晁天王 晁蓋 啊 帶領 人馬 去 攻打 曾頭市 ，點知 畀 史文恭 射 咗 佢 一箭 ，呢支 係 藥箭 嚟 。
晁蓋 中咗 箭毒 啊 已經 唔會 講説話 喇 。
噉林沖 就 嗌 人 扶 佢 上車 ，派 咗 三阮 、杜遷 、宋萬 ，就 送 佢 返 去 山寨 先 。
其餘 剩返 十五個 頭領 啊 ，就 喺 寨 裏 便 商量 喇 ，大家 話 ：
呢次 晁天王 阿哥 落山 ，想唔到 整單 噉嘢 ，應晒 大風吹 斷 認旗 嘅 兆頭 啊 。
我哋 不如 收兵 返去 咯 ，呢個 曾頭市 啊 ，一時之間 打佢 唔落 嘅 。
呼延灼 就 話 喇 ：噉啊 要 等 宋公明 阿哥 嘅 命令 嚟 ，先至 能夠 回兵 㗎 。
當日 ，眾位 頭領 都係 愁愁悶悶 。
所有 嘅 士兵 亦 都 無心 打仗 啊 ，人人 都 想 返去 梁山 。
當晚 ，二更時候 ，天色 呢 仲 稍微 光光地 。
十五個 頭領 都 喺 寨 裏 便 發吽豆 ，唉 真係 蛇 無 頭 而 不 行 ，鳥 無 翅 而 不 飛 。
大家 喺度 長嗟短歎 ，都 唔知 點好 。
忽然間 ，聽到 探子 啊 慌慌張張 嚟 報告 話 前面 啊 四五 路 軍馬 殺緊嚟 ，火把 不計其數 啊 噉 。
林沖 聽咗 即刻 叫 上馬 。
嘩 ，三面 山頭 火把 齊 明 ，照到 好似 日頭 咁 光 ，四面 嘅 人馬 吶喊 住 嚟到 寨前 喇 。
林沖 帶領 住 眾位 頭領 ，唔 去 同 佢哋 打 喇 ，拔起 營寨 回馬 就 走 啊 。
噉 曾家 嘅 軍馬 呢 跟住 背後 就 捲 殺過嚟 ，林沖 佢哋 啊 且 戰 且 走 。
大概 走咗 五六十里 啦 ，噉 先至 走甩 。
呢個 時候 點 一點 人馬 ，又 損失 咗 六七百 人 ，唉 打到 呀 零兵 賴 敗 ，輸到 貼地 啊 呢趟 。
噉 啊 急急 跟 住 舊路 趯 返去 梁山泊 啦 。
行到半路 ，就 遇 正 戴宗 啊 ，就 傳嚟 軍令 ，叫 眾位 頭領 啊 帶兵 返去 山寨 ，另作 打算 。
眾位 頭領 得到 命令 喇 ，就 帶兵 返到 去 梁山泊 。
返到上去就去探下晁頭領啦 ，哎呀 ，原來 已經 水米唔能夠入口 ，食唔落嘢 ，周身浮腫 。
宋江 佢哋 就 守住 喺 床前 喊 ，親手 同 佢 敷藥 ，餵 佢 飲藥 。
噉 眾位 頭領 都 守住 喺 帳 前 ，唔 敢 行開 。
當晚 到咗 三更 ，晁蓋 唔得喇 ，佢 囑咐 宋江 話 ：賢弟 ，你 要 保重 啊 。
如果 邊個 捉到 射死 我 嘅 人 ，就 叫 佢 做 梁山泊主 啦 。
講完 ，就 協埋 雙眼 死咗 。
宋江 見 晁蓋 死咗 ，哎呀 就 好似 死咗 父母 噉 ，喊到 暈咗 過去 。
眾位 頭領 扶住 宋江 出嚟 主持 大事 啦 。
吳用 同 公孫勝 啊 勸 佢 話 喇 ：唉 大哥 ，唔好 煩惱 咯 ，一個人 嘅 生死 有 定 嘅 ，唔使 咁 哀傷 喇 。
請 大哥 料 你啲 大事 要緊 啊 。
宋江 喊完 ，就 吩咐 用 香湯 洗淨 咗 屍首 ，換過 衣服 頭巾 斂好 咗 ，就 停 喺 聚義廳 上 。
眾位 頭領 都 嚟到 舉哀 祭祀 啊 。
同時 係 做好 副棺材 ，選擇咗 吉時 入咗 斂 ，放 喺 正廳 之上 ；
搭起靈堂 ，中間 就 安咗 個 神主 ，上面 寫住 ：梁山泊主 ，天王 晁公 神主 。
噉 山寨 裏 便 嘅 頭領 呢 ，從 宋公明 打落 啊 都 戴 重孝 。
小頭目 同埋 所有 嘅 小嘍啰 亦都 戴 孝頭巾 。
將 嗰支 誓箭 啊 ，即係 史文恭 射 死 晁天王 嗰 支 箭 啊 ，就 供奉 喺 靈前 。
喺 寨 內 扯起 支長 幡 ， 請 附近 嘅 寺院 嘅 和尚 上山 嚟 打齋 追薦 晁天王 。
宋江 呢 ，每 日 都 帶領 住 大家 舉哀 ，亦 無心 管理 山寨 嘅 事務 。
林沖 同埋 公孫勝 、吳用 見到 噉 哎唔得㗎 ，就 同 眾位 頭領 商量 ，要 立 宋公明 做 梁山泊主 ，噉 大家 都 同意 。
第日一早 ，擺好晒 香花 燈燭 ，以 林沖 為首 啊 ，眾位 好漢 就 請 宋公明 出嚟 喺 聚義廳 上面 坐落 。
吳用 、林沖 就 開口 話 ：
大哥 ， 你 聽 我 哋 講 ， 開講 有話 ： 國 一日 不可 無君 ， 家 一日 不可 無主 啊 。
晁頭領 ，係 歸天 去咗咯 ，噉 山寨 裏 便 嘅 事業 ，點 可以 冇 個 主 嘅 呢 ？
四海之內 ，都 知道 阿哥 你 嘅 大名 。
聽日 ，就係 吉日良辰 喇 ，就 請 大哥 做 山寨之主 ，噉 我哋 各人 ，都 恭聽 號令 。
宋江話 ：晁天王 臨死 嘅 時候 囑咐 落 ，有人 捉得 史文恭 ，就 立佢 做 梁山泊 主 。
呢句 説話 眾位 頭領 都 聽到 。
而家 晁天王 骨肉 都 未 寒 ，乜噉 就 唔 記得 佢 嘅 説話 咯 ？
又 未曾 報到 仇 ， 又 未曾 雪到 恨 ， 點 能夠 坐得 呢 個位 置 啊 ？
吳學究 又 勸 佢 話 ：
晁天王 雖然 係 噉樣 講 ，今日 又 未曾 捉到 嗰個 人 ，噉 山寨 裏 便 點 能夠 冇 個 主 㗎 ？
如果 大哥 你 唔 坐 ，邊個 敢 坐 呢個 位 啊 ？噉 寨 裏 便 嘅 人馬 又 點樣 率領 呢 ？
天王 嘅 遺言 雖然 係 噉樣 ，大哥 ，你 就 暫時 坐住 呢個 位 先 ，等到 以後 先至 再 講 啦 。
宋江 話 ：軍師 你 噉 講 係 啱 嘅 。
今日 ，小人 就 暫時 坐住 呢個 位 先 ，等到 日後 報仇 雪恨 喇 ，只要 係 捉住 史文恭 嘅 ，唔論 佢 係 邊個 ，就 坐 呢個 位 啦 。
黑旋風李逵 喺 旁邊 大聲 噉 嗌 ：
大哥 你 咪 講話 做 梁山泊 主 啊 ，就算 係 做 個 大宋 皇帝 都 得 吖 嘛 。
宋江 就 喝佢話 ：呢個 黑佬 又 嚟 亂噏 。
如果 你 再 係 噉 胡言亂語 就 割咗 你 條 脷 先 。
哈 ， 我 又 唔 係 叫 大哥 你 做 社長 ， 請 大哥 你 做 皇帝 乜仲要 割 我條 脷 啊哈 。
吳 學究 話 ： 呢 個 傢伙 不識 尊卑 高低 ， 兄長 唔 好 同 佢 計較 啊 。
嚟 ，而家 請 阿哥 ，主持 大事 啦 。
宋江 焚咗 香 ，暫時 居於 主位 ，就 坐咗 第一 把 交椅 。
上首 係 軍師 吳用 ， 下首 係 公孫勝 ， 左便 一 迾， 林沖 為首 ， 右 便 一 迾， 呼延 灼居長 。
噉啊眾人 都 參拜咗 分開 兩邊 坐低 。
宋江 就 講 喇 ：
小人 ，今日 暫時 居於 呢個 位置 ，係 全靠 眾位 兄弟 扶助 ，同心合意 共為 股肱 ，一同 替天行道 啊 。
而家 我哋 山寨 人馬 眾多 ，唔同 往日 嘞 ，所以 ，就 將 眾位 兄弟 分開 喺 六個 寨 嚟 駐扎 。
聚義廳 呢 ，從而家起 ，改為 忠義堂 。
前後左右 ，立 四個 旱寨 ，後山 ，兩個 小寨 ；
前山 三座 關隘 ，山下 一個 水寨 ，兩個 灘 ，各 一個 小寨 ，今日 ，就 分派 各位 弟兄 分頭 去 管理 。
忠義堂 上 ，係 我 暫時 居於 尊位 ，第二位 ，軍師 吳學究 ，第三位 ，法師 公孫勝 ，第四位 花榮 ，第五位 秦明 ，第六位 呂方 ，第七位 郭盛 ；
左軍寨內 ，第一位 林沖 ，第二位 劉唐 ，第三位 史進 ，第四位 楊雄 ，第五位 石秀 ，第六位 杜遷 ，第七位 宋萬 ；
右軍寨內 ，第一位 呼延灼 ，第二位 朱仝 ，第三位 戴宗 ，第四位 穆弘 ，第五位 李逵 ，第六位 歐鵬 ，第七位 穆春 ；
前軍寨內 ，第一位 李應 ，第二位 徐寧 ，第三位 魯智深 ，第四位 武松 ，第五位 楊志 ，第六位 馬麟 ，第七位 施恩 ；
後軍寨內 ，第一位 柴進 ，第二位 孫立 ，第三位 黃信 ，第四位 韓滔 ，第五位 彭玘 ，第六位 鄧飛 ，第七位 薛永 ；
水軍寨內 ，第一位 李俊 ，第二位 阮小二 ，第三位 阮小五 ，第四位 阮小七 ，第五位 張橫 ，第六位 張順 ，第七位 童威 ，第八位 童猛 。
噉 六個 寨 啊 ，就 共計 四十三 員 頭領 。
山前 第一 關 ，命令 雷橫 、樊瑞 把守 ；
第二關 ，命令 解珍 、解寶 把守 ；
第三關 ，命令項 充 、李袞 把守 。
金沙灘小寨 ，命令 燕順 、鄭天壽 、孔明 、孔亮 四個 把守 ；
鴨嘴灘小寨 ，命令 李忠 、周通 、鄒淵 、鄒潤 四個 把守 。
山 後 兩個 小寨 呢 ：
左便旱寨 ，命令 王矮虎 、一丈青 、曹正 把守 ；
右便旱寨 ，命令 朱武 、陳達 、楊春 把守 。
喺 忠義堂 內 ，左便 一帶 房間 ，由 蕭讓 掌管 文卷 ；
由 裴宣 掌管 賞罰 ；
由 金大堅 掌管 印信 ；
由 蔣敬 掌管 錢糧 。
右 便 一帶 房間 ， 由凌振 掌管 炮火 ；
孟康 掌管 造船 ；
侯健 掌管 製造 衣甲 ；
陶宗旺 掌管 建築 城垣 。
忠義堂 後 兩便廂房 嘅 管事 人員 ：
係 李雲 監造 房屋 ；
湯隆 ，鐵匠 總管 ；
朱富 ，監造 酒醋 ；
宋清 ，監備 筵宴 ；
杜興 、白勝 ，掌管 雜物 。
山下 四路 做 眼線 嘅 酒店 ，原來 已經 定咗 朱貴 、樂和 、時遷 、李立 、孫新 、顧大嫂 、張青 、孫二娘 ，按照 原來 不變 。
噉 掌管 喺 金國 收買 馬匹 嘅 ，由 楊林 、石勇 、段景住 負責 。
今日 分派 一定 ，希望 各位 弟兄 各自 遵守 ，不得 違犯 。
噉 從此之後啊 ，梁山泊 山寨 之內 ，大小 頭領 得到 宋公明 做 寨主 ，個個 都 非常 歡喜 ，十分 擁護 就 願意 聽從 約束 。
有一日 ，宋江 啊 召集 大家 嚟 商量 ，想要 同 晁蓋 報仇 ，興兵 去 打 曾頭市 。
噉 軍師 吳用 就 勸 佢 話 喇 ：大哥 啊 ，一般 嘅 老百姓 居 喪 都 尚且 不可 輕動 ，大哥 你 要 興師 要 等 百日 之後 先至 可以 噃 。
啊噉 又係 。
宋江 聽從 吳學究 嘅 説話 ，就 守住 山寨 ，每日 都係 請 和尚 嚟 打齋 唸經 ，追薦 晁蓋 。
有一日 ，請到 有一個 和尚 個 法名 叫做 大圓 ，乃係 北京 大名府 ，龍華寺 嘅 和尚 嚟 。
佢 因 為 雲遊 四海 就 嚟 到 濟寧 ， 經過 梁山泊 ， 就 畀 佢 哋 請 咗 上 嚟 寨裏 便 打 齋 嘅 。
喺 食齋 嘅 時候 ，就 傾開 閒偈 ，宋江 就 問起 北京 嘅 風土人情 點 啊 噉 。
嗰個 大圓和尚 就 話 喇 ：頭領 有冇 聽過 河北 玉麒麟 個 名 呢 吓 ？
宋江 、吳用 聽咗 就 猛然 醒起 ，一拍 大髀 話 ：嘿 ，你 睇 我哋 都 未曾 老 ，乜 咁 唔好 記性 喎 。
北京城 係 有 個 盧 大員外 叫做 盧俊義 ，綽號 玉麒麟 ，係 河北 三 絕 。
祖居 北京 ，一身 好武藝 ，棍棒 天下 無雙 。
我哋 梁山泊 山寨 啊 ，如果 得到 呢個 人 嚟 ，仲 使 乜 怕 官軍 緝捕 ，兵馬 來臨 吖 ？
吳用 就 笑起上嚟 話 喇 ：哈哈 大哥 ，使乜噉 講 呢 ？如果 要 呢個 人 上山 有 何 難哉 吖 ？
宋江 就 話 ：佢 係 北京 大名府 第一等 有錢 有面 嘅 長者 噃 ，點 至 能夠 得 佢 嚟 落草 啊 ？
小生 亦都 在 心 好耐 㗎喇 ，不過 一時 忘記 啫 。
嗱 ，等 小生 略施 小計 ，就 叫佢 上山 。
宋江 就 話喇 ：人人 都 叫 你 做 智多星 ，真係 名不虛傳 啊 ！
請問 軍師 你 用 咩嘢 計策 ，能夠 氹得 佢 上山 呢吓 ？
小生 就 係 憑 三寸不爛之舌 ， 去 北京 說 盧俊義 上山 ， 擔保 啊 好似 探囊取物 ， 手到拈來 啊 。
不過 ，哈哈 ，就係 少 一個 粗心大膽 嘅 人 ，同 我 做伴 一齊 去 啫 。
話猶未了啊 ，只見 黑旋風 李逵 就 高聲 噉 大叫 話 ：軍師 大哥 ，小弟 同 你 行 一趟 呢 。
宋江 就 喝 佢 話 喇 兄弟 你 坐 喺 處 啦 。
如果 係 上風 放火 下風 殺人 ，打家劫舍 衝 州 撞 府 ，噉 就 用得着 你 。
呢啲 係 做 細緻 功夫 嘅 勾當 ，你 脾性 又 唔好 ，唔去得 嘅 。
你哋 都 話 我 生得 醜樣 嫌棄 我 ，唔 畀 我 去 咋嘛 。
唔係話 嫌棄 你 ，而家 大名府 咁多 差人 ，如果 畀人 識穿 你 呀 ，就 盞 送咗 你 條命 啫 。
唔緊要 ，我 一定要 去 一趟 一定要 去 一趟 。
吳用 話 喇 ：你 如果 肯 聽 我 三件事 就 帶 你 去 係 啦 ；
之 如果 做唔到 呢 ，就 唔該 你 喺 寨 裏 便 坐落 喇 。
嘿咪 講話 三件 ，就算 三十件 我 都 聽 你 話 嘅 。
吳用 話 喇 ：嗱 第一件 ，你 嘅 酒性 如 烈火 ，從 今日 起 ，就 要 戒咗 酒佢 ，返嚟 你 先至 開戒 ；
第二件 ， 喺 路上 你 要 扮成 個 道童 噉 ， 跟 住 我 ， 我 有 咩 吩咐 你 就 唔 准拗 頸 㗎 ；
第三件 ，哈哈 呢件 係 最難 喇 ，你 從 聽日 開始 ，唔准 講説話 ，要 做成 啞仔 一樣 。
嗱 呢 三件 你 做得到 呢 我 就 帶 你 去 係 啦 。
哦 ，唔 飲酒 ，做 道童 我 都 做得到 ；
之要 合 埋 把 嘴 唔 准 講 説 話 ， 噉 咪 唂 死 我 嚟 ？
你 如果 一 開口 就 惹出 是非 㗎喇 。
哈哈 ， 哈哈 ， 啊 噉 都 容易 啫 ， 我 喺 個 口裏 便 含住 文 銅錢 就 得 啦 嘛 。
宋江 就 話 喇 ：兄弟 啊 ，嗱 係 你 死 略 要 去 㗎 咋 吓 ，如果 有 咩 冬瓜 豆腐 就 唔好 怨 我 噃 。
李逵 話 唔緊要 唔緊要 ，我 帶埋 呢 兩 把 板斧 去 ，至少 亦 斬 佢 一千 幾百 個 人頭 至 算 喇 。
眾位 頭領 都 笑起上嚟 ，勸 佢 唔住 咯咪 由得 佢 去 係啦 。
當日 ，喺 忠義堂 上 就 擺 酒 送行 。
第日 朝頭早 ，吳 用 執拾 好 一包 行李 ，叫 李逵 打扮 成 個 道童 噉 樣 ，擔 起 擔 行李 就 落山 。
宋江 同埋 眾位 頭領 都 喺 金沙灘 嚟 送行 ，就 再三 吩咐 吳用 認真 小心 在意 啊 ，因住 李逵 啊 唔好 畀 佢 有 咩 嘢 唔妥 啊 噉 。
吳用 、李逵 ，辭別咗 大家 就 起程 。
噉佢哋 兩個 去 北京 吖 ，行咗 四五日 路 ，日日 天黑 呢 就 搵 客棧 住落 ，蒙蒙光 就 食咗 早飯 起行 。
一路啊 ，唉 ，吳用 就 畀 李逵 激到 佢 辛苦 咯 。
行咗 幾日 ，嚟到 北京 城外 一 間 客店 住落 。
當晚 ，李逵 去 廚房 煮飯 喎 。
個 小二哥 走嚟 房裏 便 搵 吳 用 告 佢 啦 ：誒 ，你 ，乜 你你你 嗰個 啞道童 ，乜乜 咁 狼胎 㗎 。
小小人 ，透火 遲咗啲 ，就 打到 小人 略血 ，你 睇 嗱 ，嗯 ，哎 ，誒乜噉㗎真係 。
哎呀 ，對唔住 對唔住 。
吳用 慌忙 同 佢 賠禮 ，畀 咗 十幾 貫 錢 過 佢 同 佢 賠 湯藥 ，返轉頭 就 埋怨 李逵 就 不在 話下 喇 。
過咗 一晚 ，第二 朝早 天光 ，起身 就 整咗 啲 飯 食咗 。
吳用 就 嗌 李逵 入 房 吩咐 佢 話 喇 ：
你呢個傢伙 ，死略住 要嚟 ，一路 真係 激死我 啊畀你 。
嗱 ，今日 入城 喇 ，唔係 講 玩 㗎 吓 ，你 唔好 連 我 條命 都 送埋 啊 。
嚱 ，誒 ，不敢 ，不敢 。
噉喇 ，我 同 你 約定 個 暗號 先 ，如果 我 一擰頭 呢 你 就 唔好 逳 喇 吓 。
好啦 。
兩個人 就 裝好 身 入 城 。
吳用 戴 一 頂 烏縐紗 抹眉頭巾 ，着 一件 黑滾邊 嘅 白 絹 道服 ，攬 一條 雜彩 腰帶 ，着 一對 方頭 青布 鞋 ，手裏 便 呢 ，攞住 一副 黃銅 唥唥 。
李逵 梳 嗰 頭 蓬鬆 嘅 頭髮 ， 扎起 兩隻 丫角 髻 ， 着 一件 粗布 褐色 嘅 短 袍 ， 攬 一條 雜色 嘅 短 腰帶 ， 着 一對 登山 靴 ；
用 一條 過頭高 嘅 木枴棍 啊 ，打住 個 招牌仔 ，上面 寫住 ：講命 談天 ，卦金 一 兩 。
哦 原來 吳 用 啊 ，係 扮成 個 占卦 先生 噉樣 。
吳用 、李逵 兩個 打扮 好 喇 ，鎖咗 房門 ，離開咗 客店 就 行 去 北京城 嘅 南門 咯 喎 。
行咗唔到 一里 ，就 嚟到 城門口 喇 。
呢個 時候 ，天下 各處 嘅 盜賊 叢生 ，各 州 府 縣 ，都 有 軍馬 把守 嘅 。
噉呢個 北京 ，乃 係 河北 第一個 好地頭 嚟 ；
更兼又係 梁中書 統領 大軍 鎮守 嘅 ，噉 啊 梗係 更加 警衛 森嚴 定 㗎 啦 。
吳用 、 李逵 兩個 搖搖擺擺 嚟 到 城門 下 便 ， 見到 守門 嘅 軍士 啊 ， 約莫 有 四五十個 ， 簇擁 住 一個 守門 嘅 官員 喺 嗰 處 坐 喺 處 。
吳用 上前 行過 禮 ，噉 軍士 就 問 佢 喇 ：秀才 喺 邊度 嚟 㗎 ？
小生 姓 張 ，名 用 ，呢個 道童 呢 姓 李 。
喺 江湖 上 占卦 為生 ， 而家 嚟 到 北京 ， 同人 哋 算命 啊 。
一字講 ，一字 喺 身邊 扲出 張 假 嘅 通行證 畀 個 軍士 睇咗 。
嗰班 軍人 就 話 ：喂 ，睇下 ，嗰個 道童 嗰雙 眼吖 ，好似 賊 噉 睇人 㗎 喎 。
李逵 聽咗 正話 想 發作 ，吳用 即刻 猛咁 擰頭 。
哦擰頭啊 ，即係 叫我 唔好 逳 啦 ，李逵 就 耷低頭 喇 。
吳用 上前 同 守門 嘅 軍士 賠禮 話 ：唉 小生 真係 一言難盡 啊 。
呢個 道童 又 聾 又 啞 ，就係 有 一身 牛力 ，佢 係 個 奴才仔 ，冇 辦法 啦 唯有 帶埋 佢 出嚟 啦 。
呢個人呀 ，唔懂性㗎 ，誒 請 各位 多多 恕罪 啊 。
好啦 入去 啦 。
噉 李逵 跟住 吳 用 後 便 ，步高步低 入咗 城 ，行去 市中心 嘞 。
吳用隻手呢就搖響個唥唥 ，口裏便喺度噏嘞 ：
甘羅 發早 子 牙 遲 ，彭祖 顏 回 壽 不齊 啊 ，范 丹 貧窮 石 崇 富 ，都 八字 生來 各 有 時 誒 。
誒 ，呢啲 乃係 時也 ，運也 ，命也 。
知生 ，知死 ，知貴 ，知賤 。
若要問前程 ，先賜銀一兩 。
講完 ，佢 又 搖 個 唥唥 。
喺 城裏 便 呢 大概 有 五六十個 細路 ， 跟 住 佢 哋 睇 ，嚱 咁 得意 喎 咪 一字行 一字 笑 咯 喎 。
好喇 ，嚟到 盧員外 嘅 倉庫 門口 ，吳用 又 唱 又 笑 ，去完 又 返返轉頭 ，嗰班 細路 啊 嘈生晒 。
盧員外 正喺 倉庫 間 廳 處 坐 ，噉 啊 睇住 嗰 班 主管 啊 喺 處 收貨 ；
聽見 街裏 便 咁 嘈 ，就 問 值班 嘅 人 話 喇 ：乜 街 上面 咁 熱鬧 啊 吓 ？
嗰個人 就 回覆 話 喇 ：哈哈 ，員外 啊 ，真係 好笑 啊 。
街上 有 個 第處 嚟 嘅 算命 先生 ，喺 街上 賣 卦 ，要 一兩 銀 算 一 算命 喎 ，邊個 捨得 吖 。
後頭呀 ，仲有 個 道童 跟住 尾 ，嗰個 樣 啊 生得 真係 肉酸 咯 ，行起上嚟 又 古怪 嘅 ，嗰啲 細路 咪 跟住 後 便 喺度 笑咯 。
盧俊義 話 ：佢 既然 口出大言 ，就 必 有 廣學 。
你 去 同 我 請 佢 入嚟 。
值班嗰個人 就 慌忙 出去 嗌 喇 ：先生 啊 ，員外 有 請 啊 。
係邊個 請 我 啊 ？
盧員外 有 請 。
哦 ，好好好 ，就嚟 ，就嚟 。
吳用 就 同 李逵 就 跟住 嗰個 人 入去 ，掀起 門簾 ，行到 大廳 ；
吳用 就 叫 李逵 啊 坐 喺 張 轎凳 處 等 ，佢 自己 就 行 上前 去 見 盧 員外 喇 。
當時 吳 用 上前 行 個 禮 ，盧俊義 護 一 護身 答禮 佢 問 ：
先生 貴鄉 何處 ？尊姓 高名 啊 ？
小生 姓張 ， 名用 ， 自號 談天 口 。
係 山東 人 氏 ，精通 皇極 先天 數 ，能夠 知 人生 死 貴 賤 。
算命 係 卦 金 白銀 一兩 。
盧俊義 請 佢 入去 後堂 間廳仔 裏 便 ，分開 賓主 坐落 。
飲完 茶 喇 ，叫 人 攞 咗 白銀 一 兩 交 畀 吳 用 ：
勞煩 先生 同 鄙人 算 個 命 啦 。
請問 員外 貴庚 月日 時辰 啊 ？
先生 ， 君子 問災 不問 福 ， 你 亦 不必 講 鄙人 嘅 富貴 ， 只 係 求 先生 算 下 目前 嘅 事 啫 。
鄙人 今年 卅二 歲 ，甲子 年 ，乙丑 月 ，丙寅 日 ，丁卯 時 。
吳用 攞出 一把 鐵算盤 ，擺喺 台上面 剔剔踏踏 算咗 一輪 ，然後 攞起 算盤 ，喺 枱 上面 一拍 ，大嗌 一聲 話 怪哉啊 。
盧俊義 吃咗 一驚 就 問 喇 ：鄙人 嘅 八字 ，主 何 吉凶 啊 ？
員外 如果 唔見怪 ，小生 就 直白 講 喇 。
正係要 先生 同 迷人 指路 ，即管 講 ，唔緊要 。
員外 嘅 八字 算起上嚟 ，眼前 不出 百日 之內 必 有 血光 之 災 。
家財 保唔住 ，要 死於 刀劍 之下 噃 。
哈哈哈哈 ，哈哈哈哈哈哈哈哈 ，先生 ，你 錯咯 。
我 盧 某 生 於 北京 ，長 在 豪富 之家 。
祖宗 無 犯法 之 男 ，親族 無 再婚 之 女 ，更兼 我 俊義 做事 謹慎 ，冇 道理 嘅 事 唔 做 ，不義 之 財 唔 要 ，點會 有 血光 之 災 呢 ？
吳用 即刻 改變咗 面色 ，攞返 原銀 交返 畀 盧俊義 起身 就 行 ，佢 歎咗 一口氣 話 ：
唉 ，天下 嘅 人 原來 都 係 要 人 阿諛奉承 。
算喇 ，算喇 。
分明 指 與 平川路 ，卻 把 忠言 當 惡言 。
小生 告退 。
誒 先生 唔好 嬲 。
先頭嘅説話 係 講笑嘅啫 ，請 先生 指教 。
噉 小生 直言 ，員外 切勿 見怪 噃 。
請講 ，先生 千祈 唔好 有 咩 隱瞞 。
嗱 ，員外 嘅 八字 呢 ，一向 都 係 交 好運 嘅 。
但係 今年 就 犯咗 歲君 ，交 正 惡運 。
目前 百日之內 就會 身首異處 。
呢啲 係 生嚟 註定 ，走唔甩 嘅 。
噉 ，可唔可以 迴避 呢 ？
吳用 再 攞 個 鐵 算盤 剔剔 踏踏 又 算咗 一 輪 ，佢 就 話 喇 ：
噉誒 除非 員外 去 東南方 一千里 之外 ，就 可以 免去 呢場 大難 。
雖然 有啲 驚恐 ，之 亦 無 傷 大體 。
如果 將來 能夠 免得 呢 一場 大難 ， 一定 要 重重 噉 酬謝 先生 啊 。
員外 嘅 八字 仲有 四句 卦歌 ，小生 講畀 員外 聽 ，員外 你 寫 喺 牆 上面 嚟 。
日後 應驗 咯 ， 就 知道 小生 說話 靈啊 。
盧俊義 即刻 叫人 攞 筆墨 嚟 ，自己 去 白粉牆 上面 ，聽住 吳用 講 ，自己 準備 寫 。
吳用 就 噏咗 四句 ：
蘆花灘上 有 扁舟 ，俊傑 黃昏 獨自 游 。義 到 盡頭 原 是 命 ，反躬 逃難 必 無 憂 。
當時 盧俊義 一便 聽 一便 寫 ，寫完 喇 ，吳用 收拾 起 算盤 ，作 個 揖 就 想 行 。
盧俊義 就 留佢 話 ：先生 你 坐 一陣 ，食咗 午飯 先至 走 啦 。
吳用 就 回答 話 喇 ：多蒙 員外 厚意 ，小生 趕住 要 去 賣卦 ，第日 再 嚟 拜會 啦 。
盧俊義 見 留佢 唔住 喇 ，就 送到 佢 去 門口 ，李逵 揸起 枴棍 ，跟住 行 出 門外 。
吳學究 辭別 咗 盧俊義 ，帶住 李逵 ，行返 出城 。
返到 客店 ，畀 咗 房租 飯錢 ，執好 行李 包裹 ；
噉 李逵 擔住 行李 ， 同埋 嗰 個 算命 招牌 啊 ， 兩個 人 就 離開 客店 ， 吳用 對 李逵 話 喇 ： 大事 做 完 喇 。
我哋 快啲 趕返去 山寨 ，安排 圈套 ，準備 機關 ，迎接 盧俊義 ，佢 好快 就 嚟 㗎喇 。
