林沖 殺咗 王倫 之後 ，吳用 就 話 要 推舉 佢 做 山寨 之主 ，坐 第一 把 交椅 噉 話 。
林沖 就 話 ：
今日 ，各位 豪傑 上山 嚟 聚義 ，但係 王倫 呢個 傢伙 ，心胸狹隘 ，妒忌 賢能 ，借故 推託 ，唔肯 收留 ，故此 我 就 殺咗 佢 。
我噉樣做 ，並非 要 圖謀 寨主 呢個 位置 。
以 我 噉 嘅 胸襟 膽量 ，點 能夠 帶領 大家 抗拒 官軍 ，剪除 皇上 身邊 嘅 元兇 首惡 呢 ？
但係 呢位 晁兄 ，仗義 疏財 ，智勇俱備 ，而家 天下 人士 聞得 佢 個名 ，冇 話 唔服 嘅 。
我 今日 以 義氣 為 重 ，立佢 為 山寨 之 主 ，你哋 話 好唔好 啊 ？
大家 就 話 喇 ： 頭領 講得 啱 啊 ！
晁蓋 話 ：唔得啊 ，唔得 ！
開講有話 ：強兵 不 壓 主 吖嘛 。
晁蓋 就算 係 強到 極 ， 亦 不過 係 個 遠方 新 嚟 嘅 人 啫 ， 點敢 話 一 嚟 到 就 佔 上 呢 ？ 唔 得 嘅 ， 噉 唔 得 嘅 。
林沖 伸開 手 ，將 晁蓋 推 喺 交椅 上 便 ，佢 話 ：
今日 嘅 事情 已經 到咗 噉樣 嘅 地步 ，請 你 唔好 推 喇 。
如果 有人 唔順從 嘅 ，就 以 王倫 為 例 ！
再三再四 ，扶 晁蓋 坐定 。
林沖 就 叫 大家 過嚟 參拜咗 新 頭領 。
一便 就 派 小嘍啰 ，去 大寨 嗰度 擺落 酒席 先 ；
一便 又 叫 人 抬走 咗 王倫 嘅 屍體 ；
同時啊 ，又 派人 去 山前 山後 ，叫 所有 嘅 小頭目 一齊 去 大寨 嗰度 聚義 。
安排好嘞 ，林沖 佢哋 一行人 就 請 晁蓋 上馬 ，然後 一齊 返去 大寨 。
嚟到 聚義廳 前面 就 落咗 馬 ，行 入去 間 廳 處 。
大家 請 晁天王 喺 正中間 第一位 交椅 上面 坐落 ，當中 點起 一爐香 。
林沖 上前 話 ： 想 我 林沖 ， 只 係 個 粗魯 匹夫 ， 不過 會 啲 槍 棒 而已 唧 ， 正 所謂 無學 無才 ， 無智無術 啊 。
今日 我哋 山寨 天幸 得到 眾位 豪傑 嚟到 相聚 ，意義 非常 明白 ，就 唔同 往日 噉樣 苟苟且且 嘞 。
學究 先生 喺 呢度 ，就 請 佢 嚟 做 軍師 ，執掌 兵權 ，調用 將校 ，先生 應該 坐 第二位 。
吳用 就 話 ： 吳某 不過 係 一個 鄉村 裏 便 嘅 教師 先生 ， 肚裏 便 又 冇 經綸濟世 之才 ；
雖然 話 讀過 啲 孫吳 兵法 唧 ，之 半粒 微功 都 未曾 有 ，點 敢 佔 上 吖 ？
林沖 話 ：事情 已經 係 噉嘞 ，先生 不必 謙讓 喇 。
噉 吳用 就 只好 坐 咗 第二位 啦 。
林沖 跟住 又 話 ：公孫 先生 請坐 第三位 。
晁蓋話 ：噉就唔好咯 。
如果 係 噉樣 推讓法 ，我 晁蓋 就 要 退位 。
林沖 話 ：晁兄 你 噉 就 唔啱 。
公孫 先生 名聞 江湖 ，善能 用兵 ，有 鬼神 不測 之 機 ，呼風喚雨 之 法 喎 ，邊個 及得 佢 啊 ？
公孫勝話 ：雖然 係 有些少 法術 ，之 冇 乜嘢 濟世 之才 ，噉啊 點 敢 佔 上 啊 ？仲係 請 頭領 你 坐 至 啱 。
林沖話 ：淨係 呢一次 克敵制勝 ，就 足見 先生 嘅 妙法 。
正是 鼎足三分 ，缺一不可 ，先生 唔好 推辭 。
噉 公孫勝 只好 坐咗 第三位 。
林沖 仲要 讓 落去 ，晁蓋 、吳用 、公孫勝 都 唔肯 嘞 。
佢哋 話 ：啱先 頭領 話 鼎足三分 ，所以 我哋 就 唔敢 話 唔聽 啦 。
我哋 三個人 已經 佔上嘞 ，頭領 如果 仲要 讓人 嘅時候 ，我哋 只好 告退 番 扯喇 。
晁蓋 佢哋 扶住 林沖 ，噉 林沖 就 只好 坐咗 第四位 。
跟住 晁蓋 就 話 喇 ：而家 就 要 請 宋 、杜 兩位 頭領 嚟 坐 咯 。
嗰個 杜遷 同 宋萬 ，先頭 見 殺咗 王倫 ，佢哋 就 諗嘞 ：
自己 本事 咁 低微 ，點 好 拍得 佢哋 咁 近 啦 ，誒咪喇 ，不如 做 個 人情 仲 好 啦 。
於是 就 猛 咁 讓 ， 終於 呢 ， 就 請 劉唐 坐 咗 第五位 ， 阮小二 坐 第六位 ， 阮小五 坐 第七位 ， 阮小七 就 坐 第八位 ， 杜遷 坐 第九位 ， 宋萬 坐 第十位 ， 朱貴 就 坐 第十一位 。
噉梁山泊呢 ，從而家起 ，就 十一位 好漢 坐定 嘞 。
山前山後 ，總共 七八百 人 ，都 嚟 聚義廳 參拜咗 ，然後 就 分開 兩便 站立 。
晁蓋 話 ：
你哋 大家 聽住 ，今日 林教頭 扶持 我 做 山寨 之主 ，吳學究 做 軍師 ，公孫 先生 同 掌 兵權 ，林教頭 等 頭領 ，共同 管理 山寨 。
你哋 各人 都 做返 原來 嘅 職位 ，管理 山前 山後 嘅 事務 ，守備 寨柵 灘頭 ，唔准 疏忽 。
各人 務必要 竭力 同心 ，共聚 大義 啊 。
晁蓋 又 吩咐 收拾好 兩便 房屋 ，安頓好 阮家 嘅 老少 。
同時 吩咐 將 打劫 得 嚟 嘅 生辰 綱 嗰 啲 金 珠 寶貝 啊 ， 同埋 喺 自己 屋企 帶 嚟 嘅 金銀 財帛 攞 出 嚟 ， 就 喺 聚義廳 上面 ， 賞賜 畀 啲 小 頭目 同小 嘍 啰 。
呢日 ，劏牛 殺馬 就 祭祀 天地 神明 ，慶賀 重新 聚義 。
各位 頭領 痛痛快快 喺度 飲酒 ，一直到 半夜 先至 散席 。
第日 ，又 試 舉行 宴會 嚟 慶祝 ，連 氣 擺 咗 幾日 酒席 。
晁蓋 同 吳 用 佢哋 眾位 頭領 商量 ，要 整頓 盤點 倉庫 ，修理 寨柵 ，打造 軍器 。
即係啲槍刀弓箭衣甲頭盔等等 。
準備啲 官軍 一嚟 呢 就 同佢哋 打過 。
又 安排 大小 船隻 ，訓練 大家 喺 船 上 打仗 ，總之 呢 ，樣樣 都 做好 準備 。
正是 古人 交誼 斷 黃金 ，心 若 同時 誼 亦 深 。水滸 請 看 忠義士 ，死生 能 守 歲寒 心 。
自從 呢 十一位 頭領 ，喺 梁山泊 聚義 之後 呢 ，林沖 見 晁蓋 做事 確係 寬洪大量 ，仗義 疏財 ，將 各人 嘅 家中 老少 ，都 接 咗 嚟 山上 。
所以 佢 亦 想起 自己 嘅 妻子 仲 留 喺 東京 ， 生死 都 唔 知 ， 於是 就將 呢 件 心事 講 畀 晁蓋聽 。
佢 話 ：小人 自從 上山 之後 ，就 好 想 接 個 老婆 嚟 㗎 喇 ，為因 見到 王倫 呢個 嘢 心術 咁 壞 ，好 難 相處 ，所以 一路 都 拖住 冇 去 接 嚟 。
而家 佢 仲 留落 喺 東京 ，都 唔知 生 定 死 啊 。
晁蓋 就 話 喇 ：賢弟 個 寶眷 既然 仲 喺 東京 嚟 ，點解 仲 唔 去 接 嚟 團聚 呢 ？
你 快啲 寫 封 信 ，派 人 去 接 佢哋 上 山 啦 。
於是 林沖 即刻 寫咗 封信 ，派 兩個 自己 身邊 嘅 心腹 小嘍啰 落山 ，去 接 家人 咯噃 。
過咗 兩個月 咁上下 ，嗰 兩個 小嘍啰 返嚟 回報 話 ：
佢哋 去到 東京 城內 殿帥府 嗰度 啊 ，就 搵到 張 教頭 屋企 。
聽講話 林娘子 呢 ，因為 畀 高太尉 威迫 佢 ，係 都 要 佢 嫁 畀 高衙內 ，就 吊頸 自殺 ，已經 死咗 有 半年 咯 。
張教頭 呢 ，亦都 因為 憂心 過頭 啊 ，喺 半個月 之前 就 得病 死咗 。
剩落 個 婢女 錦兒 就 嫁咗 人 咯 。
問過晒啲左鄰右里 ，都係噉講嘅 ，呢啲 都係 實情 嚟嘅 噉 。
林沖 聽完 都 不禁 流起 眼淚 嚟 啊 。
晁蓋 佢哋 聽講 噉嘅 情形 ，非常 同情 ，大家 就 安慰 林沖 一番 啦 。
從此之後呢 ，林沖 就 死咗 呢條心 ，斷絕咗 對 家庭 嘅 牽掛 嘞 。
噉喺 梁山泊 裏頭 呢 ，每 日 都 係 操練 兵馬 ，準備 抵敵 官軍 。
有一日 ，各位 頭領 正 喺 聚義廳 嚟 商量緊 啲 事情 ，只見 有個 小嘍啰 上山 嚟 報告 話 ：
濟州府 啊 派咗 千幾 人馬 ，坐住 四五百 隻 大小 船隻 ，而家 駐扎 喺 石碣村 湖蕩 嚟 啊噉 。
晁蓋 就 大吃一驚 ，就 同 軍師 吳用 商量 話 ：
官軍 就 到嘞 ，我哋 點樣 迎敵 呢 ？
吳用 笑下 話 ：呵呵 ，兄長 唔使 擔心 嘅 ，吳某 自然 會 有 辦法 㗎 喇 。
自古 都有話 ：水 來 土 掩 ，兵 到 將 迎 吖嘛 。
跟住 ，就 叫 阮氏 三雄 過嚟 ，喺 佢哋 耳仔 邊 細細聲 噉 吩咐 話 ：噉樣 噉樣 。
又 叫 林沖 、 劉唐過 嚟 ， 對 佢 話 ： 你 哋 兩個 呢 ， 就 噉 噉 噉 。
然後 再 叫 杜遷 、宋萬 亦 吩咐咗 佢哋 嘞 。
嘿 ，正是 西迎 項羽 三千 陣 啊 ，今日 先 施 第一 功 。
而家 講下 嗰個 濟州 府尹 啊 ，佢 派咗 團 練使 黃安 同埋 本府 一個 捕盜官 ，帶領住 千幾 人馬 ，征用咗 本地 船隻 ，就 喺 石碣村 湖蕩 駐扎 準備 ，分成 兩路 ，嚟 攻打 梁山泊 咯 喎 。
團練 使 黃安 呢 親自 帶領 人馬 上船 ，搖旗 吶喊 ，一直 向住 金沙灘 就 殺過去 。
當佢哋就嚟逼近灘頭嘅時候 ，就聽見 水面上 傳嚟 一陣陣 吹畫角 嘅 嗚嗚聲 。
黃安 就 話嘞 ：誒 ，呢啲 唔係 畫角聲 ？
命令啲船隻 ，分作 兩路 ，去 嗰便 蘆花蕩灣 住先 。
黃安 望下 前便 ，見到 有 三隻 船 扒緊 過嚟 。
仔細睇下 ，嗰啲 船 呢 ，每隻 只有 五個人 嘅 啫 。
四個人 就 扒住 雙槳 ，有 一個人 就 企喺 船頭 ，頭戴 絳紅巾 就 身穿 紅羅繡襖 ，隻手 都 揸住 把 留客住 。
三隻船上 便 嘅 人 都 係 一樣 打扮 。
喺 官軍 裏 便 啊 ，有人 認得 嘅 就 話 畀 黃安 聽 嘞 ：
呢 ， 呢 三隻 船上 嗰 三個 人 呀 ， 一個 係 阮小二 ， 一個 係 阮小五 ， 一個 係 阮小七 啊 。
黃安話 ：啊 ？好 ！你哋 大家 同我一齊 並力 向前 ，捉拿 呢 三個 人 ！
黃安 一聲 號令 ， 兩便 呢 就 有 四五十隻 船 一齊 喎 嗬 噉 吶喊 住 殺 上 前去 嘞 。
嗰 三隻 船 見到 官軍 殺過 嚟 唄 ， 哈 ， 咈 噉 吹 咗 聲 哨子 ， 一齊 就 掉頭 走人 喎 。
黃團練 將 支槍 一揮 ，大聲 噉 話 ：殺得 呢幾個 賊人 我 重重 有賞 ！
打嗰 三隻 船 喺 前面 行 ，啲 官軍 就 喺 後 便 猛追 ，搏命 咁 射箭 過去 咯 喎 。
哈哈 ，你 射箭 係嘛 ？好 。
阮氏 三雄 就 返入 去 船艙 ， 每個 人 都 攞 咗 塊 青 狐皮 出 嚟 就 愛 嚟 擋住 啲 箭 ， 乜事 都 冇 。
官軍 啲 船 喺 後 便 死咁 追 。
追咗 兩三里 咁上下 啦 ，只見 有 隻 艇仔 喺 船隊 後 便 飛 咁快 趕到嚟 ，報告 畀 黃安 聽 ：
唔 好 追 喇 ， 唔 好 追 喇 ！
我哋 嗰 一路 殺入去 嘅 船隻 呀 ，啲 人 都 畀 佢哋 殺晒 落水 ，啲 船 都 畀 佢哋 搶咗 去 咯 。
黃安 就 問 喇 ：吓 ？點樣 領 嘢 㗎 你哋 ？
哎 ，噉嘅 ，我哋 啲 船 呢 ，正話 扒緊 去 啦 ，就 見到 遠遠 有 兩 隻 船 ，每 隻 船 上 便 呀 就 各 有 五 個 人 嘅 。
噉 我哋 唔係 搏命 去 追佢哋 啦 ，追咗 唔到 三四里 ，點知 喺 四面 啲 橫丫 湧 裏頭 ，飚出 七八 隻 艇仔 嚟 。
喺艇上便呀 ，嗰啲箭 就 好似 飛蝗 噉 射過嚟 ，我哋 就 連隨 掉頭 走啦 ，噉啊 嚟到 一個 好 狹窄 嘅 港口 。
忽然間 見到 岸上面 約莫 有 二三十人 ，喺 岸 兩便 呢 就 拉起 條 大 篾纜 喎 ，打橫 噉 攔住 喺 水面 嚟 。
我哋 正話 想 上前 去 斬 嗰條 纜 啦 ，點知 又 畀 佢哋 喺 岸 上 用 啲 灰瓶 啊 、石仔 啊 猛咁 掟過嚟 ，就 好似 落雨 噉 。
噉 大家 只有 掉低 隻 船 ，就 落水 逃命 啦 。
我哋 一班人 趯咗 出嚟 ，去到 條 旱路 邊 睇下 ，哈 ，岸上 便 啲 人馬 都 冚𠾴唥 唔見晒 喇 ，啲馬匹 冚𠾴唥 畀 佢哋 搶走晒 。
看 馬啲 兵卒 ，亦都 畀 人哋 殺死 晒 喺 水 嚟 。
唉 我哋 趯到 去 蘆花蕩 邊 ，先至 搵到 呢隻 艇仔 一直 趕嚟 呢處 報告 畀 大人 知 啊 。
黃安 一 聽見 話 搞咗 單噉 嘅 嘢 哎呀 死喇 死喇 ，一味 叫苦 係啦 。
即刻 拂起 支 白旗 ，就 命令 所有 啲 船隻 都 唔好 去 追 喇 ，要 馬上 返嚟 。
嗰啲 船 正 話 掉轉頭 ，都 未曾 行 啊 ，只見 後便 嗰 三隻 船 呢 又 引住 十幾隻 船 添 ，亦都 係 呢 三五個 人 ，搖住 面紅旗 吹住 哨子 ，飛 咁 快 追返過嚟 喎 。
黃安正話 想 將 啲 船 擺開嚟 迎戰 嘅 時候 ，忽然間 ，只 聽見 轟噉 一聲 ，蘆葦林 裏 便就 響起 炮 嚟 。
黃安 一望 ，嘩嗨 ！霎時之間 ，四周圍 都 擺滿 紅旗 ，慌到 佢 手揗腳震 。
後便 扒船 追過嚟 嗰啲 人 就 大聲 嗌話 ：黃安 你 留低 個人頭 先至 好走 啊 ！
黃安 將 隻 船 出力 咁 扒 過去 對面 嘅 蘆葦 岸邊 ，嘿 點 知道 ，喺 兩便 啲 湧仔 處 呀 ，鑽 咗 四五十 隻 艇仔 出嚟 。
艇仔 上 便啲 箭 就 好似 落雨 噉 射過嚟 。
等到 黃安 喺 個 箭林 當中 搶路 走得甩 嘅 時候 ，佢 只係 剩返 三四 隻 艇仔 跟 佢 。
黃安 啪聲 下 跳咗 過去 一隻 快艇 上 便 ，擰轉頭 睇下 ，嘿 ，喺 佢 後便 啲 兵卒 呀 一個個 都 乒乒乓乓 噉 跳咗 落水 逃命 嘞 。
有啲 就 連埋 船 一齊 畀 人哋 拉咗 去 ，大半 都 係 被 殺死 。
黃安 就 坐住 隻 快艇 ，行行下 ，只見 喺 蘆花蕩 邊 就 棹咗 隻 船 出嚟 。
劉唐 就 企 喺 船頭 ，一搭鉤 就 搭住 黃安 隻 艇 ，啪聲 就 跳咗 過嚟 ，一手 攔腰 揦實 黃安 喝佢 話 咪逳 ！
噉就 生擒活捉咗 黃安 嘞 。
至於 嗰啲 會 游水 嘅 兵卒 ，落咗 水 就 畀 箭 射死 ；
唔敢 落水 嘅 就 喺 船上 畀 人 捉 生公 做 咗 俘虜 嘞 。
黃安 畀 劉唐 拉 到 去 岸邊 。
上咗岸 ，晁蓋 、公孫勝 就 喺 山邊 嗰便 騎住 馬 ，挺住 刀 ，帶住 五六十 人 ，二三十 匹 馬 ，跑過嚟 接應 。
呢一仗呀 ，生擒活捉到 百幾二百人 ，搶奪到嘅 船隻 ，全部 都 收容 喺 山南水寨 裏便 ，停泊好 。
大小頭領 一齊 返到去 山寨 。
晁蓋 落咗 馬 ，嚟到 聚義廳 上面 坐落 。
各位 頭領 呢 ，都 除落 啲 盔甲 放低 兵器 ，沊沊𡃈 坐 喺 處 。
將 嗰個 黃安 綁 喺 條 柱 上 便 ，然後 攞 啲 金銀 綢緞 嚟 賞 畀 啲 小嘍啰 。
呢次呢 ，總共 奪得 六百幾匹 好馬 ，呢啲 係 林沖 嘅 功勞 咯 。
東港 ，係 杜遷 、宋萬 嘅 功勞 。
西港 ，係 阮氏 三雄 嘅 功勞 。
活捉 黃安 就係 劉唐 嘅 功勞 咯 。
打咗 呢一場 大勝仗 ，各位 頭領 梗係 歡喜 非常 定 啦 ，於是 又 殺牛 劏馬 喺 山寨 大排筵席 嚟 慶賀 咯 喎 。
事關 新新 到 山寨 ，就 獲得 全勝 ，非同小可 㗎 嘛 。
呢嗱 ，有 詩 為 證 啊 ：
堪笑 王倫 妄自矜 ，庸才 大任 豈能 勝 ！一 從 火 並 歸 新主 ，會見 梁山 事業 新 。
當 大家 正在 飲緊 酒 嘅 時候 ，只見 小嘍啰 走嚟 報告 話 ：山下 朱頭領 派 人 上嚟 山寨 啊噉 。
晁蓋 就 嗌 佢 嚟 問 佢 有 咩 事 啦 。
嗰個 小嘍啰 話 ：
朱 頭領 探聽到 有 一幫 客商 ， 有 成 幾十人 咁 多 嘅 ， 佢 哋 聯結 埋 一齊 ， 今晚 一定 會 由 旱路 經過 ， 特登 嚟 報告 畀 頭領 知 。
晁蓋話 ：啱喇 ，我哋 咁啱 冇錢用 ，邊個 帶人 去行一趟 啊 ？
阮氏三雄話 ：我哋 三兄弟 去啦 。
好兄弟 ，要 小心 在意 ，早去早回 ，啊 。
阮氏三雄 就 行出 聚義廳 換咗 衣服 ，掛好 腰刀 ，提住 朴刀 ，欓叉 ，留客住 ，點咗 百幾人 返嚟 聚義廳 ；
辭別咗 晁蓋 就 落山 ，喺 金沙灘 坐船 就 去到 朱貴 間 酒店 處 嘞 。
晁蓋 好 穩陣 ，佢 怕 阮氏 三雄 擔負 唔起 呢件事 ，又 派咗 劉唐 點起 百幾人 ，落山 去 接應 ；
同時 吩咐 佢 話 ：攞到 啲 金銀財帛 就算 喇 ，唔好 傷害 啲 客商 嘅 性命 啊 。
劉唐 噉 啊 帶人 去咗 啦 。
一直 到咗 夜晚 三更 ，仲 未 有 消息 報返嚟 。
晁蓋 放心 唔落 ，又 派咗 杜遷 、宋萬 帶住 五十幾 人 落山 去 接應 。
晁蓋 同埋 吳用 、公孫勝 、林沖 噉 幾個人 ，一直 喺度 飲酒 ，等候 消息 。
到天光 ，只見 小嘍啰 嚟 報喜 話 ：
呢 趟 呀 全靠 朱 頭領 啊 ， 得 咗 二十幾 車 金銀 財物 ， 仲有 四五十匹 騾馬 添 啊 。
晁蓋 問 佢 話 ：冇 殺到 人 吖 嘛 ？
冇 ， 嗰 啲 客商 見到 我 哋 來勢 咁 猛 ， 都 掉 低 晒 啲 車啊 牲口 啊 行李 啊 噉 ， 搏命 咁 走 咯 ， 所以 一個 都 冇 殺 過 佢 哋 。
噉 就 好 ， 我 哋 初 初 嚟 到 山寨 ， 唔 好 傷人 啊 。
晁蓋 講完 ，就 攞咗 一錠 白銀 ，賞賜 畀 嗰個 報信 嘅 小嘍啰 。
同時又吩咐擔啲酒果落山 ，喺金沙灘迎接各位頭領 。
呢次 收穫 好多 啊 ，一 船船 噉 運過嚟 ，大家 歡喜 到 不得了 。
晁蓋 又 叫 人 去 請埋 朱貴 ，一齊 上山 嚟 參加 宴會 。
晁蓋 同埋 各位 頭領 ，返到去 山寨 嘅 聚義廳 ，沊沊𡃈噉 圍住 圓圈 坐落 。
叫 小嘍啰 將 啲 財物 抬過嚟 ，一包包 咁 打開 ，將 啲 各式 綢緞 匹 釦衣 補 就 堆 喺 一便 ，各種 雜貨 呢 又 堆 喺 另一便 ，金銀 寶貝 呢 就 堆 喺 正面 嚟 。
嘩 ，見到 打劫咗 咁多 好嘢 ，大家 非常 高興 啦 。
晁蓋 又 叫 管 倉庫 嘅 小頭目 ，每樣 都 攞起 一半 ，儲藏 喺 倉庫 嚟 ，準備 日後 使用 。
剩落呢一半呢 ，就 分開 做 兩份 ：
聚義廳 上 嗰 十一位 頭領 就 均分 一份 ；
山上 山下 所有 個人 就 均分 一份 。
分完 財物 ，就 輪到 處理 嗰 一 批 新新 俘虜 返嚟 嘅 兵卒 咯 喎 。
點處理法呢 ？
就喺 佢哋 個個 塊 面 上 便 啊 刺咗 字號 ，強壯 嘅 ，就 分派 去 各個 山寨 斬 柴 餵 馬 ；
孱弱嘅呢 ，就 分去 各處 切草 看車 等等 。
嗰 個 團練 使 黃安 呢 ， 就 鎖住 喺 後 寨 間 監 房裏 便 。
搞掂晒 呢啲 嘢 喇 ，晁蓋 就 話 喇 ：
我哋 嚟到 山寨 ，初初 只係 希望 逃災 避難 ，投靠 王倫 ，喺 佢 帳下 做 個 小頭目 嘅 啫 。
多得 林教頭 賢弟 推讓 我 為 尊 ， 做 咗 山寨 之主 ， 冇 想到 連氣 得 咗 兩件 喜事 ：
第一件 ，贏咗 官軍 ，捉咗 黃安 ，收得 咁多人馬船隻 ；
第二件 ，又 得到 咁多 金銀財物 。
真係 全靠 各位 弟兄 嘅 好 本事 啊 大家 話 係 唔係 啊 ？
大家 就 話 喇 ：
呢 啲 都 係 託 大哥 嘅 洪福 啊 ， 所以 先至 得彩 啊 。
晁蓋 又 對 吳用 話 ：
我 哋 七個 弟兄 條命 ， 都 係 多 得 宋押司 同朱 都 頭 嘅 啫 。
古人 都 有 話 知恩 不報 非 為人 也噃 。
我哋 今日 嘅 富貴 安樂 係 點嚟 㗎 ？
我 睇 ，呢幾日 要 派 個人 帶 啲 金銀 去 一趟 鄆城縣 ，呢件事 係 第一件 最 緊要 㗎喇 。
仲有呢 ，就係 白勝 而家 仲韞 喺 濟州 嘅 監牢 裏 便嚟 ，我哋 一定 要 救佢 出嚟 至 得 。
吳用話 ：兄長 你 唔使 憂心 ，小生 已經 諗好晒 嘞 。
宋押司 係 個 仁義 嘅 人 ，佢 唔會 話 咁 着緊 等住 我哋 酬謝 佢 嘅 。
雖然 係 噉 ，禮 不可 缺 ，過一下 等 山寨 初步 穩定 落嚟 之後 呢 ，就 一定 派 一位 弟兄 去 。
白勝嘅事 呢 我哋 派 一個 面生 嘅 人 去 嗰度 使 啲 錢 ，上上下下 買通 晒 ，等 佢哋 放鬆 啲 白勝 ，噉 就 有 辦法 脫身 㗎 喇 。
我哋 當前 最 緊要 嘅 ，就係 要 積蓄 多啲 糧食 ，造 多啲 船隻 ，置備 軍器 修理 好啲 寨柵 城牆 ；
起多啲房屋 ，添置啲衣袍盔甲 ，打多啲刀槍 ，做多啲弓箭 ，準備迎敵官軍喇 。
好 ！既然 係噉 就 全靠 軍師 你 嘅 妙策 指教 喇 。
於是 吳用 就 將 各種 嘅 任務 ，分派 畀 眾位 頭領 去 辦理 。
噉自從 晁蓋 上山 之後啊 ，梁山泊 一日 興旺 過 一日 ，呢啲 呢 就 暫時 唔講 佢 住 喇 。
而家 講下 濟州府 太守 ，佢 見到 黃安 手下 趯 返 條命 返嚟 嘅 兵卒 ，就 將 梁山泊 殺死 官軍 ，生擒 黃安 嘅 事 講晒 畀 佢 聽 ；
又話 梁山泊 嘅 好漢 呀 非常 英雄 使得 嘅 ，冇人 近得 佢哋 身 㗎 噉 ，好難 去 捉 佢哋 㗎 ；
而且 啲 水路 呢 又 好 難 認 嘅 ，河 湧 又 多 又 垃雜 ，所以 打唔過 佢哋 㗎 。
府尹 聽咗 就 一味 叫苦 啦 ，就 對 太師府 派 嚟 嘅 幹辦 話 ：
先不先係何濤 ，誒損失咗大批人馬 ，一支公趯返條命返嚟 ，仲畀人割咗兩隻耳仔 ，喺屋企養傷 ，到而家都未曾好啊 ；
跟佢 去 嗰 五百 人 呀 冇 一 個 返得嚟 ；
因此呢 又 派咗 團練 使 黃忠 ，同埋 本府 捕盜官 帶領 軍兵 去 追捕 啦 ，誒 點知 又 全部 失陷 。
黃安 都 畀 佢哋 活捉 咗 上山 ，官軍 畀 佢哋 殺死 嘅 不計其數 ，又 打唔贏 ，嘿 點算 好 呢呢趟 ？
府尹 正在 冇晒 符咈 嘅 時候 ，有人 嚟 報告 佢 聽 ，話 有 個 新 官 嚟 咗 就 快 到 東門 接官亭 喇 噉 話 。
府尹 喇喇聲 上馬 ，就 趕去 東門 接 官亭 咯噃 。
冇耐 ，新官 嚟到 嘞 。
大家 相見 之後 ，嗰個 新官 就 將 中書省 嘅 更替 文書 攞 出嚟 ，畀 府尹 睇 。
府尹 睇完 ，就 同 新官 一齊 返去 州 衙門 ，交割 牌印 ，倉庫 錢糧 等等 亦都 辦妥 移交 手續 。
當日 ，安排 筵席 嚟 款待 新官 。
呢個 舊 府尹 就 一五一十 ，將 梁山泊 嗰啲 盜賊 如何 如何 強大 又 如何 如何 殺死 官軍 就 講晒 畀 個 新 官 聽 。
聽完之後 ，嗰個 新官 就 慌到 面如土色 。
嘿 佢 個 心 諗 ：蔡太師 將 呢件 差事 嚟 抬舉 我 ，誒 我 仲 估 話 有 乜嘢 好嘢 撈 啦 。
原來 係 噉嘅 地頭 ，噉嘅 府分 。
又 冇 強兵 猛將 ， 點捉 得 呢 一班 大賊 㗎 ？ 死 咯 ， 如果 呢 班 傢伙 走 嚟 呢 度 借 糧 嘅 時候 啊 點算 好 呢 ？
第二日 ，舊 官府 尹 執拾 好 行裝 ，就 返去 東京 待罪 聽候 處分 。
噉呢個 新官 宗府尹 呢 ，佢 到任 之後 啊 ，就 同 一位 新 新調嚟 鎮守 濟州 嘅 軍官 商量 ：
要 招兵 買馬 ，積聚 糧草 ，招募 悍勇 民夫 ，智謀 賢士 ，準備 去 捉 梁山泊 個 好漢 。
一方面 啊 ， 就 報告 中書省 ， 請求 通知 附近 嘅 州郡 合力 剿捕 ；
另一方面 呢 ，就 下達 命令 ，叫 屬下 州縣 就 加強 防禦 ，準備 參加 圍剿 等等 。
呢啲呢 ，就 唔 講 佢 住 喇 。
而家 講 下 嗰個 鄆城 縣 知縣 啊 。
佢 收到 咗 要 守衛 本境 ，防備 梁山泊 賊人 嘅 公文 之後 ，就 叫 宋江 轉發 呢個 命令 ，通知 屬下 各個 鄉村 ，加強 守備 嘞 。
宋江 睇咗 公文 個 心 就 諗 ：
晁蓋佢哋呢班人 ，乜 搞 一件 咁大 嘅 事 出嚟 。
犯 咗 大罪 劫 咗 生辰 綱 ， 殺 咗 啲 公差 就 割傷 咗 何 觀察 ， 又 殺 咗 咁 多 官軍 人馬 ， 仲 活捉 咗 黃安 上山 添 。
呢個 罪呀 ，要 滅 九族 㗎 。
雖然 話 係 被人 所迫 事非得已 啫 ，不過 喺 法律 上 呢 ，係 冇得 饒恕 個 喎 。
如果 有 乜 三長兩短 你 話 點算 啦 ？
宋江 個 心 呀 好 擔憂 。
佢 將 呢件 公文 交畀 佢 個 同事 張文遠 ，叫 佢 擬 個 通知 發落去 各 鄉 各 保 。
噉佢 自己 呢 就 行出咗 衙門 嘞 。
宋江行 咗 三二十步 ， 聽見 有人 喺 後 便 叫 佢 一聲 話 押司 啊 噉 ， 宋江 捩 轉頭 睇 下 。
嚱嚱 ，你 估 邊個 嗌 佢 吖嗱 ？
