嗰朝早 ，食完 早飯 之後 ，有 個人 嚟 請 武松 去 另外 一間 房間 住 。
武松 就 以為 呢次 呀 實 係 嚟 害 自己 㗎 喇 ，嚱 去 唔係 去 ！就 跟 佢 去 咯 喎 。
有個人 走嚟 同佢 收拾 行李 鋪蓋 ；一個人 呢 就 帶住 武松 ，離開咗 單身房 啊 嚟到 前便 一 笪 地方 。
推開咗 房門 ，嘿呀 裏 便 呀 ，乾乾淨淨 嘅 床鋪 被席 ，兩邊 兩便 都 係 新 擺好 嘅 枱 凳 雜物 。
武松 入到嚟 房 一 睇 ：
哈 ，我 即 估 話 送 我 去 土牢 ，乜 帶 我 嚟 呢處 呢 ？好過 單身房 好多 吖 。
武松 喺 間 房 處 坐 到 中午 ， 嗰 個人 又 嚟 喇 ， 呢 次 係 挽住 個 籃入 嚟 隻 手仲 搦 住 一壺酒 添 。
入到嚟 房 打開 個 籃 攞 啲 嘢 出嚟 擺開 ，原來 係 四 碟 小菜 ，一 隻 熟 雞 ，有 好多 蒸 卷 。
嗰個人 將 隻 熟雞 嚟 撕開 ，斟 好酒 請 都頭 食 。
武松 個 心 諗 ：哈 ，噉 究竟 搞 乜嘢 啊喂 ？
到到 夜晚 ，又 係 好多 餸菜 ，又 嚟 請 武松 洗身 ，唞涼 休息 。
武松 就 諗喇 ：啲 監犯 都 係 噉 同 我 講 ，我 亦 係 噉 諗嘅 ，點解 會 噉樣 嚟 請 我 呢吓 ？
到咗 第三日 ，仲係 照板 煮碗 ，送飯 送酒 。
武松 嗰 日 ， 食完 早飯 行 出去 散下步 咯 喎 ， 見到 有 啲 監犯 呢 都 喺 呢 處 擔水 嘅 、 破 柴 嘅 、 做 雜工 嘅 都 係 曬 住 日頭 嚟 做 嘢 。
當時 係 五六月 大熱天 時吖嘛 ，冇 埞匿 㗎 。
武松 就 背住 手 問 佢哋 啲 人 ：你哋 點解 喺 呢處 曬住 日頭 做工 啊 ？
嗰班 監犯 都 笑起上嚟 話 ：嘿 好漢啊 ，哎 你 都唔知 咋 ，我哋 吩咐 喺 呢處 做工 啊 ，就係 人間 天上 喇 ，仲 敢 話 嫌 熱 去 唞涼 添 咩 ？
你 睇下 吖 ，嗰啲 冇 送到 人情 㗎 ，鎖住 喺 大牢 嚟 ，求生 不得 生 就 求死 不得 死 ，大條 鐵鏈 噉 鎖住 一樣 噉 捱 啊 。
武松 聽咗 ，又 行喇 ，去 天王堂 前面 轉咗 一轉 ，見到 喺 紙爐 旁邊 有 一 個 青石墩 ，有 個 眼 嘅 ，係 愛嚟 豎 旗杆 用 ，好 大 一嚿 石 。
武松 喺 石 上面 坐咗 一陣 就 返入 房 ，坐咗 冇 幾 耐 ，只見 嗰個人 又 捧 啲 酒菜 嚟 咯 喎 。
好喇 ，閑話 唔講 咁多 。
武松 自從 搬 咗 嚟 呢 間 房住 咗 幾日 ， 每日 都 係 好 酒 好 餸 ， 搬到 嚟 請 武松 食 嘅 ， 一 啲 都 唔 見 有害 佢 嘅 意思 。
武松 個 心 都 唔知 點解 喎 。
當日 嘅 晏晝 ，嗰個人 又 攞 啲 酒菜 嚟 ，武松 就 忍唔住 喇 ，一手 撳住 個 托盤 問 嗰個人 話 ：
喂 ，你 係 邊個 嘅 夥記 ？點解 一味 攞 啲 酒菜 嚟 請 我 呢 ？
嗰個人 就 回答 話 喇 ：小人 前日 已經 講畀 都頭 聽 啦 ，小人 係 管營相公 嘅 心腹 家人 。
我問 你 ， 你 每日 送 啲 酒菜 嚟 係 邊個 叫 你 送 嚟 畀 我 㗎 ？ 食 咗 又點 啊 ？
係 管營 相公 嘅 小管營 叫 我 送 畀 都頭 食 嘅 。
我 係 個 監犯 嚟 ，又 未曾 送過 半點 人情 畀 管營 相公 ，點解 佢 會 送 嘢 畀 我 食 呢 ？
小人 噉 就 唔 知 喇 ， 小 管營 吩咐 話 ， 叫 小人 送 三五個 月 先至講 喎 。
哈 ，噉 又 古怪 ，總唔會 儲肥咗 我 先至 嚟 殺 我 㗎 ？
呢個 悶葫蘆 ，叫 我 點 估得 穿 啊 ？
呢啲 酒菜 不明不白 ，我 食咗 個 心 都 唔 安樂 吖 。
喂 ，你 講 我 聽 ，你嗰個 小管營 個人 係 點 㗎 ？佢 喺 邊處 識得 我 嘅 ？
你講 咗 畀 我 聽 ， 我 就 食 佢 送 嚟 嘅 酒菜 係 啦 。
呢 ， 就 係 前幾日 都 頭初 初 嚟 嘅 時候 ， 喺 廳 上面 企 喺 度 嗰 個 ， 畀 條白 手巾 包住 頭 ， 吊住 右手 嗰 個人 喇 ， 就 係 小 管營 喇 。
哦 ，係咪 着件 青紗 長袍 ，企 喺 管營 相公 身邊 嗰 個 人 呢 ？
冇錯喇 ，佢 就係 老管 營相公 嘅 仔 。
正話 要 打 我 殺威棒 嘅 時候 ， 實 係 佢 講情 救 咗 我 係 咪 呢 ？
冇錯喇 ，小管營 對 佢 父親 講 ，因此 就 冇 打 都 頭 。
吖噉又奇怪 ，我係 清河縣 人士 ，佢係 孟州 人 ，從來 都 唔 相識 嘅 ，點解 咁 關照 我 呢 ？實有 原因 。
我 嚟 問 你 ，嗰個 小管營 姓 乜 名 乜 ？
佢 姓 施 名 恩 ，拳棒 功夫 都 好 叻 嘅 ，人人 都 叫 佢 做 金眼彪 施 恩 。
我諗 ，佢 必定 係 個 好漢 ，你 請 佢 嚟 同 我 見 下面 ，噉 呢啲 酒菜 我 就 食 你嘅 ；
你 如果 唔 請 佢 出嚟 同 我 見面 ，我 就 半啖 都 唔 食 。
小 管營 吩咐 過 小人 ， 話 唔 好將 啲 詳細 情形 講 畀 都 頭聽 ， 淨 係 叫 小人 送 三五個 月 酒菜 之後 ， 先至 同都頭 講明 白請 去 見面 噃。
亂噏 ！你 快啲 去 請 小管營 同 我 見面 。
嗰個人 怕 喎 ，唔肯 去 。
武松 啊 唔耐煩 有 啲 嬲 起上嚟 喇 。
嗰個人 冇 辦法 啦 ，只好 入去 裏 便 講 係 啦 。
過咗一陣 ，只見 施恩 喺 裏 便 跑出嚟 ，見到 武松 跪低 就 拜 。
武松 連忙 答禮 話 ：
小人 係 你 管轄下 嘅 監犯 ，從來 都 未曾 拜識 尊顏 ；
前幾日 ，又 承蒙 你 搭救咗 免咗 一餐打 ，而家 又 多得 你 每日 好酒 好菜 噉嚟 款待 ，非常之 唔敢當 ；
又冇 半點 事 差遣 小人 去 做 ，真係 無功受祿 ，寢食 不安 。
施恩 就 回答 話 喇 ：小人 久聞 兄長 大名 如 雷貫耳 ，只係 怨恨 路程 阻隔 唔能夠 相見 。
今日 咁好彩 得到 兄長 嚟到 正係 要 拜識 威顏 ；
只係 怨恨 自己 冇 咩嘢 款待 覺得 唔好意思 ，所以 唔敢 出嚟 相見 唧 。
先頭 聽 個 夥記 講 ，話 叫我 武松 過 三五 個 月 先 有 說話 講 。
唔知 小管營 要 同 小人 講 啲 乜嘢 呢 ？
哎呀 ，嗰個 蠢人 唔懂事 ，多口 對 兄長 講咗 ，呢啲 事 點 能夠 隨便 講 嘅 呢 ？
嘿 小管營 你 噉樣 ，哎 真係 好似 秀才 噉 脾氣 ，吞吞吐吐 做 乜嘢 呢 ？
真係 搞到 我 武松 唂破 個 肚皮 ，悶死 我 嚟 喇 ，噉 唔得 嘅 。
小管營 ，你 講下 ，你 要 我 點 呢 ？
既然 嗰個 夥記 講咗 出嚟 ，小弟 唯有 講 你 聽 啦 ：
因為 兄長 係 個 英雄豪傑 ，有 件事 想 要求 下 你 ，係 要 兄長 你 至得 嘅 ；
不過 兄長 行 咁 遠 路 嚟到 呢處 ，氣力 有所 虧損 ，未曾 恢復 充足 ；
所以 請 兄長 你 休息 三五個月 先 ，等 兄長 氣力 充足 咯 ，到 其時 先至 對 兄長 講明 講白 喇 。
武松 聽咗 就 哈哈大笑 話 ：
小管營 ，我 舊年 發冷病 ，病咗 三個月 ，喺 景陽岡 上面 飲醉咗酒 ，打低 一隻 大老虎 ，亦都係 三拳兩腳 就 打死佢 ，何況 今日 呢 ？
誒 ，而家 都 未曾 講得住 嘅 。
仲 係 等 兄長 再 休養 一個 時期 添 ， 等 貴體 完全 好 晒 喇 ， 到 時 先至講 啦 。
哦 ，你 怕 我 冇 氣力 係 嘛 ？
既然 係 噉 樣 ， 小 管營 ， 我 尋日 見到 天王 堂 前面 有個 石墩 ， 你 話 佢 大約 有 幾 重度 呢 ？
哦嗰個 石墩 都 怕 有 四五百 斤 重 㗎 。
小管營 ，我 同 你 去 睇下 呢 ，唔知 我 能唔能夠 搬逳 佢 呢吓 ？
噉 飲完 酒 先至 去 啦 。
唔好喇 ，返嚟 再 飲 唔遲吖 。
兩個人 就 嚟到 天王堂 前 便 ，嗰班 監犯 見到 武松 同 小管營 嚟 唄 ，都 躬身 行禮 咯 喎 。
武松 將 個 石墩 ，稍為 搖 一搖 佢 ，咔咔聲 笑話 ：
哈哈哈 ，小人 真係 又 懶 又 嬌 ，真係 邊 搬得 逳佢 吖 ？
噉 唔 係 都頭 啊 ， 三五百斤 嘅 石頭 唔 好 睇 小 佢 啊 。
哈哈哈哈 哈哈哈哈 ， 小 管營 ， 你 以 為 我 真 係 搦 唔 起 係 嘛 ？
你哋 大家 行開 ，等 我 搦起 佢 睇下 。
武松 將 上半截 衣裳 除咗 落嚟 ，扎住 喺 條 腰處 ；
將 個 石墩 一 抱 ，輕輕巧巧 噉 就 抱起 身嚟 ；
然後 雙手 將 石墩 一掟 ，嘭聲 掟 喺 地下 成尺幾深 。
嗰班 監犯 見咗 呀 ，嗨呀 ，嚇到 驚晒 。
噉仲唔止 ，武松 再 用 一隻 右手 將 個 石墩 一扚 ，扚咗起嚟 ，向 空中 一掟 ，掟咗 成 丈 幾 高 ；
跟住 武松 雙手 一接 ，接返 個 石墩 ，輕輕噉 放返 喺 原來 安放 個 地方 。
佢 回過身嚟 望住 施恩 同埋 嗰班 囚犯 ，武松 呀 ，面 不紅 心 不跳 ，個口 又 唔 喘氣 。
施恩 行 上去 抱住 武松 跪低 就 拜 ： 兄長 啊 你 真 係 唔 係 個 凡人 啊 ， 係 天神 啊 ！
嗰班 監犯 一齊 都 拜低 話 ：真係 天神 啊 ！
呢 ，有 詩 為 證噃 ：
神力 驚人 心膽寒 ，皆因 義勇 氣 瀰漫 。掀天 揭地 英雄 手 啊 ，拔石 應宜 似 弄丸 。
舉完 石頭 ，施恩 就 請 武松 返去 住家 大廳 裏 便 坐 。
武松話 ：小管營 ，而家 應該 同我 講咯啩 ？有 咩嘢事 要 我 去 呢 ？
你 坐 陣 先 ，等 家父 出嚟 同 兄長 見 一 面 喇 ，噉 然後 先至 講 你 聽 啦 。
哎 ，你 要 叫 人哋 做事 就 唔好 噉樣 立立懦懦 好似 個 女人 噉 至得架 ，如果 噉樣 就 唔係 做事 嘅 人 喇 。
就係 一刀一割 嘅 勾當 ，武松 亦都 同 你 去 做 ！
如果 有 半點 縮沙 ，我 就 唔係 人 ！
兄長 請坐 ，等 小弟 詳細噉 將 衷曲之事 講畀 兄長 聽 啦 。
小管營 ，你 唔好 噉樣 文縐縐 喇 ，你 搵 啲 緊要 嘅 說話 直 講 就 得 喇 。
兄長 ，係噉嘅 。
小弟 自細 跟從 江湖 上 啲 師父 學咗 多少 武藝 ，孟州 呢 一 帶 改 小弟 一個 花名 叫做 金眼彪 。
喺 呢處 東門 外便 ，有 一 座 圩鎮 ，叫做 快活林 ；
山東 、 河北 啲 客商 呢 ， 好多 都 嚟 嗰 處 做生意 ；
嗰處 有 百幾間 大客店 ，三二十個 賭場 當舖 。
往時呢 ，小弟 一來 就 靠自己 嘅 本事 ；
二來呢 ，就 帶住 營裏 便 有 八九十個 肯搏命 嘅 監犯 ，喺 嗰處 開咗 一 間 酒肉店 ，供應 各家 客店 同埋 賭場 當舖 。
但凡 呢 過路 妓女 之類 嘅 人 嚟到 嗰處 ，都 要 嚟 參見 小弟 先 ，然後 先至 准 佢哋 去 搵食 。
噉咁多笪地方啊 ，每朝每日 ，都 有 啲 錢 送嚟 畀 小弟 ；
到 月底 呢 ，亦都 有 三二百 兩 銀 搵 下 嘅 ，就係 靠 噉 賺錢 㗎 。
點知 近來 呢 ，畀 本營 一個 張 團練 ，佢 新新 喺 東路州 嚟 ，帶 咗 個 人 嚟 。
嗰個 傢伙 姓 蔣 名 忠 ，有 成 九尺 幾 高 啊 ，所以 江湖 上 起咗 佢 個 花名 叫做 蔣門神 。
嗰個 傢伙 不但 生得 高大 ，而且 仲 有 一身 好 本事 添 ，使得 一手 好 槍棒 ，打拳 飛腳 ，摔交 就 最 叻 。
佢 誇過口 啊 ，佢 話 ，三年 嚟 喺 泰嶽 同 人 打交 ，未曾 有過 對手 ，普天之下 冇 一個 及得 佢 噉 話 。
因此呢 ，就嚟 搶咗 小弟 嘅 財路 。
小弟 梗係 唔肯 讓 佢 啦 ，就 畀 嗰個 嘢 打咗 一大餐 ，兩個月 都 唔起得身 。
呢 ，前幾日 兄長 嚟 嘅 時候 ，我 仲 包住 頭 吊住 手 ，直到 而家 腫痛 都 未 消 。
本來 我 又 想 班人 去 同 佢 打過 嘅 ，之 佢 又 有 張 團練 嗰 一 班 正軍 。
如果 嘈起上嚟 ，喺 營裏 便 係 輸蝕 畀 佢 ，我 就 係 有 呢 一 點 無窮 之 恨 唔能夠 報得 。
一向聽聞 兄長 係 個 大丈夫 ，如果 得 兄長 同 小弟 出得 呢一啖氣 呀 ，嘿 ，我 真係 死都眼閉 。
就係 怕 兄長 行 咁 遠 路 辛苦 ，未曾 唞足 氣力 ；
所以 ，就 請 兄長 休息 三五個月 先 ，等 貴體 氣力 充足 喇 ，噉 先至 嚟 商量 啦 。
唉 ， 點知個 夥記 一下 多口 講 咗 出 嚟 ， 冇 辦法 啦 ， 小弟 只有 老老實實 噉 講 畀 兄長 知 啦 。
武松 聽完 呀哈哈 大笑 佢 話 喇 ：
嗰個 蔣門神 幾多個 頭 ，幾多隻 手臂 啊 ？
佢 又 唔 係 一個頭 ， 兩隻 手臂 ， 唔 通 噉 都 有 多 嘅 咩 ？
哈哈哈哈哈哈 ，我 以為 佢 三頭六臂 有 哪吒 嘅 本事 噉 我 就 怕 佢 啦 。
原來 不過 又 係 一個 頭 兩條 手臂 啫 。
既然 唔係 哪吒 噉嘅 樣 我 使 乜 怕 佢 ？
都係 皆因 小弟 力薄 藝疏 ，打佢 唔過 啦 。
武松 就 話 ：我 唔係 得 把 嘴 ，就憑 我 身上 個 本事 ，我 平生 只係 打 天下 嘅 硬漢 ，不明 道德 嘅 人 。
既然 你講 咗 出 嚟 咯 ， 噉 而家 我 哋 仲 坐 喺 處 做 咩 啊 ？
嗱 ，如果 有 酒 ，搦 去 喺 路 上面 飲 。
我而家 同 你 去 ，你睇住 我 將 呢個 傢伙 同 嗰隻 老虎 一樣 噉𢱕佢 。
如果 我 拳頭 落得 重 將佢 打死咗 ，我自己 去 同佢 償命 。
兄長 你 坐陣 先 。
等 家父 出嚟 見過面 先 咯 ，當行 即行 ，唔好 魯莽 啊 。
等聽日 ，派 個人 去 嗰處 探聽 下 先 ，如果 佢 本人 喺 屋企 咯 ，噉 我哋 後日 就 去 ；
如果 嗰個 傢伙 唔 喺 屋企 嚟 ，噉 誒 再 作 打算 啦 。
否則 打草驚蛇 ，聽下 畀佢 整返轉頭 就 唔妥喇 。
武松 發脾氣 喇 ： 小 管營 ， 唔 怪 得 你 畀 佢 打 啦 。
你 做事 都 唔係 男人 大丈夫 噉 嘅 脾性 嘅 。
去就去 ，理咁多 今日 聽日 啊 ！
要走就走 ，怕佢乜嘢吖 ！
正喺度勸唔住嘅時候 ，只見 喺屏風後 便 老管 營行 出嚟 佢 話 ：
義士啊 ，老漢 喺度 聽 你 講 說話 好耐 喇 。
今日 好好彩 ，能夠 見到 義士 一面 ，我 個仔 真係 好似 撥雲見日 一樣 啊 。
請 去 後堂 坐下 ，吓 。
武松 跟住 佢 去到 裏便 ，老管營 就 話 喇 ：義士 請坐 。
小人 係 個 監犯 ，點 敢 喺 相公 面前 坐 呢 ？
義士 唔好 噉樣 講 ，我 個仔 能夠 遇到 足下 真係 萬幸 啊 。
唔好謙讓喇 ，請坐 ，吓 ，請坐 。
武松 聽 佢 噉 講 就 行咗 個 禮 ，打 對面 坐 低 。
但係 施恩 呢 ，仍然 企喺 處 喎 。
武松 就 話 ：小管營 點解 企 喺 處 啊 ？
施恩話 ：家父 喺度 同 兄長 傾偈 ，小弟 點 能夠 坐 呢 ？
噉樣 ，噉小人 坐 都 坐得 唔 自在 。
老管營 就 話 ：既然 義士 噉樣 講咯 ，呢處 又 冇 外人 ，你 都 坐低 啦 。
噉啊 老管營 叫 施恩 亦 坐低 。
僕人 就 捧出 啲 酒菜 嚟 ，老管 營 親自 同 武松 斟酒 佢 話 ：
義士 咁 英雄 ，邊個 唔 欽敬 ？
我個仔 原來 喺 快活林 做 嗰啲 生意 ，亦 並非 係 為咗 貪財 好利 嘅 ，只係 為咗 壯觀 孟州 ，增添 豪俠 嘅 氣象 啫 ；
點知 而家 畀 蔣 門神 ，倚勢 豪強 ，公然 噉 搶咗 呢 笪 地方 去 。
唔係得義士 你 咁 英雄 就 唔能夠 報仇 雪恨 喇 。
義士 如果 唔 嫌棄 我 個 仔 愚鈍 ，請 你 飲 勝 呢 杯 酒 ，受 我 個 仔 四 拜拜 為 長兄 ，以 表 恭敬 之 心 呢 。
武松 就 回答 話 ：
小人 有 乜嘢 才學 ， 點敢 受 小 管營 嘅 大禮 ， 唔 敢當 ， 唔 敢當 啊 ， 哈哈哈哈 哈哈哈 ， 嘿嘿 嘿嘿 嘿嘿 ， 請 ， 請 ！
當時 飲過酒 ，施恩 跪低 ，拜咗 四拜 。
武松 就 連忙 答禮 啦 就 同 佢 結為 兄弟 。
當日 武松 好 歡喜 啊 ，飲酒 飲到 大醉 。
噉就 自然 有人 扶佢 返去 房 瞓覺 休息 啦 ，呢啲 不在 話下 喇 。
第日 ，施恩 兩 父子 喺度 商量 ：
武松 尋晚 醉得 咁 交關 ，今日 梗係 頭暈暈 㗎 喇 ，今日 唔好 叫佢 去 喇 。
不如 推佢話 ，使人 探聽過 喇 ，蔣門神 唔 喺 屋企 ，拖 一日 先至 算 啦吓 。
於是 施恩 就 嚟 見 武松 話 ：今日 唔好 去住 喇 。
小弟 已經 使人 探聽 清楚 喇 ，蔣門神 唔 喺 屋企 嚟 。
聽日 食完 飯 先至 請 兄長 去 啦 。
武松 就 話 ：聽日 去 就 唔緊要 ，之 今日 又 激多 我 一 日 呢 。
食完早飯 ，飲咗茶 ，施恩 同 武松 去 營前 散下步 。
返到嚟客房 ，大家 講下 啲 槍法 ，較量 啲 拳棒 。
到咗 中午 ，又 請 武松 返去 屋企 ，只係 用 幾杯 咁多 酒 嚟 款待 佢 ，之 餸菜 呢 就 多 到 不計其數 噃 。
武松 正係 想 飲酒 㗎嘛 ，點 一味 勸佢 食餸 喎 ，個心 就 有啲 唔過癮 嘞 。
食完午飯 ，起身 告辭 就 返到 客房 坐 啦 。
只見 嗰 兩個 僕人 又 嚟 服侍 武松 洗身 ， 武松 就 問 佢 嘞 ：
你哋 小管營 ，今日 點解 一味 將 啲 餸菜 搦出 嚟 請 我 食 ，又 唔 攞 多啲 酒 嚟 畀 我 飲 呢 ，係 咩 嘢 意思 啊 ？
個 僕人 就 回答 話 喇 ：
唔怕 同 都頭 講 啦 ，今朝早 老管營 同 小管營 傾過 喇 ，今日本來 係 想 求 都頭 你 去 嘅 ；
怕 都頭 尋晚 飲得 酒 多 ，今日 唔 舒服 ，怕 誤咗 正事 ，所以 就 唔敢 攞 酒 出嚟 。
明日 就係 要求 都 頭 去 做 正經事 呀嘛
噉係嘛 ，怕 我 醉咗 誤咗 大事 呀 ？
冇錯喇 ，就係 噉諗㗎 。
當晚 ，武松 就 成晚 盼 天光 。
好喇 ，朝頭早 起身 ，洗完 面啷完口 ，戴上 一頂 新 嘅 萬字頭巾 ，身上面 着住 一件 土色 布衫 ；
條腰 就 扎住 一條 紅絹 腰帶 ，下便 就 腳 繃 護膝 ，八搭 麻鞋 。
佢 攞咗 一張 膏藥仔 ，貼 喺 面 上 ，遮住 面 上 嘅 金印 。
施恩 一早 就 嚟 請 去 屋企 食 早飯 。
武松 食完 早飯 ，施恩 就 話 ：我哋 騎馬 去 呢 ？
武松 就 話 ：我 又 唔係 墊腳娘 ，使乜 騎馬 呢 ？
不過 今日 去 要 應承 我 一件事 至得 。
阿哥 你 即管 講 ，小弟 點 敢 話 唔 應承 呢 ？
嗱 ，我 同 你 出去 城 ，你 要 應承 我 無 三不過 望 。
兄長 ，乜嘢 叫做 無三不過望 ？小弟 唔明白 噃 。
我 講 你 聽 ，你 要 打 蔣門神 呢 ，出咗 城 ，但凡 遇到 一 間 酒店 ，就 要 請 我 飲 三 碗 酒 。
如果 唔飲 三碗 酒 ，我 就 唔過 酒店 嗰 支 酒旗 。
呢個 就 叫做 無三不過望 。
嘿真係 ，武松 唔講清楚 確係 就唔知道 乜嘢 叫做 無三不過 望噃 。
望呢 ，即係 酒店 掛出去 嗰支 酒旗 ，又 叫做 酒望 ，係 賣酒 嘅 標誌 嚟 。
施恩 聽咗 就 講 ：
呢個 快活林 由 東門 嗰度 行去 有 成 十四五 里 路 嘅 ，噉計 起上嚟 大大小小 嘅 酒店 都有 十二三 間 ；
如果 每間 都 飲 三碗 ， 就 成 三 十幾碗 酒先 到 得 嗰 處 個 喎 。
阿哥 你 飲醉咗 噉 點得 啊 ？
武松 大笑話 ：哈哈哈 ，你 怕 我 醉咗 冇 本事 係嘛 ？
其實 我 呢個人 呀 ，冇 酒 就 冇 本事 就 真 。
飲 一分 酒 ，就 有 一分 嘅 本事 ，五分 酒 ，有 五分 本事 。
我 如果 飲咗 十分 酒 呀 ，嘿 ！我 周身 嘅 氣力 呀 都 唔知 喺 邊處 嚟 咁多 嘅 。
如果唔係 飲醉酒 個 膽大 ，喺 景陽岡 上 便 我 點 打得 嗰隻 大老虎 啊 ？
嗰陣時呀 ，我 就 飲到爛醉 ，噉 先至 好 落手 ，又 有力 又 有勢 。
我啊唔知道阿哥係噉啊 。
屋企 有 嘅 係 好酒 ，就係 怕 阿哥 你 飲醉咗 誤事 ，所以 尋晚 唔敢 攞 酒 出嚟 請 阿哥 你 痛飲 啫 。
既然 阿哥 你 飲得 酒 越多 就 越 有 本事 咯 ，不如 噉啦 ，我哋 搵 兩個 僕人 ，叫 佢 帶住 屋企 嘅 好酒 ，果品 ，餸菜 ，喺 前 便 路上面 等 我哋 。
我啊 同 阿哥 你 慢慢 一路 行 一路 飲 ，噉 好唔好 啊 ？
武松 就 話 喇 ：噉 先至 合 我 心水 㗎 ！
去 打 蔣門神 噉 我 就 有 膽 喇 。
冇 酒 飲 呀 我 啲 武藝 點 使得出嚟 呢 ？
我 擔保 你 今朝 就 打倒 嗰個 傢伙 ，等 大家 大笑 一場 ！
施恩 當時 吩咐 落 ，叫 兩個 僕人 擔住 擔籮 ，裝滿晒 餸菜 燒酒 ，攞 啲 銅錢 行先 。
老管營 呢 ，又 暗暗 挑選咗 一二十個 壯健 大漢 ，慢慢 噉 隨後 嚟 接應 ，都 吩咐 落喇 。
而家 講下 施恩 同 武松 兩個 離開咗 安平寨 ，出咗 孟州 城 東門 就 去 快活林 嘞 。
行咗 三五百步 ，只見 大路 旁邊 呢 有 一間 酒店 ，有 一支 酒旗 喺 屋簷 下 便 豎咗 出嚟 。
嗰 兩個 擔食擔嘅 僕人 呢 ，就 已經 喺 嗰處 等候 。
施恩 就 請 武松 入去 裏 便 坐低 。
僕人 已經 安排好 嗰啲 餸菜 ，斟酒 嘞 。
武松話 ：唔好用 杯仔 喇 ，攞 隻 大碗 嚟 ，斟 三碗 。
於是 嗰個 僕人 就 換咗 大碗 ，斟滿 佢 。
武松 一啲 都 唔 謙讓 ，連 氣 飲咗 三 碗 就 起身 。
僕人 呢 就 連忙 執拾 好啲 架 生 ，呤呤聲 趯 去 前 便 等 喇 又 。
武松 笑住 話 ：嘿 ，先頭 喺 肚裏 便 潤咗 一潤 喇 ，好 ，我哋 去 喇 。
兩個人 離開咗 呢間 酒店 出咗 店門 。
呢個 時候 正係 七月 天氣 ，暑氣 未消 ，秋風 初起 。
兩個人 解開 衣襟 ，慢慢 行 ，行咗 里 幾 路 ，就 嚟到 一笪 小小 嘅 村落 ，又 見到 有 個 酒旗 ，喺 樹林 裏 便 趷咗 出嚟 咯 喎 。
嚟到 樹林邊 ，一睇 原來 係 一間 鄉下 賣 自製 燒酒 嘅 小酒店 嚟 。
噉施恩 企定 腳 就 問 喇 ：
阿哥 ，呢間 係 賣 啲 鄉下 自製 燒酒 嘅 酒店仔 ，阿哥 你 飲唔飲 啊 ？
武松 就 話 ：唔理 佢 酸鹹苦澀 ，係 酒 就 要 飲 三碗 ，如果 無 三 ，就 不過 望 。
兩個人 入到去 坐低 ，僕人 又 試 擺落 啲 果品 餸菜 。
武松 就 連 氣 飲咗 三碗 ，起身 又 行 。
個 僕人 急急忙忙 執拾 好 架 生 ，又 趕去 前便 咯 喎 。
兩個人 出咗 店門 ，又 行咗 唔到 二里 路 ，又 見到 間 酒店 。
武松 入去 照板 煮 碗 又 飲咗 三 碗 就 行 。
好喇 ，啰嗦 嘅 唔 講 咁多 。
武松 同 施恩 啊 ，兩個 一齊 行 ，但凡 見到 酒店 就 入去 飲 三碗 。
約莫 呢 飲過 十零 間 酒店 ，施恩 睇下 武松 ，誒 ，唔係 點 醉 咋喎 。
武松 就 問 施恩 ：由 呢處 去 快活林 仲 有 幾多 路 啊 ？
冇 幾 遠 添嘞 ，呢嗱 ，前面 遠遠 望見 嗰個 樹林仔 就係 喇 。
既然 嚟 到 喇 ， 你 喺 第 處 等 我 ， 我 自己 去 搵 佢 。
誒噉好 ，小弟 有 地方 去 㗎喇 。
兄長 你 千祈 要 小心 在意 ，唔好 輕敵 噃 。
呢層 唔緊要 ，你 叫 個 僕人 送送 我 添 。
前面 如果 仲有 酒店 我 仲 係 要 飲 啊 。
施恩 叫 個 僕人 仍舊 送 武松 去 。
佢 自己 呢 ，就 行開 喇 。
武松 就 行咗 唔到 三四里 路 ，又 飲咗 十零 碗 酒 。
呢個 時候 已經 係 午牌 時分 ，天氣 正 係 好 熱 ，嘿 有 啲 風 噃 。
啲 風 一 吹 ，武松 啲 酒 啊 湧上嚟 ，佢 將 件 布衫 解開 。
佢 雖然 有 六七分 酒意 啊 ，但係 呢 就 整成 十分 醉噉 ，行得 佊下佊下 ，岌下岌下 。
佢 嚟到 個 樹林 前 便 ，嗰 個 僕人 用 隻 手指 下 話 ：
都頭啊 ，前便 個 丁字路口 就係 蔣門神酒店 喇 。
好 ，既然 到喇 ，你 自己 匿埋 先 。
等我 打倒 嗰個 傢伙 ，你哋 先至 嚟 ，吓 。
武松 行 過去 樹林 背後 ， 見到 有個 金剛 咁 大 嘅 大漢 褸 住 一件 白布 衫 ， 坐 喺 張 挨 拼 椅 處 ，攞 住 把 扇 ， 喺 樖 槐樹下 便 唞 涼 喎 。
武松 詐醉 ，斜住眼 瞄咗 佢 一瞄 ，嗰 心 諗嘞 ：
哼 ！呢個 大漢 ，一定 係 蔣門神 。
佢 唔理 佢 住 ，一直 行咗 過去 。
又行咗唔到三五十步 就 見到 丁字路口 有 間 大酒店 。
屋簷前 便 豎咗 一枝 望竿 ，上面 掛住 一支 酒旗 寫住 四個 大字 ：河陽 風月 。
佢 轉過嚟 一 睇 ，門前 係 一迾 綠油欄杆 ，插住 兩面 銷金旗 ；
每面 旗 上面 係 五 個 金字 ，寫住 醉裏 乾坤 大 ，壺 中 日月 長 。
入門 呢一 便 係 肉台 、砧板 ，劏雞 殺鴨 切肉 嘅 地方 ，一便 呢 係 蒸包 炒餸 嘅 爐灶 。
再入去裏便 ，一迾擺住 三個 大酒缸 ，都係 半截 埋喺 地下 嚟 ，缸 裏便 呢 ，都 有 成 大半 缸 酒 嘅 ；
正中間 係 櫃枱 ，裏面 坐住 一個 年輕 嘅 女人 ，呢個 係 蔣門神 ，初初 嚟到 孟州 新娶 嘅 妾侍 。
佢 原來 係 一個 歌女 嚟 ，生得 好 靚 。
武松 碌下碌下 雙 醉眼 ，一直 行 入去 酒店 ，喺 對正 櫃位 一 張 枱 坐落 。
佢 雙手 撳住 張 枱 ，眼 都 唔 眨 下 噉 望實 嗰個 女人 。
嗰個 女人 睇見 喇 ，擰轉 頭 睇住 第處 ，唔 睬 武松 。
武松 睇下 間 酒店 裏頭 ，有 六七 個 招呼 人客 嘅 酒保 。
武松 拍住 張 枱 嗌話 ：喂 ，賣酒 嘅 主人家 喺 邊處 嚟 啊 ？
有個 做頭 嘅 酒保 行過嚟 睇住 武松 話 ：客官 要 打 幾多 酒 啊 ？
打 兩角酒 ，攞 啲 嚟 試下 先 。
嗰個 酒保 去 櫃位 叫 嗰個 女人 𢳂咗 兩 角 酒 ，坐 熱 咗 一 碗 攞過嚟 話 ：
客官 ，試下 啲 酒 啦 。
武松 攞起嚟 聞咗 聞擰頭 話 ：唔好嘅 ，唔好 ，換啲嚟 ！
個酒保 見 佢 醉 嘞 唄 ，就 攞返 去 櫃位 話 ：娘子 啊 ，求其 換 啲 畀 佢 啦 。
嗰個 女人 接咗 過嚟 倒咗 嗰啲 酒 ，又 𢳂咗 啲 上等 酒 出嚟 咯 喎 。
個酒保 攞 去 又 坐 熱 一碗 畀 武松 。
武松 攞起嚟 呷咗 一啖 話 ：
哼 ！呢啲 酒 都係 唔好嘅 ，快啲 換過 啲 嚟 ，就算 你 ！
個酒保 忍氣吞聲 ，攞咗 酒 去 櫃位 話 ：
娘子 ，求其 再 換 啲 好 嘅 畀 佢 喇 ，唔好 同 佢 計較 咁多 咯 。
呢個人 係 飲醉咗酒 㗎喇 ，一味 想 搵 啲 嘢 嚟 嘈下 噉嘅 啫 ，搵啲 最靚嘅 最靚 畀 佢 係 啦 。
嗰個 女人 又 𢳂咗 啲 一級上等 嘅 好酒 嚟 畀 酒保 。
酒保 又 坐 熱 一碗 畀 武松 。
武松 飲咗 呢次 就 話 喇 ：係喇 ，呢啲 酒 啊 稍為 有 啲 意思 喇 。
夥記 ，你 嗰個 主人家 姓 乜嘢 㗎 ？
姓 蔣 啊 。
噉佢 點解 唔 姓 李 呢 ？
嗰個 女人 聽見 就 話 喇 ：哈 ，嗰單 嘢 喺度 飲醉 咗 喺 處 搞搞震 係嘛 ？
酒保 就 話 喇 ：睇嚟 呢個 係 外鄉 嗰啲 粗人 ，戇居居 唔識得 嘢 嘅 ，當 佢 放屁 啦 ，唔好 理 佢 喇 。
武松 話 你 講 咩 嘢 話 ！
酒保 就 話 喇 ：誒 我 有 我哋 自己 傾偈 啫 ，客官 ，你 唔好 理 咁多 你 飲酒 啦 。
武松 話 喇 ：夥記 ，叫 你 櫃位 嗰個 女人 過嚟 陪 我 飲酒 ！
酒保 就 喝佢 話啦 你咪 亂噏 啊 ，係 我哋 主人家 嘅 娘子 嚟 啊 。
武松 就 話 喇 ：你 主人家 嘅 娘子 又 點 啊 ，陪 我 飲 下 酒 有 乜 緊要 呢 ，過嚟 ！
究竟 嗰個 女人 有冇 陪 武松 飲酒 ？武松 又 點樣 大鬧 快活林 呢 ？下次 再 講 。
