武松 啊 詐諦 飲醉酒 ，叫 酒店 嗰個 事頭婆 出嚟 陪 佢 飲 喎 。
嗰個 事頭婆 唔係 邊個 ，佢 係 蔣門神 個 老婆 嚟 㗎 嘛 佢 就 火滾 啦 指住 武松 鬧 喇 ：
你 死 人頭 抵死得 你吖噉 。
噉就 想 行出 櫃位 想 趯 咯 喎 。
武松 啊 早就 將 嗰件 土色 布衫 除低 ，上半截 呢 就 擪咗 喺 個 腰帶 處 ，將 嗰壺 酒 一撥 ，撥晒 喺 地下 嚟 ，一步 衝 上 前 啱啱 撞正 嗰個 女人 。
武松 手瓜 硬 啊 ， 佢 邊度 走 得 甩 至 得 㗎 畀 武松 一手 揦 住 佢 條 腰 ， 一手 就 揪住 佢 隻 髻 ；
將佢成個身一摵起 ，向住酒缸裏便一掉 聽見兵嘭一聲 ，嗰個女人啊 畀佢掉咗落個大酒缸 裏頭嚟 。
武松 霎聲 擰轉身 行過嚟 。
有幾個 酒保 啊 ，手腳 靈活啲 嘅 ，都 向住 武松 衝過嚟 要 打 喎 。
武松 邊度 將 佢哋 放 喺 眼內 吖 一 伸手 ，輕輕 一 扚 ，就 扚起 一 個 喇 ；
兩隻手 揪住 ，又 向住 大酒缸 裏 便 一掉 ，成個 又 舂埋 喺 裏 便 。
又 有 個 酒保 衝過 嚟 ， 畀 武松 呀 ， 揸 住 個頭 殼 一 捹， 亦 掉 埋 落個 酒缸 ， 噉 就 三個 喇 。
仲有 兩個 撲過嚟 嘅 酒保 ，畀 武松 一拳 一腳 就 打低咗 。
先頭 嗰 三個 人 ，喺 三個 酒缸 裏 便 硬係 猛咁 掙扎 就 唔起得身 ，嘿 梗係 啦 ，浸唔死 都 醉死 啦 。
收尾 嗰 兩個 ，喺 地下 躝 極 都 躝唔逳 。
呢幾個夥記 ，畀 武松 打到 屁滾尿流 。
嘿嘿 ，就係 有 一個 最精 嘅 畀 佢 趯甩 咗 喎 。
武松 就 話 喇 ：呢個 傢伙 梗係 去 報 畀 蔣 門神 聽 ；
好 ！我 就 去 迎上去 ，喺 大路 上 打低 佢 就 好睇 喇 ，等 大家 笑下 至 得 。
於是 武松 就 大踏步 趕過去 喇 。
嗰個 夥記 ，確實 係 趯 去 報畀 蔣 門神 知 。
蔣 門神 聽講 就 吃咗 一驚 ，啪聲 踢低咗 嗰 把 交椅 ，掉咗 把 扇 ，就 趕過去 睇下 咩嘢 事 啦噉 。
武松 喺 大路 上 撞見 佢 。
蔣門神 雖然 生得 神高神大 啊 ，但係 近來 呢 ，因為 酒色 所迷 ，就 搞到 成個 虧晒 ；
先頭 就 已經 驚咗 一驚 㗎喇 ，而家 趯緊 過嚟 ，腳步 都 未曾 停 ，就 點及得 武松 老虎 咁 壯健 嘅 人 吖 ？
而且 ，武松 係 有心 嚟 裝佢 㗎 嘛 。
蔣門神 見到 武松 呢 ，個 心裏頭 先不先 就 蝦佢 醉 ，一味 顧住 趕入嚟 。
說時遲就那時快 ，武松 首先 將 兩個 拳頭 ，喺 蔣門神 嘅 面前 揚佢一揚 ，忽然間 ，𠻘聲 擰轉身 就 走 。
蔣門神 就 嬲 啦 ，追過嚟 咯 喎 。
點知 畀 武松 一飛腳 ，踢正 蔣門神 嘅 小肚 ，哎呀 兩個 手 一撳住 即刻 踎低 。
武松 一 攝攝過去 ，嗰隻 右腳 早就 已經 踢起 喇 ，一直 踢 正 蔣門神 嘅 額頭 ，踢到 佢 成個 打仰 就 𢴈 喺 處 。
武松 追入 一步 ，即刻 踩住 佢 心口 ，搦起 個 缽頭 咁 大 個 拳頭 ，對準 蔣門神 嘅 面 就 打 。
各位 ，先頭 講 嗰 打 蔣門神 呢 幾 招 啊 係 點 嘅 呢 ？
嗱， 噉 嘅 ： 首先 將 拳頭 就 揚一揚 ， 轉身 ， 飛 起 左腳 ， 踢 中 咗 喇 ， 再 轉個 身 ， 再 飛起 右腳 。
呢幾招呀 ，出咗名 叫做 玉環步 鴛鴦腳 。
嘿 ，呢個 係 武松 平生 嘅 真才實學 ，非同小可 㗎 。
當堂 打到 蔣門神 喺 地下 嚟 猛叫 饒命 。
武松 喝佢 話 喇 ：如果 想 我 饒 你 條 性命 ，你 應承 我 三件事 啦 。
蔣門神 喺 地下 嗌 話 ： 哎呀 ， 好漢 饒 我 啦 饒 我 啦 ， 唔 好 講話 三件 ， 哎 三百 件 我 都 應承 你 啊 ！
武松 話 ： 你 聽 住 ！ 第一件 ， 要 你 馬上 離開 快活林 ， 將 所有 個架生 ， 即刻 交還 原主 金眼彪 施恩 。
嘿 ，邊個 叫 你 監硬搶佢 㗎 ？
誒 ， 誒 ， 我 我 應承 ， 我 應承 。
第二件 ， 我而家 放 咗 你 ， 你 要 去 請 晒 快活林 做 阿哥 頭 嗰 啲 英雄豪傑 嚟 ， 嚟 同 施恩 賠禮 。
誒 ， 誒 ， 小人 應承 ， 應承 。
第三件 ，你 從 今日 ，交割 清楚 ，即刻 要 你 離開 呢處 快活林 ，漏夜 趕返 去 鄉下 ，唔准 你 喺 孟州 住 。
如果 喺 呢處 唔 返去 我 一 見 你 一次 就 打 你 一次 ，我 見 你 十 次 就 打 你 十 次 ；
輕 嘅 就 打 到 你 半死 ， 重 嘅 就 攞 你 條 命 ， 你 應 唔 應承 啊 ？
蔣門神 聽咗 ，條命 要緊 啊 ，猛咁 話 應承應承 ，誒 蔣忠 乜嘢 都 應承咯 。
武松 就 喺 地下 扚 返起 蔣門神 睇下 ，嘩 ，打到 佢 啊 ，面 青 嘴 腫 ，條 頸 都 歪 晒 ，額頭 就 流血 。
武松 指住 蔣 門神 話 ：咪 講 你 呢個 大隻 衰吖 ，景陽岡 上面 嗰隻 大 老虎 ，我 亦 係 三拳兩腳 就 打死咗 喇 。
好似 你 噉 算得 乜嘢 吖 ，你 快啲 交割 清楚 還返 畀 佢 ，遲啲 又 打 你 一 餐 ，攞 你 條 命 ！
蔣門神 而家 ，噉 先至 知道 原來 呢個 係 武松 ，就 更加 口口聲聲 認錯 啦 。
正話 講緊 ， 只見 施恩 嚟 到 喇 ， 佢 呢 趟 帶 埋 三 幾十個 悍勇 嘅 軍 佬 ， 想 嚟 幫手 嘅 ；
一見到武松贏咗蔣門神咯 ，哎呀 歡喜到加零一啊 ，沊沊𡃈圍實武松 。
武松 指住 蔣 門神 話 ：原主 已經 嚟到 喇 ，一便 ，快啲 搬扯 ，一面 就 快啲 請人 嚟 賠禮 。
蔣門神 就 話 喇 ：哎 ，好漢 ，誒 請 入去 酒店 裏 便 坐 啦 。
武松 帶住 一行人 入到去 酒店 裏 便 睇下 ，成地 都係 酒 。
嗰 兩個 先頭 畀 武松 打落 咗 喺 酒缸 嘅 夥記 呢 ，而家 仲 喺 酒缸 裏 便 爬緊 。
嗰個 女人 就 啱啱 喺 酒缸 裏 便 爬返出嚟 ，頭殼 同 塊 面 都 扻損晒 ，成身 濕嗲嗲 。
其他 嗰 幾個 夥記 呢 ，嘿 ，走到 唔見影 咯 。
武松 同埋 大家 入到 店裏 便 坐 低 ， 就 喝 佢 哋 話 ： 你 哋 快 啲 收拾 好 就 走 人 喇 吓 。
蔣門神 一面 搵 架 車 ，執拾好 行李 就 送 嗰 女人 走咗 先 。
一面呢 ，叫 冇 打傷到 嘅 酒保 ，去 圩鎮 請 十幾個 做頭 嘅 豪傑 ，都 嚟到 店裏 便 ，為 蔣門神 向 施恩 賠禮 。
啲 人 嚟齊 喇 ，將 啲 靚酒 開晒 ，有 嘅 係 餸菜 ，擺晒 喺 枱面 ，請 大家 坐嘞 。
武松 就 叫 施恩 喺
各個人 面前 放 隻 大碗 ，叫 酒保 斟酒 。
飲咗 幾 碗 ，武松 就 開口 ：
各位 ，小人 武松 自從 喺 陽穀縣 殺咗 人 之後 ，充軍 嚟到 呢處 就 聽見 人哋 講 ，話 快活林 呢 一座 酒店 ，房屋 ，係 小施 管營 嘅 物業 ，生意 亦 係 佢 嘅 。
畀 呢個 蔣門神 倚勢 豪強 公然 搶咗 ，白白 噉 佔咗 佢 嘅 飯碗 。
你哋 大家 唔好 以為 佢 係 我 嘅 主人 ，唔係 ，佢 同 我 並無 關係 。
我 從來 只係 要 打天下 呢啲 噉嘅 不明道德 嘅 人 。
我 如果 路見不平 ，我 真係 拔刀相助 我 死 都 唔怕 嘅 。
今日 ，我 本來 想 將 蔣門神 呢個 傢伙 三拳兩腳 就 打死 佢 ，為 地方 除咗 一 害 。
而家 ，我 睇 在 各位 嘅 面子 ，姑且 留返 呢個 傢伙 一條命 。
今晚 我 叫佢 搬扯 ，趯 去 外地 。
如果 唔 離開 呢處 ，再 遇到 我 個 時候 ，哼哼 ，景陽岡 上 隻 老虎 就 係 模樣 喇 。
大家 而家 先至 知道 ，原來 佢 就係 景陽岡 上 打 老虎 嘅 武都頭 。
大家 都 起身 ，為 蔣門神 賠禮 啦 ，大家 話 ：
好漢唔好嬲嘞 ，叫佢 搬扯 將 一切 都 奉還 原主 噉 就係啦 。
嗰個 蔣門神 畀 佢 噉樣 一嚇 ，邊處 仲 敢 開聲 吖 。
施恩 就 點齊晒啲 家私 雜物 ，交割咗 店舖 。
蔣門神 呀 羞慚 滿面 啊 ，多謝咗 大家 ，自己 就 嗌 一架 車 裝晒 行李 就 起程 走人 咯 ，呢啲 不在 話下 喇 。
噉 當日 啊 ，武松 就 請 快活林 呢 一班 有名望 個人 一直 飲 到 盡醉 方 休 。
晚頭黑 ，散席喇 ，武松 呢一覺呀 ，一直 瞓到 第日日上三竿 先至 醒 。
嗰個 施老管營 呢 ，聽講 話 個仔 施恩 就 重新 霸返 快活林酒店 ，就 騎住 馬 ，一直 嚟到 間 店 處 ，多謝咗 武松 。
嘿 ，連氣幾日 ，喺 店裏 便 飲酒 慶賀啊 。
快活林 呢一帶 嘅 人 ，都 知道 武松 使得 ，邊個 唔 嚟 拜見 武松 吖 ？
從此之後 ，施恩 呢 就 裝修 返 鋪面 ，重新 開張 。
老管營 就 放心 啦 ，自己 又 返去 安平寨 料理 啲 事情 。
施恩 就 派人 探聽到 蔣門神 啊 ，話 佢 帶咗 一家 老小 不知 去向 喇 噉 。
噉佢 亦 放心喇 ，就 顧住 自己 做生意 啦 就 唔理 佢 咁多 ，留咗 武松 喺 店裏 便 居住 。
從此啊 ，施恩啲 生意 比 以前 多咗 幾分 利息 ，各間 店舖 同埋 各個 賭場 當舖 ，都 加倍 噉 送 好多 錢 嚟 畀 施恩 。
施恩 得到 武松 為 佢 爭 咗 呢啖 氣 ，將 武松 呀 好似 當作 爹娘 咁 敬重 啊 。
施恩 呢 ，噉 就 重新 霸返 孟州道 快活林 喇 。
正是奪人道路人還奪啊 ，義氣多時利亦多 。快活林中重快活 ，惡人自有惡人磨 。
呢日子 又 過得 好快 ，又 過咗 個 幾月 喇 。
正所謂 炎威 漸退 就 玉露 生涼 ，金風 去暑 就 已經 秋天 咯喎 。
有話即長就無話即短啦 。
當日 施恩 啊 ，正話 同 武松 喺 店 裏 便 傾 閒偈 ，談論 啲 拳棒 槍法 。
吖 ，只見 店門前 有 幾個 軍佬 ，拉住 一匹 馬 ，嚟到 店裏 便 問 喇 ：邊個 係 打虎 嘅 武都頭 啊噉 。
施恩 認得 呢 幾個 人 ，係 孟州 守禦 兵馬 都監 ，張蒙 方 衙內 嘅 親隨 人 嚟 。
施恩 就 行 上前 問 喇 ：你哋 搵 武都頭 咩 嘢 事 啊 ？
嗰 個 軍 佬 話 ： 奉 咗 都監 相公 鈞 旨 ， 聽講 武都 頭 係 個 好漢 ， 特登派 我 哋 帶 隻 馬 嚟 攞 佢 去 啊 。
呢 ，相公 有 張 命令 喺 處 。
施恩 接過嚟 睇咗 佢 諗嘞 ：
呢個 張 都 監 係 我 父親 嘅 上司 官 ，係 屬 佢 調遣 。
而家 武松 又 係 充軍 嚟 嘅 監犯 ，亦 係 屬 佢 管 ，冇 辦法 啦 ，只有 畀 佢 去 係 啦 。
施恩 就 對 武松 話 喇 ：兄長 啊 ，呢 幾位 官差 ，係 張 都監 相公 嗰 處 派 人 嚟 攞 你 。
佢 既然 派人 牽 馬 嚟 喇 ，阿哥 你 點吖 ？
武松 係 個 剛直 嘅 人 ，樣樣 都 係 將心比心 ，佢 就 話 喇 ：
佢 既然 嚟 攞 我 ，噉 只有 行 一趟 啦 睇 佢 有 咩 說話 講 啦 。
跟住 就 換咗 衣服 頭巾 ，帶咗 個 夥記仔 ，上咗 馬 ，跟埋 嗰 幾個 軍佬 就 去 孟州城 咯 喎 。
嚟到 張 都監 嘅 住宅 前面 落咗 馬 ，跟住 嗰個 軍佬 ，一直 入到 大廳 參見 張 都監 。
嗰個 張 蒙方 ，見到 武松 嚟 就 好 歡喜 喇 佢 話 ：嚟嚟嚟嚟 ，入嚟 見 下面 。
武松 嚟到 大廳 ，拜見 咗 張 都監 ，好 恭敬 噉 企 喺 側 跟 。
張都監 對 武松 話 ：我 聽講 你 係 個 大丈夫 ，男子漢 ，英雄無敵 ，敢 同 人 同生同死 嘅 。
而家 我 帳下 就 係 缺 噉 樣 一個 人 ， 唔 知 你 肯 唔 肯 跟 我 做 個 親隨 體己 人 呢 ？
武松 就 跪低 答謝 話 喇 ：
小人 係 個 牢城 營 裏 便 嘅 監犯 。
如果 得到 恩相 抬舉 ，小人 願意 馬前 馬後 服侍 恩相啊 。
張都監 好 歡喜 嘞 ，就 叫 攞 果盒酒 出嚟 。
張都監 親自 賜 咗 酒 ， 飲到 武松 啊 ， 酩酊大醉 啊 。
噉就 喺 前廳 走廊 嗰度 執拾 一間 耳房 ，畀 武松 休息 。
第日 ，又 派人 去 施恩 嗰處 攞 咗 行李 嚟 ，以後 呢 ，武松 就 喺 張都監 屋企 住 喇 。
呢個 都 監 相公 呀 ，每 日 不停 噉 嗌 武松 入去 後堂 請 佢 飲酒 食飯 ，由得 佢 穿堂 入 室 ，直情 將 佢 當做 親人 一樣 噉 看待 。
又叫 個 裁縫 嚟 ，同 武松 裏裏外外 做 新 嘅 秋衣 。
武松 見到 噉樣 個 心 都 好 歡喜 ，佢 諗嘞 ：哎 ，難得 呢個 都 監相公 一力 要 抬舉 我 ，待 我 咁 好 。
不過 自從 嚟到 呢處 住落 ，寸步不離 ，又 冇 時間 去 快活林 搵 阿施恩 傾下 。
雖則 佢 不歇 噉 派 人 嚟 探 我 ，佢 自己 怕 係 唔能夠 嚟得 呢處 咯 。
噉 武松 自從 跟咗 張都監 啊 ，都監 相公 就 好 喜歡 佢 ；
但凡啲人 有 啲 公事 嚟 求到 佢 嘅 ，武松 對 都監 相公 一 講 ，冇 話 唔 應承 。
噉啲人 都 送 啲 金銀財帛 ，綢緞 匹 籌 嚟 多謝 武松 定 㗎 啦 。
武松 就 買咗 個 柳藤箱 ，將 送嚟 呢啲 嘢 啊 都 佮 實 喺 裏 便 ，呢啲 不在 話下 喇 。
時間 確係 過得 好快 ，冇幾耐 ，已經 到咗 八月 中秋 嘞 。
當日 ，張都監 喺 佢 屋企 後堂 嗰 間 鴛鴦樓 下 便 ，大排筵席 ，慶賞 中秋 ，就 叫埋 武松 入去 裏 便 飲酒 噃 。
武松 入到 去 ， 見到 夫人 同埋 啲 家眷 啊 都 坐 埋 晒 喺 席 上面 飲酒 嘅 ， 噉 佢 飲 咗 一杯 就要 轉身 扯 啦 。
張都監 就 嗌住 武松 問 喇 ：你 去 邊處 啊 ？
恩相 ，夫人 同埋 家眷 喺 處 飲宴 ，小人 理應 迴避 。
哈哈哈 哈哈哈 ， 冇 所謂 嘅 冇 所謂 嘅 ， 我 敬重 你 係 個 義士 ， 特登 請 埋 你 一齊 飲酒 ， 好似 自己 人 一樣 啫 ， 使 乜 迴避 吖 ， 坐 啦 吓 。
小人 係 個 監犯 ，點 敢 同 恩相 一齊 坐 呢 ？
義士 ， 你 點解 咁 見外 啊 ？
吓 ，呢處 又 冇 外人 ，坐啦啊 ，唔緊要嘅 。
武松 三番四次 ，謙讓 告辭 要 扯 ，張都監 邊度 肯 放 佢 吖 ，係 都 要 武松 一齊 坐 喺 處 。
武松 啊 只有 行個禮 ，遠遠 噉 打 側身 坐低 。
張都監 就 叫 丫環 歌女 同 佢 斟酒 。
飲咗 六七 杯 酒 喇 ，張 都 監 就 叫 上 菜 咯 喎 ，食咗 一 輪 ，傾咗 啲 閑偈 ，問咗 啲 槍法 。
張都監 就 話 喇 ：男人 大丈夫 飲酒 ，點解 用 咁 細隻 杯 啊 ？
噉 就 嗌 人 攞 咗 個 大 銀 杯 嚟 斟酒 畀 義士 飲咯 喎 。
呢個 時候 ，月明 光彩 照入 東窗 。
武松 飲到 半醉喇 ，唔記得晒 禮節 嘞 ，就 顧住 一味 痛飲啫 。
張都監 就 嗌 一個 心愛 嘅 歌女 叫做 玉蘭 ，叫 佢 出嚟 唱嘢 。
呢個 玉蘭 生得 好靚 嘅 ，個 張 都 監 啊 對住 玉蘭 話 ：
呢處 冇 外人 ，只有 我 嘅 心腹 武都頭 喺 處 ，你 唱 支 中秋 賞月 嘅 曲 畀 我哋 聽下 啦 。
玉蘭 就 揸住 象牙板 ，上前嚟 向住 各人 請咗 個 安 講 一 聲 萬福 ；
放開喉嚨 ，唱咗 一隻 東坡學士 嘅 水調歌頭 咯喎 。
嘿 唱得 真係 好聽 啊 ，嗰 把 聲 啊 又 甜 又 潤 。
唱完喇 ，玉蘭 放低 象牙板 ，對住 各人 行咗 個禮 就 企喺 一便 嚟 。
張都監 就 話 喇 ：玉蘭 ，你 同 大家 敬 一輪 酒 啦 。
呢個 玉蘭 就 攞咗 一副 敬酒 嘅 托盤 ，丫鬟 就 斟酒 佢 就 敬酒 。
先不先就敬咗相公 ，第二個就敬咗夫人 ，第三個呢就敬畀武松喇 。
張都監 叫 斟滿啲噉 ，武松 啊 邊度 敢 擔 高頭 睇吖 ，唔好意思 㗎嘛 。
就 起身 離開 遠遠噉 接過 杯酒 ，對住 相公 、夫人 行咗 個 禮 ，攞起 杯酒 就 一飲而盡 ，就 還返 隻 杯 畀 玉蘭 。
張都監 指住 玉蘭 對 武松 話 ：
呢個 女仔 幾 聰明伶俐 嘅 ，好識 唱 嘢 ，針指 又 極之 好 嘅 。
如果 你 唔 嫌 佢 出身 低微 咯 ， 等 過 幾日 ， 我擇 個 吉日良時 ， 將 佢 嚟 嫁 咗 畀 你 做 個 老婆 呢 。
武松 即刻 起身 跪低 叩頭 話 ：唉 ，小人 係 咩嘢 人 吖 ？
我 點 敢 話 要 恩相 屋企 嘅 人 嚟 做 老婆 呢 ？唔得嘅 ，唔得嘅 。
嘿嘿嘿嘿嘿 ，我既然 講咗咯 ，梗係 要 送畀 你㗎嘛 你唔好 推喇吓 ，我唔會 負約 嘅 。
當時 又 連氣 飲咗 十幾杯 酒 。
飲到 差唔多 喇 ，啲 酒 湧上嚟 ，武松 就 怕 失禮 啦 ，就 起身 拜謝 咗 相公 、夫人 ，就 行返去 前廳 走廊 自己 間 房 。
佢 開咗 門 ，又 覺得 先頭 食得 咁 飽 ，唔 瞓得住 㗎 ，就 返 入 房 除咗 長袍 ，除咗 頭巾 ；
攞 條 哨棒 嚟 到 大廳 外 便 嘅 天井 ，喺 月光 下 便 ，打 咗 幾 路 棍 。
打 完 ， 仰高 頭睇 下個 天 ， 大概 係 三 更 咁 上下 啦 。
武松 就 返返入 房 ，正 話 想 除 衫 瞓 咯 喎 ，哈 聽見 後堂 裏 便 ，嘈 起 上嚟 嗌 話 有 賊 啊 噉 。
武松 一聽見 就 諗嘞 ：咦 ，都監 相公 對 我 咁 好 ，佢 後堂 裏 便 嗌 話 有 賊 ，我 唔 去 捉 賊 保護 佢 又 點得 呢 ？
武松 係 想 報答 張都監 㗎嘛 ，就 攞 一條 哨棒 ，一直 噔噔聲 趕入去 後堂 捉 賊 啦 。
只見 嗰個 唱曲 嗰個 玉蘭 ，慌慌張張 噉 行出嚟 話 ：呢 ，有 個 賊 啊 趯 咗 入去 後花園 啊 噉 。
武松 聽 佢 噉 講 ，揸住 支 哨棒 啊 大踏步 一直 追 入去 後 花園 搵 咯噃 ，哈 ，沊沊𡃈 搵咗 一遍 ，搵唔到 。
噉就 返轉頭 跑返出嚟 啦 ，唔 垂意 畀 人哋 喺 黑影 裏 便 ，掉 張 橋凳 出嚟 ，將 武松 成個 𠽤 倒 。
即刻 就 有 七八個 軍佬 走出嚟 ，喝一聲 話 捉賊 噉 ，就 喺 地下 將 武松 一條 繩 就 綁實 。
武松 大聲 嗌話 ：係 我 啊 ！
嗰班 軍佬 冇 理 佢 啊 。
呢個 時候 ，只見 廳堂 裏 便 就 燈火輝煌 ，張 都監 坐 喺 廳 上面 嗌話 ：捉過嚟 ！
嗰班 軍佬 ，將 武松 一步一棍 就 打到 大廳 上 便 。
武松 就 嗌 喇 ： 我 唔 係 賊 啊 ， 我 係 武松 啊 ！
張都監 一見 就 嬲 嘞 ，即刻 變咗 面色 ，喝佢 話 ：
你呢個賊配軍吖 ，本來就係個強盜 ，正一係賊心賊肝啊 。
我啊 要 抬舉 你 一力 成材 ，吓 ，未曾 虧待過 你 半點 㗎嘛 ，先頭 仲 同埋 你 一齊 飲酒 同席 食飯 ；
我本來話要抬舉你畀個官你做嘅 ，你點解做出噉嘅勾當嚟啊 ？
相公 ，唔關 我事㗎 ，我係 嚟 捉 賊 ，點解 將 我捉咗 做 賊呢 ？
我 武松 係 個 頂天立地 嘅 好漢 ，唔 做 呢啲 噉嘅 事 嘅 ！
張都監 喝 佢 話 ：你 呢個 傢伙 仲 抵賴 ？
人 嚟 ，將 佢 押去 佢 間 房 ，搜查 下 有冇 贓物 。
嗰班 軍佬 押住 武松 ，一直 去到 佢 嘅 房間 ，開咗 佢 個 柳條箱 睇 喇喎 。
上便 都係 啲 衣服 ，下便 呢 ，嘿呀 ，原來 都係 啲 金銀 碗碟 ，約莫 有 一二百 兩 贓物 喺 處 。
武松 見到 自己 都 懵晒 ，一味 叫 冤枉 係 啦 。
嗰啲 軍佬 ，將 個 箱 抬 出嚟 大廳 。
張都監 見咗 就 鬧佢 喇 ：賊 配 軍 ，你 咁 可惡 吓 ？啲 贓物 都 喺 你 嘅 箱 裏頭 抄 出嚟 ，你 仲 有 乜 說話 講 ？啊 。
常言話 知人 知面 不知心 啊 ，原來 你 呢個 傢伙 好眉好貌 ，裏便 係 賊心 賊肝 。
既然 有贓有證 ，唔使 講咁多 喇 。
即刻 就 叫 人 將 啲 贓物 封咗 ，又 嗌 人 將 武松 啊 送 去 機密 房 裏 便 監禁住 先 ，等 天光 先至 處理 佢 。
武松 啊 大叫 冤屈 啦 ，之啲 人 就 邊度 肯 聽 佢 分辯 至 得 㗎 。
嗰班 軍佬 就 抬咗 贓物 ，將 武松 押 到 去 機密 房 裏 便 看管 嘞 。
嗰個 張 都 監 啊 ，漏夜 派 人 去 對 知府 講 咗 ，押司 啊 ，孔目 啊 ，差人 啊 個個 都 逗 咗 黑錢 。
第日天光 ，知府 啊 升堂 辦公 ，嗰啲 緝捕 觀察 ，就 將 武松 押 到 嚟 大堂 ，贓物 都 抬埋 上嚟 。
張都監 屋企 嘅 心腹 人 呢 ， 就 帶 住 張都監 屋企 被劫 嘅 文書 ， 呈 上 嚟 畀 知府 睇 。
嗰個 知府 睇完 ，就 喝 叫 左右 將 武松 成個 撳低 。
嗰啲 獄卒 節級 ，就 將 一劄 拷問 犯人 嘅 刑具 就 掉 喺 面前 。
武松 啱啱 開口 想 話 分辨 啫 ，知府 就 喝 佢 話 喇 ：
你呢個傢伙 本來 係 個 配軍 ，有乜話 唔敢 做 賊 吖 ，一定 係 一時 見財 起意 。
既然 係 有 贓 有 證 ，唔使 聽 呢個 傢伙 亂噏 廿四 喇 ，即管 同 我 出力 打 ！
嗰啲 差人 獄卒 ，攞起 批 頭竹片 呢啲 刑具 劈劈啪啪 噉 啊 雨點 噉 打落嚟 。
武松 啊 知道 唔係 路 咯 呢 趟 ，只有 夾硬 招認 話 ：
係 ，本月 十五日 ，一時 見到 本官 屋企 ，好多 金銀 碗碟 ，因此 就 起心 ，半夜 乘機 去 偷噉 。
噉喺 供詞 上面 打咗 指模 ，知府 就 話 ：
呢個 傢伙 ，正係 見財起意 唔使 講 喇 ，攞 面枷 嚟 釘 咗 收監 。
個獄卒 就 攞 面長枷 ，將 武松 鎖實 ，押咗 落去 死囚 牢 裏 便 監禁 。
武松 去到 監牢 裏 便 就 諗嘞 ：
哼 ，張都監 嗰個 傢伙 ，安排 呢個 圈套 嚟 陷害 我 吓 。
我 如果 能夠 得返 條命 出去 ，我 再 嚟 同 你 算賬 ！
嗰啲 獄卒 ，將 武松 押 喺 大牢 裏 便 ，將 佢 嗰 雙 腳 呀 日夜 都 用 木槓 鎖 實 ；
又 將 手銬 鎖住 佢 雙手 ，真係 逳 都 唔 逳得 啊 。
好 喇 ， 而家返 轉頭 講下 施恩 。
當時 已經 有人 將 呢件事 講咗 畀 佢 聽 ，佢 就 連忙 入城 嚟 同 佢 老豆 商量 啦 ：
老管營 就 話 喇 ：眼見得 ，係 張團 練 為 蔣門神 報仇 ，就 買通 張都監 ，諗咗 呢條 死計 嚟 陷害 武松 嘅 。
梗係 佢 派 人 上上下下 都 使咗 錢 ，嗰啲 人 受咗 人情 賄賂 ，梗係 唔理 佢 講 咁多 ，係 要害 佢 條命 㗎咯 。
不過 我 諗噃 ：佢 呢個 唔係 死罪 嚟 吖 。
如果 我 哋 能夠 買通 兩院 嘅 押 牢 節 級 ， 就 可以 保全 佢 條 命 。
噉 出返嚟 再 作 打算 係啦 。
施恩就話喇 ：而家 喺 大牢 嗰個 節級 ，姓 康 嘅 ，同 我 啊 最好 㗎 喇 ，噉 我 去 求下 佢 好唔好 呢 ？
老管營 就 話 ：武松 係 為 你 搞到 坐監 嘅 ，你 唔 去 救 佢 呀 更 待 何時 吖 ？快啲 去 啦 吓 ，快啲 去 。
施恩 攞 住 一二百兩 銀 ， 直筆 就 去 搵 嗰 個 康節級 ， 康節級 喺 監牢 裏 便 未 返 。
施恩 就 叫 佢 屋企 搵 人 去 監牢 裏 便 通知 佢 。
冇 幾耐 ，康節級 返嚟 同 施恩 見面 。
施恩 就 將 呢件事 啊 從頭到尾 噉 講咗 次 畀佢 聽 。
康節級 就 話 喇 ：唔怕 同 兄長 講 啦 ，呢件事 ，都 係 張都監 同 張團練 兩個 同姓 結義 做 咗 兄弟 。
而家 呢 ，蔣門神 就 匿 喺 張 團練 屋企 ，佢 又 𠼮 張 團練 啊 ，買通 呢個 張 都 監 ，商量 出 呢 一條 計 嚟 ；
一切 上上下下 嘅 人 都 係 蔣門神 用 錢 嚟 賄賂 ，呢 ，我哋 都 接咗 佢 錢 㗎 。
個 知府 一力 同 佢 作主 ，事 必要 攞 武松 條 命 ，只有 辦案 一 個 葉孔目 唔 肯 ，所以 仲 唔 敢 害 佢 。
葉孔目 呢個人 呢 忠直 仗義 ，唔肯 害 好人 嘅 ，所以 武松 仲 冇 吃到 虧 。
而家 聽 施兄 既然 噉樣 講 咯 ，監牢 裏 便 嘅 事 ，有 我 喺度 打點 㗎 喇 ；
而家 我 返去 就 放鬆佢 ，以後 就唔會 叫佢 捱 半點 苦嘅 。
不過 你 就 要 快啲 搵人 去 同 嗰個 葉孔目 講 ，要求 佢 早啲 判決 ，就 可以 救返 佢 條命 。
施恩 就 攞咗 一百 兩 銀 送 畀 康節級 。
康節級 初時 唔肯 要 ，再三 推辭 ，收尾 講得多 喇噉 佢 先至 收落啲 錢 。
施恩 告別咗 康節 級 返去 營裏 便 ，又 搵 一個 同 葉孔目 好 老友 嘅 人 ，帶 一百 兩 銀 送畀 佢 ，請求 佢 早日 做 一個 有利於 武松 嘅 判決 。
嗰個 葉孔目 ，已經 知道 武松 係 個 好漢 ，亦 有心 要 周全 佢 嘅 ，所以 呢 ，早就 將 呢件 案情 啊 ，唔係 做得 咁 死 ；
不過 嗰個 知府 啊 受咗 張 都監 嘅 賄賂 囑托 ，硬係 唔肯 從輕 發落 。
不過 問嚟問去 ，武松 就係 偷嘢 啫 ，唔判得 死罪 㗎 ，所以 就 拖住 喇 ，想 喺 監牢 裏 便 謀害 佢 條 性命 。
葉孔目 而家 又 得咗 呢 一百兩 銀 ，亦 知道 係 陷害 武松 嘅 ，於是 就 將 呢個 案情 都 改輕咗 ，盡量 開脫 武松 ，只係 等 期限 一 滿 啊 就 判決 喇 。
噉究竟 武松 嘅 命運 如何 呢 ？就要 聽 下回 分解 喇 。
