武松 見到 酒店 嗰個 事頭婆 對 佢 不懷好意 ，就 想 撚化 下 佢 咯喎 。
武松話 ：事頭婆 啊 ，你 呢啲 酒 好淡 㗎 咋噃 ，有冇 好啲 㗎 攞 幾碗 嚟 飲下 都 好吖 。
有 ，有啲 認真 香醇 嘅 好酒 啊 ，之 就係 濁啲 啫 。
嘿 ，最好啦 ，越濁啲 酒 就 越好飲吖嘛 。
個 女人 個 心 就 暗暗 歡喜 ，即刻 入去 攞咗 一 大 壺 酒 出嚟 ，顏色 係 好 濁 嘅 。
武松 睇咗 一下 就 話 喇 ：
嗱 呢啲 酒 就 靚 喇 ，要 坐 熱 嚟 飲 先至 好 啊 。
仲係 呢位 客官 識嘢 啊 ，等我 坐熱 嚟 畀 你哋 試下 啦 。
嗰個 事頭婆 個 心 諗 ：
你呢個賊配軍吖整定你該死嘅 ，要坐熱嚟飲添係嘛 ？
噉啲 藥性 仲 發作 得 快 ，你 送 到埋嚟 我 處 我就 唔 客氣 喇 。
嗰個 女人 坐 熱咗啲 酒 ，斟開 三 碗 。
客官 啊 ，嗱， 試下 呢 啲 酒 啦 。
嗰 兩個 差人 都 唔知 幾 猴擒 喎 ，攞過嚟 咕咕咕 幾啖 就 飲晒 。
武松話 ：事頭婆 ，我 從來 都 唔鍾意 飲 寡酒 嘅 ，唔該 你 去 切 啲 肉 嚟 畀 我 送 酒 啦 。
好啦 。
武松 呃咗 個 女人 行開咗 ，就 快手快腳 將 碗 酒 潑咗 落 角落 頭 ，然後 猛咁 嗒 條 脷 話 ：
哎 ， 好酒 啊 ， 好酒 ！ 仲 係 呢 啲 酒 掯 啊 。
其實 嗰個 女人 呀 ，又 邊處 有 去 切肉 吖 ，佢 不過 求其 入去 轉咗 一 轉 就 出返嚟 喇 。
佢 望住 佢哋 三個 拍住手 噉 嗌話 ：僂低喇 ，僂低喇 。
真係喎 ，嗰 兩個 差人 呀 ，只 覺得 天旋地轉 ，講唔出聲 ，噼啪 噉 就 跌倒 喺 地 嚟 。
武松 呢 ，佢 亦都 詐諦 協埋 雙眼 ，啪噉 一聲 打仰 就 跌 喺 張 凳仔 旁邊 。
個 女人 笑住 話 喇 ：領 嘢 嘞 啩 ，唔 怕 你 鬼 咁 奸 ，嚱 ，都 要 飲咗 老娘 嘅 洗腳水 。
小二啊 ，小三 ，你哋 快啲 出嚟 。
只見 喺 裏頭 跳出 兩個 粗手笨腳 嘅 大漢 ，首先 就 將 嗰 兩個 差人 抬咗 入去 。
個 女人 呢 ，就 行埋 去 嗰 張 枱 處 ，攞起 武松 個 包袱 同 差人 嘅 公文袋 捻 咗 一 捻 ，嗯 ，估到 裏頭 有 金銀 ，歡喜 喇 。
哈 ，今日 捉到 呢 三 隻 嘢 ，愛嚟 整包 賣夠 我 賣 好幾日 㗎 喇 ，而且 仲 撈到 咁多 嘢 添 。
於是 佢 就 將 個 包袱 同 公文袋 攞咗 入去 。
當佢 行返出嚟 嘅 時候 呢 ，就 見到 嗰 兩個 大漢 喺度 抬 武松 喎 ，哈 ，抬極 都 抬唔逳 。
佢 就 喝 佢哋 行埋 一便 ：
你 兩個 嘢 淨 係 識得 食飯 同 飲酒 個 啫 冇 釐 中 用 嘅 ， 唔 要 老娘 親自 逳 手 都 唔 得 嘅 。
呢個 大隻佬 都 幾 會 戲弄 老娘 吓 。
嗯 ，生得 咁 肥 咁大隻 ，當 和牛肉 賣 就 啱晒 喇 。
嗰 兩個 瘦佬 就 當 水牛肉 賣 啦 。
好 ，抬 佢 入去 劏 咗 佢 先 。
嗰個 女人 一便 講 ，一便 就 除咗 件 綠 紗衫 解咗 條 紅 絹 裙 ，就 行 過去 埋 手 想 揦 武松 咯 喎 。
點知 畀 武松 趁勢 用 兩隻手 將 佢 一下 攬實 ， 又 用 兩隻 腳 將 佢 下 半截 一挾 ， 就 成個 將 佢 紮實 ， 嗰 個 女人 呀 就 劏 豬 咁 嗌 定 啦 。
噉嗰 兩個 大漢 呢 急急忙忙 ，想 撲過嚟 幫手 ，畀 武松 大喝 一 聲 ，嚇到 傻咗 噉 就 唔敢 逳卒 。
嗰 個 女人 畀 武松 壓住 喺 地 嚟 ， 唔 敢 掙扎 喇 ， 一味 咁 叫 話 ： 好漢 饒恕 我 啦 ， 好漢 饒恕 我 啦 ， 我 唔 敢 喇 我 唔 敢 喇 噉 。
呢個 時候 ，只見 外 便 有 個人 擔住 一擔 柴 ，放住 喺 門口 嚟 。
佢 見到 武松 撳住 嗰個 女人 喺 地下 ，即刻 就 三步 夾埋 兩步 走入嚟 話 ：
好漢唔好嬲 ，請你放開佢 ，小人有說話講 。
武松 啪聲 跳返 起身 ，用 隻 左腳 踩住 個 女人 ，揸住 兩個 拳頭 ，瞪大 雙眼 望下 呢個 人 。
只見 呢個 人 頭戴 青紗 凹面巾 ，身穿 白布衫 ，打住 腳繃 ，着 一對 八搭 麻鞋 ，腰間 就 攬住 一個 纏袋 。
生得 面口 瘦瘦 ，有 多少 鬍鬚 ，年紀 呢 ，大概 係 三十五六歲 。
佢 望住 武松 行咗 個 禮話 ：請問 好漢 尊姓大名 啊 ？
我行不更名 ，坐不改姓 ，都頭武松 ，就係我 。
哦 ，莫非 就係 景陽岡 打虎 嘅 武都頭 係 嘛 ？
冇 錯 喇 。
嗰個人 即刻 跪低 就 拜 ：
聞名 好耐 喇 ，今日 先至 咁 好彩 見到 面 喇 。
莫非 你 就係 呢個 女人 嘅 丈夫 ？
佢 就係 小人 嘅 老婆 ，哎 真係 有眼不識泰山 ，唔知 點解 佢 會 咁 懵 得罪 咗 都 頭 你 呢 ？
請你 睇 在 小人 嘅 薄面 ，多多 恕罪 。
武松 見 佢 咁 好禮 ，就 連忙 放開 個 女人 起身 。
我 睇 你哋 兩 夫妻 都 唔係 平常 嘅 人 ，請問 你哋 叫做 咩嘢 名 ？
嗰個人 就 叫 個女人 ，快啲 去 着返衫裙 ，行過嚟 拜見咗 武松 。
武松 話 ：先頭 衝撞 晒 ，阿嫂 唔好 見怪 。
我 有 眼 不識 好人 ，一時 做錯咗 希望 阿伯 你 恕罪 至好啊 。
嗱 ，請 入去 裏 便 坐 啦 。
你哋 夫妻 兩位 高 姓 大名 啊 ？點會 知道 我 嘅 姓名 呢 ？
哈 小人 姓 張 名 青 ，本來 係 喺 呢處 嘅 光明寺 種菜 。
為 因有 一次 同 佢 哋 因 啲 小事 爭執 起上 嚟 ， 一時性 起 ， 就將 光明 寺 嘅 和尚 殺 咗 ， 又 放 咗 把 火將間 和尚 寺 燒到 平晒 ；
收尾 因為 冇 對頭 ，官府 亦 冇 嚟過 問 。
噉嗰陣 ，小人 亦 冇 菜種 喇 ，就 喺 呢處 大樹坡 打劫 搵食 啦 。
有一日 ，見到 有個 伯爺公 擔住 擔嘢 行過 ，小人 係 欺負 佢 老 啦 ，就 走出嚟 打劫 佢 咯 喎 。
同佢 打咗 廿幾個 回合 ，唔夠 佢 打 ，畀 個 伯爺公 一扁擔 就 打低咗 我 。
嘿嘿 ，原來 嗰個 伯父 呀 ，後生 嗰陣 係 專門 靠 打劫 搵食 嘅 ，嚱 。
佢 見到 小人 手腳 靈活 ，就 帶咗 小人 返去 城 ，教咗 我 好多 本事 ，又 將 佢 呢個 女 嫁咗 畀 我 招咗 我 做 女婿 。
唉 ，喺 城 裏 便 唔 住得 嘅 ，所以 我 又 依舊 返嚟 呢處 ，起咗 幾間 茅屋 ，賣 酒 為生 嘞 。
其實 呢 ，亦 只係 睇下 啲 來往 客商 有 邊個 入眼 嘅 ，就 落 啲 蒙汗藥 畀 佢 食 ，整死 佢 。
將啲大件嘅好肉 ，就切咗嚟 當 黃牛肉 賣 ；
零零碎碎啲 肉 呢 ，就 要 嚟 做 包餡 。
嘿 ，嘿嘿嘿 ，小人 日日 都 擔 多少 去 村 裏頭 買 ，就係 靠 噉樣 度日 㗎 喇 。
小人 因為 鍾意 結識 江湖 上 嘅 好漢 ，人哋 都 叫 小人 做 菜園子 張青 。
我 老婆 姓 孫 ，冚𠾴唥 都 學齊 佢 老豆 個 本事 ，大家 都 叫 佢 做 母夜叉 孫 二娘 。
小人 先頭 一返嚟 就 聽見 佢 喺度 猛咁 嗌 ，哈 ，點 都 估唔到 會 遇見 都 頭 你 。
小人 平時 都 吩咐過 我 老婆 好多 次 㗎 喇 ，我話 嗱 有 三種 人 ，唔能夠 害 佢哋 㗎 ：
第一種 ， 係 嗰 啲 四海 雲遊 個 和尚 道士 。
事關佢哋又冇享受過分 ，又係個出家人 ，係唔係吖 ？
不過呢 ，噉 都 爭啲 害咗 一個 驚天動地 嘅 人 喎 。
哦 ？邊個 啊 ？
嗰個人呀 ，本來 係 延安府 ，老種 經略 相公 手下 嘅 一位 提轄 ，姓 魯 名 達 ；
因為 三拳 打死咗 個 鎮關西 ，趯咗 上 五台山 做咗 和尚 。
因為 佢 個 背脊 刺咗 花 嘅 ，江湖 上 都 叫 佢 做 花和尚 魯智深 。
佢 使 一條 渾鐵 禪杖 ，六十幾 斤 重 。
有一日 ，佢 又 經過 呢處 喎 。
呢 我 老婆 見 佢 生得 咁 肥大 ，就 喺 啲 酒處 落咗 啲 藥 ，整暈咗 佢 ，抬咗 入去 作坊 ，正話 想 逳手 劏 佢 㗎 喇 ，好彩 我 嗰日 返得嚟 早啲 。
我 見 佢 嗰 條 禪杖 吖 好 不俗 噃 ，就 連忙 用 解藥 救 返 醒 佢 ，結拜 咗 佢 做 兄長 。
呢佢 近來 佔據咗 二龍山 寶珠寺 ，同埋 一個 咩嘢 ，係喇 ，青面獸 楊志 喺 嗰度 落草 。
小人 都 收過 佢 幾次 來信 ，喽 我 去 入夥 㗎 喇 ，之 我 去 唔成 唧 。
係 ，呢 兩個 人 ，我 喺 江湖 上 都 聽講過 好多 。
唉 ，有 個 頭陀 真係 可惜 。
誒 ，係喇 ，頭陀 係 咩嘢 人 啊 喂 ？
頭陀 呢 即係 四處 雲遊 乞食 嘅 和尚 ，有 啲 仲 留住 頭髮 嘅 。
張青 當時 話 ：嗰個 頭陀 呀 ，生得 七八尺 高 ，好 大隻 嘅 ，又 係 用 藥 麻醉 咗 。
嗰次呢 ，小人 就 返嚟 遲咗 一步 嘞 ，已經 殺死咗 咯 。
而家 仲 留返 佢 一個 箍頭 嘅 鐵界尺 ，一件 黑色 嘅 長袍 ，同 一張 度牒 喺度 。
呢 ，第樣 都 仲 唔緊要 噃 ，有 兩件 嘢 呀 認真 難得 啊 。
哦 ，乜嘢 呢 ？
一件 係 用 一百零八粒 人 嘅 頭頂骨 做成 嘅 念珠 ；
一件 係 兩把 雪花鑌鐵 打成 嘅 戒刀 。
睇嚟 ，嗰個 頭陀 都 殺過 唔少 人 㗎 喇 。
直到而家 ，嗰 把 刀 呀 到咗 半夜 ，自己 都 會 生生聲 咁 響 㗎 。
唉 ，小人 真係 怨 我 自己 冇 救到 呢個 人 ，到 而家 我 個 心 都 仲 時時 咁 想念 佢 嘅 ，哈哈哈哈 。
呢小人 又 吩咐過 我 老婆 話 啊 ：第二 呢 ，就係 出嚟 走江湖 賣唱 嘅 妓女 呢類 噉 嘅 人 ，亦 唔 應該 害 佢哋 。
佢哋 都係 穿州過府 ，逢場作興 ，低聲下氣 噉 睇人 幾多 面色 先至 賺返 多少 錢 啦 。
如果 害咗 佢 ，盞 畀 佢哋 啲 人 傳嚟傳去 ，喺 戲台 上 便 唱衰 我哋 ，話 我哋 江湖 上 嘅 好漢 唔夠 英雄 啦 。
噉 第三種 呢 ，就係 各地 犯咗 罪 流放 充軍 嘅 人 嘞 ，其中 有 好多 好漢 㗎 嘛 ，所以 千祈 唔好 害 佢哋 啊 。
呢啲呢 ，小人 都 同 我 老婆 交帶過 好多 次 㗎 喇 。
點知佢 又冇 聽 小人 嘅 說話 ，今日 又 衝撞咗 都頭 ，好彩 小人 返得嚟 早啲 啫 。
啊係喇 ，娘子 啊 ，你 點解 會 起 噉 嘅 心 㗎 ？
母夜叉 孫 二娘 就 話 ：本來 我 係 唔想 落手 嘅 。
一來 見 阿伯 個 包袱 咁 墜手 ，二來 就 怪 阿伯 ，講咗 幾句 唔三唔四 嘅 說話 ，所以 就 一時 起咗 心 咋嘛 。
武松話 ：我 係 個 斬頭瀝血 嘅 人 ，點會 話 調戲 婦女 㗎 。
不過 我 見 阿嫂 一味 睺實 我 個 包袱 ，我 就 有 啲 猜疑 喇 ，所以 就 特登 講 啲 唔三唔四 嘅 說話 引 你 逳手 啫 。
嗰碗酒 ，我 早就 潑咗 咯 ，詐諦 中毒 咋嘛 ，你 果然 嚟 拉 我 。
嘿嘿 ，先頭 一時 冒犯 得罪 阿嫂 咯 ，唔好 見怪 。
張青 聽咗 就 咔咔聲 大笑 起上嚟 ，佢 請 武松 一直 入去 裏 便 坐 。
武松話 ：阿哥 ，唔該 你 放返 嗰 兩個 差人 啦 。
張青 就 帶 武松 行 去 人肉作坊 嗰度 睇下 。
只見 喺 埲牆 上 ，繃住 幾 張 人皮 ，喺 屋樑 處 呢 ，就 吊住 六七 隻 人腿 噃 。
再望一望 ，只見 嗰 兩個 差人 直挺挺 噉 ，攤 喺 嗰 張 劏人凳 上 便 。
武松 話 喇 ：阿哥 ，你 救 返醒 佢哋 啦 。
誒請問都頭 ，你而家 犯咗 咩嘢罪 ，要 充軍 充去 邊處 啊 ？
於是 武松 就 將殺 西門慶 同 潘金蓮 嘅 經過 ， 講 咗 一次 畀 佢 哋 聽 。
張青 兩 公婆 聽咗 非常之 稱讚 武松 。
張青話 ：小人 有 句 說話 ，唔知 都 頭 肯 唔肯 聽 呢 ？
有咩 說話 大哥 你 即管 講 。
唔係話 小人 黑心 ，計 我 話 ，都 頭 與其 去 牢城 營 裏 便 受苦 ，不如 就 喺 呢處 將 呢 兩個 差人 做低 佢 。
嗱 ，就 喺 小人 屋企 住 一陣 先 。
如果 都 頭 肯 去 落草 咯 ，小人 就 親自 送 你 去 二龍山 寶珠寺 ，同 魯智深 相聚 入夥 ，你話 好不好 吖 ？
武松 就 話 ：多謝 兄長 好心 ，關照 小弟 。
不過 有 一件 ，我 武松 平生 只係 要 打 天下 嘅 硬漢 ，呢 兩 個 差人 一路 都 好 小心 噉 服侍 我 。
我 如果 害咗 佢 ，天理 亦都 不容 吖 。
你 如果 敬愛 我 咯 ，就 唔該 你 救返 起 佢 兩個 ，唔好 害 佢哋 。
都頭 既然 係 咁 仗義 ，小人 救醒 佢 就係 啦 。
當時 張青 就 叫 夥記 啊 ，喺 劏人凳 上面 扶 返起 嗰 兩個 差人 。
孫二娘 就 開咗 一碗 解藥 嚟 ，張青 掹住 佢哋 耳仔 ，灌 佢哋 飲 。
唔到 半個 時辰 ，嗰 兩個 差人 呀 好似 發場 夢 瞓醒 覺 噉樣 爬返 起身 。
嘿 佢 見到 武松 就 話 喇 ：吖 ，乜 我哋 醉 咗 喺 呢處 嚟 啊 喂 ？
哎呀 ，哈哈哈 ，呢間 酒店 嗰啲 酒 啊 真係 掯 。
嗱， 我 哋 飲 咗 冇 幾多 咋 嘛 嚱， 吖 噉 就 醉 咯 喎 。
喂喂喂 ，記住 呢間 酒店 啊吓 ，返嚟 嘅 時候 呀 ，再 嚟 買 啲 飲 下 至得 。
武松 聽 佢哋 兩個 嘢噉 講 都 笑起上嚟 ，張青 、孫二娘 亦都 笑喇 。
嗰 兩個 差人 就 不知 頭腦 ，哈 見到 人哋 笑 佢 又 笑 ，哈哈哈哈哈 噉 。
嗰 兩個 夥記 呢 ，早就 去 劏雞 殺 鴨 ，煮熟 咗 搦出嚟 。
張青 叫 佢哋 喺 後便 葡萄架 下 便 擺 酒 ，擺好 晒 枱凳 。
張青 就 請 武松 同埋 兩個 差人 去 後園 嘞 。
武松 讓 嗰 兩個 差 人 喺 上首 便 坐 ， 張青 、 武松 喺 下首 便 ， 孫 二娘 呢 就 坐 喺 橫頭 。
兩個 夥記 出嚟 輪流 噉 斟酒 ，來來回回 上菜 招呼 。
張青 一味 勸 武松 飲酒 啦 。
一路 飲 到 夜晚 ，張青 又 攞出 嗰 兩 把 戒刀 嚟 畀 武松 睇 。
嘿呀 ，果然 係 鑌鐵 打 㗎 ，非 一日 之 功 啊 。
張青 同 武松 ，又 講 啲 江湖 上 好漢 嘅 勾當 ，噉 梗係 啲 殺人 放火 個 事 啦 。
武松 又 話 ： 山東 及時雨 宋公明 仗義疏財 ， 非常 之 豪傑 ， 而家 ， 亦 為 咗 啲 事 趯 咗 去 柴大官人 間 莊處 啊 。
嗰 兩個 差人 聽 佢 講 埋晒 呢啲 嘢 ，慌到 傻晒 一味 跪 喺 處 叩頭 。
武松 就 話 ：難為 你哋 兩個 送到 我 嚟 呢處 ，唔通 我 會 害 你哋 咩 ？
啊 ，唔使 擔心 ，我 唔會 害 你哋 。
我哋 江湖上 好漢 講 嘅 說話 ，你哋 聽咗 唔使 驚 㗎 ，我哋 唔會 害 嗰啲 好人 嘅 。
你即管飲酒 ，聽日 去到 孟州 ，我自然會 答謝 你哋嘅 。
當晚 ，就 喺 張 青 屋企 休息 。
第日 ，武松 要 起行 喇 ，張青 邊度 肯 放佢 走吖 ，留佢 喺 處 住 ，一連 款待咗 三日 。
武松 啊 非常之 感激 張青 兩 夫妻 嘅 厚意 ，就 同 佢 結拜 為 兄弟 。
論年紀 ，張青 大過 武松 五年 ，因此 武松 呢 就 結拜 張青 為 兄 。
武松 就 辭別 張青要 扯 ， 呢 次 張青 唔 留 喇 ， 又 是 擺酒 送行 ；
攞返啲行李 、包袱 、公文袋 畀返佢哋 ；
又 送咗 十幾 兩 銀 畀 武松 ，送咗 幾 兩 碎銀 畀 嗰 兩 個 差人 。
武松 好大方 ，將 嗰 十兩 銀 一齊 送畀 兩個 差人 。
帶返嗰面枷 ，貼返封條 。
張青 同 孫二娘 送 佢 出 門口 。
武松 告別咗 之後 ，就 同 嗰 兩個 差人 去 孟州 。
一路行 都 未 到 晏晝 就 已經 入到 城 喇 。
一直行到州衙門 ，呈上咗 東平府 嘅 公文 。
州尹 睇咗 ，收落 武松 ，簽咗 張 收條 就 交畀 兩個 差人 返去 呢啲 不在 話下 啦 。
跟住呢 ，個 州尹 就 叫 人 將 武松 ，發放 去 本處 牢城 營 嘞 。
當日 ，武松 嚟到 牢城 營前 便 ，見到 有 個 橫額 ，上面 寫住 安平寨 三個 大字 。
個 差人 帶 武松 去到 間 單身房 ，差人 就 去 送 公文 ，攞咗 收條 自己 就 返 扯 。
噉 武松 入到 間 單身房 之後 呢 ，冇 幾 耐 ，就 有 十幾個 監犯 走嚟 探 武松 嘞 ，佢哋 話 ：
喂 ， 好漢 啊 ， 你 新 新 嚟 到 呢 處 ， 包袱 裏頭 如果 有 託人情 嘅 書信 啊 ， 同埋 喺 度 使用 嘅 銀兩 啊 你 就 攞 出 嚟 喺 手頭 。
等一陣 差撥 就要嚟㗎喇 ，佢 一嚟到 你 就 送畀佢 啦 。
送咗錢 ，噉 打殺威棒 嘅 時候 都 打得 輕啲 啊 。
你 如果 冇 人情 送 畀 佢 呀 嘿噉 就 慘 喇 。
我哋 同 你 都 係 一樣 噉 犯罪 嘅 人 ，特登 嚟 報畀 你 知 啦 。
開講 都有 話咯 ：兔死 狐悲 ，物 傷 其 類 吖嘛 ，係咪 吖 ？
我哋 怕 你 初初 嚟 唔 知道 ，就 通水 畀 你 聽 啦 。
武松 就 話 ：多謝 各位 指教 ，小人 身邊 ，都 仲 有 啲 嘢 嘅 。
如果 佢 好言好語 嚟 問 我 攞 ，我 即管 送 啲 畀 佢 ；
如果 佢 監 硬要 問 我 要 呀 ，一文 都 冇 。
嗰班 監犯 就 話 喇 ：誒 好漢 啊 ，你 唔好 噉 講 啊 。
古人 都 話 咯 ：不怕 官 ，只 怕 管 。
在 人 屋簷下 ，點 敢 不 低頭 吖 ？都係 小心啲 至好 啊 。
話猶未了 ，只見 有個人 話 ：喂 ，差撥官人 嚟喇 。
大家 都 散晒 。
武松 除低 個 包袱 ，坐 喺 間 單身房 處 ，只見 嗰個 人 行 入嚟 就 問 喇 ：
邊個 係 新到 嘅 監犯 啊 ？
武松 話 ：小人 就係 。
哼 ，你 都係 有眉有眼 嘅 人 嚟 㗎 嘛 ，要 我 開口 至 得 嘅 ？
你 係 景陽岡 打虎 嘅 好漢 ，喺 陽穀縣 做過 都頭 ，我 以為 你 會 做人 㗎啦 ，乜 仲 係 咁 唔熟性 嘅 ？
哼 ， 你 嚟 到 我 呢 處 呀 ， 打 老虎 ？ 貓兒 你 都 打 唔 贏 啊 。
武松 就 話 喇 ：你 走嚟 口嘩嘩 ，想 老爺 送 人情 畀 你 啊 半文 都 冇 。
嗱 ，拳頭 就 有 一對 喺 處 ，送畀 你 啦 ！
金銀 就 我 有 啲 ，留返嚟 自己 買 酒 飲 嘅 ，我 睇 你 奈我乜何 ？
有本事 就 送我 返 陽穀縣 啦 ！
嗰個 差撥 發火 ，嬲爆爆噉 扯咗 。
一扯咗之後 ，嗰啲 監犯 又 行埋嚟 勸佢 話 喇 ：好漢啊 ，你噉樣 同佢 鬥惡 呀 點得㗎 ，等陣 就 慘咯 你 。
佢 而家 ，梗係 去 同 管營 相公 講 ，梗嚟 害 你 條命 啊 。
武松 話 ：唔怕 ！
睇佢 點 嚟 奈我何 吖 ，文嚟文 對 武來武 對 ！
正喺度講緊 ，見到 有 三四個人 嚟 單身房 ，嗌 新嚟 嘅 監犯 武松 。
武松 就 應 佢 話 ： 老爺 喺 呢 處 ， 又 冇 扯 到 ， 喝生 晒 做 咩 啊 ？
入嚟嘅人 將 武松 一帶 就 帶到去 點視廳 ，個 管營 相公 呢 ，正 喺 廳 上面 坐 。
嗰 五六個 軍佬 ，押 武松 嚟到 。
管營 就 叫 人 除咗 佢 嗰面 枷 佢 話 喇 ：
你呢個犯人 聽住 ，太祖 武德 皇帝 定落嚟 嘅 規矩 ：
但凡 初到 嘅 配軍 ，要 打 一百 殺威棒 。
人 嚟 ，撳住 佢 。
武松 話 喇 ：唔使 你哋 咁 巴閉 ，要 打 就 打 ，唔使 你 撳 。
我 如果 閃 你 一棍 嘅 就 唔係 好漢 。
先頭 打過 冚𠾴 唥 唔計數 你 從頭 打起 。
我 如果 嗌 一 聲 痛 亦 唔係 男人 大丈夫 ！
兩便 睇嘅 人 都 笑起上嚟 話 ：哈哈 ，你 睇 嗰個 呆佬 想死 嘞 ，等陣 睇 佢 點樣 捱 至得 噉 。
武松 又 話 喇 ： 你 打 啊 打毒 啲 ， 唔 好 打 人情 棍 吓 ， 唔 係 打 到 我 唔 三 唔 四 唔 夠癮 添 。
嘿 兩便 嘅 人 都 笑起上嚟 。
嗰個 軍佬 攞起 棍 ，要 落手 咯喎 。
喺 呢個 時候 ，只見 喺 管營 相公 身邊 有 個 人 ，係 六尺 以上 身材 ，二十四五歲 年紀 ；
面口 白白淨淨 ，三柳 鬍鬚 ；
額頭 上面 就 綁住 條 白手巾 ，身上 着住 一件 青紗 長袍 ，用 一條 白絹 搭 膊 吊住 隻 手 。
嗰個人 喺 管營 相公 耳仔 邊 吟沉 咗 幾句 說話 。
只見 管營 話 喇 ：新到 個 犯人 武松 ，你 喺 半路 中途 得過 咩嘢 病 啊 ？
武松 就 話 ：我 一路 未曾 病過 ，酒 又 飲得 ，肉 又 食得 ，飯 亦 食得 ，路 亦 行得 。
管營話 ：呢個 傢伙 梗係 半路 中途 有病 嚟到 呢處 嘅 ，呢 你 睇下 ，佢 面色 先 係 啱啱好 。
好啦 ，呢一百 殺威棒 唔打住 ，留住 先 啦 。
旁邊 揸住 棍 行刑 嘅 軍佬 就 細細聲 同 武松 講 喇 ：
喂 ，你 快啲 話 病 啦 。
相公 將就 你 關照 你 喇 ， 你 話 病 就 得 㗎 喇 。
武松 話 喇 ：我 冇 病 冇 病 吓 ，打咗 就 乾淨 企理 。
留住唔打住喎 ，噉咪仲手尾長 ？咪喇咪喇 ，打咗先算 。
兩便 睇 嘅 人 都 笑 起 上嚟 。
管營 都 笑埋 ：嗨嗨 ，呢個 人 梗係 發燒 未曾 出汗 ，發吟 話 。
唔好聽佢嘅 ，將佢韞喺單身房先啦 。
三四個 軍佬 ，帶住 武松 啊 依然 返去 先頭 嗰間 單身房 咯 喎 。
嗰班 監犯 見 佢 返到嚟 都 問 佢 ：
喂 ， 喂 ， 你 係 咪 有 咩 得力 嘅 朋友 ， 寫 咗 信 嚟 畀 管營 啊 ？
武松 話 冇 啊 。
如果冇呀 ，留住 呢餐棍 唔打 至 怕唔係 好意 噃 ，晚頭 黑 呀 梗係 嚟 做低 你 。
武松 話 喇 ：佢 點 嚟 做 低 我 法 呢 ？
嗱 ，佢 到 晚 頭 黑 ，畀 兩 碗 倉底 米 煮 嘅 米飯 同埋 啲 臭 魚 嚟 畀 你 食 咗 ；
趁住飽啊 帶 你 去 土牢 裏 便 ，畀 條 繩 綁實 你 ，搵 張 席 捲住 你 ，塞住 你 口鼻 ，打倒 埞 ，豎 喺 個 牆壁 旁邊 ；
都唔使 半個 更 咋 ，就 攞 你 條命 喇 。
呢種 呢 就 叫做 盆吊 。
武松 話 喇 ：噉 佢 仲 有 咩 辦法 嚟 收拾 我 呢 ？
呢 仲有 一樣 啊 ， 又 係 將你 嚟 綁住 ， 搵 個 布袋裝 住 一袋 沙 ，矺 喺 你 嘅 身上 便 ；
亦係唔使 一更 咁耐 唧 ，亦 死㗎喇 。
呢個 呢 叫做 土布袋 。
噉佢 仲 有 咩 辦法 嚟 害 我 吖 ？
噉啊就係 呢 兩件 得人驚啲 ，其他 嘅 都 唔緊要 嘅 。
大家 正 喺度 講緊 ，話口 未 完 就 見到 個人 ，捧住 一個 托盤 入嚟 就 問 嘞 ：
邊個 係 新充軍 嚟 嘅 武都頭 啊 ？
武松 話 喇 ：我 就係 喇 ，有 乜 說話 講 吖 ？
管營 叫 送啲 點心 嚟 畀 你 啊 。
武松 一 睇 ，哦 ，一大壺酒 ，一碟肉 ，一碟麵 ，仲有 一大碗汁水 添 。
武松 就 諗嘞 ：咦 ？唔通 畀 啲 點心 我 食咗 就 嚟 對付 我 ？哼 ，食咗 先至 講 。
武松 將 嗰 壺 酒 一 飲 而 盡 ，將 啲 肉 同埋 麵 都 食 晒 嘞 。
嗰個人 就 執拾 返 啲 架 生 扯 咗 咯 喎 。
剩返 武松 一個人 坐 喺 間 房 處 諗 ，自己 又 冷笑 話 ：哼哼 ，我 睇 佢 點樣 嚟 對付 我 至得 。
好喇 ，到咗 挨晚 喇 ，先頭 嗰個 人 又 嚟 咯 喎 ，又 攞 個 托盤 嚟 。
武松 問喇 ： 你 又 嚟 做 咩 啊 ？
送晚飯嚟畀你啊 。
於是就 擺開 幾盤 菜 ，又係 一大壺 酒 ，一大碟 煎肉 ，一碗 魚羹 一大碗 飯 。
武松 見咗 就 心諗 咯喎 ：食完 呢餐飯 呢 梗係 嚟 想 整死 我 㗎 喇 ，由得佢 啦 ，我 死 都 做返 個 飽鬼 啊 ，有得食 就 食 ，食咗 先至 算 。
嗰個人 等 武松 食完 ，執拾 啲 碗碟 又 扯 。
冇幾耐 ，嗰個人 同埋 另外一個人 嚟 ：
一個 呢 就 攞住 個 洗身盆 ，一個 呢 就 挽住 一大桶 熱水 ，就 對 武松 講 ：請 都頭 洗身 啦 。
武松 就 諗 ：喂喂喂 ，唔通 要 等 我 洗緊身 先 嚟 逳手 ？
誒 噉 我 亦 唔 怕 佢 吖 ， 洗 乾淨 啲 都 好 啊 。
噉嗰 兩個 人 呢 ，就 同 佢 倒 好 熱水 整掂晒 ，冇 客氣 咯 ，武松 就 坐 喺 個 盆 處 洗 咗 一 輪 。
跟住 呢 ，嗰 兩個 人 又 畀 手巾 佢 ，等 武松 嚟 抹 身 ，着返 衫 。
有 一個 呢 就 將 嗰 啲 污 糟 水 倒 咗 ，攞 返 個 洗身 盆扯 。
一個呢 ，就 攞咗 藤席 、蚊帳 嚟 ，掛好晒 ，鋪好 藤席 ，放 個 涼枕 叫 聲 早唞 ，亦都 扯咗 咯 喎 。
武松 閂埋 道門 戌實 ，自己 喺 裏 便 諗 喇 ：
噉係咩嘢意思啊喂 ？隨便佢啦 ，睇佢點啦吓 ，冇理咁多 ，瞓覺 ，吖 ，一夜無事噃 。
到天光起身 ，啱啱 開房門 唧 ，就 見到 尋晚 嗰個 人 ，挽住 一桶 洗面 嘅 熱水 嚟 ，就 請 武松 洗咗 面 ，又 攞 啷口水 嚟 畀 武松 啷咗 口 ；
跟住 又 帶咗 個 梳頭師傅 ，同 武松 梳返好 個 頭 ，束 咗 隻 髻 ，戴咗 頭巾 。
跟住 有 一個 人 ，攞咗 個 托盤 入嚟 ，就 攞出 餸菜 ，一大碗 肉湯 ，一大碗 飯 。
武松 諗嘞 ：我 任你 搞 乜鬼 都 好 ，有得食 我 就 食 唧誒 。
武松 食完 飯 ，誒 ，又 送 茶 嚟 咯 喎 。
啱啱 飲完 茶 ，送飯 嗰個 人 嚟 請 佢 喇 ：
都頭 ， 呢 處 休息 得 唔 好 嘅 ， 請都頭 去 嗰 便 間 房 住 啦 ， 喺 嗰 處 飲茶 食飯 都 方便 啲 。
武松 話 喇 ：嗯 ，呢次 嚟 喇 ，好 ，我 跟 你 去 睇 下 點 至 得 。
