，橫掂 你 又 唔識 ，噉 我 咪 改成 我哋 嘅 話 咯 。
嗱 ，沐王爺 一馬當先 衝咗 入城 ，見到 個 老傢伙 ，身穿 黃袍 頭戴 金冠 ，知道 呢個 人 呢 一定 係 梁王 喇 。
見到 佢 個 大肚 煲 塞住 喺 井口 ，就 不由得 哈哈大笑 ，一揦 住 佢 頭髮 ，一手 就 扚 佢 起身 。
哇 聞見 啊 臭氣沖天 啊 ，原來 梁王 慌到 呀 飚 青屎 啊 。
茅十八 哈哈大笑 ：哈哈哈哈哈哈哈 小寶 ，你 講 嘅 古仔 真係 好聽 。
原來 沐王爺 平定 雲南 就 全靠 智勇雙全 㗎 。
如果 佢 唔 擺 老鼠陣 ，梁王 嗰個 火象陣 衝過嚟 呀 ，明軍 啊 非 大敗 不可 嘞 。
韋小寶 話 ：噉 仲 使 講 ，嗱 沐王爺 打仗 就 用 老鼠 ，我哋 打仗 用 石灰 噉 我哋 半斤八兩 啫 嘛 。
唔係 ，開講 有 話 兵不厭詐 吖 嘛 ，打仗 用 計策 係 可以 嘅 ，諸葛亮 唔係 會 擺 空城計 咩 ？
之 我哋 一刀一槍 行走 江湖 ，就要 光明磊落 ，打仗 同 打交 完全 唔同 㗎 。
我 睇 都 差唔多 啫 。
噉 兩個人 一路上 傾傾講講 都 幾 開心 。
茅十八 就 將 江湖 上 嘅 種種 規矩 禁忌 ，一件件 講 畀 韋小寶 聽 ，收尾 佢 話 ：
你 唔會 武功 ，人哋 知道 你 唔係 行家 呢 ，就 唔會 用 辣手 對付 你 。
你 就 千祈千祈 唔好 冒充 ，噉 你 一 冒充 就 反而 蝕底 。
韋小寶話 ：我 小白龍 韋小寶 啊 只係 會 水底 功夫 ，伏喺 水底 ，生食 魚蝦 ，呢啲 陸上 功夫 呢 ，就 唔係 點 在行 喇 。
茅十八 聽咗 哈哈大笑 。
當晚 ，兩個人 喺 一户 農家 借宿 。
茅十八 畀咗 幾 兩 銀 過 嗰 户 農家 ，噉 喺度 休養 咗 十幾 日 。
等身上各處嘅傷勢好晒喇 ，噉先至請一架大車 ，起程去北京 。
話説 ，呢一日 佢哋 嚟到 北京 ，入城 嘅 時候 已經 係 午後 。
茅十八 叫 韋小寶 講説話 一舉一動 都 要 小心 在意 。
因為 京城 地方 公差 耳目 眾多 ，千祈 唔好 露出 破綻 。
韋小寶 就 話 ：我 有 咩 破綻 啫 ？你 自己 因住 唔好 露出 破綻 先 係 。
你唔係話要搵鰲拜比武咩 ？上門搵佢就係啦 。
茅十八 只有 苦笑 佢 冇 回答 。
當日 話 要 搵 鰲拜 比武 ，只係 心情 激動 嘅 時候 講 嘅 一句 豪言壯語 啫 。
佢 雖然 係 魯莽粗豪 啊 ，到底 已經 喺 江湖 上 撈咗 成 廿幾 年 喇 ，都 知道 鰲拜 係 個 一人之下 ，萬人之上 嘅 大官 ，又 點 肯 嚟 同 佢 呢個 江湖 漢子 比武 呢 ？
自己嘅 武功 不過 係 個 二三流 腳色 ，鰲拜 如果 真係 滿洲 第一 勇士 ，多數 都 打 佢 唔過 嘅 。
不過 既然 已經 喺 韋小寶 面前 誇過 大口 ，就 唔能夠 唔 上 北京 。
個 心 諗 ：帶住 個 細路 喺 北京城 ，逛 個 一頭半個月 ，睇下 京城 嘅 景色 ，大吃大喝 一番 噉 送 佢 翻 去 揚州 就係 啦 。
鰲拜 一定 唔肯 同 自己 比武 㗎 喇 ，不過 係 佢 唔肯 咋 噃 唔係 自己 唔敢 啊 ，韋小寶 亦 唔能夠 譏笑 我 水皮 冇 種 咯 。
萬一 鰲拜 真係 肯 比 嘞 ，噉 我 茅 十八 至多 就 拼 咗 唔 要 呢條 命 啫 。
噉 兩個人 嚟到 西城 一家 小酒店 裏 便 ，茅十八 要咗 酒菜 。
正喺度飲緊 ，忽然間 有 兩個人 行咗入嚟 ，就 一老一小 。
老嗰個呢 ，就 約莫 六十零歲 ，細嗰個 只係 十二三歲 。
兩個人 着嘅 服飾 都 非常之 古怪 嘅 。
韋小寶 唔 知道 佢哋 係 咩嘢 人 ，茅十八 一 睇 呢 ，就 知道 佢哋 係 皇宮 裏 便 嘅 太監 。
嗰個 老太監 塊 面 好似 黃紙 噉 色 ，攣腰 駝背 不停 咁 咳 ，似乎 係 有 好 重病 喺 身 。
噉嗰個 小太監 扶住 佢 ，慢慢 行到 張 枱 嘅 旁邊 坐落 。
個 老太監 話 ：攞 酒 嚟 啦 。
個酒保 連氣 應咗 幾聲 嚟喇嚟喇嚟喇 ，就 急急 攞 酒 嚟 。
老太監 喺 身邊 ，扲 出 個 紙包 打開 佢 ，小心翼翼 噉 用 手指甲 呢 挑 咗 啲 咁多 放落 酒 裏 便 溶咗 。
將 個 藥包 放翻 落 袋 ，攞起 酒杯 慢慢 噉 飲 。
過咗 一陣間 ，突然間 全身 抽筋 就 猛咁 震 。
個酒保 慌嘞 連忙 問 ：咩事啊 咩事啊 ？
嗰 小太監 喝 佢 話 ：行開啦 ，啰哩啰嗦 做乜嘢 啊 ？
嗰個 酒保 騎騎騎噉 彎腰 陪笑 ，就 行翻開 。
嗰個 老太監 雙手 扶住 張 枱 ，牙齒 打掛 打到 咔咔聲 越 震 越 厲害 。
再過咗一陣間 ，連 張 枱 都 不停 咁 搖起 上嚟 ，枱面 上 啲 筷子 就 一隻隻 噉 跌晒 喺 地下 。
個 小太監 慌喇 ，佢 話 ：公公 ，再 食 一 劑 呢 好唔好 啊 ？
佢 伸手 落 佢 個 袋 裏 便 扲 個 藥包 出嚟 就 要 打開 。
老太監 話 ：唔好 ，啊 ，啊 ，唔好 。
嗰啲 神情 呀 好 緊張 嘅 。
小太監 揸住 藥包 就 唔敢 打開 。
就喺呢個時候 ，有 七名 大漢 行 入嚟 酒店 。
都係 上身 打 赤肋 ，着住 牛皮褲 ，條 辮 呢 就 盤 喺 頭頂 ，周身 油膩 直情 閃光 ，亮 嘅 ，好似 係 畀 油脂 呢 搽到 滿晒 噉 。
七個人 個個 都 係 肌肉起展 ，心口 生毛 ，隻手板 呢 ，葵扇 咁大隻 嘅 。
七個人 分開 坐 兩張 枱 ，大聲 咁 叫 ：快啲 攞 酒 嚟 ，牛肉 肥 雞 越快越好 ！
酒保 應 一聲 話 ：嚟喇嚟喇 ！噉 啊嗱嗱 聲 擺 好 杯筷 就 問 ：
客官 ，點 咩嘢 菜 呢 ？
有 一 名 大漢 鬧 佢 嘞 ：你 聾 㗎 ？
另外一名 大漢 突然間 伸手 ，揦住 酒保 後腰 ，手臂 一挺 ，將 佢 舉起身嚟 。
酒保 手腳 亂咁 舞 嚇到 呱呱聲 叫 。
七名 大漢 哈哈大笑 。
噉嗰個大漢 一捹手 ，將酒保𢴈咗 出去 店外 便 噼啪 一聲 𢴈喺 地下 。
痛到 個 酒保 啊呀呀 聲 ，班 大漢 又 是 齊聲 大笑 。
茅十八 細細聲 話 ：呢班人 係 玩 摔跤 。
佢哋 揦起 人 一定要 掟到 遠遠 ，免得 對手 落 喺 身邊 ，立時 反攻 。
韋小寶 話 ：你 會 唔會 摔跤 啊 ？
我 未 學過 ，呢種 硬功夫 遇着 武功 好手 ，亦 冇 咩嘢 用處 嘅 啫 。
噉 你 打得過 佢哋 啦 ？
同 呢啲 牛精佬 有 咩嘢 好 打吖 ？
噉 你 一個人 打 佢哋 七個 一定 輸 㗎 噃 。
佢哋 唔係 我 對手 嘅 。
韋小寶 突然間 大聲 話 ：喂 ！呢班 大嚿佬 啊 ，我 呢個 朋友 話 嘩 ，佢 一個人 能夠 打贏 你哋 七個 喎 。
茅十八 連忙 喝住 佢 話 ：唔好 撩 事斗非 啦 。
但係 韋小寶 最 鐘意 嘅 呢 偏偏 就係 撩事斗非 。
佢 先頭 見 嗰 七名 大漢 無緣無故 噉 將 個 酒保 𢴈到 死死下 ，個心 好 激氣 。
聽 茅十八 話 一個人 能夠 打贏 佢哋 七個 ，就 從中 挑撥 ，等 茅十八 教訓 下 佢哋 。
嗰 七 名 大漢 一齊 望住 佢哋 兩個 ，有 個 人 問 ：
細佬哥 ，你 話咩話 ？
韋小寶 話 ：呢 我 呢個 朋友 話啊 ，你哋 蝦 個 酒保 唔 算 係 英雄好漢 ，有種 嘅 同 佢 鬥 下 喎 。
一名大漢 睩 大 雙眼 對住 茅十八 話 ：王八蛋 吖 ，係 你 講 㗎 ？
茅十八 知道 呢 七個 人 都 係 玩 摔跤 嘅 滿洲 人 ， 本來 就 唔 想 搞 事 嘅 ， 但 係 佢 一 見到 滿洲 人個 心 就 嬲 。
又 聽 嗰個 大漢 開聲 就 鬧人 ，火起上嚟 就 攞起 個 酒壺 ，兜口兜面 就 掟過去 。
嗰個 大漢 伸手 一格 ，點知 茅十八 喺 呢 一 掟 之中 啊 使咗 內勁 嘅 ，咔 一聲 ，酒壺 撞上 佢 隻 手臂 ，痛到 個 大漢 呀 慘叫 一 聲 啊 。
另一名大漢 就 撲過嚟 ，茅十八 飛腳 踢佢 。
滿洲人 摔跤 就 極少 用 腳 嘅 ，呢一 腳 佢 避唔到 ，踢正 佢 小肚 當堂 飛咗 出去 。
其餘 嗰 五名 大漢 就 混賬 王八蛋 亂咁 鬧 紛紛 撲過嚟 。
茅十八 身形 靈活 ，使 開 擒拿手法 ，踭撞 掌劈 ，眨下眼 唧 就 打低咗 四個 。
另外一個 呢 打斜身 ，拼住 用 膊頭 受咗 茅十八 一掌 ，咪 伸手 揦住 茅十八 後腰 舉起嚟 。
跟住 將 佢 個 身 倒轉 ，要 將 佢 個 頭殼 頂 啊 ，喺 石級 上面 舂 落去 。
點知 茅十八 雙腿 連環 啪啪 兩聲 ，踢正 佢 心口 。
嗰個 大漢 嘅 口 一擘 ，當堂 嘔血 ，雙手 即刻 鬆開 。
茅十八 順住 嗰個 大漢 仰面 跌倒 嘅 勢頭 ，雙腳 已經 𨅝落 佢 嘅 心口 。
噉 雙掌 一招 回風拂柳 ，打斜 一劈 ，正中 嗰個 畀 酒壺 掟 中 嘅 大漢 後心 。
喀啦一聲 ，嗰個 大漢 斷咗 幾條 肋骨 ，就 趴 喺 枱面 。
茅十八 一手 拉住 韋小寶 話 ：死僆仔 就係 會 闖禍 ，快啲 走啦 ！噉 就 向住 門口 走嘞噃 。
只係 走咗 兩步 啫 ，見到 嗰個 老太監 彎住 條 腰 ，企 正 喺 門口 。
茅十八 就 伸手 輕輕 推 一推 佢 ，想 將 佢 推開 。
點知 手掌 啱啱 同 佢 膊頭 接觸 ，只覺得 全身 劇烈 一震 ，不由自主 一個 踉蹌 向 旁邊 舂咗 幾步 。
右腰啊撞喺枱處 ，撞到 張 枱 都 冧咗 。
茅十八 噉樣 一扽 啊 ，就連 帶 韋小寶 都 𢴈咗 出去 ，痛到 韋小寶 呱呱嘈 。
茅十八 出力 扎穩 馬步 ，噉 先至 企得翻穩 ，覺得 全身 都 發㷫 啊 ，就好似 火燒 噉 。
嘩 ，佢 個 心驚 啊 ，睇下 嗰個 老太監 ，只見 佢 攣腰 駝背 不停 咁 咳 ，對於 先頭 個 事 似乎 冚唔 知道 噉噃 。
茅十八 知道 今日 遇見 高人 喇 ，對方 多數 係 身懷 邪術 嘅 。
否則 佢 嘅 武功 就算 高過 自己 啊 ，亦 決唔 能夠 將 自己 輕輕 一 推 嘅 力 ，化為 咁 大 嘅 力度 㗎 。
武功 之中 ，雖然 係 有 借力 反打 四兩撥千斤 嘅 法子 ，但 都係 對方 有 幾 大 嘅 力量 打過嚟 ，就 有 幾 大 嘅 力量 反擊 出去 啫 ，決冇 話 將 小力 化為 大力 嘅 道理 㗎 。
佢 急忙 轉身 ，扚起 圍小寶 ，向住 後堂 就 跑 。
只係 跑咗 三步 唧 ，只 聽見 一 聲 咳嗽 ，嗰 老太監 已經 企 喺 面前 。
茅十八 一驚 ，腳板底 一使力 ，上身 向前 一撲 ，就好似 向 對方 撲擊 。
不過 個 身 呢 ，已經 向 後 便 翻 出去 嘞 。
佢 雙腳 都 仲未 落地 ，忽然間 覺得 背心 上面 有 一股 輕柔 嘅 力量 撞到嚟 。
佢 急忙 用 左手 反掌 一擊 ，點知 擊空咗 ，個身 就 向前 撲 出去 嘞噃 ，就 跌 喺 兩名 大漢 身上 。
呢一跤呀跌得好重啊 ，好彩 嗰兩名大漢 又肥又壯 做咗 厚厚嘅 墊褥 噉 先至 冇受傷 。
嗰 兩 名 大漢 就 跌斷 咗 腿骨 ，企唔起身 ，但係 雙手 係 冇事 㗎 ，即刻 施展 摔跤手法 ，將 佢 緊緊噉 揦實 。
茅十八 想話 抗拒 ，之 手腳 呢 竟然 使唔出 半點 力量 ，原來 背心 嘅 穴道 已經 畀 人 封住 。
佢 背脊 向天 ， 睇 唔 見 身後 便 嘅 情景 ， 只 係 聽到 嗰 個 老 太監 不停 咁 咳 ， 有氣無力 噉 喺 度 責備 個 小太監 ：
你 又 要 畀 藥 我 食 ，噉咪 即係 存心 害死 我 ？
呢啲 藥啊 ，只要 食 多半分 ，就要 攞 我 條 老命 㗎啦 。
唉 ，你 呢個 細路 真係 冇用 㗎 咯 。
個 小太監 話 ：孩兒 實在 唔 知道 以後 唔敢 喇 。
唉 ，仲有 以後 咩 ？唉 ，亦 唔 知道 ，仲有 幾多 日 命 添 咯 啊 咳咳咳咳咳咳 。
公公 ，呢個 傢伙 係 咩 來頭 㗎 ？怕 係 個 反賊 噃 。
個 老太監 就 問 嗰 幾 個 大漢 嘞 ：
你哋 呢 幾位 朋友 ，係 邊度 㗎 ？
有 一 名 大漢 話 ：公公 ，我哋 都 係 鄭王爺 府 嘅 ，今日 如果 唔係 公公 出手 ，捉住 呢個 反賊 ，我哋 就 丟晒 大架 喇 。
哼 ， 哼 ， 噉 亦 係 撞 彩 嘅 啫 。
嗱 ，你哋 呢 ，亦唔好 驚動 旁人 ，就 將 呢個 漢子 同 嗰個 細路 ，都 送嚟 大內尚膳監 ，就 話 係 海老公 要 嘅 人 啦 。
嗰幾名 大漢 就 齊聲 應咗 。
老太監啊 對 嗰個 小太監 話 ：
仲唔去叫轎 ，你 睇 我 噉嘅樣 ，仲 行得逳 咩 ？
小太監 應咗 一聲 就 飛奔 出去 ，個 老太監 趴 喺 張 枱 處 不停 咁 咳 。
韋小寶 見到 茅十八 被擒 ，噉 諗起 講古 先生 講過 ：留得 青山 在 不怕 冇 柴燒 。一定要 腳底 抹油 就 三十六着 走 為 上着 。
佢 順 住 埲 牆 靜 雞雞 噉 行去 後堂 。
佢 見 邊個 都 冇 留意到 自己 ，個 心 正在 偷偷 歡喜 嘞 喎 。
點不知 嗰個 老太監 用 手指 一彈 ，一隻 筷子 飛過嚟 ，督正 佢 右腳 嘅 腳坳 嗰度 。
韋小寶 隻 右腳 當堂 痺 晒 𢴈 咗 喺 地 ，冇得 逳 卒 。
韋小寶 開口 就 鬧嘞 ：你個 肺癆精 老龜 公 。
一 擸 眼 ， 見到 一名 大漢 惡死 騰騰 嗰 個 樣 ， 個心 一驚 ， 跟 住 後 便 嗰 十幾句 惡毒 嘅 説 話 都 縮 翻晒 入肚 。
過咗 冇 幾耐 ，門口 外 便 抬咗 一 頂 轎 嚟 ，小太監 行 入嚟 話 ：公公 ，轎 到喇 。
老太監 鉗鉗鉗 猛咁 咳 ，由 小太監 扶住 佢 ，就 坐咗 落 轎 ，噉 兩名 轎夫 起 轎 呢 就 抬住 去咗 喇 。
小太監 就 跟住 喺 頂轎 後 便 行 。
七名 大漢 之中 四個人 受傷 就 好 輕 嘅 啫 ，佢哋 將 茅十八 同埋 韋小寶 用 繩 啊 綁起嚟 。
喺 綁嘅 時候 ，仲 不歇 噉 對 茅十八 拳 打 腳踢 。
韋小寶 忍唔住 咯 把口 又 試唔乾唔淨 噉 鬧 ，但係 畀人 出力 噉 摑 咗 兩巴 呢 ，就 只有 乖乖哋 唔敢 出聲 。
班 大漢 叫咗 兩 頂 轎 嚟 ，又 將 啲 布 呢 塞住 佢 兩 個 人 把 口 ，用 黑布 綁住 眼 ，放咗 上 轎 裏 便 抬 走 。
韋小寶 啊 只係 喺 七歲 嘅 時候 ，有 一次 跟埋 母親 去 拜神 坐過 轎 啫 。
而家 只有 自己 安慰 自己 嘞 ：
你 阿爺 吖 ，老子 好耐 冇 坐轎 喇 ，吖 今日 啲 孝順 仔 服侍 老子 坐轎 啊 真係 乖仔 乖孫 咯 。
但係 想到 唔知 會唔會 陪埋 茅十八 一齊 殺頭 ，亦 不禁 怕 起 上嚟 喇 。
佢 喺 轎 裏 便 昏天黑地 ，只係 覺得 呢 行 極 都 行唔完 嘅 。
有時 頂轎 就 停落嚟 有人 盤問 ，聽日 轎外 嘅 大漢 總係 回答 ：尚膳監 海老公公 叫 送去 嘅 。
韋小寶 唔 知道 尚膳監 係 咩嘢 東東 ，但 嗰個 海老公 呢 似乎 頗 有 權勢 ，只要 一 提 佢 個 名 ，頂轎 就 通行 無阻 嘞 。
有 一次 盤問 嘅 人 掀開 轎 帷 嚟 到 望 一下 就 話 ： 係 個 細蚊 仔 啊 ？
韋小寶 就 想 話 ，係 你 祖宗 噉 㗎 喇 ，可惜 口 呢 畀 人 用 布 塞住 講唔出 説話 。
一路噉行住去 ，佢 混混沌沌 幾乎 要 瞓着 㗎喇 。
忽然 頂轎 停低 ，有 個人 話 ：海公公 要 嘅 人 送到 喇 。
噉 有 個 細路 把 聲 話 ：知喇 ，海公公 喺度 休息緊 ，將 人 放 喺 呢處 就 得喇 。
韋小寶 聽 佢 把 聲 ，知道 呢個 人 呢 就 喺 酒店 見到 嗰個 細路 。
又 聽見 先頭 嗰個 人 話 ：
我 哋 返去 稟告 鄭王爺 ， 王爺 必定 派 人 嚟 多謝 海老公 嘅 。
嗰個 細路 話 ：知喇 ，你 話 海老公 ，同 王爺 請安 。
嗰個人 話 ：唔敢當 。
跟住 就 有人 將 茅十八 同 韋小寶 喺 轎 裏 便 拖 咗 出嚟 ，兜 咗 入 屋 裏 便 放低 。
韋小寶 聽住 班人 嘅 腳步聲 去 遠咗 ，又 聽見 海老公 嗰 幾下 咳嗽聲 ，又 聞到 一浸 好 濃 嘅 藥味 ，個 心 諗 ：
呢個 老鬼 病到 就嚟 死喇 ，吖 偏偏 唔死 早 幾日 ，睇嚟 仲要 我 同 茅大哥 幫 佢 去 閻羅王 嗰度 打 先鋒 噃 。
呢處 係 四圍 靜嚶嚶 ，除咗 嗰個 海老公 ，偶然 咳 幾聲 之外 就 冇 第二樣 聲 嘞 。
韋小寶 嘅 手腳 畀 人 綁 實 ，手指 腳趾 都 已經 麻痹 ，講唔出 咁 難受 。
偏偏 嗰個 海老公 啊 似乎 唔 記得 咗 佢哋 兩個 人 噉 ，完全 冇 理 到 佢哋 。
過咗 好耐 好耐 ，先 聽見 海老公 細細聲 叫咗 一 聲 ：小桂子 。
嗰個 細路 應 佢 話 ：係 。
韋小寶 個 心 諗 ：原來 你 呢個 死 僆仔 叫做 小桂子 ，同 你 阿爺 嘅 名 有 個 小 字 相同 嘅 。
噉又聽見海老公話 ：將佢兩個人松咗綁 ，我有說話問佢哋 。
小桂子 應咗 聲 話 ：係 。
韋小寶 聽見 叻叻聲 ，睇嚟 係 小桂子 用 刀 喺度 割斷 茅十八 手腳 上 嘅 繩 。
過咗 一陣間 ，自己 手腳 上 嘅 繩 亦 割斷咗 喇 ，跟住 ，綁住 眼 嘅 黑布 又 揭開咗 喇 。
嗱 各位 ，欲知 後事 如何 ，且 聽 下回 分解 。
