前 文 再續 啊 書 接上 一回 啊 。
話説 嗰個 神高神大 嘅 鹽梟 ，舉起 右拳 ，對住 嗰個 細路 頭 頂 啊 𢱕 落去 。
嗰個 細路 向前 一 衝 就 冇 地方 好 避 喇 ，佢 即刻 推開 廂房 道 房門 ，趯咗 入去 喎 。
大廳 嘅 人 都 哎吖噉 一 聲 。
嗰個 大漢 打 個 突 ，之 佢 唔 敢 衝 入 房 裏 便 追 個 細路 。
嗰個 細路 趯咗 入去 廂房 ，佢 係 由 光 到 黑 ，一時 睇唔 清楚 。
突然間 兵刃 相交 ，嘣 一聲 ，撞出 幾星 火花 。
佢 見到 床上 便 坐住 一個人 ，成個 頭殼 都 墊住 白布 繃帶 ，個 形狀 好 恐怖 嘅 ，嚇到 佢 喴 一聲 大叫 。
啲 火星 閃過 之後 ，間 房 又 黑返 嘞 。
不過 大廳 啲 燈燭 嘅 光 啊 ，喺 房門 映入嚟 ，噉 就 漸漸 漸漸 睇清楚 。
嗰個 頭殼 包住 繃帶 嘅 人 ，佢 揸住 把 單刀 揮舞 格鬥 ，四個 鹽梟 頭目 呢 只係 剩返 兩個 。
兩個 瘦佬 呢 都 碌 低 喺 地下 。
只有 手揸 雙 短劍 嘅 老人 ，同 一名 魁梧 大漢 仲 係 同床上 嗰 人 打緊 啫 。
嗰個 細路 個 心 諗 ：呢個 人 嘅 頭殼 受咗 重傷 企 都 企唔起身 嘞 ，實打唔過 呢啲 私鹽佬 嘅 。
咪喇 ，老子 快啲 鬆人 罷喇 。
哎呀 ，又 唔知 阿媽 點 呢 ？
佢 一下 諗起 母親 畀 人哋 打 當堂 火起 啊 ，隔住 廂房 門 就 破口大罵 ：
你 班 死 龜 蛋 ， 你 十八代 祖宗 個個 都 係 龜公 啊 。
你啲 私鹽佬 屋企 裏 便 嘅 鹽 多 ，你 阿嫲 、你老母 、你老婆 死咗 ，都 畀 鹽 醃 起 上嚟 ，攞 去 市頭 當 鹹豬乸肉 賣 ，一文錢 三斤 ，冇 人 買 你啲 臭 鹹肉 啊 。
大廳 嗰班 鹽梟 聽 佢 鬧 得 咁 惡毒 ，個心 嬲 到 不得了 ，想 衝 入 房 去 捉住 佢 嚟 幾拳 打死 ，之 又 唔 敢 入 房 噃 。
房裏 便 嗰個人 ，突然間 單刀 一側 ，𠻘 一聲 ，斬正 嗰個 魁梧 大漢 嘅 左膊 ，連 膊頭骨 都 斬斷 。
嗰個 大漢 劏 豬 噉 大聲 慘叫 幾乎 𢴈低 。
嗰 個 老人 雙劍齊 出 ， 刺 嗰 個人 嘅 心口 ， 嗰 個人 舉刀格開 。
就喺呢個時候 ，啪一聲 ，嗰個大漢 一鞭 打中 佢 右膊 ，單刀 咣噉 就 跌咗 落地 。
嗰個 老人 大喝 一 聲 ，雙劍 猛刺 。
嗰個人 左掌 擊出 ，咔喇 幾聲 ，打斷 嗰個老人 幾條 肋骨 ，成個人 直飛出 房 ，狂噴 鮮血 ，𢴈咗 喺 地 暈咗 咯 。
嗰個 大漢 雖然 左膊 重傷 ，仍然 係 非常之 勇悍 ，舉起 鋼鞭 向住 嗰個 人 頭頂 擊落去 。
嗰個人 竟然 唔閃避 噃 ，似係 筋疲力盡 ，已經 冇力 逳 嘞 。
不過 嗰個 大漢 嘅 氣力 呢 亦 都 剩返 冇 幾多 ，鋼鞭 落去 落得 好 慢 。
嗰個 細路 見到 嗰個 人 咁 危急 ，一時間 同 仇敵 愾 ，猛 衝 向前 就 攬住 嗰個 大漢 嘅 雙腳 ，出力 向後 拉 。
嗰個 大漢 至少 都有 二百零斤 重 ，嗰個 細路 就 奀奀 細細 ，平時 呀咪 指意 逳 佢 一條 頭髮 。
但係 而家 呢個 大漢 係 身負重傷 ，全靠 一啖氣 支持 嘅啫 。
而家 突然間 畀 個 細路 一掹 ，當 同 噼啪 一聲 成個 𢴈 低 ，瞓 喺 血泊 之中 逳 都 唔 逳 。
床上 嗰個人 喘咗 幾口氣 ，笑一笑 話 ：有種嘅 入嚟 打啦 。
嗰個 細路 就 猛咁 耍手 叫佢 唔好 再 向外 便 啲 人 挑戰 嘞 。
當 嗰個 老人 飛出 房 外 嘅 時候 ，撞到 廂房 道 門 忽 開 忽合 ，噉 直到 而家 道 房門 呢 仲 來回 咁 逳 。
大廳 嗰啲 燭光 射到 入嚟 ，照 喺 嗰個人 塊面 處 ，只見 佢 啲 鬍鬚 啊 好似 亂草 噉 ，成面 都係 血污 ，認真 猙獰 可怕 。
大廳 嗰班 鹽梟 睇唔 清楚 房裏 便 嘅 情形 ，個個 都 驚到 定晒 型 。
只聽見 房內 嗰個人 又 大喝 ：喂 ！你班 龜蛋 唔敢 入嚟 ，老子 就 出嚟 一個二個 殺晒 你哋 。
嗰班 鹽梟 喎嗬 一聲 ，噉 啊 抬起 地下 受傷 嘅 人 就 紛紛 奪門 而出 。
嗰個人 哈哈大笑 ，然後 細細聲 話 ：
細路 ，你 去 將 道門 戌實 佢 。
嗰個 細路 個 心 諗 ：呢道 門 係 非 戌 不可 嘅 。就 應 咗 一聲 喇喇聲 將 房門 戌實 。
然後 慢慢 行到 床前 ，喺 黑暗 之中 ，只 聞到 一陣陣 血腥 𡃴 。
嗰個人 話 ：你 ，你 。
一句 説話 都 未 講完 啫 ，忽然間 個 身 一側 ，好似 暈咗 噉 ，個身 搖搖岌岌 想 跌落 地 。
嗰個 細路 連忙 衝 上去 扶實 佢 。
呢 個人 係 好 重 啊 ， 個 細路 出衡力 將 佢 扶 返 正 ， 將 佢 嘅 頭殼 放 喺 枕頭 上 便 。
嗰個人 㗾㗾聲 猛 喘氣 ，隔咗 一陣 ，佢 細細聲 話 ：
嗰 啲 私鹽 佬 ， 轉眼 又 返 嚟 㗎 喇 ， 我 啲 氣力 都 未 恢復 啊 ， 要 ， 要避 ， 要 避一避 佢 哋 。
噉啊 用 手 撐起 個 身 ，好似 係 啱啱 碰到 痛 嘅 地方 就 大聲 呻咗 一 聲 。
嗰個 細路 想 去 扶 佢 ，嗰個 人 話 ：
執起 把 刀 ，遞畀 我 啦 。
嗰個 細路 執起 地下 嘅 單刀 ，交畀 佢 右手 。
嗰個人 慢慢 喺 床上 落地 ，個身 就 猛咁 岌下岌下 。
嗰個 細路 行過去 ，用 右 膊 頂住 佢 左 便 胳肋 底 。
嗰個人 話 ：我要 出去 嘞 ，你 唔好 扶 我 ，否則 嗰班 私鹽佬 見到 ，就 連 你 都 殺埋 。
嗰個 細路 話 ：唓 ，殺咪殺 ，我 真係 唔怕 ，我哋 好 朋友 講義氣 ，我 非 扶 你 不可 。
嗰個人 哈哈大笑 ，笑笑下 就 咳咗 幾聲 佢 話 ：啊 ，你 同 我 講 義氣 啊 ？
嗰個 細路 話 ：點解 唔 講 啊 ？好 朋友 有福 同享 ，有難 同當 吖 嘛 。
揚州 街市 啲 茶館 裏 便 都 好多 講古 先生 嘅 。
噉啊 講 三國 、講 水滸 、大明 英烈傳 等等 嘅 英雄 故事 。
呢個 細路 呢 日日夜夜 喺 妓院 、賭場 、茶館 、酒樓 裏 便 鑽出 鑽入 。
幫 人哋 跑趯 買嘢 ，就 打啲 斧頭 ，攞 幾個 錢 打賞 。
一得閒 呢 ，就 踎 喺 茶館 啲 角落頭 啊 聽 霸王古 。
佢 對 茶館 裏 便 嗰 啲 夥 記 啊 ， 大叔 前 大叔 後 把 口 都 唔 知 叫 得 幾甜 ， 噉 啲 夥記 亦 冇 趕 佢 。
佢 聽 古 聽得 多 咯 ，對 故事 裏 便 啲 英雄 好漢 係 極之 佩服 。
而家 見到 呢個 人 受咗 咁 重傷 ，仍然 能夠 連氣 打傷 咁多 鹽梟 頭目 ，個 心 非常之 仰慕 。
所以 古仔 裏 便啲 英雄 經常 講 個 説話 ，即刻 衝口而出 。
嗰個人 哈哈大笑話 ：哈哈哈哈 ，哈哈 ，呢兩句 説話 講得 真好 ！
嗨 ，老子 喺 江湖 上 聽 人 講過 幾千幾百次 ，有福 共享 嘅 傢伙 就 見得 多 ，有難 同當 啲 人 ，就 碰唔到 幾個 唧 ，我哋 走啦 ！
嗰個 細路 用 右膊 承住 嗰個人 嘅 左手 ，打開 房門 出到嚟 大廳 。
大家 一見 ，驚到 面 都 青晒 ，四圍 咁 避開 。
嗰 個 細路 個 母親 就 嗌 佢 ： 小寶 ， 小寶 啊 ， 你 去 邊處 啊 ？
嗰個 細路 話 ：我 送 呢位 朋友 出出去 就 返嚟 㗎喇 。
嗰個人 笑住 話 ：哈 呢位 朋友 ，哈哈哈 ，我 變咗 你 嘅 朋友 喇 ？
嗰個 細路 嘅 母親 話 ：唔好 去 啊 ，你 個 衰仔 快啲 匿埋 啦 ！
嗰個 細路 笑咗 一 笑 ，邁開 大步 行 出 大廳 。
噉 兩個人 就 出咗 麗春院 ，條 巷 啊 靜嚶嚶 ，吖 竟然 冇人 ，噉 實係 嗰班 鹽梟 遇到 勁敵 ，返咗 去 班 馬 嘞 。
嗰個人 出咗 條巷 ，嚟到 條橫街 ，擔 高頭 睇睇 天上 嘅 星 就 話 ：
我哋 向 西 便 行 啦 。
行咗幾丈遠 ，迎面 有 一架 驢車 駛緊過嚟 ，嗰個人 叫咗聲 話 ：車啊 。
個 車夫 停咗 車 ，見到 兩個 人 周身 血污 ，噉 啊 有啲 思疑 嘞 。
嗰個人 喺 身邊 攞出 一錠 銀 ，大約 有 四五 兩 重 啦 佢 話 ：
畀咗 銀 你 先 ，揸住 。
嗰個 車夫 見 個 銀錠 唔 細 ，咪 即刻 停車 ，放落 踏板 。
嗰個人 慢慢 將 個身 壓 上去 車 。
噉 又 喺 身邊 扲 出 一個 十兩重 嘅 元寶 交 畀 個 細路 話 ：
小朋友 ，我 走嘞 ，呢個 元寶 送畀 你 。
嗰個 細路 見到 呢一個 大元寶 ，不禁 咕 一聲 吞咗 啖 口水 。
個心諗 ：嘩 ，呢趟 冇死喇 。
但係 佢 聽過 唔少 俠義 故事 ，知道 英雄 好漢 啊 只係 交 朋友 ，就 唔愛 金錢 嘅 。
今日 咁難得 有機會 做返次 英雄好漢 ，講乜 都 要 做到底 啦 ，千祈 唔好 做 貪錢 嘅 衰仔 ，噉啊 大聲 話 ：
我哋 只係 講 義氣 ，唔 講 錢財 嘅 。
你 送 元寶 畀 我 即係 睇 我 唔起 啫 ，你 身上 有 傷 ，我 送 你 一程 啦 。
嗰個人 打 個 突 ，仰天 狂笑 話 ：
哈哈哈 哈哈哈 ， 好極 ， 好極 ！ 有 啲 意思 。
噉啊 將 個 元寶袋 返 落 袋 。
嗰個 細路 爬 上 驢車 坐 喺 佢 身邊 。
個 車夫 問 ：客官 ，去 邊處 啊 ？
嗰個人 話 ：去 城西 ，得勝山 。
個 車夫 一窒 ：得勝山 ？而家 三更半夜 去 城西 啊 ？
冇錯 。
噉 將 把 單刀 喺 車轅 上面 輕輕 一 拍 。
車夫 怕 喇 連忙 話 ：啊 好好 。
放落車帷 ，就 趕車 出城 。
嗰個人 閉目 養神 ，不過 佢 呼吸 好 急促 ，有時 仲 咳 幾聲 。
得勝山 喺 揚州 城 西北 三十 里 嘅 大儀 鄉 。
南宋 紹興 年間 ，韓世忠 啊 曾經 喺 呢處 大破 金兵 ，所以 個 山 個名 呢 就 叫做 得勝 。
車夫 趕 隻 驢 趕得 好 急 啊 ，淨係 一個 幾時辰 唧 就 嚟到 山腳 ，佢 話 ：
客官 ，得勝山 到 喇 。
嗰個人 見到 呢座山 只有 七八丈 高 ，其實 不過 係 個 小小 嘅 山丘 ，就 呸咗 一聲 問 ：
乜 呢 處 就 乜 鬼 嘢 嘅 得勝 山 啊 ？
個 車夫 話 ：係啊 。
嗰個 細路 話 ：係 ，呢度 的確 係 得勝山 喇 。
我 阿媽 同埋 啲 姊妹 去 英烈夫人廟 拜神 ，我 有 跟埋嚟 ，喺 呢處 玩過 。
呢 ，再行過 一啲啲 ，就係 英烈夫人廟 喇 。
英烈 夫人 廟 供奉 嘅 係 韓世忠 嘅 夫人 梁紅玉 。
噉揚州人啊 ，又 稱之為 異娼廟 。
異 就 係 奇異 嘅 異 ， 娼 就 係 娼妓 嘅 娼 。
梁紅玉 年輕 嘅 時候 做過 妓女 ，喺 淪落 風塵 嘅 時候 識得 韓世忠 。
揚州啲 妓女 每年 必 到 英烈夫人廟 拜神 許願 ，祈禱 呢位 宋朝 嘅 安國夫人 在 天 有 靈 ，保佑 後代 嘅 同行 姊妹 。
噉嗰個人話 ：你既然知道 就唔會錯嘞 ，落車啦 。
嗰個 細路 跳咗 落地 ，扶 嗰個 人 落車 。
見到 四周圍 黑麻麻 佢 諗 ：
冇錯喇 ，呢度 咁 荒僻 ，匿埋 喺 處 ，嗰啲 死鬼 私鹽佬 啊 一定 搵唔到 嘅 。
嗰個 車夫 最 怕 呢個 周身 係 血 嘅 人 ，又 要 佢 再 去 第處 ，咪 即刻 拉轉 驢頭 ，就 想 返 扯嘞 。
嗰個人 話 ：咪住 ，你 將 呢個 小朋友 ，帶 返 入 城 啦 。
車夫 話 ：好嘅 。
嗰個 細路 話 ：我 陪 多 你 一陣 添 啦 ，聽朝 一早 ，我 幫 你 買 饅頭 食 啦 。
嗰個人 話 ：你 真係 要 陪 我 啊 ？
冇人 服侍 你 ，噉 你 唔掂 㗎 噃 。
嗰個人 又 試 哈哈大笑 對 個 車夫 話 ：噉 你 返 扯 啦 。
個 車夫 慌死 嚟 唔切 噉 趕車 就 走 啊 。
嗰個人 行到 一嚿 岩石 上面 坐落 ，眼見 驢車 去 遠咗 咯 ，四周圍 靜嚶嚶 ，突然間 大喝 一聲 話 ：
柳樹 後 便 嗰 兩個 烏龜 王八蛋 ，快啲 躝出嚟 ！
嗰個 細路 嚇咗 一跳 個 心 諗 ：哎 ，乜 呢處 有人 咩 ？
果然 見到 柳樹 後 便 有 兩個 人 慢慢 噉 行出嚟 。
兩個人 都係 白布 纏住 個頭 ，扎住 青色 腰帶 ，噉 實 係 同班 鹽梟 一夥 嘅 。
兩個人 手執 鋼刀 行咗 兩步 ，就 企定 腳 。
嗰 個人 喝 嗰 兩個 人 話 ： 你 個 死 龜 蛋 你 嘩 ， 喺 老 舉 寨 一直 盯住 老子 嚟 到 呢 處 ， 又 唔 上前 嚟 送死 做 咩 嘢 你 ！
嗰 兩個 人 細細聲 商量咗 幾句 ，轉身 就 走 。
噉嗰個人 猛力 跳起身 想要 追 咯噃 ，哎呀 一聲 ，又 試 坐返低 。
佢 受咗 重傷 ，已經 冇力 追人 。
個 細路 個 心 諗 ：
驢車 已經 去咗 ，我哋 兩個人 冇法子 走得 遠 㗎噃 。
呢 兩個 人 走去 通風報信 ，噉 等陣 大隊 人馬 殺嚟 噉咪 弊 ？
佢 突然 間 放聲 痛哭 ， 大聲 嗌 話 ：
哎吖 ，你 唔好 死 啊 ，你 點 死得 ，你 唔好 死 啊 ，你 唔好 死 啊 ，啊啊啊啊啊 。
兩名 鹽梟 正在 飛奔 ，忽然間 聽見 個 細路 喊 ，咪 打咗 個 突 ，即時 停步 轉身 。
聽見 嗰 個 細路 大聲 噉 嗌： 哎 吖 乜 你 死 咗 啊 ， 哎 吖 乜 你 死 咗 啊 ？ 不由得 又驚又喜 。
有個人 話 ：呢個 惡賊 死咗 咯噃 。
另外嗰個 話 ：佢 受咗 重傷 ，頂唔順啦 ，呢個 僆仔 噉樣 喊法 ，實係 死咗 喇 。
隔遠 望過去 ，只見 嗰個人 就 縮埋 一嚿 瞓 喺 地下 。
有個人 話 ：就算 佢 冇死 都 唔使 怕 佢 啦 ，我哋 割咗 個人頭 返去 ，豈唔係 大功一件 ？
嗰個人 話 ：妙極喇 。
兩個人 揸住 單刀 就 慢慢 行近埋去 ，只 聽見 嗰個 細路 仲 喺 處 捶胸頓足 ，一便 放聲 咁 喊 ；
一便 喺度 嗌 ：哎呀 老兄 啊 ，你 做咩 忽然間 死咗 啫 ？
嗰啲 賣 私鹽 嘅 人 追嚟 ，我 點 頂得住 喎 ，啊啊啊啊 。
嗰 兩個 人 好 歡喜 ，喇喇聲 行到去 ，一個 人 話 ：惡賊 你 死得 啱 喇 ！
一手 就 揦住 嗰個 細路 個 背心 ，另外 嗰個 人 呢 就 舉起 把 刀 ，對住 嗰個 人 嗰條 頸 斬落去 。
突然之間 刀光 一閃 ，一個人 呢 就 人頭 飛咗去 ；
捉住 細路 嗰個人 呢 ，由 心口 到 肚腩 啊 劏開咗 。
嗰個人 哈哈大笑 ，撐起 個身 。
嗰 個 細路 就 喊 喇 ： 嗯 嗯 ， 嗯 嗯 嗯 ， 誒 ， 誒 ， 呢 位賣 私鹽 嘅 朋友 點解 冇 咗 個頭 殼 嘅 ？
嗯 ， 你 哋 兩位 老人家 ， 去 咗 見 閻流王 ， 又 有 邊個 返去 通風報信 喎 。
嗯噉咪弊傢伙 ？嘻嘻嘻嘻嘻嘻 。
講到 收尾 忍唔住 哈哈大笑 。
嗰個人 笑住 話 ：哈哈哈哈哈 ，你 呢個 衰仔 吖 ，真係 聰明 ！
喊得 亦 真係 似 噃 ，如果 唔係 噉樣 一 喊 ，呢 兩 隻 龜蛋 真係 唔會 返嚟 啊 。
嗰個 細路 笑住 話 ：詐喊 咋嘛 ，容 乜易 吖 。
我 阿媽 要 打 我 啊 ，藤條 都 未 到 肉 啊 ，我 已經 喊 到 死去活來 喇 。
噉佢 拂落嚟 嘅 時候 ，噉 梗係 唔會 好大力 㗎啦嘛 。
嗰個人 話 ：你 阿媽 為乜事 要 打 你啊 ？
噉 講唔 定 嘅 ， 有時候 我 偷 咗 佢 嘅 錢 啦 ， 有時候 因為 我整 蠱 咗 院裏 便 嗰 啲 伯 爺 婆 咯 。
嗰個人 歎咗 一口氣 話 ：呢 兩個 探子 如果 唔 殺 ，咪 真係 有啲 不妙 。
喂 ，啱先 你 詐喊 嗰陣 ，點解 你 唔 叫 我 做 老爺 、大叔 誒 叫 我 做 老兄 呢 ？
噉 你 係 我 朋友 ，梗係 叫 你 做 老兄 啦 。
你 係 乜鬼嘢 老爺 喎 又 ？你 如果 要 我 叫 你 做 老爺 呀 ，鬼理 你 啊 。
哈哈哈 哈哈哈 ， 哈哈哈哈 ， 好 ， 好極 喇 ， 哈哈哈 。
小朋友 ，你 叫做 咩名 啊 ？
哦 你 問 我 尊姓大名 呀 ，誒 我 叫做 小寶 啊 。
哈哈哈哈哈哈哈哈 ，你 大名 叫做 小寶 ，噉 尊姓 呢 ？
嗯 ， 我 ， 嗯 我 尊姓 韋 啊 。
呢個 細路 喺 妓院 出世 ，母親 叫做 韋春花 ，噉 父親 係 邊個 呢 連 佢 老母 都 唔 知 喇 。
噉 人人 一向 呢 叫佢 做 小寶 ，亦 從來 冇人 問過 佢 姓 乜嘢 。
而家 嗰個人 忽然間 問起嚟 ，佢 就 將 母親 嘅 姓 搬出嚟 。
呢個 韋小寶 啊 ，喺 妓院 出世 就 喺 妓院 長大 ，從來 冇 讀過 書 。
佢 自稱 尊姓大名 佢唔係 講笑噃 ，佢 係 聽 啲 講古 先生 啊 時時 提到 尊姓大名 四個字 。
唔知道 噉樣 講 呢乃 係 同 第啲 人 講説話 嘅 時候 嘅 尊敬 稱呼 ，用 喺 自己 身上 就 唔啱 嘅 。
韋小寶 就 跟住 問嘞 ：噉 你 尊姓大名 叫做 乜嘢 唧 ？
嗰個人 微微笑話 ：你既然 當 我 係 朋友 咯 ，我就 唔能夠 呃 你 。
我姓 茅 ， 茅草 個 茅 ， 排行 第十八 ， 茅十八 就 係 我 。
吖 ！ 我 聽 人 講過 喇 ， 官府 ， 誒 ， 誒 ， 官府 唔 係 正在 捉緊 你 咩 ？ 話 你 係 咩 嘢 江洋大盜 。
哼 ！冇錯 。噉 ，你 怕唔怕 我 吖 ？
唓 ，怕 咩嘢 啫 ？我 又 冇 金銀財寶 ，你 想 搶 錢 都 唔會 搵 我 埋手 啦 。
江洋大盜 又 有 咩嘢 緊要 喎 ？
水滸傳 裏 便 嘅 林沖 啊 、武松 嗰 啲 英雄 好漢 ，都 係 大賊頭 嚟 吖嘛 。
茅十八 好高興 嘞 佢 話 ：
你 攞 我 同 林沖 、武松 嗰啲 大 英雄 嚟到 比 呀 ？嘿 好極 。
官府 想 捉 我 ，你 係 聽 邊個 講 㗎 ？
揚州 城裏 便 就 貼 滿 晒 榜文 ， 話 係 捉拿 江洋大盜 茅十八 ， 又 話 咩 嘢 ， 誒 咩 嘢 格殺不論 。
只要 有人 殺咗 你 ，就 賞 銀 二千 兩 ；
如果 有人 通風報信 ，就 捉到 你 呢 ，就 ，賞 少啲 ，賞銀 一千兩 。
尋日 我 喺 茶館 聽 大家 傾偈 ，都 話 你 咁 大本事 嘅 ，想 捉住 你 殺咗 你 呢噉 就 想 都 唔 使 想 㗎 喇 。
至好啊知道咗你嘅下落 ，報畀官府知 ，噉啊領佢一千銀花紅 ，撈返筆橫財 噉話喎 。
茅十八閘 側 個 頭 望住 佢 ，哼噉 一 聲 。
韋小寶 個 心 當時 閃過 一 個 念頭 ：
我 如果 得咗 呢一千兩花紅 ，噉 我 同 阿媽 兩仔乸 就 有 得 使 咯 。
雞鴨魚肉 ，賭錢 玩耍 ，幾年 都 使唔晒 啦 。
佢 見到 茅十八 仍然 閘側 個 頭 望住 自己 ，啲 神氣 又 有 啲 古怪 。
韋小寶 嬲 嘞 ：你 想 緊 乜嘢 啊 ？你 估 我 會 去 通風報信 ，領 呢筆 花紅 呀 ？
茅十八 話 ：係啊 ，白雪雪 嘅 銀 ，邊個 唔 鐘意 啊 ？
死啦你 ，出賣 朋友 仲 講 咩 江湖 義氣 啊 ？
噉 亦 睇 你 點 嘅 啫 。
你既然信我唔過 ，點解 講 個 真 姓名 出嚟 唧 ？
你個頭 同 你塊面 纏住 咁多 布條 ，同 榜文 上面 嘅 圖形 完全 唔同 嘅 。
你唔話 你 係 茅十八 ，邊個 認得 你 啊 ？
你 講過 我哋 有福共享 ，有難同當 。
我 如果 連 自己 姓名 身份 都 瞞住 你 ，噉 仲 算 乜鬼嘢 好朋友 吖 ？
啱喇 ，就算 有 一萬兩 、十萬兩 銀 嘅 花紅 ，老子 亦 絕唔會 去 通風報信 嘅 。
佢 嘅 口 係 噉 講 ，個 心 就 諗 ：
如果 真係 有 一萬 兩 十萬 兩 銀花紅 ，出賣 朋友 嘅 事 啊 做 唔 做得 呢 嚱 ？
嘿 ，韋小寶 個 心 都 有 啲 揸唔定 主意 。
茅十八 話 ：好 ，噉 我哋 瞓 一陣 ，聽日 午時 有 兩個 朋友 要 嚟 搵 我 。
我哋 約好咗 喺 揚州 城西 得勝山 見面 㗎 ，死約會 ，不見不散 。
韋小寶啊 亂咗 一日 ，早就 眼瞓 ，聽佢 噉樣 一 講 ，挨住 樖樹 ，即刻 就 瞓着 。
第日 瞓醒 ，只見 茅十八 雙手 揞住 心口 笑住 話 ：
嗯 你 都 瞓醒 啦 ，嗱 ，你 將 呢 兩 個 死人 拖 到 樖樹 後 便 ，將 呢 三 把 刀 磨 一 磨 佢 啦 。
韋小寶 聽 佢 話 就 拖開咗 死人 。
當其時 太陽 啱啱 升起 ，佢 噉 先至 睇清楚 茅 十八 個 樣 。
噉佢 約莫 四廿零歲 啦 ，手瓜 起𦟌 ，目閃 精光 ，神情 威猛 。
韋小寶 喇喇聲 將 三把 鋼刀 攞到 溪水 旁邊 ，噉 啊 蘸啲 水 ，喺 一塊 石頭 上 便 磨刀 。
佢 心諗 ：對付 啲 私鹽佬 有 一把 刀 就 夠 啦 。
如果 呢個 茅老兄 畀 人 殺咗 ，噉 其餘 嗰 兩 把 刀 又 磨 嚟 做 咩 嘢 啊 ？
唔通 畀 人 攞嚟 殺 我 韋小寶 咩 ？
佢 一向 都 好 懶 嘅 ，裝模作樣 噉 磨 咗 一陣 就 話 ：
我 去 買 啲 油條 饅頭 返嚟 食吓 。
嗱 各位 ，欲知 後事 如何 ，且 聽 下回 分解 。
