嗰日 林沖 辭別 咗 小旋風 柴進 ，就 同 兩個 差人 一齊 去 滄州 。
從 朝頭早 一路 行到 午牌 ，即係 而家 講 嘅 十二 點 零鐘 嘅 時候 ，就 行到 入城 喇 。
滄州 雖然 地頭 唔 大 啊 ，不過 亦 有 六 街 三 市 㗎 喎 。
佢哋 一直 去到 州衙門 ，呈遞 咗 公文 ，值班 嘅 人員 帶 佢哋 參見 咗 州官 大尹 。
當時 就 接收咗 林沖 ，簽咗 回文 ，跟住 批咗 張 公示 ，將 林沖 送去 牢城 營 裏 便 。
董超 、薛霸 領咗 回文 ，就 返去 東京 嘞 ，呢啲 就 唔 講 佢 。
噉 將 林沖 啊 ，送到去 牢城 營 裏 便 之後 呢 ，辦妥咗 接收 手續 ，就 將 佢 安排 喺 一間 單身房 啊 等候 點名 傳見 嘞 喎 。
當時 有 幾個 一般 嘅 罪犯 ，見到 林沖 新嚟 ，都 走嚟 探下 佢 同 佢 話 ：
呢處 嘅 管營 差撥 呀 好 惡死 嘅 ，一味 敲詐 你 嘅 。
如果 你 有 禮物 錢財 送畀 佢 呢 ，做咗 人情 喇 ，就 待得 你 好 。
如果 冇 錢 送畀 佢哋 呀 ，哼 ，將 你 韞 喺 間 土牢 裏便 嚟 ，等 你 求生不得 啊 求死不能 。
呢 ， 仲 有 噃 ， 如果 佢 逗 咗 人情 喇 ， 入門 就 唔 打 你 嗰 一百 殺威棒 ， 詐 假意 話 你 有病 ， 暫時 記住 數 先 噉 就算 㗎 喇 。
如果 你 冇 人情 送 畀 佢 呀 ，呢 一百 殺 威 棒 就 打 到 你 唔 死 都 殘廢 啊 。
哦 ，多得 各位 兄長 指教 ，如果 要 使 錢 ，要 畀 幾多 過 佢哋 至 啱 呢 ？
如果 想 搞得 頭頭 掂掂 呢 ，管營 就 送 五兩銀 啦 。
嗯 ，差撥 嗰度 亦都 要 送 五兩銀 㗎 ，噉 就 好好 㗎喇 。
佢哋 正 喺度 傾緊 ，只見 個 差撥 行過嚟 問話 ：
邊個 係 新嚟 嘅 配軍 啊 ？
小人 就係 嘞 。
嗰個 差撥 見 林沖 講咗 一句 小人 就係 喇 ，冇 逗 錢 過嚟 ，即刻 變咗 面色 ，指住 林沖 就 鬧 ：
你 呢個 賊配軍 啦 ，誒 見咗 我 點解 唔 叩頭 啊 ？啊 作個揖 就算 㗎喇 。
你 呢單嘢 ，喺 東京 作咗 案 ，嚟 呢度 見到 我 ，仲 懶 大支嘢 係嘛 ？
我 睇 你 呢個 賊配軍 呢 ，滿面 烏雲 ，抵 你 一世 冇 發達 啊 ！
你 呢個 死監躉 你 嘩 ，而家 你 落喺 我嘅 手板心 嚟 ，我 唔 將 你 搓 圓 撳 扁 ，𢱕到 你 粉 身 碎 骨 吖嗱 ，等陣 你 就 知死 ！
一輪 噉 噴 過去 ， 將 林沖 鬧到 一佛出世 啊 二佛 生天 ， 都 唔 敢 擔 高頭 講 半句 說話 。
其他 嗰啲 人 ，見到 鬧 林沖 嘞 ，都 靜靜地 散開 走晒 。
林沖 等 佢 發作過 喇 ，就 攞出 五兩 銀 送過去 ，陪住 笑臉 話 ：
差撥 大哥 ，呢啲 多 薄禮 ，唔好 嫌 輕 。
嗯 ，送畀 管營 同 我 嘅 都 喺 齊處 㗎 喇 ？
唔係 ，呢 五兩 淨係 送畀 差撥 大哥 你 嘅 啫 。
另外 仲有 十兩 銀 就 相煩 大哥 你 送畀 管營 啦 。
哦 ，哦 ，哦 呵呵 ，哈哈哈 哈哈 ，哎 ，哎 林教頭 ，我 亦 聽聞 過 你 嘅 好 名聲 㗎 喇 ，確實 係 個 好人 吓 ，好人 。
嘿嘿 ，睇嚟 ，都係 高太尉 陷害 你 嘅 啫 ，嘿嘿 。
你呀 ，目前 雖然 暫時 受 啲 苦 ，將來 啊 ，實 發達 㗎 ，係 ，真 㗎 ，冇 呃 你 ，吓 。
你 咁 出名 ，又 一 表 人才 ，唔係 等閒 之 輩 吖嘛 ，第日 一定 做 大官 㗎 。
哈哈 ，噉就 全靠 差撥 大哥 你 關照 喇 。
得得得得 ，你 即管 放心 啦 。
呢度 仲有 兩封 書信 ，係 柴大官人 寫嘅 ，麻煩 大哥 幫忙 送一送 呢 。
得 ，嘿 你 睇 仲有 柴 大官人 嘅 書信 添 ，你 使 乜 愁 吖 。
呢一封信呀 ，值 一 錠 黃金 㗎 。
嗱 ，我 而家 同 你 送信 喇 ，等陣 管營 就 嚟 點 你 㗎 喇 。
要 打 一百 殺威棒 嘅 時候 呢 ，你 就 話 ，一路 有病 ，未曾 好返 ，噉 我 就 會 嚟 同 你 應付 㗎 喇 。
不過 呢 啲 嘢 吓 ，要 瞞住 下人 哋 至 好 啊 ，啊 。
多謝 指教 。
差撥 攞咗 啲 銀 同埋 書信 離開咗 單身房 走咗 咯 。
林沖 歎咗 一 口 氣 話 ：
唉 ，有 錢 可以 通 神 ，呢句 說話 ，真係 冇錯 啊 。
嗰個 差撥 ，攞咗 五兩 銀 同埋 封信 送畀 管營 。
誒係喇 ，乜 五 兩 銀 ，唔係 十兩 咩 ？
係 十兩 ，林沖 畀咗 十兩 銀 過 佢 ，叫 佢 送 畀 管營 ，佢 就 打 斧頭 ，扣起 五 兩 銀 落 自己 荷包 。
噉 一味 啊 同 林沖 講 好話 咯 喎 ，大讚 林沖 係 個 好漢 ，柴大官人 都 有 信 嚟 介紹 啊 。
又話 呢啲 都 係 高太尉 陷害 佢 啊 將 佢 充軍 充嚟 呢處 啊 噉 等等 等等 ，又冇 咩 嘢 大事 嘅 噉 。
管營 就 話 喇 ：既然 柴大官人 有 信 嚟 ，就 一定 要 關照 佢 啊 。
喂 ，叫 林沖 嚟 啦 。
林沖 正 喺 單身房 悶悶噉 喺度 坐 ，只 見 牌頭 嚟 嗌 佢 話 ：
管營 喺 大廳 ，叫 新到 嘅 罪人 林沖 去 點名 啊 。
林沖 就 跟 佢 去到 大廳 。
管營 話 ：你 係 新到 嘅 犯人 ，太祖 武德 皇帝 定 落嚟 嘅 制度 ，新嚟 嘅 配軍 ，要 打 一百 殺 威 棒 。
左右 ，同 我 打 ！
林沖 就 稟告 話 喇 ：小人 喺 路上 感冒 風寒 ，未曾 痊癒 ，請求 暫時 免打 。
牌頭 就 話 喇 ：呢個 人 而家 確係 病緊 嘅 ，誒 可憐 下 佢 啦 。
管營 話 ：睇嚟 呢個 人 係 有 病 在 身 ，噉 就 暫時 記住 先 ，等 啲 病 好 再 打 啦 。
差撥 話 喇 ：而家 喺 天王堂 看守 嘅 ，已經 滿期 咯喎 ，派 林沖 去 替換 佢 啦 。
管營 梗係 同意 啦 ，當堂 就 簽發咗 命令 。
差撥 帶住 林沖 返到去 單身房 攞齊 行李 ，一直 去到 天王堂 辦理 交接 手續 。
差撥話 ：嗱 林 教頭 ， 我 啊 十分 關照 你 㗎 喇 。
叫 你 喺度 看 天王堂 ，呢個 係 營裏 便 嘅 第一等 最 慳力 嘅 工作 喇嗱 。
一早 一晚 ，裝香 掃地 就了 㗎喇 。
你 睇 下 其他 嗰啲 罪犯 啦 ，從 朝 做到 晚 ，都 仲 唔 得 掂 㗎 。
呢 仲 有 一挺 啊 冇 做 人情 嘅 呢 ，就 撥 咗 去 土牢 ，求生 不得 啊 求死 不能 ，知 唔 知 啊 你 。
真係 多得 你 照顧 。
林沖 又 攞咗 三幾 兩 銀 畀 差撥 ，佢 話 ：
勞煩 大哥 照顧 到底 喇 ，將 頸 上面 嘅 枷 開埋 佢 就 更好 咯 。
冇 所謂 嘅 ，包 喺 我 身上 啦吓 。
差撥 連忙 返去 同 管營 講咗 聲 ，就 同 林沖 開咗 面枷 。
從此 之後 ，林沖 就 喺 天王堂 住落 ，日日 只係 裝香 掃地 ，好得閒 。
不 經 不 覺 ，就係 噉 過咗 四五十日 。
嗰個 管營 、差撥 就 收咗 佢 嘅 賄賂 ，日子 一 長 又 更加 熟絡 咗 啦 ，所以 都 由得 林沖 自由自在 就 冇嚟 管 佢 。
柴大官人 呢 ，又 使人 送 天冷 衣服 同 禮物 嚟 。
林沖 為人 啊 非常 疏爽 嘅 ，佢 自己 一 有 錢 ，就 全個 營 啲 監犯 呀 都 得到 佢 嘅 周濟 。
好嘞 ，閒話 就 唔 講 咁多 。
呢個 時候 ，就 嚟 天冷 。
有 一日 ，巳牌時分 ，林沖 偶然 出去 營外 便 行下 。
行行下 就 聽見 後便 有人 嗌佢 話 ：林教頭 ，乜 嚟咗 呢處 咩 ？
林沖 擰轉頭 睇下 ，認得 係 舊時 東京 一間 酒店 嘅 夥記 李小二 。
呢 個 李小二 呢 ，以前 喺 東京 嘅 時候 啊 ，有 一次 偷 咗 主人 啲 錢 就 畀 主人 捉住 喎 ，要 送 佢 去 官府 問罪 。
林沖 知道咗 就 為 佢 講情 ，救咗 佢 ，冇 送 去 官府 。
林沖 呢 仲 同 佢 賠 返 啲 錢 添 ，噉 先至 冇事 。
呢個 李小二 喺 東京 踎 唔 住 呢 ，又 多 得 林沖 啊 ，送咗 啲 錢 畀 佢 做 旅費 ，離開 東京 去 投靠 親友 。
想 唔 到 今日 喺 呢處 見 到 面 ，林沖 就 話 ：
誒 小二哥 ，你 點解 喺 呢處 嚟 啊 ？
李小二 對住 林沖 拜咗 一拜 佢 就 話 ：
自從 得到 恩人 你 救濟 ，幫助 小人 嘅 旅費 ，點知 我 ，一路 去 投靠 親友 都 投靠唔到 。
行下行下 ，竟然 就嚟到 滄州 呢度 ，投靠 咗 一間 酒店 嘅 主人 ，係 姓 王 嘅 ，留 小人 喺 間 店 處 做 企堂 。
佢 就 見到 小人 做 嘢 勤懇 ，又 會 揸 鑊鏟 ，嚟 食 過 嘅 都 喝彩 ，生意 好 起上嚟 ，噉 就 好 喜歡 我 。
咪 主人家 有 個 女 ，就 招咗 小人 做 女婿 。
嘿嘿 ，係 咯 ，誒誒 而家 外父 外母 都 過 咗 身 嘞 ，剩返 小人 兩 夫妻 ，就 喺 營前 開咗 間 茶酒店 咋嘛 。
先頭 出嚟 收賬 ，咁啱 就 撞見 恩人 喎 。
係喇 恩人 ，你 為 咩 事 嚟到 呢度 啊 ？
林沖 指住 塊 面 上 便 刺咗 嗰啲 字 同 佢 話 ：
我 因為 得罪 咗 高太尉 ，畀 佢 搵 啲 事 嚟 陷害 我 ，捱 咗 一場 官司 ，刺配 嚟 呢度 。
而家 叫 我 管 天王堂 ，唉 ，都 唔 知 以後 點 算 。
冇 想 今日 ，會 喺 呢度 見到 你 啊 。
李小二 就 請 林沖 返去 屋企 坐 ，叫 老婆 出嚟 拜見 過 恩人 。
兩 公婆 都 非常 歡喜 噉 話 ：
我哋 兩 夫妻 都 冇 親人 喺 處 ，今日 得到 恩人 到嚟 呀 真係 從 天 而 降 啊 。
我 係 個 犯人 ，恐怕 ，玷辱 你哋 夫妻 兩位 噃 。
千祈 唔 好 噉 講 啊 恩人 ， 邊個 唔 知道 恩人 個 大名 啊 。
係 喇 ，以後 恩人 有 咩 衣服 要 漿洗 縫補 嘅 ，就 即管 拎嚟 啦 。
嗰日 ，就 款待 林沖 飲酒 食飯 ，到 夜晚 先至 送 佢 返去 天王堂 。
第二日 ，又 嚟 請 林沖 去 。
從此 呢 ，林沖 同 李小二 經常 來往 ， 小 二 時常 咁 送湯 送水 畀 林沖 飲 。
林沖 見 佢哋 兩 公婆 待 自己 咁 好 ，所以 亦 時常 送 啲 錢 畀 佢哋 做 本錢 。
時間 就 過得 好快 ，唔 經 唔 覺 ，已經 到咗 冬天 。
林沖 啲 過冬 衣服 ，都 係 李小二 嘅 老婆 幫 佢 執拾 。
有一日 ，李小二 正 喺 門前 準備 啲 餸菜 ，只見 有 個人 行 咗 入 嚟 ，搵 間 房 坐低 。
隨後 呢 ，又 有 個人 閃咗 入嚟 。
李小二 睇 真 下 ，前面 入嚟 嗰個 係 個 軍官 打扮 ，後便 入嚟 呢個 呢 ，係 個 走卒 噉樣 ，佢 入到嚟 就 同 前面 嗰個 坐埋 一齊 。
李小二 入去 招呼 佢哋 話 啦 ：兩位 係 唔 係 飲酒 呢 ？
嗰個人 攞出 一兩銀 交畀 李小二 ，佢 話 ：
你 放 喺 櫃面 嚟 先 啦 ，攞 三四 樽 靚酒 嚟 ，客 到 嘅 時候 有 咩 好食 嘅 即管 拎 入嚟 ，唔使 問 喇 。
好 呢 ，官人 要 請 咩 客 呢 ？
勞煩 你 同 我 去 營裏 便 ，請 管營 同 差 撥 兩位 嚟 傾 下 。
佢 哋 問 你 你 就 話 有 個 官人 請 你 哋 去 傾 下 商量 一 啲 事情 ，專誠 等候 噉 就 得 喇 。
李小二 就 應承咗 ，去到 牢城 就 先 去 請差撥 。
然後 就 一齊 去 管營 屋企 請 埋 管營 ，噉 就 去 酒店 。
入到去 ，嗰個 官人 同 管營 、差撥 行咗 禮 。
管營 就 問 ：誒 素 不 相識 ，請問 官人 誒 高姓大名 ？
有 信 喺度 ，等陣 就 知 嘞 。攞 酒 嚟 。
李小二 即刻 開 咗 樽 酒 ， 一便 就 捧 上 幾味 送酒 嘅 菜 。
四個 人 埋位 坐落 ， 李小二 一個 人 呢 出出入入 就 好似 穿梭 噉 ， 招呼 服侍 。
嗰個 跟嚟嘅 好似 個 走卒 噉 嘅 人 呢 ，就攞咗桶熱水嚟 ，自己 嚟 坐熱 啲 酒 。
約莫 飲咗 十零杯 ，又 叫咗 啲 送酒 嘅 菜 ，嗰個 官人 就 對 李小二 話 ：
我 自己 有 個 夥記 喺度 坐 熱啲 酒 嘞 ，唔 叫 你 又 唔 使 入嚟 ，我哋 要 傾 下 偈 。
好呢 ！李小二 行咗 出 間 房 ，去到 門口 就 叫 佢 個 老婆 話 ：
大姐 ，呢 兩個 人 鬼鬼鼠鼠 唔 對路 喎 。
點 唔 對 路 呢 ？
嗱 ，聽 呢 兩個 人 啲 口音 呢 ，係 東京 人 嚟 。
佢 嚟 嘅 時候 ，又 唔 識得 管營 嘅 。
先頭 我 攞 嘢 入去 ，誒 ，聽見 差撥 扽 咗 高太尉 三個 字 出嚟 噃 。
呢 兩個 人 ，唔通 係 同 林 教頭 啲 事 有 咩 關係 嘅 ？
嗱喂 ，我 係 喺 門口 呢度 照顧 喇 ，你 又 去 間 房 後 便 ，聽下 佢哋 講 啲 乜嘢 吖 。
噉 你 快啲 去 營裏 便 ，搵 林 教頭 嚟 認 下 佢哋 啦 。
唉 你 都 懵 嘅 你 都 唔 知道 ，林 教頭 係 個 性急 嘅 人 嚟 㗎 嘛 ，動 不 動 就 要 殺人 放火 㗎 喇 。
如果 嗌 佢 嚟 睇 ，聽下 真係 佢 講嘅 嗰個 咩 陸虞侯 ，佢 肯 罷休 ？
一下 搞 出 事 嚟 ，就 連累 埋 我 同 你 㗎 喇 ，你 去 聽下 先至 講 啦 。
啊 ，噉 又 係 啊 嚱 ，嗱 ，我 去 喇 。
小二 個 老婆 入去 聽咗 成個 時辰 ，佢 出嚟 話 ：
佢哋 三四個 人 ，都係 交 頭 接 耳 噉 講 嘅 ，都 聽 唔 清 佢哋 講 啲 乜嘢 。
我 淨係 裝到 嗰個 好似 軍官 噉樣 嘅 人 ，喺 佢 夥記 嘅 袋 裏便 ，攞出 一包 嘢 嚟 ，交咗 畀 管營 同 差撥 。
嗰包嘢 ，你 慌唔係 金銀 咩 ？
就 喺 呢個 時候 噃 ，我 聽到 差撥 話 ，誒 都 包喺 我 身上 啦 ，點 都 要 攞 佢 條命 噉 。
李小二 個 老婆 正 喺度 講緊 ，房間 裏 便 誒 叫 話 要 熱水 。
李小二 喇喇聲 趕住 攞 熱水 入去 ，入到去 ，睇見 管營 仲 揸住 一封 信 喺 手 嚟 。
李小二 換咗 熱水 ，添咗 啲 餸菜 。
佢哋 嗰班 人 又 食咗 半個 時辰 ，埋咗 數 ，管營 同 差撥 扯 先 。
跟住 嗰 兩個 人 呢 ，耷低 住 個 頭 亦都 走 嘞 。
佢哋 行 轉背 冇 幾 耐 ，哈林 沖 嚟 嘞 。
佢 話 ：小二哥 ，好 生意 吖 嘛 ？
啊 恩人 請 坐 ，請 坐 ，啱啱 想 去 搵 恩人 你 ，有 啲 緊要 嘅 事 講 你 聽 。
有咩嘢 緊要 嘅 事 啊 ？
恩人 ，請 入去 裏便 坐 。
先頭 有 兩個 喺 東京 嚟 嘅 人 ，鬼鬼 鼠鼠 噉 ，喺 我 呢度 請 管營 同 差撥 飲咗 半日 酒 。
喺 差撥 個 口處 ，扽 出 咗 高太尉 三 個 字 ，小人 聽到 就 思疑 起 上嚟 啦 。
噉 又 叫 我 老婆 聽 咗 一個 時辰 ， 之 佢 哋 交頭接耳 ， 講 啲 說話 呢 就 聽 唔 見 喇 。
臨尾 ，就 聽見 差撥 應承 佢哋 話 ，都 包 喺 我哋 身上 啦 ，點 都 要 攞 佢 條命 噉 。
嗰 兩個 人 ，攞咗 一包 金銀 送畀 管營 同 差撥 ，收尾 仲 飲咗 一陣 酒 添 ，就 散喇 。
佢哋 都 唔知 係 啲 咩嘢 人 嚟 ，小人 個 心 誒 有 啲 思疑 ，怕 同 恩人 有 啲 關係 。
嗰 兩個 人 ，係 點樣 㗎 ？
誒 ，誒 一個 係 五 短 身材 ，面口 白白淨淨 ，冇 咩 鬍鬚 嘅 ，約莫 三 啊 零 歲 啦 。
跟嚟 嗰個 呢 ，誒 亦 唔 係 好 高大 嘅 啫 ，面口 係 紫棠色 嘅 。
哎呀 ！呢個 三 啊 幾歲 嘅 就 係 陸虞侯 喇 。
呢個 潑賊 ，竟然 膽敢 走到嚟 呢處 害 我 ！
如果 撞着 我 ，唔 將 你 斬成 肉醬 吖嗱 ！
恩人啊 ，噉就 認真 要 提防 至好啊 ，開講 有話 小心 駛得 萬年船 吖嘛 。
林沖 得到咗 呢個 消息 ，嬲 到 不得了 。
離開咗 酒店 之後 ，就 去 買咗 一把 匕首 ，擪 喺 身 嚟 ，前街 後巷 到處 咁 去 搵 。
李小二 兩公婆 真係 為 佢 提心吊膽 啊 。
當晚 冇 乜事 。
第日 ，林沖 一天光 就 起身 ，啷完口 洗完面 ，帶住 把 匕首 又 去 滄州 城 裏便 ，大街小巷 ，沊沊𡃈咁 搵咗 一日 。
喺 牢城 營 裏 便 呢 ，亦 冇 咩 動靜 。
林沖 就 走嚟 同 李小二 話 ：今日 又 冇事 。
但願 冇事 就 好 喇 ，恩人 ，你 自己 仔細 啲 就係 喇 。
林沖 返咗 去 天王堂 ，又 過咗 一 晚 。
以後 又 連氣 喺 街上 搵咗 四五 日 都 唔 見 動靜 ，噉 林沖 個 心 呢 ，亦 冇 咁 緊張 。
到咗 第六日 ，管營 就 叫咗 林沖 去 點視廳 同 佢 話 ：
你 嚟 咗 呢度 好耐下 喇 ，柴大官人 呢 亦 交帶過 ，之 一直 都 未曾 有 咩 好撈 嘅 帶協 過 你 。
呢度 東門 外 十五里 有 一座 大 軍草料場 ，每個月 收 草料 嘅 時候 呢 ，都 有 啲 錢 搵下 嘅 。
本來 有個 老 軍 喺 嗰 度 看管 嘅 ，而家 我 啊 抬舉 你 ，派 你 去 嗰 度 做 ，叫 嗰 個 老 軍 返 嚟 天王 堂 。
等你 喺 嗰度 搵返 多少 使用 都 好 吖 ，噉 等陣 你 就 同 差撥 去 嗰度 辦理 交割 啦 吓 。
係 ，小人 即刻 就 去 。
林沖 冇 去 差撥 嗰度 住 喎 ，佢 走 去 搵 阿李 小二 先 ，佢 對 李小二 兩 夫妻 話 ：
今日 管營 派 我 去 大軍 草料場 管事 噃 ，你哋 話 點 呢 ？
吖 ，呢件 差事 又 好過 喺 天王堂 噃 。
嗰度 收 草料 嘅 時候 ，有啲 錢 搵下 㗎 。
往日 呀 ，你 如果 唔 送禮 撈唔到 呢份 嘢 做個 喎 。
又 唔 害 我 ，反而 畀 份 好 差 事 我 做 添 ，唔知 係 咩嘢 意思 呢 ？
恩人 你 就 唔使 疑心 咁 多 喇 ，只要 冇事 就 好啦 。
哎 不過 就係 以後 同 恩人 離得 遠咗 咯 ，等 過下 啦 ，再 搵 時間 去 探望 恩人 你 。
李小二 請 林沖 飲咗 幾杯 酒 ，兩個人 就 分別 。
林沖 返到去 天王堂 ，攞齊 包裹 行李 ，擪住 把 匕首 ，攞咗 支 花槍 ，同 差撥 一齊 去 辭別 咗 管營 ，就 去 草料場 。
當時 正係 大冷天 ，彤雲密佈 ，北風 呼呼 ，一陣間 就 落起 場 大雪 嚟 。
好快趣 ，就 四野 難分路 千山 不見痕 ，變咗 個 銀世界 玉 乾坤 。
林沖 同 差 撥 一路 行 ，又 冇 地方 買 酒 飲 喎 ，就 唯有 急急 行 係 啦 。
嚟到 草料場 喇 ，呢處 沊沊𡃈 啊 圍住 一道 黃泥牆 嘅 ，有 兩扇 大門 。
推開 大門 入去 裏便 ，只見 有 七八 間 草屋 ，呢呢啲 就係 倉庫 ，四周圍 都 林滿咗 馬草堆 ，中間 有 兩座 草廳 。
入到去 間廳 裏便 ，見到 嗰個 老軍 亦 喺度 焙緊 火 ，差撥 就 話 喇 ：
管營派 呢個 林沖 嚟 呢度 替 你 ，你 就 返去 天王堂 看守 ，即刻 交割 啦 。
老軍 攞住 鎖匙 ，帶住 林沖 話畀 佢 聽 ：
倉庫 裏 便 都有 封條 㗎喇 ，呢 幾 堆 草 一 堆堆 都有 數目 嘅 ，就 同 林沖 點過 堆 數 ，然後 同 林沖 去到 草廳 。
老軍 執完 行李 臨走 個 時候 又 話 ：嗱 ，呢 處 啲 火盆 啊 ，鑊 啊 ，碗碟 啊 ，都 借 畀 你 用 啦 。
好 ，唔該 晒 你 ，誒 喺 天王 堂 我 都 有 啲 嘢 喺 度 ，你 要 就 攞 去 啦 。
老軍 又 指住 牆壁 上 掛住 嗰個 大葫蘆 話 ：
你 想 買 酒 飲 呢 ，出咗 草料場 ，跟住 條 路 向 東 便 行 三兩里 路 ，就 有 市頭 㗎 喇 。
交帶完 ，老軍 同 差撥 就 走嘞 。
林沖 喺 鋪床 上 便 放好 個 包裹 ，鋪好 啲 被褥 ，然後 喺 屋邊 嗰 堆 炭 處 攞咗 幾 嚿 放 喺 個 爐 處 ，坐 喺度 焙火 取暖 。
佢 嶽 高 個 頭 望 下 間 草屋 ，四圍 都 有 啲 地方 崩壞 㗎 喇 ，畀 啲 北風 呀 ，吹 到 搖搖岌岌 。
林沖 諗 ：呢間 屋 點 過得 冬 㗎 。
好 ，等 雪 停咗 ，入城 去 嗌 個 泥水佬 嚟 修理 下至 得 。
焙咗 一陣 火 ，仲係 覺得 個 身 冷 。
佢 諗起 ：啊 ，先頭 個 老軍 話 冇 幾遠 就 有 個 市頭 㗎喇 ，不如 去 買 啲 酒 飲下 都 好 噃 。
於是就 解開 個 包裹 ，攞咗 啲 碎銀 出嚟 ，用 支 花槍 趷住 個 酒葫蘆 ，冚好 返 啲 炭火 ，戴返 頂 氈帽 ，攞住 抽 鎖匙 行咗 出嚟 ，順手 將 草廳 道門 掩埋 。
出到 大門口 ，就 將 草料場 嗰 兩 扇 大門 閂好 鎖住 ，袋好 抽 鎖匙 ，就 一直 跟住 條 路 踩住 雪 向 東 便 行 嘞 。
啲 雪 呀 落得 好 大 ，行咗 半 里 路 度 ，見到 路邊 有 一 座 古廟 。
林沖 拜咗 幾拜 話 ：神明 保佑 ，第日 再嚟 上香 。
又 行咗 一陣 ，就 望見 有 一寨 房屋 嘞 。
林沖 企定 腳 睇下 ，見到 有 間 屋 喺 籬笆 嗰 處 呢 就 趷咗 一 支 竹竿 出嚟 ，掛住 支 酒旗 嘅 。
冇錯 喇 ，林沖 一直 行 入去 嗰間 酒店 。
個 店 主人 就 問 佢 話 ：客人 喺 邊處 嚟 啊 ？
你 認 唔 認 得 呢個 葫蘆 吖 ？
哦 認得 認得 ，呢個 葫蘆 係 草料場 嗰個 老軍 㗎嘛 。
冇錯 喇 。
哦 你 係 草料場 嘅 看守 大哥 啊 ，坐啦 坐啦 ，個 天 咁 冷 ，飲 返 幾杯 當做 同 你 接風 。
店主人 切咗 一大碟 熟牛肉 ，坐熱咗 一壺 酒 ，請 林沖 飲喎 。
林沖 自己 又 買咗 啲 牛肉 添 ，又 飲咗 幾杯 。
臨走 ，買咗 滿滿 一葫蘆酒 ，包起 嗰 兩 大嚿 牛肉 ，畀咗錢 ，用 支 花槍 趷住 個 酒葫蘆 ，將 啲 牛肉 就 塞 喺 個 懷處 ，講咗聲 滾攪晒 喇 就 行 出咗 店門 。
跟返 條 原路 頂住 北風 返 草料場 咯 喎 。
呢個 時候 ，啲 雪 越 落 越 大 。
林沖 啊 飛快 噉 趕返去 ，開咗 鎖 推開 道門 入去 一 睇 ，哎呀 ，弊喇 呢趟 ！
咩事啊 ？原來 嗰 兩間 草廳 啊 ，已經 畀 大雪 砸 冧 咗 。
林沖 諗 ：點算 呢 ？
佢 放低 支 花槍 同 個 酒葫蘆 喺 雪地 嚟 ，佢 怕 火盆 裏 便 仲 有 炭火 啊 ，燒着 啲 嘢 就 弊 啦 。
佢 㧬開 埲 爛牆 ，鑽個身入去 摸下 ，冇事 ，火盆裏便 嗰啲 火種 都 畀 雪水 浸熄 晒 。
林沖 又 伸 隻 手 喺 鋪床 處 摸 ，摸嚟摸去 只係 掹 返 一 張 棉被 出嚟 。
林沖 就 鑽 返出嚟 睇下 個 天色 已經 黑 嘞 ，佢 諗 ：哼 ，又 冇 火 ，點住 啊 呢處 ？
佢 一下 諗起 ，離開 呢度 半里路 有 一間 古廟 就 可以 住 啊 。
冇錯喇 ，一於 去 嗰度 過 一晚 先 ，等 天光 先至 算啦 。
佢 就 捲起 張 被 ，用 花槍 趷住 個 酒葫蘆 ，閂返 道 大門 ，鎖好 ，就 行去 嗰 間 廟 咯 喎 。
入到 間 廟 ，掩 好 道門 ，見到 旁邊 有 一嚿 大石 ，就 扚 咗 過嚟 頂住 道門 。
佢 再 入去 睇下 ，只見 間 殿 處 有 一個 金甲 山神 ，兩邊 兩便 呢 一個 判官 一個 小鬼 ，側邊 就 堆住 一堆 紙 。
四圍 望下 ，又 冇 鄰舍 又 冇 廟主 。
林沖 將 支 花槍 同 酒葫蘆 放 喺 堆 紙 上 便 ，打開 張 棉被 ，然後 除咗 頂 氈帽 將 身上 面 啲 雪 就 拍 乾淨 。
除咗 冚面 件 白布衫 ，嘿 ，原來 已經 濕咗 幾成 嘞 ，就 同埋 頂 氈帽 一齊 放 喺 張 神台 上 便 ，拉 張 被 過嚟 褸住 下半身 。
然後 攞起 個 葫蘆 ，冷酒 都 唔 理 佢 咯 ，慢慢 飲 ，用 啲 牛肉 嚟 送 酒 咯 喎 。
食食 下 ，忽然間 聽見 外便 嗶 嗶 啵 啵 咁 響 ，林沖 跳 起身 ，就 喺 啲 墻 嚹 裝 出 嚟 睇 下 ，哎呀 ， 弊 喇 ，原來 係 草料場 火燭 ，燒到 烚烚 聲 ，不得了 。
林沖 攞起 支 花槍 ，正 話 想 開門 出去 救火 啦 。
咦 ？門口 外 便 有 人聲 ，林沖 就 伏 喺 門邊 聽下 。
你 估 外便 有 咩 人 嚟 吖嗱 ？而家 就 唔 講住 喇 聽日 再 講 。
