宋江 同閻婆 就 行到 縣衙 門前 便 ， 閻婆 一手 揦 住 宋江 ， 話 宋江 殺人 就要 啲 差人 嚟 拉 宋江 噉 。
宋江 平時 嘅 為人 呢 就 最好 嘅 ，上上下下 都 喜歡 佢 ，真係 成個 縣 啲 人 呀 冇 一個 話 唔 爭住 佢 ，所以 啲 差人 呢 都 唔 肯 落手 捉 。
而且 呢 老實 講 啦 ，亦 唔係 幾 信 呢個 伯爺 婆 講 啲 嘢 。
正喺度糾纏緊 ，冇晒修嘅時候 ，哈咁啱 唐牛兒 就 托住 一盆 酸薑 ，嚟到 衙門 前 便 開檔 喎 。
啱啱就見到 閻婆 扯住 宋江 喺度 大叫 冤屈 。
唐牛兒 就 諗起 尋晚 嗰 一 套 戲 ，就 將 嗰盆 酸薑 放 喺 賣湯藥 嘅 老王 張 凳 上 便 ，鑽咗 入去 人堆 裏頭 大 喝 一 聲 話 ：
老虔婆 ，你 做乜嘢 拉住 押司 啊 ？
閻婆 就 話 喇 ：唐二 ，你 唔好 嚟 搞搞震 搶人 走噃 ，我 要 你 賠命 㗎 吓 ！
唐牛兒 火滾喇 ，睬 你 都 傻啊 ，將 閻婆 隻 手 一 擘 ，擘開咗 ；
跟住 叉開 五隻 手指 ，對正 閻婆 塊 面 出力 一巴 升過去 ，啪 一聲 下 ，打到 閻婆 呀 滿天星斗 暈晒 ，嚱唔 放手 都 唔得 啦 。
一放手呀 ，宋江 就甩身咯 ，喺啲人堆裏頭 貢幾貢 就走咗咯 。
閻婆 一手 拉住 唐牛兒 大聲 咁 叫 ：
宋押司 殺咗 我 個 女 ，乜 你 又 放走咗 佢 啊 你 ！
唐牛兒 慌喇 ：哎吖 ，哎我我我 點知啊 。
閻婆 又 嗌 話 ： 你 哋 啲 差人 大哥 啊 ， 唔 該 你 哋 幫 我 捉 一 捉 嗰 個 殺人 賊 啦 ， 唔 係 呀 ， 就 會 連累 你 哋 㗎 ！
嗰班 差人 先頭 係 畀面 宋江 ，所以 就 唔肯 逳手 啫 ，哦 ，捉 唐牛兒 呀 ，噉 就 唔 客氣 咯 。
大家 一齊 上前 ，一個 帶住 閻婆 ，三四個 捉住 唐牛兒 ，將 佢 橫 拉掂㧬 ，一直 拉咗 佢 入去 縣衙門 。
個 知縣 相公 呢 ，聽見 話 有 命案 ，就 連忙 出嚟 升堂 審問 咯 喎 。
嗰班 公差 將 唐牛兒 推 到嚟 公堂 。
知縣 望下 ，只見 一個 伯爺 婆 跪 喺 左邊 ，有 個 男人 就 跪 喺 右邊 。
知縣 就 問 喇 ：呢件 殺人 嘅 事 係 點 㗎 ？
閻婆 就 稟告 話 ： 老身 姓 閻 ， 有個 女 ， 叫做 婆惜 ， 係 包 咗 畀 宋押司 做外 宅 嘅 。
尋晚黑 ，我 個 女 同 宋江 喺度 飲酒 ，呢呢個 唐牛兒 啊 ，就 走嚟 撩事惹非 ，大聲 噉 鬧住 出門口 ，左鄰右里 都 知道 㗎 喇 。
今朝早 ，宋江 出去 行咗 一趟 ，返轉嚟 ，就 將 我 個 女 殺咗 喇 。
噉 我 就將 宋江 ， 扭送 到 嚟 衙門 前 便 啦 ， 點知 呢 個 唐牛兒 ， 又將 宋江 搶 咗 去 放走 咗 ， 請 相公 作主 啊 ！
知縣話 ：哼 ！你 呢個 傢伙 ，點解 咁 大膽 ，將 個 兇手 搶咗 去 放走 啊 ？
唐牛兒 就 稟告 話 喇 ：欸 是 小人 唔 知道 啲 前因後果 嘅 ，誒 為 因 尋晚 去 搵 宋江 ，想 氹 碗 酒 飲下 ，誒 就 畀 呢個 閻婆 趕 咗 小人 出嚟 。
嗯嗯嗯 ，今朝早 ，誒 小人 出嚟 開檔 賣 酸薑 ，誒 撞見 閻婆 拉住 宋江 誒 嚟到 縣衙門 前 便 。
小人 見到 ，就 行埋去 勸開 佢 啦 ，誒噉 就 畀 佢 走咗 咯 ，誒誒 ，小人 一啲 都 唔 知道 佢 佢 為咩 嘢 事 要 殺死 閻婆 個 女 㗎 。
亂噏 ！宋江 係 個 誠實 君子 嚟 ，點會 隨隨便便 亂咁 殺人 㗎 ？
呢件 人命 嘅 事實 係 同 你 有關 㗎 喇 。
人嚟 ！縣官 嗌 值班 嘅 人員 。
當時 押司 張文遠 就 應聲 行 上前 嚟 。
佢 見到 係 閻婆 告 宋江 殺咗 個 女唄 ，嗰個 正 係 佢 個 契家婆 嚟 㗎 嘛 ，梗係 落力 辦定 啦 。
佢 連 隨 錄咗 各人 嘅 口供 ，又 幫 閻婆 寫咗 一 張 狀 ，立 咗 個案 喇 。
跟 住 ， 就 叫 埋 當地 啲 仵作 佬 啊 ， 地保 啊 ， 里 正 啊 ， 隔籬 鄰舍 啊 噉 成班人 ， 嚟 到 閻婆 屋企 ， 開 咗 門 ， 將個 屍首 檢驗 過 。
喺 屍首 個 旁邊 呢 ，見到 仲 放住 一把 行兇 嘅 匕首 。
當時 再三 檢驗 ，驗明確 係 生前 喺 頸處 畀 人 用刀 殺死 嘅 。
大家 睇過 喇 ，將 屍首 用 棺材 裝好 ，就 寄放 喺 寺院 裏頭 。
然後 將 呢一班人 帶返去 縣衙門 。
呢個 知縣 相公 呢 ，平時 係 同 宋江 最好 嘅 。
佢 係 有心 要 開脫 宋江 ，所以 就 一味 將 唐牛兒 嚟 再三再四 審問 。
唐牛兒 就 話 喇 ：誒 小人 一啲 都 唔 知道 前因後果 㗎 喎 。
知縣話 ：你 呢個 傢伙 ，為咩嘢事 要 去 佢 屋企 撩事 惹 非 啊 ？一定 同 你 有 關係 嘅 ！
嚱 ，大人 ，小人 不過 係 偶然 撞去 搵 碗 酒 飲 下 㗎啫 。
亂講 ，人嚟 ，同 我 打 呢個 傢伙 。
一聲喝打 ，左右 兩便 啲 如狼似虎 嘅 差役 ，一條繩 就 將 唐牛兒 扎起 ，㧬低 喺 地 嚟 ，噼噼啪啪 就 打咗 四五十 板 。
誒唐牛兒 打死 都係 呢幾句 ，前後 個 說話 都係 一樣 嘅 。
知縣 呢 明知 佢 係 唔知情 嘅 ，不過 係 一心 想 救 宋江 ，所以 就 將 佢 嚟 審 嘅 啫 。
見審唔出乜嘢喇 ，就叫人攞咗一面枷嚟 ，鎖起唐牛兒 ，將佢韞喺監牢先咯喎 。
張文遠 就 上嚟 公堂 稟告 話 喇 ：
相公 ，呢把 匕首 係 宋江 嘅 喎 ，去 捉到 宋江 嚟 審問 就 明白 㗎喇 。
知縣 畀 張文遠 噉 幾次 三番 嚟 稟告 ，遮掩 唔住 喇 ，就 只有 派 差人 去 宋江 住宿 個 地方 捉 人 啦 。
宋江 早就 趯 扯 咗 咯 ， 捉 唔 到 ， 就 拉 咗 幾個 隔籬 鄰舍 嘅 人 返 嚟 回報 話 ， 兇手 宋江 在 逃 ， 不知去向 喇 噉 。
張文遠 又 稟告 話 ：犯人 宋江 雖然 逃走咗 ，之 佢 個 父親 宋太公 同 佢 細佬 宋清 啊 ，而家 住 喺 宋家村 嚟 ；
可以 傳 佢哋 嚟 ，畀 個 限期 佢哋 ，責成 佢哋 要 搵到 宋江 ，送 嚟 官府 啊 。
知縣 呢 ，本來 係 唔想 捉 宋江 嘅 。
佢 就 想 目前 就是 是 但但 ，推晒 落去 唐牛兒 嘅 身上 先 ，以後 呢 ，先至 慢慢 想辦法 開脫 宋江 。
不過 嗰個 張文遠 啊 係 主辦 呢件 案 嘅 ，佢 就 唆使 閻婆 成日 走嚟 告狀 。
知縣 諗下 覺得 都係 頂唔住 㗎喇 ，就 唯有 簽咗 張 公文 ，派 幾個 差人 就 去 宋家莊 ，傳訊 宋太公 同 宋江 細佬 宋清 嘞 。
啲 差人 領咗 公文 ，去到 宋家村 宋太公 屋企 。
宋太公 就 出嚟 迎接 ，請 啲 差人 入去 草堂 坐落 。
差人 就 攞出 文書 畀 宋太公 睇 嘞 。
宋太公 就 話 ：各位 差官 呀 ，我 老漢 世世代代 都 係 務農 嘅 ，就係 守住 鄉下 幾 畝 薄田 過日 㗎 喇 。
唉嗰個 不孝子 宋江 呀 ，自細 就 忤逆 ，唔肯 安分守己 喺 鄉下 務農 ，硬係 要 出去 做官 做吏 喎 ，點 勸 佢 都 唔聽 。
故此 呢 ， 老漢 喺 幾年 之前 啊 ， 就 去 本 縣官 長處 告 咗 佢 忤逆 ， 出 咗 佢 籍 ， 誒 佢 已經 唔 喺 老漢 個 戶口 裏頭 㗎 喇 。
佢 有 佢 喺 縣城 住 ，老漢 呢 就 同 個 仔 宋清 喺 鄉下 呢度 嚟 守住 啲 田畝 過 日子 。
佢 同 老漢 喺 生活 錢銀 上 ，毫無 來往 ，一啲 關係 都 冇 㗎 咯 。
老實 講吖 ，老漢 亦 係 怕 佢 唔知 會 做出 啲 乜嘢 事 出嚟 ，畀 佢 連累 唔係 衰 ？
所以 喺 前任 官長 處 告咗 佢 忤逆 ，啊 有 憑據 交畀 我 收執 㗎 ，呢等 老漢 攞出嚟 畀 各位 差官 睇下 啦 。
呢班 差人 啊 都 係 同 宋江 好 嘅 ，雖然 明明 知道 宋太公 呢籠 嘢 係 預先 開定 嘅 門路 嚟 㗎 喇 ，但係 都 冇人 肯 做 醜人 嘅 。
佢 哋 都 話 ： 太公 既然 有 官府 發 嘅 憑據 咯 ， 噉 就 唔 該 畀 我 哋 睇 下 ， 等 我 哋 抄 返去 回覆 知縣 相公 啦 。
好好 ，誒 各位 等 一陣 咁 耐 ，老漢 而家 就 去 攞嚟 。
宋太公 即刻 吩咐 啲 家人 ，劏 幾 隻 雞 、鵝 ，擺 圍酒席 款待 呢班 差人 ，又 送 咗 十幾 兩 銀 添 。
太公 將 官府 發 嘅 憑證 攞 出嚟 ，畀 啲 差人 抄 咗 一份 。
好嘞 ，酒 又 飲完 錢 又 逗咗 咯 ，班 差人 就 告辭 咗 宋太公 。
佢哋 返到 去 縣 裏頭 ，回覆 畀 知縣 聽話 ：
宋太公 喺 三年 之前 呢 ，已經 出咗 宋江 嘅 籍 嘞 ，官府 係 發咗 憑據 畀 佢 收執 嘅 。
而家 抄咗 個 副本 喺度 ，所以 就 冇 捉 佢哋 返嚟 喇 。
知縣 本來 就係 想 開脫 宋江 嘅 ，聽見 噉 話 唄 合晒 心水 啦 。
佢 就 話 喇 ：既然 有 官府 發 嘅 憑據 ，佢 又 冇 第啲 親族 ，噉 啊 出 一千 貫 賞錢 ，向 各地 發 個 公文 通緝 捉拿 佢 就係 啦 。
點知 嗰個 張三 仲 唔肯 罷休 噃 ，佢 又 試 唆使 閻婆 披頭散髮 噉 走嚟 公堂 告狀 。
閻婆 話 喇 ：宋江 呀 ，實情 係 宋清 收埋 佢 喺 屋企 嘅 啫 ，相公 點解 唔 同 我 呢個 伯爺婆 做主 去 捉 宋江 吖 ！
知縣 就 喝 佢 話 ：
佢 父親 喺 三年 之前 ，已經 向 官府 告 咗 佢 忤逆 ，出 咗 佢 籍 ，而家 有 公文 憑據 揸住 喺 手 嚟 。
噉點 能夠 捉 佢 個 父親 兄弟 嚟 ，限期限刻 ，要 佢哋 去 追捕 宋江 嘅 呢 ？
相公 啊 ， 哎 ， 邊個 唔 知道 佢 叫做 孝義 黑三郎 吖 ， 呢 張 憑據 呀 係 假 嘅 咋 ， 求 相公 你 做主 啦 ！
混賬 ！前任 官長 親手 扱住 大印 嘅 公文 ，點會 係 假 㗎 ？
閻婆 就 大叫 冤屈 咯 ，仲 喊苦 喊窟 噉 話 ：哎呀 ，唉 人命 關天 啊 ，唉 ，唉 。
相公 ， 相公 如果 唔 肯幫 老身 做主 ， 老身 呢 就 唯有 去 州府 告狀 係 啦 ， 冇 陰公 啊 ， 唉 我 個 女 死 得 好慘 啊 ， 唉 ！
張三 又 上嚟 公堂 幫口 咯噃 ，佢 話 ：
相公 如果 唔 幫 佢 發 個 公文 去 捉 人 嘅 話 ，閻婆 一 走 去 上司 處 告狀 噉 就 好 難搞 㗎 咯 喎 。
如果 上司 嚟 提問 ，小吏 就 難以 回覆 咯 。
知縣 知道 張三 噉 講 唔係 冇 道理 嘅 ，冇辦法 啦 ，只有 簽發 一 張 公文 ，叫 朱仝 、雷橫 兩個 都 頭 嚟 ，當堂 吩咐 佢哋 話 ：
你哋 帶 多 幾個 人 ，去 宋家村 宋太公 屋企 ，搜捕 犯人 宋江 。
於是 朱仝 、雷橫 領咗 公文 ，就 點咗 四十幾個 土兵 ，一直 走去 宋家莊 。
一去到 ，宋太公 就 慌忙 出嚟 迎接 啦 。
朱仝 、雷橫 就 話 喇 ：太公 唔好 怪 我哋 啊 ，事關 上司 差遣 想 唔嚟 都 唔得 嘅 。
你嘅仔 而家 喺 邊處 嚟 啊 ？
宋太公 話 ： 兩位 都頭 ， 我 呢 個 忤逆 仔 宋江 呢 ， 佢 同 我 早就 冇 關係 㗎 咯 。
呢 ，係 前任 官長 經手 㗎 ，我 已經 出咗 佢 籍 ，而家 有 憑據 收執 㗎 。
我 同 宋江 分開 戶口 有 成 三 年 幾 嘞 ，佢 都 冇 同 我 一齊 生活 嘅 ，亦 冇 返嚟 呢度 屋企 嘅 。
朱仝 話 ：
雖然 係 噉啫 ，之 我哋 係 奉命 而 嚟嘅 ，唔通 就 憑 你 噉 一句 說話 ，唔 喺 屋企 啊 噉 就 算 嘞 咩 ？
等我哋 搜查 一下 ，噉 先至 好 返去 回覆 官長 㗎 。
於是 朱仝 就 吩咐 嗰班 土兵 圍住 宋家莊 ，佢 又 話 喇 ：
我 又 守住 個 前門 ，雷 都 頭 ，你 入去 搜查 下 先 啦 。
好啦 。
雷橫 就 入去 裏便 ，莊前 莊後 都 搜查 咗 一輪 ，然後 行返出嚟 對 朱仝 講 ：
宋江 確實 唔 喺 莊 裏 便 喎 。
朱仝 就 話 喇 ：嗯 ，我 總係 放心唔落 ，雷 都 頭 ，你 同 啲 弟兄 守住 道門 ，我 要 親自 入去 仔仔細細 查 佢 一次 添 。
宋太公 話 喇 ：唉 ，老漢 係 個 守法 嘅 人 ，點 敢 將 佢 收埋 喺 屋企 嚟 㗎 ？
呢件 係 人命 關天 嘅 公事 ，你 又 唔好 怪 我哋 啊 。
噉誒 都 頭 請便 ，即管 仔細 入去 查下 啦 。
雷都頭 ，你 喺度 監視住 太公 ，唔好 畀 佢 行開 。
講完 ，朱仝 就 行咗 入去 。
入到去 ，佢 將 把 朴刀 憑咗 喺 牆 嚟 ，閂返 實 道門 。
行咗 入去 佛堂 裏 便 ，將 香案 拉埋 一便 ，掀起咗 嗰 塊 地板 。
板底下 呢 有 條 繩頭 嘅 ，朱仝 將 條 繩頭 一 拉 ，就 聽見 有 個 銅鈴 唥噉 一 聲 響 。
跟住呢 ，宋江 就 喺 個 地牢 裏 便 鑽咗出嚟 咯 喎 。
宋江 出到嚟 一 見到 係 朱仝 ，嘿 ！嚇咗 佢 一驚 。
朱仝 話 喇 ：公明 大哥 ，你 唔好 怪 小弟 今日 走嚟 捉 你 。
平時 我哋 最老友 㗎喇 ，有 咩嘢事 你 都 冇 瞞 我 嘅 。
有一日 你 同 我 飲酒 ，你 曾經 講畀 我 聽話 你 屋企 佛座 底下 有 個 地牢仔 。
上便 放住 三世佛 ，就 喺 佛堂 裏 便 ，有 塊 地板 冚住 嘅 ，上便 擺住 一張 香案 。
仲叫 我 如果 有 咩嘢 緊要 嘅 事 唔得掂 ，可以 嚟 呢度 匿埋 噉 話 。
當時 小弟 聽咗 就 記 喺 心嚟 。
今日 ，知縣 相公 派 我 同 雷橫 兩個 嚟 ，佢 係 冇 辦法 ，因為 要 瞞 人 耳目 吖嘛 。
相公 亦 係 有心 關照 你 ，不過 嗰個 張三 同 閻婆 ，喺 公堂 之上 講嚟講去 ，話 如果 本縣 唔 做主 呢 ，就 實行 要 去 州府 告狀 嘅 喇 噉 話 。
故此呢 ，就 派 我哋 兩個 嚟 搜查 你 間 莊 。
我怕 雷橫 呢 份 人 ， 古板 夾牛 頸 ， 唔 會 照顧 人 嘅 ， 萬一 見到 兄長 你 ， 唔 識 轉彎 就 弊 喇 。
所以 小弟 氹佢 守住 大門口 ，我 就 走嚟 呢處 搵 你 講 幾句 說話 啫 。
大哥 ， 呢 處 雖然 好 啊 ， 畢竟 唔 係 安身 嘅 地方 喎 ， 如果 畀 人 知道 嚟 呢 處 搜查 噉 又 點算 啊 ？
宋江 話 ： 係 咯 ， 我 亦 係 噉 諗 啊 。
呢趟 如果 唔係 得賢兄 你 咁 關照 ，我 實要 坐監 㗎喇 。
千祈唔好噉講 。
係喇 ，兄長 你 去 投奔 邊處 好 呢 ？
我呀 考慮過 有 三個 可以 安身 嘅 地方 嘅 ：
一個 係 滄州 橫海郡 ，小旋風 柴進 間莊 處 ；
第二個 係 青州 清風寨 ，小李廣 花榮 嗰度 ；
第三個 係 白虎山 孔太公 屋企 。
佢 有 兩個 仔 ：
大仔 叫做 毛頭星孔明 ，二仔 叫做 獨火星孔亮 ，我哋 喺 縣城 會 過 好多 次 㗎喇 。
就係 呢 三笪 地方 ，我 仲 喺度 諗緊 唔知 投奔 邊處 好 呢 ？
兄長 你 要 快啲 諗掂 佢 喇 ，該 去 就 去 。
今晚 就要 起程 ，千祈 唔好 拖延 自誤 啊 ！
係 ，噉 上上下下啲 官司 嘅 事 ，就 拜託 賢兄 你 幫忙 喇 ，要 錢 使 就 即管 嚟 攞 啦 。
呢件事 你 放心 啦 ，都 包 喺 我 身上 。
兄長 你 安排 自己 走人 就係 喇 。
宋江 多謝 過 朱仝 之 後 ，就 返入去 地牢 。
朱仝 幫 佢 冚 返 好 塊 地板 ，又 搬 返 正 張 香案 嚟 矺實 ，攞起 把 朴刀 開 返 道門 出去 話 ：
真係 唔 喺 莊處 嚟 噃 。
雷都頭 啊 ， 我 哋 不如 捉 宋太公 返去 呢 好 唔 好 啊 ？
雷橫 聽見 話 要 捉 宋太公 去 就 諗嘞 ：
朱仝 呢個人 同 宋江 最好 嘅 ，點解 佢 反轉頭 話 要 捉 宋太公 呢 ？
哼哼 ，呢句 實係 反話 嚟 嘅啫 。
好 ，如果 佢 再 提起 ，我 亦 樂得 做 個 人情 。
朱仝 、雷橫 召集 齊啲 土兵 ，都 入到去 草堂 。
宋太公 喇喇聲 嗌 家人 擺酒 嚟 款待 啲 人 啦 。
朱仝 話 喇 ：唔使 整嘢食 喇 。
唔該 太公 你 同 四郎 跟埋 我哋 去 縣衙門 行 一 趟 啦 。
雷橫話 ：係呢 ，點解 唔見 四郎 㗎 ？
宋太公話 ：老漢 使咗 佢 去 隔籬村 打啲 農具 唔喺 企嚟 。
宋江 嗰個 衰仔 喺 三年 之前 ，我 已經 告咗 佢 忤逆 ，出咗 佢 籍 㗎 喇 ，而家 有 張 憑據 公文 喺 處 㗎 。
朱仝 話 ：噉 都 唔得 㗎啫 。
我哋 兩個 奉咗 知縣 相公 嘅 命令 ，叫 捉 你哋 父子 兩人 返去 啊 。
雷橫 一聽 ，嗯 ，嚟喇 ，呢趟 我 做人情 喇 。
佢 就 話 ：朱 都 頭 ，你 聽 我 講 ，宋 押司 佢 呢趟 犯 咗 罪 啊 ，其中 必定 有 緣故 嘅 ，就算 係 有罪 ，亦 未必 係 死罪 㗎 噃 。
既然 太公 有 公文憑據 咯 ，呢啲 又 係 扱住 官府 大印 嘅 ，唔係 假 㗎 嘛 。
我哋 仲係 睇在 同 宋押司 往日 嘅 交情 ，即管 同 佢哋 擔待 下 ，抄咗 佢 呢 張 憑據 返去 回覆 就算 咯 。
朱仝 就 諗喇 ：嚱嚱 ，我 嗰啲 說話 ，係 特登 講 反話 ，等 佢 唔 思疑 我 啫 。
於是佢就話喇 ：好啦 ，既然 兄弟 你 都 噉樣 講 咯 ，我 亦 冇 咩 理由 要 做 醜人 嘅 ，一於 係 噉話 啦 。
宋太公 就 多謝 佢 哋 話 ： 真 係 多 得 晒 兩位 都頭 關照 啊 ！
連隨 就 擺開 幾 圍 酒席 慰勞 大家 ，又 攞 咗 廿 兩 白銀 出嚟 送畀 兩位 都頭 。
之 朱仝 、 雷橫 自己 嘅 堅決 唔 肯受 ， 只 係 攞 咗 嚟 分 晒 畀 嗰 四十個 土兵 ， 噉 嗰 班 友 就 皆大歡喜 啦 。
然後 ，抄咗 一份 憑據 公文 ，辭別咗 宋太公 就 離開 宋家村 。
朱 、雷 兩個 都 頭帶 齊 人馬 就 返去 縣城 嘞 。
個 縣官 正 喺度 升堂 辦公 ，見到 朱仝 、雷橫 返嚟 就 問 有 咩 結果 啊 噉 。
兩個人 就 報告 話 ：喺 莊前 莊後 同埋 四圍 嘅 村莊 呢 ，都 搜查過 兩次 ，確實 係 冇 宋江 喺度 。
宋太公啊 病咗 瞓喺 床處 ，都 唔起得身 ，睇嚟 都 就快 唔得㗎喇 ；
宋清啊 上個月 出咗 去 未 返 。
所以呢 ，就只係 抄咗 張 憑據 嘅 副本 返嚟 。
知縣 聽見 既然 係 噉嘞 ，就算啦 。
一便 寫咗 份 報告 畀 本府 嘅 上司 ；
一便 就 寫咗 一份 通緝 嘅 文書 發去 四鄉 。
呢啲呢就唔講咁多嘞 。
噉 當時 啊 ， 喺 縣 裏頭 有 啲 同 宋江 交情 非常 好 嘅 人 ， 都 幫住 宋江 去 搵 張三傾 ， 叫 佢 唔 好 死 咬住 唔 放 喇 。
張三 呢 ， 確實 係 唔 畀 面 畀 大家 又 唔 得 啊 ；
況且 閻婆 惜 啊 已經 死咗 咯 ，佢 自己 平時 呢 ，亦 得到 宋江 唔少 好處 嘅 ，所以 亦都 罷手 算 喇 。
朱仝 自己 攞咗 啲 錢 出嚟 送畀 閻婆 ，叫 佢 唔好 去 州府 告狀 。
嗰個 伯爺 婆 撈到 啲 錢 咯 ，諗住 再 搞 亦冇 咩 結果 個 啫 ，所以 亦都 應承咗 。
同時 朱仝 又 攞咗 若干 銀兩 出嚟 ，搵 人 去 州府 活動 ，使到 上頭 唔好 將 文書 駁 返 轉嚟 。
個 縣官 呢 ，就 決定 出 一千 貫 賞錢 ，發出 一個 通緝 文書 ；
另外 ，將 唐牛兒 判咗 個 故意 縱容 兇身 在逃 個 罪名 ，打咗 佢 二十大板 ，刺配 五百里 以外 ；
其他 嗰啲 左鄰右里 等等 呢 就 冚𠾴 唥 交 保釋放 ，噉 就算了 咗 呢件案 喇 。
嗱 ，講開又講 ，噉 誒 宋江 屋企 本來 係 務農 之家 嚟㗎 ，就 為咩事 幹會 有 個 噉 嘅 地牢仔 嘅 呢 ？
原來啊 ，喺 宋朝 嘅 時候 呢 ，為官 容易 就 做 吏 最 難 喎 。
點解 話 為官 容易 呢噉 ？
皆因 嗰陣時 啊 ，朝廷 之上 ，奸臣 當道 就 壞人 專權 ，非親 不用 就 非財 不取 。
噉 你 做官 有 靠山 就 得喇 你 話 容易 唔 容易 吖 ？
噉 又 點解 做吏 最 難 呢 ？
吏啊 ，就即係 啲 低級 嘅 官員仔 。
好似 做押司 吖 ， 但凡 有 咩 過錯 呀 ， 輕 嘅 就 刺配 遠惡 軍州 ， 重 嘅 就要 殺頭 抄家 。
所以 宋江 就 預先安排 好 一 笪 噉 嘅 地方 ， 一旦 有事 呢 就 可以 匿 埋 。
而且呢 ，又 怕 連累 父母 啊 ，又 叫 父母 去 官府 處 ，告 佢 忤逆 ，另外 立 開戶口 ，由 官府 發 給 憑據 收執 。
表面上 就 不相往來 ，實際上 呢 ，暗中 仲 係 一樣 咁 親 嘅 。
呢喺 宋朝 嘅 時候 啊 ，好多 都有 噉樣 做 㗎 。
好喇 ，閒話 休提 嘞 。
而家 又 講返 去 宋江 ， 佢 喺 地牢 仔 就 走出 嚟 ， 就 同 父親 、 細佬 商量 。
佢 話 ：呢趟 如果 唔係 朱仝 關照 呀 ，實要 坐監 㗎 喇 ，佢 呢個 恩情 一定 要 報答 ，唔好 唔記得 啊 。
而家 我哋 兩 兄弟 去 避 下 難 先 。
如果 上天 可憐 ，遇到 寬恩大赦 咯 ，到時 就 返嚟 父子 相見 係啦 。
阿爹 你 使 個人 靜靜地 送 啲 金銀 去 畀 朱仝 ，請 佢 上上下下 同 我哋 使 下 錢 ；
同埋 畀 多少 錢 過 閻婆 ，免得 佢 去 上司 處 告狀 搞搞震 啦 。
太公 就 話 ：得喇 ，呢啲 事 你 唔使 憂心 㗎咯 。
你 同個 細佬 一路 要 小心 啊 ， 啊 ， 去 到 嗰 處 咯 ， 就 搵 個 靠得住 嘅 人 帶 封信 返 嚟 ， 啊 。
當晚 宋江 兩 兄弟 就 打好 包袱 ，到 四更 時分 起身 ，啷口 洗面 ，食咗 早飯 ，着好 衣服 起程 。
宋江 戴 一 頂 白色 范陽 氈笠 ，着 一件 白 緞 衫 ，扎 一條 梅紅 腰帶 ，打起 腳 繃 ，着 一對 多耳 麻鞋 。
宋清 打扮 成 個 夥記 噉樣 ，孭起 包袱 ，嚟到 草廳 ，拜別 咗 父親 宋太公 。
三個人 呀 ，都 流起 眼淚 上嚟 。
太公 就 話 喇 ：你 兩 兄弟 ，前程 萬里 ，唔使 煩惱 咁多 㗎 。
宋江 兩 兄弟 又 吩咐 大大小小 嘅 莊客 ，要 佢哋 小心 看好 門口 ，平日 就 殷勤 服侍 太公 。
囑咐完喇 ，兩 兄弟 各人 都 掛 一把 腰刀 ，手上 仲 攞住 一把 朴刀 ，起程 上路 ，離開 宋家村 嘞 。
宋江 兩 兄弟 一路行 就 一路 商量 ， 宋江 話 ：
噉 我哋 去 投奔 邊個 好 呢吓 ？
宋清 就 回答 話 ：我 啊 聽聞 江湖 上 啲 人 講過 滄州 橫海 郡 柴 大官人 個 名 ，話 佢 係 大周 皇帝 嫡派 子孫 嚟 ，就係 未曾 見過 面 啫 。
不如 去 投奔 佢 咯 好唔好 啊 ？
人人 都 話 佢 仗義 疏財 ，專一 結識 天下 嘅 好漢 ；
又 肯 幫助 刺配 充軍 啲 人 嘅 ，係 個 當代 嘅 孟嘗君 啊 ，我哋 兩個 去 投奔 佢 罷 啦 。
宋江話 ：好啊 ，我 個 心 都係 噉 諗嘅 ，佢 雖然 同 我 時常 有 書信 來往 ，不過 總係 無緣 相會 。
噉 兩 兄弟 商量 好 就 一路 去 滄州 。
噉梗係 不免 登山 涉水 ，穿州過府 定啦 。
行 咗 好多 日 ， 嚟 到 滄州 ， 問 咗 路 ， 就 搵 到 去 柴 進間 莊 ， 點知 柴進 就 唔 喺 屋企 。
個莊客話 ：大官人 去咗 東莊 收租米 ，唔喺 屋企 嚟噃 。
宋江 就 問 ：噉 由 呢度 去 東莊 有 幾 遠 啊 ？
四十幾 里 路 啦 。
由邊處 去 呢 ？
兩位 官人 高 姓 大名 啊 ？
我係 鄆城縣 宋江 啊 。
啊 ， 係 唔 係 及時雨 宋押司 啊 ？
冇錯咯 。
大官人 時時 都 提及 你 嘅 大名 ，話 就係 冇 機會 見面 唧 。
既然 係 宋押司 嚟到 ，小人 帶 你 去 啦 。
於是個莊客 ，即刻 帶 宋江 、宋清 兩 兄弟 走去 東莊 。
行咗 唔夠 三個 時辰 就 到埗 嘞 ，嗰個 莊客 話 ：
兩位 官人 喺 呢間 涼亭 處 坐 一陣 先 ，等 小人 入去 通報 大官人 出嚟 迎接 啦 。
好 。
噉 宋江 就 同 宋清 入去 間 涼亭 處 ，憑 好 把 朴刀 ，除低咗 腰刀 ，放低 個 包袱 ，坐 喺 處 等 嘞 。
冇幾耐 ，只見 中間 嗰道 莊門 打開晒 ，柴大官人 帶住 幾個 夥記 ，大步大步 噉 走出嚟 ，入到 間 涼亭 同 宋江 相見 。
柴大官人 見到 宋江 ，即刻 拜倒 喺 地下 ，佢 話 ：真係 想死 柴進 嚟 啊 ！
今日 乜嘢 風 啊 ，咁 好彩 吹到 兄長 嚟 ，大慰 平生 渴仰 之 念 啊 ，幸甚 ，幸甚啊 ！
宋江 亦 拜倒 喺 地下 嚟 回答 話 ：
宋江 係 個 愚頑 小吏 ，今日 專誠 嚟 投奔 大官人 啊 。
柴進 滿面 笑容 扶起 宋江 話 ：
尋晚 燈花 報喜 ，今朝早 又 有 喜鵲 叫 ，哈哈 ，冇想到 原來 係 賢兄 嚟 啊 。
宋江 見 柴進 待 自己 情真意重 ，個心 好 歡喜 ，就 叫 宋清 過嚟 拜見 過 柴進 。
柴進 吩咐 啲 夥記 攞 起 宋江 兩 兄弟 啲 行李 ，拎 去 後堂 西軒 客房 放好 。
佢 就 拖住 宋江 隻手 一齊 行咗 入去 嘞 。
