何濤 兩 公婆 正 喺度 講緊 ，話 太師府 派 咗 人 嚟 ，催住 要 捉 賊 ，之 賊 又 捉唔到 ，哎呀 心煩 到 死 。
呢個 時候 ，佢 個 細佬 何 清唧 嚟 探 佢 大佬 嘞 。
何濤 一見 佢 面 就 話 喇 ：你 嚟 做咩 啊 ？你 唔 去 賭錢 你 走嚟 有 咩 嘢 事 吖 ？
何濤 個 老婆 就 好 醒目 ，佢 連忙 擪 下 隻 手 話 ：阿叔 啊 ，你 嚟 啦 ，你 嚟 廚房 我 有 說話 同 你 講 啊 。
何清 就 跟住 佢 阿嫂 去 廚房 坐落 。
佢 阿嫂 攞 咗 幾 碟 餸 ，又 坐 熱 咗 啲 酒 請 何清 飲 咯 喎 。
何清就話 ：大哥 真係 會 欺負人 ，我 硬唔中用 亦係 你 個 親兄弟 吖 ，啊 ，你 硬發達 ，硬叻 啊 ，亦 不過 係 做咗 個 緝捕 觀察 啫嘛 。
就算係 請 我 坐埋一齊 飲杯酒 ，噉 你好 羞家 咩 ？
阿叔 ， 你 唔 知 㗎 喇 ， 你 大哥 呀 好 憂心 啊 ， 以後 啲 日子 唔 知 點過 添 啊 。
嘿 ， 佢 日日 撈 咁 多 油水 去 晒邊 啊 ， 有 嘅 係 錢 同 米 ， 使憂話 唔 過得去 ？
你唔知喇阿叔 ，前嗰排 ，為因 喺 黃泥岡 嗰處 有 一班 賣 紅棗 嘅 客商 ，打劫 咗 北京 梁中書 同 佢 外父 蔡太師 賀壽 啲 生辰 綱 。
而家 濟州 府尹 ，奉咗 太師 嘅 命令 ，限期 十日 之內 ，要 捉晒 啲 賊 解去 東京 喎 。
如果 捉唔到 ，就要 刺配 去 遠惡軍州 。
你唔見 大哥 塊面 處 ，刺咗 迭 配 乜乜 州 噉 幾個 字 咩 ，就 爭 未曾 填 乜嘢 地方 嘅 啫 。
陰功啦 ，你話過 幾日 仲 捉唔到 ，實要 受苦 㗎喇 。
噉 你 話 ， 佢 仲 邊度 有 心機 同 你 飲酒 呢 ？
我 見 佢 噉樣 ，先至 叫 你 嚟 等 你 自己 飲 幾杯 啫 。
佢 悶咗 好耐 㗎喇 ，阿叔 你 唔好 怪 佢 啊 。
嗯 ， 我 都 聽 人 哋 約 約莫 莫 噉 講過 下話 有 賊 劫 咗 啲 生辰 綱去 ， 喺 邊 處 地面 啊 吓 ？
只係 聽講 話 喺 黃泥岡 上 便 啫 。
係 畀 啲 咩嘢 人 劫 咗 去 㗎 嘩 ？
唉阿叔 ，你 又 冇 飲醉酒 ，先頭 我 唔係 講咗 嘞咩 ，係 畀 七個 賣紅棗 嘅 客商 打劫 咗 去 吖嘛 。
呵呵 ，哈哈哈哈 ，吖 原來 係 噉 呀 。
都知道咗係賣紅棗嘅客商咯 ，噉仲悶乜嘢呢 ，噉仲唔派啲精明仔細嘅人去捉 ？
阿叔 ，你 又 講得 好聽 咯 ，去 邊度 捉 吖 ？
阿嫂 ，你 使 乜 憂心 吖 ，大哥 放住 成班 時常 來往 嘅 酒肉 朋友 喺度 。
哼 ，之 親 細佬 呢 ，平時 就 睬 都 唔 睬 下 ，今日 有 事 咯 ，就 嗌 冇 埞 捉 喎 。
如果 話聲 畀 個 細佬 知 等 佢 賺返 幾 貫 錢 使下 ，區區 幾個 小賊 咋嘛 有 咩 嘢 咁 難 捉 吖 ？
咦 ？阿叔 ，你好似 知道 啲 窿路 噉噃 。
嘿嘿 ，等到 大哥 臨危 冇命 嗰陣 啦 ，我 就 有 辦法 救 佢 㗎 喇 。
誒好喇 ，多謝晒喇 阿嫂 ，我 走喇 。
阿叔 ， 你 咪 走 住 ， 你 咪 走 住 ， 飲多 兩杯 添 啦 。
何濤 老婆 聽 佢 叔仔 嘅 說話 ，講得 咁 蹺蹊 ，就 連忙 講畀 佢 老公 聽嘞 。
何濤 即刻 嗌 佢 細佬 過嚟 面前 ，陪住 個 笑臉 話 ：
誒 ，好兄弟 ，你既然 知道 班賊佬 嘅 去向 ，點解 唔 救下 我 啊 ？
我 邊度 知道 吖 ，先頭 我 係 同 阿嫂 講笑 咋嘛 ，我 點 有 本事 救得 大哥 你 吖 。
好兄弟 ，唔好 計較 咁多 喇 。
你 只係 想 下 我 平日 嘅 好處 ，就 唔好 記住 我 平時 嘅 壞處 咯 ，救 下 我 條命 啦 。
哼 ，大哥 ，你 手下 眼明 手快 嘅 差人 至少 都有 二三百 ，有 佢哋 同 大哥 你 出力 分憂 就 得 啦 ，諒 我 一支 公 啊 點 救得 大哥 你 呢 ？
兄弟 ，你 唔好 講 佢哋 喇 。
聽 你 嘅 說話 係 有 門路 嘅 ，你 千祈 唔好 講 畀 人哋 聽 啊 ，等 人哋 去 做 咗 好漢 撈 粗嘢 就 唔妥 啦 。
好兄弟 ，你 講 啲 線索 我 聽下 ，吓 。
我 有 嘢 報答 你 嘅 ，吓 ，你 講出嚟 ，等 我 寬下心 都 好吖 ，吓 。
嘿嘿 ，我 有 咩 線索 吖 ，我 真係 唔知 㗎 呢 。
你唔好激我喇 ，你睇在 同胞 共母 個份上 ，講我聽啦 。
唔使慌嘅大哥 ，等到唔得掂嗰陣 ，細佬自然會嚟出下力 ，捉呢班賊仔㗎喇 。
何濤 老婆 就 話 喇 ：阿叔 呀 ，你 念在 兄弟 情份 ，救下 你 大哥 啦 。
唉 ，而家 太師 有 令 落嚟 ，馬上 要 捉 呢一班人 ，天 咁 大件事 喇 ，你 仲 話 佢哋 係 賊仔 喎 。
阿嫂 啊 ， 你 都 知 㗎 啦 ， 淨 係 為 咗 賭錢 唧 ， 我 畀 大哥 鬧過 幾 多次 啊 。
之噉 ，任佢 點鬧 都好 ，我 都 未曾 同 大哥 爭吵過 半句 嘅 。
哼 ，平時 有 酒 有 肉 ，淨係 識得 同人哋 去 快活 ，今日 亦都 知道 個 細佬 有 啲 用 誒 呢 ？
嗯 ？何濤 聽見 佢 個 說話 係 有啲 來頭 㗎 喎 ，即刻 攞出 十兩 銀 出嚟 擺咗 張 枱 上 便 ，佢 話 喇 ：
好兄弟 ，你 收起 呢啲 銀 先 ，日後 捉到 啲 賊佬 咯 ，金銀 綢緞 賞賜 我 一力 包辦 ！
嚱 ！大哥 真係 急時 抱佛腳 啊 閒時 不 燒香 吖 。
我 如果 要 你 啲 銀 ，人哋 就 會 話 我 做 細佬 嘅 勒索 大哥 喇 。
你 收返起 佢 啦 ，唔好 攞嚟 氹 我 喇 。
你 如果 噉樣 ，我 就 唔 講 喇 。
既然 而家 你 兩公婆 都 同 我 講 返句 好話 咯 ，我 就 講 畀 你 聽 ，不過 就 唔好 攞 啲 銀 出嚟 嚇 我 喇 吓 。
何濤 就 話 喇 ：啲 銀 都係 官府 打賞 嘅 ，你 唔好 推 ，收咗 佢 ，啊 ，我 問 聲 你 ，呢班 賊 ，真係 喺 邊處 嚟 啊 ？
何清 拍下 隻 大髀 話 ：呢班 賊 呀 ，我 都 捉住 喺 個 袋 嚟 喇 。
乜話 ？點解 你 話 嗰班 賊 就 喺 呢個 袋 嚟 呢 ？
大哥 ，你 唔使 理 我 咁多 ，總之 喺 我 呢度 嚟 就係 喇 。
你 收返起啲銀啦 ，唔好 攞嚟 氹我咯 ，平時 待我好 就得喇 。
哎 都 話 喇 ， 呢 啲 銀 係 官府 打賞 㗎 咯 ， 唔 係 我 攞 嚟 氹 你 嘅 ， 你 收起 佢 吓 ， 收起 佢 ， 以後 仲有 重賞 ！
好兄弟呀 ，你 講下 ，嗰班人 ，點解 會 喺 你嘅 袋 嚟 呢 ？
只見 何清 不慌不忙 ，喺 身邊 掛住 嗰個 招文袋 裏 便 即係 公事包 之類 個 嘢 ，扲咗 一個 紙摺 出嚟 ，指住 個 紙摺 話 ：
呢 ，呢班 賊佬 ，都 喺 齊裏 便 喇 。
哦 ，你 講 啦 ，點解 會 寫住 喺 裏 便 嚟 呢 ？
我 老實 講 你 知 吖 大哥 ，前幾日 ，我 賭 輸 咗 ，一個 錢 都 冇 ，噉 啊 有 個 賭客 呢 就 帶 我 去 北門 外 十五里 嗰 便 有 條 村 ，叫做 安樂村 。
喺嗰處 有 間 王家 客店 ，平時 呢 亦 有人 喺度 開下 賭嘅 。
而家 官府 有 公事 落咗嚟 噃 ，話 但凡 係 開 客店 嘅 呢 ，都 要 立 一 個 冊 ，上面 仲 要 扱住 官府 大印 嘅 。
噉啊 晚上 有 客商 嚟 住宿 呢 ，都 要 問明 佢 ，喺 邊度 嚟嘅 ，要 去 邊處 姓 乜 名 乜 做 乜嘢 買賣 等等 ，就 將 呢啲 嘢 呢 ，都 記晒 喺 本冊 嚟 。
官府啊 要 查對 嘅 ，每個月 一次 去 里正 嗰處 審核 。
噉嗰個小二哥 就 唔識字 㗎 ，就 求 我 幫 佢 抄 咗 半個月 。
嗰日 ，係 六月初三 ，有 七個 賣 紅棗 嘅 客商 ，推住 七架 雞公車 嚟 住 客店 喎 。
我 認得 其中 為首 嗰個 客商 ，佢 就係 鄆城 縣 東溪村 嘅 晁保正 。
我 點解 會 認得 佢 呢 ？
噉嘅 ，以前 呢 ，我 曾經 跟埋 一個 賭友 去 投奔過 佢 ，所以 我 就 識得 佢 嘞 。
噉 我 當時 喺度 寫 喇 ，就 問 佢 ，話 客官 高姓 啊 噉 。
佢 都 未曾 開聲 唧 ，就 有 個 面口 白白 淨淨 ，三 縷 鬍鬚 嘅 人 搶住 過嚟 回答 我 話 ：
我哋 姓 李 嘅 ，喺 濠州 嚟 ，運 啲 紅棗 去 東京 賣 啫 噉 。
我 雖然 當時 照樣 寫咗 啊 ，之個 心 就 好 思疑 嘞 。
第日 ，佢哋 扯咗咯 ，個 店主 就 帶咗 我 去 條 村 處 搵人 賭錢 啦 。
行到 個 三叉路口 ，見到 有 個 男人 擔住 一擔 桶 ，我 就 唔 認得 佢 。
個 店 主人 就 叫 佢 話 ：咦 ，白大郎 ，去 邊 啊 ？
嗰個人 就 應 佢 話 ：哦 有 擔 醋 擔入 村 去 啲 財主 屋企 賣 啫 噉 。
店主人 就 同 我 話 ：呢個 人 就 叫做 白日鼠 白勝 ，亦都 係 個 賭客 嚟 嘅 。
當時 我 就 記住 喺 心 嚟 啦 。
收尾 ，聽見 啲人 含含聲噉 話 喺 黃泥岡 上 便 ，有 一 幫 賣 紅棗 嘅 客商 用 蒙汗藥 麻醉 咗 啲人 ，劫 咗 生辰綱 走 啊 噉 。
我 諗 喇 ：唔係 晁保正 仲 有 邊個 吖 ！
嗱， 而家 你 捉 到 白勝 ， 一 問 佢 就 知道 晒 喇 ， 呢 本紙 摺 仔 係 我 抄 嘅 副本 。
何濤 聽咗 呀 ，高興 到 不得了 ，即刻 就 帶埋 何清 一直 嚟到 州衙門 去 見 府尹 咯噃 。
府尹 就 問 佢 話 ：嗰件事 有 啲 下落 冇 啊 ？
哎呀 相公 呀 ， 有 啲 下落 啊 。
府尹 聽聞 話 有 下落 唄 ，即刻 就 帶咗 佢哋 入去 後堂 ，詳詳細細 噉 問清楚 晒 。
得法咯 ，馬上 派咗 八個 差人 ，跟埋 何濤 、何清 ，漏夜 趕去 安樂村 ，嗌 嗰個 店主人 做 眼線 ，一直 就 走去 白勝 屋企 。
去到 白勝 屋企 嘅 時候 呢 ，正係 半夜 三更 。
何濤 叫 店主人 氹佢 開門 ，點着 燈 ，誒 ？只 聽見 白勝 瞓 喺 床 上面 捱捱聲 喎 ，問 佢 老婆 咩事 啊 噉 ，話 佢 係 發燒 未曾 焗出汗 喎 。
何濤佢哋唔理咁多啊 ，將白勝喺鋪床處掅咗起身 ，見佢面色紅紅白白 ，邊處係有病吖 。
即刻 就 用 繩 嚟 扎起 佢 ，喝 佢 話 ：喺 黃泥岡 上 便 做得 好事 多 喇 你 ！
白勝 幾 大 都 唔 肯 認 ，噉 又 將 白勝 老婆 都 綁埋 ，吖 亦 唔 肯 招認 。
噉嗰班差人 就 通屋 咁 抄 要 搵 啲 贓物 咯 喎 。
搵 到 床 下底 ， 見到 地面 凹凸不平 嘅 ， 就 喺 處 掘 落 去 啦 。
掘咗唔到 三尺深 ，嘩 ！嗰班 差人 大嗌 一聲 。
白勝 當堂 面如土色 ，原來 真係 起咗 一大包 金銀 出嚟 。
何濤 佢哋 連隨 用 條布 包實 白勝 個 頭 ，帶埋 佢 老婆 ，抬住 啲 贓物 ，漏夜 趕返 去 濟州城 。
入到城 ，啱好 係 五更 ，就 將 白勝 押咗 去 大堂 追問 佢 邊個 係 主謀 咯噃 。
白勝 一味 咁 抵賴 死 都 唔肯 供出 晁保正 嗰 七個人 。
唔招供就打啦梗係 ，連氣打咗三四餐 ，打到佢呀皮開肉綻鮮血惦流 。
府尹 喝 佢 話 ：主謀 就係 鄆城縣 東溪村 晁保正 。
你呢個傢伙 仲想抵賴 ？你快啲講 ，嗰六個人 係邊個 ，講出嚟 就唔打你 ，講 ！
其實 府尹 噉樣 講 ，係 靠 撞 個 啫 。
白勝 又 捱咗 一陣 ，頂唔住 喇 ，畀 府尹 噉樣 一嚇 ，終於 就 供認 話 ：
為首嘅係晁保正 ，佢同埋六個人 ，嚟約我 ，幫佢擔酒 ，我實在係唔認得嗰六個人嘅 。
府尹話 ：呢一點 就 唔難 ，只要 捉住 晁保正 ，嗰 六個人 就 有 下落 喇 。
審完嘞 ，就 用 一面 二十斤 重 嘅 死枷 枷咗 白勝 。
白勝 嘅 老婆 亦都 鎖埋 ，押咗 去 女牢 坐監 。
跟住 ，府尹 簽咗 張 公文 ，派 何濤 親自 帶領 二十 個 眼明手快 嘅 差人 ，送去 鄆城 縣 ，要求 鄆城縣 立即 捉拿 晁保正 同埋 嗰 六 個 不知姓名 嘅 盜賊 。
同時呢 ，帶埋 當日 押解 生辰綱 嗰 兩個 虞候 去 ，等 佢哋 認人 。
何濤 係 個 老雀 嚟 ，佢 怕 走漏 消息 啊 ，佢 帶住 一班 人 ，毫不 張揚 ，靜雞雞 噉 就 出發 。
趕到去鄆城縣之後 ，佢 將 嗰班 差人 同 嗰 兩個 虞候 ，都 收埋 喺 客店 裏便 ，唔 畀 佢哋 露面 。
何濤 自己 呢 ？就 淨係 帶住 個 隨從 ，就 走去 鄆城 縣衙門 準備 送 公文 嘞 。
當時 係 巳牌 時分 ，即係 十點 零鐘 咁上下 啦 ，啱啱 知 縣 就 落咗 早班 ，所以 縣衙門 前 便 靜嚶嚶 。
何濤 唯有 行去 縣衙門 對面 嗰 間 茶坊 坐落 飲 杯 茶 等 係 啦 。
飲咗 茶 ，何濤 就 問 個 茶博士 話 喇 ：點解 今日 衙門 咁 靜 啊 吓 ？
哈哈 ，係啊 ，知縣 相公 啱啱 散咗 早班 ，所有 啲 辦公人員 ，同埋 啲 告狀 嘅 ，都 返咗 去 食飯 未 嚟 啫 。
今日 縣衙門 裏 便 ，唔知 係 邊個 押司 值日 呢嚱 ？
呢嗱 ，今日 值日 嘅 押司 嚟 喇嗱 。
何濤 跟住 茶博士 隻手 望過去 ，只見 衙門 裏頭 ，有 個 辦公人員 行出嚟 。
呢個人 ，三十零歲 ，姓 宋 名 江 ，表字 公明 ，排行 第三 ，係 鄆城縣 宋家村 人士 。
因為 佢 生得 面 黑 身 矮 ，所以 人人 都 叫 佢 做 黑宋江 ；
又 為 因 佢 啊 ，為人 啊 非常之 孝順 ，仗義 疏財 ，所以 人人 又 都 叫 佢 做 孝義 黑三郎 。
佢 老母 一早 就 過咗身 ，而家 只係 得 個 父親 喺 屋企 。
佢 仲有 個 細佬 ，叫做 鐵扇子 宋清 ，噉 宋清 同 佢 父親 宋太公 啊 ，喺 鄉下 務農 ，守住 多少 田地 過 日子 。
宋江 自己 呢 ，就 喺 鄆城縣 嚟 做 押司 。
佢 對於 打官司 寫 狀詞 啊 等等 ，都 十分 精通 ，對 官場 嘅 事務 非常 之 純熟 ；
平時 又 鍾意 學 下 槍棒 ，亦都 學會咗 幾樣 武藝 。
佢 平生 最好 結識 江湖上 嘅 好漢 ，但凡 有人 嚟 投奔 佢 ，高 又 好 低 又 好 ，冇 話 唔 接待 嘅 ，都 留 喺 自己 間 莊 處 食宿 ，成日 噉 陪伴住 都 冇 厭煩 。
如果話 要 離開咯 ，仲 盡力 資助 路費 使用 添 。
有人 求親 佢 借錢 呀 從來 冇 託 手 踭。
你話 有 咩 官司 糾紛 喎 ，搵 佢 去 幫忙 解決 佢 梗係 盡力而為 ，能夠 救 你 就 救 你 。
平日 ，時時 佢 都 做好心 施捨 棺材 醫藥 ，周濟 啲 貧苦 人家 ，因此 呢 ，喺 山東 、河北 啊 都 聞晒名 ，都 稱 佢 做 及時雨 。
當時 宋江 帶住 一個 隨從 ，喺 縣衙門 行 出嚟 。
何濤 即刻 行前 迎上去 話 ：押司 ，請 到 茶坊 飲 杯 茶 。
宋江見 佢 係 個 官府 人員 噉 嘅 打扮 ， 就 連忙 答禮 話 ： 尊兄 係 邊度 㗎 ？
請 押司 到 茶坊 坐下 飲 杯 茶 ，有 幾句 說話 要 同 押司 講 。
好 ，請 。
兩個人 行入去 茶坊 坐落 ，帶嚟 嘅 隨從 呢 ，就 叫 佢哋 喺 門外 便 等候 。
宋江 問 佢 ：請問 尊兄 貴姓 啊 ？
小人 係 濟州府 緝捕 使臣 何 觀察 。
請問 押司 高 姓 大名 ？
哎 有 眼 不識 觀察 ，請 多多 原諒 ，小吏 姓 宋 名 江 。
何濤 一 聽見 跪低 就 拜話 ：久聞 大名 咯 ，只係 無緣 結識 唧 。
不敢 ，不敢 ，觀察 請 上座 。
哎呀 小人 不敢 。
觀察 係 上司 衙門 嘅 人 ，又 係 遠來 之 客 ，請 ，請 。
兩個人 謙讓 咗 一輪 ，宋江 就 坐 咗 主位 ，何濤 就 坐 客席 。
宋江叫 茶博士 沖 兩杯 茶 嚟 ， 飲 咗 茶 宋江 就問 ：
觀察 嚟到 敝縣 ，唔知 上司 有 咩 公務 呢 ？
實不相瞞 ，呢次 嚟到 貴縣 ，係 為咗 幾個 好緊要 嘅 人 。
係唔係 有關 賊情 嘅 公事 啊 ？
呢處 有 一 封 密封 嘅 公文 ，請 押司 幫忙 啊 。
乜 說話 呢 ，觀察 係 上司 派 嚟 捉拿 盜賊 嘅 人 ，小吏 理應 盡力 。
唔知 呢件 賊情 係 點 嘅 呢 ？
押司 你 係 管 呢啲 事 嘅 ，同 你 講 下 亦都 不妨 ，係噉嘅 ，敝府 管轄 下 有 處 地方 叫做 黃泥岡 。
有 一班 賊 ，總共 八 個 人 ，就 喺 黃泥岡 ，將 北京 大名府 梁 中書 ，派 去 送 生辰綱 畀 蔡 太師 嘅 軍士 一 十五 個 人 ，用 蒙汗藥 麻醉 咗 ，劫走 咗 十一 擔 珍珠 寶貝 ，總計 十萬 貫 贓款 啊 。
而家 呢 ，已經 捉到 從 賊 一 名 叫做 白勝 ，佢 供認 話 七 個 正 賊 ，都 喺 貴縣 嚟 。
最近 ，太師府 特登 派咗 一個 府幹 ，住喺 敝府 嚟 ，等住 要 破 呢個 案 ，希望 押司 多多 協助 。
當然 啦 當然 啦 ， 唔 好 講話 係 太師 嘅 吩咐 啦 ， 就算 係 觀察 你 送 公文 嚟 要 ， 敢 話 唔 去 捉 嚟 交 畀 觀察 咩 ？
誒 ，唔知 白勝 供認 嗰 七個人 叫 咩嘢名 ？
可以 講畀 押司 你 聽 ，係 貴縣 東溪村 晁保正 為首 。
仲有 六名 從 賊 ，唔知 姓名 ，勞煩 押司 你 費心 。
宋江 聽到 呀 ，嚇咗 一大驚 ，佢 諗 ：
哎呀 ，晁蓋 係 我 嘅 心腹 弟兄 ，佢 而家 犯咗 彌天大罪 ，如果 我 唔 救 佢 一捉咗 去 就 冇命 咯 。
呢 ， 宋江 即 係 宋江 ， 佢 個 心驚 還驚 ， 之 佢 仲 係 噉 話 喎 ： 係 晁蓋 呀 ？
哼 ，晁蓋 呢個 傢伙 素來 非常 奸狡 ，本 縣 嘅 人 呀 ，上上下下 冇 一 個 唔 憎 佢 嘅 。
而家 搞咗 單噉嘅 嘢 出嚟 ，有得 佢 受 㗎 喇 。
噉就勞煩押司你辦妥呢件事呢 。
冇緊要 ，呢件事 容易 唧 ，正所謂 甕中捉鱉 手到拿來 。
不過噉 ，呢封 密封嘅 公文 ，必須 觀察 你 自己 親自 交到 至得 ，等 本官 睇咗 ，就 可以 當堂 下令 派人 去 捉 。
小吏 點敢 擅自 拆開 呢 ？ 呢 件 公事 非同小可 ， 千祈 唔 能夠 洩 露出 去 。
冇錯冇錯 ，押司 高見 ，噉就 勞煩 押司 你 帶 我 去 。
得 ，不過 本官 處理咗 成朝 嘅 事務 去咗 休息 。
觀察 稍為 等一下 ，等陣 升堂 辦公 喇 ，小吏 再 嚟 相請 。
噉好 ，希望 押司 千萬 幫忙 啊 。
唔好噉講 ，呢啲 都係 小吏 該 做 嘅 事 。
觀察 請 喺度 坐下 先 ，小吏 而家 要 返去 寒舍 一轉 ，交帶 下 啲 家務 就 返嚟 嘞 。
押司 請便 ，小弟 就 喺 呢處 等候 。
宋江 起身 行到 去 門口 就 吩咐 個 茶博士 話 ：呢位 官人 如果 仲 要 飲茶 就 上埋 我 數 啦 。
宋江 一 離開咗 茶坊 ，就 步步 尺七噉 趕返 去 住宿 嘅 地方 。
佢 吩咐 個 隨從 ，去 叫 直司 喺 茶坊 門口 等住 。
話畀佢聽 ，如果 知 縣 升堂 辦公 喇 ，就 入去 茶坊 同 何濤 講 ，叫 佢 唔使 心急 嘅 ，押司 就 嚟 喇 ，請 佢 稍為 等 一等 啦噉 。
等個隨從 去咗 ，宋江 備好 馬 ，由 後門 出去 ，攞起 條 馬鞭 ，霎聲 上咗 馬 。
但係呢 ，又 唔好 顯出 慌張 啊 ，仲係 滋滋悠悠 ，𠽤𠽤𡃈𡃈噉 慢慢 行出咗 縣城 。
一出咗東門 ，即刻 打咗 兩鞭 ，嗰隻馬 就 放開 四蹄 飛噉 跑去 東溪村 嘞 。
唔使 半個 時辰 ，就 嚟到 晁蓋 屋企 。
莊客 見到 宋江 騎馬 趕到 咪 即刻 入去 通知 啦 。
哎 ，正是 義重輕 他 不義 財 ，奉天法網 有時 開 。剝 民 官府 過於 賊 ，應 為 知交 放 賊 來 啊 。
呢一日 ，晁蓋 正 話 同 吳用 、公孫勝 、劉唐 佢哋 三個人 ，喺 後花園 葡萄樹 下 便 飲酒 。
呢個 時候 呢 ，阮家 三 兄弟 啊 ，已經 分咗 啲 錢財 返咗 去 石碣村 。
飲飲下酒 ，晁蓋 聽見 莊客 嚟 報告 話 宋押司 嚟到 門口 喇噉 。
晁蓋 就 問 ：有 幾多 人 跟住 嚟 啊 ？
宋押司 淨係 一個人 嚟 咋噃 ，話 急住 要 見 保正 喎 。
嗯 ，梗係 有事 。晁蓋 即刻 就 出去 迎接 。
宋江 敬咗 個 禮 ，拖住 晁蓋 隻 手 就 行咗 入去 旁邊 一 間 房仔 裏 便 。
晁蓋 問 佢 話 ：押司 點解 嚟得 咁 慌慌忙忙 噉 啊 ？
哎呀 ，大哥 你 都 仲 唔知 ，我哋 係 心腹 兄弟 ，我 而家 拼咗 條命 嚟 救 你 啊 。
吓 ？咩嘢事 啊 ？
大哥 ，而家 黃泥岡 嘅 事 穿咗 煲 喇 ！
吓 ？
白勝 已經 畀 官府 捉咗 韞住 喺 濟州 嘅 監倉 嚟 啊 ，佢 供咗 你哋 七個 人 出嚟 。
而家 ，濟州府 派咗 個 緝捕 叫做 何濤 ，帶住 一班 人 ，奉咗 太師府 同埋 本州 嘅 命令 ，嚟 捉 你哋 七個 人 啊 ，話 係 你 為首 㗎 喎 。
好彩 呢件事 ，撞正 喺 我 隻手 處 。
我 推 佢 話 知縣 瞓 咗 ， 叫 佢 哋 喺 縣衙門 對面 嗰 間 茶坊 裏 便 等 我 ， 我 就 飛馬 趕 嚟 話 畀 大哥 你 聽 。
三十六計 走為上計 啊 大哥 ，而家 仲 唔快啲 走 呀 仲 等 啲 乜嘢 吖 ？
我 而家 返去 ，帶 佢 去 見 知縣 面交 公文 ，噉 知縣 冇 幾耐 就 會 派 人 漏夜 趕嚟 㗎喇 。
你哋 唔好 耽擱 咯 ，有 咩嘢 疏忽 就 不得了 。
嗰陣 就 唔好 怨 小弟 唔嚟 救 你 咯 。
賢弟 ，你嘅 大恩 難報 啊 ！
大哥 ，你 唔好 講 咁多 ，快啲 準備 走路 罷啦 ，千祈 唔好 拖延 啊吓 ，我 而家 返去 喇 。
我哋 七個人 ，其中 三個 係 阮小二 、阮小五 、阮小七 ，佢哋 已經 分到 錢財 返咗 去 石碣村 。
後便 呢 仲 有 三個 人 喺度 ，我 同 賢弟 你 去 見 佢哋 一面 啦 。
好啊 。
於是 晁蓋 就 帶住 宋江 去到 後花園 ，晁蓋 介紹 話 ：
呢 三位 ， 一個 係 吳 學究 ； 一個 公孫勝 ， 係 薊州 人 嚟 ； 一個 係 劉唐 ， 東潞州 人 。
介紹完 宋江 講聲話 對唔住 失陪 喇噉 ，就 告別咗 大家 出到 嚟 莊門口 ，上咗 馬 ，打咗 兩 鞭 ，就 飛 咁快噉 跑返去 縣城 。
宋江 扯咗 之後 ，晁蓋 就 同 吳用 、公孫勝 、劉唐 三個人 話 ：
你哋 識唔識得 先頭 我 帶嚟 同 你哋 見面 嗰個 人 啊 ？
吳用 話 ： 係 邊個 嚟 啊 ？ 點解 慌慌忙忙 噉 就 走 咗 嘞 呢 ？
晁蓋話 ：你哋 三個 仲 烏瀡瀡 呢 ，如果 今日 唔係 得 佢 嚟 呀 ，我哋 條命 就 凍過 水 咯 。
吓 ， 唔 通 走漏 咗 消息 嗰 件 事 穿 咗 煲 ？
噉唔係 ，好彩 多得 呢個 兄弟 咋 ，佢 拼咗 條命 走嚟 同 我哋 報信 。
原來 ，白勝 已經 畀 人哋 捉咗 韞 喺 濟州 監倉 嚟 ，佢 供咗 我哋 七個人 出嚟 。
噉濟州府 呢 ，就 派咗 個 緝捕 何觀察 帶咗 一班 人 ，奉咗 太師 嘅 命令 ，督促 鄆城 縣 馬上 要 捉拿 我哋 七個人 。
好 在 佢 氹 住 嗰 個 何 觀察 ， 喺 茶坊 裏 便 等 佢 ， 佢 就 飛馬 趕 嚟 報個 信 畀 我 哋 知 。
呢 ， 而 家 佢 返 去 喇 ， 佢 一 送 公文 畀 縣官 ， 即刻 就 會派 人 漏夜 趕 嚟 捉 我 哋 㗎 喇 ， 噉 我 哋 點算 好 呢 ？
吳用 話 喇 ：哎呀 ，如果 唔係 得 呢個 人 走嚟 報信 呀 ，我哋 就 會 畀 人哋 一網打盡 㗎 喇 。
係 喇 ， 呢 位大 恩人 高姓大名 啊 ？
晁蓋話 ：佢 就係 本縣 押司 ，呼保義 宋江 吖嘛 。
吳用話 ：平時 只係 聽聞 押司 嘅 大名 ，都 未曾 有 機會 見面 。
雖然 彼此 住得 咁 近 ，就係 冇緣 難得 見面 。
公孫勝 同 劉唐 一齊 話 ：係唔係 江湖 上 傳說 嗰個 及時雨 宋公明 ？
晁蓋 岌岌 頭噉 話 ：
冇錯喇 就係 佢 喇 ，佢 同 我 係 心腹 相交 結義 兄弟 。
四海之內 名不虛傳 。
不枉 我 結義咗 呢個 兄弟 。
係喇教授 ，我哋 事在危急 ，而家 點好呢 ？
吳用 就 話 ：兄長 唔使 商量 咁多 咯 ，三十六計 ，走 為 上計 。
先頭 宋押司 都 話 我哋 走 為 上計 ，之 走去 邊度 好 呢 ？
我 已經 諗妥晒 打好 腹稿 㗎 喇 。
而家 呢 ，我哋 將 啲 財物 執拾 好 ，分 做 六七 擔 嚟 擔 ，一齊 趯 去 石碣村 三阮 屋企 。
而家 ，要 快啲 派 一個 人 去 ，講聲 畀 佢哋 三 兄弟 知 。
晁蓋 就 話 喇 ：嗯 ，三阮 係 個 打魚人家 ，點 招得 我哋 十幾個 人 咁多 啊 ？
吳用 就 話 喇 ：兄長 呀 ，乜 你 一下 咁 懵 嘅 ？嗱 ，喺 石碣村 ，一步一步 噉 行近 過去 就係 梁山泊 啦 嘛 ，嗰度 呀 唔知 幾 興旺 啊 。
啲 官軍 話 去 捉 賊 喎 ，哼 ，正眼 都 唔 敢 望 下 佢哋 啊 。
如果 追得緊 ，我哋 就 一齊 去 入夥 。
