團頭 何九叔 嗰 幾個 夥記 啊 ，就 去 武大郎 屋企 入殮 啦 。
停喪 安靈 都 做妥咗 之後 ，就 返去 回報 何九叔 話 ，潘金蓮 講 啊 ，第三日 就 出殯 ，去 城外 焚化 喎 噉 。
嗰啲 夥記 分咗 錢 就 各自 散 喇 。
何九叔 同 佢 老婆 話 喇 ：哎呀 ，你 講 嗰啲 說話 應晒 。
到其時 ，我 去 偷 佢 兩 嚿 骨頭 就係 喇 。
噉喺嗰頭呢 ，王婆 一力 幫忙 ，潘金蓮 當晚 就 伴靈 喇 。
第二日 ，請咗 四個 和尚 返嚟 念經 。
第三日 朝頭早 ，何九叔 班夥記 呢 就 嚟 抬 棺材 同 佢 出山 咯 喎 ，噉 亦 有 幾個 街坊 嚟 送殯 。
潘金蓮 就 戴上 孝 ，一路上 ，哎夫啊主啊 ，噉啊 詐詐諦諦 喊佢 個 當家人 咯 喎 。
到咗 城外 個 火化場 ，就 叫 人 點火 燒 嘞 。
呢個 時候 ，只見 何九叔 手上 挽住 一 笪 元寶 溪 錢 就嚟到 。
王婆 同 潘金蓮 見到 佢 就 話 喇 ：哎呀 九叔 ，貴體 冇事 啦嘛 ？噉 就 安樂 晒 咯 。
何九叔 話 ：前幾日 ，小人 買咗 大郎 一籠 燒餅 都 未曾 畀 錢 ，今日 就 帶咗 啲 元寶 溪 錢 嚟 燒 畀 大郎 啊 。
王婆 就 話 ：九叔 呀 真係 志誠 㗎 喇 。
何九叔 將 啲 元寶 溪 錢 燒咗 之後 ，就 幫忙 燒化 棺材 咯 喎 。
王婆 同 潘金蓮 就 話 喇 ：多得 九叔 你 幫忙 啊 ，返去 至 一齊 多謝 啦 。
呢啲 都係 小人 應該 做嘅 。
娘子 同 契娘 休息 下 ，去 齋堂 裏 便 招呼 下啲 街坊 罷 啦 。
呢處 有 小人 喺度 照顧 㗎 喇 。
何九叔 就 指 開咗 潘金蓮 同 王婆 ，就 攞 把 火鉗 ，揀咗 兩 嚿 骨頭 ，放落去 潵骨池 裏 便 一浸 ，嘩 ，啲 骨頭 呀 ，黑色 嘅 。
何九叔 收好啲 骨頭 ，就 去 齋堂 同 啲 人 應酬 咗 一陣 。
好 喇 ， 棺材 燒完 喇 ， 殺 咗 火 ， 執好 啲 骨 ， 處理 好 。
大家 就 各自 返扯 。
何九叔 返到 屋企 ，攞 一張 紙寫 住 年 月 日期 、 送殯 嘅 人 名 ， 連埋 兩 嚿 骨頭 、 十兩 銀 ， 一齊 包 好 佢 ， 搵 個 布袋 仔裝 好 放 喺 房 嚟 。
呢處呢 ，就 唔 講 佢 住 喇 。
而家 講下 嗰個 潘金蓮 啊 ，佢 返到 屋企 ，喺 屏風 前 便 就 安咗 個 靈牌 上面 寫住 亡夫 武大郎 之 位 。
喺 靈前 呢 ， 就點 咗 眼 琉璃燈 ， 擺 咗 啲 金銀 元寶 、 經幡 采 繒 之類 嘅 嘢 。
噉佢自己呢 ，嚱得逞咯 ，日日 都 同 西門慶 喺 樓上 任意 飲酒 取樂 。
而家 就 唔使 好似 以前 喺 王婆 間 房 噉 偷偷摸摸 咯 喎 ，而家 自己 屋企 又 冇 人 礙眼 嘞 ，鐘意 點 就 點 ，嚱 ，喺度 過夜 都 得 喇 。
從此呢 ，西門慶 有時 三晚 五晚 都 唔 返 屋企 ，完全 冇 晒 顧忌 。
所以 呢條街 啲 人 呀 ，無論 遠近 ，冇 邊個 唔 知道 呢件事 㗎 喇 。
之人人 都 怕 西門慶 呢個 惡棍 ，所以 亦 冇人 敢 理 。
時間 就 過得 好快 ，武大郎 死咗 已經 有 四十幾日 。
而家 呢 要 講返 下 武松 喇 。
武松 啊 自從 接受 咗 知縣 嘅 命令 ，幫 佢 押送 啲 禮物 去到 東京 親戚 嗰 處 ，去到喇 送咗 信 ，點 交咗 箱籠 ；
自己 喺 東京城 遊覽觀光 咗 幾日 ，攞咗 回信 ，就 帶住 一行人 返去 陽穀縣 喇 。
噉 一去一回 啊 ，啱好 係 兩個月 咁上下 。
去時 係 新春 時節 ，返嚟 呢 係 三月 初 。
武松 返嚟 喺 路上 ，總係 覺得 神思不安 ，個人 呢 就 恍恍惚惚 噉 。
佢 非常之 掛住 個 大佬 ，趕住 要 返去 見下 佢 。
返到嚟 陽穀縣 喇 ，拜見 咗 知縣 大老爺 ，呈上 封 回信 。
知縣 睇咗 ，知道 啲 金銀寶貝 已經 平安 送到 大為 歡喜 啦 ，就 賞咗 一錠 大銀 畀 武松 ，另外 賞咗 一席 酒 嚟 款待 佢 ，呢啲 呢 就 唔 講 咁多 喇 。
武松 就 返到 自己 間 房間 啊 ， 換 咗 衣服 鞋襪 ， 戴返 頂 新 頭巾 ， 鎖 咗 道 房門 就 一直 行去 紫石 街 啦 。
嗰啲 街坊 睇見 武松 返嚟 唄 ，嘿呀 ，個個 都 吃咗 一 驚 。
喂喂 ，呢次 有 嘢 睇 喇 吓 。
呢個 太歲 返嚟 ，點 肯 罷休 㗎 ？哼 ，實 出事 㗎喇 ，嗱 睇住 嚟 啦 。
武松 佢 行到嚟 門口 ，掀起 門簾 一步 檻 入去 ，迎面 見到 神台 上面 擺住 個 靈牌 ，伶伶俐俐 寫住 亡夫 武大郎 之 位 七 個 字 ，當堂 呆晒 ，瞪大 雙眼 話 ：
誒 ，我 唔係 眼花 吖嘛 ？
阿嫂 ，武二 返嚟 啊 ！
呢個 時候 ，西門慶 同 潘金蓮 正 喺 樓上 取樂 ，正所謂 樂極生悲 嘞 呢趟 。
聽見 武松 喺 樓下 叫咗 一 聲 呀 ，嚇到 西門慶 屁滾尿流 ，雞噉 腳趯 去 後門 混 王婆 屋企 鬆 人 嘞 。
潘金蓮 就 強作 鎮靜 ，應咗 一聲 話 ：
阿叔 坐 啦 ，奴家 就嚟 喇噉 。
原來 嗰個 潘金蓮 呀 ，自從 毒死 咗 武大郎 之後 ，根本 就 冇 戴孝 。
每日 都係 搽脂 蕩粉 ，𪐀埋 西門慶 喺 處 飲酒 取樂 。
而家 一聽見 武松 嗌咗 聲 武二 返嚟 喇 噉啊 ，連忙 洗返晒 嗰啲 胭脂水粉 ，掹低 啲 首飾 釵環 ，整亂 啲 頭髮 ；
蓬蓬鬆鬆噉繑起隻髻 ，除咗 紅裙花衫 ，就 換返 一套 孝服 。
整咗 輪色 水 喇 ，就 咿咿聲 噉 詐喊 喺 樓上 落嚟 見 武松 嘞 。
武松話 ：阿嫂 ，你唔好喊 ，我大哥 幾時 死 㗎 ？咩嘢 病 ？食啲 咩嘢 藥 啊 ？
你大哥 ，自從 你 行轉背 十幾日 之後 ，突然間 就 發起 心痛病 嚟 ；
病咗 八九日 ，真係 求神問卜 乜嘢 藥 唔食過 吖 ，醫極 都 醫唔好 ，噉 就 死咗 咯 。
掉低 我 一個人 ，哎 ，真係 淒涼 咯 ！
潘金蓮 喺 呢便 裝 假狗 ，嗰便 王婆 聽見 喇 ，怕 穿煲 唔得了 ，即刻 行過嚟 幫口 咯 喎 。
武松 就問 ： 我 大哥 從來 冇 噉 嘅 病 㗎 ， 點解 一下 就 會 心痛 病死 嘅 呢 ？
王婆 就 插口 話 ：哎呀 ，都 頭 ，乜噉 講 都有 嘅 你 ？
天 有 不測之風雲 ，人 有 霎時 之 禍福 吖嘛 ，邊個 能夠 擔保 一世 冇事 㗎 ？
潘金蓮 又 話 ：好彩得 呢位 契娘 咋 ，我 又 係 個 冇 爪蟛蜞 嚟 嘅 ，啲 街坊 有 邊個 肯 嚟 幫 我 吖 ？
大哥 而家 埋喺 邊度 嚟 啊 ？
我 一個人 ，點 會 搵 墳地 吖 ？
冇法子咯 ，留咗 三日 就 抬出去 燒咗 咯 。
大哥 死咗 幾多 日 喇 ？
過 兩 日 添 ，就 斷 七 喇 。
武松 諗咗 一陣 ，就 出門口 扯嘞 。
佢 返 去 縣衙門 自己 間房 ， 換過 一套 素色 衣服 ， 又 叫 個 土兵 幫 佢 打 咗 條 麻繩 纜 喺 腰 嚟 ；
身邊 擪住 一把 尖長 、柄短 、背厚 、刃薄 嘅 劍仔 ，帶咗 啲 碎銀 ；
叫個土兵鎖返道房門 ，然後 走去 啲舖頭 買咗 啲米 、麵粉 、醬料 啊噉 ，又 買咗 啲元寶蠟燭香 等等 ，就 返去 紫石街 佢 大哥 屋企 。
當時 已經 係 夜晚 ，武松 叫 個 土兵 去 煮飯 。
佢 就 喺 神台 處 點起 燈燭 ，擺好 酒菜 。
武松 跪低 ，對住 武大郎 個 神位 拜咗 幾 拜 ，佢 話 ：
大哥 ，你 陰魂 不 遠 ！
你 在 生嘅 時候 ，為人 軟弱 。
如果 你 係 負屈銜冤 ，畀 人 害死 嘅 ，今晚 就 托夢 畀 我 ，等 細佬 同 你 做主 報仇 啦 ！
武松 奠咗 酒 ，燒咗 啲 元寶 就 放聲 痛哭 。
啲 隔籬 鄰舍 聽到 呀 ，哎呀 個個 都 心寒 喇 。
嗰個 潘金蓮 亦都 喺 裏頭 詐喊 喎 。
武松 哭 完 佢 大哥 ， 就 同個 土兵將 啲 飯 啊 酒菜 啊 食 咗 ， 然後 攞 咗 兩張 席 ， 叫個 土兵 去 中門 旁邊 瞓 。
佢 自己 呢 ，就 瞓 喺 神台 前 便 。
潘金蓮 呢 就 返 上 樓 ，戌住 樓上 道門 瞓 喇 。
約莫 到咗 三更 咁上下 ，武松 翻 來 覆 去 瞓唔着 ；
睇下 個 土兵 呀 ，噘噘聲 瞓到 好似 死咗 噉 。
武松 坐咗 起身 ，望一望 神台 嗰 眼 琉璃 燈 ，半明半滅 ；
打側耳聽 一聽 外便 打更 ，咚咚咚 ，噹噹噹 ，三更 三點 嘞 。
武松 坐 喺 張 席 處 歎咗 一口氣 ，自言自語 噉 話 ：
唉 ，我 大哥 生前 懦弱 ，死咗 之後 ，唉 亦 唔會 係 精明 㗎 喇 。
話口未完 ，只見 神台 底下 ，呼噉 捲起 一陣 冷氣 出嚟 ，真係 盤旋 侵骨 冷 ，凜烈 透肌 寒 。
吹到 眼琉璃燈 呀 閃下閃下 ，啲 紙灰 亂 咁 飛 。
呢浸 冷氣 呀 ，吹到 武松 毛管 眼 都 戙起 晒 。
佢 定 眼 一 睇 ，見到 有 個 人 喺 神台 底 鑽 出嚟 。
嗰個人 叫 一聲 話 ：兄弟啊 ，我 死得 好慘啊 ！
武松 睇 得 唔 清楚 ， 想 行前 啲 再 睇 下 啦 ， 咦 ？ 嗰 浸 冷氣 散 咗 喇 ， 嗰 個人 就 唔 見 咗 咯 噃。
武松 一跤 跌返 喺 張席 上面 坐 喺 處 ：嗯 ？係 發夢 呢 ，定 唔係 發夢 呢 ？
佢 擰轉頭 望下 嗰個 土兵 ，仲 喺度 瞓 到 淰淰 。
武松 諗 ：大哥 呢次 死咗 ，必定 係 死得 不明不白 。
先頭 正話 想 報畀 我 知 ，又 畀 我 啲 神氣 沖散 咗 佢 個 魂魄 啊 。
呢件事 ，佢 擠 喺 個 心 嚟 先 ，唔出聲 住 等 天光 再 講 。
好喇 ，冇 幾耐 個 天 慢慢 光 ，個 土兵 就 起身 煲水 。
武松 洗完 口面 ，潘金蓮 亦都 起身 落樓 。
佢 問 武松 話 ：阿叔 尋晚 辛苦 喇 。
阿嫂 ，我 大哥 ，究竟 係 乜嘢 病死 㗎 ？
乜 阿叔 唔記得 嘞咩 ？尋晚 已經 講過 畀 阿叔 知 㗎 啦 ，係 得心痛 病死 㗎 嘛 。
買邊個啲藥食㗎 ？
張藥單 仲 喺度 嚟 啊 。
邊個 去 買 棺材 㗎 ？
請 隔籬 王契娘 去 買 嘅 咋嘛 。
邊啲 人 嚟 抬 出去 嘅 呢 ？
係 呢處 嘅 團頭 何九叔 ，冚 都 係 佢 包起晒 㗎 喇 。
哦 ，噉 係嘛 。
好 ，我 而家 返 衙門 去 畫 卯 ，等陣 再 嚟 。
武松 帶 埋 個 土兵 出咗 去 ，行到 紫石街口 佢 就 問 個 土兵 ：
你 識唔識 嗰個 團頭 何九叔 啊 ？
誒 ，乜 都 頭 你 唔 記得 咗 咩 ？
前次 佢 都 有 嚟 祝賀 都頭 你 㗎 ， 佢 屋企 就 喺 獅子 街住 咋 嘛 。
你 帶 我 去 啦 。
個 土兵 就 帶住 武松 去到 何九叔 屋企 門口 ，武松 叫 個 土兵 自己 返去 先 。
然後 佢 掀起 道門簾 嗌咗 聲 ：何九叔 喺唔喺 屋企 啊 ？
呢 個 時候 ， 何九叔 先至 啱 啱 起身 ， 一 聽見 係 武松 嚟 搵 佢 嘿 呀 嚇 到 手忙腳亂 ， 連 頭巾 都 戴 唔 切 呀 ；
急急攞起嗰袋銀同埋骨頭 ，放喺個身嚟 ，喇喇聲 行出嚟 迎接 武松 話 ：
嘿嘿 ，哎呀 都 頭 ，幾時 返嚟 㗎 吓 ？
尋日 先至 返嚟 ，九叔 ，有句 說話 想 同 你 傾下 ，一齊 出去 飲杯 。
好啊好啊 ，誒 都 頭 坐下 飲杯茶 先 呢 ？
唔使喇 ，多謝 。
噉 兩個人 就 一齊 出到去 街口 間 酒店 ，搵 個 位 坐落 ，叫 店小二 打咗 兩角 酒 嚟 。
何九叔 企起身 話 ：哎呀 噉點 係 啊 ，小人 都未曾 同 都頭 接風 ，反而 要 都頭 破費 添 ，嚱嚱 。
九叔 請坐咯 ，唔使 客氣 。
何九叔 個 心 呢 ，已經 估到 八九成 㗎 喇 。
但係 武松 啊 冇 開口 講 乜嘢 ，店小二 斟 咗 酒 嚟 ，佢 一味 顧住 飲 就係 喇 。
何九叔 見 佢 唔出聲 ，咦 ，就 有啲 緊張 起嚟 咯 喎 ，就 用 啲 說話 嚟 引下 佢 啦 。
哈 ，點知 武松 硬係 唔開口 ，關於 嗰件事 呀 佢 半句 都 冇 提起 。
好喇 ，飲咗 幾杯 酒 嘞 ，只見 武松 擸起 件 衫 ，瀡聲 掹出 把 尖刀 嚟 ，喥噉 插 喺 張 枱 面 上 便 。
啲 店小二 見到 呀 ，哎呀 乜噉 搞法 啊 出刀喇 ，嘿嘿 咪喇 ，冇 個 敢 行過嚟 。
何九叔 就 當堂 面 都 青晒 ，大氣 都 唔 敢 唞啖 啊 。
武松 擸起 衫袖 ，揸 返住 把 尖刀 指住 何九叔 話 ：
小人 雖然 係 粗魯 ，都 仲 知道 冤 各有 頭 ，債 各有 主 。
你唔使驚 ，你只要 老老實實 ，將 我大佬 死 嘅 原因 講畀我聽 ，噉 就 一啲都唔 關 你事 。
如果 我 碰下 你 ，就 唔算 係 好漢 ！
之如果 你 有 半句 大話 ，我 呢一把 刀 ，即刻 就 叫 你 喺 個 身處 添 三四百 個 窿 。
好喇 ，閒話唔講咁多 ，你 照直講啦 ，究竟 我 大佬 死嘅 時候 ，佢 個 屍 係 點樣 嘅 ？
武松 一 講完 ，將 嗰 雙眼 瞪到 圓碌碌 ，望實 何九叔 。
誒 ， 哎 ， 都頭 你 唔 使 嬲 ， 你 唔 使 嬲 啊 ， 我 畀 樣 嘢 你 睇 下 。
何九叔 喺 身邊 攞出 一個 袋仔 ，放 喺 枱面 上 便 。
都頭呀 ，呢個 袋仔 ，就係 最好 嘅 證明 嚟喇 。
武松 打開 個 袋仔 ，見到 裏面 裝住 兩 嚿 黑色 嘅 骨頭 ，一錠 十 兩 重 嘅 銀 ，佢 就 問 ：
點解 話 呢啲 係 最好嘅 證明 呢 ？
於是何九叔啊 ，就 從 正月廿二嗰日 ，王婆 嚟 請 佢 去 同 武大郎 入殮 講起 ，就 將 呢件事情 嘅 經過 一五一十 講畀 武松 聽 。
講到 收尾 佢 話 ：呢 兩 嚿 骨 ，係 噉樣 黑色 嘅 ，就 講明 係 畀 毒藥 毒死 㗎 喇 。
嗱 ，呢度 仲有 一張 紙 ，上面 寫住 年月日時 ，仲有 嗰日 去 送殯 啲 人 嘅 姓名 。
我 知道 嘅 就係 咁多 喇 ，句句 都 係 實話 嚟 ，請 都 頭 詳察 啦 。
姦夫 係 邊個 ？
誒 ，噉 又 唔知 噃 。
不過 小人 聽人 哋 講過 ， 話 有 個 賣 水果 嘅 細路 叫做 鄆哥 ， 佢 係 同 大 郎 去 茶坊 捉姦 嘅 。
呢條街啲人 ，冇邊個 唔知 㗎喇 。
都頭 如果 你仲想 知道 詳細 啲 ， 唔 該 你 去 問一問 阿 鄆哥 啦 。
冇錯 ，既然 有 呢個 人 喺度 ，噉 我哋 一齊 去 行 一趟 啦 。
武松 收返 起 嗰 把 尖刀 ，收好 啲 骨頭 、銀錠 ，畀 咗 酒錢 嘞 ，就 同埋 何九叔 行去 鄆哥 屋企 。
啱啱 去到 佢 屋企 門口 ，撞正 嗰個 馬騮仔 挽住 個 籮 去 趯米 返嚟 。
何九叔 就 嗌 住 佢 話 ： 誒 鄆哥 呀 ， 你識 唔 識 呢 位都頭 啊 ？
抬隻老虎 嚟 嗰陣 我 就 認得 佢 喇 。
誒 。
咦 ？你哋 兩個 走嚟 搵 我 做 咩嘢 啊 ？
哦 ，不過 噉噃 ，我 老豆 成 六十歲 㗎喇 ，冇人 養 佢 啊 ，我 又 好難 陪 你哋 去 打官司 玩 㗎 喎 。
嘿 呢個 馬騮仔 真係 聰明 ，佢 都 諗到 八九成 㗎 喇 。
武松 扲咗 五兩 銀 出嚟 遞畀 鄆哥 佢 話 ：好兄弟 ，你 攞 去 交畀 老豆 做 使用 啦 。
你 跟 我 嚟 ，我 有 說話 同 你 講 。
鄆哥 個 心 諗 ：嗯 呢 五兩 銀 ，慌 唔 使 得 四五 個 月 呀 ？
得 ，陪佢 打下 官司 亦 冇所謂 吖 。
於是 將 啲 銀 交咗 畀 老豆 就 跟住 武松 同 九叔 就 行 去 巷口 ，入去 一 間 飯店 ，上 到 樓上 坐落 。
武松 叫 個 夥記 嚟 要咗 三個 人 嘅 飯 ，然後 佢 就 同 鄆哥 話 喇 ：
兄弟 ， 你 嘅 年紀 雖然 係 細 ， 倒 是 有 養家 孝順 嘅 心 。
先頭 畀咗 你嘅 銀 ，你 愛嚟 做住 使用 先 啦 。
而家 我 有 用得着 你 嘅 地方 ，呢件事 做妥 之後 ，我 再 畀 十四五 兩銀 過 你 做 本錢 。
嗱 ，你 詳詳細細噉 講 我 聽 ，你 係 點樣 同 我 大佬 去 茶坊 裏頭 捉姦 ？
好啦 ，不過 我 講咗 畀 你 聽呀 ，你又 唔好 激死 嚟噃 。
於是 鄆哥 就 由 點樣 搵 西門慶 賣 雪梨 講起 ，又 點樣 帶 武大郎 去 捉 姦 ，就 一直 講到 西門慶 一腳 踢低 武大郎 。
佢 話 ：當時 我 啊 走咗 啦 ，收尾 過咗 六七日 ，就 聽講 話 大郎 死咗 喇 噉 ，我 啊 唔知 佢 點解 會 死 㗎 。
呢啲 說話 係 真㗎嘛 ？你 唔好 講 大話 噃 。
嗯 就係 去到 官府 我 都 係 噉 講 㗎 啫 。
係噉就啱喇 ，兄弟 。
食完飯 找咗數 ，三個人 就 落樓 。
何九叔 話 ：嚱嚱 ，誒 小人 返去 喇 。
武松 話 你 跟 我 一齊 嚟 ，我 要 你哋 幫 我 證明 一下 。
於是 武松 就 將 佢哋 兩個人 一直 帶到去 縣衙門 嘅 大堂 。
知縣 見到 就 問 喇 ：都頭 ，你 要 告 乜嘢 啊 ？
武松 就 稟告 話 ：
因為 西門慶 同 小人 嘅 親 兄 武大 嘅 妻子 通姦 ，佢哋 兩個人 ，就 落 毒藥 謀殺 咗 我 兄長 嘅 性命 。
呢 兩個 就係 證人 ，請 相公 做主 啊 ！
知縣 就 問咗 何九叔 同 鄆哥 嘅 口供 先 ，然後 就 搵埋 嗰班 縣吏 嚟 商量 嘞 。
哈 ， 哈 ， 原來 呢 班 縣吏 呀 ， 都 係 同 西門慶 有窿 路 嘅 ， 佢 哋 斟 咗 一輪 都 話 喇 ：
呢件事 好 難搞 嘅 ，審唔掂 㗎 。
於是 知縣 就 話 喇 ：武松 ，你 亦 係 本 縣 嘅 都頭 ，你 都 唔明 法律 嘅 。
自古 都 有 話 啦 嘛 ： 捉姦 拿雙 ， 誒 捉賊 拿贓 啦 。
你 大佬 個 屍體 又 冇 咗 咯 ，你 又 冇 捉到 佢 姦 ；
噉而家 只係 憑 佢哋 兩個人 嘅 說話 ，就 話 佢 殺人 呀 ，噉 啊 太過 偏頗 喇喎 。
你唔好亂嚟啊 ，自己 要 認真 諗清諗楚 ，該 做 至好 做啊 。
武松 就 喺 個 袋 處 攞出 嗰 兩 嚿 黑色 嘅 骨頭 、十 兩 銀 同埋 一 張 紙 呈上去 畀 縣官 佢 話 ：
啟稟相公 ，呢啲嘢 就 點都唔係 小人 捏造 出嚟 㗎喇 。
知縣 睇咗 一下 就 話 喇 ：
好 啦 ， 你 起身 ， 等 我 從長商議 啦 。
如果係可行嘅 ，我就 同你 捉佢嚟 問啦 。
第一次 見 官 就係 噉嘅 結果 。
武松 將 何九叔 同 鄆哥 ， 都 留 喺 自己 間 房處 唔 畀 佢 哋 扯 。
而 西門慶 呢 ，當日 就 知道 呢件事 嘞 ，即刻 就 派咗 個 心腹 家人 ，走去 搵 嗰 班 官吏 洗 黑錢 嘞 喎 。
第朝早 ，武松 又 嚟到 公堂 催 個 知縣 去 捉人 。
點知 呢個 知縣 大老爺 一味 貪圖 賄賂 ，佢 將 啲 骨頭 同埋 嗰啲 銀 退返 出嚟 佢 話 ：
武松 啊 ，你 唔好 聽埋 嗰啲 外人 挑撥 啊 ，佢哋 係 想 撩 你 同 西門慶 做 對頭 嘅 啫 。
呢件事冇乜嘢證據好難審問嘅 。
聖人 都有話 ：經目 之 事 呢 猶 恐 未 真 ；背後 之 言 就 豈 能 全 信 呢 ？
你 唔好 一時 莽撞 啊 。
有個 獄吏 又 話 喇 ：
都頭呀 ，但凡人命嘅事 ，都 需要 屍 、傷 、病 、物 、蹤 ，五件事 都齊全喇 ，噉 先至 審問得㗎 係嘛 ？
武松話 ：既然 相公 唔 批准 咯 ，噉 以後 再算 啦 。
於是 佢 攞返 啲 骨頭 同 銀 ，交畀 何九叔 收好 ，離開咗 公堂 返到 自己 間 房 。
叫個土兵攞飯菜嚟畀何九叔同鄆哥食 ，佢話 ：
你 哋 喺 呢 度 等一等 ， 我 去 去 就 返 嚟 㗎 喇 。
噉武松 就 帶住 幾個 土兵 ，離開咗 衙門 ，攞住 墨硯 、筆墨 ，又 買咗 幾張 紙 ，袋埋 喺 個 袋 嚟 。
佢 叫 兩個 土兵 ，去 買 個 豬頭 ，一隻 鵝 ，一隻 雞 ，一擔 酒 同埋 水果 之類 嘅 嘢 ，攞 去 屋企 準備 好 。
約莫 到咗 巳牌 即係 上午 九點 零鐘 嘅 時候 ，佢 帶住 土兵 就 返到嚟 屋企 嘞 。
潘金蓮 已經 知道 佢 告唔到 狀 ，就 放晒心 啦 ，唔怕 佢 喇 ，大住 膽 啊 睇 佢 點 至 得 。
武松 入到 屋 ，佢 叫 潘金蓮 話 ：
阿嫂 ，唔該 你 落嚟 有 說話 同 你 講 啊 。
有咩嘢事啊 ，阿叔 ？
阿嫂 ，聽日 係 大哥 斷七 ，呢次 驚動 咗 啲 街坊 鄰里 ，我 今日 特登 返嚟 整咗 圍酒 ，同 阿嫂你 多謝 下 啲 街坊 。
哼 ！多謝 佢哋 做 乜唧 ？
唔係啊 ，禮 不可 缺 呀 。
於是 武松 叫 個 土兵 喺 武大郎 嘅 靈位 前 便 ，點起 兩 支 蠟燭 ，焚起 一 爐 香 ，擺好 一 沓 溪錢 ；
又 將 拜祭 武大郎 嘅 酒菜 都 喺 靈前 擺滿晒 。
又 吩咐 一個 土兵 ，喺 後 便 嚟 坐 熱啲 酒 ；
兩個 土兵 呢 喺 前面 安排 枱凳 ；
另外 兩個 土兵 ，一前一後 守住 門口 。
武松 吩咐 好喇 就 話 ：
阿嫂啊 ，你 嚟 招呼 人客 ，我 而家 去 請 喇吓 。
第一個 請 邊個 呢 ？就 請 隔籬 嗰個 王婆 。
王婆話 ： 唔 敢當 ， 唔 敢當 ， 乜 搞 到 要 都頭 嚟 請 飲添 啊 。
呢一排 諸多 騷擾 契娘 ，好過 意唔去 ，不過 係 一杯 薄酒 啫 ，唔好 客氣 喇 。
王婆 收起 茶坊 嘅 招牌 閂 咗 鋪 ，跟住 武松 由 後門 過去 。
武松 話 ：阿嫂 坐 主位 ，契娘 對 席 啦 。
王婆 已經 得到 西門慶 嘅 消息 㗎喇 ，佢 定 過 抬 油 啊 ，嚱 ，放心 喺度 飲酒 。
佢 同 潘金蓮 個 心 都 話 ：我 又 睇 你 點 至 得 嚱 。
嚱呢 兩個 嘢 真係 冇 有識 死㗎 吓 。
噉武松 又 去 請 呢便 隔籬 開 銀鋪 嘅 姚二郎 姚文卿 喇 。
姚文卿 就 話 ：多謝晒喇 ，為因 小人 事情 忙啲 ，唔去 滾攪 都 頭喇 ，誒 心領喇 ，心領喇吓 。
一杯 淡酒 ，又 唔使 好耐 嘅 ，一於 請嚟 啦 。
武松 一手 拖住 佢 ， 姚文卿 啊 想 唔 去 都 唔 得 喇 ， 只有 跟 住 武松 過去 係 啦 。
去到 ，武松 就 請 佢 喺 王婆 隔籬 坐落 。
佢 自己 又 去 請 人 喇 。
呢 勻 係 請 邊處 呢 ？ 請 對面 兩家 。
一家 係 開元寶 香燭鋪 嘅 趙四郎 趙仲銘 。
四郎 就 話 ：小人 做開 生意 ，唔行得開 喎 ，對唔住 喇 都頭 ，失陪 喇 。
你唔嚟點得啊 ，各位 高鄰 都 到齊 咯 ，嚟 ，請 ！
唔到趙四郎唔嚟啊 ，武松 掹咗佢 返去 屋企 就 話 喇 ：你 老人家 就 好似 伯父 一樣 ，請過嚟 坐 喺 大嫂 身 跟 啦 。
跟住 ，又 去 請 對面 賣酒 嗰個 胡正卿 嘞 。
呢個 老胡 呀 ，係 吏員 出身 ，喺 衙門 撈過 ，佢 見到 今日 嘅 情形 有 啲 唔妥 喇 ，唔肯 嚟 喎 ；
武松 都 唔理 咁多 啊 ，你 嚟 就 嚟 ，唔嚟 亦 要 嚟 ，一拉 又 拉埋 佢 返 屋企 ，叫 佢 坐 喺 趙四郎 旁邊 。
武松 就 問 王婆 話 喇 ：你 隔籬 係 邊個 啊 ？
哦 ，唔係 賣 雲吞 嗰個 張公 咯 。
張公 咁 啱 喺 屋企 嚟 ， 一 見到 武松 嚟 到 就 吃 咗 一驚 ： 誒 ， 誒 ， 誒 都 ， 都頭 啊 ， 誒 有 有 有 咩 貴幹 啊 吓 ？
呢一排 騷擾 晒 啲 街坊 ，請 過去 飲杯 薄酒 啦 。
咳咳咳咳咳 ，嗯 我 呢個 伯爺公 誒 都 未曾 送 啲 禮 過去 畀 都頭 ，乜 做乜嘢 又 請埋 我 飲酒 啊 吓 ？哈哈 嗯嗯 。
不成敬意 ，一於 請過嚟啦 。
於是 張公 又 畀 武松 掹埋 過嚟 ，請 佢 喺 姚文卿 旁邊 坐落 。
有 啲 人 就 會 問喇 ： 喂 ， 乜 武松 請 咗 一個 返 嚟 又 行 咗 出去 請 第二個 吖 ， 噉 嗰 啲 嚟 先 嘅 冇 腳 㗎 ， 趁 武松 行開 乜仲 唔 走 人 㗎 ？
所以呢 你哋 都 唔記得晒 喇 ，武松 就 派咗 兩個 土兵 ，前後門 都 看到 實 㗎 嘛 ，入咗嚟 仲 出得去 咩 ？
好 喇 ， 而家 講下 武松 請到 四家 鄰舍 ， 連埋 王婆 、 潘金蓮 就 總共 六個 人 。
佢 自己 呢 ，擔 張 橋凳 坐 喺 橫頭 便 ，跟住 就 叫 土兵 將 前後門 都 閂 實 。
