楊志 同 曹正 呀 真係 不打不成相識 ，哈 打咗 一輪 交 ，仲 做咗 朋友 添 。
曹正啊 請 楊志 再 返去 佢 間 酒店 ，入到 裏 便 坐落 ，就 嗌 佢 老婆 同 舅仔 都 嚟 拜見 過 楊志 。
一面 呢 ，又再 擺過 酒 嚟 招待 佢 。
喺 飲酒 嘅 時候 ，曹正 問 楊志 為咩事 會 嚟到 呢處 啊噉 。
楊志呢 ，就 將 自己 做 制使 失落咗 花石綱 ，同埋 而家 又 失咗 梁中書 嘅 生辰綱 呢啲 事情 啊 ，從頭到尾 講晒 畀 曹正 聽 。
曹正就話 ：既然 係噉 ，制使 不如 就 喺 小人 嘅 屋企 住住 先 ，以後 再 商量 啦 。
好感激 你嘅 厚意 ，就係 怕 官府 追捕 到嚟 ，呢度 唔逗留得 啊 。
噉制 使 你 想 去 邊度 呢 ？
我 ，我想去 梁山泊 ，搵 你嘅 師父 林教頭 。
以前 ，我 喺 嗰度 經過 ，撞啱 佢 落山 同 我 交過 手 。
王倫 睇見 我哋 兩個 一樣 咁好 本事 ，就 請咗 上去 山寨 見面 ，所以 我 噉 先至 認得 你 嘅 師父 林沖 唧 。
當初 ，王倫 苦苦 要 留 我 喺度 ，嗰陣時 我 唔肯 落草 ，到 而家 自己 塊面 上面 又 多咗 兩行 金印 嘞 ，噉 先至 去 投奔 佢 ，哎 就 好 冇癮 。
所以 我 仲係 躊躇緊 ，進退兩難 。
係啊 ，制使 你 諗得到 。
小人 亦都 聽 人哋 傳說 過 喇 ，話 王倫 嗰個 傢伙 呀 ，心地 好 狹隘 ，唔 容得 人 嘅 噉 話 。
聽聞 我 個 師父 林 教頭 上山 嗰 陣 呀 ，受盡 佢 幾多 氣 啊 。
啊不如噉啦 ，離開 呢度 冇 幾 遠 ，就係 青州 嘅 地面 嘞 ，有 一 座 山 叫做 二龍山 。
山上面 有 一間 寺 叫做 寶珠寺 。
呢座山 呢 ，包含 呢間寺 嘅 ，只係 得 一條路 上去 嘅啫 。
而家 間 寺 裏 便 嘅 住持 還咗 俗 ，留返 頭髮 ，留低 落嚟 嗰啲 和尚 呢 都 跟埋 佢 噉樣 。
聽聞 佢 聚集咗 四五百 人 ，打家劫舍 。
做頭嗰個人 叫做 金眼虎鄧龍 。
制使 你 如果 係 有心 落草 咯 ，就 去 二龍山 入夥 就 可以 安身 啦 。
係喎 ，既然 有 個 咁好 嘅 地方 ，去 搶 咗 佢 嚟 安身立命 ，豈唔係 好 ？
當晚 ，楊志 就 喺 曹正 屋企 住咗 一夜 。
第二日 ，佢 借咗 啲 錢 ，攞起 朴刀 ，同 曹正 分別咗 就 邁開 腳步 去 二龍山 嘞 。
行咗 一日 ，到 挨晚 嘅 時候 就 望見 前面 有 一座 高山 。
楊志諗 ：就 喺 樹林 裏 便 休息 一 晚 先 ，聽日 先至 上山 。
佢 入到去 樹林 ，咦 ？嚇咗 佢 一跳 ，咩嘢 呢 ？
原來 見到 有 個 又 肥 又 大 嘅 和尚 ，除光晒 衣服 ，背脊 上 便 刺住 花獸 嘅 ，坐 喺 樹頭 唞涼 喎 。
嗰個 和尚 見到 楊志 行到 入嚟 ，喺 樹頭 揦起 支 禪杖 跳起身 大聲 噉 話 ：
喂 ，你 個 衰公 ，喺 邊度 嚟 㗎 ？
楊志 聽見 佢 把 聲 就 諗 ：哦 ？呵呵 ，原來 係 個 關西 和尚 唄 ，鄉里 嚟 喎 ，問 佢 一 聲 至 得 。
喂 ，你 係 邊度 嚟 嘅 和尚 啊 ？
點知 嗰個 和尚 理 都 唔理 佢 ，舞住 支 禪杖 就 打過嚟 。
吖豈有此理 你 呢個 光頭佬 咁 無禮 啊 ，好 ，將 你 嚟 出 下氣 至得 。
於是 楊志 就 舞起 手上 嗰把 朴刀 ，同 呢個 和尚 打過 。
兩個人 ，就 喺 樹林 裏 便 打起上嚟 ，鬥 咗 四五十 個 回合 ，不分 勝敗 。
嗰個 和尚 賣 個 破綻 ，啪聲 跳出 圈外 ，佢 話 喇 ：暫停 ！
兩個人 都 收咗 手 。
楊志 個 心 暗暗 喝彩 ：哈 呢個 和尚 吖 ，邊度 嚟 嘅 呢吓 真 好 本事 ！我 先至 話 啱啱 打得過 佢 啫 。
嗰 個 和尚 話 喇 ： 喂 ， 青面 佬 ， 你 係 咩 嘢 人 啊 ？
我就係 東京 制使 楊志 。
係唔係 喺 東京 賣 刀 ，殺咗 爛仔 牛二 嗰個 啊 ？
你唔見我面上面刺嘅金印咩 ？
哈哈 ，想唔到 喺呢度 同 你 見面 呀 。
師兄 ，你 係 邊位 ？點解 知道 我 賣刀 呢 ？
我就係 延安府 ，老種 經略 相公 ，帳前 軍官 魯提轄 。
為因 我 三拳 打死咗 鎮關西 ，去咗 五台山 ，削發為僧 。
人哋 見 我 背脊 上面 刺咗 花 嘅 ，都 叫 我 做 花和尚 魯智深 。
哈哈哈哈哈哈哈 ，我哋 原來 係 鄉里 嚟 ，我 喺 江湖 上 時時 都 聽聞 師兄 嘅 大名 㗎 喇 。
我 聽講 ，話 師兄 喺 大相國寺 掛單 ，點解 而家 又 走到嚟 呢度 呢 ？
係 ，一言難盡 喇 。
嗰陣時 ，我 喺 大相國寺 管 菜園 ，遇啱 嗰個 豹子頭 林沖 ，畀 高太尉 陷害 佢 ，想 攞 佢 條命 。
我啊路見不平 ，一直 將佢送到去滄州 ，救咗佢一命 。
點知 嗰 兩個 押解 差人 ，返到去 東京 又 講畀 高俅 聽 。
話佢哋啱啱想 喺 野豬林 殺咗 林沖 ，就 畀 大相國寺 魯智深 救咗 ，嗰個 和尚 ，又 一直 送 到 去 滄州 ，因此 就 害 佢 唔成 噉 。
嗰個 衰神 就 嬲死 我 啦 ，吩咐 大相國寺 嘅 長老 ，唔准 我 喺度 掛單 ，又 派 人 嚟 捉 我 喎 。
好在 我 得到 一班 地踎 通風報信 ，如果 唔係 呀 就 領晒 嘢 喇 。
我 嬲 起上嚟 ，一把火 燒咗 菜園 嗰 間 舊 官署 ，趯咗 出嚟 ，喺 江湖 上 流落 ，東 又 唔着 ，西 又 唔着 。
有一日 ，我 經過 孟州 十字坡 ，嘿 ！爭啲 畀 嗰間 酒店 嘅 女人 呀 害咗 我 條命 ，佢 用 蒙汗藥 ，將 我 麻醉咗 。
好彩 個 老公 返到嚟 ，見到 我 噉嘅 樣 ，又 見到 我 支 禪杖 同 戒刀 ，吃咗 一驚 ，即刻 用 啲 解藥 嚟 救返醒 我 。
問起 我 個 名 ，就 留 我 喺 佢 嗰度 住咗 幾 日 ，仲 同 我 結拜 做 咗 兄弟 添 。
佢哋 兩 公婆 呀 ，亦都 係 江湖 上 有名 嘅 好漢 嚟 㗎 。
嗰 個 男人 ， 叫做 菜園子 張青 ， 佢 老婆 ， 叫做 母夜叉 孫 二娘 ， 兩個 都 認真 講義 氣 嘅 。
我 喺 佢 嗰度 住咗 四五日 ，打聽到 呢度 嘅 二龍山 寶珠寺 可以 安身 ，我 就 特登 走到 嚟 想話 投奔 佢 鄧龍 入夥 啦 。
豈有此理 吖 ， 誒 嗰 個 傢伙 唔 肯 收留 我 ， 同 我 打起 上 嚟 ， 哈 又 唔 夠我 打 喎 ， 噉 就將 山下 三座 關口 冚𠾴唥 閂 到 實 一 實 。
嗰處 只係 得 一條 路 上 得去 嘅啫 ，嗰個 衰公 由得 你 點 鬧 都 好 ，死 都 唔肯 落嚟 同 你 打過 。
氣到 我 呀 ，而家 喺度 冇晒 修 ，想唔到 喺 呢度 就 遇到 大哥 你 嘞 。
楊志 聽咗 好 高興 ，兩個人 互相 拜咗 幾 拜 ，就 喺 樹林 裏 便 過咗 一 晚 。
楊志 將 賣 刀 殺死 牛二 同埋 押解 生辰綱 ，又 失陷 咗 等等 嘅 經過 ，都 詳詳細細 噉 ，講咗 畀 魯智深 聽 。
佢 又 話 係 曹正 指點 佢 嚟 二龍山 嘅 。
楊志 就 話 喇 ：
噉而家 ，鄧龍 既然 閂死咗 啲 關口 ，我哋 就 無謂 喺 呢度 啦 。
點先 等得 佢 落山 呢 ？不如 去 曹正 屋企 商量 下 先 呢 。
第二日 ，佢哋 兩個 趕住 行返去 曹正間 酒店 。
楊志 介紹 魯智深 同 佢 相識 ，曹正 就 連忙 擺酒 款待 ，一齊 嚟 商量 打 二龍山 嘅 事 。
曹正話 ：如果 佢 真係 閂死晒 啲 關口 ，咪 講話 你哋 兩位 啦 ，就算 係 有 一萬 兵馬 ，都 唔 上得去 㗎 。
照噉睇呀 ，只能 智取 不可 力求 啊 。
魯智深 就 話 ：最衰 就係 嗰個 嘢 㗎喇 ，我 初初 去 投奔 佢 嘅 時候 ，佢冇 請 我 上山 ，只係 喺 關口 外 便 相見 唧 。
因為 唔 肯留 我 ， 我 就 同 佢 打 起 上 嚟 啦 。
嗰個嘢 嘅 小肚 畀 我 一腳 踢到 正 ，將 佢 成個 踢低咗 。
我 正話 想 上去 攞 佢 條命 ，不過 佢啲人 多 就 畀 佢哋 救 咗 上山 ，就 閂實 咗 啲 關口 任得 你 點 鬧 佢 ，就 硬係 唔肯 落嚟 打 。
楊志話 ：既然 嗰處 咁好 ，我 同 你 幾大 都 要 畀足心機 去 打 。
嘿 ！就係 冇辦法 上得去 ，奈佢唔何呢 ！
曹正 就 話 ：小人 有 一條 計仔 ，唔知 兩位 話 好唔好 唧 ？
楊志話 ：你 講嚟 聽下 。
嗱， 小人 呢 ， 就將 呢 位 師父 嘅 禪杖 、 戒刀 都 攞 住 ， 叫 小人 個舅 仔帶 六個 夥記 ， 將 師父 送到 去 山腳 用條 繩 綁住 師父 ， 小人 會 打活 裂 嘅 。
制使呢 ，亦都 要 換過 裝束 ，打扮 成 呢處 附近 村莊 啲 莊客 噉樣 又 同埋 一齊 去 。
去到 山腳 我哋 就 嗌 ：
話 我哋 呢 ，係 喺 附近 開 酒店 嘅 ，呢個 和尚 ，嚟 我哋 間 酒店 飲酒 ，飲到 大醉 又 唔肯 畀 錢 ，仲 講 咩 嘢 要 去 班 馬 嚟 打 你 個 山寨 啊 。
我哋 聽到 之後 ，就 趁 佢 飲醉咗酒 ，就 將 佢 綁起嚟 ，獻畀 大王 啊噉 。
嗰個 傢伙 聽 我哋 噉樣 講 ，就 實放 我哋 上 山 㗎嘛 。
我哋 入到去 佢 嘅 山寨 裏 便 呢 ，一 見到 鄧龍 ，就 將 綁 師父 嗰個 活 裂 一掹掹 開 佢 ，小人 就 即刻 將 禪杖 交 畀 師父 。
到其時 ，你哋 兩位 好漢 一齊 上 ，嗰個 傢伙 呀 仲 走得去 邊處 吖 ！
嗱 ，如果 殺死咗 嗰個 嘢 ，其他 嗰啲 人 就 唔敢 話 唔服 㗎 喇 。
呢條 計仔 你哋 兩位 話 點吖 ？
魯智深 同 楊志 一齊 話 ：好計啊 ！妙哉 ，妙哉啊 ！
當晚 ，大家 飲咗 一餐酒 ，又 準備咗 一啲 喺 路上 食 嘅 乾糧 。
第日五更 就 起身 ，大家 都 食飽咗 早飯 。
魯智深 將 啲 行李 包裹 都 擠咗 喺 曹正 屋企 嚟 。
噉 當日 啊 ，楊志 、魯智深 、曹正 ，帶住 舅仔 同 六七個 莊客 ，就 去 二龍山 咯 喎 。
行到 下午 ，嚟到 嗰座 樹林 嘞 。
入到 去 樹林 除 咗 衣服 ， 將 魯智深 用繩 綁 起 嚟 打 咗 個 活結 ， 就 叫 兩個 莊客 緊緊 噉 揸 住 條繩頭 。
楊志 帶住 一 頂 遮日頭 嘅 草笠 ，着返 一件 爛布衫 ，倒提住 把 朴刀 ，扮成 個 鄉下人 噉 。
曹正 呢 ，就 揸住 魯智深 嘅 禪杖 。
其他嘅人 都 帶住 槍棒 ，前前後後 噉 圍實 。
好 喇 ， 嚟 到 山腳 喇 ， 睇 下 嗰 個 關口 呀 ， 都 擺 住 晒 強弩 硬弓 灰瓶炮 石 嘅 。
嗰啲 小嘍啰 喺 關口 上 便 ，睇見 綁咗 嗰個 和尚 嚟 唄 就 飛 咁 快 趯 上去 山 報告 咯 喎 。
冇幾耐 ，有 兩個 小頭目 上去 關 上面 問 喇 ：
喂 ！你哋 係 邊度 人 啊 ？嚟 我哋 呢度 做 咩 嘢 事 啊 ？喺 邊度 捉到 呢個 和尚 㗎 吓 ？
曹正 就 回答 佢 話 喇 ：
我哋 都係 山腳 附近 村莊 嘅 ，開咗 一間 小 酒店 。
呢個 肥和尚 呀 ，周時 都 嚟 我哋 間 店 飲酒 嘅 ，飲到 酩酊大醉 又 唔肯 畀 錢 喎 。
佢 話 要 去 梁山泊 ，叫 千零個人 嚟 打落 呢座 二龍山 ，連 你哋 呢處 附近 嘅 村莊 都 搶 清光 噉 話 。
所以 小人 就 用 啲 好 酒 嚟 請 佢 飲 ， 灌醉 咗 佢 ， 用條 繩 就 將 佢 綁住 ， 拉到 呢 度 獻 畀 大王 ， 表明 下 我 哋 村莊 對 大王 孝順 之心 ， 亦 除 咗 我 哋 村莊 嘅 後患 啊 。
兩個 小頭目 聽咗 呢番 說話 ，歡天喜地 噉 講 ：
好極喇 ！你哋 大家 喺度 等陣 先吓 。
兩個 小頭目 ，即刻 上山 去 報告 畀 鄧龍 知 ，話 捉到 嗰個 肥和尚 喇噉 。
鄧龍 聽到 就 高興 到 不得了 ，佢 大叫 話 ：
拉 佢 上 嚟 拉 佢 上 嚟 ， 我 要 劏 咗 佢 ，攞 咗 呢 個 嘢 嘅 心肝 嚟 送 酒 ， 報仇雪恨 啊 ！
小嘍啰 得咗 佢 嘅 命令 ，就 將 關隘 啲 門 打開 ，叫話 將 魯智深 拉 上嚟 咯噃 。
楊志 同 曹正 緊緊噉 押住 魯智深 上山 。
睇下 嗰 三座 關 ，嘿呀 ，確係 非常 險峻 㗎 。
嗱 ，嗰座 山 呢 ，喺 兩便 環繞 過嚟 ，包住 呢座 寶珠寺 。
山峰啊 非常之 雄壯 ，中間 ，只係 有 一條 路 上關 嘅 啫 。
有 三座 關隘 ，重重 都 擺住 擂木炮石 ，硬弩 強弓 ，啲 苦竹槍 呀 ，密密噉 插住 晒 。
過咗 呢 三座 關閘 ，就 嚟到 寶珠寺 嘞 。
呢間寺 有 三座 殿門 嘅 ，前便 ，有 一 笪鏡面 噉嘅 平地 ，周圍 都 係 木柵欄 圍住 好似 城牆 噉 。
有 幾個 小嘍啰 企 喺 山門 下 便 ，見到 綁 咗 魯智深 嚟 喇 ，都 指手畫腳 噉 鬧 ：
你呢個禿驢吖 ，打傷咗 我哋 大王 ，嘿嘿 ，今日 都 會 畀人 捉住 啊呢 。
好啊 ，慢慢噉 一件件 割咗 你 。
魯智深 聽咗 呀 ，喺 個 肚 處 咕咕聲 咁 偷笑 ：嘿嘿 都 唔知 邊個 割 邊個 啫 。
佢 忍住 先 ，唔 出聲 。
押到入去佛殿 ，原來 間殿 裏頭 將啲佛像 都 搬走晒 ，中間 就 放住 一張 虎皮 交椅 ；
成班 小嘍啰 攞住 槍棒 ，企住 喺 兩便 嚟 。
冇幾耐 ，只見 兩個 小嘍啰 就 扶住 鄧龍 出嚟 嘞 ，佢 坐 喺 張 虎皮 交椅 度 。
曹正 、楊志 呢 ，就 緊緊噉 傍住 魯智深 行到 台階 下 便 。
鄧龍 話 喇 ：哈哈 你 呢個 禿驢 ，前日 踢 低 我 ，踢傷 我 個 小肚 ，到 而家 都 仲 未曾 消腫 啊 。
估唔到 今日 都會 有 見 我 嘅 時候 呢 。
話口未完 ，魯智深 將 對眼 一瞪 ，大喝 一聲 話 你 衰公 咪 走 ！
兩個 莊客 ，將 條 繩頭 一 掹 ，掹甩咗 個 活結 ，即刻 就 鬆咗 繩 。
魯智深 喺 曹正 嘅 手上 接過 支 禪杖 ，呼呼聲 就 舞起 上嚟 。
楊志 掉咗 件 草笠 ，提起 把 朴刀 。
曹正 就 舞起 條 棍 。
嗰班 莊客 一齊 逳 手 打上去 咯 喎 。
鄧龍 急急 想 話 掙扎 啦 ，嘿嚟 唔切 咯 ，畀 魯智深 當頭 一 禪杖 㩧 過去 ，將 個 頭殼 呀 劈開 成 兩邊 ，連 交椅 都 打爛 埋 。
佢 手下 嗰 啲 嘍啰 ，畀 楊志 幾刀 就 斬低 咗 四五個 咯 。
曹正 就 大叫 話 ：都 嚟 投降 ！如果 唔聽 嘅 冚𠾴唥 處死 ！
哎呀 ，寺前 寺後 五六百 個 小嘍啰 同 幾個 小頭目 ，嚇到 傻晒 ，就 只有 投降 啦 。
跟住 ，就 叫 人 將 鄧龍 佢哋 幾個 嘅 屍首 ，抬 去 後山 焚化 咗 。
一便 ，又 去 查點 倉庫 ，整頓 房屋 ，再 去 睇 下 間 寺 後 便 有 幾多 物件 ，然後 先至 開飯 食 。
從此呢 ，魯智深 同 楊志 做咗 山寨之主 ，噉啊 照例 擺酒 慶賀 啦 。
啲 小嘍啰 呀 全部 歸降 ，仍然 設 幾個 小頭目 嚟到 率領 。
曹正 辭別 咗 兩位 好漢 ，帶住 幾個 莊客 就 落山 返去 屋企 ，呢啲 呢 就 唔 講住 喇 。
而家 又 講返 押運 生辰 綱 嗰個 老 都 管 同埋 嗰班 廂 禁 軍 啊 ，一路 搏命 咁 行 就 趕返 去 北京 。
返到去 梁中書府 ，一直 就 入到 大廳 ，齊齊 跪低 請罪 嘞 。
梁中書 就 唔知 東班 㗎 就 話 ：
吓 你哋 一路 辛苦 喇 ，難為 咗 你哋 咯 。
誒 ，楊提轄 呢 ？喺 邊度 嚟 啊 ？
相公 呀 ， 唔 好 提 佢 喇 ， 呢 個 嘢 呀 ， 係 個 大膽 忘恩 嘅 賊 啊 ！
自從 離開 呢度 十幾日 之後 ，有 一日 ，行到 去 黃泥岡 ，個 天 熱得 好 厲害 ，就 喺 嗰個 樹林 裏 便 休息 啦 。
點知 楊志 同 七個 賊佬 打籠通 ，叫 佢哋 扮成 賣 紅棗 嘅 客商 ，預先 就 推咗 七架 雞公車 ，喺 樹林 裏 便 等住 嘞 。
又叫 一個 男人 ，擔住 一擔 酒 上嚟 山岡 。
我哋 當時 呀 買咗 佢啲 酒 飲 ，嗯 畀 嗰個 嘢 ，用 蒙汗藥 麻醉 晒 又 用 繩 嚟 將 我哋 綁實 。
噉 楊志同 嗰 七個 賊佬 呢 ，就 將 生辰 綱珠寶 同 啲 行李 ，冚𠾴 唥 裝咗 上 啲 雞公車 劫走晒 。
小人 已經 去咗 當地 濟州府 報咗案 ，留低 兩個 虞候 喺度 聽候 消息 。
小人 等 就 星夜 趕返 嚟 報告 畀 恩 相知 啊 。
梁 中書 聽咗 啊大 吃一驚 ：
你呢個賊配軍吖 ，你係個犯咗罪嘅監犯啊 ，我一力抬舉你成人 ，吓 ，居然 你做出啲咁忘恩負義嘅事 。
哼 ！ 我 如果 捉到 你 呢 ， 就要 將你 碎屍萬段 ！
梁中書 即刻 叫 個 書吏 嚟 ，寫咗 封 文書 ，派 人 星夜 送 去 濟州 。
又 寫咗 封 家信 ，亦都 派人 漏夜 送去 東京 就 報畀 太師 知道 。
去到 東京 見到 太師 ，呈上咗 嗰封 信 。
蔡太師 打開嚟 一 睇 誒呀 大吃一驚 。
嘩 嗨 ！ 呢 班 賊 佬 ， 膽大包天 啊 ！
舊年 ，將 我 女婿 送嚟 嘅 禮物 打劫 咗 去 ，到 而家 都 仲 未曾 破獲 ，今年 又 嚟 打劫 ，噉 仲 得了 嘅 ！
蔡太師 就 當堂 簽署咗 一封 公文 ，派 一個 府幹 ，親自 帶去 濟州 ，命令 府尹 要 立即 破案 捉拿 呢 一班 賊人 等 住 回報 。
而家 講 下 嗰個 濟州 府尹 ，佢 自從 收到 咗 北京 大名府 留守司 梁中書 嘅 公事 ，日日 都 商量 唔掂 。
正喺度愁悶緊 ，呢一日 ，門吏 嚟 報告 話 ：東京 太師府 派咗 個 府幹 嚟到 ，話 有 緊急 公文 要 見 相公 喎 。
哎呀 ，呵呵呵 弊喇 ，誒 實係 生辰綱 嘅 事喇 。
府尹 即刻 升堂 ，同 府幹 見咗面 就 話 喇 ：
誒 呢件事 呢 ，下官 已經 收咗 梁府 虞候 送嚟 嘅 狀 ，誒又 已經 派咗 緝捕人員 去 查 㗎 喇 ，之到 而家 仲未 有 蹤跡 。
前幾日 ，留守司 又 派人 送 公事 嚟 ，下官 即刻 加派 兵馬 同 緝捕 觀察 ，限期限刻 要 佢哋 破案 ，不過 誒呵呵 ，誒 仲 未曾 破獲 。
誒 誒 ， 誒 如果 一有 啲 乜嘢 動靜 消息 咯 ， 下官 一定 親自 去 相府 報告 。
小人 係 太師 嘅 心腹 ，而家 奉咗 太師 嘅 命令 ，嚟 呢度 要 嗰班 賊人 。
臨行嘅時候 太師 親自 吩咐 ，叫 小人 嚟到 濟州 就 住喺 州衙門 ，等住 相公 要 捉拿 呢七個 賣紅棗 嘅 ，同埋 嗰個 賣酒 嘅 ，仲有 嗰個 在逃 軍官 楊志 啊 總共 九個 賊人 嘅 正身 。
限期 十日 之內 要 全部 捉到 ，派 人 押解 去 東京 。
如果 ，十日 仲 捉唔到 呢一班 賊 ，噉 就 少不免 要 請 相公 你 ，哈哈 ，去 沙門島 行 一趟 先 嘞 。
到嗰陣時 ，小人 亦 好 難 返去 太師府 咯 ，為因 條命 都 唔 知道 會 點 啊 。
相公 如果 唔信 ，就 請 相公 睇下 太師 呢 張 命令 啦 。
個府 幹話 如果 拉唔到 班賊 就 要 請 府尹 去 沙門島 行 一 趟 ，沙門島 喺 邊處 嚟 嘅 呢 ？
沙門島啊 ，係 喺 山東 蓬萊 西北 便 ，大海 中間 一個 小島 。
喺 宋朝 嘅 時候 呀 ，係 一個 非常非常 荒涼 偏僻 嘅 地方 嚟 聽到 都 怕 。
府尹 聽 個 府 幹 講完 ，又 睇 咗 太師 嘅 命令 哎 慌 到 揗揗震 ，即刻 就 嗌 啲 緝捕 人員 嚟 嘞 。
只見 台階 下 便 有 個人 敬咗 個禮 ，應咗 一聲 ，企 喺 門簾 前 便 。
府尹 就 話 喇 ：你 係 邊個 啊 ？
小人 係 三都 緝捕 使臣 何濤 。
喺 黃泥岡 劫咗 去 嗰啲 生辰綱 ，呢件 案 係 唔係 你 管 㗎 ？
係 ，小人 自從 領咗 呢一件 公事 ，日夜 都 唔敢 瞓覺 ，派咗 眼明手快 嘅 差人 ，去 黃泥岡 一帶 搜查 追捕 ；
雖然 受過 幾次 責罰 ，到而家 仲 未見 蹤跡 。
並非 小人 有意 怠慢 ，實在 係 出於 無奈 啫 。
混帳 ！上不緊則下慢 。
我 自從 進士 出身 ，一路 做官 做到 呢處 一郡 諸侯 ，非同 容易 啊 。
而家 東京 太師府 派 咗 一位 府幹 嚟到 呢度 ，帶嚟 太師 嘅 命令 。
限 十日 之內 要 捕獲 各 賊 正身 ，全部 解去 東京 。
如果 誤咗 期限 ，我 唔 淨止 要 罷官 ，仲 要 拉去 沙門島 行 一 趟 㗎 。
哼 ！你 係 個 緝捕 使臣 ，你 唔 用心盡力 ，實 係 累死 我 啫 。
我 先 將 你 呢個 傢伙 ，迭配 去 遠惡軍州 ，連 雁 都 飛 唔到 咁 遠 嘅 地方 至 得 ！
跟住 ，就 叫咗 個 文筆匠 嚟 ，當堂 喺 何濤 塊 面 處 ，刺 咗 迭 配 乜乜 州 噉 三個 字 ，州名 嗰度 呢 係 空住 嘅 。
府尹 話 喇 ：何濤 ，你 如果 捉 唔到 呢班 賊 ，我 就 判 你 重罪 決不 饒恕 。
好喇 ，何濤 領咗 命令 ，出咗 大堂 ，返到 去 使臣房 ，會集埋 嗰班 差人 就嚟 到 間 機密 房 裏便 ，商量 公事 咯喎 。
嗰 班 差 人 ， 你 望 我 我 望 你 ， 好似 箭穿雁嘴 就 鉤 搭 魚鰓 ， 聲 都 唔 聲下 。
何濤 就 話 喇 ：你哋 呢班人 吖 ，平時 都 喺 呢度 搵 錢 ，啊 。
到而家 呢單嘢 難啃 喇 ，就 冇 個 開聲 。
喂 ，你哋 大家 都 要 可憐 下 我 塊面上 刺 嗰啲 字 至 得 㗎 。
嗰 啲 人 就 話 喇 ： 唉 觀察 呀 ， 唉 ， 人非草木 ， 小人 等 點會 話 唔 明白 呢 ？
呢班 賣 紅棗 嘅 客商 呀 ，實係 外地 唔知 邊處 深山 曠野 啲 賊佬 嚟 。
劫咗啲珠寶 ，而家 都 怕 返去 自己 嘅 山寨 快活緊喇 ，仲 捉得到 嘅 咩 ？
就算係知道咗 ，亦都係 望下 㗎啫 。
呢 班 差人 未講 呢 番 說話 之前 呢 ， 何濤 個 心 不過 只有 五分 煩悶 唧 ， 一聽 咗 呀 ， 嘿嘿 ， 又 加多 五分 煩惱 添 。
佢 返到 屋企 黑起 塊面 ，愁愁悶悶 。
佢 老婆 就 問嘞 ：丈夫 ，你 今日 點解 噉樣 㗎 ？
唉 你 都 唔知 ，前個 幾日 ，府尹 要 我 去 破 一個 案 。
為因喺 黃泥岡嗰度 有 一班 賊 ，打劫 咗 梁中書 送畀 佢 外父 蔡太師 賀壽 嘅 金珠寶貝 ，總共 十一擔 ，都 唔知 係 畀 啲 乜嘢 人 打劫咗去 。
我 自從 領咗 呢件 公事 到 而家 都 仲 未曾 破獲 。
今日 去 衙門 轉 限 啦 ，點知 太師府 又 派 咗 個 府幹 嚟 ，等住 要 捉 呢班 賊佬 解 去 東京 喎 。
府尹 問 我 啲 賊佬 嘅 消息 ，我 回覆 話 啦 未 有 線索 啊 未曾 破獲 啊 噉 。
府尹 就 喺 我 塊 面 處 ， 呢 你 睇 吖 你 睇 吖 ， 刺 咗 迭配 乜 乜州 噉 幾個 字 ， 就 係 爭 未曾 填去 邊處 個 啫 。
唉 睇嚟 呢勻 實 冇 命 咯 。
哎呀 ， 哎呀 ， 噉 點算 好 啊 ？ 噉 點得 了 呢 ？
何濤 兩 公婆 正 喺度 講緊 ，佢 個 細佬 何清 嚟 探 佢 大佬 嘞 。
呢個 何清 嚟到 呀 ，嚱 ，講 一件 緊要 嘅 事情 出嚟 ，不得了 ！
