晁蓋 帶住 梁山 好漢 ，大鬧 江州 ，劫咗 法場 ，就 救咗 宋江 、戴宗 ，跟住 李逵 就 殺開 條 血路 嚟到 白龍廟 吖 。
點知 呢度 前便 有 大江 攔截 ，冇 路 好行 㗎喇 ，點算好 呢呢趟 ？
李逵 就 話 ： 唔 使 慌 ， 我同 你 哋 大家 再 殺入 去 城 ， 將 嗰 個 蔡 九 知府 一齊 殺 咗 佢 再 走 ！
戴宗 呢個 時候 先至 醒返過嚟 ，佢 就 話 喇 ：唉 兄弟 啊 ，唔好 魯莽 啊 。
城裏 便 仲 有 六七千 兵馬 ，如果 殺入去 呀 實 輸 冇 贏 㗎 。
阮小七 就 話 喇 ：嗨 ，你哋 睇 ，對面 江 有 幾 隻 船 喺 岸邊 ，我哋 三 兄弟 游水 過去 ，搶 幾 隻 船 過嚟 ，載 大家 好唔好 啊 ？
晁蓋話 喇 ： 冇 錯 冇 錯 ， 呢 條計 最 上 着 喇 ， 快 啲 去 。
當時 阮家 三 兄弟 除晒 衣服 ，各人 都 插 把 尖刀 ，嘣聲 跳咗 落水 。
約莫 游咗 半里路 咁上下 啦 ，只見 大江 嘅 上游 ，有 三 隻 船 ，吹住 哨子 飛噉 棹過嚟 噃 。
大家 睇下 ，見到 每隻 船 上面 都有 十幾個 人 嘅 ，手裏 便 揸住 軍器 ，大家 就 慌啦 。
宋江 聽講 喇 就 話 ：唉 ，我 真係 命中注定 就係 咁 苦 㗎 咯 。
就趯出嚟廟前面睇下 ，只見 當頭 嗰隻船 上面 ，坐住 一條大漢 ，倒提 一把擸擸亮嘅五股叉 ，扎起啲頭髮 ，口裏便就吹住哨子 。
宋江 一 睇 下 ，嘿 好彩 咯 唔係 邊個 ，原來 係 浪裏白跳 張 順 嚟 啊 。
當時 張順 喺 船頭 上面 就 喝喇 ：
喂 ，你 呢一班 係 乜嘢 人 啊 ？膽敢 喺 白龍廟 裏頭 聚眾 呀 ？
宋江 行 出去 大聲 話 ：兄弟 快啲 嚟 救 我 ！
張順 佢哋 見到 係 宋江 ，大嗌 一 聲 話 ：好喇好喇 ！
嗰 三隻 船 呀 ，飛 咁 快 棹 到嚟 岸邊 ，三阮 見到 亦都 游 返 轉頭 。
宋江 睇見 張順 ，帶住 十幾個 大漢 喺 嗰隻 船 上 。
張橫 呢 就 帶住 穆弘 、穆春 、薛永 ，又 帶咗 十幾個 莊客 喺 另外 一隻 船 。
第三隻船上便呢 ，係 李俊 帶住 李立 、童威 、童猛 ，同時 亦 帶咗 十幾個 賣私鹽 嘅 夥記 添 ，佢哋 個個 都 揸住 槍棒 ，大家 上咗 岸 。
張順 見到 宋江 真係 喜從天降 咯 ，即刻 就 拜見 話 喇 ：
自從 大哥 你 坐咗 監 吃 官司 ，兄弟 呀 坐立不安 啊 ，又 冇 門路 嚟 搭救 你 。
近日 ，又 聽講 話 捉咗 戴院長 ，李大哥 又 冇 見面 。
我 只有 去 搵埋 我 大哥 ，去到 穆太公 間 莊處 就 叫 齊 咁多 朋友 啦 。
今日 我哋 正話 想 殺入去 江州 ，要 劫牢 救 阿哥 你 嘅 ，哈哈 ，想唔到 仁兄 ，已經 有 咁多 好漢 救出嚟 嚟到 呢度 喇 。
係喇請問 ，呢一班 豪傑 係唔係 梁山泊 嘅 好漢 ，邊位 係 晁天王 啊 ？
宋江 指住 上首 企喺度 嗰個 人 話 ：
呢個 就係 晁蓋 大哥 喇 ，你哋 各位 都 嚟 廟 裏 便 相聚 啦 。
張 順 佢 哋 九個 人 ， 晁 蓋 佢 哋 十七個 人 ， 連埋 宋江 、 戴宗 、 李逵 ， 總共 係 二十九 人 ， 都 入 去 白龍廟 裏 便 聚會 。
呢一個 ，就 叫做 白龍廟 小聚會 喇 。
當時 ，二十九名 好漢 就 各個 見禮 之後 ，只見 小嘍啰 慌慌忙忙 入嚟 報告 話 ：
弊喇 ，江州 城 裏 便 呀 ，鳴鑼 擂鼓 ，整頓 軍馬 出 城 嚟 追趕 啊 。
遠遠 望見 旗旛 蔽 日 ，刀劍 如 麻 ，前面 呀 都 係 帶甲 馬 軍 ，後便 冚𠾴唥 都 係 揸住 刀槍 嘅 步兵 ，大刀闊斧 殺緊 嚟 白龍廟 喇 。
李逵 聽咗 大叫 一聲 話 ：殺過去 啊 ！
提起 對 斧頭 ，就 行 出 廟門 咯 喎 。
晁蓋 話 ：一 不做 二 不休 ，各位 好漢 幫助 我 晁某 ，要 殺盡 江州 軍馬 先至 返 梁山泊 。
眾位 英雄 齊聲 應 佢 話 ：願 依 尊命 。
於是 一百四五十 人 ，喎嗬 一齊 吶喊 就 殺出去 喇 。
呢 個 時候 ， 劉唐 、 朱貴 就將 宋江 、 戴宗 護送 上船 先 ；
李俊 同 張順 、三阮 呢 就 整頓 船隻 。
佢哋 喺 江邊 睇下 ，見到 喺 城裏 便 出嚟 嗰啲 官軍 啊 ，約莫 有 六七千 馬軍 。
當先嘅都係戴住頭盔 ，披住鐵甲 ，全副弓箭 ，手裏便都係使長槍 ；
後便 就 步軍 簇擁住 ，搖旗 吶喊 殺緊 過嚟 咯噃 。
呢便係 李逵 當先 喇 ，舞住 嗰 對 板斧 ，赤條條 噉 飛奔 噉 斬過去 ，後 便 係 花榮 、黃信 、呂方 、郭盛 四 名 大將 護住 佢 。
花榮 見到 前面 嗰啲 馬軍 ，都 係 用 長槍 嘅 ，就 怕 李逵 傷 咗 喎 ；
即刻 就 攞 弓箭 出嚟 ，搭上 箭 拉 滿 弓 ，對準 行得 最先 做 頭領 嗰個 馬軍 ，𠻘噉 一箭 ，嘿 ，將 佢 成個 打關斗 射咗 落 馬 。
嗰 一班 馬軍 呀 吃咗 一驚 ，各自 逃命 喇 ，撥轉 馬頭 就 走 ，將 自己 啲 步軍 就 衝 倒 咗 成 半 。
呢便呢 ，咁多位 好漢 一齊 衝殺 過去 殺到 啲 官軍 呀 ，屍橫遍野 ，血染江紅 ，一直 殺到 去 江州 城下 。
噉城 上策 應 啲 官軍 ，乒乒乓乓 將 啲 擂木 啊 炮石 打落嚟 定 啦 。
啲 軍官 就 慌忙 入 城 ，閂 返 城門 ，好 幾 日 都 唔 敢 開 門 出嚟 啊 。
呢便嗰班好漢 就 出力 拉 轉 黑旋風 叫佢 唔好 殺 喇 返嚟 啦噉 ，一齊 就 返到 去 白龍廟 前面 落 船 。
晁蓋 點 一點 人數 ，個個 都 喺 齊度 ，就 叫 分頭 落 船 喇 。
呢次 真係 天從人願 啊 ，遇啱 順風 ，扯起 堂里 ，三隻 大船 載齊 所有 嘅 人馬 ，就 一直 駛返去 穆家莊 。
一帆風順 ，冇幾耐 就 到埗 咯 。
一行眾人 就 上岸 啦 ，穆弘 就 請 各位 好漢 一直 去 莊 裏 便 大廳 。
穆太公 就 出嚟 迎接 ，同 宋江 各位 都 見咗面 。
太公 就 話 ：各位 頭領 連夜 咁 勞神 ，快啲 去 客房 瞓下 先 ，要 保重 貴體 至 好啊 。
於是 大家 就 去 休息 啦 。
當日 ，穆弘 就 叫 莊客 劏咗 一隻 大黃牛 ，劏咗 十幾隻 豬 、羊 ，仲有 雞 鵝 魚 鴨 ，大排筵席 就 款待 各位 頭領 。
喺 飲酒 嘅 時候 ，就 傾起 好多 事 定 啦 。
晁蓋 就 話 喇 ： 如果 唔 係 你 哋 眾位 搵 船 嚟 救 我 哋 ， 我 哋 都 會 畀 官軍 捉 晒 去 啊 。
穆太公 話 ：你哋 點解 會 行 嗰條 路 嚟至 得 㗎 ，掘頭 路 嚟 㗎 嘛 。
李逵 就 話 ： 呵 ， 我 啊 自己 揀 人 多 嗰 處 殺 過去 嘅 啫 ， 你 哋 要 跟 住 我 嚟 喎 ， 哈哈哈 哈哈哈 ， 啊 我 又 冇 叫 你 哋 。
大家 聽咗 都 笑起上嚟 。
宋江 起身 同 大家 講 ，佢 話 ：
想我宋江 ，如果 冇 眾位 好漢 搭救 ，我 同 戴院長 都 會 死於 非命 。
今日 嘅 恩情 真係 深於 滄海 唔知 點樣 報答 得完 咯 。
我就係 痛恨 黃文炳 呢個 傢伙 ，一味 要 追根挖底 ，幾番 唆擺 要害 我哋 ，呢個 冤仇 唔 報 唔得 。
所以 點 都 要 請 各位 好漢 ，再 做 個 天大 嘅 人情 ，去 打咗 無為 軍 ，殺咗 黃文炳 呢個 傢伙 ，同 我 宋江 消咗 呢 一點 無窮 之 恨 啊 。
然後 先至 返去 噉 好唔好 呢 ？
晁蓋話 ：我哋 大家 偷營劫寨 ，使 一次 就 得嘅啫 ，再嚟 就 唔靈 㗎 喇 。
好似 而家 噉 ，呢個 奸賊 已經 有 咗 戒備 嘞 。
不如 我哋 返去 山寨 先 ，點起 大隊人馬 ，同埋 學究 、公孫 兩位 先生 ，仲有 林沖 、秦明 ，一齊 嚟 同 你 報仇 ，噉 亦 唔遲 吖 。
宋江話 ：如果 返咗 梁山 先 就 唔能夠 再 嚟 嘅 喇 。
一來 ，山遙路遠 ，二來 ，江州 必定 會 發晒 通知 ，叫 各處 嚴加 防守 嘅 ，唔好 諗 咁多 喇 。
就係趁住 呢個 機會 落手 就啱㗎喇 唔好 等佢哋 做咗 準備 。
花榮話 ：阿哥 ，你嘅 睇法 係 啱 。
不過 冇人 熟悉 嗰度 嘅 情形 又 唔知 佢哋 理 點 㗎 噃 。
要搵 個人 去 嗰處 城裏 便 探聽 虛實 ，亦 要 摸清楚 無為軍 來往 嘅 路徑 ，仲 要 知道 黃文炳 呢個 奸賊 住 嘅 地方 ，噉 至 好 落手 嘅 。
薛永 聽到 就 起身 話 喇 ：
小弟 一向 喺 江湖 上面 闖蕩 ，對 呢處 無為軍 係 最 熟悉 嘞 ，等我 去 探聽 一趟 呢 好唔好 啊 ？
宋江話 ：如果 得賢弟 你 去 行 一趟 就 最好 咯 。
當日 ，薛永 同 大家 告別咗 之後 就 去 。
而家 講 下 宋江 ，佢 同 眾位 頭領 喺 穆家莊 嚟 ，商量 點樣 打 無為軍 呢件事 ，準備 兵器 弓箭 ，打點 大小 船隻 等等 。
過咗 兩日 準備妥當晒 ，呢個時候 見到 薛永 就 帶住 一個人 返到嚟 穆家莊 ，拜見 宋江 。
宋江 就 問 喇 ：咦 ，兄弟 ，呢位 壯士 係 邊位 啊 ？
薛永就話 ：呢個人 姓 侯 ，名 健 ，係 洪都 人氏 。
做裁縫 係 第一流 嘅 ，確實 係 飛針走線 。
佢 曾經 拜 我 做 師父 ，懂得 刀槍 武藝 。
人哋 見 佢 黑黑瘦瘦 ，輕盈 敏捷 ，所以 都 叫 佢 做 通臂猿 。
而家 佢 喺 無為軍城 裏 便 ，幫 黃文炳 屋企 打工 。
小弟 見咗 佢 就 請 佢 嚟 啫 。
宋江 好 歡喜 ，就 請 佢 坐埋嚟 一齊 商量 。
坐落之後 ，宋江 就 問 江州 有 咩 消息 ，無為軍 嘅 路徑 點樣 啊噉 。
薛永 就 話 喇 ：而家 蔡九 知府 呀 ，統計 咗 下 啲 官軍 百姓 畀 我哋 殺死 咗 嘅 ，有 五百 幾 人 ；
負傷中箭嘅 呢 就 不計其數 咁多 。
而家 已經 派人 星夜 去 報告 朝廷 喇 。
江州 城門 過咗 中午 之後 就 閂埋 ，一出一入 ，盤問 得 好 嚴啊 。
啊係喇 ，原來 阿哥 你 被害 呢件事 呀 唔關 蔡九 知府 事 㗎 ，都係 黃文炳 呢個 傢伙 ，三番四次 慫恿 知府 ，教 佢 害 你哋 兩位 㗎 咋 。
而家 見 劫咗 法場 ，城 裏 便 啲 人 都 唔知 幾 慌 ，晝夜 提防 戒備 啊 。
小弟 又 去 無為軍 打聽 下 ，啱啱 撞見 侯健 呢位 兄弟 出嚟 食飯 ，因此 就 知道咗 詳細 情形 啊 。
宋江 就 話 喇 ：侯兄 點 會 知道 呢啲 事 呢 ？
侯健話 ：小人 自細 係 鐘意 學習 槍棒 武藝 ，好多 得 薛師父 指教 ，因此 唔敢 忘記 師父 嘅 大恩 。
近日 黃通判 就 請咗 小人 去 佢 屋企 做 衣服 ，咁啱 嗰日 出嚟 見到 師父 ，提起 仁兄 嘅 大名 ，講起 呢一件事 嚟 。
小人 要 結識 仁兄 你 ，所以 特意 嚟 將 嗰度 啲 情形 講畀 你哋 知 。
呢 個 黃文炳 呢 ， 有個 大佬 ， 叫做 黃文燁 ， 同 呢 個 文炳 係 一 母所生 。
呢個 黃文燁 呀 平生 係 做 善事 ，修 橋 補 路 ，塑 佛 齋 僧 ，扶 危 濟 困 又 幫助 貧苦 ，無為 軍城 裏 便 啲 人 都 叫 佢 做 黃佛爺 嘅 。
嗰 個 黃文炳 呢 ， 雖然 係 個 在野 通判 唧 ， 但個 心 啊 一味 要害 人 嘅 ， 專門 做 埋 晒 啲 歹毒 嘅 事 ， 無為 軍 都 叫 佢 做 黃蜂 刺 。
佢 兩 兄弟 就 分開咗 家 ，住 喺 兩 笪 地方 ，不過 呢 ，都 係 喺 一條 巷 出入 嘅 ，靠住 北門 裏 便 就係 佢哋 屋企 嘞 。
黃文炳 就 貼住 城 住 ，黃文燁 就 近 住 大街 。
小人 喺 佢 嗰 度 做 衣服 ， 聽見 黃 通判 嗰 日 返 嚟 屋企 講起 呢 件 事 喎 佢 話 ：
蔡九知府 呀 ，畀 人哋 呃咗 喇 ，係 得 我 指點 佢 ，教 個 知府 先 斬 佢哋 然後 先至 奏 畀 朝廷 聽 噉 。
黃文燁 聽得 佢 噉 講 ，喺 背後 就 鬧 佢 話 喇 ：
唉 又 做埋 啲 噉 嘅 短命 冇 陰功 嘅 事 ，都 同 你 無 關 嘅 ，何苦 一定 要 害 人哋 吖 ？
如果 有天理 呀 ，報應 就在 眼前 喇 唔係 反招 其 禍 。
所以 佢哋 兩 兄弟 係 唔同 㗎 。
呢兩日 ，黃文炳 聽見 話 劫咗 法場 佢 好 驚啊 。
尋晚 去 江州 探望 蔡九 知府 同 佢 商量 ，我 嚟 嘅 時候 佢 都 仲 未曾 返 。
宋江 就 問 ：黃文炳 間 屋 ，隔 佢 阿哥 嗰度 有 幾 遠 㗎 ？
佢 本來 係 一家 分開 嘅 ，而家 中間 就 隔住 個 菜園 啫 。
噉 黃文炳 屋企 有 幾多 人口 呢 ？
誒 男男女女 ， 總共 有 四五十口 人 啦 。
啊 ，真係 個 天 幫 我 報仇 ，特意 送 你 嚟 啊 。
不過 雖然 係 噉 ，仲 係 要 靠 各位 弟兄 幫忙 。
各人 齊聲 話 喇 ：我哋 大家 都 拼死 向前 ，驅除 呢啲 貪婪 奸惡 嘅 人 ，同 阿哥 你 報仇 雪恨 啊 。
宋江 就 話 ：我 就係 痛恨 黃文炳 呢一個 奸賊 ，同 無為軍 嘅 百姓 無關 。
佢 大佬 既然 係 咁 仁德 ，亦都 唔好 害 佢 ，唔好 畀 天下 嘅 人 ，鬧 我哋 不仁不義 。
各位 弟兄 去 嘅 時候 ，一分一毫 都 唔好 侵害 百姓 。
而家 去 嗰處 我 有 一條 計策 ，希望 大家 幫助 我 。
眾位 頭領 齊聲 話 ：聽從 阿哥 你 指教 。
於是 宋江 就 佈置 喇 ，佢 話 ：
勞煩 穆太公 準備好 八九十個 布袋 ，百零 捆 乾草 同埋 木柴 ，要用 五隻 船 ，大嘅 ，兩隻 細船 ；
請 張順 、李俊 ，棹住 兩 隻 細 船 ，喺 江面 上面 噉噉噉 。
嗰 五隻 大船 呢 ，就 請 張橫 、三阮 、童威 同埋 識水性 嘅 人 護船 。
呢條 計策 先至 能夠 實行 嘅 。
穆弘 就 話 喇 ：小弟 呢處 乾草木柴 ，布袋 樣樣 都有 ，莊 裏 便 嘅 人 都 會 游水 棹船 嘅 ，請 阿哥 你 吩咐 啦 。
宋江 就 話 ：
噉就 請 侯健 兄弟 帶住 薛永 同埋 白勝 ，先 去 無為 軍城 裏 便 隱藏 好 ，聽晚 黑 ，三更 兩點 為期 ；
你哋 聽見 門外 便 放起 戴唥唥 嘅 白鴿 ，就 叫 白勝 啊 ，上城頭 策應 ，先 插 一條 白布 做 信號 ，要 靠近 黃文炳 屋企 嘅 ，呢處 就 係 上城 嘅 地點 喇 。
石勇 、杜遷 你哋 兩位 ，扮做 乞兒 ，去 城門 邊 左近 埋伏 ，只 睇見 火 起 為 號 ，就 要 逳手 殺死 守門 嘅 兵士 。
李俊 、張順 你 兩位 ，就 喺 江面 上面 來往 巡邏 等候 策應 。
宋江 將 每個人 應 做 個 事 都 分派 好嘞 。
薛永 、白勝 、侯健 就 行 先 去咗 。
隨後呢 ，石勇 、杜遷 扮做 乞兒 ，身邊 都 藏好咗 短刀 暗器 亦 出發嘞 。
噉 穆 家莊 呢頭 呢 ， 就 抬 啲 沙土 布袋 啊 乾草 啊 木柴 啊 等等 ， 上船 咯 喎 。
時間 一到 ，各位 好漢 各個 裝束 妥當 ，身上 面 都 準備好 兵器 ，喺 船艙 裏 便 嗰班 小嘍啰 就 埋伏 好晒 ，眾 頭領 就 分批 落船 。
晁蓋 、宋江 、花榮 ，就 喺 童威 隻 船 上 ；
燕順 、王矮虎 、鄭天壽 ，喺 張橫 嘅 船 上 ；
戴宗 、劉唐 、黃信 ，就 坐 阮小二 嗰 隻 船 ；
呂方 、郭盛 、李立 ，就坐 阮小五 嘅 船 ；
穆弘 、穆春 、李逵 就 喺 阮小七 嘅 船 上 。
就 留低 朱貴 、 宋萬 兩個 ， 喺 穆 家莊 睺 住 江州 城 嘅 動靜 。
出發嘅時候 ，就 叫 童猛 棹 一隻 打魚快船 行 先 去 探路 。
然之後 呢 ，幾隻 船 就 跟住 起程 嘞 。
啲 小嘍啰 就 伏晒 喺 個 艙處 ，啲 莊客 水手 就 棹 船 。
當夜 ，就係 噉 秘秘密密 噉 向住 無為軍 去 喇 。
到咗 初更 咁上下 ，大小 船隻 都 嚟到 無為軍 嘅 岸邊 ，揀 嗰啲 有 蘆葦林 嘅 地方 一拍 噉 灣 好晒 。
呢個 時候 ，只見 童猛 嗰隻 船棹 返嚟 報告 話 ：城 裏 便 冇 動靜 啊 。
宋江 就 叫 手下 啲 小 嘍 啰 ， 將 嗰 啲 沙土 布袋 同埋 乾草 木柴 搬 晒 上岸 ， 就 搬 去 城牆 邊 。
呢個 時候 ，啱啱 打 二更 。
宋江 叫 小嘍啰 將 啲 沙土 布袋 同埋 啲 柴草 ，喺 城邊 冧 好 佢 。
除咗 留張橫 、三阮 、兩童 守船 接應 之外 ，其餘 嘅 頭領 都 揸住 兵器 ，跑到 去 城邊 。
約莫 離開 北門 有 半里路 咁上下 ，宋江 就 叫 人 放起 嗰 隻 戴 唥唥 嘅 白鴿 喇 。
白鴿 一 飛起 ，唥唥 一 響 ，就 見到 城頭 上 便 有 條 竹竿 ，綁住 白布 信號帶 ，隨風 飄動 。
宋江 見咗 就 叫人 就 喺 呢個 城牆 邊 ，冧起 沙土 布袋 ，吩咐 啲 小嘍啰 ，擔 啲 乾草 木柴 上 城 。
上到去 ，見到 白勝 已經 喺 嗰處 等候 接應 。
佢 指 畀 大家 睇話 ：呢 ，嗰條 巷 就係 黃文炳 嘅 屋企 喇 。
宋江 就 問 白勝 話 喇 ：薛永 、侯健 喺 邊處 啊 ？
佢 兩個 呀 ，已經 潛入 黃文炳 屋企 喇 ，就係 等 阿哥 你哋 嚟 喇 。
你 有冇 見到 石勇 、杜遷 啊 ？
見啊 ，佢 兩個 喺 城門 邊 左近 等住 。
宋江 聽咗 就 帶埋 咁多位 好漢 落咗 城 ，一直 就 去到 黃文炳 嘅 門前 。
去到喇 ，見到 侯健 縮埋 喺 房 簷 底下 ，宋江 就 嗌佢 嚟 細細聲 話 ：
你要 將 菜園道 門 打開佢 ，等 我哋 啲 人 ，將 乾草 木柴 堆入去 裏便 ，要 薛永 點着 佢 ；
然後 就 去 敲 黃文炳 嘅 門 話 ，隔籬 大官人 屋企 火燭 ，要 搬 啲 箱籠 雜物 嚟 擠 喺 處 啊噉 。
敲開咗 門 ，我 自有 擺佈 。
宋江 叫 啲 好漢 分 幾個 人 ，把守住 兩頭 。
侯健 呢 就 先 去 開咗 菜園 門 ，嗰啲 小嘍啰 就 㗾㗾聲 將 啲 柴草 搬 嚟 堆 喺 裏 便 。
侯健攞咗火種交畀薛永 ，點着咗柴草 。
侯健 就 走出嚟 敲門 嗌 咯噃 ：
隔籬 大官人 屋企 火燭 啊 火燭 啊 ， 有 啲 箱籠 搬 嚟 要 擠 喺 呢 處 啊 ， 快 啲 開門 啦 。
裏便 一聽見 ，就 起身 嚟 睇下 啦 。
嘩嗨 ，見到 果然 係 隔籬 火燭 唄 ，就 連忙 開門 出嚟 咯 喎 ，哈哈 一 開門 就 啱 咯 。
晁蓋 、宋江 佢哋 喎 嗬噉 吶喊 一 聲 ，殺入去 ；
嗰 班 好漢 係 人人 動手 ， 見 一個 殺 一個 見 兩個 殺 一雙 ， 將 黃文炳 一門 內外 大大小小 四五十口 人 冚𠾴唥 殺 清光 一個 人 都 唔 留 啊 。
哈 ，就係 唔見咗 黃文炳 一個 。
噉 大家 就 將 黃文炳 ，從前 殘害 良民 ，刮返嚟 嗰啲 大量 嘅 金銀財產 ，全部 繳獲 。
只聽見 哨子 一聲 ，大家 就 托起 裝滿 家財金銀 嘅 箱籠 ，走出去 城門 上 便 喇 。
而家 講 下 石勇 、杜遷 啊 ，佢哋 兩個 見到 火 起 喇 ，就 掹出 尖刀 ，殺咗 守門 嘅 軍佬 ，又 見到 街坊 鄰舍 帶 咗 水桶 木梯 嚟 救火 喎 。
石勇 、杜遷 就 大聲 噉 喝 佢哋 話 ：你 呢班 百姓 唔好 行前嚟 喇 ！
我哋 係 梁山泊 好漢 ，有 幾千 人 喺 呢度 ，專門 嚟 殺 黃文炳 一門 良賤 ，同 宋江 、戴宗 報仇 ，唔 關 你哋 百姓 事 啊 吓 。
你哋 快啲 返去 屋企 躲避 啦 ，唔好 出嚟 管 閒事 喇 。
嗰啲 街坊 鄰舍 有 啲 仲 係 唔 係 點 信噃 ，企定 腳 喺 處 睇 。
嘩 ，見到 黑旋風李逵 ，舞起 兩把 板斧 飛噉 撲過嚟 唄 哎呀 。
呢班 鄰舍 先至 驚起 上嚟 ，嗌話 ：哎呀 走喇 噉 ，擔住 梯 ，挽住 水桶 ，㗾噉 就 散咗 返去 。
噉呢便 後巷 呢 亦 有 幾個 守門 嘅 軍佬 ，帶咗 啲 人 攞住 啲 嘢 想 嚟 救火 。
點知 畀 花榮 拉起 弓 ，當頭 一箭 就 射低咗 一個 ，大聲 喝話 ：想死嘅 就 嚟 救火 啦 。
嗰班 軍佬 一 睇 ，嘿呀 咪 拘 ，冚𠾴 唥 扯 返 晒 。
呢個 時候 ，薛永 攞住 火把 ，將 黃文炳 屋企 啊 前前後後 點着晒 ，轉眼之間 就 燒到 含含聲 。
真係 文炳 心頭 惡 ，觸惱 丙丁 神 。害人 施 毒焰 ，惹火 自燒 身 。
當時 石勇 、杜遷 佢 兩個 已經 殺咗 守門 嘅 軍佬 ，李逵 斬斷 鐵鎖 就 大開 城門 ，一半 人 呢 就 混 城 上面 出去 ，一半 人 喺 城門 下面 出去 。
張橫 、三阮 、兩童 都 走嚟 接應 ，會合埋一齊 ，抬住 啲 箱籠 財物 上船 。
無為軍 早知道 江州 畀 梁山泊 好漢 劫咗 法場 ，殺死 無數 咁多人 ，就冇 個 敢 出嚟 追啊 ，個個 都 匿埋 喺 屋企 嚟 。
噉呢 宋江 同埋 一班 好漢 ，就 硬係 嬲 喇 呢趟 。
點解呢 ？捉唔着 黃文炳 啊 。
但係 冇辦法 啦 ，唯有 上船 ，就 返去 穆家莊 係 啦 ，呢啲 唔 講 佢 住 。
而家 又 講 下 江州城 啊 ，佢 望見 無為軍 呢 便 火起 ，成個 天 都 紅晒 ，滿城 都 驚動 啦 。
呢陣時 黃文炳 呢 ，就 喺 衙門 裏頭 商量緊 事情 。
聽講話 無為 軍 大火 唄 ，就 同 知府 話 喇 ：哎呀 敝 鄉 失火 ，即刻 要 返去 睇下 。
蔡九知府 啊 連忙 叫 人 開 城門 ，派 隻 官船 嚟 送 佢 返 扯 。
黃文炳 就 多謝咗 知府 即刻 出嚟 ，帶住 個 隨從 趕忙 落船 快啲 棹 返去 無為軍 咯 喎 。
遠遠 望見 火勢 猛烈 ，映到 江面 上 都 紅晒 。
個艄公 就 話 喇 ：哎呀 係 北門 嗰便 燒緊 喎 。
黃文炳 聽見 噉 講 個 心 就 越發 慌 啦 。
嗰 隻 船 棹 到 江心 ， 只見 有 隻 細 船 喺 江面 上 棹 咗 過去 。
無耐 ，又 有 隻 細 船 棹 過嚟 。
之 呢隻 細船 呢 就 唔係 一直 棹 過嚟 噃 ，而係 向 正官船 一直 撞 過嚟 嘅 。
噉 啲 隨從 就 喝 佢 話 喇 ： 咩 嘢 船 啊 ？ 乜 噉 樣撞過 嚟 咁 鬥膽 啊 ？
只見 嗰隻 細船 上面 有 個 大漢 跳起身嚟 ，隻手 揸住 搭鉤 ，佢 就 話 喇 ：
我哋 係 去 江州 報 火燭 嘅 船 喇 。
黃文炳 就 鑽出嚟 問 喇 ：邊處 火燭 啊 ？吓 。
嗰個 大漢 話 喇 ：
北門 裏 便 黃通 判 屋企 啊 ，畀 梁山泊 好漢 殺 咗 一家 大細 ，劫 咗 家財 ，而家 喺度 燒緊 呢 。
黃文炳 就 當堂 嗌慘 啦 。
嗰個 大漢 聽咗 ，一搭鉤 勾住 船 ，啪聲 跳過嚟 。
嚱嚱 ，黃文炳 呢個 嘢 係 非常之 醒目 㗎 噃 ，佢 見到 噉 啊 已經 知道 唔妥喇 ，即刻 就 趯去 船尾 ，砰聲 跳落水 。
呢個 時候 ，江面 上 又 有 隻 船 棹 過嚟 。
忽然間 ，喺 水底 哱 一 聲 有 個人 鑽 出嚟 ，將 黃文炳 攔腰 攬 實 ，一托 托 起 ，㨃 咗 佢 上 船 。
船上 嗰 個 大漢 就過 嚟 接應 ， 用條 麻繩 將 黃文炳 綁 到 實一實 。
水底下 活捉 黃文炳 呢個 ，就係 浪裏 白跳 張順 嘞 ；
船上 揸住 搭鉤 嘅 呢 ，就係 混江龍 李俊 。
噉 兩個 好漢 就 企 喺 船 上 便 啦 ，嗰 隻 官 船 上 便 棹 船 嘅 艄公 一味 叩頭 。
李俊話 ：我唔殺你哋 ，我就係要 捉 黃文炳 呢個 傢伙 。
你哋 返去 講畀 蔡九 知府 嗰個 狗官 聽 ，我哋 梁山泊 好漢 ，暫時 留 佢 個 狗頭 喺 處 唔 殺住 ，遲早 都 要 嚟 攞 㗎 喇 。
艄公 揗揗 震噉 話 ：誒 ，誒係 ，誒小小小人 返返去 講吖 。
李俊 、 張順 就 捉 咗 黃文炳 ， 返 過去 自己 隻 細 船上 便 ， 就 放 嗰 隻 官船 返去 。
兩個 好漢 棹住 兩隻 快船 返去 穆家莊 。
返到 去 岸邊 喇 ， 見到 一班 頭領 都 喺 岸上 等候 緊 ， 搬運 緊 箱籠 上岸 喇 。
宋江 同 大家 聽 講話 捉到 黃文炳 唄 ，高興 到 極 喇 。
大家 就 押住 黃文炳 一齊 返去 穆家莊 ，入到去 喺 大廳 坐落 。
宋江 呢 就 剝咗 黃文炳 嘅 濕 衣服 ，將 佢 綁 喺 樖柳樹 上 便 ，請 各位 頭領 沊沊𡃈 坐好 。
宋江 嗌 人 攞咗 一壺 酒 嚟 ，同 各位 敬酒 。
上至晁蓋 就 下至白勝 ，總共 三十位 好漢 ，個個 都 敬勻 。
然後 宋江 指著 黃文炳 鬧佢 話
你呢個傢伙 ，我 同 你 往日 無冤 ，近日 無仇 ，你點解 一味 就係 要害 我 ，吓 ，三番四次 ，教唆 蔡九知府 殺 我哋 兩個人 。
你既然係讀聖賢之書 ，點解 做 呢啲噉嘅 陰毒嘅 事情 吖 ？
我 同 你 又 冇 殺父 之 仇 ，你 點解 一定要 害 我 ，吓 ？點解 一定要 害 我 ！
你 阿哥 黃文燁 ，同埋 你 呢個 傢伙 係 一母所生 ，佢 就咁 好人 ，一味 做 善事 。
你 嗰 啲 城裏 便 嘅 人 ， 都 稱呼 佢 做 黃 佛爺 嘅 ， 我 尋晚 絲毫 都 冇 侵犯 到 佢 。
你呢個傢伙 ，喺 鄉裏頭 一味 係 會 識得 害人 害物 ，交結 權勢 ，奉承 官長 ，欺壓 良善 。
我 知道 無為 軍人 人 都 叫 你 做 黃蜂 刺 。
我 今日 ，就 同 你 掹咗 呢一條 刺 。
黃文炳 就 𠼮 求 佢 話 喇 ：小小人 已經 知 錯 喇 ，誒 但 求 早死 啦 。
晁蓋 喝 佢 話 ：你 呢個 奸賊 ，怕 你 唔死 啊 ，你 呢個 傢伙 早知 今日 ，悔 不當初 。
宋江 就 問 喇 ：邊位 兄弟 同 我 落手 啊 ？
