上次 講到 嗰 兩個 人 啊 ，帶咗 林沖 入到 太尉府 一 笪 地方 。
嗰 兩個 人 呢 就 叫 林沖 喺度 等 ，佢哋 自己 就 入咗 去 裏便 。
林沖 攞住 把 刀 企 喺 屋簷 下 便 等 ，等咗 好耐 下 嘞 ，仲 未 見 嗰 兩個 人 出嚟 。
林沖 個 心 有 啲 思疑 啦 ，就 哄 個 頭 入去 裝 下 。
只見 簷前 有 個牌額 ，上面 寫住 白虎 節堂 四個 青字 。
林沖 忽然間 諗起 ：哎呀 ！呢間 節堂 ，係 商議 軍機 大事 嘅 地方 ，無緣無故 點能夠 擅自 嚟 呢處 㗎 ？
即刻 就 想 擰轉身 走 嘞 。
就喺呢個時候 ，聽見 一陣 腳步聲 ，有 個人 喺外 便 行入嚟 。
林沖 一望 ，唔係 邊個 ，正係 高太尉 本人 。
林沖 見到 就 揸住 把 刀 上前 行禮 啦 。
誰知 高太尉 喝住 佢 話 ：
林沖 ！ 冇 人 叫 你 ， 你 點敢 擅自 入 嚟 白虎 節堂 啊 ？
你 知唔知 法度 啊 ？
你隻手 仲 揸住 把刀 ，莫非 要嚟 刺殺 本官 ？
嗯 ，有人 同 我 講 ，前 嗰排 ，你 攞住 把 刀 喺 我 嘅 府前 便 等嚟等去 ，必定 係 不懷好意 ！
恩相 ， 啱 先 有 兩個 承局 嚟 嗌 林沖 ， 叫 我 攞 把 刀 嚟 比 一下 喎 。
噉承局 喺 邊度 嚟 啊 ？
佢 兩個 已經 入咗 去 節堂 裏 便 喇 。
亂講 ！乜嘢 承局 啊 ？敢 入去 我 嘅 節堂 裏 便 ？
人 嚟 ！同 我 將 呢個 傢伙 捉起嚟 ！
高太尉 嘅 話 猶未了 ，喺 旁邊 嘅 耳房 裏頭 ，喇喇聲 有 廿幾個 人 行 出嚟 將 林沖 橫推 掂㧬住 咗 。
林沖 梗係 大叫 冤枉 定 啦 。
太尉 話 喇 ：冤枉 ？哼 ！你 嚟 節堂 有 乜嘢 事 呀 ？
而家 你 手 拿 利刃 ，仲 話 唔係 想 嚟 刺殺 本官 ？
太尉 唔 叫 點 敢 嚟 呢 ？
嗰 兩個 承局 行咗 入去 節堂 裏便 ，佢哋 係 專登 氹 我 嚟 呢度 嘅 ！
亂噏 ！我 間 府 裏 便 ，邊度 有 承局 啊 ？
你 個 傢伙 仲唔服 添 。
人嚟 ！將 佢 解去 開封府 ，吩咐 滕府尹 好好噉 審問 清楚 ，明白 處決 。
將把寶刀封埋去 ！
高太尉 嘅 手下 ，就 奉命 將 林沖 押咗 去 開封府 。
咁啱 府尹 仲 喺 衙門 辦緊 公 ，即刻 開堂 審 啦 。
高太尉 嘅 手下 將 林沖 帶到 去 公堂 ，叫 林沖 跪 喺 台階 下 便 。
然後 就將 太尉 吩咐 說話 ， 講晒 畀 個 府尹 聽 ， 又將 太尉 封 起 嗰 把 寶刀 放 喺 林沖 面前 。
府尹 話 喇 ： 林沖 ， 你 係 個 禁軍 教頭 ， 點解 咁 唔 識 法度 ， 居然 手執 利刃 擅入 節堂 啊 ？
呢個 係 死罪 嚟喎 ，你 知唔知 啊 ？
林沖 就 稟告 話 喇 ： 恩相 明鏡 ， 我 係 負屈銜冤 啊 ！
小人 ，雖然 係 個 粗魯 軍漢 ，仲 係 懂得 啲 法度 嘅 ，點 敢 話 擅入 節堂 呢 ？
皆 因 係 上個月 廿八日 ， 小人 同 妻子 去 嶽 廟 拜神 還願 ， 遇見 高太尉 嘅 小 衙內 ， 將 小人 嘅 妻子 調戲 ， 畀 小人 喝散 咗 。
以後 ，又 使 陸虞候 氹 小人 出去 飲酒 ，呢便 又 使 富安 嚟 呃 小人 嘅 妻子 去到 陸虞候 屋企 嘅 樓上 調戲 ，亦都 畀 小人 趕到 去 嚇走 咗 。
冇錯 ，當時 係 將 陸虞候 屋企 啲 嘢 打爛咗 。
呢 兩件事 都 有 人證 。
尋日 ，小人 買到 呢一把刀 。
今日 太尉 就 派 兩個 承局 嚟 屋企 搵 小人 ，叫 攞 把 刀 去 府 裏 便 比較 一下 。
因此 ，小人 就 同 嗰 兩個 人 去到 節堂 。
嗰 兩個 承局 入 咗 節堂 裏 便 ，點知 太尉 就 由 外 便 入到嚟 ，設計 陷害 小人 啊 。
望恩 相做主 。
府尹 聽咗 林沖 嘅 口供 ，就 一便 寫咗 份 公文 交畀 高太尉 啲 手下 帶返去 ，一便呢 就 攞 刑具 嚟 嘞 。
咩嘢 刑具 啊 ？枷 啦 ，手銬 啦 。
同 林沖 戴 好 刑具 ，將 佢 暫時 收入 監牢 先 。
林沖 老婆 知道 丈夫 收咗 監 ，唉 就 使 人 嚟 送飯 一便 梗係 使 錢 定 啦 。
林沖 個 外父 張 教頭 ，得到 咗 消息 ，亦都 嚟 使 錢 幫 佢 買 上 買下 喇 。
當時 好彩 有 一個 辦案 嘅 孔目 ，姓 孫 名 定 ，為人 係 十分 耿直 嘅 。
佢 非常好心 ，辦 親案 呢 都 係 想法子 幫忙 人哋 。
所以呢 ，人人 叫 佢 做 孫佛爺 嘅 。
呢次 佢 明知 林沖 係 冤屈 ，就 婉婉轉轉噉 ，講清楚 畀 個 府尹 聽 。
佢 話 ：呢件事 ，林沖 確係 冤枉 嘅 ，想辦法 幫下 佢 啦 。
府尹話 ：你 睇 佢 犯咗 乜嘢 罪 至 得㗎 ！
高太尉 批咗 話 要 定罪 ，一定 要 判 佢 手執 利刃 ，擅入 節堂 ，殺害 本官 。
噉 ，噉 ，噉點 幫得 佢 㗎 ？
大人 ，睇嚟 呢間 南衙 開封府 ，唔係 朝廷 嘅 ，係 高太尉 屋企 嘅 。
誒亂噏 ！
唔係咩 ？邊個 唔知 啊 ，高太尉 當權 ，倚勢 豪強 ，更兼 佢 府 裏頭 嗰 位 衙內 ，要 點 就 點㗎 嘞 。
邊個人 有 小小 嘅 觸犯 ，即刻 就 發嚟 開封府 ，要 殺 就 殺 要 劏 就 劏 ，噉 仲 唔係 佢 屋企 嘅 官府 ？
嗯 ，照 你 講 ，林沖 呢 件事 要 點樣 幫忙 佢 呢 ，點樣 判決 好 啊 ？
孫定就話 ：照林沖嘅口供 睇嚟 ，確係冇罪嘅人 ，差在 就係 捉唔到 嗰兩個 承局唧 。
而家 ，只有 叫佢 招認 做 ，唔應該 腰懸 利刃 誤入 節堂 ；
噉樣 ，判 佢 脊杖 二十 ，刺配 遠惡 軍州 就係 啦嘛 。
滕府尹 亦 都 知道 呢件事 嘅 是非 嘞 ，就 親自 去到 高太尉 面前 ，再三 將 林沖 嘅 口供 講明 講白 。
高俅 雞食 放光蟲 心知肚明 啊 知道 自己 係 冇 道理 ，又 見到 府尹 嘅 態度 係 噉樣 ，就 只有 同意 啦 。
當日 ，府尹 返到 衙門 就 立即 升堂 ，叫 林沖 除咗 嗰面 長枷 ，斷咗 二十 脊杖 即係 打咗 二十大板 ；
叫個文筆匠嚟 ，同 林沖 刺咗 面頰 ，根據 地方 遠近 ，發配 佢 去 滄州 牢城 。
當堂 ，用 一面 七斤半 重 嘅 團頭 鐵葉 護身 枷 釘咗 ，貼上 封皮 ，押 咗 一道 牒文 ，派 兩個 押送 差人 就 押 林沖 去 。
呢 兩個 押送 差人 啊 ，一個 叫做 董超 ，一個 就 叫做 薛霸 。
兩個人 領咗 公文 ，就 押住 林沖 出咗 開封府 嘞 。
一出到嚟 ，只見 啲 隔籬 鄰舍 同埋 林沖 嘅 外父 張教頭 ，都 喺 開封府 前面 等住 ，佢哋 接咗 林沖 同 兩個 差人 ，就 去到 州橋 腳 嗰 間 酒店 入去 坐落 。
林沖 同 大家 話 ：呢次 ，多得 孫孔目 關照 ，打 嗰 廿板 落手 唔 毒 ，所以 都 仲 行得 。
張教頭 叫 酒保 攞 啲 送酒 嘅 菜 嚟 ，款待 嗰 兩個 押差 。
飲咗 幾杯 ，張 教頭 就 攞 啲 銀兩 送畀 佢哋 。
嗰 兩個 嘢 嘅 口 就 話 唔 使 嘅 唔 使 嘅 噉 呢 頭 就 袋 袋 平安 嘞 。
林沖 拉住 佢 外父 隻 手 話 ：泰山 在 上 。
咩 泰山 在 上 ？泰山 即係 外父 噉 解 。
林沖話 ：泰山 在上 ，小人 時運 不齊 ，衝撞咗 高衙內 ，吃咗 呢場 冤枉 官司 。
今日 有 句 說話 ，要 稟告 泰山 。
你 講 ，你 慢慢 講 。
小人 ，自從 得到 泰山 你 錯愛 ，將 令愛 嫁咗 畀 小人 ，已經 三年 ，未曾 有過 半點 差池 。
雖然 ，仲未 生過 一男半女 ，之 從來 未 試過 面紅耳赤 ，爭吵過 半句 。
而家 ，小人 遇到 噉樣 一場 橫禍 ，要 充軍 去 滄州 ，生死存亡 都 不保 嘅 。
留返 娘子 喺 屋企 ，小人 好 放心 唔 落 ，就係 怕 高衙內 威逼 呢頭 親事 。
況且 娘子 又 青春年少 ，唔好 為咗 林沖 就 誤咗 前途 。
小人 今日 趁住 各位 高鄰 喺度 ，立 一 張 休書 ，任從 娘子 佢 改嫁 。
呢個 ，係 我 林沖 自己 嘅 主意 ，唔係 人哋 逼 我 。
噉樣呢 ，小人 就 去得心安 ，免致 受到 高衙內 嘅 陷害 。
張教頭 聽咗 就 話 喇 ：哎呀 賢婿 啊 ，乜 你 噉 講吖 ！
你係 流年不利 遇到 噉樣 一場 橫禍 啫 ，呢啲 又唔係 你自己 做出嚟 嘅 。
而家 ，你 暫時 去咗 滄州 ，算做 躲災避難 ；
將來 天公 可憐 咯 ，放 你 返嚟 嘅 時候 ，噉 就 依舊 夫妻 團聚 啦 。
老漢 我 屋企 都 仲 過得去 ，你 走咗 之後 ，我 就 接 個 女 返 屋企 ，連埋 錦兒 一齊 ，吓 ；
無論 點樣 ，三年 五載 我 都 養得 佢 起 。
我 又 唔 畀 佢 四圍 去 ，街門 都 唔好 出 ，就算 高衙內 想要 見 都 見唔到 㗎 嘛 。
你唔使憂心 ，吓 ，有我喺處 。
你 去咗 滄州 牢城 ，我 自然 會 密密噉 寄信 同 寄衣服 畀 你 㗎 喇 。
唔好 胡思亂想 喇 ，即管 放心 去 啦 。
多謝 泰山 你 嘅 厚意 。
只不過 小人 放心唔落 ，盞得 彼此 耽誤 嘅 啫 。
泰山 你 可憐 下 林沖 ，應承 小人 啦 ，噉樣 林沖 就 死 都 瞑目 喇 。
張 教頭 邊度 肯 應承 㗎 ？
啲 鄰居 亦 都 話 噉 樣 做 唔 好 嘅 噉 。
林沖 就 話 ： 如果 唔 應承 小人 ， 林沖 我 ， 就算 有命 返 嚟 ， 亦 發誓 唔 同 娘子 相聚 喇 。
好喇 ，好啦 ，既然 係噉 ，你 寫 就 寫啦 ，我 總之 唔 將 個 女 嫁人 就係咯 。
於是 ，就 叫咗 個 酒保 去 搵 個 寫文書 嘅 人 嚟 ，仲 買咗 一 張 紙 嚟 添 。
林沖 講 ，嗰個人 寫 。
點講呢 ？
東京 八十萬 禁軍 教頭 林沖 ，為 因 身犯重罪 ，斷配 滄州 ，去 後 存亡 不保 。
有 妻 張氏 年少 ，情願 立 此 休書 ，任 從 改嫁 ，永無 爭執 。
委 是 自 行情 願 ，即 非 相逼 。
恐後無憑 ，立此文約為照 。年月日 。
林沖 睇住 嗰個人 寫咗 ，就 攞起 支筆 ，喺 年月日 下 便 畫咗 押打咗 個 手指模 。
林沖 正話 將 休書 交畀 佢 外父 嘅 時候 ，佢 個 老婆 就 呼天搶地 哀哀痛哭 噉 趕到嚟 。
丫鬟 錦兒 呢 就 捧住 一包 衣服 跟住 佢 。
林沖 見到 就 起身 對 個 老婆 話 ：
娘子啊 ，小人 有 句 說話 ，先頭 已經 稟過 畀 泰山 知 。
為因林沖時運不濟 ，遇到呢一場冤屈 ，而家要去滄州生死不保 ，就係怕 ，怕誤咗娘子你嘅青春 。
先頭 ，已經 寫好 幾個 字 喺 處 ，萬望 娘子 ，唔好 等 小人 咯 。
有邊個 好嘅 就 改嫁 ，唔好 為咗 林沖 ，誤咗 賢妻 你啊 ！
娘子 一 聽 ，就 喊起 上嚟 話 ：
丈夫 啊 ， 我 都 未曾 有過 半點 玷污 ， 點解 要將 我 休 咗 呢 ？
娘子呀 ，我 噉樣 做 ，係 好意 。
我 怕 以後 有 咩嘢 唔妥 就 連累 咗 你 咯 。
張教頭 就 話 喇 ：阿女 ，你 放心 啦 。
雖然 女婿 係 噉嘅 主張 ，唔通 我 真係 會 將 你 嚟 再 嫁畀 人 咩 ？
呢件事 ，就係噉啦 ，等佢 放心 去 啦 。
佢 就算 唔返得嚟 咯 ，我 亦 會 安排 你 一世 嘅 使用 ，等 你 守志 就係 啦 乖女 。
林沖 娘子 聽咗 ，唉 ，個心 呀 ，好似 浸咗 黃蓮 又 好似 畀 刀 割 噉 。
眼睇住 呢一封 休書 放聲 痛哭 ，喊到 失晒聲 一時 氣絕 就 暈倒 喺 地下 嚟 。
林沖 同 張教頭 扶 返 佢 起身 ，好耐 好耐先至 蘇醒 返 啊 ，醒咗 又 一味 咁 喊 。
唉 ，淒涼咯 。
林沖 將 封 休書 交畀 張 教頭 收好 。
呢個 時候 ，有 幾個 隔籬 鄰舍 個 婦女 過嚟 勸住 林沖 娘子 ，扶 咗 佢 返 扯嘞 。
張教頭 囑咐 林沖 話 ：
你 去啦 ，好好地 捱到 有得出頭 ，就 返嚟 相見 。
你個 老婆 ，我 聽日 就 去 接 佢 ，喺 我 屋企 住 ，等 你 返嚟 團聚 ，吓 。
你 放心 去 啦 ，唔使 掛住 喇 。
如果 有 便人 ，至 緊要 不歇噉 多啲 寫信 返嚟 啊 。
林沖 起身 多謝 過 外父 ，然後 同 大家 辭別 咗 ，孭 起 包裹 跟住 兩個 解差 走 嘞 。
張教頭 同 啲 鄰居 呢 ，亦都 各自 返 屋企 呢啲 就 唔 講 佢 。
嗰 兩個 押送 差人 ，將 林沖 一路 帶到去 使臣 房 啊 暫時 韞住 喺 嗰度 先 ，自己 就 返去 屋企 收拾 行李 嘞 噃 。
嗰 個 董 超 ， 正 喺 屋企 打緊 包袱 ， 只見 巷口 間 酒店 嗰 個 酒保 嚟 到 搵 佢 話 ：
董端公啊 ，有位 官人 喺 小人間 店處 ，請 你 去 話 有 說話 講喎 。
係邊個啊 ？
誒 小人 唔 識 佢 喎 ， 佢 話 請 端公 快 啲 去 喎 。
原來 宋朝 嘅 時候 ，稱呼 嗰啲 差人 啊 都係 叫做 端公 㗎 噃 。
好喇 ，董超 跟住 嗰個 酒保 入到去 酒店 裏頭 一間 閣仔 ，見到 有 個人 坐 響處 。
呢個人 見到 董超 就 連忙 起身 作揖 話 ：端公 請坐 。
誒 ， 誒 ， 小人 從來 都 未曾 拜識 尊顏 又 唔 知 叫 我 嚟 有 咩 嘢 差遣 呢 嚱？
請 坐 ， 請 坐 ， 等陣 就 知 。
董超 就 坐 喺 對席 。
酒保 過嚟 擺好 酒杯 ，跟住 大碟 細碟 嘅 餸菜 攞嚟 擺到 滿滿 一 枱 。
嗰個人 問 ：薛端公 喺邊度 住 呢 ？
哦 ，誒 喺 前面 條 巷 咋嘛 。
嗰個人 問 清楚 咗 地址 ，就 叫 酒保 去 請 。
過咗一陣間 ，就 請到 薛霸 嚟 。
董超話喇 ：誒 呢位 官人 請 我哋 嚟 有 說話 講 喎 。
薛霸 問 ：誒 請問 大人 貴姓 啊 ？
等一陣就知 ，兩位 飲酒 啦 ，請 。
三個人 坐定 ，酒保 又 過嚟 斟酒 。
飲咗 幾杯 之後 嗰個人 喺 袖籠 裏 便 扲咗 十兩 金 出嚟 ，放 響 張 枱 上 便 。
佢 話 ：兩位 端公 ，每位 各 收 五 兩 ，有 啲 小事 相煩 。
誒 ， 咦 ， 誒 小人 從來 都 唔 識得 尊 官 嘅 ， 誒 點解 畀 金過 我 哋 啊 ？
兩位 ， 係 唔 係 去 滄州 啊 ？
董超話 ： 係 ， 係 ， 小人 兩個 係 奉 咗 本官 差遣 ， 誒 押解 林沖 去 嗰 度 。
既然 係噉 ，就 相煩 兩位 。
我 係 高太尉 府 心腹 人 陸虞侯 。
誒 誒 誒 誒 ， 哎呀 ， 誒 失敬 ， 誒 失敬 。
董超 、薛霸 即刻 企起身 行禮 話 ：誒誒 ，誒小人 係 咩嘢 新鮮 蘿蔔皮 吖 敢 同 官人 坐 喺 處 飲酒 嘿嘿嘿 。
請坐 ，請坐 。
你 兩位 亦都 知道 林沖 同 太尉 係 對頭 嚟 。
而家 ，奉咗 太尉 嘅 命令 ，叫 我 將 呢 十兩金 送 畀 兩位 。
望 你 兩位 應承 一件事 。
唔 使 去 幾遠 ， 就 喺 前 便 搵 笪 僻靜 嘅 地方 ， 將 林沖 ， 整 死 佢 ， 然後 喺 嗰 處 攞 張 回 狀 返 嚟 銷 差 就 係 。
如果 開封府 有 咩嘢 說話 ，你哋 唔使 理 ，太尉 自然 會 吩咐 落 㗎喇 。
董超 就 話咯喎 ：哦噉啊 ，誒 怕唔得噃 。
開封府 嘅 公文 ，只係 叫 我哋 解 個 生人 去 㗎 咋喎 ，冇 叫 我哋 整 瓜 佢 喎 。
而且 佢 本人 年紀 又 唔老 ，噉 搵 咩 嘢 嚟 講 好 啊 ，唔得嘅 唔得嘅 ，如果 有 咩 嘢 嘰訖 噉 唔妥 嘅 。
薛霸話喇 ：老董 你 聽 我 講 啦 ，高太尉 如果 叫 我 同 你 去 死 呀 ，我哋 亦 只有 聽 嘅 啫 。
咪 講話 呢位 官人 又 送咗 十兩 金 過 我哋 添 。
你唔使講咁多 ，二一添作五 ，我哋兩個 分咗佢 ，落得做個人情 ，噉以後 ，有乜好嘢 都會關照下我哋㗎嘛 。
前便呀 好多 嗰啲 大叢林 ，僻靜 險惡 個 地方 ，唔理 點 都 好 ，就 同 佢 將 林沖 整 瓜 佢 咪 係 咯 。
薛霸 收起 咗 啲 黃金 佢 話 喇 ：誒 官人 放心 啦 ，多則 五 站 路 少則 兩 程 ，就 做妥 㗎 喇 。
好 ，薛端公 真係 爽快 。
第日 ，做妥咗 之後 ，事 必要 將 林沖 塊面 上 個 金印 氈 起 佢 ，攞返嚟 做 個 證據 。
到時 ，我 包你 兩位 仲有 十兩金 做 謝禮 。
嗱 ，等 你哋 嘅 好消息 ，千祈 唔好 誤事 啊 ！
原來 喺 宋朝 呀 ，啲 犯人 要 充軍 流放 嘞 ，都 要 喺 塊 面 上面 刺 啲 字 嘅 ，貪 好聽 ，就 叫做 打金印 。
噉佢哋 三個人 呢 ，又 飲咗 一陣 酒 ，陸虞侯 埋咗 單 ，三個人 出咗 酒店 就 分手 嘞 。
董超 同 薛霸 ，每人 分咗 五兩金 就 各人 攞返 去 屋企 ，攞齊 行李包裹 ，揸住 條 水火棍 ，走去 使臣 房 提咗 林沖 ，押 佢 起 行 咯 喎 。
當日 就 出咗 城 ，行咗 三十幾 里 路 就 歇腳 咯 。
宋朝 嘅 時候 ，但凡 啲 差人 押解 犯人 喺 旅店 住宿 呢 ，都 係 唔 收 房租 。
當晚 ，董超 、薛霸 帶住 林沖 搵 間 客店 住咗 一 晚 。
第二日 天光 ，起身 煮飯 ，食飽飯 ，就 跟住 去 滄州 條 路 起程 嘞 。
當時 正 係 六月天 ，已經 係 好 熱 。
林沖 初初 捱咗 嗰 廿板 都 仲 冇乜事 嘅 。
過後 呢 三幾日 ，因為 個 天口 啊 熱 ，棒瘡 即係 傷口 啊 吓 ，就 發起 上嚟 。
又 係 新 新 捱打 ， 行起 路 嚟 就 行 一步 押 一步 ， 好 辛苦 ， 行 唔 逳 咁 滯 。
薛霸 就 話 喇 ：咩 你 咁 大 個人 都 唔 懂事 ！
呢 度 去 滄州 呀 ， 成 二千 幾里路 㗎 嘛 ， 你 噉 樣行法 幾時 行 得到 啊 ？
小人 得罪咗 太尉 ，前幾日 ，啱啱 捱咗打 ，棒瘡 發作 ，
天氣 又 咁 熱 ，請 兩位 ，多多 擔待 。
董超 就 懶 好人 噉 話 喇 ： 得 喇得 喇得 喇得 喇 ， 你 慢慢 行 啦 ， 啊 ， 唔 好聽 佢 噏 。
薛霸 一路 行 一路 吟吟 沉沉 ，喺度 呻氣 話 ：
老爺 硬係 晦氣 係啦 ，撞着 你 呢個 衰神 ！
好喇 ，又 行咗 一日 嘞 ，當晚 三個人 又 搵 間 旅店 住 。
入到 房 ，兩個 差人 放低 條 水火棍 ，除低 個 包裹 。
林沖 亦都 除低 個 包裹 。
冇 等 嗰 兩 個 差人 開口 就 攞咗 啲 碎銀 出嚟 ，𠼮 個 店小二 買 咗 啲 酒肉 ，趯 咗 啲 米 ，整好咗 就 請 嗰 兩 個 差人 食 咯 喎 。
董超 、薛霸 呢 又 添咗 啲 酒 ，將 林沖 灌醉咗 ，醉到 林沖 呀 戴住 面枷 就 碌埋 一便 。
好喇 ，薛霸 就 煲咗 一大煲 滾水 ，倒咗 落 個 腳盆 處 就 嗌醒 林沖 話 ：
林教頭啊 ，洗咗 腳 先至 瞓啦 。
林沖 想 話 掙扎 起身 ，之嗰面 枷 礙 手 礙 腳 起唔到 。
薛霸 就 話 喇 ：嚟啦 ，等 我 幫 你 洗 啦 。
哎噉點得啊 ？
出門嘅人 邊度 計得 咁多 㗎 嚟 啦 ！
林沖 唔 知道 係 要 整鬼佢 ，就 伸出 對 腳 啦 。
畀 薛霸 捉住 一撳 ，撳咗 落 盆 滾水度 ，淥 到 林沖 哎呀 一聲 就 急急 縮返起 隻 腳 ，但係 已經 淥到 呀 又 紅 又 腫 。
林沖 話 ：哎 ，我 唔受得 啊 。
薛霸 就 話 喇 ：哼 ！只有 罪人 服侍 差人 嘅 啫 ，幾時 見過 有 差人 服侍 罪人 㗎 ？
好心 幫佢 洗腳 ，仲 嫌 冷 嫌 熱 喎 真係 好心 唔得 好報 好 頭戴 爛帽 。
吟吟 沉沉 足足 鬧咗 成 半晚 。
林沖 邊度 敢 出聲 吖 ，只有 自己 碌埋 一便 係 嘞 。
嗰 兩個 嘢 倒咗 嗰 盆 水 ，另外 打過 啲 熱水 嚟 洗腳 瞓覺 。
瞓 到 四 更 ， 旅店 其他 嘅 客人 都 未曾 起身 ， 薛霸 就 起身 煲 咗 熱水 洗面 ， 安排 煮飯 食 嘞 。
林沖 起得身嚟 ，覺得 頭暈 周身 唔自然 ，唔食得 又 行唔逳 。
薛霸 揸住 條 水火棍 ，一味 咁 催促 起程 咯 喎 。
董超 就 抵死 喇 ，佢 攞咗 對 新 草鞋 嚟 ，啲 耳 同埋 繩 都 係 用 麻 嚟 打 嘅 ，攞嚟 叫 林沖 着 噃 。
林沖 望 一望 自己 嗰 對 腳 ，陰功 咯 成 腳 都 起晒 皰 。
想話 搵 對 舊 嘅 草鞋 嚟 着 啦 ， 軟熟 啲 啦 噉 ， 之去 邊度 搵 呢 ？
冇辦法 ，夾硬着 呢對 新草鞋 係啦 。
叫 店小二 計 嗰啲 酒錢 ，找咗 數 ，兩個 差人 就 帶住 林沖 離開 客店 又 起程 。
呢陣 先至 係 五更天 。
林沖 行咗 唔到 兩三里 路 ，腳上面 啲 皰 ，畀 對 新 草鞋 就 刮 穿 晒 ，鮮血 淋漓 ，痛到 佢 啊 行唔逳 ，唉唉聲 。
薛霸 就 鬧 佢 話 ：行唔行 啊 ！仲唔行 我 就 大棍 湴 你 㗎 喇 吓 。
請你 方便 下 ，小人 點 敢 話 有意 怠慢 拖延 時間 呢 ？
實在 係 ， 實在 係 雙腳 痛得 好 交關 ， 行 唔 逳 呀 。
董超話 喇 ： 好 喇 好 喇 ， 我 扶住 你行 就 係 喇 啊 。
扶住 林沖 ，勉強 又 行咗 四五里 路 ，睇嚟 真係 冇辦法 再行 。
呢個 時候 ，前 便 係 一座 陰陰森森 嘅 樹林 ，煙 籠 霧 鎖 十分 險惡 。
呢座樹林 ，就 叫做 野豬林 ，係 由 東京 去 滄州 呢條路 上 ，第一個 險峻 嘅 地方 。
宋朝 嘅 時候 ，喺 呢座 樹林 裏 便 ，凡係 有 啲 冤仇 嘅 ，都 係 畀 咗 啲 黑錢 過 啲 差人 ，帶 到 嚟 呢度 ，都 唔知 整死 過 幾多 好漢 㗎 喇 。
今日 ，呢 兩個 差人 ，就係 帶住 林沖 行嚟 呢 一座 樹林 。
董超話 ：呢 ，五更 行到 而家 嘞 ，十里 都 行唔到 ，啊 好似 噉樣 呀 ，滄州 幾時 至 行得到 吖 ？
薛霸話 ：我 都 行唔逳咯 ，不如 喺 個 樹林 裏 便 唞 下 先 啦 。
三個人 入到去 樹林 ，解低咗 包裹 行李 就 擺咗 喺 樹腳 嚟 。
林沖 哎呀 噉 嗌咗 一聲 ，挨住 一樖 大樹 就 瞓低 。
嗰 兩個 差人 話 ：哎 行 一步 等 一步 ，我 唔 攰 都 行到 攰 啊 ，喺度 瞓陣 先 都 好 。
放低 條 水火棍 就 瞓 喺 樹腳 嚟 ，啱啱 瞇埋眼 又 出聲 。
林沖 問 佢哋 咩嘢事 啊噉 。
佢 哋 話 ： 我 哋 兩個 正話 想 瞓 返 一陣 ， 不過 呢 處 又 冇 關 冇 鎖 ， 聽下 畀 你 趯 咗 更 我 哋 點算 啊 ？
我哋 放心 唔落 所以 連 瞓覺 都 瞓唔安樂 咯 。
林沖 就 回答 話 ：小人 係 個 好漢 ，既然 判咗 充軍 ，我 一世 都 唔 走 。
薛霸 就 話嘞 ：係喇 ，邊度 信得過 你 噏吖 ？想 我哋 安心 瞓 就 要 綁住 下 你 至 得 。
兩位 話 要 綁 就 綁 ，小人 敢 話 唔 肯 咩 ？好啦 。
薛霸 攞 條 繩 嚟 ，將 林沖 連 手 帶 腳 又 連埋 嗰 面 枷 一齊 緊緊 噉 綁實 喺 樖樹 度 。
然後 同 董超 兩個 跳起身 ，攞起 水火棍 就 望實 林沖 話 ：
林沖 ，唔係 我哋 要 整死 你 。
喺 前日 嚟 嘅 時候 嗰個 陸虞侯 傳達 高太尉 嘅 命令 ，要 我哋 兩個 喺 呢處 整死 你 ，等住 個 金印 返去 回覆 。
就算係行多幾日 ，你亦係要死嘅 ，噉啊不如今日就喺呢度送你歸天嘞 ，益下我哋兩個快啲返去 。
嗱 ，唔好 埋怨 我哋 兩個 啊吓 ，呢啲 不過 係 上司 嘅 差遣 唔關 我哋 事 㗎 。
林沖 ，你 記住 啊嗱 ，明年 今日 ，就係 你嘅 周年 喇 。
林沖 聽 佢哋 噉 講 ，不禁 淚 如 雨 下 啊 ！
嘿 ，佢 話 ：我 同 你哋 兩位 ，往日 無冤 近日 無仇 ，你兩位 如果 救得 小人 ，生死 不忘 啊 ！
董超話 ：講咁多廢話做乜吖 ，唔救得你嘅 ！
薛霸 舉起 條 水火棍 ，向住 林沖 個 頭殼 就 要 劈落去 ！
究竟 林沖 生死 如何 呢 ？下次 再 講 。
