嗰 朝 早 ， 鄆哥 帶 埋 武大郎 去 捉姦 。
鄆哥 睺住 西門慶 入咗 去喇 ，佢 就 叫 武大郎 喺 附近 等住 佢 。
佢 自己 呢 就 挽住 隻 籃仔 ，行 入去 間 茶坊 ，指住 王婆 就 鬧 ：
老狗乸 你 嘩 ，你 尋日 為咩事 打 我 啊 你 ？
王婆 跳起身嚟 鬧返 鄆哥 轉頭 咯 喎 ：
哈 你 隻 死 馬騮仔 吖 ，老娘 關 你 咩 嘢 事 啊 ，你 又 走嚟 鬧 我 ？
我就係鬧你呢個老虔婆 ，點吖 ？扯皮條嘅死龜婆 ，誒 ，你咬我食呀 ？
王婆 發惡喇 ，一手 揪住 鄆哥 就 打咯喎 。
鄆哥 嗌 咗 一聲 話 你 打 我 吖 嗱 噉 ， 就 將個 籃仔掉 咗 出街 。
王婆 正想 捉實 鄆哥 ， 點知 畀 呢 個 僆 仔 叫 咗 一聲 你 打 啦 噉 ， 對住 王婆個 小肚 一頭 撞 過去 ， 嘿 ， 爭 啲 將王婆 成個 撞 跌 。
好彩 後 便 有 埲墻 頂住 ，噉 先至 冇 跌啫 。
當 嗰個 僆仔 死死噉 頂住 王婆 喺 埲墻 處 嘅 時候 ，只見 武大郎 擸起 件 衫 ，呤呤聲 噉 衝入嚟 茶坊 嘞 。
王婆 見到 咦 ，乜 原來 係 武大郎 嚟 嘅 ，就 想 攔住 佢 啦 ，但係 佢 又 畀 個 僆仔 死力 頂住 就 唔 逳得 啊 ，就 只有 大聲 噉 嗌話 ，武大 嚟 喇 噉 。
嗰個 潘金蓮 喺 房 裏頭 聽到 ，嘿 ，慌到 手忙腳亂 ，想 避 又 避唔切 喇 ，就 急急 走去 頂實道門 先 。
嗰個 西門慶 呢 就 哩哩喇喇 鑽 咗 落 床 下底 匿埋 。
好喇 ，武大郎 衝到 去 房門口 出力 咁 㧬 道 房門 ，吖 㧬唔開 ，就 大聲 噉 叫 ：你 做得 好事 啊 ，你做得 好事 啊你哋 ！
潘金蓮 喺 裏 便 頂實 道門 ，驚到 滴滴震 ，佢 話 喇 ：
你 ， 你 ， 你 平時 一味 認叻 ， 話 自己 啲 武藝 好 使得 ， 之有 起事 嚟 ， 冇 釐 中用 ， 乜 見到 隻 紙老虎 都 嚇一跳 㗎 你 。
潘金蓮 呢 幾句 說話 啊 ，分明 係 叫 西門慶 嚟 打 武大郎 ，奪路 走人 啫 。
西門慶 匿 喺 床下 底 聽到 潘金蓮 噉樣 一 講 ，誒 ，提醒 咗 佢 喇 ，佢 即刻 鑽返出嚟 話 ：
娘子 ，唔係 我 冇 本事 啊 ，一時之間 冇醒起 啫 。
於是 西門慶 就 行過去 拉開 門戌 ，一下 開咗 道 門 嗌咗 聲 話 唔好 打 啊噉 。
武大郎 一見到 西門慶 出嚟 唄 ，就 想 上去 捉佢 咯 喎 ，點知 西門慶 早就 飛起 右腳 喇 。
武大郎 矮 吖嘛 ，啪噉 一腳 就 踢正 個 心口 ，即刻 打仰 就 成個 跌低 。
西門慶 見 踢低 咗 武大郎 咯 ，趁住 人多 亂糟糟 就 走咗 咯 。
鄆哥 見到 唔係 路 喇 ，就 放開 王婆 趯 啦 。
嗰啲 走嚟 睇 熱鬧 嘅 街坊 鄰舍 ，個個 都 知道 西門慶 係 個 惡嘢 嚟 ，邊個 敢 嚟 過問 下 㗎 ？
當時啊 ，王婆 就 喺 地下 扶返起 武大郎 ，只見 佢 呀 口吐鮮血 ，嗰 塊 面 就 蠟咁 黃 ，嘩 ，陰功 咯 。
王婆 就 嗌 埋 潘金蓮 出 嚟 ， 叫 佢 𢳂 碗 水 嚟 ， 救 返醒 武大郎 。
兩個人 就 插住 佢 ，由 後門 將 佢 扶返去 屋企 ，上咗 樓 ，放 佢 喺 鋪床 處 瞓低 。
一晚噉就過咗咯 。
第日 ，西門慶 探聽到 話 冇乜事 喇噉 ，哈 ，一樣 走嚟 同 潘金蓮 鬼混 。
冇嘢盼呀 ，就係 盼 武大郎 早啲 死唧 。
武大郎 一 病 ，病咗 足足 五 日 ，唔起得身嘞 ，更兼 係 要 湯 冇 湯 要 水 又 冇 水 。
日日 叫 老婆 都 唔 應 佢 ， 只 係 見 佢 濃妝 艷 抹 噉 行 咗 出去 ， 返到 嚟 呢 就 飲 到 面 紅紅 ， 嘿激到 武大郎 都暈 咗 好 幾次 ， 啊 又 冇 人 睬 佢 噉 先 至 可憐 喎 。
收尾 ，武大郎 就 嗌 個 老婆 嚟 話 佢 嘞 ：
你 ， 你 ， 你 ， 做 埋 啲 噉 嘅 事 ， 我 ， 我 親手 嚟 捉姦 ， 你仲 挑撥 個 姦夫 ， 誒 ， 踢 咗 我 一腳 心口 ， 誒 ， 害到 我 ， 而家 求生 不生 ， 誒 求 死 不 死 ， 你 哋 呀 ， 走 咗 去 風流 快活 係 呢 ？
哎 ， 哎 ， 哎 ， 我 ， 我 死 都 唔 拘咯 ， 我 都 係 爭 唔 贏 你 哋 個 咯 。
不過 ， 不過 我個 細佬武二 啊 ， 你 誒 知道 佢 性格 㗎 啦 ， 第 日 佢 返 嚟 呀 ， 佢 會 肯 過 你 ？
哎 ，你 如果 ，肯可憐下我 ，誒 ，趁早 服侍好我 ，噉 ，噉等佢返嚟嗰陣 ，我 就 一個字 都 唔提 ，當 冇件事 噉 ；
之 ，之如果 你 ，唔 照料 我 呢 ，誒 ，等 佢 一 返嚟 ，嗯 ，我 ，我就 同 你哋 講數 ，嚱 。
潘金蓮 聽咗 佢 呢一番 說話 ，亦冇 答 佢 ，就 行咗 過去 王婆 屋企 一五一十 ，講返晒 畀 西門慶 同 王婆 聽 。
西門慶 一 聽咗 呀 ，嘿呀 ，好似 成個 跌咗落 個 冰氹 噉 ：
哎 ，死 ，死嘞 ，喺 景陽岡 打 虎 嘅 武都頭 係 清河縣 第一 位 好漢 嚟 㗎 。
哎我 掛住 同你 相好 ，都冇 理得 咁多 添 ，而家 噉樣 講起 上嚟 ，點算 好 至得 㗎 ？哎死咯 ，死咯 呢趟 。
王婆 冷笑 一聲 話 ：
哼哼 ，我 都 未曾 見過 啊 ，你 係 個 揸肽 嘅 ，我 不過 係 個 搭船 嘅 啫 ，我 都 未 慌 ，你 就 慌到 手忙腳亂 咯 ，哼 ！
係呢 ，契娘啊 ，枉我 係個男人 大丈夫 添 ，到咗 噉嘅 地步 ，我 都 搞佢唔掂咯 。
契娘啊 ，你 有 咩嘢 主意 ，指點 下 我哋 啦 。
噉 你 哋 要 長 做 夫妻 吖 ， 定要 短 做 夫妻 吖 ？
契娘 ，你 講講 ，點樣 叫做 長 做 夫妻 ，短 做 夫妻 啊 ？
嗱 ，如果 短做 夫妻 呢 ，你哋 兩個 ，從 今日 起 就 散咗 佢 ，等 武大郎 養好 傷 之後 ，你哋 就 搵 佢 賠返 個 禮 ，噉 武二 返嚟 嗰 陣 呢 就 冇事 喇 ；
等 武二 第日 再次 出差 咯 ，噉 你哋 先至 再 嚟 約過 ，呢個 呢 ，就係 短 做 夫妻 。
之 你哋 如果 要 長做 夫妻 ，每日 都 喺埋一處 ，唔使 擔驚受怕 呢 ，我 誒 有 一條 妙計 嘅 ，不過 就 難以 教 你 嘅 就係 咯 。
契娘 ， 你 幫下 我 哋 啦 ， 我 就 係 要 長 做 夫妻 至 啱 。
我 呢條 妙計 要 用 一件 嘢 嘅 ，呢件 嘢 ，第 個人 屋企 都 冇 嘅 ，確係 天公 注定 ，就係 得 大官人 你 屋企 有 嘅 啫 。
嘿 ，就算係 要 我 雙眼 核 ，我 都 挖出嚟 畀 你 㗎啦 契娘 你 講 啦 係 乜嘢 啊 ？
嗱 ，而家 嗰個 矮仔 唔係 病得 佢 五顏六色 ，趁住 佢 咁 咧 唏嘅 時候 落手 就 啱喇 。
大官人 ，你 喺 屋企 ，攞 啲 砒霜 嚟 ，大娘子 你 呢 ，就 去 執 一 劑 醫心痛 嘅 藥 返嚟 ，將 啲 砒霜 ，撈埋落去 ，畀 個 矮仔 飲 ，整瓜佢 。
然後 一把火 燒得 乾乾淨淨 ，冇晒痕跡 ，就算 係 武二 返嚟 ，佢 敢 點樣 啊 ？
自古 話 嫂 叔 不通 問 吖 嘛 。
初嫁 從 親 ，再嫁 由 身 嚱 。
佢 做 叔仔 嘅 ，點理得 呢啲 事 㗎 ？
噉 你哋 暗中 來往 住 一年半載 先 ，等 大娘子 同 老公 戴孝 滿咗 期 咯 ，大官人 你 一 頂 轎 就 娶咗 佢 返 歸 ，噉唔係 就 長遠 夫妻 白頭到老 嘞咩 ？
呢條 計 ，得唔得 啊 ？
契娘 呢 條計 仔 妙極 喇 妙極 喇 ！
開講有話 ：欲求 生快活 ，須 下 死工夫 。
好啦 ，我哋 一不做二不休 ！
你 知道 好 啊 呢 ， 大官人 ， 呢 個 呀 叫做 斬草除根 ， 萌芽 不發 啊 ；
哼 ，如果 斬草 唔 除根 呀 ，等到 春天 一 嚟 ，佢 再 爆過芽 就 弊 啦 嘛 。
嗱好喇 ，大官人 ，你 快啲 返去 攞 啲 砒霜 嚟 啦 ，我 會 教 娘子 落手 㗎 喇 。
大官人 ，了咗 呢件事 嘅 時候 ，要 重重噉 答謝 返 我 至係㗎 。
噉啊唔使你講都係㗎啦契娘 。
西門慶 就 即刻 返 屋企 ，包咗 一包 砒霜 嚟 交咗 畀 王婆 收好 。
王婆 就 對 潘金蓮 話 喇 ：大娘子 ，等 我 將 落藥 啲 架步 講 你 知 啦 。
嗱 ，而家 武大 唔係 同 你 話 要 你 服侍 好 佢 ，噉 你 呀 一定 要 小心 在意 噉 體貼 佢 。
佢 如果 問 你 攞 藥 食 呢 ，你就 將 呢啲 砒霜 勾埋 落 嗰啲 心痛 藥 裏頭 。
佢 話 要 食藥 嘅 時候 你 就 灌 佢 飲 。
等到 毒性 發 嘅 時候 ，佢 啲 腸胃 都 會 斷 㗎 ，佢 梗係 會 大聲 噉 嗌 㗎 喇 ，你 就 用 堂被 𢫏實 佢 ，唔好 畀 人哋 聽到 。
嗱仲有啊 ，你 就 預先 煲好 一鑊 熱水 ，熠住 條 抹布 。
事關啲 毒藥 一發作 呀 ，佢 就 會 七竅 流血 㗎 ，口唇 就 實 會 咬到 有 痕跡 嘅 。
等佢冇咗命咯 ，你就掀開張被 ，將熠過嘅抹布同佢抹乾淨 ，噉就冇咗血跡㗎喇 ；
放咗入棺材裏便 ，抬出去 一把火 燒咗 仲有 個 屁事 咩 ！噉就 乜都掂晒 啦嘛 。
好就係好 ，不過 奴家 手 都 軟 咯 ，搞唔掂 佢 個 屍體 㗎 。
噉就 容易啫 ，你 即管 敲 埲牆 啦 ，到時 我 會 過嚟 幫 你 手 㗎 喇 。
西門慶 就 話 ：嗱 ，你哋 畀心機 搞妥 佢 ，聽朝 五更 我 嚟 聽 消息 。
講完 西門慶 就 返 扯嘞 。
王婆 將 啲 砒霜 呀 碾成 末噉 ，交咗 畀 潘金蓮 收好 。
潘金蓮 行返 屋企 ，上樓 去 睇下 武大郎 。
武大郎 當時 呀 已經 係 氣色 奄奄 ，喺度 等 死 㗎 喇 。
潘金蓮 就 坐喺 佢 床邊 詐 假意 喊 。
武大郎 就 問 佢 啦 ： 你 ， 嗯 你 你 嚟 喊 乜嘢 吖 ？
潘金蓮 抹下 眼淚 話 ：
為 ， 我 一時 唔 啱 ， 畀 嗰 個 嘢 呃 咗 咯 ， 邊個 想到 ， 佢 會 踢 咗 你 一腳 㗎 。
我 問到 人哋 話 有 一種 藥 ，好好 嘅 ，我 想 去 執 一劑 返嚟 醫 你 ，又 怕 你 疑心 ，所以 又 唔敢 去 執 啫 。
你 ，嗯 救得生我 ，冇事嘞 ，噉就 乜嘢 都 一筆勾銷晒 ，唔記 喺 心嚟 嘅 。
誒 ， 武二返 嚟 ， 我 ， 我 亦 唔 講 佢 聽 ， 你 ， 你 快 啲 去 執藥 返 嚟 救 我 啦 。
哦 ，我 去咯噃 。
潘金蓮 攞 咗 啲 銅錢 行 咗 過去 王 婆 嗰 便 坐 ， 就 叫 王婆 同 佢 去 執 藥 。
執咗返嚟喇 ，佢 就 攞住 啲 藥 返 上去 樓上 畀 武大郎 睇過 ，佢 話 喇 ：
呢劑心痛藥 ，醫生 話 叫 你 半夜 食 喎 ，食咗 呢 ，就 瞓低 𢫏冚 堂被 焗 下 汗 ，噉 聽日 就 起得 身 㗎 喇 。
誒 ， 誒 ， 噉 誒 ， 真 係 好 咯 ， 今晚 ， 就 辛苦 下 你 ， 醒 瞓 啲 ， 整好 啲 藥 ， 半夜 嚟 叫醒 我 飲 啦 吓 ， 哎 。
得嘞 ，你 放心 瞓 啦 ，我 會 服侍 你 㗎 喇 。
到咗 夜晚 ，潘金蓮 喺 房間 裏 便 點起 眼燈 ，就 落 廚房 煲 定 一 大 鑊 熱水 ，攞咗 條 抹布 熠埋 喺 啲 熱水 處 。
等啊等啊 ，等到 外便 打 三更 嘞 ，潘金蓮 就 將 啲 砒霜 放咗 落 隻 空碗 處 ，另外 就 𢳂咗 一碗 滾水 一齊 攞 上 樓 ，佢 問 喇 ：
大哥 ，啲 藥 呢 喺 邊度 嚟 啊 ？
吓 ？哦 ，啲 藥 係嘛 ，誒 ，喺 我 枕頭 邊 ，席底 嗰度 ，你 快啲 攞 去 ，整好 畀 我 飲 啦 。
潘金蓮 掀起 張席 ，攞到 包藥 呀 ，一倒 就 倒 喺 放咗 砒霜 嗰 隻 空 碗 裏 便 。
佢 擠 好 張 藥單 ，然後 將 啲 滾水 沖落 啲 藥 處 ，喺 個 頭 上 掹咗 支 銀簪 落嚟 攪勻 啲 藥 。
佢 左手 扶 武大郎 坐起身 ，右手 揸住 碗 藥 就 灌 咯 喎 。
武大郎 呷咗 一啖 就 話 喇 ：
啊 ，大嫂 啊 ，呢啲 藥 好 難食 㗎 。
只要 佢 醫得好病 ，理 佢 難食 唔 難食 吖 ，飲啦 。
武大郎 再 呷 第二啖 ，潘金蓮 趁勢 一灌 ，成碗 藥 都 灌晒 落 喉嚨 。
潘金蓮 放返 低 武大郎 ，連忙 就 跳咗 落 床 。
武大郎 哎 吖 噉 嗌 咗 一聲 話 ： 哎 ， 大嫂 ， 哎呀 ， 誒 ， 誒 ， 誒 吃 咗 啲 藥 ， 個 肚痛 起 上 嚟 添 啊 ， 哎呀 ， 哎呀 ， 好痛 啊 ， 好痛 啊 ， 哎呀 ， 哎呀 ， 誒 我 頂 唔 住 喇 ， 哎呀 ， 好痛 啊 。
潘金蓮 即刻 喺 床角尾 掹 咗 兩堂 被 過嚟 ，兜頭兜腦 冚實 武大郎 。
武大郎 就 嗌 啦 ：哎呀 ，誒焗得 好 辛苦 啊 ，哎呀 ，哎呀 。
潘金蓮 就 話 喇 ：醫生 吩咐 㗎 ，叫 我 同 你 焗 下 汗 ，噉 至 好得快 㗎 。
武大郎 仲 想 出聲 ，潘金蓮 怕 佢 掙扎 ，就 跳 上 床 ，騎 喺 武大郎 個 身上 ，兩 隻 手 就 緊緊 噉 撳實 張 被 。
嗰個 武大郎 就 慘 咯 ，好似 油煎 肺腑 就 火燒 肝腸 ，吖咗 兩聲 喘咗 一陣 ，腸穿 肚爛 就 嗚呼哀哉 ，死咗 咯 。
潘金蓮 掀起 張 被 ，咦呀 ，見到 武大郎 呀 ，咬牙切齒 ，七竅 流血 。
咦呀 幾 肉酸 啊 個 樣 呀 ，驚起 上嚟 ，立刻 跳返 落 床 就 去 敲 埲 牆 喇 。
王婆 喺 隔籬 聽見 ，就 行過嚟 後門 嗰度 咳咗 兩 聲 。
潘金蓮 喇喇聲 落樓 去 開咗 後門 。
王婆 問 佢 話 ： 點啊 ？ 了 咗 未 啊 ？
誒 ， 誒 ， 誒 ， 了 就 了 咗 咯 ， 之 我 手腳 都 軟 晒 咯 ， 舞 佢 唔 掂 啊 。
有乜嘢咁難唧 ，等我幫你啦 。
王婆 擸 高 衫袖 ，𢳂咗 一桶 熱水 ，浸住 條 抹布 喺度 ，攞咗 上樓 。
掀開 張 被 摺 返好 ， 就將 武大郎 個 嘴同 口唇 抹 乾淨 先 ， 跟 住 就 將眼 啊 、 耳 啊 、 鼻 啊 度度 啲 瘀血 都 抹 晒 ， 用套 衣服 冚 住 佢 。
噉佢哋 兩個人 就 將 個屍體 一步一步 抬咗 落 樓下 ，用 塊 舊 門板 承住 ；
然後 同佢 梳咗 頭 ，戴返 頭巾 ，着好 衣服 ，又 攞 對 鞋襪 嚟 同佢 着好 ；
用 一塊 白絹 嚟 冚住 佢 塊 面 ，搵 一張 乾淨 嘅 被 嚟 冚住 個 屍體 ；
搞定晒 呢一單 喇 ，就 返 上樓上 執拾 企理啲 嘢 。
等樣樣都搞妥當咯 ，王婆 就 返去 自己 嗰 便 。
王婆 走咗 之後 ，潘金蓮 就 詐詐諦諦 噉 對住 個 夫主 號哭 起上嚟 咯 喎 。
嚱各位聽眾 ，原來 世上 啲 女人 啊 ，喊起上嚟 係 有 三種 嘅 ，邊 三種 呢 ？
有淚有聲就謂之哭 ，有淚無聲就謂之泣啊 ，無淚有聲就謂之號咯 。
噉 當時 潘金蓮 呢 就 乾號咗 半晚 。
到咗五更個天 都 未曾 光 ，西門慶 就 走嚟 探聽 消息 嘞喎 ，王婆 將 經過 講咗 畀 佢 聽 。
佢 就 攞 啲 銀 出嚟 交畀 王婆 要 嚟 買 棺材 嘅 ，又 叫 潘金蓮 過嚟 商量 。
潘金蓮 過到嚟 就 對 西門慶 話 喇 ：
我 阿武 大 而家 已經 死咗 喇 ，以後 就 靠 你 㗎 喇 。
噉仲使講咩 ？你 安心 啦 娘子 。
王婆 就 話 喇 ： 大官人 啊 ， 不過 有件事 好 緊要 噃， 就 係 地方 嗰 個 團 頭 何九叔 啊 。
佢 個人 呀 ，好 眉精眼企 㗎 ，至 怕 畀 佢 睇出 咗 破綻 ，唔 肯 斂 啫 。
呢層 唔緊要 ，我 去 同佢 講聲 ，佢 唔敢 話 唔聽 我 說話 嘅 。
噉 大官人 快啲 去 同佢 講 啦 ，遲咗 就 怕 誤事 啊 。
商量完 ，西門慶 就 去嘞 。
天光 大白喇 ，王婆 去 買 咗 棺材 又 買 咗 啲 元寶 蠟燭 香 之類 嘅 嘢 返嚟 ，幫 潘金蓮 煮 好 飯 ，點起 眼 死人 燈盞 。
當時 啲 街坊 鄰里 呢 少不免 都 嚟 吊問 啦 。
潘金蓮 就 揞住 塊面 喺度 詐喊 嘞 喎 。
啲 街坊 就 問 佢 話 ：大郎 得咗 咩 嘢 病 啊 ？乜 噉 就 死咗 喇 吓 ？
潘金蓮 就 話 喇 ：
佢 得咗 心痛病 ，一日 重過 一日 ，睇嚟 ，都係 冇得 好㗎 喇 ，想唔到 咁 淒涼 ，尋晚 三更 就 死咗 咯 。
講完 ，又 嘩嘩聲 噉 詐喊 起上嚟 。
啲 街坊 明知 武大郎 死得 不明不白 㗎 喇 ，不過 又 唔敢 追問 喇 ，求其 係 噉 意 勸下 佢 話 ：
唉 ，人 死 不能 復生 咯 ，自己 身子 緊要 啊 ，娘子 唔好 咁 傷心 咯 。
潘金蓮 亦 係 噉 意 噉 多謝 過 大家 ，噉 啲 人 呢 就 告辭 走 咗 嘞 。
王婆 買咗 棺材 ，就 去 請 團頭 何九叔 啦 。
但凡 入殮 用 嘅 嘢 都 買 齊 嘞 ； 屋企 應用 嘅 物件 亦 都 買 晒 。
又 去 請咗 兩個 和尚 叫 佢哋 晏啲 嚟 伴 靈 。
噉何九叔呢 ，就 派咗 幾個 手下 去 先 。
佢 自己 啊 到咗 巳牌 時分 即係 九點 零鐘 啊 ，先至 慢慢 行出嚟 。
佢 去到 紫石街巷口 ，迎面 見到 西門慶 嗌 佢 話 ：
九叔 去 邊處 啊 ？
哦 ，大官人 ，小人 去 前 便 同 賣 燒餅 嗰個 武大郎 入殮 咋嘛 。
九叔 ，借過 兩步 有句說話 同你 講下 。
於是 西門慶 帶住 何九叔 嚟 到 街口 轉角 一間 小 酒店 ， 入到 去 間 房 。
西門慶 就 話 喇 ：何九叔 ，請 上座 。
誒 ，嗨誒欸 ，小人 係 個 乜嘢 人 至 得 㗎 ，點 敢 同 大官人 一齊 坐 呢 ？
誒 九叔 乜 咁 客氣 啊 ？請坐 ，請坐 。
兩個人 坐落 ，西門慶 就 叫 店小二 攞 樽 好酒 嚟 。
店小二 呢一頭 捧咗 幾味 送酒 個 菜 上嚟 ，跟住 就 斟酒 嘞 。
何九叔 個 心 就 好 思疑 啊 ，佢 諗 ：
呢個人 從來 都 冇 同我 飲過 酒 嘅 ，哼 ，今日 呢杯酒 呀 ，必定 有啲 古怪 。
兩個人 飲咗 半個 時辰 ，只見 西門慶 攞咗 一錠 十 兩 重 銀 出嚟 放 喺 枱面 上面 。
九叔 ，呢啲 係 送畀 你 嘅 ，些少 薄禮 唔 成 敬意 ，聽日 另外 仲有 酬謝 。
何九叔 拱住 手噉 話 ：
小人 並冇 為 大官人 效過 半分 力 ，點 敢 受 大官人 嘅 銀吖 ？
就算係 大官人 有用得到 小人 嘅 地方 咯 ，亦唔敢 收 啊 。
又唔係外人 ，九叔 何必 客氣 呢 ？請 你 收咗 佢 先至 講啦 。
有咩嘢 說話 ，大官人 即管 開聲 ，小人 一定 遵命 。
哦 ，噉 亦 冇 咩嘢事 嘅 ，等陣 佢哋 屋企 有 啲 辛苦錢 畀 你 嘅 。
嗯 ，而家 你 要 同 武大郎 入殮 ，總之 凡事 關照 下 ，一堂 錦被 就 冚住晒咯 ，冇 咩 嘢 其他 事 嘞 。
就 係 呢 一 啲 咁 多 小事 有 乜 緊要 吖 ， 點敢 話 要 大官人 嘅 銀 啊 ？
九叔 你 如果 唔 收 ，噉 即係 話 推 咗 我 個 啫 。
何九叔 知道 西門慶 素來 係 惡嘢 ，而且 又 係 個 把持 官府 個 的人 ，好啦 ，收咗 佢 先 。
兩個人 飲咗 一陣 酒 添 ，西門慶 叫 店小二 嚟 記咗 賬 ，叫佢 聽日 去 鋪頭 收錢 。
噉就 一齊 落咗 樓 出門口 嘞 。
西門慶 話 ：九叔 ，你 記住 啊 ，千祈 唔好 洩露 出去 ，第日 再 嚟 報答 你 。
講完 就 走咗 喇 。
何九叔 個 心 就 更加 思疑 喇 佢 諗 ：哈 ，作怪 喇 。
我 有 我 去 斂 武大郎 啊 關 佢 乜嘢 事 ，畀 咁多 銀 我 嘅 ？
哼 ，呢件事 呀 ，實有 蹺蹊 嘅 。
佢 去到 武大郎 門口 ，見到 佢 嗰 幾個 手下 喺 門口 等住 佢 。
何九叔 就 問 佢哋 話 喇 ：武大郎 係 咩嘢 病死 㗎 ？
佢 老婆 話 係 心痛病 死 個 喎 。
嗯 。何九叔 擸起 門簾 行咗 入屋 。
王婆 就 行前 嚟 迎接 佢 話 ：
阿叔 嚟喇 ，等咗 你好耐 喇 。
啱先 有 啲 小事 ，阻滯咗 一下 ，嚟 遲 一步 嘞 。
呢個 時候 只 見 潘金蓮 ，着住 套 素色 嘅 衣服 ，喺 裏頭 詐諦 噉 喊住 緊 行 出嚟 。
何九叔 話 ：娘子 唔好 咁 傷心 喇 。
唉 真係 不幸 啊 ，大郎 噉 就 歸咗天 咯 。
潘金蓮 詐 假意 抹 下 眼淚 話 ：
真係可憐咯 ，想唔到 拙夫 得咗 心痛病 ，幾日 咁多 ，就 掉低 奴家 去咗 咯 ，淒涼啊 ！
何九叔 從頭到腳 噉 望下 潘金蓮 個 樣 個 心話 喇 ：
我 一向 只係 聽 人 講過 武大娘子 ，未曾 見過 佢 面 。
原來 武大郎 娶着 個 噉嘅 老婆 呀 ，唔怪得啦 。
西門慶 呢 十兩 銀 ，係 有啲 來歷 嘅 喇 。
何九叔 行過去 睇下 武大郎 個 屍體 ，然後 將 冚住 武大郎 塊 面 嘅 元寶 同 白絹 揭開 ，定眼 一 睇 ：哎呀 ！
何九叔 大叫 一聲 ，當堂 口吐 鮮血 ，成個 跌倒 喺 地 嚟 。
那 幾個 夥記 就 立刻 扶住 何九叔
只見 佢 呀 ， 指甲 青 就 口唇 紫 ， 面 皮黃 就 眼無光 喎 。
王婆 就 話 喇 ： 中 咗 邪 啊 ， 中 咗 邪 啊 佢 快 攞 啲 水 嚟 啦 ！
噴咗 兩啖 水 ，何九叔 慢慢 慢慢噉 逳動 返下 ，有啲 蘇醒 嘞 。
王婆 又 話 ：快啲 送 九叔 返去 屋企 先 啦 你哋 。
於是 兩個 夥記用 一扇 門板 ， 將 何九叔 一直 抬到 去 屋企 。
佢 老婆 見到 哎呀 嚇死 嚟喇 ，快快趣趣 接咗 佢 入去 ，喺 鋪床 上面 瞓低 。
佢 老婆 就 喊住 話 喇 ：
哎呀 ，歡歡喜喜 噉 出去 ，點解 整成 噉樣 返歸 吖 ？閒時 都 冇 話 噉 中邪 嘅 喎 ，哎 ，陰功 咯 。
坐喺床邊 就 一味 噦噦聲 咁 喊 。
何九叔 睇住 啲 夥記 都 行開 晒 唔 喺 面前 嘞 ，就 踢 下 佢 老婆 話 ：
喂 ， 喂 ， 你 唔 使 擔心 ， 我 冇 事 㗎 。
吓 ？咩嘢 話 ？
嘿 ，咪 咁 大聲 ，等 我 講 你 聽 啦 。
我 先頭 去 武大 屋企 同 佢 入殮 ，去到 佢 街口 ，就 見到 喺 縣衙門 前 便 開 藥材 鋪 嗰 個 西門慶 ，佢 請 我 去 飲酒 噃 ，仲 送咗 十 兩 銀 過 我 。
佢 話 ，你 去 斂武大 凡事 都 遮掩 下 啦 噉 。
我 去到 武大 屋企 ，見 佢 嘅 老婆 妖妖冶冶 ，唔係 個 好人 ，我 個心 就 有 八九分 猜疑 㗎 喇 。
及至 我 掀起 元寶 一 睇 ，見到 武大 塊 面皮 係 紫黑色 嘅 ，七竅 都 滲緊 血 出嚟 ，口唇 上面 仲 微微 有 牙齒 痕 添 ，唔使 問 喇 ，都係 中毒 死 㗎 喇 。
我 本來 係 想 講出嚟 㗎 喇 ，之 又 怕 佢 冇 人 作主 ，噉 得罪 咗 西門慶 ，豈唔係 去 撩 個 黃蜂 竇 ？
之 你 話 糊里糊塗 噉 是是但但 同 佢 入咗 棺材 斂咗 ，武大 有 個 細佬 ，就係 前 嗰排 喺 景陽岡 打死 隻 大老虎 嗰 個 武都頭 喎 ；
佢 呢份 人 呀 ，殺人 唔 眨眼 㗎 嘛 。
噉佢 返嚟 一 追究 呢件事 就 實衡 會 爆出嚟 㗎 喇喎 。
噉佢 老婆 就 話 喇 ：
係喇 ，前幾日 我 都 聽 人哋 講 ，話 喺 後巷 住 嗰個 喬老 佢 有 個 仔 叫做 鄆哥 。
佢 又 去 紫石街 幫 阿武 大 捉姦 ，大鬧 茶坊 噉 話 。
噉冇錯就係呢件事喇 。
以後 你 慢慢 再 去 問 下 佢 啦 。
而家 呢件事 有 咩嘢 咁 難做 唧 ，嗱 ，你 叫 幾個 手下 去 斂 咗 武大 先 ，就 問 佢 幾時 同 佢 出山 。
如果 係 停住 喺 屋企 ，噉 等到 武松 返嚟 先至 出殯 喎 ，噉 就 同 你 一啲 關係 都 冇 啦 。
如果 話 送 上 山 埋葬 咗 佢 喎 噉 亦 無妨 啊 ，係唔係 吖 ？
之如果話要攞去燒咗佢呢 ，噉就必定事有蹺蹊喇 。
噉 你 到時 呢 ，就 話 去 送殯 ，睺住 人哋 唔 垂意 ，靜靜 攞 佢 兩嚿 骨頭 ，同埋 呢 十 兩 銀 一齊 收好 佢 ，呢啲 就係 最 實在 嘅 證明 嚟 啦 嘛 。
等到 武松 返嚟 ，佢 唔問起 就 罷啦 ，問起 上嚟 你 唔係 照直 講咯 。
何九叔 就 話 喇 ：哎呀 ，真係 家 有 賢妻 勝過 萬兩 黃金 ，你 講得 啱 。
跟 住 就 嗌 啲 夥記 嚟 吩咐 佢 哋 話 ：
我 中咗 邪 ，唔去得喇 ，你哋 自己 去 斂咗 佢 啦 。
問下佢 幾時 出山 ，返嚟 話我聽 。
嗰啲 錢 你哋 幾 個人 分咗 佢 就係 咯 。
樣樣 都 要 做得 妥當啲 至 好啊 ，啊 。
誒仲有 ，如果 畀錢 我 呢 就 唔好 要 喇 。
嗰幾個 夥記 聽咗 ，就 去 武大郎 屋企 入殮 嘞 。
