晁蓋 佢哋 商量 走佬 ，吳 用 呢 ，就 主張 先 去 石碣村 ，追得 緊 喇 ，就 趯 去 梁山泊 入夥 。
晁蓋話 ：呢一條 係 上策 啊 ，就係 怕 佢哋 唔肯 收留 我哋 唧 。
唔使 擔心嘅 ，我哋 有嘅 係 金銀 ，送 啲 畀 佢哋 噉 就 可以 入夥 啦 嘛 係唔係 吖 ？
冇錯 ，既然 係噉 商量 好喇 ，就 事不宜遲 。
吳 先生 ，你 同 劉唐 帶 幾個 莊客 擔 咗 嗰 幾 擔 嘢 去 阮家 安頓 好 先 ，然後 喺 陸路 上 嚟 接 我哋 ，我 同 公孫 先生 喺 屋企 執拾 好 就 嚟 。
於是 吳用 、劉唐 呢 ，就 將 打劫 生辰 綱 得嚟 嗰啲 金珠寶貝 ，分成 五六 擔 裝好 ，就 叫 幾個 莊客 嚟 擔 。
一齊 食 咗 飯 之後 ， 吳用 就 將銅鏈 藏 喺 衫袖 裏 便 ， 劉唐 揸 住 把 朴刀 ， 押 住 嗰 幾擔 財物 一行 十幾人 就 出發 去 石碣 村 嘞 。
晁蓋 同 公孫勝 ，就 喺 莊院 處 收拾 咯 喎 。
有啲 唔願 跟去 嘅 莊客 呢 ，就 畀 啲 錢 佢哋 ，等 佢哋 另外 去 搵 主人家 ；
願意 跟埋 去嘅 呢 ，就 喺度 幫手 打點 財物 就 包扎 行李 。
呢啲 呢 就 暫時 唔 講 佢 住 。
而家 講返下 宋江 ，佢 飛馬 返到去 住宿 嘅 地方 ，綁好 匹馬 ，就 連忙 去 茶坊 咯 喎 。
嗰個 何觀察 呀 ，正 企 喺 門口 望緊 呢 。
宋江 就 話 喇 ：真 對不起 ，搞到 觀察 等 咁 耐 添 。
先頭 有 個 親戚 喺 鄉下 嚟咗 ，講 下 啲 家務 ，所以 耽擱 咗 啲 時間 。
唔該 押司 帶 我 去 。
好 ，而家 請 觀察 去 衙門 啦 。
兩個人 入到去 衙門 ，知縣 時文彬 正 喺 大堂 辦公 處理緊 啲 事務 。
宋江 攞住 嗰 封 密封 公文 ，帶住 何 觀察 ，一直 行 到去 書案 旁邊 ，叫 左右 掛 上一 個 迴避牌 。
即係話 有 非常 緊要 嘅 事 唔准 嚟 打攪 喇 噉 嘅 意思 。
宋江 就 稟告 話 喇 ：
奉 濟州 府 公文 ， 為 咗 一件 賊 情 嘅 緊急 公務 ， 專程 派 咗 緝捕 使臣 何 觀察 送 文書 嚟 。
知縣 接過 文書 打開嚟 一 睇 ：
嘩 ，乜 有 件 噉 嘅 事 呀 ？大吃一驚 ，佢 同 宋江 話 ：
嗯呢件係太師府 ，派咗人嚟 等住 要回音嘅事 嚟噃 ，呢一班賊 即刻 就 要派人去 捉至得 。
宋江 就 話 ：
如果 日頭 去 怕 容易 走漏 消息 啊 ，不如 夜晚 派 人 去 捉 好 ，捉到 晁保正 嗰 六個 人 就 有 下落 嘞 。
知縣話 ：呢個 東溪村 嘅 晁保正 出咗 名 係 個 好漢 啊 ，嗯 佢 點 會 做出 啲 噉 嘅 勾當 嘅 呢 ？哼 ！
於是 ，就 叫 尉司 同埋 朱仝 、雷橫 兩個 都 頭 嚟 。
朱仝 、雷橫 佢哋 兩個 嚟到 後堂 ，接受 咗 命令 ，就 同 縣尉 上 咗 馬 ，返到 去 尉司 。
點咗 馬步弓手 同埋 土兵 總共 百幾人 ，帶埋 何 觀察 ，誒 仲有 嗰 兩個 虞候 啊 ，等 佢哋 去 認明 冇 錯 喇 就 捉人 嘞 。
當晚 ，帶齊晒 繩索 兵器 ，縣尉 、兩個 都頭 都 騎住 快馬 。
每人 都 帶住 腰刀 弓箭 ，提住 朴刀 ，前前後後 由 馬步 弓手 簇擁住 出咗 東門 ，向住 東溪村 晁家莊 啊 飛奔而去 。
去到 東溪村 嘅 時候 ，已經 係 夜晚 一更 。
全部人馬 都 喺 一間 觀音廟 集合 ，朱仝 話 ：
前便 就係 晁家莊 。
晁蓋 屋企 有 前後 兩 條 路 嘅 。
我哋 如果 一齊 去 打佢 前門 ，佢 就 混 後門 走人 ；
之 如果 都 湧晒去 打佢 後門 佢 又 會 混 前門 鬆人 㗎 噃 。
晁蓋 好 厲害 嘅 ，又 唔知 嗰 六個 係 咩 嘢 人 ，之 斷估 都 唔會 係 善男信女 嚟 㗎 喇 。
而且 嗰班 友 又 係 爛命一條 ，你話 佢哋 一齊 拼死 殺出嚟 ，又 有 班 莊客 幫手 ，我哋 點 頂得住 佢哋 吖 。
因此呢 ，我哋 最好 就係 聲東擊西 ，等 嗰班 傢伙 亂咁鑽 亂咁撞 ，噉 我哋 就 好 落手 喇 。
而家噉啦 ，我 同 雷 都 頭分 做 兩路 ，我 呢 帶 一半 人 ，都 係 步行 去 ，喺 佢 個 後門 埋伏 定 先 。
我哋 用 吹哨子 做 信號 ，哨子 一 吹響 ，你哋 喺 前門 就 一味 打入嚟 啦 ，見 一個 捉 一個 ，見 兩個 就 捉 一雙 。
雷橫 話 ：噉 講 係 啱嘅 。
不過 朱 都 頭 呀 ，不如 你 同 縣尉 相公 喺 前門 打入去 ，我 去 截 佢 後路 罷 喇 。
賢弟 ，你 唔知 。
晁蓋 間莊 有 三條 活路 ，平時 我 已經 睇過 晒 記到 實㗎喇 。
我 去 嗰度 認得 晒 佢 啲 路數 ，唔使 點 火把 我 都 睇得見 啊 。
你唔知道佢出沒嗰啲地方 ，如果 有咩嘢疏忽 ，就唔係講玩㗎喇 。
縣尉 話 ：冇錯喇冇錯喇 ，朱 都頭 ，你 就 帶 一半 人 去 啦 。
朱仝 話 ：我 淨係 要 三十 零 個 就 夠 喇 。
於是 佢 領咗 十個 弓手 ，二十個 土兵 就 去 先 嘞 喎 。
跟住 縣尉 上返 馬 ，雷橫 就 將 啲 馬步 弓手 ，都 擺 喺 前後 嚟 ，保護住 縣尉 。
啲土兵 呢 ，就 全部 擺 喺 馬前 ，點 起 幾十個 火把 ，揸住 丫叉 、朴刀 、留客住 、鉤鐮刀 ，一齊 嚟到 晁家莊 嘞 喎 。
仲有 半里 路度 ，就 行到 喇 。
咦 ？只見 晁家莊 一團火 起 ，喺 中堂 燒起 上嚟 ，嘩嗨 ，霎時間 呀 ，燒到 黑煙 遍地 就 紅焰 騰空 。
又行咗冇遠添 ，只見 前後門 四面八方 ，約莫 有 三幾十處 着起火嚟 ，含含聲 燒到 好猛 。
雷橫 一馬當先 ，挺住 把 朴刀 。
後便 嗰班 土兵 喎 嗬噉 大聲 吶喊住 ，一齊 衝過去 ，打開咗 莊門 ，撲入去 裏便 ，哎呀 啲 火 呀 ，照到 好似 日頭 咁 光 。
但係 呢 ，一個人 都 冇 見到 噃 。
只係 聽見 後門 嗰便 大聲 咁 嗌叫 前便 捉 人 。
哈哈 ，原來啊 ，朱仝 係 有心 要 放走 晁蓋 嘅 ，所以 就 故意 氹 雷橫 去 打 前門 。
而 雷橫 呢 ，亦 係 有心 要 救 晁蓋 嘅 ，故此 先頭 爭住 要嚟 打 後門 。
但 係 佢 唔 夠 朱 仝 講 啊 ， 就 只有 打 前門 啦 。
就係因為噉樣 ，所以 佢哋 就 特登 大驚小怪 聲 東擊西 。
實際即係話 ，喂 晁蓋 啊 你 快啲 走啦 我 嚟 喇 噉啫 。
當 朱仝 嚟到 莊 後 嘅 時候 ，晁蓋 仲 未曾 執完 嘢 噃 。
莊客 見到 就 嚟 報告 晁蓋 話 喇 ：官軍 到 喇 ，快啲 啦 快啲啦 。
晁蓋 就 吩咐 啲 莊客 ，一味 喺 四周圍 放火 燒 啦 。
佢 就 同 公孫勝 ， 帶 咗 十幾個 要 跟 埋 去 嘅 莊客 ， 喎 噉 吶喊 住 ， 舞起 朴刀 ， 由 後門 殺出去 。
佢 大聲 噉 喝話 ：擋 我 嘅 死 ，避 我 嘅 生 啊 ！
朱仝 喺 黑影 裏頭 大叫 話 ：
保正 你 咪 走 ，朱仝 喺度 等 你 好耐 喇 。
晁蓋 都 唔理 佢 講 乜嘢 咯 ，同埋 公孫勝 ，唔 要命 噉 衝殺出嚟 。
朱仝 虛閃 一閃 ，放開 條路 讓 晁蓋 衝咗過去 。
晁蓋 叫 公孫勝 帶住 班 莊客 走 先 ，佢 自己 嚟 押後 。
朱仝 就 叫 啲 步弓手 ，由 後門 撲入去 仲 大叫 話 ：前面 快啲 去 捉 賊佬 啊噉 。
雷橫 一聽見 ，轉身 就 走出去 莊門 外便 ，叫 啲 馬步弓手 就 分頭 去 追 啦 。
佢 自己 呢 ，就 喺 啲 火光 之 下 東張西望 ，整成 好似 搵人 噉樣 咯 喎 。
喺 後門 嗰頭 呢 ，朱仝 啊 撇開 嗰班 土兵 ，揸住 把 刀 ，一個人 就 去 追 晁蓋 嘞 。
晁蓋 一便 趯 一便 就 話 ：
朱都頭 ，你 一味噉 追 我 做咩嘢 啊 ？我 冇 咩嘢 對 你 唔住 吖 嘛 ？
朱仝 睇 下 見到 後 便 冇 人 ， 佢 就 講明 畀 晁蓋聽 ， 佢 話 ：
保正 ，乜 你 仲 未 明白 我 對 你 一番 好意 啊 。
我 怕 雷 橫死 牛 一 便 頸 ，冇 人情 講 ，所以 就 氹咗 佢 去 打 你 前門 ，我 就 喺 後便 守住 ，等 你 出嚟 就 放 你 走 。
你 都 見 啦 ，我 放開 條 路 讓 你 過去 㗎 嘛 。
你 而家 唔好 去 第處 嘞 ，就係 得 梁山泊 可以 安身 嘅 啫 。
朱都頭 ，多謝 你 救命之恩 ，將來 一定 報答 。
晁蓋 噉 就 放心 喇 呢 趟 。
朱仝 正喺度 詐假意 追緊 ，忽然間 聽見 雷 橫 喺 後 便 大聲 噉 嗌話 ：咪 畀 啲 人 走甩 啊 ！
朱仝 就 對 晁蓋 話 ：
保正 ，你 唔使 慌啊 ，你 有 你 走啦 ，我 自然 會 有 法子 整佢 返轉頭 嘅 。
於是 朱仝 擰轉頭 大叫 話 ：
有 三個 賊佬 ，喺 東便條小路 趯 咗 啊 ，雷都頭 ，你 快啲 去 追 啦 ！
雷橫 真係 聽話 喎 ，佢 即刻 帶住 人 ，向 東 便條 小路 追過去 。
朱仝 一便 同 晁蓋 講住 說話 ，一便 就 追住 佢 ，實際上 呀 即係 護送 佢 啫 。
晁蓋 行得快 ，朱仝 追得慢 ，行行下 ，喺 黑影 裏頭 就 唔見咗 晁蓋嘞 。
朱仝 詐諦 一下 失腳 ，跌咗 喺 地下 嚟 。
嗰 啲 土 兵 喺 後 便 追 緊 嚟 ， 見到 朱仝 跌倒 喺 地 呢 ， 就 即刻 上 嚟 扶 返 起 佢 啦 。
朱仝 話 喇 ：唉 ，黑𠵼𠵼 睇唔到 路 一下 踩歪咗 ，成個 𨃩 低 ，仲 扭親 隻 腳 添 。
縣尉 就 話 喇 ：哎呀 畀 正 賊 走甩 咗 ，點算 好 呢 ？
朱仝 話 ：唔係 小人 唔追 ，確實 係 太 黑 ，冇晒 辦法 。
呢啲 土兵 又 冇 幾多 個 係 中用 嘅 ，都 唔 肯 向前 衝 嘅 呢 。
縣尉 又 叫 啲 土兵 再 去 追 啦 。
啲 土兵 嘅 心 就 話 喇 ：唓 ，兩個 都 頭 都 頂唔順 ，唔埋得身 ，叫 我哋 去 有 鬼 用 咩 。
噉啊 大家 都 求求其其 去 追咗 一陣 就 返轉頭 話 ：黑𠵼𠵼 ，都唔知 佢哋 混 邊 條 路 趯咗 喇 。
雷橫 亦都 去 追咗 一陣 返嚟 ，佢 個 心 諗 ：朱仝 係 同 晁蓋 最 老友 嘅 ，九成 係 佢 放走 㗎 喇 ，我 何苦 做 醜人 啦 。
我 亦 係 有心 放佢 ，之而家 已經 趯咗 咯 ，噉 好啦 ，只係 失咗 個 人情 就係 咯 。
晁蓋 呢個 人 亦唔係 好 蝦嘅 ，走咗 就算 咯 。
於是 佢 返嚟 話 ：仲 邊度 追得到 吖 ，呢班 賊佬 呀 確實 厲害 啊 。
當 縣尉 同 兩個 都頭 返 到 晁家莊 嘅 時候 ，已經 係 四更天 。
何觀察 見到 咁多人 分 幾路 追咗 一晚 ，一個 賊佬 都 捉唔到 就 猛咁 嗔 啦 ：
唉 ，呢趟 點 返得去 濟州 見 府尹 呢 點算好 呢 ？
捉唔到 晁蓋 ，個 縣衛 只有 拉咗 幾 家 隔籬 鄰舍 ，就 解返 去 鄆城 縣 嘞 。
當晚 ，知縣 老爺 一晚 都 冇 瞓 ，喺度 等住 消息 。
聽見 話班 賊佬 趯晒 喇 ，淨係 捉到 幾個 鄰舍 啫噉 ，知縣 就 立即 升堂 審 嗰啲 鄰舍 嘞 喎 。
嗰啲 鄰舍 話 ：我哋 雖然 ，喺 晁保正 左右 隔籬 住 啫 ，不過 遠 嘅 就 隔 成 兩三 里地 ，近 嘅 呢 ，亦都 隔住 啲 街巷 。
佢 間 莊處 時時 都有 啲 使槍舞棍 嘅 人 嚟 嘅 ，又 點 知道 佢 會 做出 啲 噉 嘅 事 㗎 。
知縣 就 逐個逐個 咁 審 ，務必要 審出 個 下落 嚟 。
噉 其中 有 一個 呢 ，係 同 晁蓋 係 黐到 貼住 嘅 ，佢 就 話 ：
噉 如果 係 要 知道 佢 確實 嘅 情形 呢 ，除非 問 佢 嘅 莊客 呢 就 知 嘞 。
知縣 就 話 ：聽講 話 佢 屋企 啲 莊客 都 跟 佢 走咗 咯 。
噉啊 亦 有 啲 唔願 去 嘅 ，仲 喺度 嚟 啊 。
知縣 聽咗 ，馬上 派人 帶住 呢個 住得 最近 嘅 鄰居 去 認 ，走 去 東溪村 捉人 咯 喎 。
唔使 兩個 時辰 ，就 捉到 兩個 莊客 返嚟 。
審問嘅時候 ，嗰個 莊客 初時 仲 想 抵賴 ，收尾 捱打 唔住 就 招供 話 ：
誒 ，最先 係 六個人 夾計 嘅 ，小人 只係 認得 一個 ，係 本鄉 教書 嘅 先生 叫做 吳學究 ；
誒 一個 叫做 公孫勝 ，係 個 道士 嚟 ；
又 有 一個 黑黑 嘅 大隻佬 ，姓 劉 嘅 。
至於 其他 嗰 三個 呢 ，小人 唔識 嘅 ，係 嗰個 吳學究 約 佢哋 嚟 嘅 。
聽講話 ，佢哋 係 姓 阮 㗎 喎 ，喺 石碣村 住 ，係 三 兄弟 嚟 ，靠 打魚 度日 嘅 。
知縣 錄咗 佢 嘅 口供 ，將 兩個 莊客 交咗 畀 何 觀察 。
同時呢 ，寫咗 一封 詳詳細細嘅 公文 呈送 畀 濟州府 。
至於 其他 隔籬 鄰舍 呢 ，因為 有 宋江 喺度 幫忙 ，都 交 保釋 放 。
噉何濤 同埋 啲 差人 ，押咗 兩個 莊客 ，趕返 去 濟州 。
何濤 向 府尹 報告 咗 晁蓋 燒莊 逃跑 嘅 經過 ，同時 又 將 莊客 嘅 口供 講咗 。
府尹 又 話 ：既然 係噉 ，拉白 勝出嚟 問過 佢 。
拉咗 白勝 出嚟 ，府尹 審 佢 話 ：
嗰 三個 姓 阮 嘅 究竟 住 喺 邊度 嚟 㗎 ，講 ！
白勝 抵賴 唔過 就 招供 話 ：
嗰 三個 姓 阮 嘅 ， 一個 叫做 立地 太歲 阮小二 ， 一個 叫做 短命 二郎 阮小五 ， 一個 係 活 閻羅 阮小七 ， 都 喺 石碣 湖村 住 。
噉 仲 有 嗰 三個 呢 ， 叫做 咩 嘢 名 啊 ？
誒 ， 誒 一個 係 智多星 吳用 ， 一個 係 入雲龍 公孫勝 ， 誒 一個 叫做 赤 髮 鬼 劉唐 。
知府 聽咗 ，知道咗 下落 喇 ，就 叫 人 將 白勝 押 返 入 倉 。
跟住 又 吩咐 何 觀察 ，帶 人 去 石碣村 緝捕 呢 幾個 人 嘞 。
何 觀察 奉咗 知府 嘅 命令 ，就 返去 機密房 同 大家 商量 啦 。
嗰班 差人 話 ：喂 ，呢個 石碣村 呀 ，同 梁山泊 挨到 實 。
嗰啲 湖 啊 湧 啊 ，茫茫蕩蕩 ，蘆葦 水草 一 林 二 林 。
如果 冇 大隊 官軍 船隻 人馬 ，嗯 ，邊個 敢 去 嗰度 捉 賊 啊 ？
何濤 聽咗 一諗 ：嗯 ，噉 亦係 喎 。
於是 佢 又 返去 公堂 稟告 畀 府尹 話 ：
呢個 石碣村 湖泊 ，係 挨正 梁山泊 嘅 ，周圍 冚𠾴 唥 都 係 啲 深港 河 湧 蘆葦 水草 。
平常 呢 ，都 時時 有 啲 賊佬 喺度 打劫 㗎 嘞 ，咪 講話 而家 仲 添 多咗 嗰 一班 大賊 喺 裏頭 嚟 啦 。
如果 唔 出動 大隊 人馬 ，邊度 敢 去 捉 賊 啊 ？
府尹話 ：既然 係噉 ，就 再 派 一個 有 本事 嘅 緝捕 巡檢 ，點 多 五百 官兵 人馬 同埋 你 一齊 去 緝捕 啦 。
何 觀察 得咗 命令 ，就 再 返去 機密房 ，召集 所有 啲 差人 ，挑選 咗 五百 幾 人 ，就 叫 佢 哋 返去 準備 兵器 什物 。
第二日 ， 嗰 個 捕 盜 巡檢 得到 濟州 府 嘅 命令 ， 就 同埋 何 觀察 ， 點起 五百名 軍兵 ， 會同 嗰 班 差 人 就 一齊 去 石碣 村 。
而家 講返 下 晁蓋 同 公孫勝 ，佢哋 自從 放火 燒 咗 莊苑 ，帶住 十幾個 莊客 ，趯去 石碣村 。
喺 半路 呢 ，就 撞見 阮家 三 兄弟 都 帶住 兵器 ，走嚟 接應 佢哋 返 屋企 嘞 。
佢哋 七 個 人 都 住 喺 阮 小五 間 莊 處 ，嗰陣時 ，阮 小二 亦都 將 佢 老婆 搬 咗 嚟 湖泊 裏 便 。
會齊之後 ，佢哋 七個人 就 商量 去 投奔 梁山泊 呢件事 咯噃 。
吳用話 ：而家 ，喺 李家道口 有 一個 人 叫做 旱地忽律朱貴 ，就 喺 嗰處 開 酒店 嚟 接納 四面八方 嘅 好漢 嘅 。
但凡 入夥 嘅 呢 ，都 要 去 投奔 佢 先 。
我 哋 而家 安排 好 船隻 ， 將 一切 應用 嘅 嘢 都 擠 隻 船 處 。
去到喇 ，就 送啲 禮物 畀佢 ，請 佢 介紹 我哋 上山 。
大家 正 喺 度 商量 緊 點樣 去 投奔 梁山泊 ， 忽然間 有 幾個 打魚 佬 走 嚟 報告 畀 佢 哋 聽話 ： 大隊 官軍 人馬 飛奔 嚟 村 喇 ！
晁蓋 企起身 大聲 噉 話 ：嗰班 傢伙 追緊嚟 ，我哋 唔好 走 。
阮小二 話 ：唔緊要 嘅 等我 嚟 對付 佢哋 啦 。
我要 叫佢哋 大半 跌落 水浸 死 ，一細半 呢 就 斬死 佢哋 。
公孫勝 話 ：唔使 慌嘅 ，大家 睇下 貧道 啲 本事 啦 呢趟 。
晁蓋 又 話 ： 劉唐 兄弟 ， 你 同 學究 先生 將 啲 財富 行李 、 妻兒老小 都裝 咗 落船 先 ， 一直 撐 去 李家 道口 左手 便 等 住 。
我哋 睇下 啲 官軍 來勢 點樣 ，隨後 就 到 㗎喇 。
噉吳用 、劉唐 呢 ，就 每人 都 押住 一隻 船 ，叫 七八個 夥記 嚟 扒 ，一直 去 李家 道口 左手 便 等 嘞 喎 。
跟住 ，晁蓋 又 吩咐 阮小五 、阮小七 ，叫 佢哋 撐 隻 艇仔 ，要 噉樣 噉樣 迎敵 。
噉佢哋 兩個 聽咗 之後 呢 ，就 各自 扒艇 去 。
而家 講 下 何濤 同 嗰個 捕盜 巡檢 啊 。
佢 帶領 啲 官兵 ，上下 嚟到 石碣村 。總之 見到 埠頭 有 船 灣住 喺度 嘅 ，全數 搶晒 。
命令啲 識 水性 嘅 官兵 就 落船 ，扒船 去 ，其餘 嘅 人馬 呢 就 行路 去 。
正一 係 水陸 並進 嘞 。
好喇 ，去到 阮小二 屋企 ，喎嗬噉 一齊 吶喊 就 撲入 間 屋 啦 。
點知 間 屋 呀 早就 冇晒 人 咯 ，裏 便 只係 淨返 啲 粗重 傢私 唧 。
何濤 就 可惱嘢 啦 ，佢 話 ：將 附近 嗰 幾家 打魚佬 捉起嚟 ！
嗯 ，阮小五 、阮小七 都 喺 湖泊 裏頭 住 嘅 ，冇 船 就 唔 去得 㗎 喎 。
何濤 就 同 嗰個 捕盜 巡檢 商量 喇 ，佢 話 ：
湖泊 裏 便 好多 河湧 嘅 ，啲 路 好 雜亂 ，而且 啲 爛塘 水 氹 又 唔 知道 深淺 。
如果 分散 去 捉 ，又 怕 中咗 呢班 賊佬 嘅 奸計 啊 。
不如噉呢 ，我哋 將 啲 馬匹 都 留 喺 村 裏頭 ，叫 人 看住 ，所有 個人 呢 都 坐 船 去 。
商量 好嘞 ，一於 係噉 話 啦 。
何 觀察 、捕盜 巡檢 ，同埋 嗰班 官差 兵丁 就 冚𠾴 唥 落 晒 船 。
當時 佢哋 拉到 嘅 船 呀 ，成百隻 都 唔止 ，撐 嘅 又 有 ，扒 嘅 又 有 ，都 一齊 去 阮 小五 嗰 間 魚莊 嘞 。
大概 行咗 五六里 水路 ，忽然間 ，聽到 啲 蘆葦林 裏 便 有人 唱歌仔 喎 。
大家 停住 船 靜耳 聽 一聽 ，支 歌仔 係 噉 唱嘅 ：
打魚 一世 蓼兒窪 ，不 種 青苗 不 種 麻 。酷吏 贓官 都 殺盡 ，忠心 報答 趙 官家 。
何 觀察 佢哋 一 聽到 哎呀 人人 都 慌晒 。
呢個 時候 ，只見 遠遠 有 個 人 ，一個 人 棹住 隻 艇仔 唱住 歌 過緊 嚟 。
認得嘅人 就 話 喇 ：呢呢 ，呢個 人 就係 阮小五 喇 。
何濤 就 將 隻手 一擪 ，大家 就 出力 噉 扒前去 ，人人 都 執住 兵器 ，擺好 姿勢 就 準備 捉 阮小五 咯 喎 。
只見 阮小五 笑住 嚟 鬧 佢哋 話 ：
嘿嘿 ， 你 哋 呢 班 殘害 百姓 嘅 賊 官 吖 ， 真 係 咁 大膽 啊 吓 ， 居然 敢 嚟 捉 老爺 添 啊 ？
噉豈唔係 想嚟 掹 老虎鬚 ？
喺 何濤 背後 ，有 啲 會 射箭 嘅 就 彎 弓 搭 箭 一齊 射 過去 。
阮小五 見到 射箭 過嚟 唄好 ，揸住 支 搖 ，一個 關斗兵 蹦 一聲 就 跳咗 落水 。
等到 啲 官兵 扒到 過去 呀 ，嘿 ，阮小五 都 唔知 去 邊處 。
捉唔到 阮小五 ，咪 又 行啦 。
行咗唔到 兩條 河 湧 ，只 聽見 喺 蘆花蕩 裏頭 有人 吹 哨子 。
啲 官軍 就 即刻 將 啲 船 擺開 啦 。
只見 前面 有 兩個 人 ，棹 緊 一隻 船 嚟 。
船頭 ，有 個人 企 喺 度 ，頭 戴 青竹帽 身披 綠蓑衣 ，隻手 呢 揸住 支 筆管槍 ，又 係 唱住 歌 喎 。
支歌仔話 ：老爺 生長 石碣村 ，稟性 生來 要 殺人 。先 斬 何濤 巡檢 首 ，京師 獻 與 趙王 君 。
何濤 佢哋 聽咗 又 吃一驚 。
認得嘅人 就 話 喇 ：企 喺 船頭 嗰 個 人 就係 阮小七 啊 ！
何濤 大喝 一聲 話 ：大家 要 合力 向前 ，捉住 呢個 賊 先 ，唔好 畀 佢 走甩 啊 ！
阮小七 聽咗 就 笑起上嚟 話 ：哈 你 呢個 賊官 吖 ，將 支 槍 一 點 ，嗰隻 船 就 調轉 頭 ，向住 條 湧仔 𠻘𠻘 聲噉 走 。
嗰 班 官軍 ，㗾 追 啊 ！ 噉 大聲 嗌 住 就 追過去 啦 。
阮小七 同 嗰個 扒船 嘅 ，飛 咁 快 棹住 隻 艇 ，個嘴 仲 吹住 啡啡 ，喺 嗰啲 河 湧 處 轉來轉去 一味 走 。
嗰班 官兵 追啊追啊 ，追追下 ，見到 條 湧 越嚟越窄喇 。
何濤 就 話 哎 停住 先 ，灣 好啲 船 大家 上岸 。
上到岸 一望 ，嗯 ？茫茫蕩蕩 一片 都係 啲 蘆葦林 ，根本 就 睇唔到 有旱路 嘅 。
何濤 個 心 好 思疑 喇 揸唔定 主意 ，就 問 喺 當地 住 嗰啲 人 啦 。
啲人 話 ：小人 雖然 話 喺 呢處 住 咋噃 ，之 亦 唔 知道 呢度 有 咁多 地方 㗎噃 。
於是何濤就叫人扒兩隻艇仔 ，每隻艇都去兩三個差人 ，叫佢哋去前面探路 。
點知道 ，一去就去咗 兩個時辰 有突 ，仲唔見返嚟 。
何濤 話 ：呢班人 呀 真 冇 中用 。
噉啊 再次 派咗 五個 差人 ，又 扒 兩隻 艇 去 探路 。
哈 ，呢 幾個 差人 ，扒住 兩隻 艇 又 去咗 個 幾 時辰 一樣 唔 見返嚟 。
何濤 就 話 喇 ：呢 幾個 都係 當咗 好耐 差 㗎 啦 平時 眉精眼企 ，點解 亦都 咁 論盡 ，都 唔會 扒返 隻艇 返嚟 報告 下 消息 嘅 呢 ？
呢處 成 大班 官兵 喺度 等住 ，個個 都係 盲摸摸 㗎嘛 。
呢個 時候 ，個 天眼 睇住 就嚟 夜 嘞 。
何濤 個 心 諗 ：喺 呢度 嚟 吊吊 捹 冇 收 㗎 喎 ，咪 喇 ，仲 係 等 我 自己 親自 去 行 一 趟 至 得 。
於是就揀咗隻快艇 ，選咗幾個認真有經驗嘅差人 ，帶齊兵器 ，五六個人扒艇 。
何濤 就 坐 喺 艇頭 嚟 ，向住 呢個 蘆葦 蕩 裏 便 棹 過去 咯 喎 。
當時呢 ，已經 係 日落西山 ，爬咗 五六里 水路 ，見到 岸上 有 一個 人 擔住 把 鋤頭 行緊 過嚟 。
何濤 就 問 佢 話 ： 喂 ！ 行 緊 嗰 個人 啊 ， 你 係 咩 嘢 人 啊 ？ 呢 處 係 咩 嘢 地方 啊 ？
嗰個人 就 回答 佢 話 喇 ：我 係 呢條村 耕田 嘅 。
呢處 叫做 斷頭溝 ，前面 冇 路 㗎 喇 。
喂 ，誒 ，有冇 見到 兩隻 船 嚟過 啊 ？
哦 ，係唔係 嚟 捉 阮小五 嘅 呢 ？
你 點 知道 係 嚟 捉 阮 小五 㗎 ？
嘿 ，佢哋 正 喺 前便 嗰座 樹林 裏頭 打緊 喇 。
吓 ？離 呢處 仲 有 幾 遠 啊 ？
呢就喺前面咋嘛 ，呢處 都 望得見 㗎喇 。
何濤 聽咗 就 叫埋 岸 ，要 去 接應 咯 喎 。
佢 派咗 兩個 差人 ，帶住 兵器 上岸 。
點知 岸上 嗰個人 呀 ，舉起 鋤頭 ，將 呢 兩個 差人 一 鋤頭 一個 打 個 關斗 碌咗 落水 報 咗 銷 。
何濤 大驚 啦 ， 急急 跳 起身 ， 正話 想 上岸 咯 喎 ， 哈 ， 點知 隻 船 呀 自己 會 行 嘅 ， 蕩 咗 開去 喎 。
何濤 又 驚 又 急 啦 ，忽然間 ，有 一個 人 喺 水底 鑽 咗 上嚟 ，一手 揦 實 何濤 兩隻 腳 ，一掹 ，叮沊 一聲 ，就 成個 舂 咗 落水 。
船上面 仲 有 幾個 人 添㗎 ，想話 逃命 啦 ，之 走唔甩咯 ，畀 嗰個 揸住 鋤頭 嘅 人 追到 上 船 ，一 鋤頭 一個 順住 打過去 ，連 腦漿 都 打咗出嚟 。
嗰個 何濤 畀 水底 嗰個人 呢 拖住 對 腳 拖咗 上岸 ，就 將 佢 條 腰帶 解咗 落嚟 ，將 佢 綁實 。
水底 嗰個人 就係 阮小七 ，岸上 揸 鋤頭 嗰個 呢嘿 唔使 問 下 阿貴 喇 ，阮小二 。
佢 兩 兄弟 ，睇住 何濤 就 鬧 佢 話 ：
豈有此理 老爺 三兄弟 從來 就 鍾意 殺人 放火 ，你 呢個 傢伙 算得 乜嘢 啊 ？
居然 咁大膽 帶住 官兵 走嚟 捉 我哋 添 ！
誒 ， 誒 好漢 啊 ， 好漢 啊 ， 誒 小人 不過 係 ， 不過 係 奉 咗 上司 嘅 差遣 ， 唔 嚟 唔 得 嘅 ， 啊 ， 你 哋 可憐 下 ， 小人 ， 屋企 啊 仲有 個 八十歲 嘅 老母 啊 無人 贍養 啊 ， 唔 該 你 哋 手下留情 ， 留返 小人 條命 啦 。
哼 ！嚟啦 ，將 佢 扎 個 裹蒸粽 先 ，掉咗 落 船艙 先啦 。
然後 ，又 將 船上 嗰 幾個 死屍 都 掉晒 落水 。
啡噉 吹咗 一 聲 口哨 ，喺 蘆葦林 裏頭 ，鑽咗 四五 個 打魚佬 出嚟 ，都 上咗 船 。
阮小二 、阮小七 ，一人 撐 一隻 ，就 撐返 出去 嘞 。
